lhhestar

Fyrirkomulag sýningargreina á Landsmóti 2026

Fri, 08 May 2026 15:37:25 GMT

LM2026 í Skagafirði hefur gefið út fyrirkomulag sýningargreina á Landsmóti.

Boðið verður upp á B-flokk áhugamanna og A-flokk ungmenna sem sýningargreinar á LM.

Hér getur að líta reglur um fyrirkomulag, framkvæmd og þátttökurétt knapa í þessum flokkum á LM2026. Hestamannafélögin þurfa að bjóða upp á þessa flokka í sínum úrtökum til þess að eiga rétt á að senda fulltrúa til keppni í þeim á komandi landsmóti.

Að öðru leyti en fram kemur hér fyrir neðan fer val hrossa til þátttöku í þessum flokkum fram í gegnum úrtökur hestamannafélaganna samkvæmt lögum og reglum LH.

B-flokkur áhugamanna

• Knapar skulu vera í fullorðinsflokki, þ.e. 22 ára eða eldri.

• Hestur getur aðeins keppt fyrir eitt félag hvert almanaksár og þarf að vera í eigu félagsmanns í því félagi (Reglur um gæðingakeppni, gr. 3.1.).

• Ef skráðir þátttakendur ná ekki 25 þá fellur flokkurinn niður.

• Ekki verða teknir inn keppendur af stöðulista í þessum flokki.

• Knapi má einungis skrá einn hest til þátttöku í þessum flokki.

Sjá nánar í reglugerð um B-flokk áhugamanna . Athugið að úrtaka aðildarfélaga fyrir B-flokk áhugamanna skal fara fram með sérstakri forkeppni líkt og riðin er á Landsmóti.

A-flokkur ungmenna

• Einungis keppnispör sem ná gildum árangri í úrtöku síns félags, í A-flokki ungmenna eru gjaldgeng til þátttöku í flokknum.

• Sérstök forkeppni fer fram í A-flokki ungmenna og milliriðill. A-úrslit verða framkvæmd eins og úrslit í A-flokki. Fari þátttakendafjöldi yfir 50, verða að auki riðin B-úrslit.

• Keppendum í barna- og unglingaflokki er heimil þátttaka í þessum flokki (Reglur um gæðingakepni, gr. 7.4.4.).

• Ef skráðir þátttakendur ná ekki 25 þá fellur flokkurinn niður.

• Ekki verða teknir inn keppendur af stöðulista í þessum flokki.

• Knapi má einungis skrá einn hest til þátttöku í þessum flokki.

Þátttökuréttur í þessum flokkum miðast við fjölda félagsmanna sem skráðir eru í félagatali hestamannafélaga LH þann 15. apríl 2026. Aðildarfélög mega senda 1 keppanda fyrir hverja 250 félaga og svo framvegis.

Katla Gísladóttir nýr starfsmaður á skrifstofu LH

Fri, 01 May 2026 19:24:19 GMT

Katla Gísladóttir hefur verið ráðin til starfa á skrifstofu LH. Katla mun gegna 60% starfshlutfalli og verður starfsmaður mótamála hjá LH, starfar með keppnisnefnd og fleiri nefndum ásamt því að sjá um vefmiðla LH og fleiri verkefni.

Katla hefur stundað hestamennsku frá unga aldri og hefur fjölbreyttan bakgrunn í hestamennsku, er alin upp við hestatengda ferðaþjónustu þar sem jafnframt var stunduð hrossarækt og tamningar. Hún hefur lokið reiðkennaraprófi frá Háskólanum á Hólum og keppti mikið á hestum í yngri flokkum. Í dag stundar hún hestamennsku með fjölskyldunni sinni á svæði Hestamannafélagsins Spretts.

Katla hefur lokið BS í umhverfis- og byggingarverkfræði frá Háskóla Íslands og hefur unnið við hönnun og ráðgjöf varðandi brunavarnir og öryggismál sl. 10 ár. Katla gegndi stöðu varaformanns Hestamannafélagsins Spretts frá 2024 – 2026. Hún hefur unnið mikið að sjálfboðaliðastörfum tengt starfi hestamannafélaga, fyrst í Geysi en síðar í Sörla og Spretti og hefur mjög mikla reynslu af mótahaldi hestamannafélaga, rekstri, framkvæmd og regluverki móta.

„Ég hef mikinn áhuga á þessu starfi þar sem ég brenn fyrir málefnum hestamanna. Ég hef góða reynslu á mörgum hliðum hestamennskunnar, keppnisreglum og mótahaldi. Ég tel að reynsla mín bæði í starfi og í sjálfboðaliðaverkefnum muni nýtast vel í starfinu og hlakka til að starfa með hestafólki um allt land.“

Katla er boðin hjartanlega velkominn til starfa.

Aðrir starfsmenn skrifstofu LH eru Berglind Karlsdóttir framkvæmdastjóri og Hinrik Þór Sigurðsson afreksstjóri.

Þær breytingar hafa orðið á starfsmannahaldi LH að Hinrik hefur minnkað starfshlutfall sitt á skrifstofunni niður í 50% og mun eingöngu gegna starfi afreksstjóra en hann hefur einnig starfað við mótamálin.

Reiðkennarar, dómarar og annað fagfólk í hestamennsku...

Fri, 24 Apr 2026 09:41:12 GMT

Fyrir alla reiðkennara, dómara og annað fagfólk í hestamennsku...

Menntaráðstefna FEIF og LH í Skagafirði 23.-25.sept nk. – dagana fyrir Laufskálarétt !

Einstakt tækifæri til að kafa dýpra í reiðmennsku og þjálfun þar sem allskonar skiptingar eru aðalþema, svo sem gangskiptingar, hraðabreytingar, gangsetning og skeiðsetning.

Meðal kennara eru þrír tamningameistarar, þau Eyjólfur Ísólfsson, Mette Mannseth og Þórarinn Eymundsson einnig hin lifandi goðsögn, Árni Björn Pálsson.

Ráðstefnan er í samstarfi við Hólaskóla og munum við fá innsýn í tamningaferli sem og reiðkennslukerfi skólans.

Ekkert jafnast á við þann innblástur sem við fáum með þátttöku í skemmtilegum og fræðandi viðburði með vinum og kollegum úr greininni.

Þátttaka gildir til endurmenntunareininga fyrir Matrixu FEIF - Allt fer fram á ensku!

Ekki missa af – skráningu lýkur 15. maí! Opið fyrir alla en hugsað fyrir fagfólk í reiðmennsku og reiðkennslu.

Hér eru nánari upplýsingar og hér er hægt að skrá sig .

Greiðsla fyrir námskeiðið er í vefverslun LH .

***

For Riding Instructors, Trainers, Judges and other professionals in the Icelandic horse world..

FEIF & LH Education Seminar will be held in the beautiful Skagafjörður Sept. 23rd-25th 2026, t he days before the famous hourse round-up, Laufskálarétt !

Main Theme is Transitions!

Transitions between gaits

Transitions within gaits

Transitions at the start of training a gait- like tölt and pace

Fabulous teachers like Eyjólfur Ísólfsson, Mette Mannseth, Árni Björn Pálsson and Þórarinn Eymundsson amoung others, will lead us through an unique program of analysing, teaching and training transitions in all their froms.

The seminar is in cooperation with Hólaskóli Equine University and we will get an insight into their systems of training horses and educating students.

Everyting will be in English - Registration closes May 15th.

Don´t miss out! – More Info here and registration here.

Buy your ticket here .

Allra sterkustu - Takk fyrir stuðninginn

Wed, 15 Apr 2026 12:31:31 GMT

Takk fyrir stuðninginn

Kæru hestamenn, takk kærlega fyrir samveruna og samvinnuna á ALLRA STERKUSTU sem haldinn var í glænýrri og glæsilegri reiðhöll Hestamannafélagsins Sörla á Sörlastöðum þann 4. apríl. Bekkirnir í höllinni voru þétt setnir og viljum við þakka gestum fyrir komuna. Allra sterkustu er mikilvægasta fjáröflun landsliðsins fyrir Norðurlandamót og skiptir það sköpum fyrir afreksstarf LH að finna þenna mikla áhuga og stuðning úr greininni.

Viðburður eins og þessi gerist ekki af sjáflu sér. Að baki honum standa óteljandi klukkustundir sem sjálfboðaliðar ljáðu verkefninu, fyrirtæki sem lögðu til styrki, aðföng eða happdrættisvinninga og stóðhestaeigendur sem gáfu tolla í stóðhestaveltuna. Þá lögðu stjórn, skrifstofa, landsliðsnefnd, framkvæmdanefnd, landsliðsþjálfarar og landsliðsknaparnir sjálfir dag við nótt að undirbúa og framkvæma þennan glæsilega viðburð. Hjörvar Ágústsson og Hulda Gústafsdóttir voru þulir mótsins, dómarar frá HÍDÍ og GDLH gáfu vinnu sína og Jonni Kokkur sá um að enginn væri svangur.

Dregið hefur verið úr happdrættinu og má sjá vinningstölur hér .

Takk kærlega allir sem komu á staðinn eða studdu við viðburðinn með einhverjum hætti. Án ykkar væri þetta ekki hægt.

Eftirtalin fyrirtæki og einstaklingar lögðu lóð á vogaskálarnar:

Lífland
Top Reiter
Bláa lónið
OJK
Stóðhestaeigendur sem gáfu tolla
Boli
Esja
Garri
Nói Siríus
Ölgerðin
Kaffi Krókur
Hestamannafélagið Sörli
Eiðfaxi TV
Kaupfélag Skagfirðinga
Fána
Ástund
Horseday
Hótel Rangá
Landsmót 2026
Verdi
GDLH dómarar
HÍDÍ dómarar
Hjörvar Ágústsson, kynnir
Hulda Gústafsdóttir, kynnir
Jóhanna Magnúsdóttir, öryggisstjóri
Jón Ólafur Guðmundsson, kokkur
Meistaradeild Líflands
Drífa Dan skreytingar
Gestir, knapar og starfsfólk

Vinningsmiðar í happdrætti Allra sterkustu

Tue, 07 Apr 2026 12:50:11 GMT

Dregið hefur verið í happdrætti Allra sterkustu

Ljónheppinn gestur á Allra sterkustu vann TopReiter Unique hnakk sem Lífland og Topreiter gáfu.

Dregið hefur um aðra vinninga og h ægt er að sækja vinningana á Skrifstofu LH Engjavegi 6 í Laugardal, gegn framvísun happdrættismiðans gott er að gera boð á undan sér í síma 5144030.

Við viljum þakka styrktaraðilum happdrættisins kærlega fyrir ómetanlegan stuðning og öllum þeim sem keyptu miða.

Þeir sem keyptu miða í vefverslun hafa fengið miðana senda í tölvupósti.

Tollar í stóðhestaveltu landsliðsins seldust upp og hafa verið sendir í pósti til þeirra sem keyptu í vefverslun.

Vinningar eru á eftirtöldum númerum:

2191 HorseDay premium ársáskrift

2263 Bláa lónið gjafabréf - Comfort aðgangur fyrir tvo

2388 Hótel Rangá - gisting fyrir tvo, þriggja rétta sælkerakvöldverður og kampavínsmorgunverður

2534 Landsmót 2026 vikupassi

2555 HorseDay premium ársáskrift

2572 Ástund Ábreiða frá Tommy Hilfiger

2685 Protexin bætiefni frá Fána; Acid Ease og Quick fix

2914 Landsmót 2026 vikupassi

3001 Audevard bætiefni frá Fána; Hoof Biotine, Ekyflex Mobility, Myostem Protec

3036 Audevard bætiefni frá Fána; Hoof Biotine, Ekyflex Mobility, Myostem Protec

3206 Protexin bætiefni frá Fána; Acid Ease og Quick fix

3952 Bláa lónið gjafabréf - Premium aðgangur fyrir tvo

3963 Verdi 50.000 kr. gjafabréf

Stóðhestavelta landsliðsins heildarlisti hesta

Fri, 03 Apr 2026 18:29:13 GMT

Heildarlisti hesta í stóðhestaveltu landsliðsins

Miðasala í stóðhestaveltu landsliðsins hefst kl. 17.00, laugardaginn 4. apríl, á Sörlastöðum og í vefverslun LH !

Miðaverð er kr. 70.000, einn tollur er á hverjum seldum miða. Athugið að að girðinga-, hús-, eða sæðingagjald er ekki innifalið.

Við þökkum eigendum hestanna hjartanlega fyrir ómetanlegt framlag til styrktar landsliði Íslands í hestaíþróttum.

ÁFRAM ÍSLAND!

Heildarlisti hesta í stóðhestaveltunni, aðaleinkunn og eigendur:

Sindri frá Hjarðatúni 8,99 Einhyrningur ehf. / Bjarni Elvar Pétursson / Kristín Heimisdóttir
Þráinn frá Flagbjarnarholti 8,95 Þráinsskjöldur ehf.
Álfaklettur frá Syðri-Gegnishólum 8,94 Gangmyllan, Olil Amble, Bergur Jónsson
Kolskeggur frá Kjarnholtum 8,86 Magnús Einarsson
Atlas frá Hjallanesi 8,76 Atlasfélagið 1660 ehf
Seðill frá Árbæ 8,75 Maríanna Gunnarsdóttir
Gandi frá Rauðalæk 8,72 Dysterud Breeding AS
Frosti frá Hjarðartúni 8,70 Einhyrningur ehf. / Bjarni Elvar Pétursson / Kristín Heimisdóttir
Skýr frá Skálakoti 8,70 Guðmundur Jón Viðarsosn og Jakob Svavar Sigurðsson
Roði frá Lyngholti 8,69 Bergrún Ingólfsdóttir
Hylur frá Flagbjarnarholti 8,68 Heimahagi Hrossarækt ehf
Forkur frá Breiðabólsstað 8,67 Elísabet Halldórsdóttir / Ólafur Flosason
Valíant frá Garðshorni á Þelamörk 8,66 Ólafur Gunnarsson / Katla Sif Snorradóttir
Sindri frá Lækjamóti II 8,64 Guðmar Hólm Ísólfsson Líndal
Adrían frá Garðshorni á Þelamörk 8,63 Sigurður Örn Ágústsson, Sigurður Levy og Brynjólfur Stefánsson
Náttfari frá Varmalæk 8,62 Bo Hansen
Atli frá Efri-Fitjum 8,61 Magnús Andrésson / Tryggvi Björnsson
Glampi frá Skeiðháholti 8,60 Tanja Rún Jóhannsdóttir / Vilmundur Jónsson
Draupnir frá Kverk 8,59 Sigurþór Stefánsson
Agnar frá Margrétarhofi 8,59 Margrétarhof hf
Skugga-Sveinn frá Austurhlíð 2 8,58 Ólafur Gunnarsson / Kristín Sigríður Magnúsdóttir / Trausti Hjálmarsson
Feykir frá Stóra-Vatnsskarði 8,57 Dominik Mueser ehf
Tindur frá Árdal 8,57 Hannes Sigurjónsson / Inga Cristina Campos
Svartur frá Vöðlum 8,56 Ástríður Lilja Guðjónsdóttir / Margeir Þorgeirsson
Skuggi frá Sumarliðabæ 8,56 Svarthöfði-Hrossarækt ehf.
Gýmir frá Skúfslæk 8,55 Lárus Finnbogason
Kór frá Skálakoti 8,55 Guðmundur Jón Viðarsson
Ljósvaki frá Valstrýtu 8,54 Guðjón Árnason/Árni Björn Pálsson
Njörður frá Hrísakoti 8,54 Sif Matthíasdóttir
Suðri frá Varmalandi 8,53 Birna M. Sigurbjörnsdóttir / Sigurgeir F. Þorsteinsson
Svarti-Skuggi frá Pulu 8,53 Jóhann Kristinn Ragnarsson / Theódóra Þorvaldsdóttir
Viktor frá Hamarsey 8,53 Hannes Sigurjónsson / Inga Cristina Campos
Víkingur frá Hofi I 8,51 Austurás hestar ehf.
Safír frá Mosfellsbæ 8,51 Dhr. M. van Leeuwen / Mw. N. Hofkens
Spaði frá Fornusöndum 8,50 Finnbogi Geirsson
Kastor frá Garðshorni 8,48 Konráð Valur Sveinsson
Knár frá Ytra-Vallholti 8,47 Bjarni Jónasson / Anja Egger-Meier
Bylur frá Geitaskarði 8,46 Brynjólfur Stefánsson / Sigurður Örn Ágústsson
Sjafnar frá Skipaskaga 8,45 E. Alfreðsson slf.
Smári frá Sauðanesi 8,45 Daniel Gunnarsson
Kveldúlfur frá Fákshólum 8,45 Jakob Svavar Sigurðsson / Benedikt Þór Kristjánsson
Ísar frá Vatnsleysu 8,45 Hestar ehf.
Askur frá Holtsmúla 1 8,44 Miriam Dehnelt / Ásmundur Ernir Snorrason
Andvari frá Kerhóli 8,44 Austurás hestar ehf.
Sólstafur frá Bakkakoti 8,43 Hestvit ehf.
Kolgrímur frá Breiðholti, Gbr. 8,43 Boði ehf.
Loftur frá Kálfsstöðum 8,42 Kálfsstaðir
Dani frá Hjarðartúni 8,41 Anja Egger-Meier
Ljósálfur frá Syðri-Gegnishólum 8,41 Gangmyllan, Olil Amble, Bergur Jónsson
Álfaskeggur frá Kjarnholtum 8,40 Daniel Gunnarsson / G. Birnir Ásgeirsson
Abel frá Skáney 8,40 Haukur Bjarnason
Hengill frá Hestkletti 8,40 Austurdalur ehf, og Hestklettur ehf.
Króli frá Skipaskaga 8,39 Skipaskagi ehf. / Benjamín Sandur Ingólfsson
Hugur frá Hólabaki 8,38 Georg Kristjánsson, Sigurður Sigurðsson
Stormur frá Rauðalæk 8,38 Takthestar ehf.
Kjalar frá Hvammi I 8,37 Erna Óðinsdóttir / Helgi Kjartansson
Knörr frá Ketilsstöðum 8,37 Gangmyllan, Olil Amble, Bergur Jónsson
Vökull frá Efri-Brú 8,37 Hestar ehf.
Heiður frá Eystra-Fróðholti 8,36 Ársæll Jónsson
Eldur frá Bjarghúsum 8,35 Hörður Óli Sæmundsson / Jessie Huijbers
Fáfnir frá Miðkoti 8,35 Ólafur Þórisson / Sarah Maagaard Nielsen
Spennandi frá Fitjum 8,35 Ragnhildur Halldórsdóttir / Valdimar Bjarnason / Rósanna Valdimarsdóttir
Kóngur frá Flugumýri 8,34 Eyrún Ýr Pálsdóttir
Kvarði frá Hofi 8,34 Eline Manon Schrijver / Jón Gíslason / Viðar Ingólfsson
Þinur frá Enni 8,34 Ástríður Magnúsdóttir / Viktoría Huld Hannesdóttir
Fleygur frá Geitaskarði 8,32 Sigurður Örn Ágústsson
Gustur frá Efsta-Seli 8,32 Bertha María Waagfjörð og Einar Ingason
Viskusteinn frá Íbishóli 8,32 Elísabet María Jónsdóttir
Einir frá Enni 8,30 Finnbogi Bjarnason
Sigur frá Stóra-Vatnsskarði 8,29 Stóðhestaval ehf.
Hvarmur frá Brautarholti 8,28 Snorri Kristjánsson og Blesi ehf.
Leiknir frá Ásholti 8,27 Ólafur Brynjar Ásgeirsson
Eldjárn frá Syðri-Gegnishólum 8,24 Gangmyllan, Olil Amble, Bergur Jónsson
Dökkvi frá Bakkakoti 8,24 Róbert Bergmann
Kriki frá Krika 8,24 Hjörtur Bergstað
Kaldalón frá Kollaleiru 8,23 Heimahagi Hrossarækt ehf / Kristófer Darri Sigurðsson
Sproti frá Vesturkoti 8,21 HJH Eignarhaldsfélag
Skjóni frá Skálakoti 8,19 Kristján Einir Traustason
Stormur frá Dýrfinnustöðum 8,18 Björg Ingólfsdóttir
Fær frá Prestsbæ 8,17 Prestsbær ehf. og Hestklettur ehf.
Auður frá Geitaskarði 8,16 Sigurður Örn Ágústsson
Púls frá Lækjamóti 8,16 Arnarholt Tungusveit ehf
Amadeus frá Þjóðólfshaga 8,15 Sigurður Sigurðarson
Hraunar frá Litla-Garði 8,13 Georg Kristjánsson / Hestvit ehf.
Hvirfill frá Mánaskál 8,12 Atli Þór Gunnarsson / Kolbrún Ágúst Guðnadóttir
Skálkur frá Koltursey 8,09 Sara Sigurbjörnsdóttir
Röðull frá Haukagili Hvítársíðu 8,08 Ágúst Þór Jónsson
Friðmar frá Ísalæk 8,07 Silke Veith
Ljúfur frá Miklaholti 8,03 Þór Kristjánsson
Draumur frá Ísalæk 8,01 Silke Veith

Skuggi frá Sumarliðabæ er í stóðhestaveltunni ásamt fleiri gæðingum

Fri, 03 Apr 2026 13:55:11 GMT

Tollur undir Skugga frá Sumarliðabæ er í Stóðhestaveltunni

Allra sterkustu verður á Sörlastöðum í Hafnarfirði laugardagskvöldið 4. apríl nk. kl. 19.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Miðsala í stóðhestaveltunni verður á ALLRA STERKUSTU og á vefsíðu LH, miðaverð er 70.000 kr. Einn tollur er á hverjum seldum miða. Athugið að að girðinga-, hús-, eða sæðingagjald er ekki innifalið.

Miðasala hefst kl. 17.00, laugardaginn 4. apríl, á Sörlastöðum og í vefverslun LH!

Við kynnum næstu stóðhesta til leiks:

Skuggi frá Sumarliðabæ 8,56

Njörður frá Hrísakoti 8,54

Glampi frá Skeiðháholti 8,60

Vökull frá Efri-Brú 8,37

Suðri frá Varmalandi 8,53

Ísar frá Vatnsleysu 8,45

Ljúfur frá Miklaholti 8,03

Hvirfill frá Mánaskál 8,12

Kriki frá Krika 8,24

Amadeus frá Þjóðólfshaga 8,15

Aðrir hestar í stóðhestaveltunni eru:

Abel frá Skáney 8,40

Adrían frá Garðshorni á Þelamörk 8,63

Agnar frá Margrétarhofi 8,59

Andvari frá Kerhóli 8,44

Askur frá Holtsmúla 1 8,44

Atlas frá Hjallanesi 8,76

Atli frá Efri-Fitjum 8,61

Auður frá Geistaskarði 8,63

Álfaklettur frá Syðri-Gegnishólum 8,94

Álfaskeggur frá Kjarnholtum I 8,40

Bylur frá Geitaskarði 8,46

Dani frá Hjarðartúni 8,41

Draumur frá Ísalæk 8,01

Draupnir frá Kverk 8,59

Dökkvi frá Bakkakoti 8,24

Einir frá Enni 8,30

Eldjárn frá Syðri-Gegnishólum 8,24

Eldur frá Bjarghúsum 8,35

Fáfnir frá Miðkoti 8,35

Feykir frá Stóra-Vatnsskarði 8,57

Fleygur frá Geitaskarði 8,63

Forkur frá Breiðabólsstað 8,67

Friðmar frá Ísalæk 8,07

Frosti frá Hjarðartúni 8,70

Fær frá Prestsbæ 8,17

Gandi frá Rauðalæk 8,72

Gustur frá Efsta-Seli 8,32

Gýmir frá Skúfslæk 8,55

Heiður frá Eystra-Fróðholti 8,36

Hengill frá Hestkletti 8,40

Hraunar frá Litla-Garði 8,13

Hugur frá Hólabaki 8,38

Hvarmur frá Brautarholti 8,28

Hylur frá Flagbjarnarholti 8,68

Kaldalón frá Kollaleiru 8,56

Kastor frá Garðshorni á Þelamörk 8,48

Kjalar frá Hvammi I 8,37

Knár frá Ytra-Vallholti 8,47

Knörr frá Ketilsstöðum 8,37

Kolgrímur frá Breiðholti Gbr. 8,43

Kolskeggur frá Kjarnholtum I 8,86

Kóngur frá Flugumýri 8,34

Kór frá Skálakoti 8,55

Króli frá Skipaskaga 8,39

Kvarði frá Hofi 8,34

Kveldúlfur frá Fákshólum 8,45

Leiknir frá Ásholti 8,27

Ljósálfur frá Syðri-Gegnishólum 8,41

Ljósvaki frá Valstrýtu 8,54

Loftur frá Kálfsstöðum 8,42

Náttfari frá Varmalæk 8,62

Púls frá Lækjamóti 8,16

Roði frá Lyngholti 8,69

Röðull frá Haukagili á Hvítársíðu 8,08

Safír frá Mosfellsbæ 8,51

Seðill frá Árbæ 8,75

Sigur frá Stóra-Vatnsskarði 8,29

Sindri frá Hjarðartúni 8,99

Sindri frá Lækjamóti II 8,64

Sjafnar frá Skipaskaga 8,45

Skálkur frá Koltursey 8,09

Skjóni frá Skálakoti 8,09

Skugga-Sveinn frá Austurhlíð 2 8,58

Skýr frá Skálakoti 8,70

Smári frá Sauðanesi 8,45

Sólstafur frá Bakkakoti 8,43

Spaði frá Fornusöndum 8,50

Spennandi frá Fitjum 8,35

Sproti frá Vesturkoti 8,21

Stormur frá Dýrfinnustöðum 8,18

Stormur frá Rauðalæk 8,38

Svarti-Skuggi frá Pulu 8,53

Svartur frá Vöðlum 8,72

Tindur frá Árdal 8,57

Valíant frá Garðshorni á Þelamörk 8,66

Viktor frá Hamarsey 8,53

Viskusteinn frá Íbishóli 8,32

Víkingur frá Hofi I 8,51

Þinur frá Enni 8,34

Þráinn frá Flagbjarnarholti 8,95

Náttfari frá Varmalæk og fleiri góðir hestar í Stóðhestaveltunni

Thu, 02 Apr 2026 10:14:43 GMT

Tollur undir Náttfara frá Varmalæk er í Stóðhestaveltunni

Allra sterkustu verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Miðasala hefst kl. 17.00, laugardaginn 4. apríl, á Sörlastöðum og í vefverslun LH!

Við kynnum næstu 10 stóðhesta til leiks:

Náttfari frá Varmalæk 8,62

Tindur frá Árdal 8,57

Skjóni frá Skálakoti 8,09

Kaldalón frá Kollaleiru 8,56

Friðmar frá Ísalæk 8,07

Röðull frá Haukagili á Hvítársíðu 8,08

Kvarði frá Hofi 8,34

Skálkur frá Koltursey 8,09

Sjafnar frá Skipaskaga 8,45

Leiknir frá Ásholti 8,27

Aðrir hestar í stóðhestaveltunni eru:

Abel frá Skáney 8,40

Adrían frá Garðshorni á Þelamörk 8,63

Agnar frá Margrétarhofi 8,59

Andvari frá Kerhóli 8,44

Askur frá Holtsmúla 1 8,44

Atlas frá Hjallanesi 8,76

Atli frá Efri-Fitjum 8,61

Auður frá Geistaskarði 8,63

Álfaklettur frá Syðri-Gegnishólum 8,94

Álfaskeggur frá Kjarnholtum I 8,40

Bylur frá Geitaskarði 8,46

Dani frá Hjarðartúni 8,41

Draumur frá Ísalæk 8,01

Draupnir frá Kverk 8,59

Dökkvi frá Bakkakoti 8,24

Einir frá Enni 8,30

Eldjárn frá Syðri-Gegnishólum 8,24

Eldur frá Bjarghúsum 8,35

Fáfnir frá Miðkoti 8,35

Feykir frá Stóra-Vatnsskarði 8,57

Fleygur frá Geitaskarði 8,63

Forkur frá Breiðabólsstað 8,67

Frosti frá Hjarðartúni 8,70

Fær frá Prestsbæ 8,17

Gandi frá Rauðalæk 8,72

Gustur frá Efsta-Seli 8,32

Gýmir frá Skúfslæk 8,55

Heiður frá Eystra-Fróðholti 8,36

Hengill frá Hestkletti 8,40

Hraunar frá Litla-Garði 8,13

Hugur frá Hólabaki 8,38

Hvarmur frá Brautarholti 8,28

Hylur frá Flagbjarnarholti 8,68

Kastor frá Garðshorni á Þelamörk 8,48

Kjalar frá Hvammi I 8,37

Knár frá Ytra-Vallholti 8,47

Knörr frá Ketilsstöðum 8,37

Kolgrímur frá Breiðholti Gbr. 8,43

Kolskeggur frá Kjarnholtum I 8,86

Kóngur frá Flugumýri 8,34

Kór frá Skálakoti 8,55

Króli frá Skipaskaga 8,39

Kveldúlfur frá Fákshólum 8,45

Ljósálfur frá Syðri-Gegnishólum 8,41

Ljósvaki frá Valstrýtu 8,54

Loftur frá Kálfsstöðum 8,42

Púls frá Lækjamóti 8,16

Roði frá Lyngholti 8,69

Safír frá Mosfellsbæ 8,51

Seðill frá Árbæ 8,75

Sigur frá Stóra-Vatnsskarði 8,29

Sindri frá Hjarðartúni 8,99

Sindri frá Lækjamóti II 8,64

Skugga-Sveinn frá Austurhlíð 2 8,58

Skýr frá Skálakoti 8,70

Smári frá Sauðanesi 8,45

Sólstafur frá Bakkakoti 8,43

Spaði frá Fornusöndum 8,50

Spennandi frá Fitjum 8,35

Sproti frá Vesturkoti 8,21

Stormur frá Dýrfinnustöðum 8,18

Stormur frá Rauðalæk 8,38

Svarti-Skuggi frá Pulu 8,53

Svartur frá Vöðlum 8,72

Valíant frá Garðshorni á Þelamörk 8,66

Viktor frá Hamarsey 8,53

Viskusteinn frá Íbishóli 8,32

Víkingur frá Hofi I 8,51

Þinur frá Enni 8,34

Þráinn frá Flagbjarnarholti 8,95

Kolskeggur og fleiri stólpagæðíngar í Stóðhestaveltu landsliðsins

Wed, 01 Apr 2026 15:08:26 GMT

Tollur undir Kolskegg frá Kjarnholtum er í Stóðhestaveltunni

Allra sterkustu verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Miðasala hefst kl. 17.00 á laugardaginn á Sörlastöðum og í vefverslun LH!

Við kynnum næstu 10 stóðhesta til leiks:

Kolskeggur frá Kjarnholtum I 8,86

Auður frá Geistaskarði 8,63

Andvari frá Kerhóli 8,44

Dökkvi frá Bakkakoti 8,24

Kóngur frá Flugumýri 8,34

Kveldúlfur frá Fákshólum 8,45

Draumur frá Ísalæk 8,01

Púls frá Lækjamóti 8,16

Atli frá Efri-Fitjum 8,61

Bylur frá Geitaskarði 8,46

Aðrir hestar í stóðhestaveltunni eru:

Abel frá Skáney 8,40

Adrían frá Garðshorni á Þelamörk 8,63

Agnar frá Margrétarhofi 8,59

Askur frá Holtsmúla 1 8,44

Atlas frá Hjallanesi 8,76

Álfaklettur frá Syðri-Gegnishólum 8,94

Álfaskeggur frá Kjarnholtum I 8,40

Dani frá Hjarðartúni 8,41

Draupnir frá Kverk 8,59

Einir frá Enni 8,30

Eldjárn frá Syðri-Gegnishólum 8,24

Eldur frá Bjarghúsum 8,35

Fáfnir frá Miðkoti 8,35

Feykir frá Stóra-Vatnsskarði 8,57

Fleygur frá Geitaskarði 8,63

Forkur frá Breiðabólsstað 8,67

Frosti frá Hjarðartúni 8,70

Fær frá Prestsbæ 8,17

Gandi frá Rauðalæk 8,72

Gustur frá Efsta-Seli 8,32

Gýmir frá Skúfslæk 8,55

Heiður frá Eystra-Fróðholti 8,36

Hengill frá Hestkletti 8,40

Hraunar frá Litla-Garði 8,13

Hugur frá Hólabaki 8,38

Hvarmur frá Brautarholti 8,28

Hylur frá Flagbjarnarholti 8,68

Kastor frá Garðshorni á Þelamörk 8,48

Kjalar frá Hvammi I 8,37

Knár frá Ytra-Vallholti 8,47

Knörr frá Ketilsstöðum 8,37

Kolgrímur frá Breiðholti Gbr. 8,43

Kór frá Skálakoti 8,55

Króli frá Skipaskaga 8,39

Ljósálfur frá Syðri-Gegnishólum 8,41

Ljósvaki frá Valstrýtu 8,54

Loftur frá Kálfsstöðum 8,42

Roði frá Lyngholti 8,69

Safír frá Mosfellsbæ 8,51

Seðill frá Árbæ 8,75

Sigur frá Stóra-Vatnsskarði 8,29

Sindri frá Hjarðartúni 8,99

Sindri frá Lækjamóti II 8,64

Skugga-Sveinn frá Austurhlíð 2 8,58

Skýr frá Skálakoti 8,70

Smári frá Sauðanesi 8,45

Sólstafur frá Bakkakoti 8,43

Spaði frá Fornusöndum 8,50

Spennandi frá Fitjum 8,35

Sproti frá Vesturkoti 8,21

Stormur frá Dýrfinnustöðum 8,18

Stormur frá Rauðalæk 8,38

Svarti-Skuggi frá Pulu 8,53

Svartur frá Vöðlum 8,72

Valíant frá Garðshorni á Þelamörk 8,66

Viktor frá Hamarsey 8,53

Viskusteinn frá Íbishóli 8,32

Víkingur frá Hofi I 8,51

Þinur frá Enni 8,34

Þráinn frá Flagbjarnarholti 8,95

Breytingar á keppnisreglum taka gildi 1. apríl

Wed, 01 Apr 2026 12:51:08 GMT

1. apríl taka gildi breytingar á reglum sem samþykktar voru á FEIF þingi

Þann fyrsta apríl ár hvert gefa alþjóðasamtökin FEIF út uppfærða útgáfu af lögum og reglum með þeim breytingum sem samþykktar eru á ársþingi þeirra. Á vef LH má finna þýddar útgáfur af reglupakkanum ásamt yfirlitsskjali yfir þær breytingar sem orðið hafa fyrir keppnistímabil ársins. Þar má helst nefna miklar breytingar á reglum um spjaldanotkun og agaviðurlög, en kaflinn um spjaldanotkun og agaviðurlög er nú aðgengilegur sem sérkafli undir flipanum lög og reglur á síðu LH.

Þær breytingar sem orðið hafa falla ýmist undir Almennar reglur um keppni, Reglur um íþróttakeppni og svo fyrrnefndan sérkafla um Spjaldanotkun og agaviðurlög. Þar að auki hafa orðið nokkrar breytingar á leiðara fyrir íþróttadómara, en þýðing á uppfærðum leiðara er í vinnslu og von á að hann verði birtur uppfærður í íslenskri þýðingu fljótlega eftir páska.

Almennar reglur um keppni

Helstu breytingar sem orðið hafa á kaflanum Almennar reglur um keppni eru þær að nú verður það skylda að allir hestar sem mæta til keppni verða að vera örmerktir til þess að hægt sé að auðkenna þá.

Búnaður og notkun hans er alltaf í endurskoðun, sett var inn skerping á orðalagi varðandi staðetningu hnakks, sé hnakkur rangt staðsettur, hvort sem er of aftarlega eða framarlega, gjörð rangt staðsett og svo framvegis getur það leitt til viðurlaga.

Stilling reiðmúla var samræmd og allir reiðmúlar skulu þannig stilltir að bil milli nefólar og neflínu sé a.m.k. 1,5 cm.

Almennar reglur um keppni

Reglur um íþróttakeppni

Ógild sýning (grátt spjald)

Grátt spjald er nýtt í notkun og er gefið þegar framkvæmd sýningar er dæmd ógild. Það á við ef innkoma á völl er ólögleg, hestur fer úr braut, snúið við of oft, ekki hægt niður eftir sýningu o.s.frv. Hingað til hefur knapi hlotið rautt spjald fyrir slíkt, en héðan í frá eru rauð og gul spjöld einungis agaspjöld (sjá kafla um það hér að neðan).

Ítarefni um viðurlög vegna búnaðarskoðunar eru í kafla Í1.7. Þar kemur til dæmis fram að keppnispar er, eins og áður hefur verið, dæmt úr leik ef ekki er hægt að skoða hest sem valinn er til búnaðarskoðunar þrátt fyrir að gefinn hafi verið hæfilegur tími til þess að róa hann niður ásamt því að ef knapi mætir ekki í búnaðarskoðun sé allur árangur hans á mótinu ógildur. Brot á reglum um leyfðan búnað í keppni leiðir til ógildingar sýningar og önnur agaviðurlög geta átt við.

Afskráning úr keppni fyrir úrslit skal tilkynnt að minnsta kosti tveimur klukkustundum fyrir fyrstu úrslit í viðkomandi keppnisgrein en var áður ein klukkustund. Séu reglur um afskráningar brotnar fær knapi skráð á sig 2 rauð spjöld (sjá spjaldanotkun).

Reiðfærni/samband er atriði sem dómarar hafa í huga í gegnum alla sýningu í öllum greinum þar sem gefin er einkunn. Nú er komið í reglur að innkoma á hringvöll og skiptingar milli dómsatriða hafa áhrif á mat dómara á reiðfærni/samband.

Breytingar voru gerðar á kafla Í3.2 varðandi hlaupagæslumenn í kappreiðum, en hlaupagæslumenn skulu hljóta nauðsynlega þjálfun sem samþykkt er af LH. Þetta hefur í för með sér að einungis íþróttadómarar mega sitja í dómsætum þar sem krafist er dómara í kappreiðum en fylla má í önnur pláss með hlaupagæslumönnum í 150 og 250 m skeiði, sbr. mynd Í17.9 bls. 76.

Hæð og staðsetning vindmælis í skeiðkappreiðum er einnig gerð góð skil í uppfærðum reglum og litir á flöggum dómara og hlaupagæslumanna skulu vera rauð og hvít í stað rauðra og grænra sem áður var. Þess má geta að þessi ráðstöfun er gerð til þess að þeir sem þjást af litblindu geti gert greinarmun á lit flagga, en rautt og grænt flagg líta eins út hjá þeim sem þjást af þeim kvilla.

Keppnispör í öllum greinum skulu vera í mættir í upphitunarhring minnst 3 mínútum áður en áætlað er að knapi hefji keppni. Í skeiðgreinum skulu allir keppendur vera komnir með hesta sína í upphitunarhring þremur mínútum áður en viðkomandi keppnisgrein hefst, annars er keppnispar dæmt úr leik í greininni.

Á WR mótum þarf yfirdómari að vera með alþjóðleg dómararéttindi FEIF.

Reglur um íþróttakeppni

Kafli um spjaldanoktun agaviðurlög

Stærsta breytingin sem varð á keppnisreglum fyrir tímabilið er án efa ný og endurskoðuð reglugerð um spjaldanotkun og agaviðurlög.

Reglugerðina í heild sinni má lesa hér.

Knapar og þjálfarar/fjölskyldumeðlimir/vinir/einstaklingar sem þeim tengjast skulu ávallt sýna háttvísi og hlíta kurteisisvenjum. Brot á keppnisreglum, siðareglum og/eða ósanngjörn hegðun gætu fallið undir agaviðurlög.

Spjöld sem notuð verða eru:

Gult spjald; áminning
Rautt spjald; alvarleg áminning
Blátt spjald; heilbrigðisspjald
Grátt spjald; ógild sýning
Hvítt spjald; boðað til dómarafundar

Eftifarandi viðurlög má nota ein og sér eða saman vegna brota á reglum:

Áminning (knapi)
Alltaf tilkynnt af þul
Gæti verið skráð hjá LH
Gæti verið gert opinbert hjá Feif
Útilokun frá keppnisgrein eða hluta keppnisgreinar (keppnispar)
Brottrekstur af móti (knapi)
Keppnisbann (knapi)

Áminningar og keppnisbönn eru skráð og birt á heimasíðu LH og tilkynnt til FEIF innan tiltekins tíma. Gul og rauð spjöld sem gefin eru fylgja knapa yfir keppnistímabilið og leiða ítrekuð brot til keppnisbanns.

Sjá kafla um spjaldareglur og agaviðurlög

Leiðari í íþróttakeppni

Breytingar á leiðara fyrir árið 2026 innihalda breytingu á dómum á skeiði í fimmgangi F1 og F2, eldveggi þegar gult spjald er gefið, útskýringar á spjaldanotkun og afleiðingum þeirra ásamt uppfærðum upplýsingum um búnað.

Við dóm á skeiði í F1 og F2 er búið að bæta við merkingu (M2) 8 m lengra en blómapottarnir (M1) eru staðsettir. Hestur sem ekki er kominn á skeið við fyrri blómapott getur fengið skeiðeinkunn með 2 í frádrátt sé niðurtaka sein, en hann kominn á skeið við merkingu 2. Áður hefur verið gefið 0 í einkunn sé hestur ekki kominn á skeið við fyrstu merkingu. Þetta er talsverð breyting frá því sem áður var á dómum í skeiði í fimmgangi F1 og F2 og keppendur ættu að kynna sér vel.

Í leiðaranum eru reglur um reiðmúla og hnakka sem skýrðar eru hér að ofan útskýrðar enn frekar, ásamt því að spjöldin og afleiðingar þeirra og orsakir fyrir notkun eru skýrð ítarlega.

Uppfærður leiðari á heimasíðu FEIF

Landssamband Hestamannafélaga hvetur alla sem að mótahaldi koma, mótshaldara, dómara, knapa og aðstandendur að kynna sér reglupakkann ítarlega, fara vel yfir þær breytingar sem orðið hafa á reglum frá fyrra ári og hafa þær í huga inn í nýtt keppnistímabil.

Spurningum og vangaveltum um regluverkið er beint til skrifstofu LH, lh@lhhestar.is

Heildaryfirlit yfir breytingar á reglugerðum 2026

Fryst endurinnflutt sæði í Stóðhestaveltu landsliðsins!

Wed, 01 Apr 2026 08:56:39 GMT

Fryst sæði í stóðhestaveltu Landsliðs Íslands í hestaíþróttum

Á haustmánuðum 2025 hófst útflutningur á frystu sæði frá íslenskum stóðhestum til notkunar á erlendri grundu og upphófst mikil umræða í samfélagi hestafólks og ræktenda um það. Talsvert magn sæðis var flutt út til notkunar og fyrstu hryssurnar á erlendri grundu eru nú fylfullar við stóðhesta sem staðsettir eru á Íslandi.

Eftirspurn eftir íslensku, frosnu sæði úr Skýr frá Skálakoti og Þráni frá Flagbjarnarholti reyndist þó ekki eins mikil og ráð var gert fyrir og því er talsverður afgangur ónýttur af þessu sæði. Vegna þeirra nákvæmu ferla sem viðhafðir eru við útflutning og geymslu sæðisins var ekkert því til fyrirstöðu að flytja það heim aftur frá Evrópusambandslöndum en sæði sem staðsett er í Noregi og Sviss fellur undir aðrar reglugerðir.

"Þetta eru vissulega vonbrigði að eftirspurnin hafi verið minni en við reiknuðum með" sagði Guðmundur Viðarsson eigandi Skýs og bóndi í Skálakoti í samtali við fjölmiðlafulltrúa LH, "en ég er ekki af baki dottinn og útflutningur á frystu sæði mun hefjast að nýju næsta haust".

Eigendur Skýs og Þráins, hafa ákveðið að afgangssæði sem berst til landsins verði gefið í Stóðhestaveltu landsliðsins fyrir Allra sterkustu, 4. apríl nk. og kann afreks- og landsliðsnefnd LH þeim bestu þakkir fyrir.

Áhugasamir ræktendur geta því orðið sér út um fryst sæði úr þessum frábæru hestum á ótrúlegu verði því miði í Stóðhestaveltunni kostar 70.000 kr, en til þess að tryggja sér þessa tolla þarf að senda póst á landslidsnefnd@lhhestar.is , takmarkað magn er í boði.

*frétt þessi var birt 1. apríl*

Adrían og fleiri frábærir stóðhestar í Stóðhestaveltunni

Tue, 31 Mar 2026 10:02:27 GMT

Tollur undir Adrían frá Garðshorni á Þelamörk er í Stóðhestaveltunni

Tollur undir Adrían frá Garðshorni á Þelamörk er í Stóðhestaveltunni

Allra sterkustu verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Við kynnum næstu 10 stóðhesta til leiks:

Adrían frá Garðshorni á Þelamörk 8,63

Viskusteinn frá Íbishóli 8,32

Heiður frá Eystra-Fróðholti 8,36

Fleygur frá Geitaskarði 8,63

Fáfnir frá Miðkoti 8,35

Forkur frá Breiðabólsstað 8,67

Víkingur frá Hofi I 8,51

Safír frá Mosfellsbæ 8,51

Gustur frá Efsta-Seli 8,32

Kór frá Skálakoti 8,55

Skýr frá Skálakoti er í Stóðhestaveltu landsliðsins

Mon, 30 Mar 2026 09:25:34 GMT

Tollur undir Skýr frá Skálakoti er í Stóðhestaveltunni

Allra sterkustu sem haldið verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Við kynnum næstu 10 stóðhesta til leiks:

Skýr frá Skálakoti 8,70

Viktor frá Hamarsey 8,53

Spaði frá Fornusöndum 8,50

Stormur frá Rauðalæk 8,38

Stormur frá Dýrfinnustöðum 8,18

Eldjárn frá Syðri-Gegnishólum 8,24

Knörr frá Ketilsstöðum 8,37

Draupnir frá Kverk 8,59

Króli frá Skipaskaga 8,39

Askur frá Holtsmúla 1 8,44

Álfaklettur og fleiri gæðingar í Stóðhestaveltunni

Sat, 28 Mar 2026 10:22:40 GMT

Tollur undir Álfaklett er í Stóðhestaveltunni

Allra sterkustu sem haldið verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Við kynnum næstu 10 stóðhesta til leiks:

Álfaklettur frá Syðri-Gegnishólum 8,94

Smári frá Sauðanesi 8,45

Atlas frá Hjallanesi 8,76

Dani frá Hjarðartúni 8,41

Þinur frá Enni 8,34

Gandi frá Rauðalæk 8,72

Svartur frá Vöðlum 8,72

Kastor frá Garðshorni á Þelamörk 8,48

Hugur frá Hólabaki 8,38

Ljósálfur frá Syðri-Gegnishólum 8,41

Svarti-Skuggi og fleiri gæðingar í stóðhestaveltunni

Thu, 26 Mar 2026 10:20:19 GMT

Svarti-Skuggi og fleiri gæðingar í Stóðhestaveltu landsliðsins

Allra sterkustu sem haldið verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu.

LH þakkar stóðhestaeigendum stuðninginn.

Við kynnum næstu 10 stóðhesta til leiks:

Frosti frá Hjarðartúni 8,70

Loftur frá Kálfsstöðum 8,42

Sproti frá Vesturkoti 8,21

Gýmir frá Skúfslæk 8,55

Agnar frá Margrétarhofi 8,59

Svarti-Skuggi frá Pulu 8,53

Sigur frá Stóra-Vatnsskarði 8,29

Fær frá Prestsbæ 8,17

Seðill frá Árbæ 8,75

Álfaskeggur frá Kjarnholtum I 8,40

Sindri frá Hjarðartúni og næstu hestar í stóðhestaveltunni

Wed, 25 Mar 2026 10:17:45 GMT

Sindri frá Hjarðartúni og næstu hestar í Stóðhestaveltunni

Það styttist í stórsýningu landsliðs Íslands í hestaíþróttum, Allra sterkustu sem haldið verður á Sörlastöðum í Hafnarfirði laugardagskvöldið 4. apríl nk.

Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu. LH þakkar stóðhestaeigendum stuðninginn.

Miðsala í stóðhestaveltunni verður á ALLRA STERKUSTU og á vefnum, miðaverð er 70.000 kr. Einn tollur er á hverjum seldum miða. Athugið að að girðinga-, hús-, eða sæðingagjald er ekki innifalið.

Við kynnum næstu 10 stóðhesta til leiks:

Sindri frá Hjarðartúni 8,99

Roði frá Lyngholti 8,69

Kolgrímur frá Breiðholti Gbr. 8,43

Einir frá Enni 8,30

Eldur frá Bjarghúsum 8,35

Hylur frá Flagbjarnarholti 8,68

Knár frá Ytra-Vallholti 8,47

Sindri frá Lækjamóti II 8,64

Spennandi frá Fitjum 8,35

Kjalar frá Hvammi I 8,37

Stóðahestaveltan - skemmtilegasta fjáröflunin!

Mon, 23 Mar 2026 14:07:09 GMT

Stóðhestaveltan - skemmtilegasta fjáröflun sem um getur

Stórsýning landsliðs Íslands í hestaíþróttum, Allra sterkustu , verður haldið í nýrri og glæsilegri reiðhöll Hestamannafélagsins Sörla í Hafnarfirði laugardagskvöldið 4. apríl nk.

Miðsala í stóðhestaveltunni verður á ALLRA STERKUSTU og í vefverslun LH, miðaverð er 70.000 kr. Einn tollur er á hverjum seldum miða. Athugið að að girðinga-, hús-, eða sæðingagjald er ekki innifalið.

Við kynnum til leiks fyrstu hestana í Stóðhestaveltu landsliðsins 2026:

Þráinn frá Flagbjarnarholti 8,95

Valíant frá Garðshorni á Þelamörk 8,66

Sólstafur frá Bakkakoti 8,43

Abel frá Skáney 8,40

Skugga-Sveinn frá Austurhlíð 2 8,58

Hraunar frá Litla-Garði 8,13

Ljósvaki frá Valstrýtu 8,54

Hengill frá Hestkletti 8,40

Feykir frá Stóra-Vatnsskarði 8,57

Hvarmur frá Brautarholti 8,28

Vilt ÞÚ læra meira um gangskiptingar, gangsetningu og hraðabreytingar?

Mon, 23 Mar 2026 10:12:23 GMT

FEIF og LH halda Menntaráðstefnu í Skagafirði 23. – 25. sept. 2026

Menntanefndir FEIF og LH halda Menntaráðstefnu í Skagafirði 23. – 25. september 2026…dagana fyrir Laufskálarétt

Staðsetning: Ráðstefnan fer fram í Skagafirði, bæði í Svaðastaðahöllinni á Sauðárkróki og á Hólum í Hjaltadal

Ráðstefnan:

Meginþema ráðstefnunnar er gangskiptingar, gangsetning og hraðabreytingar.

Fræðslan verður í höndum þaulreyndra kennara þar sem þar sem horft verður til skiptinga á milli mismunandi gangtegunda, gangsetningu og skeiðþjálfun ungra hrossa. Einnig verður fjallað um hvernig reiðkennarar nálgast viðfangsefnið með nemendum sínum og hlutverk ásetu í þessum verkefnum. Ráðstefnan mun byggjast upp að mestu leiti á sýnikennslu, umræðum og fyrirlestrum um fræðin sem liggja þar að baki.

Kennarar og fyrirlesarar:

Fjölbreyttur hópur sem skipar heimsmeistara, meistarar FT og sérfræðinga úr fremstu röð. Hópurinn verður kynntur á næstu dögum.

Fyrir hverja ?

Ráðstefnan er hugsuð fyrir þjálfara og reiðkennara og gildir þátttaka sem símenntun fyrir Menntamatrixu FEIF og LH (16 einingar).

Dómarar sem og aðrir áhugasamir aðilar eru einnig velkomin.

Skráning :

Skráning stendur yfir og lýkur 5. maí.

10% afsláttur fyrir þá sem skrá sig fyrir 7. apríl.

Takmark á fjölda og fyrstir koma fyrstur fær.

Skráning HÉR!

Verð:

Verð er 60.000 kr. fyrir alla ráðstefnuna, miðvikudagseftirmiðdagur til hádegis á föstudegi. Innifalið er hádegismatur og kvöldmatur fimmtudeginum ásamt kaffi og léttum veitingum.

KAUPA MIÐA!

Vinsamlegast sendið kvittun á netfangið: gjaldkeri@lhhestar.is

Gisting:

Þátttakendur sjá sjálfir um gistipláss og gisting er ekki innifalin í ráðstefnugjaldinu.

Eftirfarandi tilboð standa þátttakendum til boða hjá Hótel Tindastóli á Sauðárkróki og er eingöngu hægt að bóka í gegnum eftirfarandi netfang: info@arctichotels.is

Hótel Tindastóll og Tindastóll Annex: Öll herbergi eru með sér baðherbergi og morgunverður innifalinn:

Eins manns herbergi : 26.000 kr. nóttin

Tveggja manna herbergi : 32.000 kr. nóttin

Þriggja manna cottage: 34.000 kr. nóttin

Þriggja manna deluxe : 46.000 kr. nóttin

550 Guesthouse – án morgunverðar.

Eins manns herbergi með sér baði: 15.000 kr. nóttin

Tveggja manna herbergi með sér baði: 19.000 kr. nóttin

Þriggja manna herbergi með sér baði: 23.000 kr. nóttin

Eins manns herbergi með sameiginlegu baði: 12.000 kr. nóttin

Tveggja manna herbergi með sameiginlegu baði: 17.000 kr. nóttin

Þriggja manna herbergi með sameiginlegu baði: 19.000 kr. nóttin

Ferðir:

Þátttakendur sjá um að koma sér til og frá Sauðárkróki en boðið verður upp á rútu á milli Sauðárkróks og Hóla á fimmtudeginum.

Við hlökkum til að sjá ykkur í Skagafirði í lok september!

Do YOU want to learn more about TRANSITIONS?

Sat, 21 Mar 2026 13:19:40 GMT

Education Committees of FEIF and LH invite you to an Education Seminar 23 ^rd to 25 ^th of September 2026

The Education Committees of FEIF and LH invite you to an Education Seminar 23 ^rd to 25 ^th of September 2026 … the days before Laufskálarétt horse roundup!

Venue: The seminar will take place in north-west of Iceland, the beautiful Skagafjörður. Main venue will be Svaðastaðahöllin, riding hall, in Sauðárkrókur, but we will also spend an afternoon in Hólar, the Equine University.

Seminar:

The main topic of the seminar will be TRANSITIONS !

With the help of some of our very best teachers we will look into various transitions between gaits, within gaits and starting tölt and pace training with young horses. We will also discuss how to teach transitions and what role the seat of the rider has in transitions. Extended practical sessions along with some theory parts about the science behind, will give us in-depth explanations and a unique experience with collegues from multiple countries.

Teachers:

We will have a selection of World Champions, Riding Masters and Akademics - all amazing teachers that will be introduced in the next days.

For whom ?

The seminar is aimed towards riding instructors within the FEIF Matrix and is valid as a full CPD of 16Units. However all judges are also welcome as well as other enthusiastic professionals in the field.

Please be aware that all lectuers will be held in english.

Registration :

Registration starts March 20 ^th and ends May 5 ^th .

Early bird 10% discount until April 7 th .

Limited spaces and first come first serve.

REGISTER NOW!

Cost:

Price is €410 or 60.000isk, for the whole seminar, Wednesday afternoon, whole Thursday and Friday morning, along with lunch and dinner Thursday and coffee and lighter snacks throughout.

Tickets are available on LH-website: BUY TICKET NOW!

You can also buy tickets with a transfer: IBAN IS210513260014487101693579

Pls. make sure to send a receipt to gjaldkeri@lhhestar.is

Accommodation:

Each participant is responsible for their own accommodation and it is NOT included in the seminar price. However the biggest accommodation providor in Sauðárkrókur offers special deal for participants of the Education Seminar – only bookable through this email: info@arctichotels.is with reference to the seminar.

Hotel Tindastóll and Tindastóll Annex: All rooms en suite and with breakfast included:

Single room: 26.000iskr/night

Double room: 32.000iskr/night

Cottage rooms 3 people: 34.000iskr/night

Deluxe for 3 people: 46.000isk/night

550 Guesthouse – no breakfast included.

Single room en suite: 15.000iskr/night

Double room en suite: 19.000iskr/night

Triple room en suite: 23.000iskr/night

Single room with shared bathroom: 12.000iskr/night

Double room with shared bathroom: 17.000iskr/night

Triple room with shared bathroom: 19.000isk/night

Travels:

Each participant organizes their own travels to and from Sauðárkrókur – however there will be buses that bring us from Sauðárkrókur to Hólar and back on Thursday afternoon.

We look forward to seeing you in Skagafjörður end of September for inspiring, fun filled and educational days with collegues and friends followed by a weekend of horsepacked activity for those that choose to stay a little longer!

Allra sterkustu - takið daginn frá!

Fri, 20 Mar 2026 14:17:54 GMT

Mikilvægasti fjáröflunarviðburður landsliðsins Allra sterkustu fer fram laugardaginn 4. apríl!

Mikilvægasti fjáröflunarviðburður landsliðsins, Allra sterkustu fer fram laugardaginn 4. apríl næstkomandi. Ekki missa af frábæru kvöldi með okkar allra sterkustu knöpum í frábærri stemningu í glænýrri og glæsilegri reiðhöll á Sörlastöðum í Hafnarfirði.

Dagskráin verður skemmtileg en meðal annars munu landsliðsknapar keppa til úrslita í tölti, fjórgangi og fimmgangi, stóðhestar og hryssur verða sýndar og U21 verður með glæsilega skrautreið.

Þá má ekki gleyma hinu geysivinsæla happadrætti þar sem til mikils er að vinna og rúsínunni í pylsuendanum – STÓÐHESTAVELTAN, en hver veit nema úr henni verði til framtíðar heimsmeistari?

Ekki láta þitt eftir liggja, komdu og njóttu gleðinnar og hjálpaðu liðinu að komast einu skrefi nær Gullinu á NM í Svíþjóð!

Miðasala hefst 24. mars í vefverslun LH!

LH auglýsir eftir starfsmanni á skrifstofu

Fri, 13 Mar 2026 15:44:18 GMT

Í boði er fjölbreytt og spennandi starf í skemmtilegu og lifandi umhverfi

Landssambands hestamannafélaga auglýsir eftir starfsmanni á skrifstofu. Leitað er að metnaðarfullum einstaklingi í 50-60% starfshlutfall. Í boði er fjölbreytt og spennandi starf í skemmtilegu og lifandi umhverfi í Íþróttamiðstöðinni í Laugardal.

Helstu verkefni

Tekur við almennum fyrirspurnum um allt sem viðkemur almennri hestamennsku og mótahaldi og kemur í ferli
Umsjón með vefsíðu og samfélagsmiðlum
Heldur utan um helstu verkefni er varða mótamál innan LH
Kemur að skipulagningu viðburða á vegum LH
Er starfsmaður keppnisnefndar, dómaranefndar og útbreiðslunefndar LH
Önnur tilfallandi verkefni

Reynsla

Áhugi og góð þekking á almennri hestamennsku
Áhugi og góð þekking á keppnisreglum og mótahaldi
Reynsla af vefumsjón og samfélagsmiðlum
Önnur reynsla sem nýtist í starfi

Hæfniskröfur

Framúrskarandi samskiptahæfni og skipulagshæfni
Jákvætt hugarfar
Frumkvæði, sjálfstæð og vönduð vinnubrögð skilyrði
Góð íslensku- og enskukunnátta og gott vald á rituðu máli
Háskólamenntun eða önnur menntun sem nýtist í starfi

Umsóknir skal senda á netfangið lh@lhhestar.is. Umsóknum skal fylgja ítarleg ferilskrá og kynningarbréf.

Umsóknarfrestur er til og með 31. mars nk.

Frekari upplýsingar veitir Berglind Karlsdóttir framkvæmdastjóri LH, s. 514 4030 berglind@lhhestar.is.

Menntaráðstefna LH og FEIF 2026

Tue, 10 Mar 2026 11:13:45 GMT

Menntaráðstefna LH og FEIF í Skagafirði í lok september – dagana fyrir Laufskálarétt!

Menntanefndir LH og FEIF halda Menntaráðstefnu í Skagafirði dagana 23.-25. september 2026 . Ráðstefnan hefst eftir hádegi miðvikudaginn 23. og endar um hádegi föstudaginn 25. september.

Meginþema ráðstefnunnar verður gangskiptingar og gangsetning ásamt hraðabreytingum.

Ráðstefnan gildir til endurmenntunareininga fyrir Matrixulista FEIF og ætti að vera viðurkennd sem símenntun hjá mörgum stéttarfélögum. Ráðstefnan er sérstaklega hugsuð fyrir starfandi reiðkennara og þjálfara, en einnig eru allir dómarar velkomnir sem og annað áhugasamt fagfólk í greininni.

Þetta er upplagt tækifæri til að taka nokkra daga í símenntun og skella sér svo í Laufskálarétt og tilheyrandi skemmtan um helgina.

Nánari upplýsingar koma á næstu dögum og skráning hefst 20. mars hjá skrifstofu LH.

EKKI missa af!

FEIF and LH Education Seminar in Iceland, sept.23 ^rd -25 ^th 2026 – save the date!

– just before Laufskálarétt horse round up!

The Education Committees of LH and FEIF are hosting an Education Seminar in Skagafjörður, north-west of Iceland, same area as Laufskálarétt roundup and just the days before.

It´s a unique opportunity to combine informative and inspiring CPD and fabulous fun with colleagues and friends in the stunning area of SKagafjörður!

The main theme will be TRANSITIONS – all kinds of them, including the start of tölt training, pace transitions and all the other ones, between gaits as well as within the gaits.

Fabulous teachers will be leading us in exploring all the various transition training and how to teach them.

The seminar is aimed towards riding instructors within the FEIF Matrix and is valid as a full CPD. However all judges are also welcome as well as other enthusiastic professionals in the field.

More information will be sent out in the next weeks and registration starts March 20 ^th !

Lágmörk á Íslandsmót fullorðinna og ungmenna 2026

Tue, 10 Mar 2026 10:04:25 GMT

Keppnisnefnd LH hefur samþykkt lágmörk fyrir Íslandsmót 2026

Keppnisnefnd LH hefur samþykkt lágmörk fyrir Íslandsmót 2026 sem haldið verður í Hafnarfirði 17.-21. júní. Lágmörkin haldast að þessu sinni að mestu óbreytt frá fyrra ári og við ákvörðunina er horft er til þess að keppendafjöldi sé svipaður og á undanförnum teimur Íslandsmótum. Undantekning eru þó tímar í 150m og 250m. skeiði í fullorðinsflokki sem eru rýmkaðir sökum þess að mótið er haldið fyrr í árinu en áður.

Lágmörkum inn á mótið þarf að ná á þessu keppnisári í löglegu utanhússmóti.

Lágmörk á Íslandsmót 2026 eru sem hér segir:

F1 Fimmgangur

Fullorðnir 6.80

Ungmenni 6.10

V1 Fjórgangur

Fullorðnir 7.00

Ungmenni 6.50

T1 Tölt

Fullorðnir 7.40

Ungmenni 6.60

T2 Slaktaumatölt

Fullorðnir 7.00

Ungmenni 6.20

PP1 Gæðingaskeið

Fullorðnir 7.10

Ungmenni 5.90

P2 100 m skeið

Fullorðnir 8.00 sek

Ungmenni 9.00 sek

P3 150 m skeið

Opinn flokkur 16.00 sek

Ungmenni 17.00 sek

P1 250 m skeið

Opinn flokkur 25.00 sek

Ungmenni 26.00 sek

Reiðkennaralisti FEIF uppfærður

Thu, 05 Mar 2026 13:02:27 GMT

Listi yfir virka reiðkennara á Íslandi hefur nú verið uppfærður á menntasíðu FEIF.

Samkvæmt reglum FEIF eiga allir reiðkennarar að taka þátt í símenntunarnámskeiði sem samþykkt er af sínu landssambandi til þess að vera skráður reiðkennari á reiðkennaralista FEIF (Matrix list). Enginn reiðkennari á að vera á listanum sem ekki uppfyllir kröfur um endurmenntun/símenntun.

Til að halda nafni sínu á reiðkennaralistanum gerir LH eftirfarandi lágmarkskröfur:

Á þriggja ára tímabili þarf að taka þátt í a.m.k. einu tveggja daga símenntunarnámskeiði sem er samþykkt af menntanefnd LH eða að lágmarki taka 16 símenntunareiningar (45 mín) samþykktar af Menntanefnd LH.
Til að komast aftur á listann þarf að fara á eitt opinbert símenntunarnámskeið samþykkt af Menntanefnd LH eða FEIF (16 símenntunareiningar)

Listi um gild símennuntarnámskeið er á vefsíðu LH, listinn yfir námskeið er ekki tæmandi og hægt er að sækja um vottun á öðrum námskeiðum til menntanefndar LH lh@lhhestar.is.

Kröfur um símenntun eru gerðar til að:

viðhalda gæðum reiðkennslu
stuðla að reglulegri uppfærslu þekkingar og hæfni reiðkennara
fylgja markmiðum FEIF um þjálfun hesta, reiðkennslu og hestavelferð
tryggja að svipuðum reglum sé fylgt og að sambærilegar kröfur séu gerðar í öllum FEIF löndum

Skila þarf inn staðfestingu á símenntun fyrir 1. feb. ár hvert og Skrifstofa LH sér um að uppfæra listann og senda til FEIF.

Ef reiðkennari finnur ekki nafn sitt á listanum, þrátt fyrir að hafa lokið endurmenntun, er viðkomandi beðinn um að senda póst á lh@lhhestar.is.

FEIF Youth Cup 2026

Wed, 04 Mar 2026 15:57:00 GMT

Umsóknarfrestur á Youth Cup er framlengdur

Hinn geysivinsæli viðburður FEIF Youth Cup (FYCup) 2026 fer að þessu sinni fram í Rieden í Þýskalandi dagana 13. til 19. júlí.

Viðburðurinn er fyrir knapa á aldrinum 14-17 ára á árinu sem vilja öðlast keppnisreynslu á erlendri grundu. Þetta er einnig frábært tækifæri til kynnast ungum og efnilegum knöpum frá öðrum löndum.

Áhersla FYCup er á teymisvinnu, íþróttamennsku, bætta reiðfærni og vináttu þvert á menningu. Ísland á sjö sæti á FYCup en umsóknarfrestur er til og með 29. mars .

Íslenskir keppendur fá leigðan hest á meðan á mótinu stendur sem æskulýðsnefnd LH hefur milligöngu um að útvega, einnig geta þátttakendur útvegað sér sjálfir hesta, með samþykki nefndarinnar. Íslenska hópnum mun fylgja fararstjórar úr Æskulýðsnefnd LH.

Þátttökukostnaður er €1015, innifalið í því er gisting, fæði, kennsla, hesthúsapláss og skráningargjöld á meðan FYCup stendur. Þess utan þarf að greiða fyrir leigu á hesti, flug og aðrar samgöngur til og frá mótsstað, fararstjórn og umframgistingu, þar sem hópurinn mun fara út 12. júlí til að prófa og para saman hesta og knapa og áætluð heimakoma er 20 júlí.

Sótt er um með því að fylla út umsókn á vef LH.

Frekari upplýsingar veitir formaður Æskulýðsnefndar LH, Dagbjört Hulda Guðbjörnsdóttir, aeska@lhhestar.is

Upptökur af knapafundum í Gæðingalist

Tue, 03 Mar 2026 10:41:55 GMT

Faghópur í Gæðingalist LH hélt tvo knapafundi fyrir keppendur í gæðingalist, sá fyrri var fimmtudaginn 26. febrúar og sá seinni mánudaginn 2. mars.

Á fyrri fundinum var fjallað var um reglur í gæðingalist og reglugerðarskjalið útskýrt, en þar má finna vægi æfinga, skilgreiningar á æfingum og leiðara. Farið var yfir atriði sem dómarar eru að horfa eftir og mikilvæg hugtök útskýrð. Að lokum var farið yfir myndbönd af nokkrum góðum sýningum í gæðingalist.

Upptaka af fyrri fundi, haldinn 26. febrúar 2026

Á seinni fundinum var farið yfir vægi æfinga og hvaða áhrif vægi hefur á einkunnagjöf, fjallað var um atriði í reiðmennsku sem dómarar horfa til og að lokum sagði afreksknapinn Jakob Svavar Sigurðsson frá því hvernig hann undirbýr sig fyrir keppni í Gæðingalist.
Upptaka af seinni fundi, haldinn 2. mars 2026

Reglur um Gæðingalist eru hér.

Landsmót hestamanna á samfélagsmiðlum

Mon, 02 Mar 2026 12:27:34 GMT

Flaskar Landsmótssíður á samfélagsmiðlum

Við viljum vekja athygli á því að óprúttnir aðilar hafa sett upp svindl síður (pages), prófíla (profiles) og hópa (groups) á samfélagsmiðlum og þá aðallega Facebook, í nafni Landsmóts hestamanna. Facebook-síða Landsmóts hestamanna er "like-síða" með um 17þúsund fylgjendum. Gott er að hafa í huga að síður sem senda vinabeiðnir eða búa til hópa eru ekki á vegum Landsmóts hestamanna 2026.

Rétta Facebook síða mótsins er Landsmót hestamanna og síðan sendir ENGAR vinabeiðnir til fólks.

Öll miðasala á Landsmót fer í gegnum miðasölu Tix .

Norðurlandamót 2026 í Svíþjóð

Mon, 02 Mar 2026 11:07:51 GMT

Norðurlandamótið 2026 fer fram í frábærri aðstöðu á Margaretehof í Everöd í Svíþjóð dagana 4-9 ágúst 2026.

Á NM er keppt í íþrótta- og gæðingakeppni í nokkrum aldursflokkum.

Norðurlandamót er heilmikill viðburður og er mikið kapp lagt í að mótið verði allt hið glæsilegasta og staðsetning þess þetta árið er afar hentug uppá ferðir og annað að gera. Margaretehof liggur rétt utanvið Kristianstad í Suður-Svíþjóð og er í um klukkustundar lestarferð frá flugvellinum í Kaupmannahöfn. Kristianstad er skemmtileg að heimsækja og hafa Íslendingar ætíð verið velkomnir þar þegar til dæmis handboltalandsliðið hefur verið að spila riðla sína á stórmótum og vel tekið á móti öllum.

Knapar sem hafa hug á því að keppa fyrir Íslands hönd á mótinu og eru ekki í landsliðshópum LH nú þegar geta látið vita af sér og sótt um á umsóknarforminu hér að neðan. Athugið að keppt er í unglinga- ungmenna- og fullorðinsflokkum í íþrótta- og gæðingakeppni og allir knapar sem keppa fyrir Íslands hönd falla undir reglur íslenska landsliðsins í hestaíþróttum.

Með umsóknum skulu fylgja upplýsingar um hestakost sem í boði er, helsta árangur knapa og hests ásamt almennum upplýsingum.

Stefnt er á að Ísland sendi 7 knapa í fullorðinsflokk , 10 ungmenni og 2-3 unglinga til leiks á mótinu.

Nánari upplýsingar má nálgast hjá landsliðsþjálfurum og afreksstjóra LH með því að senda póst á hinrik@lhhestar.is.

SÆKJA UM ÞÁTTTÖKU Á NORÐURLANDAMÓTI 2026

Framhaldsknapafundur fyrir knapa í gæðingalist

Sun, 01 Mar 2026 19:56:43 GMT

Haldinn verður annar knapafundur fyrir keppendur í gæðingalist

Eftir góðar undirtektir á knapafundi sem haldinn var 26. febrúar sl. heldur Faghópur um gæðingalist annan knapafund fyrir keppendur í gæðingalist.

Fjallað verður um ýmis dómsatriði í gæðingalist og fleiri atriði sem geta hjálpað við undirbúning fyrir komandi mót í gæðingalist.

Fundurinn fer fram á Teams, mánudaginn 2. mars kl. 19.00 og er opinn öllum áhugasömum knöpum í gæðingalist.

Hér er hlekkur á fundinn: https://teams.microsoft.com/meet/36192901005448?p=WVWKGecYnLfbitcRGB

Upptaka af knapafundi um gæðinglist

Fri, 27 Feb 2026 09:11:39 GMT

Faghópur um gæðingalist hélt opin fund um keppnisgreinina

Faghópur í Gæðingalist LH hélt opinn knapafund fyrir keppendur í gæðingalist.

Fjallað var um reglur í gæðingalist og reglugerðarskjalið útskýrt, en þar má finna vægi æfinga, skilgreiningar á æfingum og leiðara. Farið var yfir atriði sem dómarar eru að horfa eftir og mikilvæg hugtök útskýrð. Að lokum var farið yfir myndbönd af nokkrum góðum sýningum í gæðingalist.

Hér má finna upptöku af fundinum .

Reglur um Gæðingalist eru hér.

Knapafundur fyrir keppendur í gæðingalist

Tue, 24 Feb 2026 09:46:48 GMT

Faghópur um gæðingalist heldur knapafund fyrir keppendur í gæðingalist.

Fjallað verður um skilgreiningar á æfingum, reglur gæðingalistar og fleira sem getur hjálpað knöpum við að setja upp prógramm fyrir komandi mót í gæðingalist.

Fundurinn fer fram á Teams, fimmtudaginn 26. febrúar kl. 19.00 og er opinn öllum áhugasömum knöpum í gæðingalist.

Hér er hlekkur á fundinn: https://teams.microsoft.com/meet/3435774962828?p=X2lvuc9GnFBopzuWCW

Umsögn um frumvarp um sameiningu Hólaskóla og Háskóla Íslands

Wed, 18 Feb 2026 11:07:48 GMT

Fyri r Alþingi liggur frumvarp um háskólasamtæður sem felur í sér áform um sameiningu Háskóla Íslands og Háskólans á Hólum.

LH sendi umsögn til allsherjar- og menntamálanefndar Alþingis þar sem tekið er undir umsögn Bændasamtaka Íslands og lýsir LH yfir áhyggjum af áhrifum fyrirhugaðrar sameiningar á nám í hestafræðum á háskólastigi.

Háskólinn á Hólum gegnir lykilhlutverki í þróun íslenskrar hestamennsku og íslenskrar reiðmennsku á heimsvísu og er ómetanleg stoð fyrir atvinnugreinina um íslenska hestinn. Tryggja þarf að fagþekking Háskólans á Hólum í hestafræði varðveitist og að sjálfstæði og frekari uppbygging hestafræðideildarinnar sé tryggð.

Fagleg kennsla og rannsóknir í hestafræðum eru forsenda þess að íslenski hesturinn haldi stöðu sinni sem einn mikilvægasti sendiherra okkar Íslendinga og sem mikilvægur þáttur íslenskrar menningar, atvinnulífs og ímyndar.

Hægt er að nálgast innsendar umsagnir á vef Alþingis .

Breytingar á reglum um leyfðan búnað

Thu, 12 Feb 2026 11:13:20 GMT

Breytingar á reglum um leyfðan búnað

Á ársþingi FEIF sem fram fór í Búdapest í voru kynntar breytingar í regluverkinu um leyfðan búnað í keppni. Frá og með 1. apríl taka þessar breytingar gildi og hægt verður að nálgast þær inni á heimsíðu FEIF þegar þar að kemur.

Breytingar eru:

Pelham mél eru frá og með 1. apríl ekki leyfð til notkunar í keppni
Gúmmíhringir á mélum mega ekki vera vera stærri að þvermáli en beislishringirnir sjálfir og má aðeins hafa einn hvoru megin
Hálshringur/hálsband er ekki leyft til notkunar á upphitunarsvæði eða í keppni
Stilling reiðmúla – allar tegundir reiðmúla lúta sömu reglu og mega ekki vera þrengri en 1,5 cm
Til áréttingar tekur búnaðarnefnd FEIF fram að ef stangakeðja losnar eða dettur af á meðan á sýningu stendur hefur það engar afleiðingar gagnvart reglum

FEIF uppfærir listann yfir leyfðan búnað á komandi vikum og líkt og áður segir taka þessar reglur gildi þann 1. apríl næstkomandi og það er um að gera fyrir alla knapa og aðstandendur þeirra að kynna sér reglur um leyfðan búnað sérstaklega fyrir keppnistímabilið.

Þátttaka í mótum og félagsaðild

Wed, 11 Feb 2026 09:01:05 GMT

Keppnistímabilið er í þann mund að hefjast af fullum krafti á Landsmótsári og því er ekki úr vegi að hnykkja á þeim reglum sem gilda um félagsaðild keppenda á mótum á vegum LH.

Reglugerð um mótahald á Íslandi nær yfir þátttöku- og keppendareglur, en aðeins félagsmönnum hestamannafélaga er heimil þátttaka í opinberum mótum innan vébanda LH.

Keppnisrétt öðlast knapar er þeir hafa verið skráðir á félagaskrá hlutaðeigandi hestamannafélags. Keppandi getur aðeins tekið þátt í löglegum mótum í nafni eins hestamannafélags yfir keppnisárið. Það þýðir að skrái knapi sig til leiks og taki þátt í löglegu móti í nafni félags má hann ekki keppa fyrir annað félag á keppnisárinu (miðast við almanaksár).

Knapi sem er félagi í fleiri en einu félagi getur vissulega tekið þátt í óopinberum viðburðum á vegum hins félags síns, t.d. vetraruppákomum sem ekki eru skráð sem lögleg mót án þess að það hafi áhrif, en reglurnar um þátttöku gilda yfir lögleg opinber mót.

Í gæðingakeppni (fullorðinsflokkum) er það félagsaðild hesteiganda sem gildir, þ.e. eigandi hestsins þarf að vera skráður í viðkomandi félag þar sem hesturinn tekur þátt, í síðasta lagi þann dag sem skráningu lýkur á mótið.

Í yngri flokkum í gæðingakeppni (barna- unglinga- og ungmennaflokki) skal knapinn vera skráður í félagið sem keppt er hjá óháð félagsaðild hesteiganda.

Landssamband Hestamannafélaga hvetur alla keppendur til þess að hafa þessi atriði í huga strax í upphafi keppnistímabilsins og passa upp á að skrá sig sem þátttakanda fyrir það félag sem keppa á fyrir því við fyrstu skráningu ársins á löglegt mót hefur knapi bundið sig við það félag sem keppt er fyrir út keppnisárið.

Nánari upplýsingar og keppnisreglur má finna á heimasíðu LH.

Fréttir af FEIF þingi

Thu, 05 Feb 2026 14:19:35 GMT

Helgina 30 janúar til 1. febrúar fór fram ársráðstefna FEIF, alþjóðasamtaka um íslenska hestinn, í Búdapest í Ungverjalandi.

Í aðdraganda þingsins var haldinn aðalfundur þar sem aðildarþjóðirnar kusu rafrænni kosningu um þær tillögur sem lágu fyrir þetta árið og taka gildi 1. apríl nk.

Þingið var gott og gestrisnir Ungverjar tóku virkilega vel á móti fulltrúum þjóðanna með góðu skipulagi á ráðstefnunni. Buðu þeir upp á kynningu á menningu sinni og þjóð í hestaleikhúsi með íburðarmiklum sýningaratriðum og svo kvöldverð í siglingu á Dóná sem skilur borgarhluta Búdapest að. Ungverska sambandið á heiður skilinn fyrir móttökurnar.

Á þinginu fóru fram nefndarstörf og haldnir voru fræðsluerindi, m.a. um tæknifrjóvganir, Olil Amble og Dr. Susanne Braun fluttu erindi um mikilvægi gangskiptinga og Þorvaldur Kristjánsson fór yfir sögu WorldFengs í tilefni 25 ára afmælis gagnagrunnsins, sem á sér ekki hliðstæðu í hestaheiminum og er ótrúlega verðmætt gagn í allri starfssemi Íslandshestamennskunnar í heiminum.

Þær tillögur sem lágu fyrir aðalfundinum að þessu sinni snúa að mörgu leyti að kjarna íþróttarinnar með velferð hestsins, gagnsæi og skýrleika í huga og taka þær breytingar sem samþykktar voru gildi þann 1. apríl næstkomandi.

Ein viðamesta breytingin á regluverkinu að þessu sinni er nýr kafli um agareglur og viðurlög. FEIF tekur nú til notkunar nýtt spjaldakerfi sem er umfangsmeira og skýrara en það sem áður var, með lituðum spjöldum þar sem afleiðingar brota koma inn á einstakar sýningar og fylgja einnig knapanum yfir almanaksárið. Spjöldin verða eftir sem áður gul, rauð, blá og hvít en að auki hefur bæst við grátt spjald sem þýðir ógild sýning. Mistök í sýningu, skeifa fer undan, röng innkoma á völl og fleira varðar grátt spjald í stað þess rauða sem áður hefur verið. Gul og rauð spjöld eru agaspjöld sem notuð verða eftir atvikum. Nýtt er að öll gul eða rauð spjöld verða lesin upp og tilkynnt í hátalarakerfi móts, svo fer fram skráning spjalda og munu þau fylgja knapa út almanaksárið. Fái knapi opinbera viðvörun (gul spjöld frá 2 dómurum eða fleiri) þrisvar sinnum á keppnistímabilinu varðar það sjálfkrafa keppnisbann. Sama gildir um ef knapi fær rauð spjöld frá tveimur dómurum eða fleiri tvisvar sinnum yfir tímabilið. Gult spjald hefur einnig þær afleiðingar að hafa áhrif á einkunn í hringvallargreinum og gæðingaskeiði ásamt því að bæta við refsitíma í skeiðgreinum. Nánar verður skrifað og farið yfir þá reglugerð í sérstakri grein hér á síðunni á næstunni.

Breyting var gerð á reglum um afskráningu fyrir úrslit, þar sem tímamörkin við slíka afskráningu voru lengd úr 1 klst. í 2 klst. til þess að liðka fyrir því að þeir sem koma inn í úrslit geti undirbúið það betur en ella.

Nú er það skjalfest að skylda er að hafa hesta örmerkta sem taka þátt í keppni.

Staðsetning hnakksins hefur verið skýrð betur og röng staðsetning hnakks, hvort sem er að hann sé staðsettur of aftarlega eða of framarlega getur leitt af sér spjald og þar með viðurlög.

Skeifur úr öðru efni en hefðbundnar járnskeifur skulu vera áfastar (negldar eða límdar), allar fjórar úr sama efni og mega ekki vega meira en járnskeifur. Hófklossar (hoof boots) sem reimdir eru á hófinn eru ekki leyfðir.

Tímamörk til þess að fara inn í rásbása í skeiði hafa einnig verið lækkuð niður í eina mínútu frá því að þulur kallar hest í rásbás.

Í kappreiðaskeiði (150 og 250 m skeiði) hefur hlutverk og fjöldi hlaupagæslumanna verið skilgreint á skýrari hátt en áður og landssambandi hvers aðildarlands gert að tryggja nauðsynlega þjálfun þeirra sem sinna því hlutverki.

Í gæðingaskeiði hefur verið hnykkt á orðalagi og útfærslu í takt við lýsingu í leiðara um að til þess að komast í hæstu einkunnir fyrir niðurhægingu skal hestur vera kominn á fet við enda niðurhægingarkaflans.

Þar að auki mun útfærsla á dómum skeiðsýninga í fimmgangi taka nokkrum breytingum þar sem hægt verður að fá einkunn fyrir skeið þó svo að niðurtaka/gangskipting sé ögn sein, þó með frádrætti og aldrei hærri einkunn en 6,0 fyrir atriðið.

Góðar og ganglegar umræður voru í öllum nefndum og eins og áður segir mun frekari kynning á reglubreytingum og þýðingu þeirra fara fram sérstaklega hér á síðunni og á fundum með dómurum í aðdraganda komandi keppnistímabils.

Alls eru 84 knapar í afreksstarfi LH

Fri, 23 Jan 2026 11:19:24 GMT

Knapar í afreksstarfi LH eru fyrirmyndir annarra knapa og hver og einn er mikilvægur hlekkur í þeirri keðju sem afreksstarfið myndar.

Undanfarna daga hefur verið mikið um að vera í afreksmálum hjá LH. Landsliðshóparnir hafa nú verið kynntir með pompi og prakt, vel skipaðir hópar af framúrskarandi hestaíþróttafólki hvort sem er í A-liðinu eða U21. Báðir hóparnir eru með nýja þjálfara sem munu án efa leggja allt undir við að ná góðum árangri með sína knapa.

Vetrarstarfið er framundan hjá landsliðshópunum með ýmis konar fræðslu og viðburðum og undirbúningur er þegar hafinn af fullum krafti. Áhersla er lögð á heilbrigði, yfirsýn yfir hestinn í heild og haldið verður áfram að vinna með hugarfar knapans, markmið, skipulag og líkamlegt hreysti hans.

Hæfileikamótun LH er einnig á fullu og þar eru 42 ungir knapar á aldrinum 14-17 ára, en starfið í Hæfileikamótun er gríðaröflugt. Áhuginn, krafturinn og ekki síst hestakosturinn sem knaparnir í Hæfileikamótun búa yfir er magnaður.

Þess má geta að samanlagt í báðum landsliðshópum og Hæfileikamótun eru 84 knapar í afreksstarfi sambandsins auk þjálfara og starfsfólks. Þessir 84 knapar eru þar með hluti af þeirri vegferð sem framundan er í afreksmálum LH, knapar sem vinna að persónulegum markmiðum ásamt því að vera hluti af afrekstarfi LH. Allir þessir knapar eru afreksfólk í íþróttinni, fyrirmyndir annarra knapa og hver og einn er mikilvægur hlekkur í þeirri keðju sem afreksstarfið myndar.

Framundan er stórt ár þar sem Íslandsmótin og Landsmót hestamanna á Hólum eru stærstu viðburðirnir hér á landi og þar að auki verður Norðurlandamót íslenska hestsins haldið á glæsilegu mótssvæði á Margaretehof í Suður-Svíþjóð.

Margaretehof er staðsett á nálægð við Kristianstad, þar sem íslenska karlalandsliðið í handbolta hefur undanfarið leikið í riðlakeppni EM og Íslendingum hefur ævinlega verið tekið fagnandi í borginni. Það liggur því beint við að fjölmenna til Svíþjóðar í byrjun ágúst, fylgja íslenska liðinu og upplifa það besta sem hestamennskan á Norðurlöndum hefur upp á að bjóða.

Það má einnig segja að árið sé einskonar forleikur að því þegar íslenska landsliðið mætir til leiks á Heimsmeistaramótinu í Rieden í Þýskalandi árið 2027 þar sem við munum að venju standa í eldlínunni með okkar sterkustu knapa.

Áfram Ísland!

U21-landsliðshópur í hestaíþróttum 2026

Wed, 21 Jan 2026 19:40:30 GMT

U21- landsliðshópurinn er skipaður 19 af efnilegustu knöpum landsins

Sigvaldi Lárus Guðmundsson landsliðsþjálfari U21 landsliðs Íslands í hestaíþróttum hefur valið landsliðshóp sinn fyrir starfsárið 2026. Hópurinn var kynntur í verslun Líflands við Korputorg.

Norðurlandamót verður haldið í Svíþjóð í ágúst. Þar gefst ungum landsliðknöpum tækifæri til að ná sér í gríðarlega mikilvæga reynslu á alþjóðlegu móti, en svo verður markið sett á Heimsmeistaramót 2027 sem verður haldið í Rieden í Þýskalandi. U21-landsliðshópurinn er skipaður knöpum sem verða á árinu 17-21 árs, yngstu knapar hópsins eru því á síðasta ári í unglingaflokki en aðrir knapar í ungmennaflokki.

Heilmikið starf er framundan í hópnum og í samstarfi við A-landsliðshópinn verður boðið upp á ýmsa fræðslu í vetur. Hópurinn mun einnig taka þátt í fjáröflunarviðburðum landsliðsnefndar eins og Allra sterkustu sem verður haldið 4. apríl.

U21-landsliðshópurinn er firnasterkur og er skipaður eftirfarandi 19 knöpum:

Dagur Sigurðarson, Geysi

Eik Elvarsdóttir, Geysi

Elísabet Líf Sigvaldadóttir, Geysi

Elva Rún Jónsdóttir, Spretti

Eva Kærnested, Fáki

Fanndís Helgadóttir, Sörla

Gabríel Liljendal Friðfinnsson, Fáki

Guðmar Hólm Ísólfsson Líndal, Þyt

Guðný Dís Jónsdóttir, Spretti

Hekla Rán Hannesdóttir, Spretti

Herdís Björg Jóhannsdóttir, Spretti

Jón Ársæll Bergmann, Geysi, ríkjandi heimsmeistari

Kolbrún Sif Sindradóttir, Sörla

Kristín Eir Hauksdóttir Holaker, Borgfirðingi

Lilja Rún Sigurjónsdóttir, Fáki

Matthías Sigurðsson, Fáki

Ragnar Snær Viðarsson, Fáki

Sara Dís Snorradóttir, Sörla

Þórgunnur Þórarinsdóttir, Skagfirðingi

Til hamingju landsliðsknapar, þjálfari og hestafólk.

A-Landsliðshópur í hestaíþróttum 2026

Thu, 15 Jan 2026 18:31:54 GMT

Ísólfur Líndal A-landsliðsþjálfari Íslands í hestaíþróttum hefur nú tilkynnt A-landsliðshóp fyrir árið 2026.

Hópurinn er skipaður 24 úrvalsknöpum sem leggja upp í vegferð í átt að Norðurlandamóti í Svíþjóð á komandi sumri og svo HM í Rieden í Þýskalandi árið 2027.

Allar knapar í hópnum hafa náð framúrskarandi árangri í hinum ýmsu greinum, eru með spennandi og sterkan hestakost fyrir komandi tímabil og skýr markmið um árangur og þar með vakið athygli landsliðsþjálfara og fengið pláss í þessum A-landsliðshópi.

Í hópnum eru fjórir ríkjandi heimsmeistarar frá því á HM í Sviss síðastliðið sumar, þau Aðalheiður Anna Guðjónsdóttir sem er heimsmeistari í slaktaumatölti, Árni Björn Pálsson heimsmeistari í tölti, Kristján Árni Birgisson heimsmeistari í 100m og 250m skeiði ungmenna og Védís Huld Sigurðardóttir heimsmeistari í tölti og fjórgangi ungmenna.

Aðrir knapar í landsliðshópi LH 2026 eru:

Arnhildur Helgadóttir, Geysi

Ásmundur Ernir Snorrason, Geysi

Benjamín Sandur Ingólfsson, Geysi

Brynja Kristinsdóttir, Sörla

Daníel Gunnarsson, Skagfirðingi

Eyrún Ýr Pálsdóttir, Fáki

Flosi Ólafsson, Borgfirðingi

Guðmunda Ellen Sigurðardóttir, Sleipni

Guðmundur Björgvinsson, Geysi

Glódís Rún Sigurðardóttir, Sleipni

Gústaf Ásgeir Hinriksson, Geysi

Hanna Rún Ingibergsdóttir, Geysi

Hans Þór Hilmarsson, Geysi

Helga Una Björnsdóttir, Þyt

Jóhanna Margrét Snorradóttir, Mána

Jakob Svavar Sigurðsson, Dreyra

Sigurður Vignir Matthíasson, Fáki

Teitur Árnason, Fáki

Viðar Ingólfsson, Fáki

Þórarinn Eymundsson, Skagfirðingi

Titilverjendur:

Aðalheiður Anna Guðjónsdóttir, Herði

Árni Björn Pálsson, Fáki

Kristján Árni Birgisson, Geysi

Védís Huld Sigurðardóttir, Sleipni

Áhersla er lögð á að sterkustu knapar landsins á hverjum tíma séu hluti af landsliðshópnum sem kemur saman reglulega yfir árið, fær fræðslu og stuðning ásamt því að leggja heilmikið af mörkum við fjáröflun til þeirra stóru verkefna sem framundan eru hjá LH.

Til hamingju landsliðsknapar, þjálfari og hestafólk.

Fræðslufundur Hæfileikamótunar LH

Fri, 09 Jan 2026 10:27:30 GMT

Fræðslufundur Hæfileikamótunar LH

Fyrsti fræðslufundur vetrarins hjá Hæfileikamótun LH var haldinn í byrjun janúar. Á fundinn mættu um 40 unglingar og foreldrar þeirra og var þétt setið í fundarsal ÍSÍ í Íþróttamiðstöðinni í Laugardalnum. Þátttakendur af Norðurlandi hittust á fjarfundi í reiðhöll Léttis á Akureyri.

Yfirþjálfari Hæfileikamótunar, Sigvaldi Lárus Guðmundsson, fór yfir dagskrá vetrarins og tilgang og markmið verkefnisins, sem er að grípa okkar efnilegustu knapa í unglingaflokki, gefa þeim innsýn í metnaðarfullt afreksstarfið hjá LH og veita þeim stuðning og hvatningu til að verða afreksknapi. Einnig fjallaði hann um þann heiður sem því fylgir að vera valinn í hóp þeirra bestu í sínum aldursflokki og þá ábyrgð sem því fylgir, enda er horft til afreksknapa og þeir eru fyrirmyndir í íþróttinni. Einnig hvatti hann þátttakendur til nýta þau tækifæri sem verkefnið veitir þeim til að mynda tengslanet til framtíðar.

Afreksstjóri LH, Hinrik Þór Sigurðsson, hélt frábæran fyrirlestur um hugarþjálfun og mikilvægi þess að ná stjórn á huganum og stressi í þjálfun og keppni. Einnig fjallaði hann um samskipti innan hópsins og samskipti á samfélagsmiðlum. Hann bað þátttakendur um að hafa í huga að það sem þau skrifa á samfélagsmiðlum skapar þeim orðspor og að í verkefninu Hæfileikamótun bera þátttakendur virðingu fyrir hvort öðru og styðja hvort annað.

Að lokum hélt Patrekur Jóhannesson sérfræðingur hjá Afreksmiðstöð Íslands og fyrrverandi landliðsmaður og þjálfari í handbolta stuttan fyrirlestur. Hann mætti ýmsum erfiðleikum á sínum ferli og vildi hann minna á að velgengni er ekki bein lína upp á við. Þegar á móti blæs er mikilvægara en nokkru sinni að hafa stjórn á huganum og hafa úrræði til að ná stjórn á stressinu.

Þessir fyrirlestrar eru í takt við rauða þráðinn í starfi Hæfileikamótunar þetta árið, en áhersla verður lögð á hugarþjálfun í allri kennslu í vetur.

Þátttakendur í Hæfileikamótun í vetur eru 42 af okkar efnilegustu knöpum í unglingaflokki. Þeim er skipt upp í tvo hópa, eldri og yngri. Framundan eru vinnuhelgar hjá Eldhestum í Ölfusi, en hvor hópur um sig hittist á tveimur helgum á vorönn. Í apríl verður svo boðið upp á fræðsludag þar sem farið verður í heimsókn til einhverra af okkar fremstu afreksknöpum ásamt frekari fyrirlestrum.

Þátttakendur í Hæfileikamótun LH 2025-2026 eru:

Hópur 1:

Arnór Darri Kristinsson, Hringur

Árný Sara Hinriksdóttir, Jökull

Áróra Heiðbjört Hreinsdóttir, Léttir

Bertha Liv Bergstað, Fákur

Bryndís Anna Gunnarsdóttir, Geysir

Elísabet Líf Sigvaldadóttir, Geysir

Elsa Kristín Grétarsdóttir, Sleipnir

Erla Rán Róbertsdóttir, Sörli

Fríða Hildur Steinarsdóttir, Geysir

Gabríel Liljendal Friðfinnsson, Fákur

Greta Berglind Jakobsdóttir, Skagfirðingur

Hrefna Kristín Ómarsdóttir, Sprettur

Ísabella Helga Játvarðsdóttir, Hörður

Jóhanna Sigurlilja Sigurðardóttir, Sprettur

Jórunn Edda Antonsdóttir, Geysir

Kristín Eir Hauksdóttir Holaker, Borgfirðingur

Kristín Gyða Einarsdóttir, Sindri

Kristín María Kristjánsdóttir, Jökull

Loftur Breki Hauksson, Sleipnir

Sól Jónsdóttir, Snæfellingur

Sólveig Þula Óladóttir, Sörli

Unnur Rós Ármannsdóttir, Háfeti

Hópur 2:

Álfheiður Þóra Ágústsdóttir, Jökull

Ásthildur Viktoría Sigurvinsdóttir, Sörli

Elimar Elvarsson, Geysir

Elísabet Benediktsdóttir, Sörli

Emma Rún Sigurðardóttir, Jökull

Hákon Þór Kristinsson, Geysir

Hilmir Páll Hannesson, Sprettur

Íris Thelma Halldórsdóttir, Sprettur

Kári Sveinbjörnsson, Sprettur

Kristín Rut Jónsdóttir, Sprettur/Jökull

Linda Guðbjörg Friðriksdóttir, Geysir

Ragnar Dagur Jóhannsson, Sprettur/Geysir

Sigríður Elva Elvarsdóttir, Skagfirðingur

Sigríður Fjóla Aradóttir, Hörður

Sigurður Ingvarsson, Fákur

Svava Marý Þorsteinsdóttir, Jökull

Una Björt Valgarðsdóttir, Sörli

Viktor Arnbro Þórhallsson, Funi

Viktor Leifsson, Fákur

Ylva Sól Agnarsdóttir, Léttir

Kosning um FEIF-reiðkennara ársins

Wed, 07 Jan 2026 16:33:11 GMT

Kosning um reiðkennara ársins 2025 fer nú fram á heimasíðu FEIF.

Hekla Katharína Kristinsdóttir var valinn reiðkennari ársins á Íslandi og er því okkar fulltrúi í kosningunni.

Tilnefndir eru:

Frida Lindström (Svíþjóð)
Hekla Katharina Kristinsdóttir (Ísland)
Katariina Koskela (Finnland)
Michelle Goedhart (Holland)
Nicole Gerber (Swiss)
Pernille Wullf Harslund (Danmörk)

Kosning fer fram á vefsíðu FEIF og þar má finna frekari upplýsingar um tilnefnda.

Athugið að það þarf að skrá sig inn til þess að hægt sé að kjósa en það er einfalt og tekur það aðeins örstutta stund.

Nýr landsliðsþjálfari U21-landsliðsins í hestaíþróttum

Tue, 30 Dec 2025 11:15:54 GMT

Sigvaldi Lárus Guðmundsson hefur verið ráðinn landsliðsþjálfari U21-landsliðs Íslands í hestaíþróttum

Sigvaldi Lárus Guðmundsson hefur verið ráðinn landsliðsþjálfari U21-landsliðs Íslands í hestaíþróttum. Sigvaldi hefur starfað fyrir LH sl. 7 ár, fyrst sem einn af þjálfurum í Hæfileikamótun og síðar sem yfirþjálfari Hæfileikamótunar LH við frábæran orðstír fyrir gott utanumhald og eftirfylgni við unga afreksknapa.

Sigvaldi hefur stundað hestamennsku, tamningar og kennslu frá unga aldri og útskrifaðist með hæstu einkunn frá Háskólanum á Hólum. Hann starfaði sem kennari við Hólaskóla í 2 ár, við kennslu í Reiðmanninum hjá Landbúnaðarháskóla Íslands í 5 ár og hefur komið að æskulýðs- og keppnisstarfi í mörgum hestamannafélögum víðs vegar um landið. Sigvaldi var landsliðsþjálfari Bandaríkjanna á HM í Hollandi 2023 og þjálfari hjá landsliðsknapa í sama liði árið 2025.

Sigvaldi mun áfram gegna starfi yfirþjálfara Hæfileikamótunar fram til vors en þá mun verða leitað eftir nýjum yfirþjálfara í starfið.

Sigvaldi er boðinn velkominn til starfa sem U21 landsliðsþjálfari og við hlökkum til áframhaldandi samstarfs.

Jólakveðja frá formanni LH

Wed, 24 Dec 2025 10:01:24 GMT

Jóla- og nýárskveðja frá formanni LH

Árið 2025 hefur verið mjög viðburðaríkt hjá hestamönnum landsins ef marka má fréttir af viðburðum, ferðum, námskeiðahaldi, keppni, útgáfu fræðslumynda og bóka og svo mætti lengi telja.

Stjórn, starfsmenn og nefndir hjá Landssambandi hestamannafélaga hafa haft úr miklu að moða og það verður að segjast eins og er að það er ekki lognmolla í kringum hestafólk eða málefni tengdum hestum bæði innanlands sem erlendis.

Við byrjuðum árið með trompi þegar Sigurbjörn Bárðarson hlaut þann heiður að vera kosin í Heiðurshöll ÍSÍ. Það er fyrsta skipti sem hestamaður kemst í Heiðurshöllina og hann er auk þess sá fyrsti og eini sem hefur verið kjörinn Íþróttamaður ársins og það var árið 1993.

Það var mikil áhersla lögð á árinu í undirbúning fyrir Heimsmeistaramótið í Sviss þar sem bretta þurfti upp ermar og safna peningum til að senda fríðan flokk knapa og hesta á mótið. Með samhentum hópi í landsliðsnefnd og miklum stuðningi styrktaraðila náðist góður árangur við að fjarmagna ferðina sem stuðlaði svo að enn betri árangri landsliða okkar.

Allra sterkustu 2025 tókst mjög vel og voru atriðin sem sýnd voru frábær og stuðningur þeirra sem mættu, styrktu landsliðin okkar og keyptu folatolla er ómetanlegur. Við þökkum öllum sem tóku þátt og lögðu okkur lið, fyrir stuðninginn.

Stóra málið hjá stjórn LH á árinu var að snúa við taprekstri á rekstri sambandsins sem hefur verið viðloðandi seinustu árin og það tókst með samstilltu átaki starfsmanna og stjórnar.

Á vordögum leiddi stjórnin stefnumótun fyrir árin 2026 til 2030 og tóku félögin um landið virkan þátt og var þeirri vinnu svo framhaldið á formannafundi sem haldinn var í október. Stefnumótunin er á lokametrunum og verður kynnt vel á nýja árinu.

Við höfum unnið þétt að því að auka sýnileika okkar innan ÍSÍ og eitt skref í þá átt var að fá kjörinn fulltrúa hestamanna í framkvæmdastjórn ÍSÍ. Það var sögulegur viðburður þegar Þórdís Anna Gylfadóttir náði frábæru kjöri í stjórn með næstflestum fjölda atkvæða.

Við vorum virk í alþjóðlegu samstarfi bæði með Norðurlandaþjóðunum og FEIF, við mótuðum nýja stefnu í Landsliðsnefnd, réðum nýja þjálfara, opnuðum nýja vefsíðu, gerðum tilraun með teljara á reiðstígum, tókum þátt í umræðu um taðlosun og beittum okkur þar og svo mætti lengi telja.

Við erum að kveðja flott ár og hefja nýtt ár með öllum þeim spennandi verkefnum sem liggja fyrir. Gróskan er gífurleg í hestamennskunni á Íslandi hvort sem er í almennri reiðmennsku eða í keppni. Félögin í kringum landið eru mjög virk í námskeiðshaldi og eitthvað í boði fyrir alla. Reiðskólar sem eru grunnurinn af nýliðuninni blómstra og fimleikar á hestum er grein sem er að slá í gegn hjá börnum og unglingum.

Við erum að fara inn í stórt keppnisár þar sem Landsmót 2026 verður haldið að Hólum á vegum Skagfirðings, Íslandsmót fullorðinna hjá Sörla í Hafnarfirði og Íslandsmót barna og unglinga hjá Sleipni á Selfossi.

Við stefnum líka á að fara með sterkan hóp úr landsliðunum okkar á Norðurlandamótið sem verður haldið að Margrétarhofi í Svíþjóð í sumar. Við hlökkum til að sjá ykkur öll á þessum og öðrum mótum ársins.

En það eru einnig fjölmörg önnur verkefni sem liggja fyrir. Stóru málin hjá félögunum kringum landið eru skipulagsmál. Á mörgum stöðum og þá aðallega í þéttbýli er verið að þrengja að hestamannahverfunum og á öðrum stöðum er verið að þrengja að reiðleiðum og jafnvel verið að loka á þekktar þjóðleiðir. Hér er mikilvægt að félögin með stuðningi Landssambandsins myndi sterka heild til að verja hagsmuni hestamanna. Við verðum að standa saman og tryggja að sveitafélögin hafi okkur alltaf með sem umsagnaraðila þegar skipulag er rætt eða stendur til að breyta því.

Mig langar að lokum að þakka ykkur öllum fyrir þetta viðburðaríka ár. Þetta var fyrsta heila starfsárið mitt sem formaður og ég hef haft bæði ánægju og gleði að þvi að vinna að málefnum hestamanna vítt og breitt. Við erum með frábært starfsfólk og mjög sterka stjórn sem vinnur ötullega að hagsmunum hestafólks og hestamennskunar.

Ég óska ykkar gleðilegra jóla og farsældar á komandi ár. Ég hlakka til samstarfsins á nýja árinu og stóra ársins sem fram undan er. Höldum í gleðina, jákvæðnina og samheldnina.

Jóla- og nýárskveðja,

Linda Björk Gunnlaugsdóttir

Jólakveðja

Mon, 22 Dec 2025 09:42:59 GMT

Landssamband hestamannafélaga óskar öllum hestamönnum nær og fjær gleðilegra jóla og farsældar á nýju ári, með kærri þökk fyrir samstarfið á árinu.

Starfsfólk og stjórn LH

Reiðkennari ársins 2025 Hekla Katharína

Thu, 18 Dec 2025 09:53:16 GMT

Hekla Katharína Kristinsdóttir er reiðkennari ársins 2025

Menntanefnd LH hefur tilnefnt Heklu Katharínu Kristinsdóttur reiðkennara ársins 2025.

Þetta árið var lögð áhersla á ungu kynslóðina í valinu, eftir tilmælum frá FEIF sem á ársþingi sínu í lok janúar mun tilkynna Trainer of the year, sem kosinn hefur verið í netkosningu úr hópi tilnefndra frá aðildarlöndum.

Menntanefnd LH valdi að þessu sinni Heklu Katharínu Kristinsdóttur fráfarandi þjálfara U21 landsliðs Íslands í hestaíþróttum sem reiðkennara ársins á Íslandi.

Hekla kemur úr mikilli hestafjölskyldu og hefur verið virk bæði á keppnisbrautinni frá unga aldri, sem og sem reiðkennari alla tíð frá útskrift hennar á Hólum 2012. Hún rekur ásamt fjölskyldu sinni hestamiðstöð að Árbæjarhjáleigu og starfar alfarið sem hrossaræktandi, reiðkennari, tamningakona og þjálfari og kennir bæði á Íslandi og erlendis. Hekla hefur verið tilnefnd nokkrum sinnum innan Íslands til þessa titils enda bæði vinsæl og farsæl í sínu starfi. Þrátt fyrir ungan aldur hefur Hekla Katharina tilkomumikla ferilskrá sem inniheldur m.a. fjölda Íslandsmeistara- og Landsmótstitla, Heimsmeistaratitil og fjölmargar flottar kynbótasýningar. E innig hefur hún starfað sem reiðkennari við Háskólann á Hólum og reiðkennari við Reiðmanninn hjá Landbúnaðarháskóla Íslands.

Hekla Katharina hefur á sínum árum með U21 landsliðinu markað djúp spor í starf landsliðsins með fagmennsku og frábæru utanumhaldi. Árangur ungra knapa á stórmótum fyrir Íslands hönd undir stjórn Heklu hefur verið frábær, og er þar skemst að minnast þess að íslensk ungmenni úr liði henna unnu 7 af 9 mögulegum gullverðlaunum á Heimsmeistaramótinu í Sviss á árinu, og lögðu sannarlega sitt að mörkum við að endurheimta liðabikarinn sem kominn er í hendur Íslands á nýjan leik.

Hekla Katharína er frábær fulltrúi reiðkennara og þjálfara og hefur gert virkilega góða hluti við þjálfun ungra afreksknapa og hér með útnefnd Reiðkennari ársins á Íslandi 2025.

Til hamingju Hekla Katharína!

Nýr landsliðsþjálfari A-landsliðsins í hestaíþróttum

Tue, 09 Dec 2025 11:30:15 GMT

Ísólfur Líndal Þórisson hefur verið ráðinn landsliðsþjálfari A-landsliðs Íslands í hestaíþróttum

Ísólfur Líndal Þórisson hefur verið ráðinn landsliðsþjálfari A-landsliðs Íslands í hestaíþróttum. Ísólfur er hestamönnum víða um heim að góðu kunnur og hefur í gegnum tíðina náð góðum árangri á keppnisbrautinni í ýmsum greinum.

Snemma vakti Ísólfur athygli fyrir faglega framkomu og fagmennsku við þjálfun og kennslu. Hann útskrifaðist sem reiðkennari frá Hólaskóla árið 2005 og hlaut þar viðurkenningu fyrir reiðkennslu og hefur starfað við kennslu allar götur síðan.

Hann var valinn gæðingaknapi ársins 2013 og reiðkennari ársins hjá LH árið 2020. Hann starfar nú sem kennari við Háskólann á Hólum samhliða því að stunda hrossarækt á Lækjarmóti og reka tamningastöð ásamt fjölskyldu sinni á Staðarhofi í Skagafirði.

Hjá landsliðshópum Íslands eru heilmikil verkefni framundan, en landsliðin koma saman í fræðslu og ýmsum verkefnum yfir árið ásamt því að taka þátt á Norðurlandamótinu í Svíþjóð sumarið 2026 og Heimsmeistaramótinu í Rieden í Þýskalandi 2027.

Nýr landsliðshópur A-landsliðsins verður kynntur snemma á nýju ári og ljóst að Ísólfi bíður spennandi verkefni að setja saman og vinna með hópnum á komandi árum.

Atrennan að HM 2027 er hér með hafin og Landssamband Hestamannafélaga býður Ísólf velkominn til starfa og væntir mikils af samstarfi við hann með íslenska landsliðið.

Áfram Ísland

Takk sjálfboðaliðar!

Fri, 05 Dec 2025 13:52:58 GMT

Alþjóðlegur dagur sjálboðaliða 5. desember

Stór hluti hestamanna leggja sitt af mörkum í sjálfboðastarfi ár hvert í þágu síns hestamannafélags. Þetta er fólk á öllum aldri, úr öllum stéttum, með allskonar menntun og bakgrunn. Allt félagsstarf hestamannafélaganna er meira og minna borið uppi af sjálfboðaliðum sem leggja að mörkum óteljandi vinnustundir í störf í þágu hestamennskunnar. Þetta er til dæmis stjórnarfólk, nefndafólk, starfsfólk við mótahald og fólk sem sinnir hagsmunagæslu fyrir hestamenn á ýmsum vettvangi.

Við fáum seint nægilega þakkað öllum þeim sem leggja sínu hestamannafélagi lið og um leið hestamennskunni í heild sinni, og leggja að mörkum krafta sína og dýrmætan tíma í þágu hestamennskunnar.

Landssamband hestamannafélaga þakkar öllum sjálfboðaliðum hestamannafélaga ómetanlegt starf.

Með kveðju,

Linda Björk Gunnlaugsdóttir

formaður LH

Góðar og uppbyggilegar umræður á formannafundi LH

Fri, 14 Nov 2025 12:26:26 GMT

Form annafundur LH var haldinn laugardaginn 8. nóvember sl. Fundinn sóttu um áttatíu manns frá þrjátíu hestamannafélögum auk fulltrúa frá fastanefndum LH, dómarafélögunum og stjórn LH. Góðar og uppbyggilegar umræður urðu á fundinum sem stjórn LH tekur með sér í næsta starfsár og í undirbúning fyrir Landsþing 2026.

Formaður LH, Linda Björk Gunnlaugsdóttir, fór í ræðu sinni yfir þau mál sem hafa verið fyrirferðarmest í starfsemi LH á árinu ásamt því að tæpa á helstu verkefnum sem framundan eru. Það eru mörg og umfangsmikil verkefni á borði stjórnar hverju sinni og hefur mikill tími farið fyrsta starfsárið hjá nýrri stjórn í að endurskipuleggja og hagræða í rekstri sambandsins. Afreksmálin eru alltaf fyrirferðarmikil á HM ári í verkefnum skrifstofu og stjórnar og eru afreksmálin á ákveðnum tímamótum núna þar sem samningar við landsliðsþjálfara eru lausir.

Gjaldkeri LH, Ólafur Gunnarsson, fór yfir stöðu reikninga og uppfærðar fjárhagsáætlanir sem gera ráð fyrir á næstu tvö ár skili hagnaði en eins og áður kom fram hefur verið farið í hagræðingaraðgerðir á árinu í þeim tilgangi að snúa rekstri sambandsins til betri vegar.

Starfshópar sem skipaðir voru skv. samþykkt landsþings 2024 kynntu sína vinnu frá landsþingi. Starfshópur um Íslandsmót telur ekki þörf á að gera breytingar á keppnishluta mótsins en leita þurfi leiða til að gera viðburðinn Íslandsmót að stærri viðburði fyrir áhorfendur. Starfshópur um innanhússmót lagði fram tillögu fyrir fundinn um haldið yrði 2ja til 3ja daga Íslandsmót innanhúss í lok innanhússkeppnistímabilsins 2026 til reynslu. Fundurinn vísaði tillögunni til stjórnar til nánari útfærslu og mun stjórn kalla til framhaldsfundar formanna til frekari umræðna.

Æskulýðsbikar LH hlaut Hestamannafélagið Skagfirðingur og veittu yfirreiðkennari félagsins og formaður æskulýðsdeildar Skagfirðings bikarnum móttöku.

Fulltrúar frá hestamannafélögunum Mána, Hring, Funa, Herði, Freyfaxa og Sleipni sögðu frá sínum verkefnum og helstu áskorunum. Voru það virkilega áhugaverðar frásagnir því flest hestamannafélög eru að eiga við svipaðar áskoranir þó aðstæður hjá hverju félagi séu mismunandi.

Að loknum hefðbundnum fundarstörfum var fundinum skipt upp í þrjá umræðuhópa sem fjölluðu um stefnumótun, gjaldkerastörf og nýliðunar -og æskulýðsmál. Mikil umræða og góð vinna var í umræðuhópunum.

Í hópnum um stefnumótum urðu mjög líflegar umræður og margir snertifletir ræddir á hinum ýmsu málum og ljóst að það er heilmikið að vinna úr í framhaldinu. Fundinum var skipt upp í sex minni hópa sem fjölluðu hver um sig um ákveðna þætti í starfsemi LH, hvaða markmið skuli setja og hvernig skuli ná þeim. Stefnumótunarfundurinn var framhald af opnum stefnumótunarfundi sem haldinn var sl. vor með fulltrúum hestamannafélaganna.

Hópurinn um æskulýðs- og nýliðunarmál fjallaði um þátttöku stráka í hestamennsku, félagshesthús og almenna stöðu hjá félögunum. Margar hugmyndir komu upp og góðar umræður sköpuðust.

Í gjaldkerahópnum var rætt um samskipti við sveitarfélög, fjármál hestamannafélaga, félög í almannaheilaskráningu og fyrirmyndafélög ásamt styrkjum til hestamannafélaga.

Fjármál hestamannafélaganna eru almennt í góðum málum og faglega staðið að þeim en slíkt er algjör forsenda fyrir því að gott samtal geti átt sér stað við sveitarfélögin þegar kemur að styrkjamálum hins opinbera. Félögin voru einnig hvött til að skrá félagið á almannaheillaskrá en það er gott verkfæri þegar leitað er styrkja hjá almennum fyrirtækjum og veitir skattaafslátt á móti. Einnig voru félögin hvött til að hefju vinnu við að gerast fyrirmyndarfélag ÍSÍ og er það holl og góð vinna til að bæta starfshætti félagsins. Félög geta leitað til hvors annars um þau gögn sem þarf að skila og voru félögin hvött til að vinna þau saman.

Samhliða formannafundi var haldinn mótanefndafundur sem um tuttugu manns sátu, en fyrirhugað er að halda framahaldsmótanefndafund um næstu mánaðamót til að ræða frekar mótadagskrá ársins.

Stjórn LH þakkar formönnum hestamannafélaga í landinu og öðrum þátttakendum á formannafundi fyrir afar uppbyggilegar umræður sem munu nýtast vel á komandi starfsári.

Skýrsla stjórnar LH 2024-2025

Viðurkenningarskjal fyrsta heiðursfélaga LH afhent LH

Wed, 12 Nov 2025 12:55:26 GMT

Ættingjar fyrsta heiðursfélaga LH afhentu LH viðurkenningarskjalið til varðveislu

Fyrsti heiðursfélagi Landssambands hestamannafélaga var Ásgeir Jónsson frá Gottorp. Heiðursverðlaunin hlaut hann "í viðurkenningar- og þakklætisskyni fyrir frábær ritstörf um hesta og hestamennsku" og veitti þeim móttöku á ársþingi LH árið 1954.

Ættingjar Ásgeirs buðu LH Heiðursverðlaunaskjalið til varðveislu og á formannafundi LH 2025 veitti Linda Björk Gunnlaugsdóttir formaður LH skjalinu viðtöku úr hendi Steinsþórs Freys Steinþórssonar, Davíðs Árnasonar og Viktors Hrafns Einarssonar, en þeir eru afkomendur uppeldisdóttur Ásgeirs.

Skjalið er fallega skrautritað og undirritað af þáverandi stjórnarmönnum LH, þeim Steinþóri Gestsyni formanni LH, Pálma Jónssyni gjaldkera, Ara Guðmundssyni ritara, Kristni Hákonarsyni meðstjórnanda og Samúel Kristbjarnarsyni meðstjórnanda.

Ásgeir Jónsson fæddist á Þingeyrum í Húnavatnssýslu árið 1876 og lést í Reykjavík árið 1963, þar sem hann bjó síðustu árin.

Ásgeir varð búfræðingur frá Hólum 1905 og stundaði fram yfir þrítugt ýmis sveitastörf, einkum fjárhirðingu og tamningar hesta. Hann hóf búskap að Gottorp í Vestur-Húnavatnssýslu 1908-1942. Í Gottorp varð hann landsfrægur fyrir ræktun á fé og fór fé hans, Gottorpsféð, víða um land sem kynbótafé. Síðar var hann búsettur í Reykjavík til æviloka. Þar stundaði hann einkum ritstörf meðan heilsa hans leyfði. Eftir hann liggja bækurnar; Horfnir góðhestar I (1946) og Horfnir góðhestar II (1949), Samskipti manns og hests (1951) og Forystufé (1953).

Ásgeir varð riddari hinnar íslensku fálkaorðu 1952, heiðursfélagi Landssambands hestamannafélaga, Fáki í Reykjavík og Léttfeta í Skagafirði.

Kona hans var Ingibjörg Björnsdóttir (f. 31. mars 1886, d. 1970). Þau voru barnlaus en tóku nokkur börn í fóstur og ólu upp sem sín eigin.

Þau hjónin frá Gottorp eru jarðsett í steyptum heimagrafreit á jörðinni, við svokallað Kerlingarsíki sem gerður var árið 1963 og var það síðasti heimagrafreitur sem leyfi var veitt fyrir á Íslandi. Þar hjá var í Blesi, hinn frægi hestur Ásgeirs, heygður á staðnum þar sem hann stóð jafnan og horfði yfir til æskustöðvanna í Vatnsdalnum.

Stjórn LH er ættingjum Ásgeirs afar þakklát fyrir þessa merkilegu gjöf og verður skjalið innrammað og varðveitt á skrifstofu LH.

Gullmerki LH voru veitt á Uppskeruhátíðinni

Tue, 11 Nov 2025 14:18:15 GMT

Guðni Halldórsson og Kristinn Skúlason hlutu gullmerki LH

Á Up pskeruhátíð LH 2025 var þeim Guðna Halldórssyni og Kristini Skúlasyni veitt Gullmerki LH. Þeir félagar hafa unnið ötullega að framgangi hestamennskunnar á Íslandi markað spor í starfsemi LH og afreksmála í hestaíþróttum.

Landssamband hestamannafélaga þakkar þeim Guðna og Kristni fyrir sitt óeigingjarna starf og óska þeim til hamingju með gullmerkið.

Guðni Halldórsson fyrrv. formaður LH

Guðni Halldórsson hefur alla tíð verið öflugur og metnaðarfullur málsvari hestamennsku á Íslandi. Hann er alinn upp á Mýrum í Borgarfirði og hóf snemma þátttöku í félagsmálum. Á yngri árum sat hann í mótanefnd Faxa og í dómaranefnd HÍDÍ. Árið 2017, eftir nokkurt hlé frá félagsmálum, tók Guðni sæti í landsliðsnefnd LH fyrir hönd Félags hrossabænda og gegndi þar lykilhlutverki í uppbyggingu og faglegri stefnumótun afreksstarfsins.

Á árunum 2020 – 2024 gegndi Guðni starfi formanns Landssambandsins og leiddi samtökin af heilindum og festu. Hann vann ötullega að fjölbreyttum málum á borð við hestavelferð, öryggismál, afreksmál, samvinnu við stjórnvöld og alþjóðasamstarf. Guðni Halldórsson er jarðbundinn leiðtogi sem vinnur af einlægni og eldmóði. Hann er lausnamiðaður og traustur og hefur lagt mikið af mörkum til íslenskrar hestamennsku.

Guðni Halldórsson er vel að gullmerki LH kominn.

Kristinn Skúlason fyrrv. formaður landsliðsnefndar LH

Kristinn Skúlason hefur verið ómetanlegur kraftur í mótahaldi og afreksstarfi innan LH.

Árið 2010 stofnaði hann Gullmótið ásamt góðum félögum í Fáki. Gullmótið hafði það að markmiði að efla reiðfærni, reiðmennsku og samhæfingu. Mótið setti ný viðmið í umgjörð og verðlaunum og vakti mikla athygli fyrir gott skipulag og utanumhald. Kristinn gegndi starfi sem formaður Meistaradeildarinnar á árunum 2011 – 2015 og leiddi þar inn margar nýjungar sem settu keppnina á enn hærri stall. Beinar útsendingar, fagleg dómgæsla, sterkir samstarfsaðilar og margt fleira gerðu það að verkum að deildin blómstraði undir hans stjórn.

Á árunum 2017 - 2025 gegndi Kristinn Skúlason starfi formanns landsliðsnefndar. Þar lagði hann mikla áherslu á fagmennsku, samstöðu og virðingu fyrir hestamennsku sem íþrótt. Kristinn Skúlason er lausnamiðaður, áreiðanlegur og óþreytandi í starfi. Hann hefur lagt hjarta og sál í allt sem hann tekur sér fyrir hendur og á stóran þátt í að efla og lyfta íslenskri hestamennsku á hærra plan.

Kristinn Skúlason er sæmdur gullmerki LH

Haraldur Þórarinsson hlýtur heiðursverðlaun LH

Sun, 09 Nov 2025 20:15:25 GMT

Haraldur Þórarinsson er heiðursverðlaunum LH sannarlega verðugur

Haraldur Þórarinsson hlaut heiðursmerki LH á uppskeruhátíð hestafólks sem fram fór í Gamla bíó þann 8. nóvember. Linda Björk Gunnlaugsdóttir formaður LH veitti honum viðurkenninguna og flutti við það tilefni þessi orð:

Haraldur Þórarinsson hefur um áratugaskeið unnið ómetanlegt starf í þágu hestamennskunar. Hann var kjörinn í varastjórn LH frá 1995 - 1998, aðalstjórn frá 1998 - 2006 og gegndi síðan formennsku frá 2006 til 2014. Auk starfa í stjórn LH gegndi hann formennsku í hestamannafélaginu Sleipni á Selfossi á árunum 1991 - 1995 og var formaður Landsmóts ehf. frá 2008 - 2014.

Undir hans forystu voru mörg mikilvæg skref stigin í þróun og eflingu íslenskrar hestamennsku. Hann átti stóran þátt í sameiningu Landssambands hestamannafélaga og Hestaíþróttasambandsins undir merkjum ÍSÍ, stofnun Landsmóts ehf. og eflingu menntunar tengdri íslenska hestinum og festa hana í sessi innan íslenska menntakerfisins.

Haraldur vann jafnframt ötullega að því að tryggja rétt hestamanna til að ferðast um landið með því að hvetja hestamannafélög til að koma reiðvegum inn á aðalskipulag sveitarfélaga. Hann leiddi samstarf LH við Vegagerðina og Kortasjá, þar sem skráðar voru helstu reiðleiðir landsins. Með þessu var lagður traustur grunnur að skipulagi og vernd reiðleiða víðsvegar um landið.

Á formannstíð Haraldar voru mörgum nýjum og metnaðarfullum verkefnum hrundið af stað. Þar má nefna stofnun afrekshóps LH, þróun kerfisins Klár í keppni, skilgreiningu á gangtegundum íslenska hestsins og innleiðingu nýrra tölvukerfa í keppnishaldi. Þá átti hann frumkvæði að því að koma á verðlaunum fyrir þann ræktanda sem ræktaði bestu keppnishross ársins, viðurkenningu sem hefur síðan orðið fastur liður á uppskeruhátíð LH.

Haraldur lagði jafnframt ríka áherslu á að efla starf landsliðsins í hestaíþróttum, stuðla að samvinnu og fagmennsku innan samtakanna og efla leiðtogahlutverk Íslands innan FEIF og á Norðurlöndunum.

Haraldur Þórarinsson hefur með störfum sínum markað djúp spor í sögu Landssambands hestamannafélaga og lagt ómetanlegt framlag til framþróunar íslenskrar hestamennsku.

Haraldur Þórarinsson er heiðursverðlaunum LH sannarlega verðugur.

Skagfirðingur hlaut æskulýðsbikarinn

Sun, 09 Nov 2025 18:41:13 GMT

Gott æskulýðsstarf er grunnurinn að framtíð hestamennskunnar

Hinn eftirsótti Æskulýðsbikar Landsambands hestamannafélaga var afhentur á formannafundi LH þann 8. nóv. sl. Bikarinn er árlega veittur því félagi sem þykir hafa skarað fram úr í æskulýðsstarfi á liðnu ári. Valið byggir á innsendum æskulýðsnefndaskýrslum og er það æskulýðsnefnd LH sem hefur það verkefni að velja handhafa bikarsins. Bikarinn hefur verið afhentur frá árinu 1996 og er ein æðsta viðurkenning sem félögum geta hlotnast fyrir æskulýðsstarf sitt.

Gott æskulýðsstarf er grunnurinn að framtíð hestamennskunnar – því unga kynslóðin er framtíð greinarinnar.

Í ár bárust þrettán vandaðar og metnaðarfullar skýrslur. Það er alltaf ánægjulegt að sjá hversu fjölbreytt og öflugt starf fer fram hjá félögunum um allt land.

Félögin leggja áherslu á æfingar og námskeið, félagslíf og þátttöku barna – bæði með og án hesta.

Sérstakt ánægjuefni er að sjá fjölgun félagshesthúsa sem gera fleiri börnum kleift að njóta hestamennskunnar – jafnvel þó þau hafi ekki eigið bakland í greininni.

Sama má segja um vaxandi áhuga félaganna á hestafimleikum sem gefa börnum tækifæri til að kynnast hestinum á sínum forsendum og hestafimleikar krefjast jafnframt fárra hesta. Framtíð hestafimleika er björt en fyrsta hestafimleikamótið fór fram í sumar að frumkvæði Hestamannafélagsins Þyts sem hefur áralanga reynslu af þessari grein. Einnig er ánægjulegt að sjá fleiri félög bjóða upp á heilsvetrardagskrá og sýningar þar sem æskan fær að njóta sín og sýna það sem hún hefur lært.

Það er ávallt vandasamt verkefni að velja handhafa bikarsins. Tekið er mið af stærð félagsins, fjölbreytileika starfsins og því bolmagni sem raunverulega liggur að baki.

Hestamannafélagið Skagfirðingur í Skagafirði hlýtur Æskulýðsbikar LH 2025.

Skagfirðingur hefur sýnt mikinn metnað, frumkvæði og elju í starfi sínu. Félagið stendur fyrir fjölmörgum viðburðum allan veturinn og fram á sumar, býður upp á getuskipt námskeið fyrir börn allt niður í tveggja ára aldur og leggur áherslu á að öll börn fái að blómstra – hvort sem þau eru nýliðar, áhugaknapar eða keppnisknapar. Félagið stendur fyrir glæsilegri æskulýðssýningu, þar sem ungir knapar fá að sýna sig og hestinn sinn, og halda uppskeruhátíð fyrir æsku félagsins. Þau eru einnig dugleg til fjáröflunar, því slíkt starf kostar bæði tíma, elju og útsjónarsemi.

Félagstarf Skagfirðings einkennist af jákvæðni, samstöðu og sterkri framtíðarsýn. Sérstaklega vakti athygli frumleg lausn félagsins á félagshesthúsi þar sem börnin fengu að kynnast í verki þeirri ábyrgð sem fylgir því að halda hesta – og sjá til þess að þeim líði vel. Félagið telur rúmlega 600 félagsmenn og byggist á sterkum grunni eldri félaga sem sameinuðust árið 2016.

Eygló Gunnlaugsdóttir, formaður æskulýðsdeildar Skagfirðings og Unnur Rún Sigurpálsdóttir yfirþjálfari Skagfirðings veittu bikarnum móttöku úr hendi f ormanns æskulýðsnefndar LH, Dagbjörtu Huldu Guðbjörnsdóttur, með þeim á myndinni er formaður LH Linda Björk Gunnlaugsdóttir. Skagfirðingur sendi inn vandaða 17 blaðsíðna skýrslu sem lýsir vel metnaðinum sem er í æskulýðsstarfinu hjá félaginu.

Til hamingju Skagfirðingar!

Knapi ársins 2025 er Konráð Valur Sveinsson

Sun, 09 Nov 2025 11:15:27 GMT

Á Uppskeruhátíð LH voru krýndir knapar ársins 2025 og keppnishestabú ársins valið.

Að baki valinu er valnefnd sem er skipuðuð fjölbreyttum hópi og þar eiga fulltrúa stjórn LH, GDLH, HÍDÍ, FT og fjölmiðlar.

Knapi ársins 2025 er Konráð Valur Sveinsson

Konungur kappreiðanna á Íslandi þessi misserin er Konráð Valur, en hann átti frábært ár í skeiðgreinum.

Konráð setti á árinu heimsmet í 250 m skeiði, hann er tvöfaldur Íslandsmeistari í skeiðkappreiðum, vann tvo Reykjavíkurmeistaratitla og er einnig samanlagður sigurvegari skeiðleika Skeiðfélagsins.

Íþróttaknapi ársins 2025 er Ásmundur Ernir Snorrason

Ásmundur varð Íslandsmeistari í fjórgangi og samanlögðum fjórgangsgreinum á Hlökk frá Strandarhöfði, samanlagður Íslandsmeistari í fimmgangsgreinum á Aski frá Holtsmúla ásamt því að sigra fjölda greina á Reykjavíkurmeistaramóti. Hann náði þeim eftirtektarverða árangri á Hlökk að ríða oftar en einu sinni yfir 9 í meðaleinkunn bæði í T1 og T2 á árinu.

Skeiðknapi ársins 2025 er Konráð Valur Sveinsson

Konráð setti á árinu heimsmet í 250 m skeiði á Kastor frá Garðshorni þegar þeir félagar hlupu sprettinn á 21,06 sek á Íslandsmótinu í sumar. Konráð er þar að auki Íslandsmeistari í 100 m skeiði og 250 m skeiði ásamt því að hafa sigrað sömu greinar á Reykjavíkurmeistaramótinu. Hann er einnig samanlagður sigurvegari skeiðleika Skeiðfélagsins og þar með Ödershafinn 2025.

Gæðingaknapi ársins 2026 er Jakob Svavar Sigurðsson

Jakob sigraði B-flokk á Fjórðungsmóti Vesturlands á eftirminnilegan hátt á Kór frá Skálakoti með einkunina 9,24. Reiðmennska Jakobs geislar ávallt af fagmennsku og krafti.

Kristján Árni Birgisson og Védís Huld Sigurðardóttir eru efnilegustu knapar ársins 2025

Kristján Árni Birgisson

Kristján varð á árinu tvöfaldur heimsmeistari í ungmennaflokki þegar hann sigraði 100 m skeið og 250 m skeið á Kröflu frá Syðri-Rauðalæk. Hann varð einnig Íslandsmeistari í 100 m skeiði á Kröflu og gæðingaskeiði ungmenna á Súlu frá Kanastöðum.

Védís Huld Sigurðardóttir

Védís varð á árin tvöfaldur heimsmeistari í ungmennaflokki, í tölti og fjórgangi á Ísak frá Þjórsárbakka.

Hún sigraði einnig tölt og fjórgang á Íslandsmótinu á Ísaki.

Sérstök verðlaun fyrir framúrskarandi árangur í ungmennaflokki hlaut Jón Ársæll Bergmann

Jón Ársæll Bergmann varð á árinu þrefaldur heimsmeistari í ungmennaflokki á Hörpu frá Höskuldsstöðum. Hann sigraði fimmgang, gæðingaskeið og samanlagðar fimmgangsgreinar á mótinu ásamt því að ná frábærum árangri á fjölda móta hér á Íslandi sumarið 2025.

Keppnishestabú ársins 2025 er Strandarhöfuð

Strandarhöfuð hefur á undanförnum árum stimplað sig inn sem eitt af sterkustu ræktunarbúum keppnishrossa í hestamennskunni á Íslandi. Kórónan í ræktuninni er án efa Hlökk frá Strandarhöfði sem á árinu varð Íslandsmeistari í fjórgangi og samanlögðum fjórgangsgreinum auk þess að standa upp úr í töltsýningum í T1 og T2.

Fréttir af afreks- og landsliðsnefnd LH

Fri, 07 Nov 2025 14:32:23 GMT

Það er í mörg horn að líta í afreksmálum sérsambands af þeirri stærðargráðu sem Landssamband Hestamannafélaga er.

Nú á haustdögum hefur landsliðsnefnd LH unnið að skoðun afreksmálanna í heild sinni og fjölmargir komið að þeirri vinnu ásamt starfshópnum sem skipaður var til verksins af stjórn LH.

Samningar landsliðsþjálfaranna voru í gildi fram í lok september 2025 og runnu þar með sitt skeið og í kjölfarið hafa ýmsar hliðar afreksmálanna verið skoðaðar með það í huga að styrkja starfið enn frekar.

Afreks- og landsliðsnefnd hefur á þessum tíma unnið skýran ramma um afreksstarfið byggt á afreksstefnu LH og ÍSÍ, skilgreint verkefni og skyldur þjálfara landsliðanna ásamt verkefnum og skyldum afreksstjóra LH.

Þar að auki haf ýmsir verkferlar verið bættir innan afreksstarfsins og þeirra hópa sem starfrækir eru innan þess.

Valteymi var sett á laggirnar til aðstoðar þjálfurum hópanna við val í afrekshópa. Valteymið samanstendur af þjálfara hvers hóps ásamt formanni landsliðsnefndar og afreksstjóra LH. Valteymið aðstoðar við gagnaöflun, greiningu árangurs og undirbúning valferlis fyrir hópana og hefur ráðgefandi hlutverk. Landsliðsþjálfari/yfirþjálfari Hæfileikamótunar hefur þó endanlegt ákvörðunarvald um val í hópa sína og ber ábyrgð á því vali.

Hóparnir sem starfa undir afreksstarfi LH eru Hæfileikamótun LH, U21-landsliðið og A-landslið.

42 verðandi afreksknapar á aldrinum 14-17 ára voru á dögunum teknir inn í Hæfileikamótun LH sem samanstendur af tveimur hópum.

Sigvaldi Lárus Guðmundsson yfirþjálfari Hæfileikamótunar er fullur tilhlökkunnar inn í starfsárið sem hefst þegar fyrsti hópur fer námsferð að Hólum í komandi viku.

Svo verða vinnuhelgar eftir áramótin með eigin hest og tveir stórir fræðsludagar með sýnikennslum, fyrirlestrum og foreldrafundi.

Hvað landsliðin tvö varðar er það skýrt markmið landsliðsnefndar að sterkustu knapar landsins hverju sinni skipi landsliðshópa LH sem starfrækir eru yfir árið.

Landsliðsumgjörðin veitir hópunum reglulega fræðslu og utanumhald, vinnur að fjáröflunarmálum með ýmsum viðburðum og veitir knöpum hópanna tækifæri á að efla og styrkja sig sem afreksknapa árið um kring samhliða því að sinna íþróttinni á sínum heimavelli.

Því er það stefnan að landsliðshóparnir nái yfir afreksknapana okkar og eðli málsins samkvæmt þrengjast svo hóparnir þegar líður að stórmótum líkt og HM um þá knapa og hesta sem eru í baráttu um sæti í lokahóp og staðfest er hvaða hestar eru í boði inn í verkefnið.

Hlutverk hvers knapa þegar kemur að lokahóp fyrir stórmót skal vera skýrt og við kynningu lokahópa verða varaknapar tilkynntir og þeir hafa gríðarlega mikilvægt hlutverk alveg fram að brottför hrossa frá Íslandi á HM.

Nú vinnur afreks- og landsliðsnefnd að því að finna landsliðsþjálfara U21 og A-landsliðanna til starfa, og áhugasömum þjálfaraefnum er bent á að hafa samband við Sigurbjörn Eiríksson formann landsliðsnefndar landslidsnefnd@lhhestar.is eða Berglindi Karlsdóttur framkvæmdarstjóra LH berglind@lhhestar.is og láta þannig vita að sér.

Landsliðinu boðið á Bessastaði

Thu, 06 Nov 2025 18:28:44 GMT

Íslenska landsliðinu í hestaíþróttum var boðið til móttöku á Bessastöðum, þar sem forseti Íslands Halla Tómasdóttir og Björn bóndi hennar tóku móti hópnum. Tilefni boðsins var frábær árangur Íslenska landsliðsins á HM í Sviss sl. sumar en íslenska landsliðið hlaut alls 9 gullverðlaun á mótinu auk þess að vinna liðabikarinn, stigahæst liða á mótinu.

Mótakan var hin hátíðlegasta og var landsliðinu mikill heiður sýndur með því að vera boðið til hennar. Halla fór fögrum orðum um íslenska hestinn sem einn mikilvægasta sendiherra Íslands, því hvert sem hún færi bæri fljótlega á góma íslenski hesturinn og hans sérstaka lundarfar og gangtegundirnar fimm. Einnig hafði hún á orði hversu mikið afrek það væri að vinna liðabikarinn þar sem liðsheildin væri mikilvæg.

Svo var gestum boðið að rölta um hið merka hús á Bessastöðum, skoða listaverkin og gjafir hinna ýmsu þjóðhöfðingja í gegnum tíðina, sem prýða húsið. Að lokum var stillt upp fyrir hópmyndatöku á tröppunum á Bessastöðum í haustblíðunni.

Hæfileikamótun vetrarins að hefjast

Thu, 30 Oct 2025 12:30:01 GMT

Sigvaldi Lárus Guðmundsson yfirþjálfari Hæfileikamótunar LH næstu tvö árin

Það er gríðarlegt ánægjuefni að tilkynna að gengið hefur verið frá áframhaldandi ráðningu Sigvalda Lárus Guðmundssonar, til tveggja ára, sem yfirþjálfara Hæfileikamótunar LH, en hann hefur sinnt starfinu undanfarin ár við frábæran orðstír. Sigvaldi mun því áfram bera ábyrgð á kennslu og utanumhaldi í Hæfileikamótun LH og hafa með sér aðstoðarþjálfara úr efstu hillu íþróttarinnar hverju sinni á vinnuhelgum hópanna . Sigurbjörn Eiríksson formaður landsliðsnefndar og Sigvaldi Lárus hafa undirritað samning þess efnis.

Mikil aðsókn er í Hæfileikamótun LH, en rétt um 60 umsóknir bárust frá áhugasömum unglingum. Verða tveir hópar starfrækir þetta árið líkt og undanfarin ár. Valteymi Hæfileikamótunar LH vinnur nú í því að fara yfir allar umsóknir og umsækjendur mega gera ráð fyrir því að fá svar við umsókn sinni eftir komandi helgi.

Dagskrá Hæfileikamótunar LH verður að venju metnaðarfull og spennandi þar sem lykiláhersla er lögð á íþróttina og knapa sem íþróttafólk. Knapar fá aðstoð og fræðslu við skipulag þjálfunar, verklega kennslu og utanumhald ásamt því að kynnast afreksumhverfi íþróttarinnar.

Dagskráin hefst á helgarheimsókn að Hólum, þar sem iðkendur fá kennslu og kynningu á skólanum, verja helgi saman á ferðalagi með gistingu og öllu sem því tilheyrir, en hóparnir fara á Hóla eftirfarandi helgar:

Eldri hópur: 15.-16. nóvember
Yngri hópur: 29.-30. nóvember

Frekari fréttir af starfinu og dagskrá þess verða birtar þegar starfið hefst og umsækjendur eru beðnir að fylgjast vel með í næstu viku þegar umsónum verður svarað.

LH hlakkar til áframhaldandi samstarfs við Sigvalda Lárus og að fylgjast með framvindu okkar efnilegustu knapa í unglingaflokki.

Keppnishestabú ársins 2025 - tilnefningar

Mon, 27 Oct 2025 10:23:04 GMT

Keppnishestabú ársins verða heiðruð á Uppskeruhátíð hestafólks

Uppskeruhátíð hestafólks verður haldin 8. nóvember nk. í Gamla bíó og að vanda verða þar heiðruð þau keppnishestabú sem náð hafa hvað bestum árangri á árinu, auk þess sem knapar ársins hljóta viðurkenningu.

Miðasala fer fram í vefverslun LH.

Eftirfarandi ræktunarbú eru tilnefnd til keppsnishestabús ársins:

Garðshorn á Þelamörk
Íbishóll
Strandarhjáleiga
Strandarhöfuð
Þjóðólfshagi

Uppskeruhátíð hestafólks 2025 í Gamla bíó

Mon, 27 Oct 2025 09:53:05 GMT

Uppskeruhátíð hestafólks fer fram í Gamla Bíó laugardaginn 8. nóvember nk., þar sem hestafólk af landinu öllu kemur saman til að fagna frábæru keppnisári og heiðra þá sem skarað hafa fram úr.

Kvöldið verður í senn hátíðlegt og skemmtilegt. Veitingar verða í höndum LÚX veisluþjónustu, sem býður upp á dýrindis mat í takt við hátíðlega stemninguna í Gamla Bíó. Knapar ársins í hverjum flokki verða verðlaunaðir ásamt keppnishestabúi ársins og hljóta glæsilega verðlaunagripi úr smiðju Inga í Sign.

Að loknum kvöldverði og öðrum hefðbundnum dagskrárliðum mun Stuðlabandið halda uppi fjörinu fram eftir nóttu og tryggja alvöru partýstemningu.

Miðasala fer fram í vefverslun LH - takmarkaður fjöldi sæta í boði!!

Sjáumst 8.nóvember í Gamla bíó!

Íslandsmót ungmenna og fullorðinna 2026

Fri, 24 Oct 2025 10:22:33 GMT

Íslandsmót 2026 haldið 17. til 21. júní hjá Sörla

Íslandsmót ungmenna og fullorðinna verður haldið á félagssvæði Hestamannafélagsins Sörla í Hafnarfirði dagana 17. til 21. júní 2026.

Sumarið 2026 er landsmótsár og er Íslandsmótið nú tímasett á undan Landsmóti, er þetta tilraun til að gera mótinu hærra undir höfði. Í góðu samráði hestamannafélaganna Sörla, Fáks og LH hefur verið ákveðið að stærsta íþróttamót ársins, Reykjavíkurmót Fáks, verði haldið dagana 1. til 7. júní, til að skapa rými fyrir Íslandmót í júní. Þannig er það von allra sem að þessu koma að Íslandsmót njóti þess rýmis og þeirrar athygli sem slíku móti sæmir.

Lágmörk inn á Íslandsmót verða að venju gefin út af keppnisnefnd LH í febrúar nk. og skal árangur keppnispars miðast við annan mánudag áður en keppni hefst, skv. reglugerð um Íslandsmót, eða 8. júní.

Mótanefndir eru hvattar til að hafa dagsetningu Íslandsmóts og Reykjavíkurmóts í huga þegar niðurröðun úrtökumóta fyrir Landsmót er ákveðin.

Tilnefningar til knapaverðlauna 2025

Thu, 23 Oct 2025 12:48:42 GMT

Knapar ársins verða heiðraðir á Uppskeruhátíð hestafólks

Uppskeruhátíð hestafólks verður haldin 8. nóvember nk. í Gamla bíó og að vanda verða þar heiðraðir þeir knapar sem náð hafa hvað bestum árangri á árinu.

Keppnisárið 2025 var firnasterkt með mörgum frábærum mótum og sýningum og verður einstaklega spennandi að sjá hverjir munu hljóta hin eftirsóttu knapaverðlaun.

Tilnefnd til verðlauna eru;

Íþróttaknapi ársins:

Aðalheiður Anna Guðjónsdóttir
Árni Björn Pálsson
Ásmundur Ernir Snorrason
Helga Una Björnsdóttir
Jakob Svavar Sigurðsson

Gæðingaknapi ársins:

Daníel Jónsson
Gústaf Ásgeir Hinriksson
Hlynur Guðmundsson
Jakob Svavar Sigurðsson
Sigurður Sigurðarson

Skeiðknapi ársins

Árni Björn Pálsson
Hans Þór Hilmarsson
Ingibergur Árnason
Konráð Valur Sveinsson
Sigursteinn Sumarliðason

Efnilegasti knapi ársins

Guðmar Hólm Ísólfsson Líndal
Kristján Árni Birgisson
Sara Dís Snorradóttir
Védís Huld Sigurðardóttir
Þórgunnur Þórarinsdóttir

Knapi ársins

Allir tilnefndir í fullorðinsflokkum koma til greina

Framtíðarsýnin er skýr

Wed, 22 Oct 2025 13:15:32 GMT

Viðtal við nýjan formann Landsliðsnefndar um afreks- og landsliðsmál

Við hittum Sigurbjörn Eiríksson, nýjan formann landsliðsnefndar, og okkur lék forvitni á að vita hvernig fyrstu vikur hans í starfi hefðu gengið fyrir sig.

Hvað er að gerast í afreks- og landsliðsmálum í LH um þessar mundir?

Núna í haust stóðum við frammi fyrir því að samningar við þjálfara landsliðanna voru lausir. Það skapaði ákveðin tímamót þar sem við gátum horft á stöðuna í heild sinni og ákveðið að gefa okkur svigrúm til að endurskipuleggja bæði afreks- og landsliðsmálin frá grunni.

Ákveðið var að stofna sérstakan vinnuhóp sem starfar við hlið Landsliðsnefndar og hefur það hlutverk að fara í heildarskoðun á allri uppbyggingu, skipulagi og verklagi innan afreksstarfsins. Það er alveg ljóst að vel hefur verið unnið að þessum málum hingað til, en það er þó alltaf hollt að staldra örlítið við, fara ofan í saumana og skoða hvort að frekari tækifæri séu til að gera hlutina enn betur eða öðruvísi.

Hvernig hefur vinnunni miðað?

Vinnunni miðar vel, það er í mörg horn að líta og fjölmargar spurningar hafa komið upp í ferlinu. En framtíðarsýnin er skýr - við stefnum á áframhaldandi uppbyggingu og ná framúrskarandi árangri. Við erum að skoða öll afreksmálin í heild sinni, þá starfið í kring um Hæfileikamótun, U21-landsliðið og A-landsliðið. Það hafa komið upp spurningar hvort árangursríkara sé að fleiri aðilar komi að vali landsliðshóps, hvort fleiri en einn þjálfari þjálfi landsliðið eða hvort þjálfun beggja landsliðanna skuli vera á höndum eins þjálfara. Þetta eru aðeins nokkur dæmi af þeim atriðum sem við erum að vinna að, og þessi vinna heldur áfram á næstu dögum.

Hvenær má búast við að vinnuhópurinn ljúki störfum og niðurstöður liggi fyrir?

Þessi vinna þarf að ganga hratt en jafnframt vera fagleg og vel ígrunduð. Það er mikilvægt að starf landsliðanna hefjist sem fyrst. Við stefnum að því að ljúka þessari greiningarvinnu á næstu dögum og leggja fram niðurstöður fyrir Landsliðsnefnd og stjórn LH.

En hver er nýr formaður Landsliðsnefndar?

Ég heiti Sigurbjörn Eiríksson (Sibbi) og starfa sem framkvæmdastjóri á Innviðasviði Sýnar, ég hef áralanga reynslu af stjórnendastörfum úr atvinnulífinu, hef setið í ýmsum stjórnum tengdri minni vinnu sl. 20 árin. Ég hef gaman af að vinna með fólki, taka að mér krefjandi verkefni, góð samvinna og árangur hvetja mig áfram og veit ekkert skemmtilegra en takast á við áskoranir og ná settum markmiðum.

Hef mjög gaman af öllu sem kemur að hestamennsku, keppni, daglegum útreiðum, hestaferðum og hrossarækt. Það sem mér finnst vera sérstaklega heillandi við hestamennskuna eru að þar eru engin landamæri vegna aldurs, kyns, stétt né stöðu, hestamennska er áhugamál þar sem að margar kynslóðir geta átt góða daga saman.

Ég sinnti formennsku í Meistaradeild í hestaíþróttum frá haustinu 2020 - 2023, það var mikill og góður skóli, þar fékk ég góða innsýn inn í félagstörf tengdum hestum, kynntist þar frábærum samstarfsaðilum í stjórn, metnaðarfullum knöpum og öflugum liðseigendum. Það má segja að á þessum árum í Meistaradeild að þá hafi ég áttað mig á því að það má alltaf láta gott af sér leiða, svo lengi sem að maður er tilbúinn að leggja sig allan fram. Ég hef setið í stjórn Spretts síðan vorið 2024, verið í varastjórn LH síðan haustið 2024 og setið í nefndum á vegum LH, þar á meðal Landsliðsnefnd. Núna í september tók ég svo við formennsku í Landsliðsnefnd af Kristni Skúlasyni.

Eitthvað að lokum?
Mér finnst algjör forréttindi að fá að taka þátt í þessu starfi og vinna með fólki sem brennur fyrir hestamennsku. Það er lykilatriði að hafa skýra stefnu í afreksmálum og tryggja að Ísland haldi áfram að vera leiðandi í hestaíþróttum á heimsvísu.

Við þökkum Sibba fyrir spjallið og óskum honum velfarnaðar í starfi formanns landsliðsnefndar.

Afrekssjóður ÍSÍ styrkir ungmenni á HM

Wed, 22 Oct 2025 09:12:41 GMT

Þann 15. maí sl. staðfesti framkvæmdastjórn ÍSÍ úthlutunarreglur vegna kostnaðarþátttöku ungmenna í landsliðsverkefnum. Tilgangur reglnanna er að setja ramma um styrki til sérsambanda ÍSÍ vegna kostnaðarþátttöku ungmenna í landsliðsstarfi á vegum sérsambanda ÍSÍ í samræmi við Afreksstefnu ÍSÍ.

Meginmarkmið styrkveitinganna er að styðja ungmenni fjárhagslega sem taka þátt í landsliðsstarfi á vegum sérsambanda ÍSÍ og þurfa að greiða kostnað vegna þátttökunnar að fullu eða að hluta. Einnig að jafna möguleika ungmenna á þátttöku í landsliðsstarfi sérsambanda ÍSÍ.

LH sótti um styrk fyrir hönd þeirra sjö ungmenna sem fóru á HM sl. sumar og niðurstaðan varð sú að Afrekssjóður styrkir hvert og eitt þeirra um rúmar 200.000 kr. Styrkurinn er gríðarlega mikilvægur stuðningur við ungmennin okkar og mikil hvatning.

Er þetta hluti af því aukna fjármagni sem stjórnvöld hafa sett í Afrekssjóð á þessu ári og markar sú ákvörðun tímamót í allri umgjörð afreksíþrótta í heild sinni. Vonast er til að sambærilegt fjármagn verði til úthlutunar til sérsambanda úr Afrekssjóði til frambúðar.

Samstarf Norðurlanda

Fri, 17 Oct 2025 14:06:25 GMT

NICH - Nordic Icelandic Horse Collaboration

Í byrjun október var haldinn fundur í samstarfshópi formanna Íslandshestasambanda Norðurlanda, The Nordic Icelandic Horse Collaboration (NIHC). Fundurinn var haldinn í Helsinki í Finnlandi og fyrir Íslands hönd sóttu fundinn Linda Björk Gunnlaugsdóttir formaður LH og Berglind Karlsdóttir framkvæmdastjóri LH. Hópurinn fundar nokkrum sinnum á ári á fjarfundum en hefðin hefur verið að hittast að minnsta kosti einu sinni á ári og eru viðburðir í alþjóðasamstarfinu einnig nýttir til fundahalda, eins og FEIF-þingið og Heimsmeistaramót og Norðurlandamót.

Öll Norðurlöndin sex eiga aðild að samstarfinu, Ísland, Noregur, Svíþjóð, Danmörk, Finnland og Færeyjar og um næstu áramót tekur Ísland við formennsku í ráðinu.

Meginmarkmið NIHC er að ræða velferðarmál tengd íslenska hestinum og að efla samstarf samstarf Norðurlanda í öllum málum sem tengast íslenska hestinum.

NIHC var sett á laggirnar árið 2017 í kjölfarið á góðri samvinnu Norðurlanda á HM í Danmörku sama ár. Hópurinn stendur fyrir sameiginlegum gildum hvað varðar sjálfboðaliðastörf, lýðræði, heilindi og jafnræði en jafnframt er NIHC stuðningur við FEIF sem er æðsta vald í málefnum íslenska hestsins.

NIHC gegnir lykilhlutverki þegar kemur að skipulagningu stórra viðburða eins og Norðurlandamóts til tryggja að mótið sé haldið af metnaði og í góðu samstarfi milli aðildarlanda.

Saman mótum við framtíðarsýn Íslandshestamennsku í heiminum, sem er allt í senn íþrótt, menning og lífsstíll.

Tilkynning frá A-landsliðsþjálfara LH, Sigurbirni Bárðarsyni

Thu, 16 Oct 2025 12:28:25 GMT

Leiðarlok

Eftir að hafa gegnt starfi landsliðsþjálfara íslenska landsliðsins í hestaíþróttum frá árinu 2017 og átt þar áður sæti í landsliðsnefnd um áraraðir er nú komið að leiðarlokum.

Ég hef í áratugi tengst íslenska landsliðinu og komið að því að móta starfið frá ýmsum hliðum, allt frá frumbernsku íþróttarinnar. Á árunum 2017-2018 réðst ég ásamt landsliðsnefnd í heildarendurskoðun á öllu landsliðs- og afreksstarfi LH með það fyrir augum að bæta árangur og umgjörð landsliðsins, en einnig með það meginmarkmið að gjörbylta yngri flokka starfi sambandsins. Fólst sú endurskoðun meðal annars í því að horfa í auknu mæli til annarra íþróttagreina m.a. þegar kemur að skipulagningu afreksstarfsins, agamálum, uppbyggingu liðsanda, reglusemi, unglingastarfs og fleira. Þannig var meginfókusinn settur á knapann sem afreksíþróttamann.

Ekki verður um það deilt að árangurinn hefur verið stórkostlegur, jafnt innan vallar sem utan, þannig að eftir hefur verið tekið, langt út fyrir raðir hestafólks. En einnig þannig að önnur landslið í Íslandshestaheiminum hafa tekið afreksstarf LH, undir minni stjórn, til fyrirmyndar. Á þeim þremur heimsleikum sem ég hef leitt íslenska landsliðið hefur árangurinn verið mun betri en áður hefur þekkst. Þakka ég það meðal annars þeirri stefnu sem unnið hefur verið eftir, ásamt frábæru samstarfsfólki og snilldar knöpum sem hafa verið tilbúnir til að taka þátt í vegferðinni.

Oft hefur gefið á bátinn og þurft að taka erfiðar ákvarðanir, en það er hlutverk þeirra sem standa í brúnni hverju sinni að taka ákvarðanir, standa við þær og trúa að þær séu íþróttinni til heilla.

Nú stendur yfir vinna hjá LH um framtíðarsýn í afreks- og landslilðsmálum LH sem fela m.a. í sér breytingar á starfi landsliðsþjálfara. Eftir að hafa farið yfir stöðuna með formanni LH og landsliðsnefndar er það sameiginleg ákvörðun okkar að leiðir skilji og nýtt fólk verði fengið til að halda utan um landsliðsstarfið í nýrri mynd

Ég lít stoltur um öxl og vil af þessu tilefni þakka öllu því góða fólki sem ég hef unnið með öll þessi ár, fyrir samstarfið og frábær samskipti. Jafnframt óska nýju fólki velfarnaðar og góðs gengis í þessu krefjandi en skemmtilega verkefni.

Áfram Ísland! Áfram íslenski hesturinn!

Sigurbjörn Bárðarson

Opið er fyrir umsóknir í Hæfileikamótun veturinn 2025-2026

Thu, 09 Oct 2025 13:19:41 GMT

Hæfileikamótun LH er fyrir krakka á aldrinum 14-17 ára, fædd 2009-2012

Þróun Hæfileikamótunar LH hefur verið mikil undanfarin ár. Á þessu starfsári verður boðið upp á tvo hópa líkt og undanfarin ár.

Þetta er gert til þess að veita sem flestum efnilegum knöpum tækifæri til þess að komast í umhverfi hæfileikamótunar, efla starfið og á sama tíma að veita hverjum knapa enn meiri aðstoð en áður.

Vetrarstarfið hefst á ferð norður að Háskólanum á Hólum í Hjaltadal í nóvember þar sem nemendur fá innsýn í námið á Hólum, sýnikennslu og reiðkennslu hjá kennurum við skólann ásamt því að fá helgi til þess að kynnast og hrista saman hópinn.

Eftir áramót eru tvær vinnuhelgar í kennslu á eigin hestum undir umsjón yfirþjálfara auk bóklegrar kennslu í formi fyrirlestra á tímabilinu. Þar að auki taka iðkendur hæfileikamótunar þátt í viðburðum á vegum landsliðsins í hestaíþróttum.

Í hæfileikamótun LH eru ungir og efnilegir framtíðarknapar Íslands. Á liðnum keppnisárum hafa knapar sem taka þátt í hæfileikamótun LH staðið framarlega í öllum greinum á stærstu mótum ársins í unglingaflokki.

Tilvist hæfileikamótunar er orðin að stórum þætti í afreksmálum Landssambands hestamannafélaga. Það er mjög mikilvægt að aðstoða unga afreksknapa við að verða betri þjálfarar og reiðmenn en einnig að gefa þeim tækifæri til að kynnast landsliðsumhverfinu og verða að flottum fyrirmyndum fyrir aðra.

Tekið er á móti umsóknum í hæfileikamótun LH 2025-2026 á vef LH

Umsóknarfrestur er 22. október 2025

Keppnishestabú ársins 2025 - yfirlit árangurs

Tue, 07 Oct 2025 15:08:14 GMT

Valnefnd óskar eftir keppnisárangri ræktunarbúa

Valnefnd LH óskar eftir upplýsingum frá ræktendum um keppnisárangur hesta sem þeir hafa ræktað.

Óskað er eftir upplýsingum um keppnisárangur á árinu 2025 hvort sem er á mótum á Íslandi eða erlendis.

Yfirlit um árangurinn skal senda á netfangið lh@lhhestar.is fyrir 20. október nk.

Andlát - Ragnar Tómasson

Mon, 06 Oct 2025 15:32:09 GMT

Ragnar Tómasso n lögfræðingur og hestamaður lést 28. september á hjúkrunarheimilinu Sóltúni, 86 ára að aldri.

Ragnar hlaut heiðursverðlaun Landssambands hestamannafélaga árið 2013.

Ragnar var mikill hestamaður og sinnti ýmsum félagsstörfum vegna þess áhugamáls allt frá árinu 1972. Hann var m.a. formaður íþróttadeildar Fáks, átti sæti í stjórn íþróttaráðs Landssambands hestamanna, var liðsstjóri íslenska landsliðsins á Evrópumóti í hestaíþróttum í Svíþjóð árið 1985 og var um tíma dómari í hestaíþróttum. Þá vann hann að skipulagningu unglingastarfs hjá nokkrum hestamannafélögum.

Ragnar átti jafnframt sæti í stjórn ÍFA, Íþrótta fyrir alla, og hóf baráttu fyrir eflingu líkamsræktar með maraþonhlaupi árið 1990. Var hann hvatamaður og aðstoðarmaður við gerð þáttanna Hristu af þér slenið, sem sýndir voru á RÚV árið 1991. Ritaði hann samnefnda bók tveimur árum síðar og sömuleiðis skrifaði hann fjölda greina í hestatímaritið Eiðfaxa.

Ragnar fæddist í Reykjavík 30. janúar 1939 og ólst þar upp. Foreldrar hans voru Tómas Pétursson stórkaupmaður og Ragnheiður Einarsdóttir, lengi formaður Hringsins.

Ragnar lauk stúdentsprófi frá Verzlunarskóla Íslands 1959, embættisprófi í lögfræði 1965 og stundaði nám í Business School við Kaliforníuháskóla árið 1966. Hann opnaði málflutningsskrifstofu í Reykjavík sama ár og hóf nokkru síðar rekstur Fasteignaþjónustunnar og starfaði einkum við sölu fyrirtækja og samningaráðgjöf fyrir fyrir tæki í tengslum við samruna og fleira því tengt.

Þau hjónin, Ragnar og Dagný Ólafía Gísladóttir, ráku saman um tíma sokkaverksmiðju, voru með umboð fyrir Polaroid-filmur og -myndavélar, fluttu inn innréttingar og baðtæki og ráku Jarlinn skyndibitastað ásamt fjölskyldu sinni.

Dagný Ólafía lést árið 2016. Börn þeirra eru Ragna Þóra, f. 1964, Tómas, f. 1965, d. 2010, Dagný Ólafía, f. 1968, og Arnar Þór, f. 1972. Barnabörnin eru 12 talsins og langafabörnin 14.

Landssamband hestamannafélaga vottar fjölskyldu Ragnars innilega samúð og þakkar Ragnari fyrir ómetanleg störf sín í þágu hestaíþrótta. Minningin um góðan hestamann lifir.

Formannaskipti í landsliðsnefnd LH

Tue, 30 Sep 2025 14:30:31 GMT

Sigurbjörn Eiríksson er nýr formaður landsliðsnefndar LH

Kristinn Skúlason hefur óskað eftir að láta af formennsku og setu í landsliðsnefnd eftir átta ár í sæti formanns landsliðsnefndar. Þar áður starfaði hann sem formaður Meistaradeildar í sex ár.

Kristinn segist þakklátur fyrir árin í starfi formanns landsliðsnefndur en segir einnig: "Á þessum átta árum hafa verið gerðar miklar breytingar á starfi landsliðsnefndar og umgjörð afreksstarfsins. Það að hafa þessa starfsemi í gangi allt árið hefur lyft íþróttinni og virðingu fyrir henni á hærra stig svo eftir er tekið bæði hérlendis og erlendis og innan raða ÍSÍ. Ég hef unnið með þremur formönnum LH, Lárusi, Guðna og Lindu og þremur landsliðsnefndum og vil ég þakka samstarf með góðu fólki í stjórn, nefnd og á skrifstofu.

Það er mikill heiður að vinna með góðu íþróttafólki þar sem þarf ekki lengur að nefna reglur og skyldur, allir knapar í landsliðshópunum eru miklar fyrirmyndir fyrir Landssamband hestamannafélaga út á við og fyrirtæki og almenningur taka eftir því".

Kristni eru færðar góðar þakkir fyrir óeigingjörn störf í þágu LH og um leið þökkum við framlag Drífu Dan eiginkonu hans en saman hafa þau lagt mikinn tíma og elju í störf í þágu hestamanna.

Stjórn LH hefur falið Sigurbirni Eiríkssyni að taka við formennsku í landsliðsnefnd og er hann boðinn velkominn til starfa. Sigurbjörn hefur mikla reynslu af félagsstörfum í þágu hestafólks, hann var formaður Meistaradeildar í þrjú ár, er stjórnarmaður í Hestamannafélaginu Spretti, situr sem varamaður í stjórn LH, tók sæti í landsliðsnefnd að loknu landsþingi 2024 og hefur gegnt stöðu varaformanns landsliðsnefndar við hlið Kristins undanfarið ár.

Takk þjálfarar

Thu, 25 Sep 2025 22:41:23 GMT

Dagur þjálfarans

Í dag er dagur þjálfarans (Global Coaches Day).

Hlutverk þjálfara í íþróttum er margslungið, spennandi og krefjandi í senn. Áskoranir sem þjálfarar standa frammi fyrir er að ýta undir áhugahvöt, færni, góð samskipti, setja markmið, fylgja stefnu og vera til staðar fyrir sína iðkendur.

Þjálfari er sá aðili sem býr um hnútana þannig að iðkendur geti einbeitt sér að því sem skiptir máli, þegar það skiptir máli og vera best þegar á reynir.

Í hestaíþróttunum eigum við sannarlega frábæra þjálfara sem sinna því af lífi og sál að vera fyrirmyndir, styðja og hvetja knapa á öllum stigum íþróttarinnar að bæta sig vera gott hestafólk.

Í dag hvetjum við þjálfarana til dáða - Við hvetjum alla hestamenn til að pósta mynd af þeirra þjálfurum með myllumerkinu #takkþjálfi #thankscoach

Leiðtoganámskeið FEIF í Danmörku í nóvember

Wed, 10 Sep 2025 13:00:32 GMT

Dagana 21. til 23. nóvember nk. verður haldið leiðtoganámskeið FEIF sem ætlað er ungmennum á aldrinum 18-26 ára. Námskeiðið er á vegum Danska Íslandshestasambandsins (DI) og er haldið í Gringdsted Landbúnaðarskólanum í Billund í Danmörku.

Yfirskrift námskeiðsins er „Fighting Fit – Conflict, Fitness & Teamwork in Action“ og markmiðið er að hvetja ungmenni til að taka þátt í félagsstörfum í hestamennsku og að þátttakendur efli færni sína sem leiðtogar.

Aðalfyrirlesarar verða Rebekka Hyldgaard, sjúkraþjálfari, sem fjallar um hvernig líkamsþjálfun getur bætt árangur í reiðmennsku, og Professor Janne Winther Christensen frá Aarhus University sem fjallar um nýjustu rannsóknir um „ animal conflict behaviour “.

Þátttaka í viðburði sem þessum gefur frábæra reynslu, skapar tengsl og styrkir þátttakendur til frekari leiðtoga og ábyrgðarstarfa innan hestamannafélaganna. Við hvetjum hestamannafélögin til að hvetja fulltrúa sína til þátttöku á þessu námskeiði og minnum á mikilvægi þess að efla ungt fólk til þátttöku í nefndum og störfum innan félaganna til að efla nýliðun ásamt því að móta leiðtoga framtíðarinnar.

Nánari upplýsingar um námskeiðið má finna á heimasíðu FEIF.

Umsóknarfrestur er 15. október 2025 .

Námskeiðið hefst föstudaginn 21. nóvember kl 16:00 og endar sunnudaginn 23. nóvember kl 13:00.

Kostnaður er 200€ og innifalið í því er gisting, matur og fræðsla.

Stórmót auglýst til umsóknar

Wed, 10 Sep 2025 12:44:15 GMT

Landssamband hestamannafélaga auglýsir til umsóknar eftirfarandi mót:

· Íslandsmót fullorðinna og ungmenna 2028

· Íslandsmót barna og unglinga 2028

· Íslandsmót í gæðingalist 2026 (innanhússmót sem haldið skal fyrir 15. maí)

· Áhugamannamót Íslands 2026

Dagsetningar mótanna eru ákveðnar í samráði við mótshaldara og að teknu tilliti til dagsetninga annarra móta.

Á Íslandsmóti fullorðinna og ungmenna er keppt í íþróttakeppni í efsta styrkleikaflokki þar sem keppendur eru einir inni á vellinum í einu.

Á Íslandsmóti barna og unglinga er keppt í íþróttakeppni og gæðingakeppni.

Á Íslandsmóti í gæðingalist er keppt í öllum aldursflokkum og skal mótið haldið fyrir 15. maí 2026.

Á Áhugamannamóti Íslands er keppt í íþróttakeppni og gæðingakeppni í 1., 2. og 3. flokki.

Umsóknir áhugasamra mótshaldara skulu berast Landssambandi hestamannafélaga fyrir 1. október nk. á netfangið lh@lhhestar.is .

Andlát, Hörður Hákonarson

Thu, 14 Aug 2025 10:41:12 GMT

Hörður Hákonarson hestamaður og alþjóðlegur hestaíþróttadómari í Reykjavík er látinn.

Hörður var fæddur þann 22. október árið 1955 og andaðist á heimili sínu í Reykjavík 2. ágúst 2025. Eftirlifandi maki hans er Margrét Aðalheiður Frederiksen og eftirlifandi dóttir Harðar er Elín Björg sjúkraþjálfari og barnabörnin Tryggvi Garðar og Arna Sif.

Hann stundaði hestamennskuna af kappi frá unglingsárum með læriföðurinn sem Þorgeir Jónsson bónda í Gufunesi, og áfram með fjölskyldu sinni úr hesthúsi fjölskyldunnar hjá Fáki í Reykjavík, og á ferðalögum. Þekktastur var Hörður fyrir störf sín sem alþjóðlegur hestaíþróttadómari í yfir 30 ár. Hann var yfirdómari á fjölda móta hér heima m.a. á Íslandsmótum sem og á mótum erlendis m.a. Heimsmeistaramótum. Hörður ferðaðist víða í tengslum við þau störf, þar sem þekking hans og dómgreind naut virðingar jafnt hér heima sem erlendis.

Þá var Hörður virkur meðlimur í Hestaíþróttadómarafélagi Íslands og sat þar í stjórn og var formaður félagsins um tíma.

Landssamband hestamannafélaga vottar fjölskyldu Harðar innilega samúð og þakkar Herði fyrir ómetanleg störf sín í þágu hestaíþrótta. Minningin um góðan hestamann og félaga lifir.

Ísland hlaut liðabikarinn

Wed, 13 Aug 2025 21:18:14 GMT

Til hamingju Ísland með frábært landslið

Mikil samheldni og frábær liðsandi var hjá íslenska liðinu á Heimsmeistaramótinu í ár. Landsliðsþjálfararnir og landsliðsnefnd og eiga stórt hrós skilið fyrir alla eljuna sem þau hafa sett í undirbúning og utanumhald fyrir þetta mót!

Samtals hlaut íslenski hópurinn 13 gullverðlaun, 10 silfurverðlaun og tvö brons. Þá hlaut íslenska landsliðið hinn eftirsótta liðabikar á mótinu. Á næstu dögum munum við halda áfram að setja inn myndir af hrossum, knöpum, áhorfendum og stemningunni í Sviss á samfélagsmiðla LH á Instagram og Facebook - Mælum með að fylgjast með.

Til hamingju Ísland með frábært landslið og frábæran árangur hér í Sviss.

Skemmtileg úrslit á lokadegi HM

Wed, 13 Aug 2025 18:12:34 GMT

Úrslit í fjórgangi & fimmgangi

Eftir hádegishlé á lokadegi HM fór fram fjórgangur, þar átti Íslands einn fulltrúa og voru það vinkonurnar Helga Una Björnsdóttir og Ósk frá Stað. Þær stóðu sig með prýði og hlutu einkunnina 7.43 sem var sjötta sæti. Fyrir keppnina voru þau Anne Stine Haugen og Hæmir frá Hyldsbæk talin sigurstranglegust en þau áttu yfirburðarsýningu í forkeppninni með einkunn upp á 8,20. Þau héldu þeirri forystu og lönduðu heimsmeistaratitli í fjórgang með einkunn upp á 7.97.

Í A úrslitum í fimmgangi ungmenna áttu við tvo fulltrúa þau Þórgunni Þórarinsdóttur með Djarf frá Flatatungu og Jón Ársæl Bergmann með Hörpu frá Höskuldsstöðum. Þau stóðu sig bæði frábærlega og hlutu nákvæmlega sömu einkunn upp á 6.93 sem einnig var hæsta einkunnin! Dómarar þurftu því að skera úr um sætaröðun og var það Jón Ársæll Bergmann sem hampaði heimsmeistaratitlinum í fimmgangi ungmenna. Þvílíkir snillingar sem þessir ungu knapar eru!! Þetta er því hvorki meira né minna en þriðji heimsmeistaratitill Jóns Ársæls og Hörpu á mótinu!

Lokagrein mótsins var svo fimmgangur í fullorðinsflokki. Stúkan var algjörlega smekkfull og eftirvæntingin mikil. Okkar fulltrúar voru þau Glódís Rún Sigurðardóttir með Snilling frá Íbishóli og Elvar Þormarsson með Djáknar frá Selfossi. Það var alveg ljóst frá fyrstu mínútu að okkar knapar ætluðu ekki að gefa neitt eftir og mættu inn á völlinn í banastuði. Það fór svo að Glódís Rún og Snillingur hlutu fimmta sæti með einkunnina 7.02 en Elvar Þormarsson og Djáknar frá Selfossi hlutu þriðja til fjórða sætið með 7.17 í einkunn jöfn Anne Frank Andresen með Vökul frá Leirubakka. Heimsmeistarar í fimmgangi eru Lena Maxheimer og Abel frá Nordal en þau hlutu í einkunn 7.71. Í öðru sæti var Frauke Schenzel með Óðinn vom Habichtswald með 7.64 í einkunn en þær keppa báðar fyrir hönd Þýskalands.

Stórkostleg úrslit í T2 og T1

Sun, 10 Aug 2025 10:17:10 GMT

Þvílíkur morgunn!!!

Það má sko með sanni segja að loftið hafi verið rafmagnað hér í Swiss í morgun þegar úrslit í T2 ungmenna fóru fram en þar áttu Íslendingar einn fulltrúa. Lilja Rún Sigurjónsdóttir og Arion frá Miklholti skiluðu frábærri sýningu upp á 7,29 og lönduðu öðru sæti fyrir Íslands hönd. Lilja Rún Sigurjónsdóttir og Arion frá Miklholti voru jöfn Dromelot van Helvoort og Glymjandi frá Íbishóli en sigurinn réðst af sætaröðun dómara.

Að loknum úrslitum í T2 ungmenna var komið að T2 í fullorðinsflokki. Þar áttum við tvo feikna sterka keppendur þær Helgu Unu Björnsdóttur og Ósk frá Stað og Aðalheiði Önnu Guðjónsdóttur og Hulinn frá Breiðstöðum. Þær voru báðar í banastuði og lönduðu fyrsta og öðru sæti! Aðalheiður Anna Guðjónsdóttir og Hulinn frá Breiðstöðum sigruðu með yfirburðum með sýningu upp á 8,92 og fengu meðal annars 9,5 frá einum dómara fyrir frjálsa yfirferð á tölti. Frábær árangur hjá Helgu og Aðalheiði.

Tölt ungmenna var næst á dagskrá, úrslitin voru gífurlega sterk og frábærir fulltrúar Íslands mættir. Þær Védís Huld Sigurðardóttir og Ísak frá Þjórsárbakka, Lilja Rún Sigurjónsdóttir og Arion frá Mikholti og Þórgunnur Þórarinsdóttir og Djarfur frá Flatatungu. Védís og Ísak sigruðu töltið og lönduðu þar sínum öðrum heimsmeistaratitli með einkunn upp á 7,50. Þau Lilja og Arion lentu í þriðja sæti og Þórgunnur og Djarfur í því sjötta. Framtíðin er sannarlega björt með þessa sterku ungu knapa.

Þá var loksins komið að þeirri grein sem við Íslendingar bíðum hvað spenntust eftir. Tölti T1 í fullorðinsflokki. Íslendingastúkan var algjörlega smekkfull og eftirvæntingin áþreifanleg. Okkar fulltrúar voru þau Árni Björn Pálsson og Kastanía frá Kvistum og Jóhanna Margrét Snorradóttir og Assa frá Miðhúsum en Jóhanna sigraði töltið með eftirminnilegri sýningu upp á 8,94 á síðustu heimsleikum á Bárði frá Meðalfelli. Fyrir keppnina voru þau Árni Björn Pálsson og Kastanía frá Kvistum talin sigurstranglegust en þau áttu stórsýningu í forkeppninni og fengu þar einkunn upp á 8,80. Þau komu hrikalega einbeitt inn í úrslitin og skiluðu sýningu upp á 8,56 sem dugði þeim til sigurs og hömpuðu hinu eftirsótta tölthorni!! Þvílíkur árangur hjá þessu fallega pari og ákaflega gleðilegt að sjá Árna lyfta tölthorninu fyrir framan þéttsetna áhorfendastúkur.

Jóhanna og Assa komu bakdyramegin inn í úrslitin í gegnum B-úrslit og sýndu að þau áttu fullt erindi í A-úrslit og skiluðu stórgóðri sýningu og hlutu fyrir hana 7,72 og sjötta sæti.

Linda Björk Gunnlaugsdóttir, Formaður LH og Willium Þór Þórsson forseti ÍSÍ afhentu tölthornið í T1 fullorðinna.

B-úrslita dagur

Sun, 10 Aug 2025 05:59:09 GMT

Þá eru B-úrslitum lokið og ljóst hvaða keppendur bæta sér í toppbaráttuna í hverjum flokki.

Dagurinn byrjaði á B-úrslitum í slaktaumatölti ungmenna en það var hin sænska Lilly Björsell og Börkur frá Kleiva sem sigruðu með einkunn upp á 7.08. Í A-úrslitum sem fara fram á morgun í slaktaumatölti ungmenna á Ísland einn keppanda en Lilja Rún Sigurðardóttir og Arion frá Miklholti keppa í þeim flokki fyrir Íslands hönd.

Á eftir slaktaumatölti ungmenna var komið að æsispennandi B-úrslitum í fimmgangi í fullorðinsflokki en þar keppti Þórarinn Ragnarsson og Herkúles frá Vesturkoti og hlutu í einkunn 6,38 sem dugði því miður ekki upp í A-úrslit. Það var hin danska Anne Frank Andresen og Vökull frá Leirubakka sem sigruðu B-úrslitin með einkunina 7.17 og mæta þar af leiðandi íslensku knöpunum þeim Elvari Þormarssyni á Djáknar frá Selfossi og Glódísi Rún Sigurðardóttur á Snilling frá Íbishóli í A-úrslitum á morgun

Næst voru það B-úrslit í fjórgangi ungmenna en úrslitin sigraði hin finnska Miina Sarsama og Freir fra Kaakkola með einkunn upp á 6.57. Þau mæta því Védísi Huld Sigurðardóttur og Ísak frá Þjórsárbakka í A-úrslitum. Þá voru það B-úrslit í fjórgangi í fullorðinsflokki en þau sigruðu Jóhann Rúnar Skúlason og Evert fra Slippen með einkunn upp á 7,33 en þeir keppa fyrir hönd danska landsliðsins. Í A-úrslitum fyrir Ísland keppa Helga Una Björnsdóttir og Ósk frá Stað.

Í B-úrslitum í tölti ungmenna kepptu þau Herdís Björg Jónsdóttir og Kormákur frá Kvistum og áttu þau stórgóða sýningu upp á 6,61 og þriðja sæti í þeim úrslitum. Sigurvegari B-úrslita í tölti ungmenna eru þau Livni Leitner og Klassi frá Arnarstaðakoti með einkunn upp á 7.00 og mæta þau Íslensku keppendunum Lilju Rún Sigurjónsdóttur og Arion frá Mikholti, Þórgunni Þórarinsdóttir með Djarf frá Flatatungu og Védísi Huld Sigurðardóttir með Ísak frá Þjórsárbakka.

Þá var komið að feiknar sterkum B-úrslitum í tölti fullorðinna en þar kepptu Jóhanna Margrét og Assa frá Miðhúsum fyrir hönd Íslands. Þau skiluðu glæsilegri sýningu sem skilaði þeim inn í A-úrslit og verður gaman að fylgjast með gengi þeirra á morgun en þær hlutu í einkunn 7.61!

Síðustu B-úrslit mótsins voru í slaktaumatölti en þar kepptu Sara Sigurbjörnsdóttir og Spuni vom Heesberg og skiluðu sýningu upp á 7.17. Það dugði þeim því miður ekki í A-úrslit. Ísland á tvo fulltrúa í slaktaumatölti en það eru þær Helga Una Björnsdóttir og Ósk frá Stað og Aðalheiður Anna Guðjónsdóttir og Hulinn frá Breiðstöðum.

Góður árangur í skeiði - Kristján Árni heimsmeistari

Sun, 10 Aug 2025 05:55:05 GMT

Kristján Árni tvöfaldur heimsmeistari

Keppni í 100 metra skeiði var í gær og voru það Natalie og Ímnir fra Egeskov sem sigruðu aftur og eru því tvöfaldir heimsmeistarar í skeiðgreinum!

Kristján Árni Birgisson & Krafla frá Syðri-Rauðalæk urðu í dag heimsmeistarar í 100m skeiði ungmenna en þau fóru á tímanum 7.40sekúndum!

Sigursteinn Sumarliðason og Krókus áttu mjög góða spretti og hlutu silfurverðlaun Þeir fóru best á tímanum 7,39 sekúndum í dag en Natalie fór hraðast á 7,10 sekúndum.

Þeir Daníel Gunnarsson og Hinrik Bragason stóðu sig einnig vel í þessari grein. Hinrik og Trú fóru á tímanum 7,64 sekúndum í fraumraun sinni í greininni og Daníel og Kló hlupu hraðast á 7,61 sem er þeirra besti tími í þessari grein.

Skeiðstrákarnir okkar stóðu sig vel!

Sat, 09 Aug 2025 06:29:44 GMT

Kristján Árni - Heimsmeistari

Kristján Árni Birgisson & Krafla frá Syðri-Rauðalæk eru heimsmeistarar í 250m skeiði í ungmennaflokki á tímanum 22.38 sekúndum Matthías Sigurðsson og Magnea frá Staðartungu bættu tíma sinn í dag og hlupu á tímanum 24.49 sekúndum.

Það var mikil spenna fyrir lokasprettunum og var ekkert gefuð eftir! Sigursteinn Sumarliðason hlaut silfurverðlaun í 250m skeiði með Krókus frá Dalbæ en þeir fóru á frábærum tíma eða 21.97 sekúndum eftir frábæra spretti! Í sjötta sæti varð Daníel Gunnarsson með Kló frá Einhamri 2 en þau náðu þremur fínum sprettum og þeirra besti tími í þetta skiptið 22.54 sekúndur Hinrik Bragason og Trú frá Árbakka hlupu á tímanum 22.64 sekúndum en þess má geta að þetta er frumraun þeirra í 250m

Innilega til hamingju Á morgun munum við svo sjá þá alla aftur í 100m skeiði.

Yfirliti lokið í flokki sjö vetra hrossa

Fri, 08 Aug 2025 21:13:07 GMT

Niðurstöður úr kynbótasýningum sjö vetra og eldri hrossa

Yfirliti sjö vetra og eldri hrossa er nú lokið. Þar eigum við tvo fulltrúa þau Eind frá Grafarkoti, sýnandi, Bjarni Jónasson og Hljóm frá Auðsholtshjáleigu, sýnandi Árni Björn Pálsson. Eind frá Grafarkot hlaut í aðaleinkunn 8.43 sem er þriðja sæti í þessum flokki. Eigendur hennar eru Bjarni Jónasson og Anja Egger en ræktuð af Herdísi Einarsdóttur. Faðir Eindar er Kiljan frá Steinnesi og móðir er Kara frá Grafarkoti.

Hæst dæmdi hesturinn í þessum flokki er Hljómur frá Auðsholtshjáleigu. Hann er ræktaður af Gunnari Arnarssyni og Kristbjörgu Eyvindsdóttur en eigandi er Stutteri Egebjerggård I/S. Faðir Hljóms er Organisti frá Horni og móðir er Tíbrá frá Auðsholtshjáleigu fyrir sköpulag hlaut hann 8,76, fyrir hæfileika 8,78 og í aðaleinkunn 8,77. Sýnandi hans var Árni Björn Pálsson.

Skin og skúrir í forkeppni í fjórgangi

Fri, 08 Aug 2025 13:40:02 GMT

Forkeppni í fjórgangi er nú lokið. Ísland átt fimm fulltrúa, þrjá í fullorðinsflokki þau Helgu Unu Björnsdóttur og Ósk frá Stað, Aðalheiði Önnu Guðjónsdóttur og Hulinn frá Breiðstöðum og Jóhönnu Margréti Snorradóttur og Össu frá Miðhúsum. Í ungmennaflokk kepptu fyrir Íslands hönd þau Herdís Björg Jóhannsdóttir og Kormákur frá Kvistum og Védís Huld Sigurðardóttir og Ísak frá Þjórsárbakka.

Herdís og Kormákur riðu á vaðið fyrir hönd íslensku keppendanna en lukkan var ekki í liði með þeim í dag því Kormáki fipaðist á yfirferðinni og útkoman var 5,87.

Næst í braut af íslensku keppendunum komu þau Védís Huld Sigurðardóttir og Ísak frá Þjórsárbakka en þau voru í feikna stuði og hlutu í einkunn 7,07 og eru önnur inn A-úrslit ungmenna.

Þriðjar í braut íslensku keppendanna voru þær Helga Una Björnsdóttir og Ósk frá Stað með stórglæsilega sýningu sem skilaði þeim 7,47 og beint inn í A-úrslit.

Fjórðu í braut af íslensku keppendunum voru síðan Aðalheiður Anna Guðjónsdóttir og Hulinn frá Breiðstöðum en því miður missti Hulinn skeifu og þau hlutu ekki einkunn.

Fimmtu í braut komu loks Jóhanna Margrét Snorradóttir og Assa frá Miðhúsum og enduðu þær með 7,07 og lönduðu þar með sæti í B-úrlitum.

Af íslensku knöpunum eigum við því í fullorðinsflokki einn í A-úrslitum og einn í B-úrslitum, og í ungmennaflokki er einn í A-úrslitum.

Anne Stine Haugen og Hæmir frá Hyldsbæk leiða fullorðinsflokkinn með yfirburðum en þau hlutu hvorki meira né minna en 8,20 fyrir sína mögnuðu sýningu en þau keppa fyrir hönd Noregs. Eiðfaxi hitti Anne Stine eftir þeirra sýnungu sem sjá má á fréttasíðu Eiðfaxa en hjá Eiðfaxa er að finna fjölmörg stórskemmtileg viðtöl við knapa að loknum sýningum sem og gesti og gangandi.

Næst á dagskrá er yfirlit fyrir 7 vetra og eldri hryssur og stóðhesta. Þar eigum við tvo fulltrúa þau Eind frá Grafarkoti, sýnandi Bjarni Jónasson og Hljóm frá Auðsholtshjáleigu, sýnandi Árni Björn Pálsson. Eind hlaut 8,41 í fordómi og var þriðja hæst í sínum flokki. Hljómur frá Auðsholtshjáleigu var hæstur í sínum flokki eftir fordóm með 8,77 í aðaleinkunn. Það verður því einkar spennandi að fygjast með þeim á eftir.

Í kvöld fara svo fram seinni tveir sprettirnir í 250m skeiði. Þar eigum við fimm fulltrúa og sem stendur eiga þau Kristján Árni Birgisson og Krafla frá Syðri-Rauðalæk besta tímann í ungmennaflokk en þau hlupu á tímanum 22,38 sek. Í fullorðinsflokki eiga þeir Sigursteinn Sumarliðason og Krókus frá Dalbæ annan besta tímann eða 21,97 sek. Það verður því spennandi að sjá hvernig þeim og restinni af íslenska hópnum gengur í kvöld.

Glæsileg byrjun í fimmgangi

Thu, 07 Aug 2025 21:10:48 GMT

Þá er forkeppni í fimmgangi lokið, við áttum fimm fulltrúa, þrjá í fullorðinsflokki og tvo í ungmennaflokki.

Allir okkar keppendur stóðu sig vel og eru komnir inn í úrslit. Glódís Rún Sigurðardóttir og Snillingur frá Íbishóli voru fyrst inn á völlinn og settu tóninn með frábærri sýningu upp á 7,20 og eru þau fimmtu inn í A-úrslit fullorðinna.

Á eftir Glódísi voru þau Jón Ársæll Bergmann og Harpa frá Höskuldsstöðum en þau áttu frábæra sýningu og koma önnur inn í A-úrslit í ungmennaflokki með einkunn upp á 6,87. Þriðja íslenska parið í braut voru þeir Elvar Þórmarsson og Djáknar frá Selfossi en þeir áttu glæsilega sýningu með einkunn upp á 7,33 og koma aðrir inn í A-úrslit fullorðinna.

Fjórðu voru þau Þórgunnur Þórarinsdóttir og Djarfur frá Flatatungu. Þau áttu flotta sýningu og eru komin í úrslit í ungmennaflokki. Þeir Þórarinn Ragnarsson og Herkúles frá Vesturkoti slógu botninn í fimmganginn hjá okkar hóp með góðri sýningu upp á 6,83 sem skilaði þeim sæti í b-úrslitum fullorðinna.

Efst í fullorðinsflokki að lokinni forkeppni er Lena Maxheimer frá Þýskalandi á Abel fra Nordal með einkunnina 7,40. Í ungmennaflokki er það Tekla Petersson frá Svíþjóð á Vatnadísi från Noastallet sem leiðir með 6,90.

Það stefnir því í hörku spennandi keppni bæði í b og a-úrslitum um helgina.

Yfirlitssýning 5 og 6 vetra hrossa á HM

Thu, 07 Aug 2025 19:39:14 GMT

Eftir yfirlit í flokki fimm og sex vetra kynbótahrossa standa þrjú af fjórum hrossum frá Íslandi efst í sínum flokki.

Íslensku hrossin áttu sannkallaðan stórleik á yfirlitssýningu í flokki fimm og sex vetra kynbótahrossa á HM.

Óskastund frá Steinnesi stendur efst í flokki 5 vetra hryssna, sýnd af Árna Birni Pálssyni. Óskastund hlaut tvær 9,0 fyrir bæði tölt og samstarfsvilja og hvorki meira né minna en 9,5 fyrir skeið og í aðaleinkunn 8,46.

Efstur í flokki 5 vetra stóðhesta varð Sörli frá Lyngási sýndur af Agnari Þór Magnússyni. Sörli hlaut 8,43 í aðaleinkunn og þar af 9,0 fyrir samstarfsvilja.

Drangur frá Ketilsstöðum stóð efstur í flokki 6 vetra stóðhesta með knapa sínum Víðari Ingólfssyni. Drangur hlaut 8,58 í aðaleinkunn og þar af þrjár 9,0 fyrir tölt, fet og samstarfsvilja.

Í flokki 6 vetra hryssna varð Ólga frá Lækjamóti önnur eftir yfirlitið með aðaleinkunn upp á 8,32 og þar af tvær 9,0 fyrir bæði tölt og samstarfsvilja. Ólga var sýnd af Benjamín Sandi Ingólfssyni.

Staðan eftir fyrri umferð í 250 m. skeiði

Thu, 07 Aug 2025 09:32:19 GMT

Kristján Árni og Sigursteinn standa efstir íslensku keppendanna

Fimm íslenskir knapar hófu leik í 250m skeiði. Stemningin á skeiðbrautinni var gífurleg.

Fyrstur íslensku keppendanna mættu þeir Sigursteinn Sumarliðason og Krókus frá Dalbæ en þeir voru í feikna stuði og náðu góðum spretti á tímanum 22,73 sek. Í seinni sprettinum bættu þeir fyrri tíma á 21,97 sek og eru með annan besta tímann í fullorðinsflokki eftir fyrri umferð.

Næstur íslensku keppendanna í braut voru þau Kristján Árni Birgisson og Krafla frá Syðri-Rauðalæk og náðu þau frábærum tíma 22,72 sek og leiddu þar með ungmennaflokkinn eftir fyrsta sprett. í seinni sprett gerðu þau enn betur á tímanum 22,38 sek og héldu þar af leiðandi forystu eftir fyrri umferð með töluverðum yfirburðum.

Þriðju í braut íslensku keppendanna mættu silfurhafarnir úr gæðingaskeiðinu þau Hinrik Bragason og Trú frá Árbakka og röðuðu sér beint í toppbaráttuna á tímanum 22,82 sek. Í seinni umferð bættu þau tímann með glæsilegum spretti á 22,64 sek og eru í sjöunda sæti eftir fyrri umferð.

Fjórðu í braut íslensku keppendanna mættu þau Matthías Sigurðsson og Magnea frá Staðartungu en þau skiluðu ekki gildum spretti í fyrri spretti. Í seinni spretti fóru þau brautina á 25,10 sek.

Síðust íslensku keppendanna mættu þau Daníel Gunnarsson og Kló frá Einhamri 2 en þau áttu frábæra spretti og voru með fjórða besta tímann eftir fyrri sprett eða 22,54 sek. Í seinni sprettinum hlupu þau á tímanum 22,62 sek og enda í sjötta sæti eftir fyrri umferð.

Ríkjandi heimsmeistarinn Fjalladís frá Fornusöndum sem sigraði 250m skeiðið með knapa sínum Elvari Þormarssyni á heimsmeistaramótinu 2023 mætti aftur til leiks með nýjum knapa, Sigurði Óla Kristinssyni og keppir þau fyrir hönd Danmerkur. Fjalladís og Sigurður Óli Kristjánsson skiluðu frábærum tíma og hlupu á 22.21 og eru með fjórða besta tímann eftir fyrstu umferð.

Eftir fyrri umferð leiða því þau Kristján Árni Birgisson og Krafla frá Syðri-Rauðalæk ungmennaflokkinn á tímanum 22,38 en í fullorðinsflokki leiðir danski knapinn Natalia Fischer og Ímnir frá Egeskov fullorðinsflokk á tímanum 21,91.

Seinni umferð í 250 m. skeiði fer fram á föstudagsmorgun og stefnir í æsispennandi keppni þar sem íslensku knaparnir ætla sér ekkert annað en sigur.

Frábær árangur Íslendinga í forkeppni í tölti

Thu, 07 Aug 2025 08:57:00 GMT

Árni Björn leiðir í tölti með miklum yfirburðum

Í tölti T1 átti Ísland 7 fulltrúa, tvo í fullorðinsflokki og 5 í ungmennaflokki.

Í ungmennaflokki röðuðu þrír fulltrúar Íslands sér beint í A-úrslit. Védís Huld Sigurðardóttir og Ísak frá Þjórsárbakka leiða með einkunnina 7,50 en þau tryggðu sér fyrsta sætið ásamt Daniel Rechten og Óskari frá Lindeberg sem keppa fyrir hönd Þýskalands. Þórgunnur Þórarinsdóttir og Djarfur frá Flatatungu koma þriðju inn í A-úrslit með einkunnina 7,13. Lilja Rún Sigurjónsdóttir og Arion frá Miklholti hlutu 7,10 og eru fjórðu inn í úrslit. Amanda Frandsen og Tinna frá Litlalandi eru fimmtu inn í úrslitin með einkunnina 6,80.

í fullorðinsflokki röðuðu íslenskir knapar sér í fyrsta og sjötta sæti og á Ísland þar með fulltrúa bæði í A-úrslitum og B-úrslitum.

Jóhanna Margrét Snorradóttir og Assa frá Miðhúsum eru efst inn í b-úrslin með einkunnina 7,83. B-úrslitin fara fram næstkomandi laugardag og má búast við harðri baráttu um sætið í A-úrslitum.

Árni Björn Pálsson og Kastanía frá Kvistum eru langefst að lokinni forkeppni með einkunn upp á hvorki meira né minna en 8,80. Þetta farsæla keppnispar hefur áður sýnt að þau kunni svo sannarlega að gera stórsýningu en þau áttu algjöra yfirburðarsýningu í forkeppninni. Önnur inn í A-úrslit voru þau Anna Lisa Zingsheim og Glaður frá Kálfhóli 2 með einkunnina 8,23 en þau keppa fyrir hönd Austurríkis. Þriðju eru þau Lisa Schürger og Kjalar frá Strandarhjáleigu með einkunnina 8,20 og keppa þau fyrir hönd Þýskalands. Þá komu þeir Jóhann Rúnar Skúlason og Evert frá Slippen fjórðir inn í úrslit með einkunnina 8,07 en þeir keppa fyrir hönd Danmerkur. Loks komu þau Jamila Berg og Toppur frá Auðsholtshjáleigu fimmtu inn í úrslitin með einkunn upp á 7,93 en þau keppa fyrir hönd Svía.

Sannarlega glæsilegur árangur hjá íslenska liðinu í tölti (T1) og spennandi úrslit í vændum um helgina.

Glæsilegur árangur í slaktaumatölti

Wed, 06 Aug 2025 21:48:27 GMT

Þá er forkeppni í slaktaumatölti lokið. Þar átti Ísland fjóra fulltrúa, þrjá í fullorðinsflokki og einn í ungmennaflokki.

Nú er forkeppni í slaktaumatölti lokið. Helga Una Björnsdóttir með Ósk frá Stað og Aðalheiður Anna Guðjónsdóttir með Hulinn frá Breiðstöðum leiða eftir forkeppni í slaktaumatölti með einkunnina 8.17 eftir glæsilegar sýningar. Sara Sigurbjörnsdóttir og Spuni vom Heesberg gerðu fína sýningu og enduðu með einkunnina 7,47, sem tryggir þeim sæti í B úrslitum.

Aðrir keppendur sem tryggðu sér sæti í A-úrslitum eru Christina Johansen og Nóri frá Vivildgård með einkunina 7,97 en þau keppa fyrir hönd Danmerkur, Oliver Egli og Hákon frá Bárekstöðum með einkunnina 7,87 og keppa þau fyrir hönd Sviss og loks Frauke Schenzel og Óðinn vom Habichtswald með einkunnina 7,80 en þau keppa fyrir Þýskaland.

Lilja Rún Sigurjónsdóttir og Arion frá Miklholti kepptu í slaktaumatölti í ungmennaflokki og skiluðu glæsilegum tölum með einkunnina 7,50 og efsta sæti inn í úrslit í sínum flokki. Þau fara langefst inn í A-úrslitin. Næst á eftir þeim eru Léni Köster og Rögnir frá Hvoli með einkunn upp á 6,80 en þau keppa fyrir hönd Þýskalands.

Sannarlega glæsilegur árangur hjá íslenska liðinu í slaktaumatölti (T2.)

Heimsmeistari í gæðingaskeiði

Wed, 06 Aug 2025 21:42:50 GMT

Ísland landaði sínum fyrsta heimsmeistaratitli á HM 2025

Ísland landaði sínum fyrsta heimsmeistaratitli þegar Jón Ársæll Bergmann & Harpa frá Höskuldsstöðum sigruðu gæðingaskeið ungmenna með einkunnina 7,67! Í fimmta sæti var Matthías Sigurðsson með Magneu frá Staðartungu og einkunnina 6,46. Þórgunnur Þórarinsdóttir hlaut 6,13 í einkunn og áttunda sæti.

Hinrik Bragason og Trú frá Árbakka gáfu allt í þetta og skildu ekkert eftir á vellinum. Þau uppskáru annað sæti í gæðingaskeiði með einkunn upp á hvorki meira né minna en 8,79 en sigurvegari var Laura Enderes frá Þýskalandi á Fannari von der Elschenau með einkunnina 8,92. Í kvöld báru þau höfuð og herðar yfir aðra keppendur og sýndu svo sannarlega hvað í þeim býr. Í þriðja sæti var Ladina Sigurbjörnsson Foppa með Styrlu frá Skarstad en þær hlutu 8,04 í einkunn.

Kynbótadómar á HM

Wed, 06 Aug 2025 21:25:53 GMT

Heimsmeistaramót Íslenska hestsins hófst á kynbótadómum.

Heimsmeistaramót Íslenska hestsins hófst á kynbótadómum. Fulltrúi Íslands Í flokki fimm vetra hryssna er Óskastund frá Steinnesi en hún var sýnd af Árna Birni Pálssyni. Óskastund hlaut 8,47 fyrir hæfileika og 8,41 í aðaleinkunn. Faðir hennar er Adrían frá Garðshorni á Þelamörk og móðir er Óskadís frá Steinnesi. Ræktandi hennar er Magnús Jósefsson en eigandi er Anja Egger og Kronshof. Óskastund hlaut í dag 8.47 fyrir hæfileika & 8.41 í aðaleinkunn. Óskastund stendur efst í sínum flokki eftir fordóm en yfirlitssýning fer fram á fimmtudag og föstudag.

Í flokki fimm vetra stóðhesta er fulltrúi Íslands Sörli frá Lyngási sýndur af Agnari Þór Magnússyni. Sörli stendur annar í sínum flokk með einkunina 8,38 fyrir hæfileika og í aðaleinkunn. Ræktandi hans er Lárus Ástmar Hannesson en Sörli er undan Pensli frá Hvolsvelli og Athöfn frá Stykkishólmi. Hann hækkaði hæfileika einkunn sína frá því í vor og hlaut í dag 8.38 fyrir hæfileika og í aðaleinkunn.

Í flokki sex vetra hryssna voru sýndar þrjár hryssur. Fulltrúi Íslands í þeim flokki er Ólga frá Lækjamóti & sýnandi hennar Benjamín Sandur Ingólfsson. Ólga er undan Spaða frá Stuðlum og Ísey frá Lækjamóti en hún er ræktuð af Ísólfi Líndal Þórissyni og Vigdísi Gunnarsdóttur. Eigandi hennar er Stephanie Brassel. Ólga hlaut í dag 8.32 fyrir hæfileika og 8.21 í aðaleinkunn. Í flokki sex vetra stóðhesta mættu sjö hestar til dóms. Fulltrúi Íslands í þeim flokki er Drangur frá Ketilsstöðum og sýnandi hans Viðar Ingólfsson. Ræktandi og eigandi er Bergur Jónsson. Drangur er undan Álfakletti frá Syðri-Gegnishólum og Tíbrá frá Ketilsstöðum. Þeir áttu góða sýningu og hlutu 8.52 fyrir hæfileika og 8.53 í aðaleinkunn. Þeir eru efstir í sínum flokki eftir fordóm.

Í flokki sjö vetra og eldri hryssna, voru fimm hryssur sýndar. Fulltrúi Íslands er Eind frá Grafarkoti sýnd af Bjarna Jónassyni. Hún er undan Kiljani frá Steinnesi og Köru frá Grafarkoti, ræktandi hennar er Herdís Einarsdóttir en eigendur eru Bjarni Jónasson og Anja Egger-Meier. Hún hlaut í dag 8.43 fyrir hæfileika og 8.41 í aðaleinkunn.

Í elsta flokki stóðhesta voru átta hestar sýndir. Fulltrúi Íslands í þeim flokki er Hljómur frá Auðsholtshjáleigu sýndur af Árna Birni Pálssyni. Hann er undan Organista frá Horni og Tíbrá frá Ketilsstöðum. Ræktendur hans eru Gunnar Arnarson og Kristbjörg Eyvindsdóttir en eigandi er Stutteri Egebjerggård I/S. Hljómur hlaut 8.77 í aðaleinkunn og 8.78 fyrir hæfileika sem er hæsta einkunn í þessum flokki eftir fordóm.

"Það gengur allt samkvæmt bókinni"

Mon, 04 Aug 2025 22:47:24 GMT

Sigurbjörn segir alla hestana vera í góðu standi eftir ferðalagið. Hann bendir einnig á mikilvægi þess að styðja við bak liðsfélaganna þegar keppnin hefst á morgun.

Heimsmeistaramót íslenska hestsins í Sviss hefst með formlegum hætti í fyrramálið og hefur undirbúningur gengið vel að sögn landsliðsþjálfara Íslands.

„Það gengur bara allt samkvæmt bókinni.." segir Sigurbjörn Bárðarson, annar landsliðsþjálfara íslenska liðsins, í viðtali við Eiðfaxa .

Viðtal Eiðfaxa má sjá með því að smella hér

Dagskrá kynbótahrossa á HM

Mon, 04 Aug 2025 22:29:31 GMT

Heimsmeistaramót íslenska hestsins hefst með formlegum hætti í fyrramálið og kynbótadómum.

Heimsmeistaramót íslenska hestsins hefst með formlegum hætti í fyrramálið (þriðjudag) á kynbótadómum. Fyrsta hross í braut á mótinu eru fulltrúar Íslands, Óskastund frá Steinnesi og knapi hennar Árni Björn Pálsson. Óskastund er fimm vetra undan Óskadís frá Steinnesi og Adrían frá Garðshorni á Þelamörk. Hún var sýnd í vor af Árna þar sem hún hlaut 8.85 fyrir hæfileika og 8.65 í aðaleinkunn.

Í flokki fimm vetra stóðhesta er Sörli frá Lyngási og sýnandi Agnar Þór Magnússon. Sörli er fimm vetra undan Athöfn frá Stykkishólmi og Pensli frá Hvolsvelli. Sörli var sýndur í vor af Agnari þar sem hann hlaut 8.34 fyrir hæfileika og 8.35 í aðaleinkunn.

Þar á eftir er flokkur sex vetra hryssna og þar mæta Ólga frá Lækjamóti og Benjamín Sandur Ingólfsson. Ólga er undan Ísey frá Lækjamóti og Spaða frá Stuðlum. Ólga var sýnd í vor þar sem hún hlaut 8.65 fyrir hæfileika og 8.44 í aðaleinkunn.

Þá er það Drangur frá Ketilsstöðum og Viðar Ingólfsson. Drangur er undan Tíbrá frá Ketilsstöðum og Álfakletti frá Syðri-Gegnishólum. Hann var sýndur í vor af ræktanda sínum Bergi Jónssyni þar sem hann hlaut 8.58 fyrir hæfileika og 8.57 í aðaleinkunn.

Í flokki 7 vetra og eldri hryssna fáum við að sjá Eind frá Grafarkoti, sýnda af Bjarna Jónassyni. Eind er undan Köru frá Garðakoti og Kiljan frá Steinnesi. Hún var sýnd í vor af Bjarna þar sem hún hlaut 8.85 fyrir hæfileika og 8.68 í aðaleinkunn. Þá eru það Hljómur frá Auðsholtshjáleigu & Árni Björn Pálsson. Hljómur er undan Tíbrá frá Auðsholtshjáleigu og Organista frá Horni en hann var sýndur í vor þar sem hann hlaut 8.78 fyrir hæfileika og 8.77 í aðaleinkunn.

Dagskrá okkar keppenda á kynbótabrautinni:

8:00 Óskastund frá Steinnesi & Árni Björn Pálsson

9:00 Sörli frá Lyngási & Agnar Þór Magnússon

10:15 Ólga frá Lækjamóti & Benjamín Sandur Ingólfsson

10:45 Drangur frá Ketilsstöðum & Viðar Ingólfsson

12:10 Eind frá Grafarkoti & Bjarni Jónasson

13:55 Hljómur frá Auðsholtshjáleigu & Árni Björn Pálsson

Gæðingaskeið fer fram að loknum kynbótadómum eða klukkan 15:45.

Þrír dagar til stefnu!

unnursigurpals@gmail.com (Unnur Rún Sigurpálsdóttir) — Fri, 01 Aug 2025 18:09:22 GMT

Nú er heldur betur farið að styttast í að mótið hefjist

Íslenska teymið er komið á staðinn og knapar fá fyrstu æfingar á keppnisvellinum um helgina. Knaparnir hafa verið duglegir síðan þeir komu á staðinn að labba og hjóla með hestana en nú eftir því sem nær dregur þéttist dagskráin og athygli og fókus skerpist enn frekar og við taka hnitmiðaðar æfingar.

Það er mikill hugur í liðinu og stemningin er góð. Hér eru allir mættir til að gera sitt besta og rúmlega það. Hestarnir komu allir vel undan flutningum og virðast kunna vel við sig.

Nú eru þrír dagar í að keppni hefjist. Mótið hefst á kynbótasýningum á þriðjudaginn en svo síðar þann daginn fer fram keppni í gæðingaskeiði, sem er fyrsta íþróttagrein mótsins.

Í kringum íslenska liðið er sterkt og öflugt teymi starfsmanna og sjálfboðaliða, sem hafa á undanförnum vikum og mánuðum unnið hörðum höndum að því að undirbúa ferðina og munu halda áfram að styðja við knapana nú þegar mótið er um það bil að hefjast.

Í teyminu eru: Berglind Karlsdóttir framkvæmdastjóri LH, Erlendur Árnason járningamaður, Hinrik Sigurðsson starfsmaður LH, Kristinn Skúlason formaður landsliðsnefndar, Sigurbjörn Eiríksson, varaformaður landsliðsnefndar og Matthias Rettig dýralæknir. Auk þeirra eru Sóley Margeirsdóttir, Ólafur Gunnarsson, Linda B. Gunnlaugsdóttir formaður LH, Þórhildur Katrín Stefánsdóttir varaformaður LH og Unnur Rún Sigurpálsdóttir.

Þjálfarateymið skipa Sigurbjörn Bárðarson A-landsliðs þjálfari og Hekla Kristinsdóttir Landsliðsþjálfari U21.

Umgjörðin í kringum liðið er eins og best verður á kosið og fókusinn hjá knöpunum er áþreifanlega skarpur. Liðsfundirnir og æfingar eru vel undirbúnar og markvissar enda skiptir hver dagur miklu máli í aðdraganda mótsins.

Það er klárt mál að þessi hópur mun leggja allt í sölurnar til að ná markmiðum sínum og vera liðinu og landinu til sóma.

Endilega fylgist með hópnum okkar á Facebook eða Instagram: Landssamband hestamannafélaga (@lhhestar) en þar verða knapar og teymið daglega með innsýn inn í stemninguna á staðnum.

Áfram Ísland!

Landsliðið komið á áfangastað í Sviss

unnursigurpals@gmail.com (Unnur Rún Sigurpálsdóttir) — Tue, 29 Jul 2025 19:00:09 GMT

Flutningskeðjan til Sviss - vant fólk í hverju rúmi

HM í Sviss er eins og allir hestamenn vita handan við hornið og hefst formlega á þriðjudaginn í næstu viku með kynbótasýningum og keppni í gæðingaskeiði. Íslensku hestarnir eiga langt og mikið ferðalag á mótsstað en í gærkvöldi, mánudagskvöld, flugu þeir til Liége í Belgíu, fóru þaðan eldsnemma í morgun, þriðjudag, og komu til Birmenstorf í Sviss þar sem mótið fer fram eftir ríflega sólahrings ferðalag.

Það er margt sem þarf að ganga upp svo að hestarnir komist á áfangastað á þægilegan máta, eins óþreyttir og kostur er, og margar hendur sem leggja mikið á sig til þess að greiða götur liðsins með hrossin. Þegar undirbúningur ferðalagsins hefst má segja að það virki eins og heilmikil keðja að sjá til þess að ferðin gangi vel og það er talsvert flóknara að flytja hross og búnað til Sviss en annarra Evrópulanda þar sem Sviss er ekki í Evrópusambandinu. Með í för er allur búnaður og allt hey sem hrossin fá á meðan á mótinu stendur, flutt frá Íslandi auk hestanna sjálfra.

Villi í Litlu-Tungu hefur um árabil séð íslenska landsliðinu fyrir heyi og því er tryggt gæðafóður fyrir hrossin yfir allt mótið. Búnaður knapanna sem fylgir hverjum hesti er pakkaður í sérmerkta kassa hjá hverjum og einum. Þessum kössum og öllum farmi var safnað í Víðidalnum á sunnudagskvöldið og Ómar Jóhannsson bílstjóri hjá Líflandi sá um að keyra farminn til Keflavíkur fyrir brottför.

Horse Export, Gunnar og Krissa, sjá um útflutninginn á hrossunum og Tóta Eyvinds hefur stýrt þeirri vinnu eins og herforingi en sú vinna er meira en að segja það því allir pappírar þurfa að vera í góðum farvegi til þess að þetta gangi.

RML, Ráðgjafarmiðstöð Landbúnaðarins, styrkir landsliðið um útgáfu vegabréfa fyrir hestana og hafa lagt á sig mikinn krók í sumarleyfistíð til þess að gefa út passa fyrir hrossin á þeim tíma sem hentar fyrir útflutninginn. Það er mikill styrkur fyrir landsliðið að eiga hauk í horni í Hrefnu hjá RML sem prentaði passa samdægurs og dýralæknisskoðun fór fram á nokkrum stöðum yfir daginn.

MAST sér um að votta passana, gerir lokaheilbrigðisskoðun og sannreynir að allt stemmi á útflutningsdeginum, fyrir flugið og gekk það útkall ljómandi vel undir styrkri stjórn Úndínu dýralæknis hjá MAST.

Icelandair Cargo styrkir svo liðið með því að fljúga hrossum, heyi og búnaði út. Þar var alllur undirbúningur með miklum sóma, búið var að fljúga hluta af heyinu út deginum fyrr til þess að það væri klárt á flugvellinum við komu hrossanna og hægt að gefa vatn og hey strax eftir lendingu í Liége. Í vélinni fylgja hestunum vanir menn, undir stjórn G. Snorra Ólasonar sem var sérstaklega fenginn í þetta flug, enda klettöruggur fylgdarmaður hrossa um árabil.

Þegar út er komið er það Inga Mueller sem sér um öll okkar mál, en hún er innflutningsaðili hrossanna í Evrópu. Hún sér um að keyra hrossin og búnað á mótsstað, sér um öll samskipti við landamæra- og tollayfirvöld á leið okkar til Sviss og sér um að allir skili sér á áfangastað.

Fimm knapar og Elli okkar á Skíðbakka fóru utan í gærmorgun og voru mætt á flugvöllinn til þess að taka á móti hrossunum inni á flugvallarsvæðinu. Þau sjá um að taka vafninga af fótum hrossanna, gefa þeim vatn og hey og koma þeim í hvíld fyrir flutninginn landleiðina. Aðrir landsliðsknapar flugu svo beint til Sviss í morgun og voru tilbúnir á mótsstað að taka á móti hrossunum við komu.

Máltakið segir að engin keðja er sterkari en veikasti hlekkurinn og það má með sanni segja að flutningskeðjan, þó löng sé, hafi haldið og allir eru klárir á áfangastað. LH færir öllum þeim sem hafa unnið baki brotnu að því að láta ferðalagið ganga upp, kærar þakkir.

Það sem nú tekur við er endurheimt fyrir hrossin, göngu- og hjólatúrar í rólegheitum til þess að aðlagast nýju umhverfi og svo hefjast æfingar og þjálfun fyrir mótið sjálft á föstudaginn.

Við munum fygljast ítarlega með gangi mála.

Breyting á landsliðshópnum - Þórarinn & Herkúles koma inn

unnursigurpals@gmail.com (Unnur Rún Sigurpálsdóttir) — Mon, 28 Jul 2025 14:34:06 GMT

Breyting á landsliðshópnum - Þórarinn Ragnarsson & Herkúles frá Vesturkoti koma inn

Nú er heldur betur að styttast í Heimsmeistaramót íslenska hestsins sem að þessu sinni fer fram í Sviss 5.-10. ágúst. Ferlið að velja landslið til leiks fyrir Íslands hönd var heilmikið en nú er skráningarfrestur liðinn og öll lönd hafa því skráð staðfest lið til leiks ásamt varaknöpum. Hestarnir okkar fljúga út í kvöld, mánudag og knaparnir á þriðjudagsmorgun.

Breyting hefur orðið á A-landsliðshópnum en því miður mun Ölur frá Reykjavöllum ekki geta keppt fyrir Íslands hönd í þetta skiptið vegna meiðsla og hefur þessi ákvörðun verið tekin með velferð hestsins í huga. Þetta er stórt skarð að fylla fyrir íslenska liðið þar sem Ölur og Hans Þór Hilmarsson hafa verið virkilega sterkir saman í fimmgangsgreinum síðustu ár og urðu meðal annars Íslandsmeistarar í fimmgangi sumarið 2024. Fall er fararheill og vonumst við til að fá að fylgjast með þessu frábæra pari áfram hér á landi og sendum hlýjar kveðjur á þá félaga.

Inn í liðið kemur þó par sem ekki er af verri endanum en það eru Þórarinn Ragnarsson & Herkúles frá Vesturkoti. Herkúles er níu vetra gamall undan Spuna frá Vesturkoti og Heklu frá Miðsitju. Þeir félagar hafa verið að gera það gott saman í keppnum síðustu misserin og unnu m.a. fimmganginn á Reykjavíkurmeistaramóti í vor með einkunnina 7,57 þar sem þeir fengu meðal annars upp í 8.5 fyrir tölt & 8.0 fyrir brokk. Þeir munu verða skráðir til leiks í fimmgangsgreinar; F1, T1 og gæðingaskeið.

Landslið Íslands á HM er nú fullskipað

Thu, 24 Jul 2025 13:29:12 GMT

Landsliðið heldur utan á mánudaginn

Landslið Íslands fyrir Heimsmeistaramótið í Sviss er nú fullskipað og var það kynnt við hátíðlega athöfn í húsakynnum Icelandair Cargo að Flugvöllum í Hafnarfirði fyrr í mánuðinum. Breyting hefur þó orðið á áður kynntu landsliði þar sem Aðalheiður Anna Guðjónsdóttir og Hulinn frá Breiðstöðum koma inn í A-landsliðshóp og breyting hefur orðið á hestakosti hjá þremur titilverjendum. Jóhanna Margrét Snorradóttir mætir með hryssuna Össu frá Miðhúsum, Sara Sigurbjörnsdóttir mætir með ríkjandi Þýskalandsmeistara í slaktaumatölti, Spuna frá Heesberg og Herdís Björg Jóhannsdóttir titilverjandi í ungmennaflokki mætir með Kormák frá Kvistum.

Einnig er nú ljóst að sjötta kynbótahrossið frá Íslandi er Ólga frá Lækjamóti sem kemur inn í flokk sex vetra og eldri hryssna.

Sjö knapar eru valdir í íþróttakeppni í flokki fullorðinna og fimm knapar í U21. Að auki verða sex hross frá Íslandi í kynbótasýningu á mótinu. Þá munu sex tililverjendur keppa fyrir hönd Íslands.

Mikill hugur er í liðsmönnum og teyminu öllu enda væntingar um góðan árangur á mótinu. Hestarnir fara með Icelandair Cargo 29.júlí og landsliðið flýgur út 28.júlí. Heimsmeistaramótið hefst þriðjudaginn 5. ágúst og stendur til 10. ágúst.

Hér að neðan má sjá endanlega hóp Íslands fyrir Heimsmeistaramótið í Sviss.

A-landslið skipa:

Aðalheiður Anna Guðjónsdóttir, Hestamannafélagið Hörður

Hulinn frá Breiðstöðum – Slaktaumatölt og fjórgangur

Aðalheiður og Hulinn eru á sínu fyrsta keppnisári saman á hringvellinum og eru í mikilli sókn. Hæst hafa þau farið í 8.37 í slaktaumatölti (forkeppni) og 8.46 í úrslitum. Í fjórgangi hafa þau hæst farið í 7.50 í forkeppni og 7.87 í úrslitum.

Árni Björn Pálsson, Hestamannafélagið Fákur

Kastanía frá Kvistum – Tölt

Árni Björn og Kastanía hafa náð gríðarlega góðum árangri í tölti og hæst hlotið 8.87 í forkeppni. Þau urðu meðal annars Íslandsmeistarar í tölti árið 2024 þar sem þau hlutu 9.11 í úrslitum.

Daníel Gunnarsson, Hestamannafélagið Skagfirðingur

Kló frá Einhamri 2 - 250m og 100m skeið

Daníel hefur á undanförnum árum sýnt og sannað að hann er orðinn sérfræðingur og listaknapi í skeiðgreinum. Hann átti frábært ár á skeiðbrautinni með Kló frá Einhamri 2 og er þeirra besti tími 21.97 sekúndur í 250m skeiði.

Hans Þór Hilmarsson, Hestamannafélagið Geysir

Ölur frá Reykjavöllum – Fimmgangur, tölt og gæðingaskeið

Hans Þór og Ölur frá Reykjavöllum hafa gert það gott í fimmgangsgreinum og urðu meðal annars Íslandsmeistarar í fimmgangi á árinu 2024. Þeirra hæsta einkunn í fimmgangi í ár er 7,30.

Helga Una Björnsdóttir, Hestamannafélagið Þytur

Ósk frá Stað – Slaktaumatölt og fjórgangur

Helga Una og Ósk eru Íslandsmeistarar í slaktaumatölti en þær hafa hæst hlotið 8.40 í forkeppni og 8,63 í úrslitum á árinu. Þær hafa einnig náð góðum árangri í fjórgangi og hlotið þar hæst 7.33 í forkeppni á árinu.

Hinrik Bragason, Hestamannafélagið Fákur

Trú frá Árbakka – Gæðingaskeið

Hinrik og Trú frá Árbakka eru afar sigursælt par í gæðingaskeiði og sigruðu greinina meðal annars á Landsmóti 2024 með 8.75 í einkunn.

Sigursteinn Sumarliðason, Hestamannafélagið Sleipnir.

Krókus frá Dalbæ – 250m og 100m skeið

Sigursteinn og Krókus frá Dalbæ hafa verið sterkir í skeiðgreinum síðastliðin ár og urðu meðal annars Íslandsmeistarar í 250 m skeiði árið 2024. Í ár hafa þeir hlaupið hraðast á tímanum 21.92 sekúndur í 250m skeiði.

Ríkjandi heimsmeistarar:

Elvar Þormarsson, Hestamannafélagið Geysir

Djáknar frá Selfossi - Fimmgangur

Elvar er tvöfaldur heimsmeistari frá því í Hollandi 2023 á Fjalladísi frá Fornusöndum, þar sem þau sigruðu gæðingaskeið og 250 m skeið. Í ár mætir Elvar með Djáknar frá Selfossi í fimmgang en þeir hafa hæst farið í 7,33 í fimmgangi (forkeppni).

Glódís Rún Sigurðardóttir, Hestamannafélagið Sleipnir

Snillingur frá Íbishóli – Fimmgangur

Glódís er ríkjandi heimsmeistari í fimmgangi ungmenna á Sölku frá Efri-Brú eftir frábæra frammistöðu í Hollandi. Nú mætir hún með Snilling frá Íbishóli í fimmgang en þau eiga hæst 7,53 í forkeppni á árinu.

Jóhanna Margrét Snorradóttir, Hestamannafélagið Máni

Assa frá Miðhúsum – Fjórgangur og tölt

Jóhanna Margrét og Bárður frá Melabergi voru einar skærustu stjörnur á HM í Hollandi og eru ríkjandi heimsmeistarar í tölti og samanlögðum fjórgangsgreinum. Nú mætir Jóhanna með Össu frá Miðhúsum sem Gústaf Ásgeir hefur náð gríðarlega góðum árangri á en Assa hefur hæst farið í 7,73 í fjórgangi (forkeppni) og 8,67 í úrslitum í tölti.

Sara Sigurbjörnsdóttir, Hestamannafélagið Geysir

Spuni vom Heesberg - Slaktaumatölt

Sara varð heimsmeistari í fimmgangi á HM í Hollandi 2023. Nú mætir hún með reynsluboltann Spuna vom Heesberg en hann er fjórfaldur Þýskur meistari í slaktaumatölti með knapa sínum Daniel Schulz.

Landslið U-21:

Kristján Árni Birgisson, hestamannafélagið Geysir

Krafla frá Syðri-Rauðalæk – 250m og 100m skeið

Kristján og Krafla eru Íslandsmeistarar í 100m skeiði ungmenna á tímanum 7.59 sekúndum. Þau hafa einnig náð góðum árangri í 250m skeiði og farið á 22.52 sekúndum.

Lilja Rún Sigurjónsdóttir, hestamannafélagið Fákur

Arion frá Miklholti - Slaktaumatölt

Lilja Rún og Arion hafa sýnt stórgóðar sýningar í slaktaumatölti á árinu. Hæst hafa þau farið í 7.47 í forkeppni og 7.75 í úrslitum.

Matthías Sigurðsson, hestamannafélagið Fákur.

Magnea frá Staðartungu - Gæðingaskeið

Matthías og Magnea hafa keppti í skeiðgreinum saman síðustu ár með góðum árangri og hæst hlotið í 7.54 í gæðingaskeiði í ár.

Védís Huld Sigurðardóttir, hestamannafélagið Sleipnir

Ísak frá Þjórsárbakka – Fjórgangur og tölt

Védís og Ísak hafa náð frábærum árangri saman síðastliðin ár og urðu Íslandsmeistarar í fjórgangi og tölti í ár þar sem þau hlutu 7.80 í fjórgangi og 8.0 í tölti.

Þórgunnur Þórarinsdóttir, hestamannafélagið Skagfirðingur

Djarfur frá Flatatungu – Fimmgangur, gæðingaskeið og tölt

Þórgunnur og Djarfur áttu frábærar sýningar í sumar og urðu meðal ananrs Íslandsmeistarar í samanlögðum fimmgangsgreinum ungmenna annað árið í röð.

Ríkjandi heimsmeistarar:

Herdís Björg Jóhannsdóttir, hestamannafélagið Sprettur

Kormákur frá Kvistum – Fjórgangur og tölt

Herdís Björg er heimsmeistari í tölti ungmenna frá síðasta Heimsmeistaramóti þar sem hún sýndi frábærar sýningar á Kvarða frá Pulu. Í ár mætir hún með nýjan hest, Kormák frá Kvistum sem hefur gert það gott á keppnisvellinum með Jóhönnu Margréti.

Jón Ársæll Bergmann, hestamannafélagið Geysir

Harpa frá Höskuldsstöðum – Fimmgangur

Jón Ársæll er heimsmeistari í fjórgangi ungmenna og samanlögðum fjórgangsgreinum frá síðasta Heimsmeistaramóti. Nú mætir hann með Hörpu frá Höskuldsstöðum en þau sigruðu fimmgang á Landsmóti árið 2024 og eru Íslandsmeistarar í fimmgangi en þau hafa hæst hlotið 7.50 í forkeppni á árinu.

Kynbótahross

7 vetra og eldri - Hryssa:

Eind frá Grafarkoti IS2015255410
F: Kiljan frá Steinnesi
M: Kara frá Grafarkoti
Sköpulag 8,37
Hæfileikar 8,85
Aðaleinkunn 8,69
Knapi Bjarni Jónasson
Eigendur: Bjarni Jónasson & Anja Egger-Meier
Ræktandi: Herdís Einarsdóttir

7 vetra og eldri - Hestur:

Hljómur frá Auðstholtshjáleigu IS2018187052
F: Organisti frá Horni
M: Tíbrá frá Auðsholtshjáleigu
Sköpulag 8,76
Hæfileikar 8,78
Aðaleinkunn 8,77
Knapi Árni Björn Pálsson
Eigandi: Stutteri Egebjerggård I/S
Ræktendur: Kristbjörg Eyvindsdóttir og Gunnar Arnarson

6 vetra og eldri - Hryssa:

Ólga frá Lækjamóti S2019255117
F: Spaði frá Stuðlum
M: Ísey frá Lækjamóti
Sköpulag 8,05
Hæfileikar 8,65
Aðaleinkunn 8,44
Knapi Benjamín Sandur Ingólfsson
Eigandi: Stephanie Brassel
Ræktendur: Ísólfur Líndal Þórisson og Vigdís Gunnarsdóttir

6 vetra og eldri - Hestur:

Drangur frá Ketilsstöðum IS2019176182
F: Álfaklettur frá Syðri-Gegnishólum
M: Tíbrá frá Ketilsstöðum
Sköpulag 8,56
Hæfileikar 8,58
Aðaleinkunn 8,57
Knapi: Viðar Ingólfsson
Eigandi: Bergur Jónsson
Ræktandi: Bergur Jónsson

5 vetra og eldri - Hryssa:

Óskastund frá Steinnesi IS2020256298
F: Adrían frá Garðshorni á Þelamörk
M: Óskadís frá Steinnesi
Sköpulag 8,29
Hæfileikar 8,85
Aðaleinkunn 8,65
Knapi: Árni Björn Pálsson
Eigendur: Anja Egger-Meier & Kronshof Gbr
Ræktandi: Magnús Jósefsson

6 vetra og eldri - Hestur:

Sörli frá Lyngási IS2020157382
F: Pensill frá Hvolsvelli
M: Athöfn frá Stykkishólmi
Sköpulag 8,37
Hæfileikar 8,34
Aðaleinkunn 8,35
Knapi: Agnar Þór Magnússon
Eigendur: Lárus Ástmar Hannesson og Lyngás HS ehf
Ræktandi: Lárus Ástmar Hannesson

Lokadagur Íslandsmóts barna -og unglinga

Sun, 20 Jul 2025 22:30:59 GMT

Úrslit á glæsilegu Íslandsmóti barna og unglinga.

100m skeið

Dagur Sigurðarson og Tromma frá Skúfslæk eru Íslandsmeistarar í 100 m. skeiði en þau voru á tímanum 7,39 sek. Aron Dyröy Guðmundsson og Kjarkur frá Árbæjarhjáleigu II voru með næst besta tímann 7,75 sek og einu sekúndubroti á eftir þeim var Elísabet Líf Sigvaldadóttir og Hildur frá Feti.

Gæðingakeppni

Viktoría Huld Hannesdóttir og Þinur frá Enni báru sigur úr býtum í barnaflokki gæðinga en þau hlutu einkunnina 8,88. Gabríela Máney Gunnarsdóttir og Bjartur frá Hlemmiskeiði 3 enduðu í öðru sæti eftir að hafa komið upp úr B úrslitum. Í því þriðja varð Aron Einar Ólafsson á Kraganum frá Firði með 8,65 í einkunn.

Ída Mekkín Hlynsdóttir og Ísafold frá Kirkjubæ báru sigur úr býtum í unglingaflokki gæðinga og uppskáru 8,87 í einkunn. Í öðru sæti urðu nýkrýndir Íslandsmeistarar í gæðingatölti Eik Elvarsdóttir og Valur frá Stangarlæk 1 með 8,76 í einkunn og í þriðja Dagur Sigurðarson á Lér frá Stóra-Hofi með 8,73 í einkunn.

Fimmgangur

Dagur Sigurðarson gerði gott mót og vann sinn annan Íslandsmeistartitil þegar hann sigraði fimmgang í unglingaflokki á Skugga-Sveini frá Þjóðólfshaga 1 með 6,81 í einkunn. Ísabella Helga Játvarðsdóttir varð önnur á Lávarði frá Ekru með 7,31 og í þriðja sæti Eik Elvarsdóttir á Hrafntinnu frá Strandarhjáleigu með 6,21 í einkunn.

Slaktaumatölt

Oliver Sirén Matthíasson er Íslandsmeistari í slaktaumatölti í barnaflokki með Herjann frá Eylandi og hlutu þeir glæsilega einkunn eða 7,04. Í öðru sæti varð Hilmir Páll Hannesson á Þoku frá Hamarsey með 6,88 í einkunn og í því þriðja Eva Dögg Maagaard Ólafsdóttir á Sólbirtu frá Miðkoti með 6,79 í einkunn.

Jöfn og spennandi úrslit voru í slaktaumatölti, unglingaflokki og þurfti að skera úr um fyrsta sætið með sætaröðun frá dómara. Það voru þær Elísabet Líf Sigvaldadóttir á Öskju frá Garðabæ og Lilja Rún Sigurjónsdóttir á Stormi frá Kambi sem voru jafnar í fyrsta og öðru sæti með 7,08 í einkunn. Eftir sætaröðun dómara var ljóst að Íslandsmeistari í slaktaumatölti í ár væri Elísbet Líf og Askja frá Garðabæ og Lilja Rún varð í öðru sæti. Í þriðja sæti varð Erla Rán Róbertsdóttir á Glettingi frá Skipaskaga með 6,83 í einkunn.

Fjórgangur

Kristín Rut Jónsdóttir vann A úrslitin í fjórgangi V2 í barnaflokki á hesti sínum Straumi frá Hofsstöðum, Garðabæ með einkunnina 7,00. Í öðru sæti varð Viktoría Huld Hannesdóttir á Steinari frá Stíghúsi með 6,97 og í þriðja sæti Oliver Sirén Matthíasson á Gróu frá Þjóðólfshaga 1 með 6,47 í einkunn.

Lilja Rún Sigurjónsdóttir tryggði sér annan Íslandsmeistaratitilinn á þessu móti þegar hún sigraði í fjórgangi í unglingaflokki með 7,40 í einkunn á Draupni frá Dimmuborg. Í öðru sæti varð Ragnar Snær Viðarsson á Stimpli frá Strandarhöfði með 7,10 og þriðja sætinu deildu systkini Elimar og Eik Elvarsbörn með 7,00 í einkunn.

Tölt

Kristín Rut Jónsdóttir og Straumur frá Hofsstöðum, Garðabæ sigurðu tölt T3 í barnaflokki með einkunnina 7,11 og eru því fjórfaldir Íslandsmeistarar þar sem þau sigra tölt, fjórgang og gæðingatölt en Kristín Rut er einnig stigahæst í barnaflokki. Í öðru sæti varð Viktoría Huld Hannesdóttir á Steinari frá Stíghúsi með 7,00 og í þriðja Eyvör Sveinbjörnsdóttir á Skál frá Skör með 6.83 í einkunn.

Elva Rún Jónsdóttir og Goði frá Garðabæ fóru með sigur úr býtum en þau hlutu 7,67 í einkunn. Í öðru sæti varð Elimar Elvarsson með Sölku frá Hólateigi og einkunnina 7,28 og í því þriðja Apríl Björk Þórisdóttir á Lilju frá Kvistum með 7,06 í einkunn. Í fjórða sæti varð Lilja Rún Sigurjónsdóttir en hún var einnig verðlaunuð sem stigahæsti knapinn í unglingaflokki eftir frábært mót og tvo Íslandsmeistaratitla.

Frábæru Íslandsmóti er nú lokið óskum við öllum nýkrýndum Íslandsmeisturum innilega til hamingju og þökkum öllum keppendum, mótshöldurum Hestamannafélaginu Sörla og sjálfboðaliðum fyrir þeirra aðkomu að þessu glæsilega móti.

Eik og Kristín Rut Íslandsmeistarar í gæðingatölti

Sun, 20 Jul 2025 10:15:13 GMT

Laugardagur á Íslandsmóti barna og unglinga hófst á keppni í unglinga- og barnaflokki í gæðingakeppni. Þetta voru síðustu greinar í forkeppni mótsins og seinnipartinn fóru fram B-úrslit í öllum flokkum.

Efst í barnaflokki eru sigurvegarar síðast Landsmóts, Viktoría Huld Hannesdóttir á Þin frá Enni með einkunnina 8,76 en hún er einnig í öðru sæti á Steinari frá Stíghúsi með 8,62. Þriðja inn í A úrslit er Svala Björk Hlynsdóttir á Eindísi frá Auðsholtshjáleigu með 8,50 í einkunn. Í unglingaflokki er það Ída Mekkín Hlynsdóttir sem leiðir á Ísafold frá Kirkjubæ og einkunnina 8,67. Rétt á eftir henni eru þau Eik Elvarsdóttir og Valur frá Stangarlæk 1 með 8,65 í einkunn og Dagur Sigurðsson með Lér frá Stóra-Hofi og einkunnina 8,61.

Eik Elvarsdóttir og Valur frá Stangarlæk 1 eru Íslandsmeistarar í gæðingatölti unglinga með einkunnina 8,77. Í öðru sæti varð Elva Rún Jónsdóttir á Hraunari frá Vorsabæ II með 8,69 í einkunn og í því þriðja Kristín Eir Hauksdóttir Holaker á Þokka frá Skáney með 8,62 í einkunn.

Kristín Rut Jónsdóttir er Íslandsmeistari í gæðingatölti í barnaflokki með Straum frá Hofsstöðum, Garðabæ en þau unnu með 8,78 í einkunn. Viktoría Huld Hannesdóttir og Þinur frá Enni urðu í öðru sæti með 8,64 í einkunn og í því þriðja varð Valdís Mist Eyjólfsdóttir á Hnotu frá Þingnesi með 8,60 í einkunn.

B-úrslit í fjórgangi fóru fram seinnipartinn þar sem Elimar Elvarsson varð efstur í unglingaflokki með Sölku frá Hólateigi en þau hlutu einkunnina 6,87. Í barnaflokki varð Oliver Sírén Matthíasson efstur með Gróu frá Þjóðólfshaga 1 með 6,43 í einkunn. Í B-úrslitum í fimmgangi varð efst Ísabella Helga Játvarðsdóttir með Lávarð frá Ekru en þau hlutu einkunnina 6,40.

Efst í B-úrslitum í slaktaumatölti, unglingaflokki varð Erla Rán Róbertsdóttir með Gletting frá Skipaskaga en þau hlutu einkunnina 6,83. Í B-úrslitum í tölti T3 barnaflokki urðu efstar þær Helga Rún Sigurðardóttir og Drottning frá Íbishóli með 6,50 í einkunn og tölt T1 í unglingaflokki urðu efstir Anton Óskar Ólafsson og Fengsæll frá Jórvík með einkunnina 6,83.

Greta Berglind Jakobsdóttir varð efst í sterkum B-úrslitum í unglingaflokki en hún og Hágangur frá Miðfelli 2 hlutu 8,60 í einkunn. Í barnaflokki varð efst Gabríela Máney Gunnarsdóttir með Bjart frá Hlemmiskeiði 3 en þau hlutu 8,72 í einkunn!

Það stefnir í góðan sunnudag á glæsilegu svæði hestamannafélagsins Sörla í Hafnarfirði þar sem A-úrslit fara fram.

Lilja Rún Íslandsmeistari í gæðingskeiði

Sat, 19 Jul 2025 08:54:03 GMT

Fyrsti Íslandsmeistarinn krýndur á Íslandsmóti barna og unglinga

Fyrsti Íslandsmeistari mótsins var krýndur í gær þegar fram fór keppni í gæðingaskeiði en einungis var keppt í þeirri grein í unglingaflokki.

Það fór svo að Lilja Rún Sigurjónsdóttir og Heiða frá Skák sem sigurðu með 7,75 í einkunn en þær sigruðu einnig þessa grein í fyrra. Keppnin var spennandi en í öðru sæti voru Kristín Eir Hauksdóttir Holaker á Pilt frá Sturlureykjum 2 með einkunnina 7,25 og í því þriðja var Ásta Hólmfríður Ríkharðsdóttir og Sæla frá Hemlu II með 7,21 í einkunn.

LH óskar Lilju Rún innilega til hamingju með Íslandsmeistaratitilinn.

Íslandsmót barna og unglinga stendur yfir

Fri, 18 Jul 2025 22:19:09 GMT

Nú stendur yfir Íslandsmót barna og unglinga í hestaíþróttum í Hafnarfirði

Mótið hófst á keppni í fjórgangi í unglingaflokki, þar 65 hross voru skráð til leiks og margar glæsilegar sýningar áttu sér stað.

Efst í fjórgangi unglinga er Eik Elvarsdóttir og Blær frá Prestsbakka með einkunnina 6,90. Ragnar Snær Viðarsson og Stimpill frá Strandarhöfði voru með næst hæstu einkunn í þeirri grein eða 6,80. Til A-úrslita mæta einnig þau Elva Rún Jónsdóttir með Goða frá Garðabæ, Loftur Breki Hauksson með Fannar frá Blönduósi og Lilja Rún Sigurjónsdóttir með Draupni frá Dimmuborg.

Í barnaflokki voru 38 hross skráð til leiks í fjórgangi. Efst í þeim flokki er Kristín Rut Jónsdóttir með Straum frá Hofsstöðum, Garðabæ með einkunnina 6,70 en hún reið einnig Flugu frá Garðabæ í einkunnina 6,53 (þriðja sæti eftir forkeppni). Rétt á eftir Kristínu og Straumi er Viktoría Huld Hannesdóttir með Steinar frá Stíghúsi með einkunnina 6,53 en hún er einnig í því fjórða með Þin frá Enni (6,47). Í fimmta sæti eftir forkeppni er Helga Rún Sigurðardóttir með Flipa frá Bergstöðum og einkunnina 6,37.

Efstur í fimmgangi unglinga eftir forkeppni er Ragnar Snær Viðarsson með Vigra frá Bæ (6,70). Rétt á eftir þeim koma Dagur Sigurðaron og Skugga-Sveinn frá Þjóðólfshaga 1 (6,63) og í því þriðja Ásta Hólmfríður Ríkharðsdóttir með Myrkva frá Traðarlandi (6,43).

Forkeppni í tölti og slaktaumatölt er einnig lokið. Efst í tölti T1 unglingaflokki er Lilja Rún Sigurjónsdóttir með Sigð frá Syðri-Gegnishólum og einkunnina 7,07. Í A-úrslit mæta einnig Elva Rún Jónsdóttir með Goða frá Garðabæ (6,93), Elimar Elvarsson og Salka frá Hólateigi (6,83), Apríl Björk Þórisdóttir og Lilja frá Kvistum (6,80) og Elísabet Líf Sigvaldadóttir með Fenrir frá Kvistum (6,80).

Í tölti T3 barnaflokki sáust stórgóðar sýningar en það leiða þau Kristín Rut Jónsdóttir og Straumur frá Hofsstöðum, Garðabæ með einkunnina 7,07. Á eftir þeim koma Viktoría Huld Hannesdóttir með Steinar frá Stíghúsi (6,93), Kristín Rut Jónsdóttir með Flugu frá Garðabæ (6,87), Eyvör Sveinbjörnsdóttir með Skál frá Skör (6,50). Þar á eftir eru þrjú jöfn með einkunnina 6,43, þau Hilmir Páll Hannesson með Þoku frá Hamarsey, Sigríður Elva Elvarsdóttir með Muna frá Syðra-Skörðugili og Valdís Mist Eyjólfsdóttir með Hnotu frá Þingnesi.

Efst eftir forkeppni í slaktaumatölti, unglingaflokki er Elísabet Líf Sigvaldadóttir með Öskju frá Garðabæ (6,97). Í A-úrslit í þeirri grein mæta einnig Gabríel Liljendal Friðfinnsson og Feldur frá Höfðaborg (6,83), Lilja Rún Sigurjónsdóttir með Storm frá Kambi (6,80). Hrefna Kristín Ómarsdóttir með Dynjanda frá Álfhólum & Dagur Sigurðarson með Glæsi frá Akranesi bæði með 6,63 í einkunn.

Í barnaflokki er efstur Oliver Sirén Matthíasson með Herjann frá Eylandi og einkunna 6,47. Á eftir þeim koma Hilmir Páll Hannesson með Þoku frá Hamarsey (6,17), Eva Dögg Maagaard Ólafsdóttir með Sólbirtu frá Miðkoti (6,13), Oliver Sirén Matthíasson og Glæsir frá Traðarholti (6,13), Kristín Rut Jónsdóttir með Roða frá Margrétarhofi (6,03) og Hrafnar Feyr Leósson með Tind frá Álfhólum (5,90).

Allt mótið er í beinu streymi á Alendis og allar niðurstöður birtast í rauntíma í Horseday appinu.

Framundan er gæðingakeppni og svo frábær úrslit alla helgina!

Íslandsmót barna og unglinga hefst á morgun

joninasif@lhhestar.is (Jónína Sif Eyþórsdóttir) — Wed, 16 Jul 2025 14:03:54 GMT

Íslandsmót barna- og unglinga 2025

Á morgun fimmtudag hefst heilmikil veisla á glæsilegu félagssvæði Hestamannafélagsins Sörla í Hafnarfirði þar sem Íslandsmót barna- og unglinga fer fram yfir helgina.

Mikill fjöldi skráninga er á mótinu og ljóst að áhuginn er mikill hjá yngri kynslóðinni. Á mótinu er keppt í barnaflokki og unglingaflokki í hefðbundnum íþróttagreinum auk gæðingakeppni og gæðingatölts sem nú eru orðnar skyldugreinar á mótinu og því krýndir Íslandsmeistarar í gæðingaflokkunum einnig. Hestakostur á mótinu er gríðarlega sterkur og hægt að gera ráð fyrir frábærum sýningum hjá keppendum á mótinu.

Dagskrá hefst á morgun fimmtudag klukkan 8:30 með keppni í fjórgangi V1 unglinga sem eru tæplega 70 talsins í rásröðinni, og þar á eftir er fjórgangur V1 í barnaflokki. Dagskrá fimmtudags endar svo á Gæðingatölti í barna- og unglingaflokki.

Á föstudaginn hefst dagurinn á fimmgangi unglinga, T4 barna og svo unglinga, T3 barna, T1 unglinga og að lokum gæðingaskeið unglinga.

Á laugardag er það svo gæðingakeppnin sem ræður ríkjum ásamt b-úrslitum í hinum ýmsu greinum og svo á sunnudag er 100 m skeið og a-úrslit í öllum greinum.

Það verður af nógu að taka á Sörlastöðum um helgina og Landssamband Hestamannafélaga óskar keppendum, mótshöldurum og aðstandendum góðs gengis og frábærrar skemmtunar. Hægt verður að fylgjast með mótinu í útsendingu á Alendis.

Kynbótahrossin frá Íslandi á HM

Tue, 15 Jul 2025 10:17:16 GMT

Deild hrossabænda innan Bændasamtaka Íslands hefur nú birt endanlegan lista yfir þau kynbótahross sem munu mæta fyrir Íslands hönd á kynbótasýningu á HM.

Hverju landi er heimilt er að senda tvö hross í hvern aldursflokk, í flokki fimm, sex og sjö vetra og eldri kynbótahrossa, og þurfa hrossin að vera fædd í þau landi sem þau koma fram fyrir. Frá Íslandi koma hryssa og stóðhestur í hverjum aldursflokki.

Kynbótahross hljóta ekki titilinn heimsmeistarar í sínum flokki, enda er um að ræða ræktunarsýningu en ekki keppni.

Flokkur 5 vetra hrossa:

IS2020157382 Sörli frá Lyngási

Faðir: Pensill frá Hvolsvelli

Móðir: Athöfn frá Stykkishólmi

Sköpulag: 8,37 Hæfileikar 8,34 Aðaleinkunn 8,35

Sýnandi: Agnar Þór Magnússon

IS2020256298 Óskastund frá Steinnesi

Faðir: Adrían frá Garðshorni á Þelamörk

Móðir: Óskadís frá Steinnesi

Sköpulag: 8,29 Hæfileikar 8,85 Aðaleinkunn 8,65

Sýnandi: Árni Björn Pálsson

Flokkur 6 vetra hrossa:

IS2019176182 Drangur frá Ketilsstöðum

Faðir: Álfaklettur frá Syðri-Gegnishólum

Móðir: Tíbrá frá Ketilsstöðum

Sköpulag: 8,56 Hæfileikar 8,58 Aðaleinkunn 8,57

Sýnandi: Viðar Ingólfsson

IS2019255117 Ólga frá Lækjamóti

Faðir: Spaði frá Stuðlum

Móðir: Ísey frá Lækjamóti

Sköpulag: 8,05 Hæfileikar 8,65 Aðaleinkunn 8,44

Sýnandi: Benjamín Sandur Ingólfsson

Flokkur 7 vetra og eldri hrossa:

IS2018187052 Hljómur frá Auðsholtshjáleigu

Faðir: Organisti frá Horni

Móðir: Tíbrá frá Auðsholtshjáleigu

Sköpulag: 8,76 Hæfileikar 8,78 Aðaleinkunn 8,77

Sýnandi: Árni Björn Pálsson

IS2015255410 Eind frá Grafarkoti

Faðir: Kiljan frá Steinnesi

Móðir: Kara frá Grafarkoti

Sköpulag: 8,37 Hæfileikar 8,85 Aðaleinkunn 8,69

Sýnandi: Bjarni Jónasson

Heimsmet staðfest

Mon, 14 Jul 2025 21:05:02 GMT

Konráð Valur Sveinsson og Kastor frá Garðshorni á Þelamörk slóu fyrra heimsmet um 0,01 sek.

FEIF hefur staðfest heimsmet Konráðs Vals Sveinssonar og Kastors frá Garðshorni á Þelamörk í 250m. skeiði á tímanum 21,06 sek. sem sett var á Íslandsmóti 2025 og bættu þar með heimsmet Daníel Ingi Smárasonar og Huldu frá Margaretehof um 0,01 sek.

Þess má geta að Konráð Valur sló þar með einnig eigið Íslandsmet í 250m skeiði, 21,15 sek., sem sett var á Landsmóti í Reykjavík 2018.

Landssamband hestamannafélaga óskar Konráði Vali Sveinssyni innilega til hamingju með heimsmetið.

Landslið Íslands á HM

joninasif@lhhestar.is (Jónína Sif Eyþórsdóttir) — Wed, 09 Jul 2025 16:07:23 GMT

Þá hefur landslið Íslands fyrir HM í Sviss verið tilkynnt, en það var gert við hátíðlega athöfn í húsakynnum Icelandair Cargo að Flugvöllum í Hafnarfirði. Eiðfaxi Tv var með beina útsendingu og hægt verður að horfa á viðburðinn á vefnum hjá þeirra.

Landslið U 21 skipa:

Titilverjendur:

Herdís Björg Jóhannsdóttir, ekki hefur verið gefið út með hvaða hest hún fer.

Jón Ársæll Bergmann og Harpa frá Höskuldsstöðum og munu þau keppa í Fimmgang.

Valknapar:

Kristján Árni Birgisson og Krafla frá Syðri-Rauðalæk keppa í 250m og 100m skeiði.

Matthías Sigurðsson og Magnea frá Staðartungu keppa í Gæðingaskeiði.

Lilja Rún Sigurjónsdóttir og Aríon frá Miklholti keppa í Slaktaumatölti.

Védís Huld Sigurðardóttir og Ísak frá Þjórsárbakka keppa í Fjórgangi og Tölti.

Þórgunnur Þórarinsdóttir og Djarfur frá Flatatungu keppa í Fimmgang, Tölti og Gæðingaskeiði.

Þjálfari Hekla Katharína Kristinsdóttir

A landsliðið skipa :

Titilverjendur:

Elvar Þormarsson og Djáknar frá Selfossi þeir munu keppa í Fimmgangi.

Glódís Rún Sigurðardóttir og Snillingur frá Íbishóli þau munu keppa í Fimmgangi.

Jóhanna Margrét Snorradóttir og Kormákur frá Kvistum þau keppa í Fjórgangi og Tölti.

Sara Sigurbjörnsdóttir og Fluga frá Oddhóli þær keppa í Fjórgangi og Tölti.

Valknapar:

Árni Björn Pálsson og Kastanía frá Kvistum keppa í Tölti.

Daníel Gunnarsson og Kló frá Einhamri þau keppa í 250m og 100m skeiði.

Hans Þór Hilmarsson og Ölur frá Reykjavöllum keppa í Fimmgangi, Tölti og Gæðingaskeiði.

Helga Una Björnsdóttir og Ósk frá Stað þær keppa í Slaktaumatölti og Fjórgangi.

Hinrik Bragason og Trú frá Árbakka þau keppa í Gæðingaskeiði.

Sigursteinn Sumarliðason og Krókus frá Dalbæ og þeir keppa í 250m og 100m skeiði.

Þjálfari Sigurbjörn Bárðarson

Kynbóta hross og knapar

Flokkur 5 vetra hrossa:

Sörli frá Lyngási sýnandi Agnar Þór Magnússon

Óskastund frá Steinnesi sýnandi Árni Björn Pálsson

Flokkur 6 vetra hrossa:

Drangur frá Ketilsstöðu m s ýnandi: Bergur Jónsson

Rkki er hægt að gefa út hver 6 vetra hryssan er sem stendur.

Flokkur 7 vetra og eldri hrossa:

Hljómur frá Auðsholtshjáleigu sýnandi Árni Björn Pálsson

Eind frá Grafarkoti sýnandi Bjarni Jónasson

Við óskum öllum þessum knöpum innilega til hamingju með sætið í landsliðinu og hlökkum til að fylgjast með þeim á stórasviðinu í Sviss!

Áfram Ísland!

Landslið Íslands verður kynnt á morgun

joninasif@lhhestar.is (Jónína Sif Eyþórsdóttir) — Tue, 08 Jul 2025 15:52:03 GMT

Landslið Íslands í hestaíþróttum verður kynnt á morgun kl 15:00 og verður hægt að fylgjast með í beinni útsendingu á EiðfaxaTv

Að venju ríkir mikil eftirvænting og hafa Landsliðsþjálfaranir lagt mikla vinnu í að setja saman liðin, um helgina fór svo fram dýralæknaskoðun, auk þess sem knaparnir mátuðu keppnis og æfingafatnað. Allur fatnaður knapa og teymis er styrktur af Topreiter og Lífland.

Þjálfarar landsliðsins verða í viðtali á Rás 2 í fyrramálið klukkan 9:30 og þar munu þau gefa innsýn inn í hvað þarf að hafa í huga þegar landsliðið er valið.

Við hleruðum þjálfarana aðeins í morgun og þá sagði Hekla Katharína: ,,Það hefur verið mjög spennandi að fylgjast með hópnum á keppnistímabilinu, það hafa verið mikilar framfarir hjá mörgum knöpum á milli móta og árangurinn þannig að margir eigi fullt erindi á mótið, þó einungis fáir fái að fara."

Sigurbjörn tók undir þetta og sagði samkeppnina hérna heima vera mikla og margir frábærir knapar sem þrátt fyrir allt eru ekki í hópnum. ,,Þetta er flókið ferli og margt sem þarf að ganga upp, svo að knapi og hestur fari út og keppi fyrir Íslands hönd.”

Þau segja að samstarfið í kringum valið hafi gengið ákaflega vel og vilja koma á framfæri þakklæti til mótshaldara sem hafa tekið vel á móti þeim, þar sem þau hafa komið og fylgst með knöpunum í sumar.

En hvernig er að vera í þessu hlutverki að tilkynna knöpum að þeir séu í hópnum?

,,Það er ákaflega gaman að hringja og tilkynna knöpum að þeir séu á leið á Heimsmeistaramót, þetta er auðvitað eitthvað sem flesta dreymir um og er uppskera gífurlegra vinnu. En þau eru að sama skapi erfið hin símtölin, þegar knapi sem var kominn með fingur á farseðilinn fær fregnir um að hann verði eftir heima, þrátt fyrir að eiga í raun fullt erinda á mótið.” Segir Hekla Katharína.

Viðtal við dýralækni landsliðsins

joninasif@lhhestar.is (Jónína Sif Eyþórsdóttir) — Tue, 08 Jul 2025 10:09:43 GMT

Í síðustu viku og um helgina fór fram dýralæknaskoðun á þeim hestum og knöpum sem taldir eru líklegastir til að skipa lið Íslands á heimsmeistaramótinu í Sviss. Nokkuð margir voru kallaðir í skoðun og mátti greinilega skynja eftirvæntingu og spennu. Liðið verður tilkynnt miðvikudaginn 9. júlí, EiðfaxiTv verður með beina útsendingu frá viðburðinum.

Það er dýralæknir landsliðsins, Matthias Rettig, sem sér um skoðanirnar. Hann starfar að jafnaði í Þýskalandi þar sem hann rekur stóra dýralæknastofu skammt frá Frankfurt. Matthias hefur sérhæft sig í hestadýralækningum með áherslu á greiningu á helti og skurðlækningar. Sem dýralæknir landsliðsins skoðar hann hestana vel fyrir mót og tryggir að allur búnaður sem fylgir þeim standist kröfur auk þess að sjá um þá flóknu pappírsvinnu sem liggur að baki því að senda hesta á HM. Íslenski hesturinn hefur sannarlega verið vendipunktur í hans lífi og við ákváðum því að heyra í honum og kynnast honum örlítið betur.

Hvernig vill það til að þýskur dýralæknir myndi svo sterk tengsl við land og þjóð?

„Fjölskyldan mín eignaðist fyrsta íslenska hestinn þegar ég var þriggja ára, systir mín sem er árinu eldri en ég var að glíma við bakvandamál og læknarnir ráðlögðu foreldrum okkar að senda hana í sund eða á hestbak. Það fór þannig að við fengum sundlaug í garðinn og fljótlega vorum við einnig komin með tvo Íslenska hesta þá Kembing og Ritschi, báðir ræktaðir í Þýskalandi. Það varð fljótt ljóst að tveir hestar dugðu ekki fyrir alla fjölskylduna og stóðið stækkaði sem og áhugi okkar á þessu frábæra hestakyni sem við völdum út frá skapgerð og því hversu fjölskylduvæn íslandshestamennskan er.“

„Árið 1993 fórum við fjölskyldan til Íslands í viku reiðtúr um Borgarnes með Benna Þorbjörnssyni. Þessi ferð varð upphafið af djúpstæðum tengslum við Ísland og íslenska hestamennsku. Foreldrar mínir eru mjög metnaðarfull og fengu snemma áhuga á að rækta Íslenska hesta. Í framhaldi af þessari ferð hittu þau Didda (Sigurbjörn Bárðarson) og keyptu af honum hestinn Kolskegg frá Ásmundarstöðum. Þetta var fyrsti alvöru keppnishesturinn minn og ég lærði ótrúlega mikið af honum.“

„Tengslin við Ísland dýpkuðu bara og ég hef fengið að kynnast mörgum frábærum hestamönnum Siggi Matt var til að mynda mikið hjá okkur út í Þýskalandi og ég lærði margt af honum. Á unglings árunum varði ég svo sumarfríunum mínum á Íslandi og var þá hjá Didda og fjölskyldunni hans við þjálfun og tamningar. Það má því segja að ég hafi fengið úrvalstækifæri til að verða alvöru keppnisknapi en þetta dugði ekki til og ég varð að halda mig við það sem hafði í raun legið fyrir alla tíð, að verða dýralæknir, eins og foreldrar mínir.“

Frá knapa til dýralæknis

Matthias stundaði nám í Búdapest og München, lauk því árið 2009 og starfaði síðan í Kentucky í Bandaríkjunum, Bretlandi og sem yfirdýralæknir við háskólaspítalann í Berlín. Fyrir sex og hálfu ári stofnaði hann eigin dýralæknastofu milli Kölnar og Frankfurt þar sem nú starfa 14 dýralæknar og 40 starfsmenn. Hann er alþjóðlega löggiltur hestadýralæknir og starfar einnig sem dýralæknir á vegum FEI og í kírópraktík. En hvernig varð hann hluti af landsliðsteyminu?

„Þegar Diddi hafði samband við mig og bauð mér að verða hluti af Íslenska landsliðsteyminu varð ég mjög stoltur og upplifði það sem mikinn heiður. Á þessum tímapunkti var ég að starfa fyrir þýska landsliðið en ég þurfti ekki að hugsa mig lengi um. Ég hafði alltaf haldið sambandi við Didda, enda var hann mér góður leiðbeinandi, fyrirmynd og vinur þegar ég var að vaxa úr grasi. Ég hef lært mikið af honum og dáist af þeim árangri sem hann hefur náð og er enn að ná.“

„Ég er heillaður af Íslenska hestinum sem er svo yfirvegaður miða við margar aðrar tegundir, þeir hafa sérstakan anda og nærveru einkum þegar þeir alast upp í íslenskri náttúru. Þeir eru fullkomnir íþróttahestar, fjölskylduhestar, vinir og félagar – það gerir þá svo sérstaka og það að fá að vera hluti af landsliðsteymi Ísland er mér mjög kært.“

,,Áður en að hestur fer úr landi þarf hann að undirgangast læknisskoðun, en það eru einnig mjög strangar heilsufarskröfur gerðar á mótinu sjálfu og þar fer hesturinn líka í skoðun af dýralæknum mótsins. Sem dýralæknir landsliðins legg ég mikinn metnað í að fylgja hestunum vel eftir. Við viljum tryggja sem best við getum að hestarnir sem fara héðan séu ekki að glíma við meiðsl eða veikindi og því fá þeir nákvæma skoðun áður en þeir eru tilkynntir inn sem hluti af liðinu. Þá er líka að ýmsu að huga á mótsstað þar sem hesturinn er kominn í nýtt umhverfi eftir langt ferðalag. Hestarnir eru til að mynda mældir á hverjum degi til að hægt sé að fylgjast með líkamshita þeirra. Þá þarf að passa að öll krem, sprey, fóður og annað slíkt sem notað er á staðnum eins og t.d. flugnasprey innihaldi ekki efni sem eru bönnuð í keppni. “

Hvaða áhrif hefur þetta haft á tengsl þín við Ísland og framtíðar plön?

„Þetta hefur orðið til þess að tengsl mín við Ísland eru orðin enn sterkari, ég kem reglulega hingað vegna undirbúnings fyrir stórmót, en einnig til þess að vera hér í fríi með fjölskyldunni. Nýlega keyptum við smá land þar sem við ætlum að byggja okkur lítið hús. Ísland er ekki bara vinnustaður heldur líka okkar annað heimili. Eftir Heimsmeistaramótið ætla ég að koma og dvelja hér með konunni minni og syni okkar og taka þátt í Reykjarvíkurmaraþoninu. “

„Ég var svo heppinn sem ungur knapi að fá að læra af bestu knöpum Íslands. Kannski hafði ég ekki næga hæfileika til að verða atvinnuknapi – en ég fann mína leið sem dýralæknir. Hestar eru enn miðpunktur alls sem ég geri og ég reyni að njóta þess að fara í hnakkinn þegar tími gefst til.“

En stefnir þú á að starfa á Íslandi?

„Ég er með leyfi frá MAST og gæti unnið sem dýralæknir á Íslandi, þó ég hafi ekki búnað hér eins og er. En hver veit? Kannski einn daginn. Aldrei segja aldrei!“

Við þökkum Matthias fyrir spjallið og óskum honum og liðinu öllu góðs gengis á HM.

Kæru hestamenn

joninasif@lhhestar.is (Jónína Sif Eyþórsdóttir) — Mon, 07 Jul 2025 10:56:46 GMT

Sumarið er tíminn segja margir en í hestamennskunni er veturinn, vorið og haustið líka tíminn. Allar árstíðir hafa sinn sjarma þegar kemur að hestum hvort sem maður er áhugamaður, atvinnumaður, ræktandi, í tamningum eða útreiðum. Við eigum það eitt sameiginlegt að elska að vera með okkar frábæra íslenska hesti í alls konar veðri og aðstæðum og allt hefur sinn sjarma.

Veturinn í vetur var góður að svo mörgu leyti, veðrið var víðast hvar með ágætum, fyrir utan nokkra storma og hestamennskan blómstraði. Alls staðar sem maður fór um landið mátti sjá fólk í útreiðum og á æfingum hvort sem það var úti eða inni. Félagslífið í félögunum út um allt land var mikið, æskulýðsstarfið er virkt og flest félögin eru með félagstúra hvort sem það eru fastir vikulegir reiðtúrar, kvenna- og karlareiðtúrar og svo mætti lengi telja.

Keppnisdeildir á öllum stigum voru mjög virkar í vetur og muna elstu menn ekki eftir eins miklum fjölda innanhúss keppna. Með þessari miklu virkni í keppni breikkar hópur knapa sem taka þátt hvort sem það eru æskulýðs, áhugamanna eða atvinnumannadeildir.

Það hefur verið forréttindi að fylgjast með hestamennskunni í landinu frá nýju sjónarhorni í vetur en nú eru rétt um átta mánuðir síðan ég tók við formennsku í LH. Tíminn hefur liðið óvenju hratt þökk sé nýjum og fjölbreyttum verkefnum og viðkynningum.

Við í stjórn LH höfum haldið 20 fundi á þessum átta mánuðum og skiptum vel með okkur verkum en í stafni stendur starfsfólkið okkar á skrifstofunni þau Berglind, Hinrik og Jónína Sif.

Á þessum mánuðum höfum m.a. styrkt starfið innan FEIF, náð inn fulltrúa inn í ÍSÍ þegar Þórdís Anna Gylfadóttir náði glæsilegu kjöri í framkvæmdastjórn ÍSÍ, fundað um ýmis mál hvort sem það eru réttindamál eða mál er varða almenna hestamennsku, rætt keppnismálin fram og til baka, nefndir hafa verið mjög virkar enda mörg verkefni sem þær vinna og svo mætti lengi telja.

Við héldum frábæran viðburð „Allra sterkustu“ í Samskipahöllinni í Spretti um páskana og þar voru slegin met í áhorfendafjölda og einnig í söfnun sem gerir það að verkum að kostnaður knapa við að fara fyrir hönd Íslands á HM í Sviss í ár verður í sögulegu lágmarki. Við erum sérstaklega stolt af þessu afreki en að baki þessum frábæra árangri standa Landsliðsknaparnir okkar, styrktaraðilar, stóðhestaeigendur sem gáfu tolla, Landsliðsnefndin, stjórnin og fjöldinn allur af sjálfboðaliðum. Við þökkum enn og aftur fyrir stuðninginn.

Fegurðin í hestamennskunni felst í fjölbreytninni og nú eru hestaferðir landans í hámarki enda er ekkert betra en að vera í íslenskri náttúru á íslenskum gæðingi hvort sem það er í sól eða regni. Fjölbreytni reiðleiða er gífurleg hvort sem það er innan bæjar, í sveitum landsins eða á hálendinu. Vert er að minnast að allar skráðar reiðleiðir eru inn á kortasjá sem finna má á nýjum vef LH – www.lh.is .

Nú í vor og sumar hefur hvert útimótið á fætur öðru verið haldið og þátttakan hefur verið gífurleg. Skemmst er að minnast heimsmets í skráningum sem slegið var á Reykjavíkurmóti Fáks sem haldið var um miðjan júní. Einkunnamet hafa verið sleginn og segja má að keppnismennskan sé á hápunkti. Íslandsmót Ungmenna og fullorðinna var haldið hjá Sleipni á Selfossi og var umgjörðin vægast sagt glæsileg. Þar var heimsmet slegið þegar Konráð Valur Sveinsson og Kastor frá Garðshorni á Þelamörk náðu tímanum 21,06 sek. Þegar sett eru heimsmet þarf FEIF að staðfesta metið og nú er beðið eftir staðfestingunni í ofvæni. Íslandsmót barna- og unglinga verður svo haldið hjá Sörla í Hafnarfirði 17-20 júlí og við hvetjum sem flesta til að mæta og fylgjast með. Í leiðinni er þá einnig hægt að skoða nýju glæsilegu reiðhöll Sörla sem var opnuð á dögunum.

Um helgina fór svo fram glæsilegt Fjórðungsmót Vesturlands við frábærar aðstæður þar sem veður lék við mótshaldara, keppendur og áhorfendur.

Það hafa verið margir hápunktar í sumrinu og það er varla byrjað en nú er spennan að magnast því n.k. miðvikudag 9 júlí verður Landsliðshópur Íslands, sem fer á HM í Sviss í byrjun ágúst, kynntur. Kynningin fer fram í húsakynnum Icelandair að Flugvöllum en Icelandair cargo eru einn af stóru styrktaraðilum Landsliðsins ásamt Líflandi, Topreiter og Blue Lagoon.

Mig langar að lokum að hvetja fólk að huga vel að hestum nú þegar heitt er í veðri og haginn er mikill. Njótið sumarsins og farið varlega en djarflega.

Sumarkveðjur,

Linda B Gunnlaugsdóttir

Formaður LH

Sumarpistill frá formanni

Fjórir fulltrúar Íslands taka þátt í FEIF Youth Camp 2025

joninasif@lhhestar.is (Jónína Sif Eyþórsdóttir) — Fri, 04 Jul 2025 11:33:36 GMT

Nú styttist óðfluga í að FEIF Youth Camp (FYCamp) sumarnámsbúðirnar verði haldnar á Hvanneyri en FYCamp fer fram þar daganna 9. til 14. júlí nk. FYCamp fór fyrst fram 1986 og mun þetta vera í fjóra sinn sem það fer fram á Íslandi.

Skipulagsnefnd á vegum æskulýðsnefndar LH hefur verið að störfum síðan í haust eða frá því að æskulýðsnefnd FEIF óskaði eftir að æskulýðsnefnd LH myndi taka að sér að halda FYCamp hérlendis í ár.

Búin var til fjögurra manna skipulagsnefnd sem falið var að halda utan um verkefnið, finna hentuga staðsetningu, skipuleggja dagskrá o.s.frv.. Leitað var til okkar mesta reynslubolta til að leiða nefndina í þeim tilgangi að aðrir í nefndinni gætu síðar tekið við keflinu. Skipulagsnefnd FYCamp 2025 skipa: Helga Björg Helgadóttir, Dagbjört Hulda Guðbjörnsdóttir, Guðrún Linda Björgvinsdóttir og Stefán G. Ármannsson.

FEIF Youth Camp eru sumarbúðir fyrir hestakrakka á aldrinum 14-17 ára á árinu. Markmið þeirra er að kynna krakka frá aðildarlöndum FEIF fyrir hestamenningu annarra þjóða, auka skilning á menningarlegum mun og að gefa þeim tækifæri til að hitta og kynnast ungu fólk með sama áhugamál. Einnig fá þau frábært tækifæri til að efla enskuna sína. Dagskráin verður ákaflega spennandi en meðal annars verður boðið uppá reiðtúr, fyrirlestra, sýnikennslu, sætisæfingar og margt fleira.

Von er á um 40-50 þátttakendum frá 11 aðildarlöndum FEIF og á Ísland alls fjóra fulltrúa. Fulltrúar Íslands á FYCamp 2025 eru:

Kristín Lára Eggertsdóttir, Snæfellingur

Victoria Krystyna Slota, Blær

Edda Lind Einarsdóttir Hallbach, Freyfaxi

Rebecca Luise Lehmann, Snæfellingur

Formaður æskulýðsnefndar Dagbjört Hulda Guðbjörnsdóttir verður fararstjóri íslenska hópsins.

Við óskum þessum flottu fulltrúum góðrar skemmtunar á Hvanneyri og vonum að reynslan muni efla þau og styrkja í áhugamálinu.

Mánuður í HM

joninasif@lhhestar.is (Jónína Sif Eyþórsdóttir) — Fri, 04 Jul 2025 11:13:06 GMT

Nú er einn mánuður í að HM í Sviss hefjist. Þá er ekki úr vegi að minnast þeirrar gífurlegu stemningu og gleði sem einkenndi síðasta mót.

Eins og margir m una tók Holland á móti keppendum með al íslensku sumarveðri, þar ringdi nánast viðstöðulaust fyrstu dagana og svæðið var á floti. Því bættist við hefðbundin verkefni knapana að grafa skurði til að veita vatni frá hesthúsunum og kannski var það lykillinn að góðu gengi, enda fátt sem þjappar fólki betur saman en slík landbúnaðar vinna. Mótið gekk ákaflega vel og því gaman að rifja upp árangurinn og stemninguna. Við hvetju alla til að láta meðfylgjandi myndskeið rúlla, og hafa kveikt á hátölurunum.

Dagur eitt

Mótið byrjaði af krafti þegar fyrstu heimsmeistaratitlarnir komu í hús en það voru þau Elvar Þormarsson og Fjalladís frá Fornusöndum sem áttu tvo yfirburða spretti í gæðingaskeiðinu þau hlutu einkunnina 8,92. Næst besti árangur kvöldsins var svo hjá þeim Benedikt Ólafssyni og Leiru-Björk frá Naustum III. Þau hlutu 8,0 í einkunn og heimsmeistaratitil ungmenna sem og annað sæti yfir alla keppendur kvöldsins óháð aldri.

Dagur tvö

Þar með var það skrifað í skýinn, eitthvað ótrúlegt fara að fara að eiga sér stað á þessu móti og sú varð sannarlega raunin. Á öðru degi HM fóru fram yfirlitssýningar, fyrir yfirlitið voru allir íslensku hestarnir efstir í sínum flokk. Það var greinilegt að hugur var í knöpunum sem voru búnir að fínpússa atriðin sín og komu af feiknakrafti inn í yfirlitið og skilaði það fjórum heimsmeistaratitlum í hús

Ársól frá Sauðanesi, sýnandi Aðalheiður Anna Guðjónsdóttir. Hún varð efst fimm vetra hryssna og þar með heimsmeistari með aðaleinkunnina 8,48.

Höfði frá Bergi, sýnandi Þorgeir Ólafsson. Höfði var efstur fimm vetra stóðhesta og þar með heimsmeistari með aðaleinkunnina 8,39.

Hrönn frá Fákshólum, sýnandi Jakob Svavar Sigurðsson. Hrönn var efst sex vetra hryssna og þar með heimsmeistari með aðaleinkunnina 8,68.

Geisli frá Árbæ, sýnandi Árni Björn Pálsson. Geisli var fyrir yfirlitið jafn Hraða frá Skovhuset en tók vel fram úr honum í dag og endaði efstur sex vetra stóðhesta og þar með heimsmeistari með aðaleinkunnina 8,60.

Dagur þrjú

Á þriðja degi hélt hópurinn áfram að raða inn verðlaunum, þá fóru fram seinni tveir sprettirnir í 250m skeiði. Elvar og Fjalladís áttu fyrir kvöldið besta tíman 22,17 sek. Fyrstur Íslendinga í braut þetta kvöld var Hans Þór og Jarl. Þeir náðu áttu sprett upp á 22,68 sem tryggði þeim 6. sætið. Næst var það Sigríður og Ylfa þær tví bættu besta tíman sinn í 250m skeiði, sannarlega flottur árangur það. Daníel og Eining áttu fyrir kvöldið í kvöld 7. besta tíman með sprett upp á 23,43 sek. Þau komu sjóðandi heiti út úr básunum og náðu öðrum besta tímanum 22,36. Elvar og Fjalladís náðu ekki gildum sprett í 3. umferð.

Í byrjun 4. umferðar leiddu því Íslendingar og ljóst að Elvar og Danni myndu starta saman í síðasta sprettinum. Næst síðasti sprettur kvöldsins var geysi spennandi en þegar í ljós kom að Natalie Fischer á Ímni frá Egeskov kæmist ekki nær okkar mönnum var ljóst að Heimsmeistaratitilinn færi til Íslands. En spretturinn sem þá tók við þar sem Elvar og Fjalladís og Daníel og Eining öttu kappi verður lengi í minnum hafður. Þvílíkur sprettur, Elvar og Fjalladís leiddu til að byrja með en Daníel og Eining sóttu fast og voru þau allt að því jöfn þegar komið var að endamörkum, en það var enginn önnur en Fjalladís frá Fornusöndum sem var fljótari og bætti tíman sinn í 22,15sek og annar heimsmeistaratitill í hús.

Dagur 4

Fjórði dagur HM var tileinkaður tölti og þar var heldur betur boðið upp á stórsýningar. Jóhanna Margrét og Bárður byrjuðu daginn á stórkostlegri sýningu sem lét engan ósnortinn og uppskáru þau standandi lófatak frá allir stúkunni að henni lokinni. Þau hlutu 8,77 sem er hæsta einkunn dagsins í T1. Næstur Íslendinga í braut voru Viðar og Þór. Einbeitingin skein af þeim við upphitunarhringinn og það fór um stúkuna þegar þeir komu inn. Glæsileg sýning hjá þeim og mjög sanngjörn einkunn upp á 8,00 og ljóst að þeir eiga nóg inni. Þeir eru með fimmtu bestu einkunn dagsins.

Jón Ársæll og Frár komu svo sjóðandi heitir inn með kraftmikla sýningu upp á 7,67 sem var lang besta einkunnin í ungmennaflokki. Þessi einkunn hefði jafnframt dugað þeim í B úrslit fullorðinna. Herdís og Kvarði lokuðu deginum fyrir okkur. Herdís var yngsti keppandinn okkar og einn allra yngsti keppandi mótsins. Þarna mætti hún á stóra sviðið með hreint út sagt frábæra sýningu og sýndi svo sannarlega hvað í henni býr. Algjörlega geggjuð sýning hjá þeim upp á 7,17 og önnur besta einkunn dagsins í ungmennaflokki í hús og 12 besta einkunn dagsins. Það var þó ekki nóg að mati stúkunnar sem baulaði þegar lægsta einkunnin var lesin og vildi klárlega fá enn hærri einkunn á þetta flotta par.

Eins og þetta væri ekki nóg til að allir gætu farið glaðir að sofa þá tryggði þessi árangur Jóhönnu og Bárði fyrsta heimsmeistaratitilinn þeirra í samanlögðum fjórgangsgreinum og Jóni Ársæli og Frá heimsmeistaratitil ungmenna í fjórgangsgreinum.

Dagur fimm

Á fimmtadegi var keppt í 100m skeið þar sem við áttum 6 fulltrúa. Það er skemmst frá því að segja að þau stóðu sig öll ofboðslega vel og áttu öll spretti á undir 8 sek. Heimsmeistaratitilinn í 100m skeiði fór til Helgu Hochstöger og Nóru von Oed frá Austurríki en þær áttu glæsilegan sprett upp á 7,27 sek. Næst á eftir og eftir að hafa leitt með besta tíma dagsins nánast alla keppnina voru Teitur og Drottning með tíman 7,29. Þar á eftir komu Elvar og Fjalladís í fjórða sæti á tímanum á 7,45 ásamt Hans Þór og Jarl sem einnig voru á 7,45 sek. Daníel og Eining kláruðu svo á níunda besta tímanum 7,62 sek.

Í ungmennaflokki var það Alicia Palm og Ljúfa från Ekeholm sem urðu heimsmeistarar á 7,65 rétt eins og í fullorðinsflokk var það ekki fyrr en rétt í lokin sem hún skaust upp fyrir Sigríði og Ylfu en þær voru á tímanum 7,70 sek. Benedikt og Leira-Björk enduðu fimmtu í ungmennaflokk á tímanum 7,93. Góður árangur á skeiðbrautinni, þrátt fyrir að ekkert gull hafi komið þaðan þennan daginn.

Í framhaldinu voru hæst dæmdu kynbótahryssurnar heiðraðar. Þar áttum við þrjá fulltrúa, þar á meðal hæst dæmda hrossið á mótinu Kötlu frá Hemlu ll, sýnandi Árni Björn með einkunnina 8,76. Auk þess voru þar kynntar Ársól frá Sauðanesi, sýnandi Aðalheiður Anna. Hún varð efst fimm vetra hryssna og þar með heimsmeistari með aðaleinkunnina 8,48 og Hrönn frá Fákshólum, sýnandi Jakob Svavar. Hrönn var efst sex vetra hryssna og þar með heimsmeistari með aðaleinkunnina 8,68.

Eftir því sem leið á daginn fór eftirvæntingin eftir B úrslitum í fimmgangi fullorðinna og A úrslitum í fimmgangi ungmenna að verða áþreifanlegri, stúkurnar voru orðnar smekkfullar löngu áður en úrslitin byrjuðu og stemningin var gífurleg. Við áttum tvo fulltúra í B úrslitum fullorðinna þá Þorgeir og Goðastein og Benjamín Sand og Júní. Þorgeir og Goðasteinn sem afskráðu sig úr slaktaumatölti til að einbeita sér betur að fimmganginum áttu frábæra sýningu og greinilegt að skipulagið gekk upp. Þeir enduðu stigahæstir með 7,38 og miða í Aúrslit.

Í A úrslitum í fimmgangi ungmenna áttu við einnig tvo fulltrúa þau Glódísi og Sölku og Benjamín og Leiru-Björk. Glódís kom af þvílíkum krafti og öryggi inn í úrslita keppnina og það var aldrei nein spurning um að hún ætlaði sér að vinna þennan titil og það mátti heyra stúkuna varpa öndinni samtaka og byrja að fanga um leið og hún klárið fyrri tvo skeiðsprettina með glæsibrag. Þær enduðu efstar með 7,21 í einkunn og þar með heimsmeistarar í fimmgangi ungmenna. Benjamín og Leira-Björk komu einnig beitt inn í fimmganginn og enduðu í 4 sæti með 6,10 sem gulltryggði þeim heimsmeistara titilinn í samanlögðum fimmgangsgreinum ungmenna.

Loka dagurinn

Það má sko með sanni segja að loftið hafi verið rafmagnað í Orischot frá sólarupprás. Dagurinn hófst á úrslitum í T2. Þar áttum við ekki fulltrúa, en Íslendingarnir í stúkunni fönguðu þó ákaft þegar Máni Hilmarsson sem keppir fyrir hönd Svíþjóðar á hestinum Gljátoppi frá Miðhrauni sigraði með 8,75 í einkunn. Heimsmeistari ungmenna varð Lena Becker á Bikar frá Ytra-Vallholti með 7,46 í einkunn.

Að loknum úrslitum í T2 var komið að ungmennaflokki í fjórgangi. Þar áttum við frábæra fulltrúa Jón Ársæl og Frá. Þeir voru með yfirburðasýningu og hlutu 7,50 í einkunn og hömpuðu þar með sýnum öðrum heimsmeistaratitli!

Fjórgangur fullorðinna var næstur á dagskrá, úrslitin voru gífurlega sterk og frábærir fulltrúar þangað mættir. Fyrir keppnina var ljóst að keppnin milli Jóhönnu, Frauke Schenzel og Christinu Lund yrði jöfn. Þær buðu allar upp á stórsýningu og spennan var ólýsanleg. Aðeins munaði 0,03 á fyrsta og öðru sæti sem kom í hlut Jóhönnu og Bárðar sem hlutu einkunnina 8,00 en Frauke hampaði heimsmeistara titlinum á Jódísi vom Kronshof með 8,03. Viðar og Þór áttu á köflum góða sýningu en enduðu í 7. sæti í fjórgangi.

Þá var komið að úrslitum í fimmgangi fullorðinna. Fyrir úrslitin var það mál manna að hér færu fram einhver sterkustu fimmgangs úrslit seinni ára, það virtist þó ekki trufla Söru og Flóka sem komu inn í sýninguna með léttleika og stemningu og það var einhvern veginn skrifað í skýin að þau myndu taka þetta þrátt fyrir að Máni Hilmarsson hafi leitt keppnina í upphafi. Þorgeir og Goðasteinn komu einnig mjög sannfærandi til leiks en voru því miður dæmdir úr keppi eftir dýralæknaskoðun að keppni lokinni. Sara og Flóki hlutu 7,90 og áttu heilt yfir mjög jafna góða sýningu og eru vel að heimsmeistaratitlinum komin. Það er gaman að segja fá því að faðir hennar, Sigurbjörn Bárðarson vann einmitt fimmganginn á HM í Hollandi fyrir 30 árum áður.

Eftir þessa stórsýningu var komið að því að kynna hæstdæmdu stóðhesta mótsins. Þar áttum við þrjá fulltrúa. Höfði frá Bergi, sýnandi Þorgeir, var efstur fimm vetra stóðhesta og þar með heimsmeistari með aðaleinkunnina 8,39. Geisli frá Árbæ, sýnandi Árni Björn hlaut 8,60 og endaði efstur sex vetra stóðhesta og þar með heimsmeistari. Í flokki 7 vetra og eldri stóðhesta var okkar fulltrúi Hersir frá Húsavík, sýnandi Teitur hlutu 8,60 í aðaleinkunn og enduðu þar með næstefstir og tóku silfurverðlaun.

Eftir því sem leið á daginn jókst stemningin og eftirvæntingin eftir tölt T1 úrslitunum, að venju hófst keppnin á ungmennaflokki þar sem okkar fulltrúar þau Herdís Björg og Jón Ársæll voru hlutskörpust í forkeppninni. Eftir fyrstu grein leiddi Jón Ársæll, en þá var eins og kveikt hefði verið á Herdísi og hún og Kvarði skildu alla eftir í reiknum, þvílík sýning hjá þessu pari sem sökum ungs aldurs rétt náðu inn á heimsmeistaramót. Þau enduðu með 7,22 í einkunn og þar með efst ungmenna og heimsmeistarar í tölti T1! Jóni Ársæli og Frá fipaðist aðeins þegar teip losnaði á fæti Frá í miðri sýningu og dró það þá töluvert niður en þrátt fyrir það hömpuðu þeir fimmta sætinu.

Lokakeppni mótsins var svo tölt T1 í fullorðinsflokki. Stúkurnar voru algjörlega smekkfullar og eftirvæntingin áþreifanleg. Okkar fulltrúar voru þau Jóhanna Margrét og Bárður og Viðar og Þór. Fyrir keppnina voru þær Jóhanna og Sys Pilegaard á Abel fra Tyrevoldsdal taldar sigurstranglegastar og þær voru báðar með stórsýningu. Jóhanna og Bárður voru þó beittari og með yfirburða útgeislun og áttu svo sannarlega skilið að sigra með einkunnina 8,94. Þvílíkur árangur hjá þessu fallega pari og ákaflega gleðilegt að sjá Jóhönnu lyfta tölthorninu fyrir fram hátt í 12.000 manns.

Í samantekt að móti loknu segir: Samtals hlaut íslenski hópurinn 16 gullverðlaun og þrjú silfur. Þar af fimm gull og eitt silfur á kynbótabrautinni, en alls 11 gull og þrjú silfur í íþróttakeppninni. Allir keppendur okkar í ungmennaflokki komust á pall. Árangur þessa móts er einhver sá besti sem liði hefur náð frá upphafi. Það er mál manna að samheldnin og liðsandinn hafi líka sjaldan verið eins góður og vakti það eftirtekt og umræður hér í Orischot hversu samheldinn og öflugur Íslenski hópurinn var meðal annara liða og starfsmanna. Landsliðsþjálfararnir og landsliðsnefnd og eiga stórt hrós skilið fyrir alla eljuna sem þau hafa sett í undirbúning og utanumhald fyrir þetta mót! Til hamingju Ísland með frábært landslið og frábæran árangur í Hollandi.

Nú þegar er mánuður til stefnu er ekki laust við að spennan fyrir næsta móti sé farin að vaxa og hver veit nema enn fleiri heimsmeistaratitlar bætist í safnið!

Áfram Ísland!

Lausir dagar á Skógarhólum í júlí

joninasif@lhhestar.is (Jónína Sif Eyþórsdóttir) — Thu, 03 Jul 2025 11:42:10 GMT

Skógarhólar hinn geysi vinsæli áningarstaður hestamanna í þjóðgarðinum á Þingvöllum hefur fengið góða andlitslyftinu á síðustu misserum og tekur nú enn betur á móti gestum. Nokkuð er um lausa daga í júlí.

Skógarhólar eiga sérstakan stað í hjörtum margra hestamanna en þar voru lögð drögin að stofnun LH auk þess sem fyrsta Landsmótið var haldið þar. Staðurin er falin perla, umvafinn einstakri náttúru, sögu og skemmtilegum reiðleiðum.

Þjóðgarðurinn skartar sínu fegursta um þessar mundir. Hægt er að nálgast upplýsingar um laus pláss með því að senda póst á skogarholar@lhhestar.is . Húsið tekur 30 í gistingu og matsalur rúmar allt að 50 manns. Fimm næturhólf eru fyrir hesta á Skógarhólum auk hólfa í Svartagili. Þá er einnig hægt að tjalda á staðnum.

Gjaldskrá og frekari upplýsingar má finna hér á síðunni: Skógarhólar

Þá er einnig um að gera að fylgja Skógarhólum á facebook: Skógarhólar á Facebook

Fyrr í sumar heyrðum við í Helgu Skowronski er umsjónarmanni Skógarhóla:

Er komið sumar á Skógarhólum?

,,Já, nú er sumarið komið á fullt hér á Skógarhólum, blóm í haga allt að verða eins best verður á kosið. Hér eru öll herbergi nýmáluð, klósett aðstaðan er orðin betri og nýlega var tekin í gagnið sturta sem gerir heimsóknir hingað enn betri. Þá er líka búið að lakka gólfin í eldhúsi og á gangi. Setustofan heldur líka mun betur hita eftir að gaflinn var þéttur og nýtt bárujárn sett yfir.“

En úti hvernig er staðan þar?

„Úti er búið að taka gamla pallinn sem var fyrir framan herbergin og var orðinn nokkuð lúinn í staðinn er komin möl sem kemur vel út, auk þess sem mikið hreinsunarstarf hefur verið unnið á staðnum sem breytir ásýndinni og gerir þetta allt snyrtilegra.“

„Hér eru svo komin ný grill sem Húsasmiðjan gaf okkur og vil ég að sjálfsögðu þakka kærlega fyrir það.“

En hvernig hafa bókanir farið af stað?

„Það hefur verið ágætis rennirí hingað í vor enda veðrið búið að vera gott og um helgina koma tveir stórir hópar, svo það má sannarlega segja að hér sé sumarið að komast á fullt, en enn er nóg af lausum dögum fyrir þá sem ekki hafa enn skipulagt ferð sína hingað í sumar.“

Fyrir þá sem ekki þekkja til eru Skógarhólar í eigu Hestamannafélaganna í landinu þar býðst hestamönnum sem eru í hestamannafélögum býðst gisting á sérstökum kjörum. Staðurinn er tilvalinn fyrir hópa og hverskonar hópefli, til dæmis æskulýðshópa hestamannafélaganna. Þá er einnig tilvalið fyrir hópa að koma með hross, gista eina nótt og ríða út í hinu ómótstæðilega umhverfi sem þjóðgarðurinn býður upp á.

Húsið tekur 30 í gistingu og matsalur rúmar allt að 50 manns. Fimm næturhólf eru fyrir hesta á Skógarhólum auk hólfa í Svartagili. Þá er einnig hægt að tjalda á staðnum.

Tekið er á móti bókunum á skogarholar@lhhestar.is , gjaldskrá og frekari upplýsingar má finna hér á síðunni: Skógarhólar

Þá er einnig um að gera að fylgja Skógarhólum á facebook: Skógarhólar á Facebook

Hestarnir okkar keppa á MUSTAD

joninasif@lhhestar.is (Jónína Sif Eyþórsdóttir) — Wed, 02 Jul 2025 11:52:54 GMT

Í dag eru 32 dagar í að HM í hestaíþróttum hefjist og óhætt að segja að farið sé að örla á töluverðri eftirvæntingu með hestaáhuga fólks, en ekki síst meðal þeirra knapa sem standa nú með tærnar rétt við rás markið og bíða þess og vona að verða kallaðir inn í hópinn, en línurnar eru að skýrast með það nú þegar Íslandsmóti er rétt lokið.

Í undirbúningi á vegferð sem þessari þarf að huga að mörgu og eitt af því sem skiptir sköpum í ferlinu er að huga vel að járningum bæði heima áður en haldið er út en ekki síst á meðan á mótinu sjálfu stendur. Í teymi Íslands er því járningamaður og líkt og undangengin ár mun Erlendur Árnason fylgja liðinu á HM.

Við slógum á þráðinn til Ella á Skíðbakka eins og hann er jafnframt kallaður.

Hvað hefur oft fylgt liðnu á stórmót?

„Það er nú ekkert svo langt síðan ég fór að fylgja liðinu, hef farið á síðustu þrjú mót og fer með til Sviss. Ég tel að það sé mikilvægt að það sé járningamaður í teyminu sem hefur mikla reynslu af keppnis- og kynbótajárningum. Það er margt sem getur komið upp á ögurstundu og þá er gott að búa að reynslunni sem getur skilið á milli þess hvort hesturinn verði keppnisfær eða ekki, eins og sýndi sig sannarlega á síðasta móti þegar skeifa fór undan hjá hestinum hennar Herdísar rétt áður en komið var að keppni í tölti, hennar einu grein á mótinu. Það fór á besta mögulega veg og þau stóðu uppi sem Heimsmeistarar.“

„Á mótinu er ég ekki einungis að huga að járningum, ég sé einnig um að fara með hestana í fóta -og búnaðarskoðun og tek þannig það álag af knöpunum. Þar er ég mjög reyndur þekki þetta af eigin raun sem dómari og er með allar reglur á hreinu.“

„Sem hluti af landsliðsteyminu eru svo fjölmörg önnur verkefni ég tek að mér þegar á mótið er komið til dæmis redda reiðhjólum og bílaleigubílum fyrir utan annað snatt. Svo getur ýmislegt komið upp á sem þarf að redda og þá hef ég oft getað lagt mitt af mörkum. Til dæmis slasaðist knapi á ökla á síðasta móti og þá gat ég stigið inn í verkefnin hans.“

Þú járnar töluvert af keppnis og kynbótahrossum ekki satt?

,,Jú heldur betur, ég sérhæfi mig algjörlega í því og á síðustu árum hef ég verið að járna í kringum 20% af öllum sýndum kynbótahrossum á landinu þá taldist mér til að um þriðjungur af hestunum í fullorðinsflokki á Íslandsmóti hafi verið járnaður af mér.“

„Stór hluti þeirra hesta sem hafa verið að fara á HM síðustu ár hef ég einnig verið að járna og það er mjög mikill kostur fyrir mig, þá þekki ég hestinn og hvað það er sem ég vil leggja til í járningum og hófhirðu þess hests.“

„Ég er að vinna alla daga, við að járna hesta fyrir þessi verkefni og legg mig gífurlega mikið fram við það. Alla jafna er ég að járna 6-7 hesta á dag, fimm daga vikunnar. Þannig reiknast mér til að ég hafi járnað um 50.000 hesta á ferlinum sem verður að teljast nokkuð gott. En þetta er mjög krefjandi vinna og eins og aðrir íþróttamenn og þeir sem vilja vera í fremstu röð þarf maður að hugsa vel um skrokkinn á sér. Ég fer til mynda alltaf í ræktina áður en ég fer að járna til að styrkja mig og halda mér í góðu formi. Það gengur ekki að vera með bumbuna út í loftið ef maður ætlar að vera að járna á þessu leveli.“

Hvernig kom það til að þú fórst að járna?

„Ég er alinn upp í sveit og í kringum hesta og þeir hafa alltaf verið mitt aðal áhugamál. Ég fór á Hóla fyrir 35 árum og fór svo í framhaldinu að vinna í Þýskalandi þar sem ég var að þjálfa og temja hesta. Þar var ég einnig að járna með fram hinu en fann svo þegar ég kom heim aftur í kringum 2004 að köllunin mín lægi meira á sviði járninga en tamninga. Það skiptir hins vegar miklu máli að ég hef góða þekkingu og tilfinningu fyrir hreyfifræði hesta og ég hef alltaf spáð mikið í því. Þegar maður er að járna hesta fyrir ákveðin verkefni er lykilatriði að skilja hvernig hesturinn hreyfir sig og hvað þarf til, svo að járningin bæti þá góðu kosti sem hesturinn hefur yfir að búa. Járningin er einn af þessum hlekkjum sem þurfa að hanga saman svo hesturinn geti náð sínum besta árangri.“

Nú keppir landsliðið á Mustad skeifum hvernig hefur það reynst?

„Það skiptir auðvitað mjög miklu máli að vera með góðar skeifur og Mustad býður upp á skeifur í fremstu röð. Ég vel skeifur sem passa hestinum vel og hef verið sérstaklega ánægður með nýju Mustad Libero Ice afturfótaskeifurnar, þar hafa gott lag og passa vel undir flesta hesta. Þær henta okkar íslenska gang hesti vel og það er mín tilfinning að það sé mun minna um ágrip þegar þær eru notaðar.“

„Við vorum einnig að nota Mustad á síðasta móti og þar vantaði ekki árangurinn og ég geri ráð fyrir því að þær muni einnig hjálpa okkur að ná langt á þessu móti.“

Við þökkum Ella kærlega fyrir spjallið og óskum honum góðs gengis í sínum verkefnum á HM. Við bendum jafnframt á að Mustad skeifurnar fást í verslunum Líflands, en það eru OJ&K sem eru með umboðið fyrir Mustad á Íslandi.

#Áfram Ísland.

Æsi spennandi lokadagur Íslandsmóts

joninasif@lhhestar.is (Jónína Sif Eyþórsdóttir) — Sun, 29 Jun 2025 19:43:14 GMT

Það má segja að það hafi kristallast í úrslitum Íslandsmóts í dag á hversu háu stigi íþróttakeppnin er. Litlu munar á milli knapa í flestum greinum og heilt yfir frábært mót og sterk úrslit. Veðrið lék ekki við keppendur í byrjun dags en átti heldur betur eftir batna þegar leið á daginn og lauk frábæru móti í fallegu Íslensku sumarveðri.

100m Skeið

Dagurinn hófst á keppni í 100 metra skeiði. Konráð Valur og Kastor frá Garðshorni á Þelamörk bætt við sig Íslandsmeistara titli þegar þeir fóru brautina á besta tímanum 7,40 sek.

En keppnin var jöfn og rétt á eftir þeim á tímanum 7,47 voru þau Ingibergur Árnason og Sólveig frá Kirkjubæ. Í þriðja sæti voru svo Sigurður Sigurðarson og Tromma frá Skúfslæk á 7,51 sek.

Í ungmennaflokki voru það þau Kristján Árni og K rafla frá Syðri-Rauðalæk sem voru fljótustu en þau fóru 100 m. á tímanum 7,59 sek. Hann er einnig Íslandsmeistari í Gæðingaskeiði. Í öðru sæti varð Guðrún Lilja og Glitnir frá Skipaskaga tímanum 7,84 og í því þriðja Sara Dís Snorradóttir á Djarfi frá Litla-Hofi á 7,84 sek.

Fjórgangur

Fyrsta atriði eftir hádegi var svo A úrslit í fjórgangi ungmenna. Þar var keppnin hörð og voru allir knapar með yfir 7 í einkunn. Það var þó glæsileg og jöfn sýning hjá Védísi Huld og Ísak frá Þjórsárbakka sem tryggði þeim sigurinn og Íslandsmeistaratitilinn.

Í öðru sæti er Guðmar Hólm á Gretti frá Hólum með 7,43 í einkunn og þriðji varð Ragnar Snær á Stimpil frá Strandarhöfði með 7,40 í einkunn. Ragnar keppir sem gestur á mótinu og tekur því ekki sæti. Fjórði var Jón Ársæll og Halldóra frá Hólaborg, en þau leiddu inn í úrslitin. Þau eru einnig Íslandsmeistarar í samanlögðum fjórgangsgreinum.

A úrslit í fjórgangi fullorðinna voru einnig ákaflega spennandi. Ásmundur Ernir og Hlökk frá Strandarhöfði komu efst inn í úrslitin og sigruðu nokkuð örugglega með 8,20 í einkunn en líkt og í forkeppninni voru þeir og Jakob Svavar á Skarpi frá Kýrholti rétt á hælunum á þeim og enduðu með 8,07. Árni Björn og Kriki frá Krika gerðu líka harða atlögu í úrslitunum og enduðu með 8,03.

Barbara Wenzl og Loftur frá Kálfsstöðum hlutu að sýningu lokinni FT fjöðrina, í umsögn FT fjöðrina segir: ,,Reiðmennska þess sem FT fjöðrina hlýtur skal einkennast af léttleika, lipurð og samspili þar sem saman fer einstök útgeislun og jafnvægi. Knapi og hestur ljóma af heilbrigði, lífskrafti og gleði.“

Fimmgangur

Næst á dagskrá var keppni í fimmgang. Að venju hófust leikar í ungmennaflokki þar sem Jón Ársæll og Harpa frá Höskuldsstöðum áttu frábæra sýningu og tryggðu sér Íslandsmeistaratitilinn með 7,55 í einkunn. Næst á eftir þeim voru þau Fanndís og Sproti frá Vesturkoti með 7,43 í einkunn.

Í þriðja sæti og jafnframt Íslandsmeistarar í samanlögðum fimmgangsgreinum var Þórgunnur Þórarinsdóttir á Djarfi frá Flatatungu með 7,36 í einkunn. Hún hlaut einnig FT fjöðrina. Glæsilegur árangur það.

A úrslit í flokki fullorðinna var einnig mjög spennandi og rak þar hver glæsi sýningin aðra. Það fór þó svo að Þorgeir Ólafsson og Aþena frá Þjóðólfshaga 1 sem leiddu eftir forkeppni héldu uppteknum hætti og standa uppi sem Íslandsmeistarar í fimmgangi með 7,76 í einkunn.

Í öðru sæti voru þeir Teitur Árnason og Leynir frá Garðshorni með 7,71. Þriðja var svo Glódís Rún á Snillingi frá Íbishóli með 7,62 í einkunn.

Slaktaumatölt

Þá var komið að keppni ungmenna í Slaktaumatölti. Þar voru það Jón Ársæll og Díana frá Bakkakoti sem áttu sviðið og nældu sér í sinn þriðja Íslandsmeistaratitil. Í öðru sæti voru þau Lilja Rún og Arion frá Miklholti með 7,75 í einkunn, en þau eru gestir á mótinu og taka þar af leiðandi ekki sæti. Silfrið komi því hendur Huldu Maríu og Lifra frá Lindarlundi sem hlutu 7,63 í einkunn.

Í fullorðinsflokki var virkilega spennandi og máttu litlu muna milli keppenda. En það voru það svo þær Helga Una og Ósk frá Stað sem tryggðu sér Íslandsmeistaratitilinn með 8,63 í einkunn eftir glæsilega sýningu.

Jöfn í örðu sæti með 8,46 í einkunn voru svo þau Aðalheiður Anna Guðjónsdóttir og Hulinn frá Breiðstöðum og Jakob Svavar Sigurðsson á Hrefnu frá Fákshólum.

Tölt

Það má segja að stemmingin hafi verið orðin rafmögnuð þegar komið var að keppni í tölti. Dagurinn búinn að líða á ljóshraða á sterku og glæsilegu Íslandsmóti þar sem móts haldarar eiga stórt hrós skilið.

Í ungmennaflokki komu efst inn Jón Ársæll og Heiður frá Eystra-Fróðholti, en þrátt fyrir drengilega keppni náður þeir ekki að skáka Védísi Huld og Ísak frá Þjórsárbakka sem hömpuðu sínum öðrum Íslandsmeistaratitli eftir frábæra sýningu sem hlaut 8,00 í einkunn. Jón og Heiður hlutu 7,89 og næstir á eftir þeim voru þeir Guðmar og Grettir frá Hólum með 7,78 í einkunn.

En dagurinn leið ekki án þess að þar væri að finna örlitla dramatík. Það var ljóst frá upphafi að það stefndi í feikilega spennandi keppni milli þeirra Ásmundar, Jakobs og Árna á sínum úrvals tölthestum Hlökk, Skarp og Kastaníu og mátti vart á milli muna fyrr en komið var að hraða töltinu en þá fór því miður skeifa undan Hlökk og þar með voru draumar þeirra Ásmundar um að bæta við sig titli út um þúfur. En þau leiddu inn í forkeppnina með 9,13 í einkunn og hefðu einnig getað keppt til úrslita í slaktaumatölti.

Jakob Svavar og Skarpur kláruðu hins vegar sýninguna sína með stæl og tryggðu sér Íslandsmeistaratitil eftir að hafa hlotið 9,33 í einkunn. Í örðu sæti voru þau Árni Björn og Kastanía frá Kvistum með 8,94 og í þriðja sæti voru þeir Flosi Ólafsson og Röðull frá Haukagili á Hvítársíðu með 8,89 í einkunn.

Frábæru Íslandsmóti er nú lokið við óskum öllum ný krýndum Íslandsmeisturum innilega til hamingju og þökkum öllum keppendum, mótshöldurum og sjálfboðaliðum fyrir þeirra aðkomu að þessu glæsilega móti.

Heimsmet á Íslandsmóti

joninasif@lhhestar.is (Jónína Sif Eyþórsdóttir) — Sat, 28 Jun 2025 20:15:44 GMT

Dásamlegur dagur að baki á Brávöllum, Selfossi þar sem veðrið lék við keppendur á Íslandsmótinu í hestaíþróttum.

Dagurinn hófst af krafti þegar seinni tveir sprettirnir í 250m skeiði fóru fram en þar gerðu þeir Konráður Valur og Kastor frá Garðshorni á Þelamörk sér lítið fyrir og settu nýtt heimsmet þegar þeir fóru brautina á einungis 21,06 sek. Fyrra heimsmet var 21,07 sek.

Dásamlegur dagur að baki á Brávöllum, Selfossi þar sem veðrið lék við keppendur á Íslandsmótinu í hestaíþróttum.

Dagurinn hófst af krafti þegar seinni tveir sprettirnir í 250m skeiði fóru fram en þar gerðu þeir Konráður Valur og Kastor frá Garðshorni á Þelamörk sér lítið fyrir og settu nýtt heimsmet þegar þeir fóru brautina á einungis 21,06 sek. Fyrra heimsmet var 21,07 sek.

Næstir voru þeir Gústaf Ásgeir Hinriksson og Sjóður frá Þóreyjarnúpi á tímanum 21,72 sek. Þriðji besti tíminn var svo 21,97 sek hjá Daníel Gunnarsson og Kló frá Einhamri.

Í ungmennaflokki var spennan einnig mikil. En þar var það næst besti tími Söru Dís Snorradóttur og Djarfs frá Litla-Hofi sem gerði útslagið, þar sem Sara og Djarfur áttu jafnan besta tíma og Guðmar Hólm og Alviðra frá Kagaðarhóli upp á 22,28 sek og sker þá næst besti tími parsins út um úrslitin. Í þriðja sæti voru svo þau Kristján Árni Birgisson og Krafla frá Syðri-Rauðalæk á 22,52 sek.

Í 150m skeiði var spennan síst minni og margir að fara sinn besta sprett á árinu. Hans Þór og Vorsól frá Stóra-Vatnsskarði náðu sér ekki á strik í fyrsta sprett en bættu fyrir það og leiddu alla hina sprettina og komu í mark á besta tímanum 13,93sek sem er einnig þeirra besti tími og Íslandsmeistaratitill í höfn.

Konráð Valur og Kjarkur frá Árbæjarhjáleigu II voru með annan besta með tímann 14,10 sek. og þeir þriðju voru Þorgeir Ólafsson og Grunur frá Lækjarbrekku 2 á 14,19 sek.

Í ungmennaflokki var farinn einn gildur sprettur og voru það þær Sigurbjörg Helgadóttir og Hörpurós frá Helgatúni á fanta góðum tíma eða 14,83 sek og Íslandsmeistara titill í höfn en þess má geta að einungis 6 knapar í fullorðins flokk voru undir 15 sek.

Deginum var að öðru leyti varið í Búrslit sem voru mörg hver mjög jöfn og spennandi.

Í fullorðinsflokk fóru leikar svo:

Í Tölti var það Brynja Kristín og Sunna frá Haukagili Hvítársíðu sem áttu bestu sýninguna og koma í A úrslit á morgun, þær hlutu 8,33 í einkunn.

Í Slaktaumatölti voru það Hanne og Tónn frá Hjarðartúni sem nældu sér í sæti í A úrslitum með 8,04 í einkunn.

Í fjórgangi voru það þau Barbara og Loftur frá Kálfsstöðum sem stóðu efst með 7,83 í einkunn.

Í fimmgangi voru það þeir Teitur og Leynir frá Garðshorni á Þelamörk sem voru hlutskarpastir með 7,67 í einkunn.

Í ungmennaflokki tryggði Matthías Sigurðsson sig áfram í tveimur greinum, hann sýndi það á Landsmóti í sumar að það er leið sem hentar honum ágætlega, hann mun mæta til úrslita í Slaktaumatölti og Fjórgangi.

Í Tölti var það Eva og Logi frá Lerkiholti sem fara í Aúrslit og í fimmgangi var það Sara Dís og Kvistur frá Reykjavöllum sem tryggðu sig áfram og mæta til úrslita á morgun.

Enn leiðir Jón Ársæll!

Fri, 27 Jun 2025 23:05:51 GMT

Jón Ársæll leiðir keppni í Fimmgang, Fjórgang, Tölti og Slaktaumatölti ungmenna.

Þriðji dagur Íslandsmóts hófst á æsispennandi forkeppni ungmenna í Slaktaumatölti. Tvö pör leiða eftir forkeppnina það eru þau Jón Ársæll og Díana frá Bakkakoti með 7,50 sömu einkunn og Glódís Rún og Breki frá Sunnuhvoli hlutu. Fanndís og Ötull frá Narfastöðum eru þriðju inn í A úrslit með 7,30 og rétt á hæla þeirra eru svo tvö jöfn pör með einkunnina 7,27 það voru þau Jón Ársæll og Skjóni frá Skálakoti og Lilja Rún og Arion frá Miklakoti. Þess má geta að Jón Ársæll og Bassi frá Grund ll hlutu einnig 8. bestu einkunn í forkeppninni 7,07. Ótrúlegur árangur það.

Í flokki fullorðinna áttu þau Ásmundur Ernir og Hlökk frá Strandarhöfði frábæra sýningu og leiða með einkunnina 9,07. Næst á eftir þeim eru Helga Una og Ósk frá Stað með 8,40. Aðalheiður Anna og Hulinn frá Breiðastöðum er rétt á hælum þeirra með 8,37. Teitur og Drangur frá Steinnesi hlutu 8,13. Jöfn með fimmtu bestu einkunn í forkeppni voru þau Jakob Svavar og Hrefna frá Fákshólum með 8,10 líkt og Arnhildur og Frosi frá Hjarðartúni.

Kvöldinu lauk svo á keppni í Tölti. Þar mættu ungmennin fyrst til leiks. Enn er það Jón Ársæll sem stendur uppi efstur eftir forkeppni. Hann og Halldóra frá Hólaborg hlutu 7,80 en þau voru einnig með hæstu einkunn í forkeppni í fimmgang á miðvikudaginn. En það var ekki nóg, annar besti árangur dagsins var einnig hjá Jóni og nú á Heiðri frá Eystra-Fróðholti og hlutu þeir 7,63. Saman urðu þeir Íslandsmeistarar í Tölti í fyrra. Þeir hafa einnig verið hlutskarpastir á Reykjarvíkurmeistaramóti og tvö ár í röð.

Védís Huld og Ísak frá Þjórsárbakka áttu einnig glæsilega sýningu og standa jöfn með aðra bestu einkunnina eða 7,63. Guðmar og Glettir frá Hólum hlutu 7,50 og jöfn með 7,27 voru þau Hekla Rán og Móeiður frá Vestra-Fíflholti og Matthías og Tumi frá Jarðbrú.

Heilt yfir mjög jöfn og spennandi keppni í ungmennaflokki.

Meistaraflokkur var ekki síður spennandi. Þar mættu aftur til leiks Ásmundur Ernir og Hlökk frá Strandarhöfði þau voru greinilega í miklu stuði eftir frábæra sýningu í Slaktaumatölti og standa einnig efst með 9,13 í einkunn, sem er hæsta einkunn sem gefin hefur verið í T1 á WR mótum á árinu. En einkunn þeirra í T2 er einnig hæsta einkunn ársins í Slaktaumatölti.

Jakob Svavar og Skarpur frá Kýrholti eru næstir með 9,00 í einkunn og þriðju bestu einkunn kvöldsins hlutu Árni Björn og Kastanía frá Kvistum með 8,83. Til A úrslita mæta einnig Benjamín Sandur og Elding frá Hrímnisholti með 8,40 og Flosi og Röðull frá Haukagili Hvítársíðu með 8,37 í einkunn.

Þar sem Jakob Svavar og Árni Björn hefðu einnig geta tryggt sig inn í B úrslit, munu tvö sæti opnast sem tryggir núverandi heimsmeistara í Tölti Jóhönnu Margréti með hestinn Kormák frá Kvistum tækifæri til að keppa til B úrslita, ásamt Ragnhildi og Úlf frá Mosfellsbæ.

Dagskrá morgundagsins hefst svo kl 10:00 á úrslitum í 250m skeiði og 150m skeiði.

Í framhaldinu taka við B úrslit í öllum flokkum. Við hvetjum alla hestamenn til að kíkja á Selfoss um helgina og sjá íþróttakeppni eins og hún gerist best.

Forkeppni í fimmgangi á Íslandsmóti

Fri, 27 Jun 2025 13:44:33 GMT

Jón Ársæll leiðir líka í fimmgangi

Virkilega spennandi keppni í fimmgangi fór fram á Íslandsmótinu í hestaíþróttum í gær. Í ungmennaflokki var það Jón Ársæll og Harpa frá Höskuldsstöðum sem stóðu efst eftir forkeppni með 7,50 sem er þeirra besti árangur. Jón Ársæll er einnig efstur eftir fjórganginn. Glæsilegur árangur það. Þórgunnur og Djarfur frá Flatatungu komu næst með 7,03 í einkunn og Fanndís og Sproti frá Vesturkoti voru þriðju með 6,83. Matthías og Hlekkur frá Saurbæ og Þórey Þula og Kjalar frá Hvammi II munu einnig mæta í A-úrslit. Þórgunnur, Fanndís, Matthías og Þórey leiða því keppni í samanlögðum fimmgangsgreinum og verður því einnig spennandi að sjá hvernig þeim mun ganga í töltgreinunum.

Í fullorðinsflokki eru það þau Þorgeir og Aþena frá Þjóðólfshaga 1 sem leiða eftir forkeppni með 7,60. Önnur eru Glódís Rún og Snillingur frá Íbishóli með 7,30 og á hæla þeirra eru Hans Þór og Ölur frá Reykjavík með 7,27. Önnur í A úrlitum verða einnig Guðmundur og Gandi frá Rauðalæk og Gústaf Ásgeir og Eik frá Efri-Rauðalæk.

Áhugavert er að benda á að fimm knapar deila sjöunda sætinu en þau hlutu öll 7,07. Til þess að velja inn í B-úrslitin þegar hestar eru jafnir með sömu tölu eftir forkeppni eru tölur allra dómara reiknaðar inn til þess að skera úr um hverjir ríða viðkomandi úrslit. Þessi aðferð er einungis til að velja inn í úrslit en hefur ekki áhrif á lokaeinkunn eftir viðkomandi keppnisgrein og er einungis ráðstöfun sem hugsuð er til að koma í veg fyrir að of margir knapar séu í úrslitum. Til upprifjunar má benda á að við hefðbundinn útreikning falla út hæstu og lægstu einkunnir dómara. Það má því segja að hestarnir sem koma inn í B-úrslit séu ákaflega jafnir.

Í gær fóru einnig fram fyrri tveir sprettirnir í 250m og 150m skeiði. Konráð Valur og Kastor frá Garðshorni á Þelamörk voru með besta tímann 21,81 og næst besta tímann einnig 22,08. Þar á eftir eru Sigursteinn og Krókus frá Dalbæ með tímann 22,38 og Daníel og Kló frá Einhamri með tímann 22,45.

Í ungmennaflokk voru það þau Sara Dís og Djarfur frá Litla-Hofi sem voru fljótust á tímanum 22,87 og Guðmar Hólm og Alviðra frá Kagaðarhóli á 22,91 sek.

Í 150 metra skeið var það einnig Konráð Valur sem var fljótastur nú á Kjark frá Árbæjarhjáleigu II en þeir fóru á 14,10 sek. Næst voru Hans Þór og Vorsól frá Stóra-Vatnsskarði á 14,31 sek og rétt á hæla þeirra Þorgeir og Grunur frá Lækjarbrekku á 14,36 sek.

Í ungmennaflokk var einn gildur sprettur hjá þeim Sigurbjörgu og Hörpurós frá Helgatúni en þær fóru á 14,83 sek.

Tilkynning frá stjórn LH um þátttökurétt á Fjórðungsmóti Vesturlands

Fri, 27 Jun 2025 11:45:17 GMT

Tilkynning frá stjórn LH um þátttökurétt á Fjórðungsmóti Vesturlands

Stjórn Landssambands hestamannafélaga, að fengnu áliti keppnisnefndar, hefur fallist á beiðni framkvæmdanefndar Fjórðungsmóts Vesturlands um að veita undanþágu frá gr. 5 í reglugerð um Landsmót og fjórðungsmót um val hrossa og keppenda á fjórðungsmót, sem snýr að vali keppenda á mótið í barna- og unglingaflokki.

Hestamannafélög sem eiga aðild að Fjórðungsmóti Vesturlands 2025 er veitt heimild til að velja sína fulltrúa á mótið úr hópi knapa í barna- og unglingaflokki sem skráðir voru til úrtöku hjá félögunum.

Undanþágan nær aðeins til barna- og unglingaflokks.

Þetta er gert til þess að félögin geti fyllt sinn kvóta í barna- og unglingaflokki óháð því hvort knapinn hafi gert ólöglega sýningu eða annað komið upp á sem varð til þess að knapanum hafi verið meinuð þátttaka á mótinu.

Stjórn vill undirstrika að undanþága þessi nær aðeins til knapa í barna- og unglingaflokki og er ætlað að auka þátttöku barna- og unglinga í gæðingakeppni og ýta undir útbreiðslu gæðingakeppni og nýliðun í greininni.

Undanþágan er ekki fordæmisgefandi og mun stjórn ekki taka til umfjöllunar frekari beiðnir um undanþágur frá reglugerð um Landsmót og fjórðungsmót.

Árni Björn Íslandsmeistari í Gæðingaskeiði

joninasif@lhhestar.is (Jónína Sif Eyþórsdóttir) — Thu, 26 Jun 2025 11:00:39 GMT

Kristján Árni og Súla frá Kanastöðum eru Íslandsmeistarar í ungmennaflokki, annað árið í röð.

Í gær fór fram keppni í Gæðingaskeiði voru það þau Árni Björn og Álfamær frá Prestbæ sem sigrðu með 8,79 í einkunn en keppni milli þeirra og Hinriks Bragasonar og Trú frá Árbakka sem hlutu 8,67 í einkunn var ákaflega jöfn og spennandi.

Úrslit í ungmennaflokki voru einnig spennandi en þar stóð upp sem sigurvegari Kristján Árni og Súla frá Kanastöðum með 7,46 í einkunn, þau voru einnig Íslandsmeistarar 2024. Í öðru sæti voru Matthías og Magnea frá Staðartungu með 7,21 og í þriðja sæti var Guðný Dís og Ásta frá Fremri-Gufudal með 7,04 í einkunn.

Við óskum Árna Birni og Kirstjáni Árna til hamingju með Íslandsmeistaratitlana.

Fyrr um daginn fór einnig fram í keppni ungmenna í fjórgangi. Keppnin var afar jöfn og spennandi en að lokum voru það þau Jón Ársæll og Halldóra frá Hólaborg sem hlutu hæstu einkunn eða 7,37. Jón Ársæll náði einnig fimmtu bestu einkunn á hestinum Bassa frá Grund II.

Annar eftir forkeppni var Guðmar Hólm og Grettir frá Hólum með 7,17 og þar rétt á eftir Védís Huld og Ísak frá Þjóðólfsbakk með 7,13.

Ragnar Snær og Stimpill frá Strandarhöfði voru fjórðu með 7,07 í einkunn en þar sem Ragnar keppir sem gestur á mótinu mun hann taka þátt í úrslitum en ekki vinna til verðlauna.

Mótsstjórn vill koma því á framfæri að Ragnar Snær og Stimpill frá Strandarhöfði keppa sem gestir á þessu Íslandsmóti. Eva Kærnested tekur því sæti í A-úrslitum og Matthías Sigurðsson og Þórey Þula Helgadóttir taka sæti í B-úrslitum. Ásamt Ragnari Snæ keppa Lilja Rún Sigurjónsdóttir og Eik Elvarsdóttir einnig sem gestir og sem slíkir taka þær ekki sæti í B-úrslitum.

Í dag hefst keppni klukkan 13:00 á meistaraflokki í Fimmgangi, þar á eftir er keppni í ungmennaflokki.

Eftir kvöldmat eða klukkan 19:15 hefst svo keppni í 250m skeiði og lýkur kvöldinu á 150 metra skeiði. Hafa ber í huga að á meðan á kappreiðunum stendur er ekki hægt að koma inn á mótssvæðið nema í gegnum hesthúsahverfið sjá nánar í frétt: Skráningu á Íslandsmót lýkur í kvöld

Hlökk frá Strandarhöfði efst eftir forkeppni í fjórgang

joninasif@lhhestar.is (Jónína Sif Eyþórsdóttir) — Wed, 25 Jun 2025 15:31:47 GMT

Nú stendur yfir Íslandsmót í hestaíþróttum á Brávöllum, Selfossi. Mótið hófst á keppni í fjórgangi.

Margar glæsilegar sýningar áttu sér stað, en enginn skákaði hinu glæsilega pari Ásmundi Erni og Hlökk frá Strandarhöfði sem fengu 7,90 í einkunn. Það er önnur hæsta einkunn sem gefin hefur verið á WR móti á árinu og töluverð bæting hjá þeim en áður var þeirra besti árangur í forkeppni 7,63. Hæst hefur hún farið í 8,73 í úrslitum en það var þegar hún tryggði sér sigur í fjórgangi á Reykjarvíkurmeistaramóti Fáks á dögunum.

Jakob Svavar og Skarpur frá Kýrholti voru með næst hæstu einkunn 7,77 en þeir eiga þó sem stendur hæstu einkunn fyrir forkeppni á árinu 7,97 og rétt á hæla þeirra voru þeir Árni Björn og Kriki frá Kirka með 7,70. Til úrslita mæta einnig þau Aðalheiður Anna og Hulinn frá Breiðastöðum og Guðmunda Ellen og Flaumur frá Fákshólum en bæði þessi pör hlutu 7,47 í einkunn.

Til B úrslita mæta Helga Una og Ósk frá Stað, Gústaf Ásgeir og Assa frá Miðhúsum, Þorgeir og Auðlind frá Þjórsárbakka, Sara og Fluga frá Oddhól og Barbara og Loftur frá Kálfsstöðum.

Úrslit í fjórgangi fara fram á sunnudaginn og verður hægt að fylgjast með þeim í beinni útsendingu á RÚV.

Allt mótið er í beinu streymi á Eiðfaxa TV og allar niðurstöður birtast í rauntíma í Horseday appinu.

Framundan í dag er svo ungmennaflokkur fjórgangur og hefst það klukkan 15:30. Fyrsta kvöldi Íslandsmóts lýkur svo á keppni í gæðingaskeiði.

Hestarnir okkar fljúga með Icelandair Cargo

joninasif@lhhestar.is (Jónína Sif Eyþórsdóttir) — Wed, 25 Jun 2025 14:23:00 GMT

Icelandair Cargo hefur áratuga reynslu af hestaflutningum á milli landa og hefur um margra ára skeið verið einn okkar sterkustu bakhjarla, í apríl síðastliðinn var skrifað undir styrktarsamning til tveggja ára, milli Landsliðs Íslands í hestaíþróttum og Icelandair Cargo.

Við heyrðum í Mariu Natale Einarsdóttur Alvarez, Viðskiptastjóra í útflutningi hjá Icelandair Cargo sem sagði okkur nánar frá því hvernig flutningi hestana er háttað:

„Við hjá Icelandair Cargo bjóðum upp á flug til Liege í Belgíu alla mánudaga auk þess að fljúga með hesta tvisvar til þrisvar á ári til New York í Bandaríkjunum. Hestarnir eru fluttir í sér útbúnum hestagámum sem fara um borð í fraktvélar. Yfir mesta háannatímann erum við með 11 gáma í notkun, sem taka allt að sex hesta hver, og getum við því flutt allt að 66 hesta í hverri ferð . Ef hins vegar er um er að ræða stóðhesta, keppnishesta, folöld eða annað sem þarfnast meira rýmis eða aðgreiningar frá öðrum hestum, eru sett þil í gámana til að skipta þeim upp og þá komast færri hestar í hvern gám."

En hvernig er ferlið á ferðadegi?

„Útflutningsaðilar koma með hestana út á flugvöll síðdegis á brottfarardegi. Þar tekur dýralæknir á móti hestunum og athugar hvort þeir séu í standi fyrir flugið, athugar alla pappírana og les af örmerkjum. Hestasveinn á okkar vegum tekur við hestunum og kemur þeim um borð í flutningsgámana með dyggum stuðningi frá útflytjendum. Það hjálpast allir að. Gámarnir eru að mörgu leyti svipaðir hestakerrum og því auðvelt aðgengi fyrir hestana og þeir kippa sér almennt lítið upp við að vera leiddir inn í gámana. Hestasveinninn fylgir svo hestunum í fluginu. Það er ávallt vanur hestamaður sem getur brugðist við ef upp koma einhverjar aðstæður sem kalla á inngrip eða þekkingu.“

„Við reynum að hafa ferlið sem einfaldast á ferðadegi, hestana vegna. Fljótlega eftir að þeir eru komnir í gámana eru þeir fluttir um borð í fraktvél sem flytur þá yfir hafið. Ef um flug til Liege er að ræða, líkt og verður nú þegar hestarnir fara á HM í Sviss þá má gera ráð fyrir að ferlið frá því að hesturinn kemur á flugvöllinn og þar til hann er kominn á hestahótelið í Belgíu sé um 4-5 klukkustundir.“

Hvað tekur við þegar hestarnir lenda úti?

„ Þegar hestarnir lenda fara þeir í gegnum einangrunarstöðina og síðan er þeim komið beint á mjög vel útbúið hestahótel á flugvellinum, þar sem þeim er gefið vatn og fóður og þeir fá tækifæri til að jafna sig eftir ferðina. Dýralæknir kemur svo og athugar hestana og starfsmenn Icelandair Cargo á flugvellinum taka við þeim gögnum sem þurfa til að hrossin geti haldið ferð sinni áfram. Hestasveinninn og starfsmaður Icelandair Cargo í Liege er með í þessu ferli og passar upp á að allt gangi vel fyrir sig og að hestarnir fái fyrsta flokks atlæti.“

„Næstu skref fara svo eftir því hvert hesturinn er að fara. Flestir eru á leið til Þýskalands og Sviss en einnig margir til Austurríkis og fleiri áfangastaða í Evrópu að ógleymdum þeim sem fara til Skandinavíu. Oft eru nýir eigendur mættir til Liege að taka við hestinum, en í öðrum tilfellum halda þeir áfram ferðalaginu með landflutningum sem við skipuleggjum eða hestaútflutningsfyrirtækin sem við vinnum náið með.

Þegar hestarnir eru síðan komnir í hendurnar á nýjum eigendum eða í áframhaldandi flutning fer hestasveinninn heim með næsta flugi. Hestagámarnir eru síðan sótthreinsaðir áður en þeir eru svo sendir aftur til Íslands, tilbúnir til notkunar fyrir næsta hestaflug."

Er eitthvað sem þarf að hafa í huga fyrir flugið?

„Það er mjög mikilvægt að það sé búið að snyrta hófanna vel til að koma í veg fyrir meiðsli, við gerum þó undantekningar á þessu þegar verið er að flytja út hesta sem eru að fara beint í keppni, sérstaklega þegar HM er í húfi. Þá er þarf að búa um hófunum á hestunum með sérstökum hætti sem kemur í veg fyrir að þeir geti slasað sig. Þá skiptir líka miklu máli að hestar, sem eru að fara í flug séu bandvanir og geti teymst með hverjum sem er og séu almennt vanir því að vera í kringum fólk.“

„Annars virðast hestarnir almennt eiga auðvelt með þetta ferðalag og eru fljótir að jafna sig þegar út er komið. Það skiptir okkur miklu máli að hestunum líði vel í fluginu og öllum reglum um dýravelferð sé fylgt eftir. Við höfum flutt hesta út á stórmót í fjölmörg ár og það er alltaf gaman að heyra af árangri þeirra og sigrum erlendis og nú þegar styttist í HM í hestaíþróttum erum við spennt og stolt af því að taka þátt í að koma hestunum á áfangastað og óskum þeim og liðinu öllu góðs árangurs á mótinu!“

Við þökkum Natale kærlega fyrir spjallið og þökkum Icelandair Cargo fyrir stuðninginn í gegnum árin!

Áfram Ísland!

Áhugamannamót Íslands

joninasif@lhhestar.is (Jónína Sif Eyþórsdóttir) — Wed, 25 Jun 2025 11:26:05 GMT

Áhugamannamót Íslands 2025 – Þrír dagar af hestamennsku, gleði og samveru

Frá mótanefnd Sörla:

Áhugamannamót Íslands fór fram dagana 20.–22. júní á Hraunhamarsvellinum á glæsilegu félagssvæði Sörla í Hafnarfirði. Þrátt fyrir fjölbreytt veðurfar var frábær stemning alla helgina og þátttaka góð. Skipulagning mótsins var til fyrirmyndar og umgjörðin um vallarsvæðið, náttúran ásamt glæsilegri aðstöðu á svæðinu gerðu mótið eftirminnilegt fyrir keppendur og gesti.

Föstudagur – Glæsilegur upphafsdagur

Föstudagurinn bauð upp á sól og blíðu, sem skapaði kjöraðstæður fyrir forkeppni í töltgreinum og gæðingaskeiði. Keppendur og áhorfendur nutu dagsins til fulls og allt gekk samkvæmt áætlun.

Laugardagur – Rigning en góð stemning

Þrátt fyrir vætutíð og rigningu létu þátttakendur sig ekki vanta á laugardeginum þar sem haldnar voru forkeppnir í fjórgangs- og fimmgangsgreinum. Keppni gekk vel og sáust margar flottar sýningar.

Sunnudagur – Úrslit og glæsilegar sýningar

Sunnudagurinn var tileinkaður úrslitum í öllum greinum. Rigningaspáin gekk ekki eftir en sólin lét sjá sig og hlýtt var í veðri, kjöraðstæður fyrir úrslitadag. Keppnin var hörð og frammistaða knapa og hesta vakti mikla hrifningu.

Heildarniðurstöður mótsins má nálgast neðar á síðunni.

Fjölskyldudagskrá á laugardegi

Á meðan á keppni stóð á laugardeginum var boðið upp á fjölbreytta afþreyingu fyrir yngri kynslóðina:

Hoppukastalar voru settir upp inni í gömlu reiðhöllinni.
Íshestar buðu börnum í teymt undir frá kl. 11:00–13:00 í stóra gerðinu fyrir aftan gömlu höllina.
Pylsur í boði fyrir 16 ára og yngri voru bornar fram í hádeginu auk þess var hið rómaða Stebbukaffi opið alla mótsdaga, með ljúffengu úrvali fyrir svanga mótsgesti.

Kvöldskemmtun fyrir fullorðna – Stuð og stemming!

Kvölddagskrá fór fram á laugardagskvöldinu í veislusal Guðrún Árný steig á svið og hélt uppi stuðinu eins og henni einni er lagið – og stemningin var frábær og skemmti fólk sér vel. Skipuleggjendur hefðu samt vilja sjá fleiri mæta til að hafa gaman saman.

Saga Áhugamannamóts Íslands

Áhugamannamót Íslands hefur verið haldið árlega í yfir tvo áratugi og hefur fest sig í sessi sem mikilvægur viðburður í íslenskri hestamennsku. Mótið er ætlað fullorðnu áhugafólki sem ekki keppir í meistaraflokki og gefur því breiðari hópi tækifæri til að blómstra í samkeppni og samveru.

Farandbikarar á mótinu

Á Áhugamannamóti Íslands 2025 voru veittir veglegir farandbikarar í 1. flokki, sem eru rausnarleg gjöf frá Gangmyllunni – þeim Olil Amble og Bergi Jónssyni. Bikararnir bera nöfn sem vísa beint í fræga ræktunarhryssa þeirra hjóna

Bikararnir og viðkomandi greinar eru eftirfarandi á þessu móti:

Ljónslapparbikarinn – veittur í Fimmgangi F2
Álfadísarbikarinn – veittur í Tölti T3
Heilladísarbikarinn – veittur í Tölti T4
Djörfungarbikarinn – veittur í Gæðingaskeiði PP1
Þernubikarinn – veittur í Fjórgangi V2

Þessir bikarar eru ekki aðeins tákn um úrslit heldur einnig viðurkenning fyrir frammistöðu og árangur, samspil knapa og hests. Hvetjum keppendur framtíðarinnar til að stefna á að skrá nafn sitt á þessa virðingarverðu farandbikara.

Takk fyrir okkur!

Við viljum færa öllum sem komu að mótinu – keppendum, sjálfboðaliðum, áhorfendum og styrktaraðilum – innilegar þakkir fyrir frábæra helgi. Við hlökkum til að sjá ykkur öll aftur að ári!

�� Myndir og frekari upplýsingar má finna á Facebook viðburðinum: Áhugamannamót Íslands 2025

Metfjöldi gesta áætlaður á HM í Sviss

joninasif@lhhestar.is (Jónína Sif Eyþórsdóttir) — Mon, 23 Jun 2025 15:20:10 GMT

Nú styttist heldur betur í HM í hestaíþróttum, einungis eru 42 dagar þar til stórhátíðin hefst!

Mótið fer fram í Birmenstorf, fallegum dal í miklu landbúnaðarhéraði, norðarlega í Sviss. Svæðið er ákaflega snoturt, það er að hluta skógi vaxið en þess utan skartar það ræktarlegum túnum og ökrum.

Mótssvæðið hefur verið í undirbúningi í rúmt ár mun halda vel utan um gesti og keppendur. Ráðgert er að um 200 hestar og knapar frá 19 löndum mæti á svæðið og keppi um alls 18 heimsmeistaratitla. Mótshaldarar hafa nú gefið út að búist sé við yfir 30.000 gestum á mótið, en þess má til gamans geta að einungis búa um 3000 manns á svæðinu.

Verdi travel einn af styrktaraðilum LH hafa selt rúmlega 200 sæti til Sviss og er sem stendur uppselt hjá þeim, en þar á bæ er þó verið að skoða möguleikana á að bæta við sætum og ættu áhugasamir því að hafa samband sem fyrst og setja sig á biðlista.

Fyrir þá sem ætla að skipuleggja sitt ferðalag sjálfir bendum við á að miðasölu mótsins hér neðar á síðunni.

Dagskránni samanstendur ekki einungis af keppni í hæsta gæðaflokki heldur verður einnig fjölmargir viðburðir í gangi á meðan á mótinu stendur, sýningar, matvagnar, fræðsluerindi og kvölddagskrá. Ekki láta þig vanta á þennan stórglæsilega viðburð!

Skráningu á Íslandsmót lýkur í kvöld

joninasif@lhhestar.is (Jónína Sif Eyþórsdóttir) — Thu, 19 Jun 2025 14:36:26 GMT

Íslandsmót fullorðinna og ungmenna í hestaíþróttum verður haldið á Brávöllum, Selfossi dagana 25.-29. júní nk. Nú liggur ljóst fyrir hversu margir hafa náð lágmörkum inn á mótið.

Skráningarfrestur á mótið rennur út í kvöld, 19. júní, og verður spennandi að sjá hverjir ætli sér að mæta sýna sig á hápunkti keppnistímabilsins hér á Íslandi.

Keppnisgreinarnar og lágmörkin á Íslandsmóti 2025 eru:

Fjórgangur, V1 (Fullorðnir 7.00, ungmenni 6.50)

Fimmgangur, F1 (Fullorðnir 6.80, ungmenni 6.10)

Tölt, T1 (Fullorðnir 7.40, ungmenni 6.60)

Slaktaumatölt, T2 (Fullorðnir 7.00, ungmenni 6.20

Gæðingaskeið, PP1 (Fullorðnir 7.10, ungmenni 5.90)

Skeið 250m, P1 (Opinn flokkur 24.80 sek, ungmenni 26.00 sek)

Skeið 150m, P3 (Opinn flokkur 15.40 sek, ungmenni 17.00 sek)

Skeið 100m, P2 (Fullorðnir 8.00 sek, ungmenni 9.00 sek)

Í fullorðinsflokk hafa 32 pör náð lágmarki í fjórgangi, 33 í fimmgangi, 30 í tölti og 27 í slaktaumatölti. Hvað skeiðgreinar varðar þá hafa 39 pör náð lágmarki í gæðingaskeiði, 24 í 100m skeiði, 26 í 150m skeiði og 17 í 250m skeiði.

Í ungmennaflokki hafa 25 pör náð lágmarki í fjórgangi, 23 í fimmgangi, 24 í tölti og 29 í slaktaumatölti. Í skeiðgreinum hafa 25 pör náð lágmarki í gæðingaskeiði, 16 í 100m skeiði, 4 í 150m skeiði, og 9 í 250m skeiði.

Við heyrðum í Berglind Sveinsdóttur formanni Sleipnis sem sagði okkur að undirbúningur fyrir mótið gengi vel: ,,Völlurinn er í góðu standi og við höfum unnið að því að breyta aðeins endanum á skeiðbrautinni til að auka öryggi keppenda. Þá verður aðkoman inn á Brávelli lokuð á meðan á skeiðgreinum stendur en á meðan er hægt að koma inn á svæðið í gegnum hesthúsahverfið. Þetta gerum við til að lágmarka áreiti á meðan á skeiðinu stendur.“

En hvernig gengur að manna mótið?

„Það er alltaf erfitt að manna mót á þessum árstíma og það væri gott að hafa fleiri sjálfboðaliða með okkur í þessu, en þetta reddast alltaf á endanum og ég er viss um að svo verði líka núna.“

Hvernig er aðstaða fyrir keppendur og gesti?

„Aðstaða fyrir keppendur verður mjög góð, við erum enn þá með laus pláss í félagshesthúsinu okkar og víðar, fyrir þá sem vilja fá inni fyrir hestana sína á meðan á mótinu stendur auk þess sem það verða sérmerkt stæði fyrir knapa og kerrur. Fóta- og búnaðarskoðun mun fara fram í góðu næði í tjaldi við hliðina á upphitunarvelli. Þá hefur metnaður verið lagður í verðlaunaafhendingu og aðstöðu fyrir fjölmiðla til að taka viðtöl við nýkrýnda Íslandsmeistara.“ Segir Berglind og bætir við: „Gestir á Íslandsmóti eiga að sjálfsögðu von á góðu, hér er góð aðstaða til að fylgjast með, sjoppa og gott aðgengi að salernum og slíku. Mótinu verður útvarpað á rás 106,1 fyrir þá sem vilja sitja inn í bíl og hlusta og fyrir þá sem geta ekki verið á staðnum verður hægt að fylgjast með mótinu á Eiðfaxa TV auk þess sem RÚV verður með beina útsendingu frá mótinu á sunnudaginn.“

„Við hlökkum við til að taka á móti keppendum, aðstandendum þeirra og öðrum gestum og vonumst til að sjá sem flesta hér á Brávöllum í næstu viku.“

Við þökkum Berglindi fyrir spjallið og minnum aftur á að skráningarfrestur á Íslandsmót rennur út á miðnætti í kvöld, 19. júní.

Drög að Dagskrá Íslandsmóts

Með fyrirvara að dagskrá gæti breyst.

MIÐVIKUDAGUR 25.júní

-Fjórgangur Meistaraflokkur

-Fjórgangur Ungmenni

-Gæðingaskeið. Báðir flokkar

FIMMTUDAGUR 26.júní

-Fimmgangur Meistaraflokkur

-Fimmgangur Ungmenni

- Fyrstu tveir sprettir 250m og 150m skeiði.

FÖSTUDAGUR 27.júní

-Tölt T2 -Ungmenni

-Tölt T2 -Meistaraflokkur

Tölt T1 -Ungmenni

Tölt T1 -Meistaraflokkur

LAUGARDAGUR 28.júní

- Klár í keppni

- Sprettur 3&4 í 250m og 150m skeiði.

- Verðlaunaafhending

-B-úrslit eftir hádegi.

SUNNUDAGUR 29.júní

-100m. skeið.

- A-Úrslit.

Þrír knapar bætast við U21 hópinn

joninasif@lhhestar.is (Jónína Sif Eyþórsdóttir) — Thu, 19 Jun 2025 10:32:35 GMT

Eins og greint var frá á dögunum fylgdust landsliðsþjálfararnir grant með framvindu mála á Reykjarvíkurmeistaramóti, þar sem þeir leggja nú drög að loka hóp sínum á HM í Sviss.

Hekla Katharína þjálfari U21 hefur nú ákveðið að bæta þremur knöpum í U21 hópinn. Þessir knapar stefna að sjálfsögðu á Heimsmeistaramót íslenska hestsins og hafa á tímabilinu vakið athygli landsliðsþjálfara fyrir góðan árangur. Þau munu mæta með hesta sína á Íslandsmót ungmenna sem hefst í næstu viku .

Bætast þau inní U21 árs landsliðshópinn og hann skipa því orðið 19 knapar.

Knaparnir eru :

Eik Elvarsdóttir, hestamannafélagið Geysir

Guðrún Lilja Rúnarsdóttir, hestamannafélagið Hörður

Ragnar Snær Viðarsson, hestamannafélagið Fákur

Við óskum þeim til hamingju með að vera komin í hópinn og hlökkum til að fylgjast með þeim og öllum hinum knöpunum á Íslandsmóti sem hefst 26. júní á Selfossi.

Gangi ykkur vel!

Áfangar

joninasif@lhhestar.is (Jónína Sif Eyþórsdóttir) — Mon, 16 Jun 2025 17:15:45 GMT

Gleðilegan þjóðhátíðardag kæru hestamenn!

Það er ekki úr vegi á þessum hátíðardegi, að líta til baka og rifja upp gamlar og góðar reiðleiðir og hestaferðir, enda fátt þjóðlegra en að ferðast um landið á góðum hestum.

Árið 1986 gaf ferðanefnd Landssambands Hestamannafélaga ásamt Hákoni Hákonarsyni og Sigurði Ragnarssyni út bókina Áfanga, safnrit ferðanefndar LH.

Í bókinni er að finn yfir 50 leiðarlýsingar, en hafa ber hugfast að margar lýsingar geta verið orðnar úreltar og aðstæður breyst á þeim tæplega 40 árum síðan ritið var gefið út. Þó er þarna að finna margar skemmtilegar lýsingar sem ættu að gefa lesendum góðar hugmyndir og upplag við skipulagningu næstu hestaferðar.

Leiðirnar eru allar á suðvesturhorni landsins, upphaflega var áætlað að safna upplýsingun um reiðleiðir um allt land, en það gekk ekki sem skildi en þó voru gefnar út tvær bækur, Áfangar og Áfangar II. Í bókunum er að finna kort, en við minnum á að hægt er að skoða kort af öllum merktum reiðleiðum á Íslandi inn á Kortavefsjánni

Við vonum að hestamenn hafi gang og gaman af því að lesa þessar leiðarlýsingar.

Tryggðu þér landsliðsbol fyrir HM

joninasif@lhhestar.is (Jónína Sif Eyþórsdóttir) — Mon, 16 Jun 2025 15:11:03 GMT

Glæsilegir Topreiter landsliðsbolir til sölu.

Glæsilegir Topreiter landsliðsbolir til sölu. Bolirnir eru úr vönduðu léttu efni sem andar vel og eru fljótt að þorna (quick dry efni). Ómissandi fyrir alla hestamenn og sérstaklega þá sem ætla að styðja við landsliðið okkar í stúkunni í Sviss.

Bolirnir eru á kostakjörum einungis 6000kr og rennur allur ágóði af sölu þeirra til landsliðs og afreksmála.

Landsliðsþjálfarar fylgjast grannt með á Reykjarvíkurmóti

joninasif@lhhestar.is (Jónína Sif Eyþórsdóttir) — Sat, 14 Jun 2025 10:30:11 GMT

Nú fer fram Reykjavíkurmeistaramót Fáks. Mótið er stærsta hestaíþróttamót sem haldið hefur verið á Íslandi, en fjöldi skráninga voru yfir þúsund. Við brautina sitja landsliðsþjálfarar Íslands, Hekla Katharína Kristinsdóttir og Sigurbjörn Bárðarson, og fylgjast náið með keppendum sem eru líklegir til að ná árangri – ekki aðeins hér heima, heldur einnig á stærsta sviðinu, HM í hestaíþróttum.

Við ræddum við Didda og Heklu, þar sem þau voru stödd við brautina að fylgjast með.

,,Hér erum við komin til að leggja drög að lokahópnum. Við viljum sjá knapana sem eru að keppa og hvað þau eru að gera til að skapa tölurnar sem þau eru að fá, viljum sjá hvernig knaparnir eru að vinna og tryggja það að þetta sé nákvæmlega sem við erum að leita eftir. Við þurfum að sjá og meta það í fari hvers pars hvar vinningslíkurnar liggja. Við getum ekki valið út frá tilviljunarkenndum árangri heldur verðum við að reyna að velja knapa sem eru öruggir í sínu og eru líklegastir til að geta fylgt eftir góðum árangri erlendis, þegar þeir mæta á stóra sviðið.“ Segir Diddi.

En nú hafði þið þegar valið í landsliðshóp, eru þessir einstaklingar komnir með annan fótinn á HM?

„Nei, það er enginn sem á víst sæti á HM þrátt fyrir að vera í landsliðshóp. Hér getur það gerst að það kemur einhver og blandar sér í baráttuna án þess að við höfum verið að fylgjast sérstaklega með viðkomandi fyrir þetta mót. Við erum algjörleg með opin augun fyrir slíkum möguleika.“ Segir Diddi og Hekla bætir við: ,,Þetta er WR mót og það stærsta sem haldið er í heiminum og hingað koma allir sterkustu hestarnir og mætast við bestu aðstæður sem mögulegar eru. Hér fáum við því nauðsynlegan samaburð, en það er allt opið fram yfir Íslandsmót, en þetta er eitt þessara stóru móta sem skipta máli í þessu vali.“

Diddi tekur orðið og bætir við: ,,Þeir sem eru í eldlínunni þeir vita af okkur, vita að við erum að fylgjast með þeim. Við höfum líka jafnvel lagt til við suma knapa að skrá sig í fleiri greinar þar sem við viljum sjá víðfemari árangur og samanlagðar einkunnir sem gefur okkur ákveðnar vísbendingar.“

En hvernig hefur vikan og helgin verið, er árangur knapa eins og þið áttuð von á?

„Sumt er eins og við höfðum teiknað upp og annað hefur farið á annan veg en við höfðum reiknað með. En núna erum við að skoða heildarmyndina og sjá hverjir eru með flott útspil. Við Hekla vinnum vel saman og ræðum hlutina og við sitjum mikið saman á rökstólum og það eru mörg trúnaðarmál sem fara þar í gegn. Við berum ábyrgð á valinu og stöndum saman í þessu.“ Segir Diddi og Hekla tekur undir og bætir við: „Okkar hlutverk er náttúrulega að stilla upp sterku liði til að ná sem flestum titlum. Eftir Reykjarvíkurmót tökum við bara stöðuna og sjáum hvernig þetta lítur út en lokaákvarðanir eru allar teknar eftir Íslandsmót, þetta mót vegur alveg, við viljum sjá að pörin séu á góðu floti og árangur sé vaxa í rétta átt, því hestarnir þurfa að toppa á Íslandsmóti og svo jafnvel aftur á Heimsmeistaramóti. Þetta er auðvitað flókið ferli en mjög spennandi. Tilfinningin er góð, það er margt áhugavert að gerast sem gaman er að fylgjast með en á heildina litið lítur þetta vel út.“

En knaparnir, leita þeir mikið til ykkar?

Ég get náttúrulega bara talað út frá U21 en þau eru dugleg að hafa samband og biðja um aðstoð og þeim stendur það alltaf til boða en að endingu er þetta þeirra og þau þurfa að standa og falla með sínum ákvörðunum.“ Segir Hekla.

„Já, hlutverk þjálfarans er bara að koma með tipsin þetta eru allt frábærir knapar og hestar og við erum að velja þau út á sína verðleika og við erum bara að koma með smá punkta og ábendingar. Sem geta hjálpað en það er ekki beint kennsla. Það er kúnstin að fara ekki breyta knapa sem er góður. Bara árétta hluti.“ Segir Diddi.

„Einmitt,“ segir Hekla og heldur áfram: ,,Og eins og ég hef ítrekað við U21 hópinn minn, að bara njóta ferðalagsins, maður á njóta þess að sýna sig á góðum hesti og maður sér það á vellinum hverjir eru að njóta. Það þarf að sjálfsögðu allt að vera til staðar en þegar knapi er að njóta en er á sama tíma einbeittur þá gerast hlutirnir. En ég vil líka koma því að hvað þetta er flott mót, vellirnir til fyrirmyndar og allt eins og best verður á kosið. Mótshaldarar eiga sannarlega lof skilið fyrir frábært mót og utanumhald.“

,,Já ég verð að taka undir orð Heklu þetta mót hér í Fáki er alveg frábært og það hefur verið virkilega að fylgjast með keppendum hér og við hlökkum til að sjá framhaldið.“ Segir Diddi.

Við óskum þessu frábæru þjálfurum góðs gengis við val á lokahópnum!

Gunnar Arnarson ehf hefur flutt hesta á HM í 40 ár

joninasif@lhhestar.is (Jónína Sif Eyþórsdóttir) — Thu, 12 Jun 2025 10:12:31 GMT

Að fara með hesta á Heimsmeistaramót er stórt verkefni og að mörgu að huga, en eitt er það sem er allra mikilvægast og það er að koma hestunum frá Íslandi og á mótsstað erlendis.

Frá árinu 1986 hefur Gunnar Arnarson ehf aðstoðað Landssamband hestamannafélaga við útflutning á hestum sem eru á leið á stórmót erlendis. Gunnar Arnarson ehf hefur styrkt LH um kostnað sem hlýst af umsýslu við útflutninginn auk þess að gefa Landsliðinu fjölda folatolla í gegnum árin.

Við spjölluðum við Kristbjörgu Eyvindsdóttur en hún hefur ásamt manni sínum Gunnari Arnarsyni rekið fyrirtæki Gunnar Arnarson ehf frá árinu 1980. Þau rækta hross sem þau kenna við Auðsholtshjáleigu. Á Grænhól þar sem þau búa eru stundaðar tamningar, hrossarækt, þjálfun, kennsla og ferðaþjónusta.

Hvernig kom það til að þið fóruð að flytja út hesta?

„Þetta byrjar í raun þannig að við vorum að temja hesta, kaupa og selja. Á þessum árum var útflutningur hesta á vegum Sambandsins (SÍS). Hestar voru fluttir út tvisvar á ári með vor- og haustskipinu. Þetta gat þýtt að það leið langur tími frá því að hestur var seldur og þar til að hann komst til nýrra eigenda. Hesturinn tók þá pláss frá öðrum sem þurftu að komast í þjálfun og þannig myndaðist í raun pattstaða sem var erfið fyrir þá sem voru að reyna að lifa af þjálfun og sölu hesta.“

Og þið ákváðuð að taka málin í eigin hendur?

„Við vorum stórhuga þegar við fórum að skoða möguleikana á því að flytja út hesta flugleiðis og mættu þær hugmyndir nokkurri mótspyrnu, því það leist ekki öllum vel á að við tækjum hestaútflutninginn frá skipunum. Flutningur með skipum gat tekið viku til tíu daga og það segir sig sjálft að það voru ekki endilega góðar aðstæður fyrir hestana."

„Við lögðum töluvert á okkur til að fá leyfi fyrir útflutningi með flugi, það gekk ekki alltaf auðveldlega fyrir sig, sérstaklega þegar verið var að koma þessu á. Endaði það með því að leita varð til ráðherra Matthías Á. Mathiesen þáverandi viðskiptaráðherra til að fá nauðsynlegar undirskriftir. Fjármagna varð vélarnar sem voru á þessum tíma leiguvélar og urðum við að leggja allt okkar að veði til þess að af þessu yrði."

En það hefur sennilega margt breyst á þessum árum?

„Já svo sannarlega, í dag eru allir ferlar í kringum útflutninginn orðnir svo mikið betri og aðstæður fyrir hestana líka. Þá spilar inn í að hestar sem eru að fara í útflutning eru nú orðið yfirleitt alltaf mun vanari allri meðhöndlun, mikið meira tamdir og því ekki sami barningurinn og oft hér áður þegar það voru jafnvel lítið gerð og lítið tamin hross á leiðinni út, það gat alveg verið skrautlegt.“

„Boxin sem hestarnir eru í henta vel til útflutnings og rúma hestana vel, það fer vel um þá á leiðinni og þetta eru alla jafna hestar sem eru vanir því að vera fluttir með kerrum og því kannski ekki stórmunur fyrir þá þannig séð.“

Sjáið þið einungis um að koma hestunum í fl ug?

„Nei nei, við aðstoðum með allt sem við kemur útflutningi á hestum, allt frá því að sækja hestinn, koma hounum í flug, sjá um alla pappírsvinnuna, sendum út pappíra til tollafgreiðslu, látum útbúa hestavegabréf, köllum til dýralækna, fyllum út upplýsingar fyrir „Trace“ (dýralæknisvottorð sem gildir milli landa) og aðstoðum við að undirbúa hestinn fyrir flug. Tökum hestinn til okkar í hesthús okkar í Víðidal þar sem dýralækniseftirlit og skoðanir eru framkvæmdar. Við aðstoðum líka hesteigendur að komast í samband við næstu flutningsaðila ef þarf.“

„Þegar hestar eru svo á leiðinni á HM er enn og meira undir. Þá hefur vaninn verið á að knapar og hestar koma til okkar að Grænhól þar sem dýralæknir landsliðsins fer yfir hestana, auk þess sem embættisdýralæknir hefur mætt og sinnt sínu eftirlit og kvittað hestapassana. Hestarnir þurfa að standast mjög strangar heilsufarskröfur á mótsstað þannig að vanda þarf til verka. Hér höfum við átt góða stund með knöpum yfir kaffi og öðrum veitingum meðan skoðunin fer fram og lokahönd lögð á ýmislegt sem tengist pappírsvinnunni er varðar útflutninginn. Stundum hefur búnaði sem fylgja þarf hestunum, hnakkar, beisli, fóðurbætir ofl. verið safnað saman í leiðinni og síðan hefur komið bíll frá Icelandair Cargo og flutt þetta áfram út á völl. Oft erum við að flytja hesta á HM fyrir fólk sem hefur aldrei staðið í þessu áður og þá þarf að svara mörgum spurningum og sýna mikinn stuðning því þetta getur verið stressandi og oft líka mjög tilfinningaþrungið að undirbúa hest fyrir brottför.“

Hvernig er ferðalagið til Sviss?

„Á ferðadegi, koma knaparnir með hestana sína upp á flugvöll stuttu fyrir flug, við reynum að skipuleggja þetta allt þannig að álagið sé sem minnst á hestana. Fyrir flugið þarf að teipa hófana eftir kúnstarinnar reglum og koma þar ullarsokkarnir frægu við sögu, Hestarnir fara járnaðir um borð, ólíkt því sem við á við hefðbundinn útflutning en þá er búið að draga undan hestunum. Flugið til Belgíu tekur um þrjár klukkustundir, við komuna þangað fara hestarnir inn í rúmgóðar stíur þar sem þeim er gefið vatn og hey og þeim leyft að jafna sig eftir flugið. Nokkrir knapar fylgja hestunum á þessari leið og sjá um þá þar til þeir komast á mótssvæðið.“

„Nú þegar ferðinni er svo heitið til Sviss, bætist við að tolla hestana við svissnesku landamærin, þar er mikil skriffinnska og ekki eins þægilegt ferli og þegar verið er að flytja hesta innan Evrópusambandsins. En það er allt vel undirbúið svo hestarnir komst í gegnum tollinn á sem skemmstum tíma, á afangastað. Þetta er nú samt minna álag miðað við hvernig þetta var hér áður þegar hestarnir voru að mæta eftir margra daga siglingu á stórmót.“

„Við höfum svo fylgt hestunum eftir og látum okkur aldrei vanta á Heimsmeistaramótið, sem er alveg sérstök upplifun. Þar hittir maður fólk úr greininni sem maður hefur tengst vináttuböndum í gegnum árin og það er alltaf ótrúlega skemmtilegt.“

Við þökkum Kristbjörgu kærlega fyrir spjallið og þeim hjónum hjá Gunnari Arnarsyni ehf fyrir þann ómetanlega stuðning sem þau hafa sýnt landsliðinu í gegnum árin. Á heimasíðunni þeirra www. horseexport.is er hægt að kynna sér starfssemi þeirra enn betur.

Við þökkum Kristbjörgu kærlega fyrir spjallið og þeim hjónum hjá Gunnari Arnarsyni ehf fyrir þann ómetanlega stuðning sem þau hafa sýnt landsliðinu í gegnum árin.

Á heimasíðunni þeirra www. horseexport.is er hægt að kynna sér starfssemi þeirra enn betur.

Munum að yfirfara reiðtygin

joninasif@lhhestar.is (Jónína Sif Eyþórsdóttir) — Wed, 11 Jun 2025 14:56:02 GMT

Öryggisnefnd LH minnir á mikilvægi þess að yfirfara reiðtygin.

Öryggisnefn d LH leitaði á síðasta ári til Guðmundar söðlasmíðameistara hjá Baldvini og Þorvaldi og bað hann að deila því með hestamönnum hvaða atriði væri helst að hafa í huga þegar reiðtygi eru yfirfarin. Við hvetjum alla hestamenn til að kíkja á þetta flotta myndband.

Sumarið komið á Skógarhólum

joninasif@lhhestar.is (Jónína Sif Eyþórsdóttir) — Fri, 06 Jun 2025 08:15:00 GMT

Skógarhólar hinn geysi vinsæli áningarstaður hestamanna í þjóðgarðinum á Þingvöllum hefur fengið góða andlitslyftinu á síðustu misserum og tekur nú enn betur á móti gestum.

Helga Skowronski er umsjónarmaður Skógarhóla. Við ræddum aðeins við hana:

Er komið sumar á Skógarhólum?

En úti hvernig er staðan þar?

„Hér eru svo komin ný grill sem Húsasmiðjan gaf okkur og vil ég að sjálfsögðu þakka kærlega fyrir það.“

En hvernig hafa bókanir farið af stað?

Húsið tekur 30 í gistingu og matsalur rúmar allt að 50 manns. Fimm næturhólf eru fyrir hesta á Skógarhólum auk hólfa í Svartagili. Þá er einnig hægt að tjalda á staðnum.

Tekið er á móti bókunum á skogarholar@lhhestar.is , gjaldskrá og frekari upplýsingar má finna hér á síðunni: Skógarhólar

Þá er einnig um að gera að fylgja Skógarhólum á facebook: Skógarhólar á Facebook

Vígsla reiðhallar á Sörlastöðum

Thu, 05 Jun 2025 14:46:47 GMT

Ný og glæsileg reiðhöll var vígð á Sörlastöðum í Hafnarfirði þann 4. júní.

Um er að ræða eina stærstu reiðhöll landsins. Höllin er frábær viðbót við þær hallir sem bjóða upp á aðstöðu fyrir keppnishald innanhúss, og má þá sérstaklega taka fram að hún er sambyggð eldri reiðhöll sem nýtist sem upphitunaraðstaða.

Höllin hefur verið í bygginu í tvö ár og reis með góðum stuðningi Hafnafjarðarbæjar. Þetta glæsilega íþróttamannvirki er til marks um þann mikla metnað sem er fyrir hestaíþróttinni í sveitarfélaginu, og bætir alla aðstöðu fyrir félagsmenn Sörla hvort heldur sem er vegna námskeiðahalds, keppni eða almennar ástundunar. Þá má þess einnig geta að í reiðhöllinni er glæsilegur samkomusalur með útsýni yfir keppnisvöll Hestamannafélagsins Sörla.

Að þessu tilefni færði formaður LH, Linda Björk Gunnlaugsdóttir, Hestamannafélaginu Sörla, táknrænan skjöld og blóm, fyrir hönd LH, sem Atli Már Ingólfsson veitti viðtöku.

Landssamband hestamannafélag óskar Hestamannafélaginu Sörla og hestamönnum öllum til hamingju með þessa glæsilegu reiðhöll. Við hvetjum alla til að leggja leið sína á Sörlastaði þegar Íslandsmót barna og unglinga verður haldið þar dagana 17. til 20. júlí og Áhugamannamót Íslands dagana 20. til 22. júní.

Íslenskt hey á heimsmeistaramóti

joninasif@lhhestar.is (Jónína Sif Eyþórsdóttir) — Thu, 05 Jun 2025 08:45:00 GMT

Nú styttist verulega í HM íslenska hestsins sem fram fer í Sviss 4.-10. ágúst næstkomandi. Það er að mörgu að huga og eitt það allra mikilvægasta er að tryggja að hestarnir okkar fái íslenskt gæða hey með sér á mótið.

Þið lásuð rétt, þegar íslenskir hestar fara utan til að taka þátt í stórmótum eins og heimsmeistaramótinu í hestaíþróttum, fylgja þeim ekki aðeins knapar og liðsstjórar — heldur líka hey frá Íslandi. Það er ekki tilviljun, heldur afar mikilvæg ráðstöfun til að tryggja heilbrigði hestanna og lágmarka áhættu á veikindum.

Líkt og undanfarin ár er það Villi í Litlu-Tungu sem sér íslensku hestunum fyrir heyi. Hann hefur síðan 1999 tryggt að íslensku hestarnir fái úrvalshey. Litla-Tunga er staðsett rétt við Rauðalæk, steinsnar frá Hellu.

Við spjölluð við Villa sem sagði okkur aðeins frá samstarfinu:

,,Já, ég hef styrkt Íslenska landsliðið með heyi síðan 1999, svo það eru komin nokkur ár. Við leggjum áherslu á að bjóða upp á gott og næringarríkt hey fyrir hesta og höfum átt marga góða viðskiptavini í gegnum árin. Oft á tíðum eru hestarnir sem fara utan þegar búnir að vera á heyi frá okkur og því eru fóðurbreytingar í lágmarki. Ég tel að íslenskir hestar þurfi íslenskt fóður til að tryggja heilbrigði og árangur.“

„Íslenskt hey er líka ákaflega næringarríkt og hentar vel fyrir hesta frá náttúrunnar hendi. Við seljum því töluvert að heyi erlendis líka, þar sem menn eru oft á tíðum að glíma við plöntur í grassverðinum sem henta ekki hestum og eru jafnvel eitraðar þeim. Á síðasta ári seldum við til dæmis einnig Austurríksaliðinu hey og það er gaman að segja frá því að þeim hefur aldrei gengið eins vel.“

Það er ljóst að Íslenski hesturinn er vanur ákveðnu umhverfi og fóðri sem er einstakt fyrir Ísland. Ávalt er mikilvægt er að forðast snöggar breytingar á fóðri, sérstaklega þó fyrir hesta í mikilli þjálfun og hvað þá á ögurstund eins og á heimsmeistaramóti. Erlent hey getur verið allt annars eðlis, bæði hvað varðar tegundir grasa, næringargildi og ekki síst örveruflóru og getur það haft slæm áhrif á meltingu og almenna líðan hestsins.

„Við berum ábyrgð á velferð hestanna okkar, og það er algjört grundvallaratriði að þeir fái það fóður sem þeir þekkja og þola vel,“ segir Hinnrik Þór Sigurðsson, afreksstjóri LH „Að taka með sér hey frá Íslandi er ekki aukaatriði – það getur skipt sköpum þegar kemur að heilsu og árangri.“

Íslenska landsliðið leggur áherslu á fagmennsku, velferð og heilbrigði – og með því að tryggja að hestarnir fái íslenskt hey, er stigið mikilvægt skref í að tryggja að þeir geti sýnt sitt besta á alþjóðavettvangi.

Landsliðið vill þakka Villa í Litlu-Tungu fyrir að hafa staðið vaktina með okkur og tryggt hestunum okkar gæða hey í krefjandi aðstæðum. Takk Villi!

Heimsmet í skráningum!

joninasif@lhhestar.is (Jónína Sif Eyþórsdóttir) — Wed, 04 Jun 2025 11:01:10 GMT

Heimsmet í skráningum á hestaíþróttamót!

Þær gleðifréttir hafa borist úr Víðidalnum að hið árlega Reykjarvíkurmót Fáks hafi slegið öll skráningarmet, en alls eru 1027 skráningar á mótið!

Það er frábært að sjá þennan mikla vöxt og áhuga sem er ríkir í íþróttinni okkar. Mótið hefur lengi verið eitt stærsta hestaíþróttamót sem haldið er hérlendis og nú hefur heilum degi verið bætt við þar sem skráningar hafa farið fram úr björtustu vonum. Mótið hefst næstkomandi sunnudag 8. júní og stendur til 15. Júní.

Mótið er World Ranking mót, sem þýðir að árangur keppenda í WR greinum, telur inn á heimslista.

Við heyrðum í Einari Gíslasyni framkvæmdastjóra Fáks sem var að vonum nokkuð glaður með þann mikla áhuga sem er á mótinu:

„Við vissum að þetta yrði stórt mót, fundum fyrir miklum áhuga eins og alltaf þegar ekki er Landsmót. En við áttum kannski ekki alveg von á að þurfa að bæta við heilum degi til að koma á móts við fjölda skráninga. Þetta verður stórt mót og langir dagar en Víðidalurinn er góðu standi, allir vellir og innviðir eins og best verður á kosið og að því leytinu ekkert því til fyrirstöðu að hér verði haldið glæsilegt mót.“

Hvaða áskorun felst helst í því að halda svona stórt mót?

„Helsta áskorunin er að manna mótið, okkur vantar klárlega fleiri sjálfboðaliða, en svona mót er ekki hægt að halda nema með þeirra aðkomu og vonandi munu fleiri áhugasamir bætast við þann öfluga hóp sem þegar hefur gefið kost á sér í ýmis verkefni.“

Er skráningin jöfn í alla flokka?

„Það er mikil skráning í alla flokka og ljóst að þetta verður stórt og spennandi mót og eins og alltaf munum við eiga von á glæsilegum sýningum og spennandi keppni.“

Eigið þið von á mörgum áhorfendum?

„Já, við hvetjum auðvitað alla til að koma í Víðidalinn, veitingasala verður í reiðhöllinni og gott að sitja í brekkunni, fjöldi þeirra sem koma og fylgjast með hefur einnig aukist ár frá ári og vonandi á veðrið eftir að leika við keppendur og gesti. Þá er mótinu einnig útvarpað á rás 102,5 fyrir þá sem sitja inn í bíl. Fyrir þá sem eiga ekki heimangengt verður mótinu streymt á vegum Alendis.“

Við tökum undir orð Einars og hvetjum alla hestamenn til að gera sér ferð í Víðdalinn og fylgjast með þessu gríðarstóra og firnasterka íþróttamóti og ekki síst hvetjum við þá sem geta, til að bjóða fram krafta sína í sjálfboðavinnu svo mótið megi verða sem glæsilegast.

Dagskrá mótsins og frekari upplýsingar er hægt að nálgast inn á facebooksíðu mótsins: https://fb.me/e/4YK7ZDmoW og á heimasíðu Fáks

Tryggðu þér landsliðsbol fyrir HM

joninasif@lhhestar.is (Jónína Sif Eyþórsdóttir) — Tue, 03 Jun 2025 08:15:00 GMT

Glæsilegir Topreiter landsliðsbolir til sölu.

Bolirnir eru á kostakjörum einungis 6000kr og rennur allur ágóði af sölu þeirra til landsliðs og afreksmála.

Nýdómara námskeið

joninasif@lhhestar.is (Jónína Sif Eyþórsdóttir) — Mon, 02 Jun 2025 12:56:22 GMT

Fyrirhugað er að halda nýdómaranámskeið á vegum Hídí dagana 10-14 september næstkomandi fyrir þá sem hug hafa á að verða íþróttadómarar í hestaíþróttum.

Áhugasöm dómaraefni eru hvött til þess að nýta sumarið vel, fá að sitja með dómurum við ritarastörf, kynna sér lög og reglur og framkvæmd keppnisgreinanna og svo framvegis og koma þannig vel undirbúin inn í námskeiðið í haust. Skráning og upplýsingar eru á hididomarar@gmail.com og skráning er opin nú þegar og hvetjum við áhugasöm dómaraefni að láta vita af sér.

Skráningargjald, dagskrá og nánari upplýsingar um tilhögun námskeiðsins verður kynnt þegar líður á sumarið.

Stjórn og Fræðslunefnd Hídí

Opnun Sögusetur íslenska hestsins

joninasif@lhhestar.is (Jónína Sif Eyþórsdóttir) — Mon, 02 Jun 2025 10:48:15 GMT

Í gær sunnudaginn 1. júní var opnuð ný sýning í húsnæði setursins á Hólum í Hjaltadal.

Á nýrri sýningu verður lögð enn meiri áhersla á fræðslu, en fram að þessu hefur aðal útgangspunkturinn verið saga hestsins. Aukin fræðsla og aðgengi að henni er í takt við það mikla fræðastarf sem fram fer á Hólum.

Gestir geta meðal annars fræðst um hestaliti og erfðir þeirra, kynnst upprunaættbókinni - WorldFeng – og skoðað fjölbreytta og áhugaverða muni í frægðarhorni safnsins.

Við hvetjum alla hestamenn til að gera sér ferð að hólum í sumar, safnið verður opið almenningi frá og með þriðjudeginum 3. júní, alla daga nema mánudaga, frá kl. 10:00 til 16:00.

Hér að neðan má sjá myndir frá opnuninni

Heimasíða Sögusetursins

Ný vefsíða

joninasif@lhhestar.is (Jónína Sif Eyþórsdóttir) — Sat, 31 May 2025 22:50:03 GMT

Ný vefsíða og lén. Landssamband Hestamannafélaga hefur að undanförnu unnið að gerð nýrrar vefsíðu fyrir sambandið.

Vefurinn er enn í vinnslu þar sem að mörgu er að huga á vef sem er jafn yfirgripsmikill og vefsíðan er um þessar mundir. Nýr vefur mun skalast betur en eldri vefur á mismunandi tækjum. Auk þess sem hægt er að aðlaga undirsíður vefsins betur að því efni sem við þurfum og viljum koma á framfæri.

Vefurinn er nú aðgengilegur á léninu lh.is sem við fengum nýlega að gjöf frá Verkfræðistofunni EFLU og viljum við senda þeim okkar bestu þakkir fyrir.

Gamli vefurinn lhhestar.is verður áfram virkur um stund meðan gengið er frá flutningi gagna á milli og meðan notendur venjast nýju viðmóti.

Við viljum gjarnan heyra af því ef notendur rekast á villur á vefnum, svo hægt sé að bæta úr því sem fyrst. Vinsamlegast sendið slíkar ábendingar á joninasif@lhhestar.is

Mælingar á reiðgötum

joninasif@lhhestar.is (Jónína Sif Eyþórsdóttir) — Wed, 21 May 2025 12:28:42 GMT

Undanfarnar 6 vikur hefur LH mælt umferð hestamanna á einni af fjölmörgum reiðleiðum á félgsssvæði Fáks í Víðidal. Um er að ræða tilraunaverkefni sem vonandi getur nýst okkur hestamönnum til þess að átta okkur enn betur á umfangi hestamennskunnar.

Mælirinn sem er notaður er tiltölulega einfaldur og var staðsettur á ljósastaur við reiðgötu. Hann var í þeirri hæð að hann mælir einungs knapa sem fer framhjá á hesti. Samskonar mælar eru notaðir víða til að mæla umferð gangandi og hjólandi vegfarenda.

Á 45 dögum var 7003 sinnum riðið fram hjá þessum tiltekna staur, eða að meðaltali 146 sinnum á dag. Í Fák eru fjölmargar leiðir og því má ætla að þetta sé einungis tölfræði sem nær yfir brot af þeirri daglegu umferð sem er á reiðleiðum á Fákssvæðinu.

Mælirinn var staðsettur á staur, rétt við gömlu göngubrúnna á hinum svokallaða Tryppahring.

Næst fer mælirinn upp í Hörð og verður þar í nokkrar vikur. Við vonumst til þess að fleiri svona mælar geti farið í notkun og hvetjum þau hestamannafélög sem hafa áhuga á að skoða það nánar að hafa samband við Jónínu Sif á skrifstofu LH.

Hér á myndinni þar sem appelsínuguli punkturinn er má sjá hvar mælirinn var staðsettur.

Hugum að hestunum í sólinni

joninasif@lhhestar.is (Jónína Sif Eyþórsdóttir) — Wed, 21 May 2025 12:24:36 GMT

Nú er heldur betur búið að vera blíða og stefnir í áframhaldandi sól og hlýindi. Gróður er snemma á ferðinni og margir hestar komnir út á sumarbeit.

Að gefnu tilefni langar okkur að minna hesteigendur á að fylgjast vel með því að hestarnir hafi gott aðgengi að vatni þegar svona heitt er í veðri og komist í skugga vilji þeir það.

Þá er gott að passa að saltsteinar séu til staðar til að bæta upp upp salt- og steinefnatapið sem fylgir svita. Hestar geta líka brunnið í sterkri sól og því er gott að smyrja ljósari svæði með hestvænni sólarvörn.

Í reiðtúrum er gott að hafa í huga að hitastig er hærra en gengur og gerist og þjálfunin taki mið af því og passa vel upp á aðgengi að vatni bæði fyrir, á eftir og jafnvel á meðan á ferð stendur.

Ef hestur sínir merki ofhitunar (hraður andardráttur, slappleiki, hár líkamshiti, svitaþorn og/eða óróleiki komdu honum þá umsvifalaust í skugga, kældu hann með vatni og hafðu samband við dýralækni.

Með von um að allir njóti sín sem best í blíðunni!

Þórdís Anna Gylfadóttir kjörin í framkvæmdastjórn ÍSÍ

berglind@lhhestar.is (Berglind Karlsdóttir) — Wed, 21 May 2025 12:23:00 GMT

Þórdís Anna Gylfadóttir úr Hestamannafélaginu Spretti var kosin í framkvæmdastjórn ÍSÍ á Íþróttaþingi 2025. Hún hlaut frábæra kosningu og hlaut næstflest greidd atkvæði af þeim níu frambjóðendum sem voru í kjöri.

Þórdís er fyrsti hestamaðurinn sem er kjörinn í stjórn ÍSÍ.

Landssamband hestamannafélaga óskar Þórdísi Önnu innilega til hamingu með kjörið í framkvæmdastjórn Íþrótta- og Ólympíusambands Íslands og hlökkum til að fylgjast með hennar störfum í þágu íþróttahreyfingarinnar.

Forseti FEIF heimsótti LH

joninasif@lhhestar.is (Jónína Sif Eyþórsdóttir) — Wed, 21 May 2025 12:21:06 GMT

Gundula Sharman forseti FEIF heimsótti í dag skrifstofu LH. Gundula er um þessar mundir stödd á Íslandi, þar sem hún hefur átt fundi með samstarfs aðilum FEIF og öðrum hagsmuna aðilum sem tengjast Íslenska hestinum.

Þá sat hún einnig fund með aðstoðarmönnum ráðherra og fjallaði þar um stöðu og framtíðarsýn íslenska hestsins.

Gundula tók við embætti forseta FEIF fyrr á árinu og er þetta í fyrsta sinn sem hún heimsækir Íslands eftir að hún tók við því hlutverki.

Heimsókn hennar á skrifstofu LH var fyrst og fremst til að efla tengsl og ýta undir áframhaldandi gott samstarf og samtal.

Miðbæjarreið aflýst

joninasif@lhhestar.is (Jónína Sif Eyþórsdóttir) — Wed, 21 May 2025 12:14:08 GMT

Því miður tilkynnist það hér með að Miðbæjarreið Landssambands hestamannafélaga mun að óbreyttu ekki fara fram í ár. Ástæðan er viðburðargjald sem Reykjavíkurborg hyggist innheimta fyrir viðburðinn. Miðbæjarreiðin er að engu leyti tekjuaflandi fyrir LH og er því kostnaðurinn við viðburðinn orðinn slíkur að við sjáum okkur ekki fært að standa undir honum.

Því miður tilkynnist það hér með að Miðbæjarreið Landssambands hestamannafélaga mun að óbreyttu ekki fara fram í ár. Ástæðan er viðburðargjald sem Reykjavíkurborg hyggist innheimta fyrir viðburðinn. Miðbæjarreiðin er að engu leyti tekjuaflandi fyrir LH og er því kostnaðurinn við viðburðinn orðinn slíkur að við sjáum okkur ekki fært að standa undir honum.

Það er leitt að viðburður sem hefur það að markmiði að vekja athygli á Íslenska hestinum og mikilvægi hans í íslenskri menningu og samfélagi geti ekki farið fram.

Miðbæjarreiðin vekur alltaf mikla athygli og eftirtekt bæði innanlands og utan enda borgin þekkt fyrir nálægð sína við ósnortna náttúru. auk þess sem Íslenski hesturinn hefur löngum verið ein af mikilvægustu „auðlindum“ Íslands sérstaklega þegar litið er til ferðamanna sem margir koma hingað gagngert til að berja hann augum. Þá eru fáar höfuðborgir sem státa af jafnmikilli hestamennsku og Reykjavík en þar fór til að mynda fram Landsmót Hestamanna á síðasta ári sem er einn stærsti íþrótta og menningarviðburður sem haldinn er á Íslandi.

Það vekur því bæði undrun og vonbrigði að Reykjavíkurborg hafi ákveðið að setja slíkt gjald á viðburðinn og vonumst við auðvitað til að sú ákvörðun verði endurskoðuð.

Frábær ferð U21 að Hólum

joninasif@lhhestar.is (Jónína Sif Eyþórsdóttir) — Wed, 14 May 2025 12:26:34 GMT

Frábær ferð U21 að Hólum

U21 landsliðishópurinn átti frábæra ferð að Hólum síðastliðinn föstudag. Víkingur Þór Gunnarsson deildarstjóri Hestafræðideildar tók á móti hópnum og fór með þeim yfir sögu skólans og námið sem er í boði. Síðan var gengið um svæðið og sú frábæra aðstaða sem Hólar bjóða upp á skoðuð bæði reiðhallir og hesthús. Þá fengu þau að sjá nýja og glæsilega járningaaðstöðu, sem býður upp á tækifæri til að mennta nemendur enn frekar á því sviði.

Síðan tók Mette Mannseth yfirreiðkennari við hópnum. En hún hafði fengið tvo nemendur við skólan til að sína lokaprófin sín annars vegar nemandi úr áfanga sem heitir Ístaðslausi áfanginn, þar sem riðið er án ístaða einum af skólahestunum og sýnt fimipróf og gantegundapróf inn í reiðhöll. Svo sýndi fyrsta árs nemi lokapróf sem heitir þjálfun reiðhestsins. Á meðan var Mette að útskýra prófatriðin og gaf þetta hópnum góða innsýn inn í námið og fyrirkomulaginu á því. Það var mjög skemmtilegt og mæltist vel fyrir.

Svo var öllum hópnum boðið að gera sætisæfingar með reiðkennurum skólans, þannig að hver og einn knapi fékk um 15 mínútur þar sem farið var yfir ásetuna á brokki og fengu þau öll nytsamlega punkta sem þau geta tekið með sér áfram í sinni hestamennsku og var mikil ánægja með þetta. Æfingunni lauk svo á hávísindalegri keppni þar sem knaparnir kepptu um sín á milli hver myndi sulla minnst úr tveimur vatnsglösum sem þeim voru fengin í hendur, sem vakti mikla lukku og stóð Sigurður Baldur uppi sem sigurvegari.

Að þessu loknu tóku við sýnikennslur hjá Mette og Tóta (Þórarinn Eymundsson, Lektor). Mette tók fyrir gangskiptingar og nýtti þar sinn frábærlega þjálfaða Kalsa frá Þúfum og var virkilega gaman fyrir hópinn að sjá þau vinna saman og fá góðar útskýringar á meðan. Hópur var virkilega áhugasamur og spunnust út frá því alveg gífurlega góðar umræður.

Tóti tók svo við, en hann var með unga tölt hryssu sem hann er að byggja upp fyrir T1. Hann fór vel yfir ábeningarkerfið og til hvers hann er að ætlast af svona ungu hrossi og sýndi bara mjög vel hvað hann er að gera og áherslurnar sem hann leggur upp með. Í framhaldinu mynduðust miklar umræður sem entust bílferðina heim.

Dagurinn endaði svo á Kaffi Krók þar sem Unnur Rún úr stjórn LH og Landsliðsnefnd tók á móti hópnum með dýrindis pizzum.

Heilt yfir frábær ferð sem í senn hristi hópinn saman og brýndi knapana til enn frekari árangurs á komandi keppnistímabili.

Ágúst Örn vann hnakkinn!

joninasif@lhhestar.is (Jónína Sif Eyþórsdóttir) — Wed, 14 May 2025 11:36:47 GMT

Ágúst Örn vann hnakkinn!

Aðalvinningur í happdrætti Allra Sterkustu Topreiter 961 hnakkur - frá Líflandi og Topreiter var dreginn á miða nr 1494. Vinningshafinn er Ágúst Örn Sigurðsson og kom hann í dag að sækja vinninginn.

Innilega til hamingju!

Enn eru ósóttir vinningar hér á Skrifstofu LH Engjavegi 6 í Laugardal, endilega hafið samband ef þið eruð með vinningsmiða í fórum ykkar.

Þeir sem keyptu miða í vefverslun hafa fengið miðana senda í pósti.

Við viljum þakka styrktaraðilum happdrættisins kærlega fyrir ómetanlegan stuðning og öllum þeim sem keyptu miða.

Vinningar eru á eftirtöldum númerum:

1494 Topreiter 961 hnakkur - frá Líflandi og Topreiter
1508 Hótel Rangá - Gisting fyrir tvo ásamt þriggja rétta sælkerakvöldverði og kampavínsmorgunverði
468 VerdiTravel 50.000 kr gjafabréf upp í ferð að eigin vali
1305 Vikupassi á HM 2025 í Sviss
1533 Vikupassi á HM 2025 í Sviss
73 Vikupassi á HM 2025 í Sviss
98 Vikupassi á HM 2025 í Sviss
395 Vikupassi á HM 2025 í Sviss
1003 Vikupassi á HM 2025 í Sviss
768 Prentuð ljósmynd frá Gígju ljósmyndara
1574 Skartgripur frá SIGN
1151 Góðgerlar frá Protexin Equine Premium – Gut Balancer, Acid Ease og Quick Fix
70 Góðgerlar frá Protexin Equine Premium – Gut Balancer, Acid Ease og Quick Fix
1575 Góðgerlar frá Protexin Equine Premium – Gut Balancer, Acid Ease og Quick Fix
1064 Góðgerlar frá Protexin Equine Premium – Gut Balancer, Acid Ease og Quick Fix
800 Góðgerlar frá Protexin Equine Premium – Gut Balancer, Acid Ease og Quick Fix
1321 Gjafabréf sem gildir í öllum verslunum S4S (Ellingsen ofl.) að verðmæti 20.000
864 Gjafabréf í ELKO að verðmæti 10.000
391 Gjafabréf í ELKO að verðmæti 10.000
1722 Árs aðgangur að HorseDay appinu
145 Blue Lagoon skincare
1239 Blue Lagoon skincare
1088 Premium aðgangur fyrir tvo í Bláa lónið
1542 Vikupassi á Landsmót 2026
1374 Tommy Hilfiger ábreiða frá Ástund
804 Reiðtími hjá Daníel Gunnarssyni
1657 Reiðtími hjá Þórarni Ragnarssyni
1073 Reiðtími hjá Jóhönnu Margréti Snorradóttur
838 Reiðtími hjá Guðmundu Ellen Sigurðardóttur
1613 Reiðtími hjá Benedikt Ólafssyni
1569 Reiðtími hjá Elvari Þormarssyni

Upplýsingar fyrir keppendur 16-21 vegna U21

joninasif@lhhestar.is (Jónína Sif Eyþórsdóttir) — Wed, 14 May 2025 11:33:23 GMT

Upplýsingar fyrir keppendur 16-21 vegna U21

Hekla Katharína Kristinsdóttir landsliðsþjálfari U21 árs landsliðsins í hestaíþróttum hvetur þá sem eru eru að stefna að þátttöku á Heimsmeistaramóti íslenska hestsins í Sviss á aldrinum 16-21 árs, en eru ekki í landsliðshópnum sjálfum að sækja um á eftirfarandi eyðublaði og láta þannig vita af sér til þjálfara liðsins.

Með þessum hætti getur landsliðsþjálfari haldið góðri yfirsýn og jafnvel verið þessum aðilum innan handar á einhvern hátt.

Vert er að vekja athygli á því að landsliðshópurinn verður opinn fram að lokavali og mun landsliðsþjálfari ekki hika við að taka inn pör sem á keppnistímabilinu ná þannig árangri í sínum greinum að þau geri sig líkleg í lokahóp fyrir HM.

Gott er að benda á að landsliðsþjálfari mun fylgjast sérstaklega vel með Reykjavíkurmeistaramóti og Íslandsmóti ungmenna.

Mikilvægt er að þeir sem enn keppa í unglingaflokki (16 og 17 ára) keppi í greinum sem gilda til vals í hópinn, þeas T1, T2, V1, F1, PP1, P1 og P2.

Ef ekki er boðið uppá þessar greinar í unglingaflokki þarf parið að keppa upp fyrir sig í ungmennaflokki.

Umsóknareyðublað

Áfram Ísland

Sækja um

Dagur Íslenska hestsins er á morgun

Wed, 30 Apr 2025 20:30:12 GMT

Dagur Íslenska hestsins er á morgun, 1. maí. Hestamannafélög hérlendis sem og erlendis munu í tilefni af deginum bjóða upp á fjölbreytta dagskrá. Við hverjum áhugasama til að kynna sér viðburði á sínu heimasvæði.

Þá verður einnig spennandi dagskrá í Fjölskyldu og Húsdýragarðinum:

Vel heppnaður stefnumótarfundur LH

Tue, 29 Apr 2025 09:41:31 GMT

Í gær mánudaginn 28. apríl fór fram stefnumótunarfundur Landssambands hestamannafélaga. Stjórn boðaði fundinn og voru fulltrúar hestamannafélaganna hvattir til að mæta á staðinn eða vera með á Teams.

Markmið fundarins var að skapa sameiginlega framtíðarsýn fyrir samband allra hestamanna og var því ákaflega gleðilegt að sjá hversu margir tóku frá tíma til að vera með okkur í þessari vinnu en um 30 manns mættu á staðinn og 50 tóku þátt í fjarfundi.

Petra Björk Mogensen stýrði fundinum ásamt Lindu Björk Gunnlaugsdóttur. Þær fengu svo dygga aðstoð frá þeim Jónínu Björk Vilhjálmsdóttur og Anna Kristín Kristinsdóttir sem tóku saman niðurstöður fundarins.

Fundargestir tóku virkan þátt í vinnunni og verður það verkefni næstu daga að fara yfir niðurstöðurnar og verða þær birtar félagsmönnum. En ljóst að félagsmenn kalla eftir áframhaldandi góðu starfi með grunngildi LH í forgrunni íþrótt, menning, lífsstíll ásamt því að horfa inn í framtíðina og setja velferðarmálin í enn meiri forgrunn.

Hestamennskan sem bæði almenningsíþrótt og keppnisíþrótt var mikið rædd og hvernig má standa vörð um og efla hvoru tveggja. Þá var rætt um menningarlegt mikilvægi hestamennskunnar og þeirra sérstöðu sem íþróttin hefur í þeim skilningi hérlendis og hvernig við þurfum að standa vörð um Íslenska hestinn á alþjóðavísu.

Við hlökkum til að deila með ykkur frekari niðurstöðum úr þessari vinnu.

Framboð til forseta og framkvæmdastjórnar ÍSÍ

Mon, 28 Apr 2025 14:25:49 GMT

Á 77. Íþróttaþingi ÍSÍ, sem fram fer dagana 16. og 17. maí nk. á Hótel Natura, verður kosið um forseta ÍSÍ til fjögurra ára og um sjö meðstjórnendur í framkvæmdastjórn ÍSÍ, til fjögurra ára. Skilafrestur framboða rann út föstudaginn 25. apríl sl. kl. 16:00.

Til kjörnefndar bárust fimm framboð til embættis forseta ÍSÍ og níu framboð til setu í framkvæmdastjórn ÍSÍ.  Kjörnefnd ÍSÍ hefur úrskurðað öll innsend framboð gild.

Við hestamenn eigum frábæran fulltrúa á meðal frambjóðenda en það er hún Þórdís Anna Gylfadóttir, (LH/UMSK) en hún býður sig fram sem meðstjórnanda í framkvæmdastjórn ÍSÍ.

Til að framboð teljist löglegt skal eitt ólympískt sérsamband og eitt héraðssamband/íþróttabandalag hafa lýst yfir stuðningi við framboðið. Þess má geta að frambjóðendur eru ekki fulltrúar viðkomandi sambandsaðila og allir stjórnarmenn ÍSÍ eru óháðir og fulltrúar allrar íþróttahreyfingarinnar.

Frambjóðendur til forseta ÍSÍ eru eftirfarandi (í stafrófsröð):

Frambjóðendur í sjö sæti meðstjórnenda í framkvæmdastjórn ÍSÍ eru eftirfarandi (í stafrófsröð):

 Nánar er fjallað um kjör til framkvæmdastjórnar ÍSÍ í 17. grein laga ÍSÍ.  

Allra sterkustu verður sýnt á Eiðfaxa tv

Sun, 27 Apr 2025 14:09:22 GMT

Nú er rétt rúm vika síðan hinn glæsilegi viðburður Allra sterkustu fór fram. Mikil stemning myndaðist að venju enda glæsilegar sýningar, keppni, happadrætti og stóðhestavelta í gangi. Á kvöldum sem þessum er dásamlegt að hafa fullt hús af áhorfendum og var það rauninn þann 19. apríl. Hinsvegar komust ekki allir sem vildu á sýninguna og því gleður það að tilkynna að Eiðfaxi tók upp herlegheitin og verður hægt að horfa á alla sýninguna á streymisveitunni þeirra frá og með miðri næstu viku.

Meðfylgjandi eru svo nokkrar myndir sem ljósmyndarinn Gunnhildur Ýrr tók.

Topreiter nýr samstarfsaðili LH

Thu, 24 Apr 2025 09:30:00 GMT

Á Allra sterkustu var skrifað undir samstarfssamning milli Topreiter og Landsliðs Íslands í hestaíþróttum. Samningurinn gildir fram yfir Heimsmeistaramót 2027. Með þessum samningi er Topreiter komið í hóp okkar stærstu styrktaraðila og mun Topreiter ásamt Líflandi sjá um allan fatnað landsliðsins á næstu stórmótum.

LH þakkar kærlega fyrir stuðninginn og hlakkar til samstarfsins.

Dregið hefur verið í happdrætti Allra Sterkustu

Wed, 23 Apr 2025 15:00:00 GMT

Dregið hefur verið í happdrætti Allra Sterkustu.
Hægt er að sækja vinningana á Skrifstofu LH Engjavegi 6 í Laugardal frá og með mánudeginum 28. apríl gegn framvísun happdrættismiðans.
Þeir sem keyptu miða í vefverslun hafa fengið miðana senda í pósti.

Við viljum þakka styrktaraðilum happdrættisins kærlega fyrir ómetanlegan stuðning og öllum þeim sem keyptu miða.

Vinningar eru á eftirtöldum númerum:

1494 Topreiter 961 hnakkur - frá Líflandi og Topreiter
1508 Hótel Rangá - Gisting fyrir tvo ásamt þriggja rétta sælkerakvöldverði og kampavínsmorgunverði
468 VerdiTravel 50.000 kr gjafabréf upp í ferð að eigin vali
1305 Vikupassi á HM 2025 í Sviss
1533 Vikupassi á HM 2025 í Sviss
73 Vikupassi á HM 2025 í Sviss
98 Vikupassi á HM 2025 í Sviss
395 Vikupassi á HM 2025 í Sviss
1003 Vikupassi á HM 2025 í Sviss
768 Prentuð ljósmynd frá Gígju ljósmyndara
1574 Skartgripur frá SIGN
1151 Góðgerlar frá Protexin Equine Premium – Gut Balancer, Acid Ease og Quick Fix
70 Góðgerlar frá Protexin Equine Premium – Gut Balancer, Acid Ease og Quick Fix
1575 Góðgerlar frá Protexin Equine Premium – Gut Balancer, Acid Ease og Quick Fix
1064 Góðgerlar frá Protexin Equine Premium – Gut Balancer, Acid Ease og Quick Fix
800 Góðgerlar frá Protexin Equine Premium – Gut Balancer, Acid Ease og Quick Fix
1321 Gjafabréf sem gildir í öllum verslunum S4S (Ellingsen ofl.) að verðmæti 20.000
864 Gjafabréf í ELKO að verðmæti 10.000
391 Gjafabréf í ELKO að verðmæti 10.000
1722 Árs aðgangur að HorseDay appinu
145 Blue Lagoon skincare
1239 Blue Lagoon skincare
1088 Premium aðgangur fyrir tvo í Bláa lónið
1542 Vikupassi á Landmót 2026
1374 Tommy Hilfiger ábreiða frá Ástund
804 Reiðtími hjá Daníel Gunnarssyni
1657 Reiðtími hjá Þórarni Ragnarssyni
1073 Reiðtími hjá Jóhönnu Margréti Snorradóttur
838 Reiðtími hjá Guðmundu Ellen Sigurðardóttur
1613 Reiðtími hjá Benedikt Ólafssyni
1569 Reiðtími hjá Elvari Þormarssyni

Lífland áfram einn af stærstu styrktaraðilum LH

Wed, 23 Apr 2025 09:30:00 GMT

Á Allra sterkustu var skrifað undir áframhaldandi samstarfssamning milli Landsliðs Íslands í hestaíþróttum og Líflands en samningurinn gildir fram yfir heimsmeistarmót 2027.

Lífland hefur um árabil verið einn stærsti styrktaraðili landsliðsins og hefur samstarfið verið afar farsælt.

LH hlakkar til áframhaldandi samstarfs og þakkar hjartanlega fyrir stuðninginn!

Framlengdur skráningarfrestur á Íslandsmót í Gæðingalist

Wed, 23 Apr 2025 09:16:25 GMT

Ákveðið hefur verið að framlengja skráningafresti fyrir fyrsta Íslandsmótið í gæðingalist sem verður haldið í Samskipahöllinni í Spretti dagana 29.apríl – 1.maí 2025. Skráningafrestur er til miðnættis miðvikudaginn 23.apríl.

Keppt verður í einum styrkleikaflokki í yngri flokkum en tveimur styrkleikaflokkum í fullorðinsflokki. Keppt verður í eftirfarandi flokkum:

Barnaflokkur – stig 2

Unglingaflokkur – stig 2

Ungmennaflokkur – stig 2

Fullorðinsflokkur (1.flokkur) – stig 2 (sýningargrein)

Fullorðinsflokkur (meistaraflokkur) – stig 3

Íslandsmeistari verður krýndur í öllum flokkum, nema 1.flokk fullorðinna sem telst sem sýningargrein.

Keppni fer fram eftir reglugerð LH um Gæðingalist:

https://www.lhhestar.is/…/-gl-reglur-um-gaedingalist…

Knapar eru hvattir til að taka dagana frá og ljúka innanhúss keppnistímabilinu á Íslandsmóti í gæðingalist. Fyrirspurnir má senda á sprettur@sprettur.is

Skráning fer fram á sportfengur.com , skráning stendur yfir 14.apríl til og með 23.apríl nk.

Skráningagjöld eru 13.000kr fyrir yngri flokka og 15.000kr fyrir fullorðinsflokka.

Takk allir sem komu á ALLRA STERKUSTU

Tue, 22 Apr 2025 14:17:00 GMT

Kæru hestamenn, takk kærlega fyrir samveruna og samvinnuna í kringum ALLRA STERKUSTU. Viðburðurinn heppnaðist vel og skiptir það sköpum fyrir landsliðin að finna þenna mikla áhuga og stuðning úr greininni.

Viðburður eins og þessi gerist ekki að sjáflum sér. Að baki honum standa óteljandi klukkustundir sem sjálfboðaliðar hafa ljáð verkefninu, fullt af fyrirtækjum sem hafa lagt til fjármuni eða aðföng og stóðhestaeigendur sem hafa gefið tolla í stóðhestaveltuna. Þá hefur stjórn, skrifstofa, landsliðsnefnd, framkvæmdanefnd, landsliðsþjálfarar og landsliðsknaparnir sjálfir lagt dag við nótt að undirbúa og framkvæma þennan glæsilega viðburð.

Þá héldu Hjörvar og Eysteinn uppi stemningunni með sínum einstöku þulahæfileikum, dómarar frá HÍDÍ og GDLH gáfu vinnu sína og Jonni Kokkur (Jón Ólafur Guðmundsson) sá um að enginn væri svangur.

Á morgun miðvikudaginn, 23. apríl verður dregið í Happdrættinu.

Takk kærlega allir sem komu á staðinn eða studdu við viðburðinn með einhverjum hætti. Án ykkar væri þetta ekki hægt.

Eftirtalin fyrirtæki lögðu lóð á vogaskálarnar:

Lífland

Topreiter

Icelandair Cargo

Askja

Bláa Lónið

Verdi Travel

Eiðfaxi

ÓJ&K – ISAM/MUSTAD

CCEP

Hótel Rangá

HorseDay

Protexin Equine Premium

Ellingsen

Elko

Gigja Einars Photography

Ástund

Sign skartgripir

Partý búðin

Esja

DDesign

Fönn

Hér má sjá lista yfir alla þá stóðhesta sem tóku þátt í Stóðhestaveltunni: Stóðahestaveltan allir hestarnir í pottinum | Landssamband hestamannafélaga

Dalastígur að Fjallabaki

Tue, 22 Apr 2025 13:39:00 GMT

Ný stikuð leið frá Dalakofa í Landmannahelli.

Framkvæmdasjóður ferðamannastaða veitti Hestamannafélaginu Geysi styrk á síðasta ári til að stika svokallaðan Dalastíg. Leiðin þykir gífurlega falleg en er bæði brött og villugjörn og því miklar úrbætur að fá leiðina betur merkta og skráða.

Leiðin liggur víða um viðkvæmt land og hagar þannig að þar er ill mögulegt að komast um á vélknúnum ökutækjum. Því var farin sú leið að nýta hesta til að bera stikurnar , en þær voru fengnar frá Skógarafurðum ehf.

Tveir hestar voru notaðir til burðar og báru hvor um sig 56 stikur eða um 80kg sem festar voru með klyfberum. Þó nokkur tími fór í að finna út hvernig best væri að ganga frá hlassinu þannig að það færi vel á hestunum og færi ekki úr skorðum þegar farið væri um brattar brekkur. Ásamt stikunum báru hestarnir hnakktösku með kögglum og öðru nesti.

Hestarnir Blesi frá Hagavík 26 vetra og Piltur frá Lágafelli 16 vetra fengu sáu um burðinn að mestu.

Verkefni hestamanna félagana eru mörg og misjöfn en við minnum alla þá hestamenn sem nýta reiðvegakerfið að skrá sig í hestamannafélag, þannig stöndum við vörð um þessi mikilvægu mannvirki okkar.

Myndirnar tala sínu máli: Dalastígur

Hestamannafélagið Sleipnir fyrsti handhafi Hvatningarverðlauna HSK

Tue, 22 Apr 2025 09:02:00 GMT

Hestamannafélagið Sleipnir varð á dögunum fyrsti handhafi Hvatningarverðlauna HSK. Ástæða verðlaunana er Félagshesthúsaverkefni Sleipnis, en í greinagerð um verðlaunin segir:

Landssamband hestamannafélaga óskar Sleipni til hamingju með viðurkenninguna!

Varúð svika síður og linkar

Sat, 19 Apr 2025 20:08:31 GMT

Athugið

Það er ekki streymi frá viðburðinum!

Passið ykkur á svika síðum!

Hægt er að fylgjast með á instagram.

Stóðahestaveltan allir hestarnir í pottinum

Fri, 18 Apr 2025 12:03:00 GMT

Nú er sólarhringur þar til Stóðhestaveltan opnar. Alls eru 103 úrvals stóðhestar í pottinum. Stuðningur stóðhestaeigenda við Landslið Íslands er ómetanlegur. Það er lífæð landsliðsins að hafa svo dygga bakhjarla. Stuðningurinn er þó ekki einungis landsliðinu til heilla heldur hefur Stóðhestaveltan um margra áraskeið átt þátt í að skapa nýja gæðinga sem hafa birst okkur bæði á keppnisvellinum en einnig skapað úrvals reiðhesta fyrir hinn almenna hestamann, sem sumir hverjir hafa stigið sín fyrstu skref í hrossarækt eftir að hafa keypt sér toll í veltunni.

Stóðhestaeigendur hafa þannig með sínu framlagi ýtt undir velgengni Íslands á stórmótum og fjölgað tækifærum hins almenna hestamanns í ræktun.

Við vonum að hestamenn um land allt næli sér í toll í veltunni og að við fáum að frétta af afrekum afkvæmanna þegar fram líða stundir. Því það er deginum ljósara að margir stórglæsilegir hestar eiga eftir að líta dagsins ljós þar sem hver tollur er öðrum betri í Stóðhestaveltunni í ár.

Takk Stóðhestaeigendur fyrir ykkar framlag!

Hér má sjá heildarlista stóðhesta sem taka þátt í veltunni í ár:

103 stóðhestar í Veltunni!

Thu, 17 Apr 2025 22:27:00 GMT

Ekki klikka á að tryggja þér toll undir einn af þeim glæsihestum sem taka þátt í Stóðhestaveltunni. Opnað verður fyrir sölu á miðum í veltuna kl 12:00 á laugardaginn. Miðaeigendur geta síðan dregið sér toll frá kl 17:00 í Samskipahöllinni í Spretti. Það eru risa stór nöfn í pottinum og allt eru þetta úrvals hestar sem stóðhestaeigendur hafa boðið fram til styrktar landsliðinu. Takk stóðhestaeigendur!

Við hlökkum til að sjá afkvæmin næsta sumar!

Athugið að miðasala á viðbuðrinn sjálfan - ALLRA STERKUSTU, er í fullum gangi, tryggið ykkur miða á forsöluverði. Þá minnum við einnig á að hægt er að kaupa miða í mat, síðast komust færri að en vildu í matinn svo ekki draga það fram á síðustu stundu að næla ykkur í úrvals lambakótilettur með öllu tilheyrandi.

Fyrirkomulag Stóðhestaveltunnar 2025 er þannig að sala á tollum opnar kl 12:00 Laugardaginn 19. apríl á vef LH. Milli klukkan 17:00 og 19:00 veður hægt að draga tolla í Samskipahöllinni, gegn framvísun greiðslukvittunar. Þeir sem hafa ekki kost á að mæta og draga toll eða fá einhvern fyrir sig í verkefnið, geta óskað eftir því að starfsmenn LH dragi tollinn.

Miðaverð fyrir hvern toll er 70.000 kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Við kynnum síðustu stóðhestana til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Enn fleiri úrvals hestar í Stóðhestaveltunni! | Landssamband hestamannafélaga

Glæsilegir stóðhestar í veltunni! | Landssamband hestamannafélaga

Sautján stóðhestar bætast við veltuna! | Landssamband hestamannafélaga

Ein mest spennandi Stóðhestavelta í manna minnum! | Landssamband hestamannafélaga

Ein mest spennandi Stóðhestavelta í manna minnum!

Thu, 17 Apr 2025 14:00:00 GMT

Mikilvægasti fjáröflunarviðburður landsliðsins, ALLRA STERKUSTU fer fram laugardaginn 19. apríl næstkomandi. Þar verður hin æsispennandi Stóðhestavelta landsliðsins að sjálfsögðu á sínum stað. Hver veit nema úr henni komi framtíðar heimsmeistari?

Hátt í 100 úrvals stóðhestar sem allir ættu að vilja setja undir taka þátt í veltunni og er það ómentanlegt hversu vel stóðhestaeigendur standa við bakið á landsliðinu.

Miðaverð fyrir hvern toll er 70.000 kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Við kynnum næstu stóðhesta til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Enn fleiri úrvals hestar í Stóðhestaveltunni! | Landssamband hestamannafélaga

Glæsilegir stóðhestar í veltunni! | Landssamband hestamannafélaga

Sautján stóðhestar bætast við veltuna! | Landssamband hestamannafélaga

Við kynnum enn fleiri hesta til leiks!

Thu, 17 Apr 2025 14:00:00 GMT

Hátt í 100 úrvals stóðhestar sem allir ættu að vilja setja undir taka þátt í veltunni og er það ómentanlegt hversu vel stóðhestaeigendur standa við bakið á landsliðinu.

Miðaverð fyrir hvern toll er 70.000 kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Við kynnum næstu stóðhesta til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Enn fleiri úrvals hestar í Stóðhestaveltunni! | Landssamband hestamannafélaga

Glæsilegir stóðhestar í veltunni! | Landssamband hestamannafélaga

Sautján stóðhestar bætast við veltuna! | Landssamband hestamannafélaga

Ein mest spennandi Stóðhestavelta í manna minnum! | Landssamband hestamannafélaga

Ferð þú heim af ALLRA STERKUSTU með glænýjan hnakk?

Wed, 16 Apr 2025 10:47:00 GMT

Ertu búin að tryggja þér miða í hið geysi vinsæla happadrætti ALLRA STERKUSTU?

Happdrættismiðar eru seldir hér á heimasíðu LH og að sjálfsögðu líka á meðan á viðburðinum stendur. Miðarnir eru á kostakjörum, einungis 1000kr stk. Einungis er dregið úr seldum miðum.

Fyrir þessar fáu krónur gæti heppinn miðaeigandi til dæmis tekið eitthvað af þessu með sér heim:

Tryggðu þér nokkra miða strax í dag: Kaupa miða

Allur ágóði af sölu happdrættismiðana rennur til landsliðsins í hestaíþróttum. LH þakkar styrktaraðilum happdrættis kærlega fyrir stuðninginn!

Viðburðurinn Allra sterkustu er stærsti fjáröflunar viðburður íslenska landsliðsins, við treystum á hestamenn að koma og gleðjast saman og þannig styrkja Landsliðið okkar.

Á Allra sterkustu koma fram margir af sterkustu knöpum landsins og mörg sterkustu hross landsins. Dagskráin verður að venju feyki skemmtileg en meðal annars munu landsliðsknapar keppa til úrslita í tölti, fjórgangi og fimmgangi. Þjóðþekktir einstaklingar keppa í mjólkurtölti og Landslið U-21 mætir með glæsiatriði en knapar í U-21 eru Fanndís Helgadóttir, Eva Kærnested, Guðmar Hólm Ísólfsson Líndal, Hekla Rán Hannesdóttir, Herdís Björg Jóhannsdóttir, Hulda María Sveinbjörnsdóttir, Jón Ársæll Bergmann, Kristján Árni Birgisson, Lilja Dögg Ágústsdóttir, Lilja Rún Sigurjónsdóttir, Matthías Sigurðsson, Sara Dís Snorradóttir, Sigurður Baldur Ríkharðsson, Védís Huld Sigurðardóttir, Þórey Þula Helgadóttir & Þórgunnur Þórarinsdóttir.

Ekki láta þig vanta í Samskipahöllina í Sprettti laugardaginn 19. Apríl!

Kaupa aðgöngumiða

Kaupa aðgöngumiða og kvöldverð

Happdrættismiði | Landssamband hestamannafélaga

Enn fleiri úrvals hestar í Stóðhestaveltunni!

Tue, 15 Apr 2025 15:00:00 GMT

Hátt í 100 úrvals stóðhestar sem allir ættu að vilja setja undir taka þátt í veltunni og er það ómentanlegt hversu vel stóðhestaeigendur standa við bakið á landsliðinu.

Miðaverð fyrir hvern toll er 70.000 kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Húsið opnar kl 17 - tryggðu þér miða í forsölu hér á heimasíðu LH

Við kynnum næstu 10 stóðhestana til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Glæsilegir stóðhestar í veltunni!

Tue, 15 Apr 2025 15:00:00 GMT

Við treystum á hestamenn til að koma og eiga glaðan dag með okkur, kaupa sér toll og sjá marga af okkar öflugustu knöpum etja kappi.

Hátt í 100 úrvals stóðhestar sem allir ættu að vilja setja undir taka þátt í veltunni og er það ómentanlegt hversu vel stóðhestaeigendur standa við bakið á landsliðinu.

Miðaverð fyrir hvern toll er 70.000 kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Húsið opnar kl 17 - tryggðu þér miða í forsölu hér á heimasíðu LH

Við kynnum næstu 10 stóðhestana til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Enn fleiri úrvals hestar í Stóðhestaveltunni! | Landssamband hestamannafélaga

Sautján stóðhestar bætast við veltuna!

Tue, 15 Apr 2025 15:00:00 GMT

Landslið Íslands í hestaíþróttum býr svo vel að hafa dyggan stuðning stóðhestaeigenda. Hátt í 100 úrvals stóðhestar sem allir ættu að vilja setja undir taka þátt í veltunni í ár og hvetjum við alla að kynna sér þessa glæsilegu hesta.

Miðaverð fyrir hvern toll er einungis 70.000kr. Athugið að að girðinga-, hús-, eða sæðingagjald er ekki innifalið.

Ekki láta þitt eftir liggja, tryggðu þér toll og hjálpaðu liðinu að komast einu skrefi nær Gullinu á HM í Sviss!

Áfram Ísland!

Við kynnum næstu 17 stóðhesta til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Fyrirkomulag Stóðhestaveltunnar og næstu hestar | Landssamband hestamannafélaga

Glæsilegir stóðhestar í veltunni! | Landssamband hestamannafélaga

Spuni og fleiri verða líka í veltunni!

Mon, 14 Apr 2025 15:00:00 GMT

Þá styttis í stórsýningu landsliðs Íslands í hestaíþróttum, Allra sterkustu , verður haldið í Samskipa-reiðhöllinni í Spretti laugardagskvöldið 19. apríl nk. Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu. LH þakkar stóðhestaeigendum stuðninginn.

Við kynnum næstu 10 stóðhestana til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Fyrirkomulag Stóðhestaveltunnar og næstu hestar

Mon, 14 Apr 2025 15:00:00 GMT

Fyrirkomulag Stóðhestaveltunnar 2025:

Sala á tollum opnar kl 12:00 Laugardaginn 19. apríl hér á vefnum. Milli klukkan 17:00 og 19:00 veður hægt að draga tolla í Samskipahöllinni, gegn framvísun greiðslukvittunar. Þeir sem hafa ekki kost á að mæta og draga toll eða fá einhvern fyrir sig í verkefnið, geta óskað eftir því að starfsmenn LH dragi tollinn.

Miðaverð er 70.000 kr. Einn tollur er á hverjum seldum miða. Athugið að að girðinga-, hús-, eða sæðingagjald er ekki innifalið.

Hér má kynna sér næstu 10 hesta í veltunni!

Við kynnum næstu 10 stóðhestana til leiks:

Hér eru upplýsingar um aðra hesta í veltunni

Stóðahestaveltan - skemmtilegasta fjáröflun sem um getur! | Landssamband hestamannafélaga

Sindri frá Hjarðartúni og næstu hestar í veltunni! | Landssamband hestamannafélaga

Spuni og fleiri verða líka í veltunni! | Landssamband hestamannafélaga

Landslið Íslands verður á MUSTAD á HM

Mon, 14 Apr 2025 14:53:19 GMT

Á dögunum var skrifað undir áframhaldandi styrktarsamning milli Landsliðs Íslands í hestaíþróttum og ÓJ&K – ISAM/MUSTAD til tveggja ára.

Íslenska landsiðið verður því á MUSTAD skeifum á HM líkt og undanfarin ár.

LH þakkar kæralega fyrir stuðninginn!

Sindri frá Hjarðartúni og næstu hestar í veltunni!

Mon, 14 Apr 2025 09:10:00 GMT

Við kynnum næstu 10 stóðhestana til leiks:

Hér eru fyrstu 10 tollarnir: Stóðahestaveltan - skemmtilegasta fjáröflun sem um getur! | Landssamband hestamannafélaga

Stóðahestaveltan - skemmtilegasta fjáröflun sem um getur!

Sat, 12 Apr 2025 06:35:00 GMT

Stórsýning landsliðs Íslands í hestaíþróttum, Allra sterkustu , verður haldið í Samskipa-reiðhöllinni í Spretti laugardagskvöldið 19. apríl nk. Stóðhestavelta landsliðsins verður á sínum stað í tengslum við viðburðinn og um 100 folatollar í pottinum sem stóðhestaeigendur hafa gefið til styrktar landsliðinu. LH þakkar stóðhestaeigendum stuðninginn.

Við kynnum fyrstu 10 stóðhestana til leiks:

Happdrættismiðarnir komnir í sölu

Thu, 10 Apr 2025 14:26:00 GMT

Tryggðu þér miða í Happdrætti Allra Sterkustu. Einungis er dregið úr seldum miðum. Verð fyrir hvern miða er aðeins 1000kr og rennur allur ágóði til landsliða Íslands í hestaíþróttum.

Að venju eru fjölmargir stórglæsilegir vinningar í boði og má meðal annars nefna:

Glænýr Topreiter hnakkur frá Lífland

Gisting, matur og kampavínsmorgunverður hjá Hótel Rangá

Vikupassar á HM

Inneign í ferð hjá Verdi

Áskrift hjá HorseDay

Góðgerlar fyrir hross frá Protexin Equine Premium

Gjafabréf í Ellingsen

Húðvörur og gjafabréf í Bláalónið

Reiðtímar hjá okkar færustu knöpum

Mynd frá Gígju í A3 prenti

Vörur frá Garra

Og margt margt fleira.

Miða er hægt að kaupa í vefverslun LH eða á staðnum. Kaupa miða

Fyrsta Íslandsmótið í Gæðingalist á næsta leiti

Thu, 10 Apr 2025 13:40:00 GMT

https://www.lhhestar.is/.../-gl-reglur-um-gaedingalist...

Icelandair Cargo styrkir Íslenska landsliðið

Thu, 10 Apr 2025 13:21:00 GMT

Á dögunum var skrifað undir styrktarsamning milli Landsliðs Íslands í hestaíþróttum og Icelandair Cargo til tveggja ára. Þá var jafnframt staðfest að þeir hestar sem fara á HM muni fljúga út 28. Júlí nk. Landssamband hestamanna og Icelandair Cargo hafa átt góðu samstarfi að fagna um margra ára skeið þar sem félagið hefur séð um öruggan flutning hesta úr landi, sem eru á leið á Heimsmeistaramót.

Kristinn Skúlason formaður landsliðsnefndar og Sigurgeir Már Halldórsson sviðstjóri sölu og markaðsmála skrifuðu undir samninginn.

LH þakkar stuðninginn og hlakkar til aukins samstarfs.

A landsliðið fór á fyrirlestur með Degi Sigurðssyni

Wed, 09 Apr 2025 14:12:01 GMT

Dagur Sigurðsson fyrrum landsliðsmaður og núverandi landsliðsþjálfari Krótatíska landsliðsins í handbolta hélt í dag frábæran fyrirlestur fyrir A landslið Íslands í hestaíþróttum.

Hann sagði frá sinni vegferð, stórum og smáum sigrum og hvernig árangur er nátendur hugafari. Hann hvatti hópinn áfram og minnti þau á að framlag hvers þeirra hefði áhrif á heildar árangurinn.

Virkilega góður inngangur að komandi tímabili keppnistímabili þar sem farmiði á HM í Sviss er í húfi.

Þá minnti Dagur á framlag sitt til hestamennskunnar hinn sígilda smell Þarfasti Þjónninn úr smiðju hans sjálfs sem nýtur töluverða vinsælda á streymisveitum og var landsmótslagið 2022 í fluttningi Hilmis Snæs.

Reglubreytingar sem tóku gildi 1. apríl

Mon, 07 Apr 2025 15:30:21 GMT

Þann 1. apríl tóku gildi breytingar á lögum, reglum og reglugerðum eftir Landsþing 2024 og FEIF þing 2025.

Yfirlit yfir allar breytingar má sjá hér: yfirlit-yfir-breytingar-a-logum.pdf

Þar má meðal annars nálgast nýja reglugerð um Íslandsmót í Gæðingalist sem verður haldið í fyrsta sinn í lok apríl í Spretti. Einnig má minna á að nú er Gæðingakeppni skyldugrein á Íslandsmóti barna og unglinga.

Endilega skoðið þetta skjal vel.

Glæsileg heiðursathöfn

Thu, 03 Apr 2025 10:20:00 GMT

Í tilefni af því að Sigurbjörn Bárðarson var tekin inn í heiðurshöll ÍSÍ var síðastliðinn laugardag, haldin glæsileg athöfn í Reiðhöllinni í Víðidal. Þar veitti Linda Björk Gunnlaugsdóttir formaður LH Sigurbirni glæsilegan heiðursgrip frá LH sem hannaður var af Inga í Sign sem virðingarvottur fyrir ómetanlegt framlag hans til hestaíþrótta.

Hestamannafélagið Fákur og Landssamband hestamannafélaga stóðu að athöfninni, en Sigurbjörn hefur verið í Fáki frá barnsaldri. Formaður Fáks Hjörtur Bergstað og Linda Björk ávörpuðu samkomuna sem var einkar vel sótt af ættingjum, vinum og samferðafólki Sigurbjörns í hestamennskunni.

Allra sterkustu - takið kvöldið frá!

Wed, 02 Apr 2025 14:35:00 GMT

Mikilvægasti fjáröflunarviðburður landsliðsins, Allra sterkustu fer fram laugardaginn 19. apríl næstkomandi. Ekki missa af frábæru kvöldi með okkar allra sterkustu knöpum í frábærri stemningu í Samskipahöllinni.

Dagskráin verður feyki skemmtileg en meðal annars munu landsliðsknapar keppa til úrslita í tölti, fjórgangi og fimmgangi. Þjóðþekktir knapar keppa í mjólkurtölti, stóðhestar og hryssur verða sýndar og U21 verður með glæsilegt sýningaratriði.

Þá má ekki gleyma hinu geysi vinsæla happadrætti þar sem til mikils er að vinna og rúsínunni í pylsuendanum – STÓÐHESTAVELTAN, en hver veit nema úr henni verði til framtíðar heimsmeistari?

Ekki láta þitt eftir liggja, komdu og njóttu gleðinnar og hjálpaðu liðinu að komast einu skrefi nær Gullinu á HM í Sviss!

Húsið opnar kl 17 - tryggðu þér miða í forsölu:

Kaupa miða

Kaupa miða og kvöldverð

Sigurvilji síðustu sýningar

Wed, 26 Mar 2025 13:10:38 GMT

Sigurvilji varpar ljósi á mikinn sigurvegara, dýravin og baráttumann sem hefur áratugum saman verið í fremstu röð af eigin verðleikum. Saga Sigurbjörns er stórbrotin og hefur veitt mörgum innblástur til að láta ekki deigan síga og gefast ekki upp þótt á móti blási. Myndin höfðar vel til hestaáhugafólks en einnig til allra þeirra sem hafa áhuga á samferðamönnum og áhugaverðum sögum.

Tveir knapar bætast við U21 Landsliðshópinn

Wed, 26 Mar 2025 12:47:34 GMT

Hekla Katharína Kristinsdóttir Landsliðsþjálfari U21 hefur ákveðið að bæta tveimur knöpum inní landsliðshópinn sinn. Það eru þær Eva Kærnested með hestinn Styrkur frá Skák og Sara Dís Snorradóttir með hestinn Kvist frá Reykjavöllum.

Eva og Styrkur stefna á fjórgangsgreinar og Sara og Kvisur stefna á fimmgangsgreinar.

Landsliðsþjálfari vill ítreka að hún heldur áfram að fylgjast vel með og hikar ekki við að bæta inn í landsliðshópinn keppnispörum sem líkleg eru til að styrkja liðið fyrir Heimsmeistaramótið í sumar sem haldið verður í Sviss.

Til hamingju Eva og Sara Dís!

Áhugamannamót Íslands 2025

Mon, 24 Mar 2025 11:58:41 GMT

Áhugamannamót Íslands 2025 verður haldið á félagssvæði Hestamannafélagsins Sörla í Hafnarfirði 20.-22. júní næstkomandi.

Með tilkomu nýrrar reiðhallar í Hafnarfirði er félagssvæði Sörlafélaga orðið hið glæsilegasta og öll aðstaða til fyrirmyndar fyrir hesta og menn.

Sörli mun einnig halda Íslandsmót barna og unglinga síðar í sumar ásamt því að Hafnarfjarðarmeistaramótið í maí er WR mót og því nóg um að vera í Firðinum fyrir allt hestafólk.

Reglugerðin um Áhugamannamót Íslands var á landsþingi LH í haust rýmkuð talsvert og forsendur mótsins því opnari en áður og vonir standa til þess að mótið verði haldið með miklum myndarbrag og að það nái almennilegu flugi.

Á Áhugamannamóti Íslands verður keppt í 1. 2. og 3. flokki og þátttökurétt á mótinu hafa allir knapar 22 ára og eldri sem ekki hafa keppt í meistaraflokki á WR mótum á síðastliðnum þremur árum.

Lágmörk á Íslandsmót fullorðinna og ungmenna 2025

Mon, 24 Mar 2025 09:42:00 GMT

Lágmörk á Íslandsmót fullorðinna og ungmenna 2025.

Nú styttist í að lóan láti sjá sig og annar ljúfur vorboði hjá okkur hestamönnum er kominn í hús þar sem keppnisnefnd LH hefur samþykkt og gefið út lágmörk fyrir Íslandsmót 2025 sem haldið verður á Selfossi í lok júní.

Lágmörkin haldast að þessu sinni óbreytt frá fyrra ári og við ákvörðunina er horft er til þess að keppendafjöldi sé svipaður og á undanförnum teimur Íslandsmótum.

Lágmörk inn á mótið gilda einungis fyrir Íslandsmót ungmenna og fullorðinna en engin lágmörk gilda til þátttöku í Íslandsmóti barna- og unglinga.

Einungis lágmarkseinkunn í greinum sem náð er á löglegum útimótum gilda en einkunnir úr innanhússmótum gilda ekki sem lágmörk inn á Íslandsmót úti. Landssambandið hvetur mótshaldara til þess að tryggja að greinar fari fram á löglegan hátt, huga að réttri skráningu greinanna í Sportfeng eftir þeim aðstæðum sem gilda og sérstaklega er vert að nefna að niðurstöður og árangur móta kemur ekki fram á stöðulistum og staðfestist því ekki fyrr en skýrsla móts hefur verið kláruð og henni skilað inn.

Tekið skal fram að sérstakt Íslandsmót í Gæðingalist verður haldið hjá Hestamannafélaginu Spretti í Kópavogi 2.-4. maí nk og ekki eru sérstök lágmörk í þeirri grein.

Lágmörk á Íslandsmót 2025 eru hér:

https://www.lhhestar.is/is/keppni/islandsmot/lagmork

Verdi verður með ferðir á HM

Thu, 20 Mar 2025 15:35:00 GMT

VERDI verður með ferðir á HM

Eins og flestir vita þá er Heimsmeistaramótið er í byrjun ágúst næstkomandi. Eins og allir þeir sem á Heimsmeistaramót hafa einhvern tíma komið vita, þá er HM einn al glæsilegasti viðburður á erlendri grundu þar sem Ísland er í forgrunni.

Við hvetjum alla þá sem hafa hug á að fara til Sviss að skoða ferðapakka Verdi en þau bjóða upp á bæði lengir og styttir ferðir á mótið.

Mótið er haldið í þorpinu Birmenstorf í nágrenni bæjarins Baden, stærsta bæjar Aargau héraðsins. Þar hefur verið unnið hörðum höndum að undirbúningi. Fulltrúar Verdi og LH fóru í stutta kynningarferð á mótsstað um miðjan mars og kom þá bersýnilega í ljós hversu mikinn mentað er verið að setja í að gera þetta mót sem best úr garði. Dagskráin er tilbúin í en nánari tímasetningar eru væntanlegar innan tíðar, þó var því hvíslað að okkur að búið væri að munstra hljómsveitina Stuðlabandið til að halda uppi stuðinu Laugardagskvöldið 9.ágúst.

Á heimasíðu Verdi má finna allar nánari upplýsingar: HM íslenska hestsins 2025 | VERDI ferðaskrifstofa

Svo er hægt að sjá ýmsar upplýsingar um mótið, myndir og svo framvegis á facebook síðunni : https://www.facebook.com/profile.php?id=61568443196789

VERDI verður með ferðir á HM

Thu, 20 Mar 2025 15:35:00 GMT

Við hvetjum alla þá sem hafa hug á að fara til Sviss að skoða ferðapakka Verdi en þau bjóða upp á bæði lengir og styttir ferðir á mótið.

Á heimasíðu Verdi má finna allar nánari upplýsingar: HM íslenska hestsins 2025 | VERDI ferðaskrifstofa

Svo er hægt að sjá ýmsar upplýsingar um mótið, myndir og svo framvegis á facebook síðunni : https://www.facebook.com/profile.php?id=61568443196789

Íþróttadómaranefnd FEIF býður til fundar

Wed, 19 Mar 2025 15:27:45 GMT

Íþróttadómaranefnd FEIF mun halda rafrænan fund um þær breytingar sem hafa orðið á regluverkinu er varða íþróttakeppni fyrir árið 2025. Fundurinn fer fram á ZOOM þann 2. apríl og hefst hann klukkan 20:00 (CET).

Fundurinn er ætlaður dómurum, knöpum sem og öllum öðrum áhugasömum.

Frekari upplýsingar má finna hér: https://www.feif.org/2025/03/12/learn-about-changes-to-feif-sport-rr-and-guidelines-2025-join-our-upcoming-webinar/

Knapafundur ársins í beinni á Eiðfaxa

Thu, 13 Mar 2025 14:37:54 GMT

Keppnisknapar, mótshaldarar, dómarar og aðrir sem að mótahaldinu í hestamennskunni koma eru boðnir velkomnir á knapafund ársins á vegum Landssambands hestamannafélaga sem fram fer næstkomandi mánudag.

Athugið að sú breyting hefur átt sér stað að fundurinn mun fara fram í beini útsendingu á vefsíðu Eiðfaxa – www.eidfaxi.is og hefst hann kl 19:00.

Farið verður yfir reglur mótahaldsins sem gilda árið 2025, breytingar sem hafa átt sér stað og ýmislegt annað gagnlegt tengt mótahaldinu. Þeir sem vilja koma spurningum á framfæri eru vinsamlegast beðnir um að senda þær á hinrik@lhhestar.is fyrir kl 12:00 mánudaginn 17. mars.

Knapafundur ársins

Thu, 13 Mar 2025 11:44:08 GMT

Knapafundur ársins verður í beinni!

Knapafundur ársins verður í beinni á vefsíðu Eiðfaxa

Áskell Heiðar ráðinn framkvæmdastjóri Landsmóts hestamanna á Hólum 2026

Thu, 13 Mar 2025 09:40:58 GMT

Stjórn Landsmóts hestamanna, sem fram fer að Hólum í Hjaltadal í 5.-12. júlí 2026, hefur ráðið Áskel Heiðar Ásgeirsson framkvæmdastjóra mótsins.

Þetta verður þriðja Landsmótið sem Áskell Heiðar stýrir, en hann var einnig framkvæmdastjóri Landsmóts á Hólum 2016 og í Reykjavík 2018.

Áskell Heiðar er menntaður landfræðingur frá Háskóla Íslands, með diplómu í opinberri stjórnsýslu frá HÍ og MA gráðu í ferðamálafræði og viðburðastjórnun frá Háskólanum á Hólum og Leeds Beckett University. Auk áðurnefndra Landsmóta hefur hann skipulagt fjölda viðburða hérlendis á undanförnum árum eins og tónlistarhátíðina Bræðsluna sem mun fagna tuttugu ára afmæli í sumar. Áskell Heiðar er lektor við Ferðamáladeild Háskólans á Hólum þar sem hann kennir viðburðastjórnun. Hann mun halda því áfram samhliða skipulagningu Landsmóts.

Löng hefð er fyrir glæsilegum landsmótum hestamanna í Skagafirði. Á Hólum var byggð upp glæsileg aðstaða fyrir landsmótið 2016 á athafnasvæði Háskólans á Hólum þar sem veitt er fagmenntun á sviði reiðmennsku, reiðkennslu, tamninga, og hestahalds, auk þess sem þarf fara fram rannsóknir á íslenska hestinum.

Mótið mun verða fyrsta landsmótið sem hestamannafélagið Skagfirðingur heldur alfarið, en með góðum stuðningi frá Skagafirði, Háskólanum á Hólum og íslenska ríkinu.

Skagfirðingur hefur stofnað sérstakt félag sem mun annast rekstur mótsins og þá hefur verið skipuð sérstök framkvæmdanefnd LM26 sem hittist í fyrsta skiptið á Hólum í dag. Í henni sitja; Elvar Einarsson, formaður, Stefanía Inga Sigurðardóttir, gjaldkeri, Bjarni Jónasson, Hallgrímur Ingi Jónsson og Arna Björg Bjarnadóttir frá hestamannafélaginu Skagfirðingi, Hjörtur Bergstað frá Landsambandi hestamanna og Sigfús Ingi Sigfússon og Hjörvar Halldórsson frá sveitarfélaginu Skagafirði.

Búist er við miklum fjölda gesta á landsmótið sem fram fer í júlí 2026. Undirbúningur er þegar hafinn og Elvar Einarsson formaður hestamannafélagsins Skagfirðings segist viss um að mótið verði lyftistöng fyrir hestamennsku á landinu. Áskell Heiðar segir framkvæmdanefndina búa að því að mikil þekking varðandi hestamannamót sé til í Skagafirði og nágrannabyggðum, ekki síst eftir síðasta landsmót á Hólum 2016. Þá hafi verið byggð upp glæsileg aðstaða sem muni nýtast aftur, en auðvitað þurfi að gera einhverjar lagfæringar á bæði völlum og annarri aðstöðu. „Landsmót er mjög skemmtilegt samvinnuverkefni þar sem mjög margir leggja hönd á plóg og það verður mitt stærsta verkefni á næstu mánuðum að virkja þennan mannauð og tryggja það að mótið verði vel heppnaður viðburður þar sem áherslan verður auðvitað á frábæra hesta, en einnig á að fólk hittist og eigi saman góðar stundir“ segir Áskell Heiðar.

Dalastígur

Wed, 12 Mar 2025 14:04:05 GMT

Ný stikuð leið frá Dalakofa í Landmannahelli.

Leiðn liggur víða um viðkvæmt land og hagar þannig að þar er ill mögulegt að komast um á vélknúnum ökutækjum. Því var farin sú leið að nýta hesta til að bera stikurnar , en þær voru fengnar frá Skógarafurðum ehf.

Hestarnir Blesi frá Hagavík 26vetra og Piltur frá Lágafelli 16 vetra fengu sáu um burðinn að mestu.

Myndirnar tala sínu máli.

Fundur með hestamannafélögum á Norður -og Austurlandi

Mon, 10 Mar 2025 11:12:00 GMT

Laugardaginn 22. febrúar fóru fulltrúar úr stjórn LH ásamt formanni norður á Akureyri þar sem góður fundur var haldinn með stjórnaraðilum hestamannafélaga á svæðinu; Skagfirðing, Neista, Létti, Funa, Hring og Freyfaxa. Farið var yfir ýmis mál sem efst eru á baugi hjá LH, samskipti LH við félögin, Landsmót á Hólum, Stefnumótun LH og helstu mál hjá hestamannafélögunum. Skipst var á skoðunum og mikið rætt um landsliðsmál, æskulýðsmál, keppnismál og hvernig við viljum þróast í framtíðinni.

Eftir fund var horft á fyrsta mót í nýrri deild, Áhugamannadeild Norðurlands en deildin er samstarfsverkefni hestamannafélaga á Norður -og Austurlandi þar sem tólf lið eruð skráð til leiks. Það er gaman að sjá áhugann og samstarfið á milli hestamannafélaga á svæðinu og áhugann hjá hestamönnum.

Þá fengu fundagestir að sjá myndir skilti sem Léttir hefur látið framleiða til uppsetningar við reiðgötur.

Stjórn mun halda fundarferðum sínum áfram og mun næsti fundur fara fram á Suðurlandi.

Nýir leiðarar fyrir dómara í gæðingalist

Fri, 28 Feb 2025 14:25:00 GMT

Á ársþingi LH síðastliðið haust urðu breytingar á reglum um gæðingalist þar sem einkunn fyrir fegurð í reið færðist yfir á flæði og reiðmennsku og þar með varð vægi gangtegunda í greininni hærra en áður.

Þar að auki var vægi æfinga uppfært og birt í janúar.

Til samræmis við þessar breytingar hefur nýr leiðari fyrir dómara fyrir Flæði, reiðmennsku og fegurð í reið verið birtur í uppfærðu skjali um Reglur um Gæðingalist á heimasíðu LH ásamt uppfærðum viðauka með skilgreiningum á æfingum.

Með þessari uppfærslu hafa ekki orðið neinar efnisbreytingar á greininni, en nýr leiðari kominn inn til glöggvunar fyrir áhugasama.

Þess má geta að enska útgáfan af reglum um Gæðingalist hefur einnig verið uppfærð en talsvert er haldið af mótum í Gæðingalist erlendis.

Hvetjum við alla knapa og aðra áhugasama til þess að skoða og kynna sér reglur greinarinnar nú þegar mótin eru að fara af stað.

Gleðilegt gæðingalistarár!

Knapafundur ársins

Thu, 20 Feb 2025 12:00:30 GMT

Knapafundur ársins fer fram 17. mars

Keppnisknapar, mótshaldarar, dómarar og aðrir sem að mótahaldinu í hestamennskunni koma eru boðnir velkomnir á knapafund ársins á vegum Landssambands hestamannafélaga.

Fundurinn verður haldinn í Íþróttamiðstöðinni í Laugardal, Engjavegi 6, 3. hæð, mánudaginn 17. mars klukkan 19:00. Fundurinn verður bæði á staðnum og í streymi.

Farið verður yfir reglur mótahaldsins sem gilda árið 2025, breytingar sem hafa átt sér stað og ýmislegt gagnlegt tengt mótahaldinu.

Nánari dagskrá kemur síðar, en takið endilega kvöldið frá.

Skráning

Fundurinn verður í streymi og á staðnum

Knapafundur ársins 17. mars

Thu, 20 Feb 2025 11:13:00 GMT

Keppnisknapar, mótshaldarar, dómarar og aðrir sem að mótahaldinu í hestamennskunni koma eru boðnir velkomnir á knapafund ársins á vegum Landssambands hestamannafélaga.

Fundurinn verður haldinn í Íþróttamiðstöðinni í Laugardal, Engjavegi 6, 3. hæð, mánudaginn 17. mars klukkan 19:00. Fundurinn verður bæði á staðnum og í streymi.

Farið verður yfir reglur mótahaldsins sem gilda árið 2025, breytingar sem hafa átt sér stað og ýmislegt gagnlegt tengt mótahaldinu.

Nánari dagskrá kemur síðar, en takið endilega kvöldið frá.

Skráning á knapafund

Einungis konur í stjórn Ljúfs

Mon, 17 Feb 2025 09:31:26 GMT

Fimmtudaginn 13. febrúar síðastliðinn fór fram aðalfundur hestamannafélagsins Ljúfs í Hveragerði. Á dagskrá fundarins voru hefðbundin aðalfundarstörf og var hann vel sóttur. Á fundinum var venju samkvæmt kosið í nýja stjórn, og fóru leikar svo að nú sitja einungis konur í aðal og varastjórn félagsins og er það í fyrsta sinn sem svo fer eftir okkar bestu vitund.

Í stjórn eru Ragnhildur Gísladóttir formaður endurkjörin. Auk hennar fengu kosningu í aðalstjórn Linda Sif Brynjarsdóttir sem var áður í varastjórn og Aníta Margrét Aradóttir. Fyrir sitja í stjórn Erla Björk Tryggvadóttir varaformaður og Cora Jovanna Claas gjaldkeri. Í varastjórn eru Yvonne Tix og Violetta Mogwitz og eru þær nýjar í stjórn Ljúfs.

Við óskum þessum öflugu konum til hamingju með kosninguna og góðs gengis í stöfum sínum fyrir félagið.

Landssamband hestamannafélaga fordæmir illa meðferð á dýrum

Fri, 14 Feb 2025 16:25:00 GMT

Landssamband Hestamannafélaga fordæmir illa meðferð á hrossum og dýraníð af öllu tagi.

Slæm meðferð við meðhöndlun hrossa er með öllu ólíðandi og ber að taka föstum tökum.

Það er hagsmunamál allra hestamanna að velferð hestsins sé ávallt höfð í forgrunni við alla meðhöndlun og við ástundun hestamennsku.

Sigurvilji komin í bíó um land allt

Fri, 14 Feb 2025 12:22:33 GMT

Sigurvilji, heimildamynd um Sigurbjörn Bárðarson tamningameistara og landsliðsþjálfara, er komin í kvikmyndahús um nær allt land. Sigurvilji var frumsýnd í Laugarásbíói sl laugardag fyrir fullum sal. Mikil stemning var meðal frumsýningargesta og eftirvæntingin mikil að sögn forsvarsmanna myndarinnar. Halla Tómasdóttir forseti og Björn Skúlason eiginmaður forseta voru meðal frumsýningargesta.

Sýningar eru hafnar í Laugarásbíói og Bíóhúsinu á Selfossi. Einnig er myndin væntanleg í Sambíóin Akureyri og Króksbíó Sauðárkróki. Takmarkaðar sýningar í boði.

Sigurvilji varpar ljósi á mikinn sigurvegara, dýravin og baráttumann sem hefur áratugum saman verið í fremstu röð af eigin verðleikum. Sigurbjörn er einn verðlaunaðasti íþróttamaður Íslandssögunnar. Hann hóf ferilinn ungur með tvær hendur tómar en var fljótur að læra af hestamönnum og bílabröskurum hvernig hann ætti að ná árangri og komast á toppinn.

Skóla- og æskulýðsfélög geta haft samband, vegna hópferða, með því að senda póst á heklafilms@heklafilms.is

Nánari upplýsingar á síðu Hekla Films:

https://www.facebook.com/profile.php?id=61571334835036

Upptaka af Sportfengsnámskeiðinu

Thu, 13 Feb 2025 13:46:31 GMT

Sportfengsnámskeið fyrir mótshaldara var haldið í ársbyrjun. Upptaka af námskeiðinu er nú aðgengileg hér á síðunni.

Farið var yfir kerfið frá því hvernig kerfið virkar almennt (aðgangur er stofnaður, finna mót, skráning keppenda osfrv) og hvernig það virkar í allri framkvæmd fyrir, á meðan og eftir mót.

Til dæmis var farið ítarlega í stofnum móta og hvernig mótshaldarar tryggja að þau séu rétt skráð s.s. lögleg eða ólögleg. Þá var farið yfir atriði eins og skráningarfrest, setja inn greinar og úrslit. Skráning starfsmanna, dómara, þula og fótaskoðun. Einnig var farið yfir greiðslumöguleika, setja inn verð, búa til dagskrá og setja inn auglýsingar.

Einnig var farið yfir það sem þarf að hafa í huga eftir að skráningarfresti lýkur eins og t.d. að raða í holl, taka út greinar og afskrá keppendur. Sem og það sem þarf að gera á meðan á móti stendur eins og logga inn dómara, leiðrétta rangt innslegnar einkunnir, úrskrá keppendur, skrá spjöld og atvik. En einnig það sem þarf að gera eftir að móti lýkur eins og skrif mótaskýrslu og að loka móti.

Þessi listi er ekki tæmandi og hvetjum við alla sem koma að mótahaldinu til að horfa á námskeiðið hér að neðan.

Íþróttastyrkur til félaga sem sinna grasrótarstarfi

Mon, 10 Feb 2025 13:21:08 GMT

Við minnum á að umsóknarfrestur fyrir íþróttastyk Erasmus+ rennur út á miðvikudaginn, 12. feb. Styrkurinn er ætlaður félögum sem sinna grasrótarstarfi innan íþróttanna og þjálfun fólks á aldrinum 13-30 ára.

Verkefni í þessum hluta áætlunarinnar er ætlað að styðja við uppbyggingu íþróttafélaga í starfi með ungu fólki. Það er hægt að sækja um tvenns konar verkefni:

Styrkurinn er annars vegar ákveðinn ferðakostnaður, miðað við fjarlægð lands í loftlínu og hins vegar einstaklingsstyrkur sem er einingaupphæð ætluð í gistingu og uppihald á meðan verkefninu stendur.

Það þarf ekki að vera búinn að finna samstarfsaðila áður en umsókninni er skilað inn en það hjálpar að vera með hugmynd hvaða land ykkur langar að heimsækja þar sem t.d. ferðakostnaðurinn er byggður á fjarlægð á milli Íslands og þess lands sem á að heimsækja.

Nánari upplýsingar er að finna hér: https://www.erasmusplus.is/taekifaeri/ithrottir/

Menntaráðstefna fyrir dómara og þjálfara

Mon, 10 Feb 2025 10:46:00 GMT

Dagana 7.-9. mars mun fara fram áhugaverð ráðstefna í Danmörku þar sem fjallað verður um hvernig megi efla hestaíþróttir með rannsóknum og fræðslu.

Aðalfyrirlesarar eru:

Russell MacKechnie-Guire , PhD, BSc (Hons), BHSI, FHEA, dósent í lífeðlisfræði, HE Equine, Hartpury háskóla.
Russell leiðir okkur með fyrirlestrum og hagnýtum greiningum í gegnum mikilvægi réttrar staðsetningar á hnakk, beisli og sæti knapans, fyrir hreyfingu hestsins og velferð hans.

Mette Uldahl , dýralæknir með sérfræðingur í hestasjúkdómum.
Metta mun fjalla um siðferði í tengslum við velferð hesta og hestaíþróttir. Hún er ráðgjafi um velferð hesta og dýra hjá dýravelferðarambandi Danmerkur og fyrrverandi dýralæknir FEI fyrir Danmörku. Mette mun, í framhaldi af umræðunni um félagslegt leyfi til ástundunar (social license to operate), miðla innsýn sinni um velferð hesta í íþróttum og þjálfun, byggða á hugmyndinni um jákvætt samþykkti til útreiða.

Janne Winther Christensen , dósent við dýra- og dýralæknavísindadeild Aarhus háskóla og varaformaður Alþjóðasamtaka um hestaíþróttavísindi (ISES).
Janne mun fjalla um nýjustu gögn úr rannsókn um tengsl á milli hegðunar hesta, munnsára, beisla- og taumgerða og keppniseinkunna.

Fyrirlesararnir munu kynna nýjustu þekkingu á sviði velferðar hesta, sem verður undirstaða spennandi umræðna. Þátttakendur munu fá innsýn í nýjustu rannsóknir og taka þátt í pallborðsumræðum vísindamanna, íþróttadómara og þjálfara.

Frekari upplýsingar og skráning

FEIF-ráðstefnan 2025

Fri, 07 Feb 2025 13:48:00 GMT

FEIF-ráðstefnan fór fram í Vín í Austurríki um liðna helgi, með fulltrúum frá 18 aðildarlöndum. Fyrir Íslands hönd sóttu þingið FEIF-nefndafólkið okkar þau Hulda Gústafsdóttir, Sigurbjörn Bárðarson, Herdís Reynisdóttir, Dagbjört Hulda Guðbjörnsdóttir og Friðrik Már Sigurðsson og Þorvaldur Kristjánsson f.h. Búnaðarsambands Íslands. Að auki fóru á vegum LH þau Linda Björk Gunnlaugsdóttir, Unnur Rún Sigurpálsdóttir, Ólafur Þórisson, Hinrik Þór Sigurðsson og Berglind Karlsdóttir og fóru þau með atkvæði Íslands á nefndafundum.

Aðalfyrirlesari ráðstefnunnar Mike Weishaupt fjallaði um rannsóknir er varða hestavelferð, m.a. um rannsókn sem gerð var sl. sumar um endurheimt skeiðkappreiðahesta og æskilegan hvíldartíma á milli spretta.

Veitt voru hinar ýmsu viðurkenningar eins og vaninn er. Þýskaland hlaut æskulýðsverðlaun ársins en þar var yngri kynslóðinni m.a. boðið upp á fjarkennslu í formi rafrænna fyrirlestra, en það auðveldar aðgengi barna og unglinga að fræðslu, Bretland hlaut „Leisure riding“ verðlaun ársins, reiðkennari ársins er valinn í netkosningu og í þetta sinn hlaut Norðmaðurinn Erik Andersen titilinn. Erik er mikilsvirtur reiðkennari í Noregi en einnig reyndur keppandi og dómari.

Ráðstefnunni er svo skipt upp í nefndir þar sem fara fram umræður um þær breytingartillögur sem lagðar eru fram og taka eiga gildi 2026.

Á formannafundi voru fjörlegar umræður um hin ýmsu mál. M.a. var rætt um að taka upp eins konar vinalandakerfi, til að efla tengsl milli landa og til að auðvelda minni löndum aðgengi að FEIF-samfélaginu. Rætt var um leiðir til að auka gagnsæi í stjórnkerfi FEIF og skilning á ólíkum aðildarlöndum. Einnig var rætt um leiðir til að auka tekjuöflun FEIF og um hlutverk og kosningu varaforseta FEIF.

Á sportnefndarfundi voru rædd drög að nýju spjaldakerfi og agaviðurlögum í regluverki FEIF. Markmið þessa nýja kerfis er að einfalda spjaldanotkun, skýra betur merkingu þeirra og koma á einn stað í regluverkinu ákvæðum um viðurlög við brotum á keppnisreglum. Vonir standa til að nýjar spjaldareglur muni auðvelda dómurum og keppendum skilning á agareglum, spjaldanotkun og viðurlögum við brotum. Tillagan verður rædd og útfærð frekar á fundum Sportnefndar FEIF og stefnt er á að leggja hana fram til samþykktar á aðalfundi FEIF 2026. Önnur mál sem rædd voru í Sportnefndinni var m.a. leyfileg þyngd hófhlífa í íþróttakeppni, stytting tíma til að koma hesti inn í rásbása í kappreiðum og úthlutun dómara frá sérsamböndum líkt og gert er á Íslandi, í stað þess að mótshaldarar velji dómara til dómstarfa eins og tíðkast víða. Hulda Gústafsdóttir hlaut endurkjör í nefndina til næstu tveggja ára.

Á æskulýðsnefndarfundi fór fram kynning á þeim æskulýðsnefndarviðburðum sem fram undan eru; „Youth Camp“ á Íslandi í júlí, „Young leaders seminar“ í Danmörku í haust og „Youth Cup“ í Þýskalandi sumarið 2026. Löndin skiptust á hugmyndum um viðburði og starfsemi á vegum æskulýðsnefnda og fóru allir heim með nýjar hugmyndir. Fundurinn var sammála um að fræðsla og menntun er öflugasta tækið til að mæta þeim áskorunum sem fram undan eru í hestaheiminum.

Samningur LH og FEIF um „FEIF Youth Camp 2025" var undirritaður af forseta FEIF Gundulu Sharman og formanni LH Lindu Björk Gunnlaugsdóttur.

Á „Leisure Riding“ fundi var rætt um viðburði fyrir hinn almenna hestamann. Rætt var um viðburði fyrir alþjóðlegan dag íslenska hestsins, sem er 1. maí ár hvert. Mikil umræða var um velferðarmál í tengslum við almenna reiðmennsku og hestahald og hvernig hægt er að ná til breiðari hóps félagsmanna. Þórhildur Katrín Stefánsdóttir var kjörin ný í nefndina.

Á menntanefndarfundi var til umræðu endurskoðun á Mennta-Matrixu FEIF sem nefndin hefur hafið vinnu við og óskar nú eftir tillögum og athugasemdum frá menntanefndum annarra landa. Rætt var um hvernig menntakerfið hefur þróast í mismunandi löndum, sérstaklega með velferðarmál að leiðarljósi. Einnig var fjallað um komandi sameiginlega ráðstefnu sport- og menntanefndar í Danmörku nú í mars, þar sem verður afar áhugaverð dagskrá, bæði verkleg og bókleg. Enn eru nokkur laus sæti og fyrir áhugasama má nálgst frekari upplýsingar á vefsíðu FEIF .

Austurríska Íslandshestasambandið (Österreichischer Islandpferde Verband, ÖIV) tók höfðinglega á móti ráðstefnugestum og stóð m.a. fyrir afar áhugaverðri heimsókn í Spænska reiðskólann í Vín þar sem fylgst var með þjálfunarstund á Lipizzaner-stóðhestum skólans.

Heilt yfir voru umræður góðar og uppbyggilegar og margar góðar hugmyndir ræddar á fundunum. Ísland á öfluga fulltrúa í öllum fastanefndum FEIF enda er afar mikilvægt að við látum okkur alþjóðasamstarf varða og séum leiðandi í allri umræðu á alþjóðavísu. Næsta FEIF-ráðstefna verður haldin í Ungverjalandi 2026.

Linda og Gundula undirrita samning um Youth Camp 2025.

Hluti íslenska hópsins fyrir utan Spænska reiðskólann í Vín.

FEIF Youth Camp mun fara fram á Íslandi í sumar

Wed, 05 Feb 2025 15:21:00 GMT

FEIF Youth Camp sumarbúðirnar verða haldnar dagana 9.-14. júlí 2025 á Hvanneyri.

Dagskráin verður ákaflega spennandi en meðal annars verður boðið uppá:

Athugið að sumarbúðirnar eru alþjóðlegar og þar verður öll dagskrá á ensku, þetta er því frábært tækifæri til að efla enskuna, læra meira um hesta, kynnast nýjum krökkum og eignast nýja vini.

Umsóknarfrestur til þátttöku fyrir Íslands hönd er til 20. mars 2025 og hægt er að nálgast umsóknina með því að smella hér.

Kostnaður við búðirnar er 660 evrur en inní því er fæði, allar ferðir og afþreying. Þátttakendur þurfa að koma sér í Borgarnes á eigin kostnað.

Skrifstofa LH veitir allar nánari upplýsingar í síma 514 4030 eða í gegnum netfangið joninasif@lhhestar.is.

Sigurvilji frumsýnd 8. febrúar

Wed, 05 Feb 2025 11:06:29 GMT

Laugardaginn 8. febrúar verður heimilidarmyndin Sigurvilji frumsýnd. Myndin fjallar um Sigurbjörn Bárðarson tamningameistara og landsliðsþjálfara. Sigurbjörn er þjóðsagnapersóna í lifanda lífi og einn verðlaunaðasti íþróttamaður íslenskrar íþróttasögu. Hann hóf ferilinn ungur með tvær hendur tómar en var fljótur að læra af hestamönnum og bílabröskurum hvernig hann ætti að ná árangri og komast á toppinn. Sigurvilji varpar ljósi á mikinn sigurvegara, dýravin og baráttumann sem hefur áratugum saman verið í fremstu röð af eigin verðleikum.

Gundula Sharman nýr forseti FEIF

Thu, 30 Jan 2025 16:59:00 GMT

Gundula nýr formaður FEIF

Aðalfundur FEIF fór fram þann 28. janúar. Fyrir fundinum lágu hefðbundin aðalfundarstörf auk kosninga til stjórnar FEIF. Fulltrúar Íslands á fundinum voru þau Linda Björk Gunnlaugsdóttir formaður LH og Friðrik Már Sigurðsson fyrir hönd BÍ.

Fráfarandi forseti FEIF var Jean-Paul Blaz gaf ekki kost á sér áfram en hann hefur setið sem forseti síðastliðin tvö ár. Í hans stað var kosin Gundula Sharman, hún var tilnefnd af stjórn FEIF og hlaut auk þess stuðning frá Danmörku, Finnlandi, Noregi og Svíþjóð. Hún segir meðal annars að grunngildin í starfi sínu innan FEIF hafi annars vegar snúið að því að skapa gott samfélag og efla velferð, bæði fyrir hesta og fólk. Gundula hefur formaður æskulýðsnefndar FEIF í mörg ár.

Framtíðarsýn hennar er að halda áfram að því að byggja upp sameinað alþjóðlegt kerfi í ræktun, íþróttum og menntun og efla tengsl þvert á landamæri með því að styðja yngri og minni samtök og endurvekja „brautryðjandaandann“ sem einkennist af hugsjónum og ferskleika. Þá telur hún að það sé kominn tími til að gera FEIF sýnilegra á alþjóðavettvangi.

Formaður frístundanefndar var kosinn Johan Andersson, tilnefndur af SIF. Hann hefur síðan 2022 verið formaður sænsku frístundanefndarinnar og setið í stjórn SIF.

Formaður sportnefndar, Will Covert gaf kost á sér til endurkjörs. Hann býr í Kaliforníu og hefur verið í sportnefnd FEIF síðan 2020.

Formaður æskulýðsnefndar var kosin Catherine Mynn en hún var tilnefnd af stjórn FEIF. Catherine býr í Sviss, hún sat í æskulýðsnefnd 2008-2016 og hefur tekið þátt í flestum æskulýðsviðburðum á vegum FEIF frá árinu 2004.

Formaður laganefndar Jens Iversen gaf kost á sér til endurkjörs. Hann er lögfræðingur og starfar sem slíkur í Danmörku. Hann var jafnframt forseti FEIF frá 2006 til 2014, var meðlimur í sportnefnd frá 1999 til 2007 og sinnti hlutverki gjaldkera FEIF árið 2003.

Formaður Aganefndar Caroline van de Bunt gaf einnig kost á sér til endurkjörs hún er starfandi dýralæknir frá Hollandi og hefur tvívegis verið yfirdýralæknir á HM árin 2017 og 2019.

Ísland á nokkra fulltrúa í nefndum FEIF þeir eru Friðrik Már Sigurðsson og Olil Amble í kynbótanefnd. Sigurbjörn Bárðarson og Hulda Gústavsdóttir í Sportnefnd. Dagbjört Hulda Guðbjörnsdóttir í æskulýðsnefnd, Herdís Reynisdóttir í menntanefnd, Elisabeth Jansen í íþróttadómaranefnd og Þorvaldur Kristjánsson í kynbótadómaranefnd.

Framundan er svo FEIF ráðstefna fyrstu helgina í febrúar þar sem fleiri fulltrúar Íslands munu koma saman með það að leiðarljósi að styðja við og efla starf FEIF.

Gundula Sharman nýr forseti FEIF

Thu, 30 Jan 2025 16:59:00 GMT

Formaður frístundanefndar var kosinn Johan Andersson, tilnefndur af SIF. Hann hefur síðan 2022 verið formaður sænsku frístundanefndarinnar og setið í stjórn SIF.

Formaður sportnefndar, Will Covert gaf kost á sér til endurkjörs. Hann býr í Kaliforníu og hefur verið í sportnefnd FEIF síðan 2020.

Formaður Aganefndar Caroline van de Bunt gaf einnig kost á sér til endurkjörs hún er starfandi dýralæknir frá Hollandi og hefur tvívegis verið yfirdýralæknir á HM árin 2017 og 2019.

Framundan er svo FEIF ráðstefna fyrstu helgina í febrúar þar sem fleiri fulltrúar Íslands munu koma saman með það að leiðarljósi að styðja við og efla starf FEIF.

Reglur um Gæðingalist uppfærðar

Tue, 28 Jan 2025 14:08:00 GMT

Nú er mótahald í hinum ýmsu deildum víða um land að rjúka af stað og margar þeirra bjóða upp á keppni í Gæðingalist.

Á landsþingi sem haldið var í október síðastliðnum samþykkti þingið nokkrar breytingar í reglugerð um Gæðingalist sem hafa áhrif á framgang keppni í greininni. Uppfærðar reglur um Gæðingalist má finna á heimasíðu LH undir Lög og reglur.

Á landsþingi var til að mynda var samþykkt að sérstakt Íslandsmót í Gæðingalist skuli haldið á vordögum á meðan innanhúsmótatímabilið stendur enn yfir eða fyrir 15. maí og Íslandsmeistarar skulu krýndir á því móti. Hestamannafélagið Sprettur fékk Íslandsmóti í Gæðingalist úthlutað fyrir þetta ár og verður mótið því haldið í Samskipahöllinni.

Einkunn fyrir fegurð í reið hefur verið færð yfir á flæði og munu því flæði, reiðmennska og fegurð í reið gilda 20% af heildareinkunn, en fegurð í reið var áður undir gangtegundaeinkunn. Með þessari breytingu er gangtegundum gert hærra undir höfði og gilda þær 40%, æfingar eftir sem áður 40% og að lokum flæði, reiðmennska og fegurð í reið gilda 20%.

Samþykkt var að vægisstuðlar æfinga, sem hafa vægi hærra en 1,0 fara ekki að hafa áhrif á einkunn fyrr en æfingin nær 5,0 í lágmarkseinkunn og þar að auki verður þak á heildareinkunn æfinga þannig að einkunn fyrir æfingu fer aldrei yfir 10.

Lágmarksvegalengd fetsýningar var stytt í 20m í stað 30m sem áður var.

Til þess að hljóta fullnaðareinkunn fyrir greitt tölt (7,5 eða hærra) þarf að sýna greitt tölt frá miðju skammhliðar til miðju skammhliðar, þannig að sýna þarf greitt tölt í gegnum tvær beygjur hið minnsta.

Faghópur LH um gæðingalist hefur heimild til þess að endurskoða og gera breytingar á vægi einstakra æfinga ár hvert og hefur faghópurinn nú birt breytt vægi æfinga og má það finna í uppfærðum reglum um Gæðingalist. Í stuttu máli má segja að vægi á flestum æfingum hefur verið lækkað, munur á vægi æfinga var minnkaður og bilið á erfiðleikastuðlum þrengt frá því sem áður var og á 1. stigi Gæðingalistar hafa allar æfingar jafnt vægi eða 1,0.

Möguleiki til þess að sækja um frjálsar æfingar er opinn og er þannig að knapi sem óskar að fá frjálsa æfingu metna þarf að skila inn umsókn til LH í gegnum hlekk á síðu sambandsins. Umsóknin þarf samkvæmt reglum um Gæðingalist að innihalda skýra lýsingu á æfingunni, útfærslu hennar og rökum ásamt teikningu af æfingunni. Faghópur fær æfinguna til afgreiðslu frá skrifstofu LH þar sem nafn viðkomandi knapa og upplýsingar um hann eru teknar út og hver umsókn er tekin fyrir með nafnleynd. Tekið skal fram að knapa er óheimilt að hafa samband við Faghóp í tengslum við afgreiðslu umsókna, og allar athugasemdir skulu berast skriflega gegnum skrifstofu LH.

Faghópur um Gæðingalist og stjórn LH óska öllum þátttakendum í greininni góðs keppnisárs og hlakka til að sjá fjölbreyttar, skapandi og fallegar sýningar í greininni.

Frábær helgi hjá U21

Mon, 20 Jan 2025 10:05:00 GMT

Nú um helgina fór fram æfingahelgi U21 landsliðshópsins. Þau áttu saman frábæra helgi þar sem línur voru lagðar fyrir komandi tímabil. Hópurinn naut góðs af því að fá að vera í frábærri aðstöðu Eldhesta í Hveragerði. Hekla Katharína landsliðsþjálfari U21 og Sigurbjörn Bárðarson landsliðsþjálfari A-landsliðsins tóku þau í tvo einkatíma á þeim hestum sem knaparnir stefna með á HM í Sviss og voru þau heilt yfir ánægð með standið á hópnum og reyndu að sjálfsögðu að hvetja þau enn frekar til dáða með góðum punktum og hvatningu.

Úthlutanir Íslandsmóta

Thu, 16 Jan 2025 15:25:00 GMT

Í nóvember var óskað eftir umsóknum um Íslandmót sem er nú úthlutað til þriggja ára, í takt við samþykktir landsþings (á ekki við um Íslandsmót í Gæðingalist). Umsóknir bárust um öll mótin og raðst þau svona:

Íslandsmót fullorðinna og ungmenna

2025 Sleipni hefur þegar verið úthlutað mótinu skv. ákvörðun stjórnar LH þann 2. okt. 2024.

2026 Umsókn barst frá Sörla.
Samþykkt að úthluta Sörla Íslandsmóti fullorðinna og ungmenna 2026

2027 Umsóknir bárust frá Borgfirðingi, Skagfirðingi og Sörla
Samþykkt að úthluta Skagfirðingi Íslandsmóti fullorðinna og ungmenna 2027

Íslandsmót barna og unglinga

2025 Umsókn barst frá Sörla.
Samþykkt að úthluta Sörla Íslandsmóti barna og unglinga 2025

2026 Umsóknir bárust frá Sleipni og Sörla.
Samþykkt að úthluta Sleipni Íslandsmóti barna og unglinga 2026

2027 Umsóknir bárust frá Spretti og Sörla
Samþykkt að úthluta Spretti Íslandsmóti barna og unglinga 2027

Íslandsmót í Gæðingalist

Sprettur sendi inn umsókn um að halda Íslandsmót í Gæðingalist árin 2025, 2026 og 2027. Í samræmi við samþykkt landsþings er aðeins mótið 2025 til úthlutunar nú.
Samþykkt að úthluta Spretti Íslandsmóti í Gæðingalist árið 2025. Lagt er til að mótið verði haldið helgina 25. til 27. apríl.

Stjórn LH þakkar fyrir umsóknirnar og væntir frábærra Íslandsmóta næstu árin.

Samþykktir Landsþings er varða reiðvegamál

Wed, 15 Jan 2025 10:45:26 GMT

Á Landsþingi LH sem fram fór í október síðast liðnum var samþykkt að LH styðji við félögin í landinu þegar ágreiningur verður um nýtingu reiðleiða. Einnig var samþykkt að stjórn leiti álits á lagalegri stöðu reiðleiða annars vegar og þjóðleiða hins vegar ásamt rétti landeigenda til að loka reiðvegum, hvort heldur sem er þjóðleiðum eða almennum reiðvegum sem eru á samþykktu skipulagi. Þá skuli skoða stöðu reiðvega innan þjóðgarða, skóg- og landrækta.

Samþykkt var að senda áskorun til stjórnvalda að framlög til reiðvega verði a.m.k. 300 millj. kr. á ári næstu fimm árin eins og tillögur starfshóps innviðaráðherra um úrbætur í vegamálum segja til um.

Reiðvegakerfið er mikilvægur hluti af menningar arfleið hestamennskunnar og mikilvægt að standa vörð um þessi íþróttamannvirki okkar eins og önnur. Hér er hægt að opna kortasjánna og kynna sér allar þær fjölbreyttu reiðleiðir sem skráðar eru.

Kosning um reiðkennara ársins

Sun, 12 Jan 2025 14:32:00 GMT

Kosning um reiðkennara ársins 2024 fer nú fram á heimasíðu FEIF.

Finnbogi Bjarnason var kosinn reiðkennari ársins á Íslandi og er því okkar fulltrúi í kosningunni. Aðrir tilnefndir eru:

Hægt er að kjósa með því að smella hér, athugið að það þarf að skrá sig inn til þess að hægt sé að kjósa og tekur það aðeins örstutta stund.

Samþykktir Landsþings er varða Landsmót og gæðingakeppni

Mon, 06 Jan 2025 14:34:55 GMT

Á síðastliðnu Landsþingi LH sem fór fram í Borgarnesi helgina 25-26 október var samþykkt að opna sæti á stöðulista í yngri flokkum þannig að öll ónýtt sæti hjá hestamannafélögunum færast yfir á stöðulista. Dæmi: Hestamannafélag sem á rétt á að senda fimm fulltrúa á Landsmót, en sendir einungis þrjá, gefur eftir tvö ónýtt sæti sem fara yfir á stöðulista. Grunnhugmyndin er að yngri flokkar á Landsmótum séu ætíð fullskipaðir.

Þá var samþykkt að heimila keppni í A-flokki ungmenna á Landsmótum sem sýningargrein, en það hefur ekki verið heimilt að bjóða upp á þá keppnisgrein á Landsmóti.

Varðandi Gæðingakeppni almennt var samþykkt var að unglingum og börnum verði heimilt að keppa í A-flokki ungmenna, en hingað til hafa keppendur í unglinga- og barnaflokki þurft að keppa í A-flokki fullorðinna ef þau vilja spreyta sig á keppnisgreininni. Þetta á aðeins við um A-flokk ungmenna en ekki aðrar greinar gæðingakeppni sem eru áfram bundnar við aldursflokkaskiptingu.

Gerð var allsherjarbreyting á uppsetningu reglugerðar um gæðingakeppni og Landsmót til samræmis við almennar reglur um keppni og til að færa greinar á þá staði í regluverkinu sem þær eiga best heima. Verður birt með nýrri uppfærslu regluverksins 1. apríl.

Einnig var samþykkt eins og áður hefur komið fram að keppendur í yngri flokkum keppi fyrir sitt félag í gæðingakeppni óháð félagsaðild hesteiganda. Þetta þýðir að hesteigandinn og knapinn þurfa ekki að vera í sama félagi eins og áður var.

Ýmislegt fleira var var rætt á þinginu og geta áhugasamir nálgast þinggerð Landsþings hér: Þinggerð

Sigurbjörn Bárðarson tekinn inn í Heiðurshöll ÍSÍ

Sat, 04 Jan 2025 20:18:00 GMT

Í kvöld fór fram hátíðin íþróttamaður ársins og var við það tilefni tilkynnt að Sigurbjörn Bárðarson hefur verið tekinn inn í Heiðurshöll ÍSÍ. Hann er fyrsti hestamaðurinn sem hlýtur þessa miklu viðurkenningu.

Sigurbjörn þarf vart að kynna fyrir nokkrum hestamanni en keppnisferill hans er einstakur og er auðvelt að fullyrða að enginn íþróttamaður á Íslandi standist honum samanburð í þeim efnum. Sigurbjörn hlaut titilinn íþróttamaður ársins árið 1993 og hefur fimm sinnum verið tilnefndur í hóp 10 efstu í kjöri Samtaka íþróttafréttamanna, er það einn mesti heiður sem íslenskum hestaíþróttamanni hefur hlotnast. Hann var sæmdur heiðursverðlaunum LH 2022.

Keppnisferillinn spannar hátt í 60 ár þar sem Sigurbjörn hefur unnið til 13 heimsmeistaratitla, sett fjölmörg heimsmet, ótal Íslandsmet, unnið yfir 120 Íslandsmeistaratitla og sigrað flestar greinar Landsmóta, nú síðast árið 2022 þá 70 ára gamall.

Sigurbjörn hefur í gegnum tíðina einnig gengt stóru hlutverki í menntamálum hestamanna á Íslandi, gefið út kennslubók, kennsluefni og myndbönd, setið í fræðslu- og menntanefndum FT og GDLH og háskólaráði Háskólans á Hólum, ásamt því að hafa virka aðkomu að framkvæmd og dæmingu prófa á Háskólanum á Hólum. Þar að auki skipta nemendur hans í reiðkennslu þúsundum um heim allan gegnum tíðina.

Sigurbjörn hefur unnið ötullega að félagsstörfum alla tíð og var til að mynda formaður Félags tamningamanna um árabil, varaformaður Hestamannafélagsins Fáks, sat í stjórn og byggingarnefnd fyrstu alvöru reiðhallarinnar á Íslandi, auk þess að sitja í nefndum FEIF og fleiri samtaka.

Þegar kemur að kynningarmálum hefur Sigurbjörn ekki látið sitt eftir liggja og sem dæmi má nefna aðkomu að stórsýningum um heim allan, eins og í Madison Square Garden, Equitana og fleiri stórviðburðum auk þess að setja á fót ýmsar sýningar hér á landi, sumar ansi frumlegar og sérstakar eins og Hestagaldur í Skautahöllinni í Laugardal, sýning í Ásbyrgi, riðið niður Almannagjá, Miðbæjarreið og margt fleira. Þegar kemur að því að kynna íslenska hestinn er Sigurbjörn sannarlega ötull sendiherra.

Þáttur Sigurbjörns í ímyndarvinnu hestamennskunnar verður seint að fullu metinn. Sigurbjörn hefur verið í fararbroddi þegar kemur að ímynd sinnar íþróttagreinar, þróun reiðmennsku og kynningarstarfs Íslandshestamennskunnar um allan heim. Hann hefur lyft íþróttinni upp á annað plan hvað varðar ásýnd og fagmennsku. Vandvirkni hans og virðing fyrir viðfangsefninu hefur smitast til allra sem að hestamennsku koma enda hefur hann verið fyrirmynd nýrra kynslóða í áratugi.

Sigurbjörn hefur frá upphafi ferils sýns verið fyrirmynd annars hestafólks þegar kemur að reglusemi, ástundun, elju og snyrtimennsku og átt þannig stóran þátt í bættri ásýnd og fagmennsku innan íþróttarinnar.

Inntaka Sigurbjörns í Heiðurshöll ÍSÍ bætist nú við ótrúlegt safn verðlauna og viðurkenninga sem honum hefur hlotnast í gegnum tíðina en auk þess að eiga langstærsta verðlaunasafn landsins þá hefur hann eins og áður segir hlotið fjölda annarra viðurkenninga en þar má til dæmis nefna Riddarakross hinnar íslensku Fálkaorðu, Heiðursverðlaun LH, Gullmerki LH, Gullmerki og Heiðursmerki Félags tamningamanna, Gullmerki og Heiðursverðlaun Fáks, auk titilsins íþróttamaður ársins.

Við óskum Sigurbirni Bárðarsyni innilega til hamingju!

Nánar má lesa um Heiðurshöll ÍSÍ hér: Reglugerð um Heiðurshöll ÍSÍ 10102024.pdf og yfirlit yfir aðra íþróttamenn sem einnig hafa hlotið þessa viðurkenningu má finna hér: Heiðurshöll ÍSÍ

Jólakveðja

Mon, 23 Dec 2024 08:00:00 GMT

Landssamband hestamannafélaga óskar öllum hestamönnum nær og fjær gleðilegra jóla og farsældar á nýju ári, með kærri þökk fyrir samstarfið á árinu.

Starfsfólk og stjórn LH

Landsþing samþykkti viðbragðsáætlun fyrir mótahald

Fri, 20 Dec 2024 09:06:00 GMT

Á landsþingi sem haldið var í október síðastliðnum var samþykkt viðbragðsáætlun fyrir mótahald Landssambands hestamannafélaga. Viðbragðsáætlunin tekur til hverskyns slysa eða óhappa sem gerast á meðan á móti stendur. Skipa þarf Öryggisfulltrúa á öllum mótum sem hefur yfirumsjón með atvikum sem upp kunna að koma og leiðbeinir um frekara viðbragð eftir alvarleika atviks.

Viðbragðsáætlunin kemur upp úr vinnu Öryggisnefndar.

Áhugaverð tölfræði um félagsaðild afreksknapa

Thu, 19 Dec 2024 08:59:00 GMT

Til gamans og glöggvunar höfum við tekið saman örlitla tölfræði um afreksstarfið með tilliti til félagsaðildar. Það er áhugavert að rýna í þessar tölur.

Eins og sjá má á meðfylgjandi mynd eru flestir þátttakendur í afreksstarfinu þetta árið í Geysi eða 21 knapar og tveir þjálfarar, en 12 af þessum knöpum, ásamt þjálfara, eru í hæfileikamótun, sex í A landsliðinu og þrír í U21 ásamt þjálfara. Á eftir Geysi kemur Fákur með 10 knapa og einn þjálfara, þrjá A landsliðsknapa ásamt þjálfara, tvo í U21 og fimm þátttakendur í hæfileikamótun. Sprettur sem er núverandi handhafi æskulýðsbikars LH er með níu knapa í U21 og hæfileikamótun en engan í A landsliðinu. Sprettur hefur lagt mikla áherslu á barna og unglingastarfið hjá sér sem mögulega er að endurspeglast þarna.

Geysir, Fákur og Sleipnir eru þau þrjú félög sem halda hvað flest mót en Sleipnir er með sjö knapa í afreksstarfi, fjóra í A landsliðinu, einn í U21 og tvo í hæfileikamótun.

Jökull er ungt félag en vex hratt og er með þrjá landsliðsknapa og þrjá í hæfileikamótun, fast á hæla Jökuls kemur svo Skagfirðingur með einn A landsliðsknapa, einn í U21 og þrjá í hæfileikamótun.

Það verður áhugavert að velta fyrir sér hvað liggur á bakvið þessar tölur á hverjum stað og verður gaman að sjá hvernig þessar tölur þróast með sí faglegra starfi í félögunum. Auk þeirra sem talin eru upp hér var um liðna helgi vinnuhelgi B-hóps hæfileikamótunar sem telur um 20 knapa. Allt í allt eru það því tæplega 100 knapar sem taka þátt í afreksstarfi á vegum LH, þetta árið.

Breytingar á mótamálum og mótahaldi

Wed, 18 Dec 2024 13:07:00 GMT

Mótamálin voru að venju fyrirferðarmikil Landsþingi LH sem fór fram í október síðastliðnum.

Varðandi Íslandsmótin, þá var þar samþykkt að þeim skuli úthlutað með þriggja ára fyrirvara. Búið er að loka fyrir umsóknir vegna móta 2025, 2026 og 2027 en auglýst verður eftir umsóknum um Íslandsmót 2028 í vor.

Samþykkt var að stofna starfshóp sem vinni tillögu um framkvæmd Íslandsmóta og annarra móta. Hópurinn kynni drög að tillögum á formannafundi 2025 sem verði lögð fyrir landsþing 2026.

Þá var samþykkt að keppni í gæðingakeppnisgreinum skuli vera á Íslandsmóti barna- og unglinga og því verða krýndir Íslandsmeistarar í gæðingakeppni í þessum flokkum á mótinu.

Áhugamannamót Íslands fékk rýmri ramma um flokkaskiptingar og reglur um þátttöku á mótum sem eru til þess fallnar að auka þátttöku á mótinu og gera mótshöldurum léttara fyrir við að halda glæsilegt áhugamannamót.

Innanhúsmót voru einnig rædd og samþykktar voru breytingar á reglugerð um innanhússmót þannig að árangur í öllum hringvallagreinum sem framkvæmdar eru skv. reglum um íþróttakeppni, gildi til stöðulista ársins innanhúss. Til þess að innanhúsgreinar verði samanburðarhæfar til stöðulista á milli móta þurfa þær að vera framkvæmdar á sama hátt alls staðar. Dæmi: Skeið í fimmgangi F1 skal útfært skv. reglum greinarinnar á öllum löglegum innanhússmótum.

Einnig var samþykkt að óheimilt sé að keppa í flugskeiði í gegnum höll í barna- og unglingaflokki. Hafa skal í huga að keppni í flugskeiði gegnum höll er ólögleg grein og telur ekki til stöðulista innanhúss.

Samþykkt var að stjórn LH skuli hefja vinnu við að semja reglur um Íslandsmót innanhúss sem væri mótaröð, ásamt því að semja staðal fyrir aðstæður til löglegrar keppni innanhúss.

Þá var samþykkt að vísa til Sportnefndar FEIF tillögu um hertar reglur varðandi aðstæður við löglegar skeiðkappreiðar.

Einnig var samþykkt að vísa til keppnisnefndar FEIF tillögu um að afskráningarfrestur í úrslitum verði 2 klst. í stað 1 klst. og er það í meðförum nefndarinnar. Ef knapi ætlar að afskrá í úrslitum þarf hann að gera það a.m.k. 2 klst. fyrir fyrstu úrslit (b-úrslit) í greininni.

Þá var samþykkt var að vísa til keppnisnefndar að endurskoða reglur um spjaldanotkun í keppni. Sportnefnd FEIF hefur þegar hafið þessa vinnu.

Þeir sem vilja kynna sér aðrar samþykktir Landsþings geta nálgast þær hér: Landsþing | Landssamband hestamannafélaga

Sportfengsnámskeið 20. jan

Wed, 18 Dec 2024 10:07:24 GMT

Mánudaginn 20. jan kl 19:00 verður haldið Sportfengsnámskeið fyrir mótshaldara.

Farið verður yfir kerfið frá því hvernig kerfið virkar almennt (aðgangur er stofnaður, finna mót, skráning keppenda osfrv) og hvernig það virkar í allri framkvæmd fyrir, á meðan og eftir mót.

Til dæmis verður farið ítarlega í stofnum móta og hvernig mótshaldarar tryggja að þau séu rétt skráð s.s. lögleg eða ólögleg. Þá verður farið yfir atriði eins og skráningarfrest, setja inn greinar og úrslit. Skráning starfsmanna, dómara, þula og fótaskoðun. Einnig verður farið yfir greiðslumöguleika, setja inn verð, búa til dagskrá og setja inn auglýsingar.

Farið verður yfir það sem þarf að hafa í huga eftir að skráningarfresti lýkur eins og t.d. að raða í holl, taka út greinar og afskrá keppendur. Sem og það sem þarf að gera á meðan á móti stendur eins og logga inn dómara, leiðrétta rangt innslegnar einkunnir, úrskrá keppendur, skrá spjöld og atvik. En einnig það sem þarf að gera eftir að móti lýkur eins og skrif mótaskýrslu og að loka móti.

Þessi listi er ekki tæmandi en ljóst að af nægu er að taka og hvetjum við alla mótshaldara til að mæta.

Námskeiðið er frítt, fer fram á teams og þurfa áhugasamir að skrá sig fyrir 17. janúar. Linkur verður sendur á alla skráða þátttakendur.

Skráning

Sportfengsnámskeið 20. jan

Wed, 18 Dec 2024 10:07:24 GMT

Mánudaginn 20. jan kl 19:00 verður haldið Sportfengsnámskeið fyrir mótshaldara.

Þessi listi er ekki tæmandi en ljóst að af nægu er að taka og hvetjum við alla mótshaldara til að mæta.

Námskeiðið er frítt, fer fram á teams og þurfa áhugasamir að skrá sig fyrir 17. janúar. Linkur verður sendur á alla skráða þátttakendur.

Skráning

Vel heppnuð vinnuhelgi B-hóps hæfileikamótunar

Mon, 16 Dec 2024 13:58:44 GMT

Um liðna helgi fór fram vinnuhelgi B- hóps hæfileikamótunar. Þar sem aðsókn í Hæfileikmótun LH er mjög mikil og komast því miður færri að en vilja. Í þeirri viðleitni að koma á móts við sem flesta og halda áfram að efla afreksstarfið okkar var því settur fót B -hópur sem er hugsaður til þessa að veita innsýn inn í starfið og undirbúa þátttakendur fyrir starf hæfileikamótunar seinna meir.

Á dagskránni um helgina voru bæði fyrirlestrar og einkatímar undir leiðsögn Sigvalda Lárusar Guðmundssonar yfirþjálfara hæfileikamótunar og Hinriks Þórs Sigurðssonar reiðkennara og afreksstjóra LH. Tókst þetta í alla staði mjög vel og mikil ánægja meðal þátttakenda með framtakið. Er þetta í fyrsta sinn sem starfræktur er B-hópur og sýnir það glöggt hve margir stefna langt í sinni hestamennsku.

Breytingar á félagsaðild samþykktar á Landsþingi LH

Mon, 16 Dec 2024 10:34:08 GMT

Á nýliðinu landsþingi Landssambands hestamanna voru ýmsar breytingar samþykktar. Verða þær útlistaðar í nokkrum fréttum félagsmönnum til glöggvunnar en hægt er að nálgast öll gögn landsþings hér á vefsíðunni og þinggerð landsþings í heild hér: Þinggerð Landsþings

Tvær þessara breytinga varða félagsaðild og eru þær annarsvegar sú að samþykkt var breyting á þátttöku- og keppendareglum, sem falla undir reglur um félagsaðild, þannig að einungis er heimilt að keppa fyrir eitt félag á hverju keppnisári á löglegum mótum en félagsskráning taki ekki til ólöglegra móta. Þessu fylgir rík ábyrgð á mótshaldara að skrá mót eða greinar á réttan hátt í Sportfeng.

Hinsvegar var samþykkt að keppendur í yngri flokkum keppi fyrir sitt félag í gæðingakeppni óháð félagsaðild hesteiganda. Þetta þýðir að hesteigandinn og knapinn þurfa ekki að vera í sama félagi eins og áður var.

Finnbogi Bjarnason er reiðkennari ársins 2024

Wed, 04 Dec 2024 12:14:19 GMT

Finnbogi er fæddur og uppalinn í hestamennsku í Skagafirði þar sem hann er búsettur en hann útskrifaðist með BSc í reiðmennsku og reiðkennslu frá Háskólanum á Hólum árið 2020.

Í umsögn um Finnboga stendur: Finnbogi starfar sem reiðkennari og við þjálfun hrossa bæði á Íslandi og í Sviss. Hann kennir Reiðmanninn eitt & þrjú á Sauðárkróki þar sem fjöldi nemenda eru skráðir en Reiðmaðurinn er nám í reiðmennsku og hestafræðum á vegum Landbúnaðarháskóla Íslands. Hann er einnig reiðkennari í æskulýðsstarfi Skagfirðings og hefur verið síðustu ár þar sem hann kennir keppnisþjálfun og almenna reiðkennslu fyrir krakkana í félaginu en Finnbogi hefur sjálfur töluvert mikla reynslu á keppnisbrautinni. Hann hefur fylgt krökkunum vel eftir í kennslunni, meðal annars á Landsmóti hestamanna í sumar. Einnig hefur hann starfað við reiðkennslu á hestabraut FNV á Sauðárkróki sem er þriggja ára námsbraut í hestamennsku. Í Sviss hefur hann verið virkur í reiðkennslu bæði með ungmennum og fullorðnum, meðal annars aðstoðarmaður/þjálfari nokkura keppenda í Svissneska landsliðinu. Finnbogi hefur mikinn metnað, ávallt jákvæður fyrir verkefninu og nemendur láta afar vel að honum.

Val á Finnboga sem reiðkennara ársins fyrir Íslands hönd verður sent til Feif sem reiðkennari ársins (e.Feif trainer of the year) og verður kosning á vefsíðu FEIF þar sem kosið verður um einn reiðkennara frá hverju landi.

Menntanefnd LH óskar Finnboga til hamingju!

Streymi frá menntahelginni verður opið til 13. des

Tue, 03 Dec 2024 14:56:00 GMT

Þá er frábæri menntahelgi Landsliðanna og Hæfileikamótunar lokið. Viðburðurinn tókst að öllu leyti ákaflega vel en hann hófst með skemmtilegri Hestaspurningakeppni á föstudagskvöldi, síðan tóku við ákaflega fróðlegar kennslusýningar A landsliðsknapa á laugardag og svo á sunnudag voru stórglæsilegar og ekki síður fræðandi sýningar hæfileikamótunar og U21.

Þeir sem ekki komust í Víðidalinn um helgina geta ennþá tryggt sér aðgang að streymi frá sýningunum, en það verður opið til og með 13. desember : Livey I Menntahelgi

Um helgina var einnig tilkynnt um LH félaga ársins, en að þessu sinni var það hún Sigurlína Erla Magnúsdóttir úr Skagfirðingi sem var hlutskörpust í kosningunni. Þá voru einnig kynntar niðurstöður úr kosningu um reiðkennara ársins og var það Finnbogi Bjarnason sem hlýtur titilinn að þessu sinni.

Það er alltaf gaman þegar hestamenn koma saman og hvað þá þegar ágóðinn fer í það góða og metnaðar fulla afreksstarf sem unnið er að innan LH. Viðburður eins og sá sem fram fór um helgina og er ómetanlegt innlegg inn í fjáröflun afreksstarfsins væri óframkvæmanlegur nema vegna vinnu sjálfboðaliða og styrkja frá fyrirtækjum. Við þökkum öllum sem komu að þessu með okkur með einum eða öðrum hætti kærlega fyrir en ekki síst erum við þakklát öllum áhorfendunum hvort heldur sem þeir komu í höllina eða horfðu á viðburðinn í streymi.

Að baki Menntahelginni stóðu:

Askja
Blómaval
Blue Lagoon
BM Vallá
CCEP
Eiðfaxi
Freyja
Garri
Góa
Icelandair Cargo
Lífland
Límtré Vírnet
MATA
MS
Mustad
ÓJ&K
SS
Stjörnugrís
Top Reiter
Verdi
Ölgerðin

Hestamaðurinn Ólöf Bjarki Antons tilnefnt sem framúrskarandi ungur Íslendingur

Tue, 03 Dec 2024 12:46:00 GMT

Verðlaunin Framúrskarandi ungir Íslendingar eru fyrst og fremst hvatningarverðlaun til ungs fólks sem eru að takast á við krefjandi og athyglisverð verkefni á sínu sviði og hafa verðlaunin verið haldin óslitið síðan árið 2002.

Tilnefningar til framúrskarandi ungra Íslendinga voru mun fleiri en þær hafa verið undanfarið og hlutum við í kringum 200 tilnefningar. Það var vandasamt og erfitt verkefni að vinna úr. Það er því ljóst að við erum rík af ungu fólki sem er að gera vel á sínu sviði.

Dómnefndin hittist í síðustu viku og valdi topp tíu hópinn og sigurvegara sem verður tilkynntur á verðlaunaafhendingunni þann 4. desember nk.

Hestamenn eiga sinn fulltrúa í hópnum en það er Ólöf Bjarki Antons sem hlýtur tilnefndinguna fyrir störf á sviði siðferðis- og/eða umhverfismála.

Ólöf Bjarki hefur verið öflugt í samtökum Hinsegins fólks og barist fyrir réttlæti trans fólks. Hán hefur staðið fyrir mikilli fræðslu um málefni trans fólks, komið fram í útvarpi og sjónvarpi og upplýst hvernig trans fólk vill láta tala við sig. Ólöf Bjarki var formaður Trans Íslands árin 2022-2024 og fékk félagið Mannréttindaverðlaun Reykjavíkurborgar 2023. Rökstuðningur fyrir verðlaununum var sú að félagið hafi með starfi sínu valdið grundvallarbreytingu á skilningi fólks á kynjajafnrétti og hefur Ólöf Bjarki tekið mikinn þátt í þessu starfi.

Dómnefndin í ár var skipuð af Elizu Reid rithöfundi og fyrrum forsetafrú. Freyju Steingrímsdóttur framkvæmdastjóra Blaðamannafélags Íslands, Anítu Sóleyju Scheving Þórðardóttur, framúrskarandi ungur Íslendingur 2023 og nemi . Kjartan Hansson senator í JCI og hagfræðingur hjá Seðlabanka Íslands og Alma Dögg Sigurvinsdottir Landsforseti JCI Íslands 2024.

Miðvikudaginn 4. desember fer formleg verðlaunaafhending fram, þar sem Halla Tómasdóttir, forseti Íslands mun afhenda Topp tíu hópnum viðurkenningu og verður vinningshafi úr hópnum kynntur sem hlýtur titilinn Framúrskarandi ungur Íslendingur ársins 2024.

Verðlaunaafhendingin hefst stundvíslega klukkan 16:30 í Höfuðstöðinni, Elliðaárdal þar sem gestum verður boðið upp á léttar veitingar og fá gestir að skoða sýninguna Chromo Sapiens að athöfn lokinni.

Nánar má lesa um tilnefningar hér.

Ólöf Bjarki veitt okkur innsýn inn í hestamennskunna sína fyrir ekki svo löngu síðan:

Sigurlína Erla er LH félagi ársins

Sat, 30 Nov 2024 18:24:00 GMT

Í dag á menntadegi landsliðsins var félagi ársins heiðraður. Félagi ársins eru hvatningarverðlaun fyrir sjálfboðaliða og félaga hestamannafélaga sem vinna fórnfúst og óeigingjarnt starf í þágu hestamennskunnar.

Stjórn LH óskaði eftir tilnefningum frá aðildarfélögum LH að félaga ársins, ásamt rökstuðningi fyrir valinu og var það í höndum félagsmanna að kjósa félaga ársins.

Félagi ársins árið 2024 er Sigurlína Erla Magnúsdóttir úr Skagfirðingi

Sigurlína hefur unnið mikið og óeigingjarnt starf í þágu félagsins í mörg ár. Hún kom inn í stjórn Skagfirðings árið 2021, Meistaradeildar KS árið 2020 og stjórn reiðhallarinnar á Sauðárkróki (Flugu) árið 2022 sem formaður og og er enn í dag.

Sigurlína er “JÁ” manneskja, hún er alltaf boðin og búin til að aðstoða hvar sem þess gerist þörf. Hún er einn af drifkröftum í reiðhöllinni í Skagafirði ásamt því að standa vaktirnar í sjoppunni við fjáröflunarstarfið. Sigurlína hefur staðið vaktina við marga viðburði og mót á vegum Skagfirðings þar á meðal framkvæmdanefndum fyrir Íslandsmót og Landsmót.

Hún er jákvæð, drífandi og mjög svo óeigingjörn á sinn tíma fyrir félagið.

Dagskrá

Thu, 28 Nov 2024 10:58:57 GMT

Nú er alveg að koma að þessu, Leiðin að gullinu er handan við hornið! Viðburður sem engin hestamaður ætti að láta framhjá sér fara.

„Hvetjum alla til að koma og hafa gaman saman“

Wed, 27 Nov 2024 14:15:18 GMT

Viðtal við Kristinn Skúlason formann landsliðsnefndar LH í tilefni að menntahelgi landsliðanna um helgina.

Um helgina verður menntahelgi í reiðhöllinni í Víðidal. Á laugardeginum munu A-landsliðsknaparnir vera með kennslusýningar og á sunnudeginum verða tvær sýningar þar sem annars vegar munu koma fram knapar í U21 landsliðinu og hins vegar knapar í hæfileikamótun LH.

„Það er spennandi vika framundan og undirbúningur í fullum gangi. Á laugardaginn er kennslusýning A landsliðsins sem sett hefur verið saman af Sigurbirni Bárðasyni, A landsliðsþjálfara. Verður spennandi og fróðlegt að fylgjast með því. Við munum senda stærsta landslið Íslands frá upphafi á Heimsmeistaramótið í Sviss á næsta ári og er gaman að fá að skyggnast inn í undirbúninginn fyrir það. Á sunnudaginn byrjum við á sýningu með knöpunum í hæfileikamótun LH en Sigvaldi Lárus Guðmundsson er yfirþjálfari hæfileikamótunar. Kynnt verður starfsemin og þá uppbyggingu sem fer fram innan hæfileikamótunarinnar, sem er gríðarleg. Við höfum ekki orðið undan að taka á móti umsóknum og settum af stað B hóp í hæfileikamótun til að leyfa fleirum að komast að, nú telur hópurinn um 55 knapa“ segir Kristinn Skúlason formaður landsliðsnefndar LH. „Eftir það tekur Hekla Katharína Kristinsdóttir, landsliðsþjálfari U21, við með hópinn sinn sem eru 14 knapar. Þar eru frábærir krakkar og við erum í kjörstöðu miðað við önnur lönd með slíka breidd af knöpum.“

Frítt er inn á sunnudeginum en miðaverð á kennslusýningar á laugardeginum eru 5.900 kr og fer miðasala fram HÉR . Dagskrá hefst kl. 10:00 á laugardeginum en á sunnudeginum byrjar hún kl. 13:00. Á laugardaginn verður boðið upp á hamborgarhrygg með öllu tilheyrandi, heitt súkkulaði og vöfflur og á sunnudeginum verður boðið upp á heitt súkkulaði og vöfflur. Allur ágóði rennur til styrktar landsliðsins.

„Við hvetjum alla til þess að koma og njóta þess að sjá hvað við erum búin að byggja upp og sjá hvað þessir krakkar eru flinkir og góðir. Það er líka svo gaman að sjá hvað hesturinn tengir alla fjölskylduna saman. Ef einn er í hestunum þá er eiginlega öll fjölskyldan með. Það geta allir tekið þátt. Besta dæmið sem ég get tekið er um mig sjálfan. Við vorum öll í hestunum nema ein dóttir mín sem var ekki en hún var alltaf með okkur og tók þátt í þessu og studdi alla aðra.“

Á föstudagskvöldinu verður upphitun fyrir helgina en þá mun fara fram PubQuiz í reiðhöllinni í Víðidal.

„Við ætlum að hafa gaman um helgina. Njóta og sýna hvað við erum búin að vera gera og leggja til íþróttarinnar. Hvetjum alla til að koma og hafa gaman saman,“ segir Kristinn að lokum.

Sýnikennslurnar á laugardeginum eru eftirfarandi:

Viðburðurinn verður í beinni útsendingu á síðu Eiðfaxa

Frétt fengin af vef Eiðfaxa.

Taktu þátt í að tilnefna Íþróttaeldhuga ársins

Wed, 27 Nov 2024 09:17:13 GMT

Frá ÍSÍ: Um allt land leggja þúsundir sjálfboðaliða á sig ómælda vinnu, allt árið um kring til að halda starfi íþróttafélaga, íþróttahéraða og sérsambanda gangandi. Þetta eru hinir einu sönnu íþróttaeldhugar.

Til stendur að heiðra einstakling sem verið hefur eldhugi, samhliða vali á íþróttamanni ársins. Nefnast verðlaunin Íþróttaeldhugi ársins. Tilgangurinn er að vekja athygli á þeim einstaklingum sem gefið hafa tíma sinn til að efla íþróttastarfið og halda því gangandi. Leitað er eftir framúrskarandi sjálfboðaliðum sem hafa í gegnum árin nýtt eigin hæfileika, frítíma og sérþekkingu til að efla íþróttastarf, t.d. með því að vinna að framkvæmd móta/leikja, safna fjármunum, bæta aðstöðu, sitja í stjórnum eða auka þátttöku hvar á landinu sem er.

Tekið verður á móti tilnefningum frá almenningi til 5. desember og skiptir rökstuðningur fyrir tilnefningunni máli. Lokaákvörðun er svo í höndum sérstakrar valnefndar sem skipuð er fyrrum afreksíþróttafólki.

Skilyrði er að viðkomandi hafi unnið eftirtektarvert sjálfboðastarf innan íþróttahreyfingarinnar og sé ekki launaður starfsmaður félags. Hvern vilt þú tilnefna?

Íþróttaeldhugi ársins

Frítt inn á Hesta Quiz fyrir gesti menntahelgarinnar

Tue, 26 Nov 2024 11:43:55 GMT

Föstudagskvöldið 29. nóvember kl 20 mun fara fram Hestaspurningakeppni í reiðhöllinni í Víðidal og verður þetta skemmtilegur upptaktur fyrir menntahelgina, þar sem áhugasömum gefst tækifæri á að reyna þekkingu sína og minni þegar kemur að ýmsum staðreyndum um íslenska hestinn, knapa, keppnir og kynbætur. Spurningarnar eru skemmtilegar og mis auðveldar viðfangs en allar ýta þær undir líflegar umræður og fá okkur til að staldra við og hugsa til baka.

Viðburðurinn er styrktarviðburður fyrir landslið Íslands í hestaíþróttum og kostar því 1500kr inn, þeir sem eiga miða á Leiðina að gullinu fá frítt inn.

Ekki láta þessa skemmtilegu kvöldstund framhjá þér fara.

Við hvetjum einnig alla hestamenn til þess að mæta á kennslusýningarnar á laugardag og ekki síður að mæta og fylgjast með okkar efnilegustu knöpum á sunnudaginn, en frítt er inn á sýningu U21 og Hæfileikamótunar.

Leiðin að gullinu verður í streymi

Mon, 25 Nov 2024 15:12:00 GMT

Nú styttist í menntahelgi Landsliðsins, U21 og Hæfileikamótunar. Þar sem okkar glæsilegustu knapar gefa innsýn inn í það mikla afrekasstarf sem unnið er innan LH. Á laugardeginum verða sjö A landsliðknapar með sýnikennslur og á sunnudeginum mun hluti þátttakenda úr Hæfileikamótun koma fram með hestana sína og gefa áhorfendum tækifæri til að sjá hvernig vinnuhelgar Hæfileikamótunar fara fram. Í Hæfileikamótun er lögð er áhersla á að höfða til metnaðarfullra afreksknapa á aldrinum 14- 17 ára sem m.a. stefna á að keppa fyrir Íslands hönd í framtíðinni.

U 21 Landsliðið mun svo mæta á staðinn og flestir á þeim hesti/hestum stefnt er með á HM í Sviss 2025. Þau munu bjóða uppá blöndu af sýnikennslu og skrautreið en einnig gefst áhorfendum tækifæri til þessa að sjá hvar pörin eru stödd í undirbúningi sínum fyrir heimsmeistaramótið.

Það er því ljóst að allir hestamenn ættu að finna eitthvað við sitt hæfi í reiðhöllinni í Víðidal um helgina. Þá verður einnig glæsileg veitingasala á svæðinu, þar sem verður m.a boðið uppá dýrindis jólamat.

Einnig verður hægt að fylgjast með viðburðinum í gegnum streymi í samstarfi við Eiðfaxa TV. Hér er hægt að kaupa aðgang að streyminu . Verð fyrir streymi er 6900kr og tryggir það aðgang að báðum viðburðunum. Hægt er að horfa á efnið fram til 13. desember.

Dagskráin verður sem hér segir:

Laugardagur

Kl 10:00

Sýning Hæfileikamótunar og U21 Landsliðsins

Tue, 19 Nov 2024 09:02:00 GMT

Helgina 30. nóv - 1. des verður menntahelgi landsliðanna og hæfileikamótunar. Laugardagurinn verður helgaður kennslusýningum A landsliðsins en á sunnudeginum munu gestir fá innsýn inn í það öfluga afreksstarf sem unnið er innan LH.

Sýningin hefst kl 13 en þá mun hluti þátttakenda úr Hæfileikamótun koma fram með hestana sína og gefa áhorfendum tækifæri til að sjá hvernig vinnuhelgar Hæfileikamótunar fara fram. Þar verður meðal annars fjallað um vinnu við hendi og sætisæfingar sem og hvernig blanda má fimiæfingum inn í þjálfun gangtegunda til að bæta jafnvægið. Þá fá gestir einnig að kynnast því hvernig grunnurinn er lagður að skeiðinu, skeiðuppbyggingu og gangtegundaþjálfun. Í Hæfileikamótun er lögð er áhersla á að höfða til metnaðarfullra afreksknapa á aldrinum 14- 17 ára sem m.a. stefna á að keppa fyrir Íslands hönd í framtíðinni. Sigvaldi Lárus Guðmundsson mun stýra dagskránni en hann er yfirþjálfari Hæfileikamótunar.

Þar á eftir er komið að U21 hópnum til að láta ljós sitt skína. Hópurinn telur 14 knapa sem stefna öll á að komast á HM í Sviss. Árangur U21 liðsins í á HM í Hollandi 2023 var einkar glæsilegur, en liðið náði þá í 7 heimsmeistara titla og ein silfurverðlaun og komust allir keppendur á pall sem var hreint út sagt frábær árangur.

Við heyrðum í Heklu Katharínu Kristinsdóttur Landsliðsþjálfari U21.

Hverju mega áhorfendur búast við?

„Allir U21 árs knaparnir munu mæta á staðinn og margir þeirra koma á þeim hesti/hestum sem þeir stefna með á HM í Sviss 2025. Það munu koma fram fjórgangspör, slaktaumatölts pör, skeið pör, tölt pör og fimmgangs pör. Sýningin verður blanda af flottum skrautreiðar atriðum en þó er meirihlutinn í sýnikennslu formi þar sem ætlunin er að gefa innsýn í það hvað knaparnir eru að gera með sínum hestum til að undirbúa þá fyrir sumarið.“

„Mikilvægt er að hestarnir toppi á réttum tíma sem er á Íslandsmóti og eigi samt ennþá inneign til þess að sem bestur árangur náist í ágúst á Heimsmeistaramóti. Ég mun stjórna hverju atriði og útskýra vel og skilmerkilega hvað hver knapi er að gera með sínum hesti. Einnig er mikilvægt að áhorfandinn fái innsýn í það hvað landsliðsþjálfari þarf að sjá hjá pari (hestur og knapi) sem stefnir á svo stórt markmið.“ Segir Hekla.

Nú er liðið að koma fram saman í fyrsta sinn síðan hópurinn var valinn, hvernig eruð þið stemmd í verkefnið?

„Ég er orðin hrikalega spennt fyrir sýningunni og einnig eru knaparnir mínir mjög spenntir að leyfa áhorfendum að skyggnast inní þjálfunina og að leyfa gæðingunum sínum að spretta aðeins úr spori. Sýningin er mjög umfangsmikil og verður hver mínúta nýtt til hins ítrasta. Gestir geta gert ráð fyrir fróðlegri og skemmtilegri sýningu þar sem létt stemmning í bland við metnaðarfullar æfingar munu halda fólki við efnið í þá rúmlega klukkustund sem prógrammið mun taka og hvet alla hestamenn til að koma í reiðhöllina í Víðidal og sjá þessa flottu knapa bæði í U21 og Hæfileikamótun LH. Læra af þeim en ekki síst að hvetja þá til dáða inn í spennandi keppnistímabil.“

Leiðin að gullinu - Kennslusýningar

Tue, 19 Nov 2024 08:49:00 GMT

Þá styttist í Leiðina að Gullinu, kennslu sýningar landsliðsins, en þær munu fara fram laugardaginn 30. nóvember næstkomandi. Á dagskránni eru ákaflega fróðlegar og spennandi sýningar sem enginn hestamaður ætti að láta framhjá sér fara: • Ragnhildur Haraldsdóttir: Tenging taumhringsvinnu við form og gangtegundir. • Glódís Sigurðardóttir: Auka skrefastærð með formi og stillingu. • Hinrik Bragason: Undirbúningur fyrir gæðingaskeið - samspil í gleði og vilja í verki. • Guðmund Ellen Sigurðardóttir: Tenging sætisnotkunar og taums, samhæfing knapa og hests • Helga Una Björnsdóttr: Slaktaumatölt – undirbúningur, aðferðir, hestgerðir • Jóhanna Margrét Snorradóttir: Hraðabreytingar, samspil safnandi hvetjandi og hamlandi æfingar. • Teitur Árnason: Viðhalda gleði með fjölhæfni og léttleika. Viðburðurinn fer fram í reiðhöllinn í Víðidal frá kl 10:00 -15:00. Miðaverð er einungis 5900kr og rennur allur ágóði til landsliðsins.

Íslandsmót

Mon, 18 Nov 2024 10:05:00 GMT

This is a subtitle for your new post

Miklar breytingar á skipulagi og framkvæmd í farvatninu.

Íslandsmót barna- og unglinga, Íslandsmót ungmenna og fullorðinna ásamt Íslandsmóti í Gæðingalist.

Á ársþingi LH í októberlok voru nýjar reglugerðir um Íslandsmótin samþykktar og því eru hér með auglýst til umsóknar fyrir mótshaldara. Á þinginu var samþykkt að Íslandsmótunum skuli úthluta með þriggja ára fyrirvara.

Hestamannafélagið Sleipnir á Selfossi hefur þegar fengið Íslandsmóti ungmenna og fullorðinna árið 2025 úthlutað og mun mótið fara fram á Brávöllum á Selfossi dagana 26-29 júní.

Einnig var það samþykkt að keppni í gæðingakeppnisgreinum skuli vera með á Íslandsmóti barna- og unglinga og því verða krýndir Íslandsmeistarar í gæðingakeppni í þessum flokkum á mótinu. Þingið samþykkti einnig að sérstakt Íslandsmót í Gæðingalist skuli haldið á vordögum og Íslandsmeistarar krýndir í þeirri grein á sérstöku móti þegar innanhússmótatímabilið er í fullum gangi, eða fyrir 15 maí.

Mót sem auglýst eru til umsóknar eru því eftirfarandi mót (í tímaröð), og skulu umsóknir berast fyrir 15. Desember næstkomandi og verður mótunum úthlutað mótshöldurum í kjölfarið.

Íslandsmót í Gæðingalist 2025
Íslandsmót barna- og unglinga 2025
Áhugamannamót Íslands 2025
Íslandsmót barna- og unglinga 2026
Íslandsmót ungmenna- og fullorðinna 2026
Íslandsmót ungmenna og fullorðinna 2027
Íslandsmót barna og unglinga 2027

Frekari útlistun á reglugerðum þessara móta og framkvæmd þeirra verður sett fram í frétt á vef LH og öðrum miðlum ásamt ýmsum fróðleik um þær breytingar sem þingið í október samþykkti á næstu vikum.

Landssamband hestamannafélaga hvetur áhugasama mótshaldara Íslandsmóta næstu ára, Íslandsmóts í gæðingalist og Áhugamannamóts Íslands til þess að senda inn umsóknir á lh@lhhestar.is og taka þátt í því að gera þessum frábæru mótum hátt undir höfði. Frekari upplýsingar má nálgast á skrifstofu LH

Nýttu þér tímabilið sem best með því að fylgja þessum einföldu leiðbeiningum

admin@stefna.is (Stefna Hugbúnaðarhús) — Mon, 18 Nov 2024 09:51:14 GMT

Nýja árstíðin er góð ástæða til að taka og halda ályktanir. Hvort sem það er að borða rétt eða þrífa bílskúrinn, hér eru nokkur ráð til að gera og halda ályktanir.

Gerðu lista

Listar eru frábærar leiðir til að halda sér á réttri braut. Skrifaðu niður nokkra stóra hluti sem þú vilt ná og smá hluti líka.

Athugaðu listann reglulega

Ekki gleyma að kíkja inn og sjá hvernig þér gengur. Þó þú náir ekki stóru markmiðunum strax þýðir það ekki að þú sért ekki að taka framförum.

Verðlaunaðu sjálfan þig

Þegar þér tekst að ná markmiði, hvort sem það er stórt eða lítið, vertu viss um að klappa sjálfum þér á bakið.

Hugsaðu jákvætt

Jákvæð hugsun er stór þáttur í velgengni. Svo í stað þess að velta fyrir sér hlutum sem fóru ekki alveg rétt, minntu þig á hluti sem gerðu það.

Vertu í sambandi við gesti síðunnar og auktu hollustu

admin@stefna.is (Stefna Hugbúnaðarhús) — Mon, 18 Nov 2024 09:51:14 GMT

Það eru svo margar góðar ástæður til að eiga samskipti við gesti á síðuna. Segðu þeim frá sölu og nýjum vörum eða uppfærðu þær með ráðum og upplýsingum.

Hér eru nokkrar ástæður til að gera blogg að hluta af venjulegri rútínu þinni.

Blogg er auðveld leið til að eiga samskipti við gesti síðunnar

Það er auðvelt að skrifa bloggfærslu þegar þú hefur náð tökum á því. Færslur þurfa ekki að vera langar eða flóknar. Skrifaðu bara um það sem þú veist og gerðu þitt besta til að skrifa vel.

Sýndu viðskiptavinum persónuleika þinn

Þegar þú skrifar bloggfærslu geturðu virkilega látið persónuleika þinn skína í gegn. Þetta getur verið frábært tæki til að sýna sérstakan persónuleika þinn.

Blogg er frábært samskiptaform

Blogg eru frábært samskiptatæki. Þeir hafa tilhneigingu til að vera lengri en færslur á samfélagsmiðlum, sem gefur þér nóg pláss til að deila innsýn, handhægum ráðum og fleira.

Það er frábær leið til að styðja og efla SEO

Leitarvélar líkar við síður sem birta reglulega nýtt efni og blogg er frábær leið til að gera þetta. Með viðeigandi lýsigögnum fyrir hverja færslu svo leitarvélar geti fundið efnið þitt.

Fáðu umferð á síðuna þína

Í hvert skipti sem þú bætir við nýrri færslu mun fólk sem hefur gerst áskrifandi að henni hafa ástæðu til að koma aftur á síðuna þína. Ef færslan er góð aflestrar munu þeir deila henni með öðrum og færa enn meiri umferð!

Það er ókeypis að blogga

Það er algjörlega ókeypis að halda úti bloggi á síðunni þinni. Þú getur ráðið bloggara ef þú vilt eða úthlutað reglulega bloggverkefnum til allra í fyrirtækinu þínu.

Eðlileg leið til að byggja upp vörumerkið þitt

Blogg er frábær leið til að byggja upp sérstaka rödd vörumerkisins þíns. Skrifaðu um málefni sem tengjast iðnaði þínum og viðskiptavinum þínum.

Ráð til að skrifa frábærar færslur sem auka umferð á síðuna þína

admin@stefna.is (Stefna Hugbúnaðarhús) — Mon, 18 Nov 2024 09:51:14 GMT

Skrifaðu um eitthvað sem þú veist. Ef þú veist ekki mikið um tiltekið efni sem mun vekja áhuga lesenda þinna skaltu bjóða sérfræðingi að skrifa um það.

Talaðu við áhorfendur þína

Þú þekkir áhorfendur þína betur en nokkur annar, svo hafðu þá í huga þegar þú skrifar bloggfærslur þínar. Skrifaðu um hluti sem þeim þykir vænt um. Ef þú ert með Facebook-síðu fyrirtækisins, skoðaðu þá hér til að finna efni til að skrifa um

Taktu þér smá stund til að skipuleggja færsluna þína

Þegar þú hefur góða hugmynd að færslu skaltu skrifa fyrstu drögin. Sumum finnst gott að byrja á titlinum og vinna síðan í málsgreinunum. Öðrum finnst gaman að byrja með texta og fara þaðan. Veldu þá aðferð sem hentar þér.

Ekki gleyma að bæta við myndum

Vertu viss um að setja nokkrar hágæða myndir inn á bloggið þitt. Myndir brjóta textann upp og gera hann læsilegri. Þeir geta líka miðlað tilfinningum eða hugmyndum sem erfitt er að koma orðum að.

Breyttu vandlega áður en þú birtir

Þegar þú ert ánægður með textann skaltu leggja hann til hliðar í einn eða tvo daga og lesa hann svo aftur. Þú munt líklega finna nokkra hluti sem þú vilt bæta við og nokkra í viðbót sem þú vilt fjarlægja. Láttu vin eða samstarfsmann skoða það til að ganga úr skugga um að engin mistök séu. Þegar færslan þín er villulaus skaltu setja hana upp á blogginu þínu og birta.

Reiðkennari ársins – Tilnefningar

Mon, 18 Nov 2024 09:00:00 GMT

Menntanefnd LH auglýsir netkosningu á reiðkennara ársins 2024. Kosningu lýkur á miðnætti sunnudaginn 24. nóvember. Sigurvegari fær afhent verðlaun á Menntadegi A – landsliðsins, laugardaginn 30. nóvember og fer áfram í kosningu á vefsíðu FEIF (FEIF instructor/trainer of the year), þar sem kosið verður um einn reiðkennara frá hverju FEIF landi.

Meðfylgjandi er útdráttur úr umsögnum sem fylgdu tilnefningunum til Menntanefndar LH sem kallað var eftir í frétt fyrir stuttu (https://www.lhhestar.is/is/frettir/oskad-er-eftir-tilnefningum-fyrir-reidkennara-arsins-2024 ). Allir tilnefndir eru að þessu sinni með reiðkennaramenntun frá Háskólanum á Hólum og eru Level 3 innan FEIF-matrixunnar.

Tilnefndir eru eftirfarandi aðilar:

Bergrún Ingólfsdóttir

Bergrún hefur stigið fram á sjónarsviðið síðustu ár með sína nálgun í reiðkennslu þar sem er sérstaklega horft til þjálfunar knapans og áhrifa hans á frammistöðu hestsins. Hennar nálgun er persónuleg og einstaklingsmiðuð og skiptir engu á hvaða stigi eða stað hestamennsku nemendur eru, eða hver þeirra líkamlega færni er. Aldur er heldur ekki takmarkandi þáttur.

Hún sem reiðkennari og einkaþjálfari kemur með góða sýn á hvernig líkamsgerð knapa hefur áhrif á þjálfun hests, hvað er hægt að gera til að bæta sig sem knapa og hvernig líka horft er til jákvæðra þátta. Hún kennir einfaldar líkamsæfingar til að styrkja hvern og einn nemanda þar sem þarf og eins kennir hún verklega með hest hvernig ábendingar geta orðið betri með því að breyta um ásetu og þjálfa sig til að beita betri ábendingum og vera í jafnvægi með hestinum. Hún hefur getið sér gott orð sem reiðkennari, hefur ljúfa en ákveðna framkomu og er skýr í sínum leiðbeiningum.

Finnbogi Bjarnason

Finnbogi starfar sem reiðkennari og þjálfari bæði á Íslandi og í Sviss. Hann kennir Reiðmanninn 1 & 3 á Sauðárkróki þar sem fjöldi nemenda eru skráðir en reiðmaðurinn er nám í reiðmennsku og hestafræðum á vegum Landbúnaðarháskóla Íslands.

Hann er einnig reiðkennari í æskulýðsstarfi Skagfirðings og hefur verið síðustu ár þar sem hann kennir keppnisþjálfun og almenna reiðkennslu fyrir krakkana í félaginu en Finnbogi hefur sjálfur töluvert mikla reynslu á keppnisbrautinni. Hann hefur fylgt krökkunum vel eftir í kennslunni, meðal annars á Landsmóti hestamanna í sumar. Einnig hefur hann starfað við reiðkennslu á hestabraut FNV á Sauðárkróki sem er þriggja ára námsbraut í hestamennsku.

Í Sviss hefur hann verið virkur í reiðkennslu bæði með ungmennum og fullorðnum, meðal annars aðstoðarmaður/þjálfari nokkurra keppenda í Svissneska landsliðinu á síðasta HM. Finnbogi hefur mikinn metnað, ávallt jákvæður fyrir verkefninu og nemendur láta afar vel af honum.

Sindri Sigurðsson

Sindri starfar sem reiðkennari og er virkur gæðingadómari bæði hérlendis og erlendis. Hann hefur verið í fræðslunefnd Sörla til fjölda ára og hefur brennandi áhuga á öllu sem við kemur hestum og tengist reiðkennslu á öllum stigum. Hver reiðtími hjá Sindra er mjög krefjandi, lærdómsríkur og skemmtilegur. Hann er metnaðarfullur, jákvæður og góður þjálfari sem leggur sig allan fram í verkefnið.

Kjósa reiðkennara ársins

Hesta Quiz

Thu, 14 Nov 2024 11:31:23 GMT

Föstudagskvöldið 29. nóvember mun fara fram Hestaspurningakeppni í reiðhöllinni í Víðidal og verður þetta skemmtilegur upptaktur fyrir menntahelgina, þar sem áhugasömum gefst tækifæri á að reyna þekkingu sína og minni þegar kemur að ýmsum staðreyndum um íslenska hestinn, knapa, keppnir og kynbætur. Spurningarnar eru skemmtilegar og mis auðveldar viðfangs en allar ýta þær undir líflegar umræður og fá okkur til að staldra við og hugsa til baka.

Viðburðurinn er styrktarviðburður fyrir landslið íslands í hestaíþróttum og kostar því 1500kr inn.

Ekki láta þessa skemmtilegu kvöldstund framhjá þér fara.

Hesta Quiz

Thu, 14 Nov 2024 11:31:23 GMT

Viðburðurinn er styrktarviðburður fyrir landslið íslands í hestaíþróttum og kostar því 1500kr inn.

Ekki láta þessa skemmtilegu kvöldstund framhjá þér fara.

Andlát, Sigrún Ögmundsdóttir

Wed, 13 Nov 2024 15:12:00 GMT

Andlát, Sigrún Ögmundsdóttir fyrrum starfsmaður LH lést 29. október síðastliðinn. Hún var jarðsungin í gær frá Dómkirkjunni í Reykjavík.

Hún hóf störf hjá félaginu árið 2000 og lauk störfum haustið 2008. Sigrún var myndilistarkona og mikill heimsborgari en hún hafði áður búið í Danmörku og sinnti myndlistinni meðfram störfum hjá LH. Sigrún hafði haft lítil afskipti af hestamennsku áður en hún hóf störf á skrifstofunni. Á þeim tíma sem hún starfaði hér áttu sér stað miklar tækniframfarir og samskipti við aðildarfélögin að færast úr bréfa og fax skeyta sendingum yfir í tölvupósta og rafrænt samskipti. Sigrúnu var námsfús og hafði gaman að því að taka framförum og fljót að tileinka sér nýja tækni sem gjörbreytti starfsumhverfinu. Erlend samskipti og reiðvegamálin voru henni sértaklega hugleikin auk almennra skrifstofustarfa fyrir sambandið og þótti hún einkar vandvirk í starfi.

Landssamband hestamannafélaga vottar aðstandendum innilega samúð vegna fráfalls Sigrúnar.

Íslandsmót í hestaíþróttum

Wed, 13 Nov 2024 14:22:18 GMT

Miklar breytingar á skipulagi og framkvæmd í farvatninu.

Íslandsmót barna- og unglinga, Íslandsmót ungmenna og fullorðinna ásamt Íslandsmóti í Gæðingalist.

Hestamannafélagið Sleipnir á Selfossi hefur þegar fengið Íslandsmóti ungmenna og fullorðinna árið 2025 úthlutað og mun mótið fara fram á Brávöllum á Selfossi dagana 26-29 júní.

Leiðin að gullinu - Menntahelgi

Mon, 11 Nov 2024 14:56:00 GMT

Leiðin að gullinu

Helgin 30. nóvember - 1. des 2024 verður sannkölluð menntahelgi í reiðhöllinni í Víðidal. Á laugardeginum munu A-landsliðknaparnir okkar vera með kennslusýningar og á sunnudeginum verða tvær stórglæsilegar sýningar þar sem annarsvegar munu koma fram knapar í U21 landsliðinu og hinsvegar knapar í hæfileikamótun LH.

Þetta er frábært tækifæri fyrir fróðleiksþyrsta hestamenn að skyggnast inn í aðferðafræði landsliðsknapanna okkar, fræðast um þjálfun þeirra með hesta sína og skyggnast inn í undirbúning þeirra í upphafi vetrar.

Nú er HM ár framundan, og íslenska landsliðið komið á fullt í sinn undirbúning og ætlar svo sannarlega ekki að láta sitt eftir liggja þegar á hólminn er komið.

Takið helgina frá, notið tækifærið og sækið ykkur fróðleik hjá knöpum á hæsta stigi reiðmennskunnar og styrkið landsliðið okkar til dáða inn í mikilvægt tímabil.

Föstudagskvöldið 30. nóv mun verður upphitun fyrir helgina, en þá mun fara fram PubQuiz í reiðhöllinni í Víðidal sem enginn hestamaður vill missa af.

Leiðin að gullinu - Menntahelgi

Mon, 11 Nov 2024 14:56:00 GMT

Nú er HM ár framundan, og íslenska landsliðið komið á fullt í sinn undirbúning og ætlar svo sannarlega ekki að láta sitt eftir liggja þegar á hólminn er komið.

Takið helgina frá, notið tækifærið og sækið ykkur fróðleik hjá knöpum á hæsta stigi reiðmennskunnar og styrkið landsliðið okkar til dáða inn í mikilvægt tímabil.

Föstudagskvöldið 30. nóv mun verður upphitun fyrir helgina, en þá mun fara fram PubQuiz í reiðhöllinni í Víðidal sem enginn hestamaður vill missa af.

Kaupa miða

Netkosning LH Félagi ársins

Mon, 11 Nov 2024 14:45:34 GMT

LH – félagi ársins eru hvatningarverðlaun fyrir sjálfboðaliða og félaga hestamannafélaga sem vinna fórnfúst og óeigingjarnt starf í þágu hestamennskunnar.

Stjórn LH óskaði eftir tilnefningum frá aðildarfélögum LH að félaga ársins, ásamt rökstuðningi fyrir valinu og er það nú í höndum félagsmanna að kjósa hver verður valinn sem félagi ársins.

Félagi ársins er einstaklingur sem:

Eftirfarandi eru tilnefndir til LH-félaga ársins fyrir óeigingjarnt starf í þágu hestamanna.

Kristín Thorberg - Funa

Kristín Thorberg er fædd 13. nóvemver 1948. Býr í Litla-Dal Eyjafjarðarsveit, með kindur og stundar hrossarækt, ásamt þvi að eiga hesthús á Melgerðismelum þar sem hún er með tamingakonu á sínum snærum.

Kristín hefur verið félagsmaður Funa í tæp 50 ár. Starfað sem stjórnarmaður og í flestum nefndum félagsins í gegnum tíðina. Hefur unnið ómetanlegt sjálfboðaliðastarf meira en margur annar og alltaf boðin og búin að græja og gera fyrir Funa. Árið 2010 á 50 ára afmæli félagsins var Kristín gerð að heiðursfélaga Funa ásamt manni sínum Jónasi Vigfússyni heitnum. Á sjálfan brúðkaupsdag þeirra hjóna, fóru þau að safna áheitum fyrir Bæjakeppni Funa sem hefur verið fest á þeirra degi á sjálfri Jónsmessunni 24. júní ár hvert. Á síðustu Bæjakeppni var Kristín elsti knapinn. Kristín hefur einnig verið ötul í æskulýðsstarfi Funa, verið mikill stuðningur í nefndinni og hvatt nýja nefndarmenn áfram ásamt því að smita sinn kærleika og metnað fyrir félagsstarfinu til annara félagsmanna og ætíð haft hagsmuna Funa að leiðarljósi.

Funi á Kristínu óendanlega mikið að þakka.

Ragnheiður Þorvaldsdóttir - Herði

Sannur Harðarfélagi í áratugi. Hefur sinnt öllum hliðum hestamennsku, er keppnisknapi, menntaður reiðkennari og þjálfari, áhugamanneskja um TREK og hestaferðir. Fer árlega á fjall að smala á hestunum sínum og hefur sjálf ræktað hross árum saman.

Hún hefur verið mjög virk í mótanefnd Harðar í fjölda ára og hefur eftir verið tekið elju og vinnusemi á því sviði.

Hún mætir manna fyrst á mót til að sinna verkefnum sem þarf til að mót séu haldin, vinnur sem þulur eða ritari og stekkur líka til og kaupir mat fyrir starfsfólk móta. Hún fer svo ekki heim fyrr en búið er að ganga frá öllu, það eru leiðnlegu verkin sem fáir vilja sinna.

Íslandsmót yngri flokka í sumar hefði orðið mun snúnara í framkvæmd ef ekki hefði Ragnheiður þar gengið í öll verk myrkra á milli. Jafnt við undirbúning sem vinnu á mótinu sjálfu, grasslátt, innkaup og þularstörf.

Á sumum mótum er hún jafnframt keppandi og ekki síður móðir barna sinna sem eru að keppa. En gengur samt alltaf til allra verka sem sinna þarf.

Hún hefur lagt sig fram um að klæðast Harðarjakka í keppni og hvatt sitt fólk til að gera slíkt. Fer gjarnan í farabroddi í fánareið eða öðrum samsettum hópreiðum sem farnar eru á vegum félagsins.

Ef það er ekki starfandi árshátíðarnefnd til dæmis þá stekkur Ragnheiður til og safnar liði og setur saman ógleymanlega skemmtun. Hvetur alla til að taka þátt og dregur leggur sig fram um að skemmta öðrum. Hún fer í reiðtúra sem skipulagðir eru á vegum Harðar hvort sem það er kvennareiðnefnd eða ferðanefnd sem skipuleggur, lengri og skemmri túra.

Ragnheiður hefur kennt ýmis almenn námskeið hjá félaginu sínu og um allt land en ekki síður hefur hún sérhæft sig í „öðruvísi“ nálgun í hestamennskunni, að hafa gaman og vinna með hestinn sinn á annan hátt en hefðbundið þykir. Hún hefur sett saman námskeið sem var kallað sirkusnámskeið undir áhrifum frá Pat Parelli. Það námskeið hefur svo þróast í námskeið í að verða góður leiðtogi hestsins í gegnum þrautir sem parið leysir saman, hvort sem útkoman verður „sirkushestur“ eða ekki. Allt unnið af frjálsum vilja hestins, jafnt til skemmtunar og til að bæta samband manns og hest og ekki síður til að bæta líkamsbeitingu hestsins og umhverfisþjálfa.

Það hefur enginn breiðara bros eða léttari lund og hún er boðin og búin að aðstoða þá sem þurfa. Ragnheiður er óspör á að hrósa fólki og leggur sig fram við að gera það fallega og þó ekkert sérstakt standi til, það hittir fólk vel. Félagshjartað hennar er stórt og hún mætir á nær alla viðburði félagsins og ber merki þess víða af stolti og jákvæðni.

Ragnheiður er svo sannarlega vel að viðurkenningu komin og er útnefnd félagsmaður ársins 2024 hjá hestaíþróttafélaginu Herði.

Sigurlína Erla Magnúsdóttir - Skagfirðingi

Hestamannafélagið Skagfirðingur tilnefnir Sigurlínu Erlu Magnúsdóttur til LH félaga ársins.

Sigurlína hefur unnið mikið og óeigingjarnt starf í þágu félagsins í mörg ár. Hún kom inn í stjórn Skagfirðings árið 2021, Meistaradeildar KS árið 2020 og stjórn reiðhallarinnar á Sauðárkróki (Flugu) árið 2022 sem formaður og og er enn í dag.

Sigurlína er “JÁ” manneskjan okkar, hún er alltaf boðin og búin til að aðstoða hvar sem þess gerist þörf. Hún er einn af drifkröftum okkar í reiðhöllinni ásamt því að standa vaktirnar í sjoppunni við fjáröflunar starfið. Sigurlína hefur staðið vaktina við marga viðburði og mót á vegum Skagfirðings þar á meðal framkvæmdanefndum fyrir Íslandsmót og Landsmót.

Hún er jákvæð, drífandi og mjög svo óeigingjörn á sinn tíma fyrir félagið.

Kjósa LH félaga ársins

Þáttakendur í Hæfileikamótun LH 2024

Thu, 07 Nov 2024 11:14:00 GMT

Hæfileikamótun LH hefur nú verið starfrækt í á 5 ár og er hluti af þrískiptri afreksstefnu LH ( A -landslið, U21 , Hæfieikamótun ). Tilgangurinn er að efla uppbyggingu afreksstarfs hestaíþrótta og efla færni efnilegra knapa í unglingaflokki (14-17 ára) sem stefna á að ná árangri í hestaíþróttum. Yfirþjálfari hæfileikamótunar er Sigvaldi Lárus Guðmundsson.

Í Hæfileikamótun er lögð áhersla á að bæta og auka skilning á líkamsbeitingu knapa og samspili knapa og hests. Að auki er unnið með hugræna þætti svo sem markmiðasetningu, sjálfstraust og hugarfar sem nýtast þeim í að byggja sig upp sem íþróttamenn. Er þetta fyrsta skref og undirbúningur fyrir mögulega keppni með U -21 árs landsliðinu.

Starfið hefst í september og stendur yfir fram á vor mánuði. Fyrsti viðkomu staður í Hæfileikamótun er ferð að Hólum þar sem þátttakendur fá strax tengingu við Háskólaumhverfið. Þá er knöpum í Hæfileikamótun boðið upp á fræðslu í formi fyrirlestra frá fagaðilum úr íþróttahreyfingunni. Auk þess fá þátttakendur einkatíma með reiðkennara sem fylgist með framvindu knapa og hest og aðstoðar parið við setja sér markmið fyrir komandi keppnistímabil. Síðast en ekki síst er lögð rík áhersla á hópefli og samvinnu innan hópana.

Aðsókn í Hæfileikmótun er mikil og því miður komast færri að en vilja, í ár líkt og í fyrra eru starfræktir tveir hópar í Hæfileikamótun. Til að koma á móts við þá sem ekki voru valin í hina hópana var settur á laggirnar B -hópur sem er hugsaður til þessa að veita innsýn inn í starfið og undirbúa þátttakendur fyrir starf hæfileikamótunar seinna meir.

Þátttakendur í hæfileikamótun 2024-25 eru:

Óskað er eftir tilnefningum fyrir reiðkennara ársins 2024

Tue, 05 Nov 2024 13:46:00 GMT

Menntanefnd LH óskar eftir tilnefningum fyrir reiðkennara ársins 2024.

Skilyrðin fyrir tilnefningunni eru:

* Verður að vera skráður í hestamannafélag á Íslandi.
* Verður að vera innan Feif Matrixunnar level 1, 2, 3 eða 4 (sjá https://www.feif.org/education-dept/trainers/ )
* Verður að vera starfandi reiðkennari. 

Dæmi um reiðkennara sem geta hlotið tilnefningar:

* Reiðkennari sem hefur sýnt fram á miklar framfarir hjá nemendum á hvaða stigi eða sviði sem er.
* Reiðkennari sem er með frumkvöðlahugsun, gert eitthvað nýtt eða öðruvísi t.d. nýstárlega nálgun í almennri kennslu eða rafkennslu.
* Reiðkennari sem gerir frábæra hluti með börnum, fötluðum eða keppnisknöpum.
* Reiðkennari sem stuðlar sérstaklega að nýliðun í hestamennsku.
* Reiðkennari sem stuðlar sérstaklega að velferð hesta. 

Tilnefningunni skal fylgja ástæða fyrir því að þér finnst viðkomandi eiga skilið titilinn “Reiðkennari ársins” - Ekki má tilnefna nátengda aðila þ.e.a.s. fjölskyldumeðlimi, maka, börn o.s.frv.

Það er menntanefnd LH sem velur úr tilnefningum og setur út netkosningu á vefsíðu LH. Sá reiðkennari sem fær flest atkvæði í netkosningu innanlands er svo fulltrúi Íslands í alþjóðlegri netkosningu Menntanefndar FEIF sem setur atkvæðagreiðslu í gang. Sá eða sú sem vinnur atkvæðagreiðslu FEIF hlýtur titilinn, “Reiðkennari ársins 2024”.

Tilnefningar þurfa að berast í síðasta lagi 12. nóvember.

Vinsamlegast sendið tilnefningarnar á lh@lhhestar.is

Nýr A landsliðshópur kynntur

Wed, 30 Oct 2024 15:22:00 GMT

Landsliðisþjálfari A Landsliðsins, Sigurbjörn Bárðarson hefur lokið við að velja knapa í landsliðshóp. Framundan er stórt verkefni, HM í Sviss í ágúst. Í hópnum eru 5 ríkjandi heimsmeistarar en alls telur hópurinn 20 knapa sem hafa bæði árangurinn og hest sem stendur til boða í verkefnið. Guðmunda Ellen er eini nýji knapinn í hópnum en hún er ríkjandi Íslandsmeistari í fjórgangi. Ísland á sjö sæti á HM og rétt er að taka fram að knapar sem ekki eru valdir að þessu sinni eiga jafn mikinn möguleika og allir aðrir til að sanna sig á undirbúningstímabili sem og á komandi keppnistímabili til að ávinna sér sæti í landsliðshópnum og fara alla leið.

Þann 30. nóvember næstkomandi munu knapar úr landsliðshópnum vera með kennslusýningar og verður ákaflega spennandi að sjá hópinn koma saman og setja tóninni fyrir komandi tímabil.

Hér má kynna sér hópinn í heild sinni:

Ríkjandi heimsmeistarar:

Benedikt Ólafsson Hestamannafélagið Hörður

Benedikt varð tvöfaldur heimsmeistari á HM í Hollandi 2023 í gæðingaskeiði og samanlögðum fimmgangsgreinum ungmenna.

Frammistaða hans í gæðingaskeiði mótsins var eftirminnileg og hefði dugað honum til silfurverðlauna í fullorðinsflokki mótsins.

Elvar Þormarsson, Hestamannafélagið Geysir

Elvar er tvöfaldur heimsmeistari frá því í Hollandi 2023 á Fjalladísi frá Fornusöndum. Þau sigruðu gæðingaskeið og 250 m skeið.

Glódís Rún Sigurðardóttir, Hestamannafélagið Sleipnir

Glódís er ríkjandi heimsmeistari í fimmgangi Ungmenna á Sölku frá Efri-Brú eftir frábæra frammistöðu í Hollandi.

Jóhanna Margrét Snorradóttir, Hestamannafélagið Máni

Jóhanna Margrét og Bárður frá Melabergi voru einar skærustu stjörnur síðustu ára í Íslandshestaheiminum og eru ríkjandi heimsmeistarar í tölti og samanlögðum fjórgangsgreinum.

Sara Sigurbjörnsdóttir, Hestamannafélagið Fákur

Sara rak smiðshöggið á farsælan feril síns og Flóka frá Oddhóli með því að verða heimsmeistari í fimmgangi á HM í Hollandi 2023.

Aðrir landsliðsknapar:

Ásmundur Ernir Snorrason, Hestamannafélagið Geysir

Ásmundur hefur átt frábæru gengi að fagna á liðnu ári í slaktaumatölti á henni Hlökk frá Strandarhöfði og fimmgangsgreinum á Aski frá Holtsmúla.

Daníel Gunnarsson, Hestamannafélagið Skagfirðingur

Danni hefur á undanförnum árum sýnt og sannað að hann er orðinn sérfræðingur og listaknapi í skeiðgreinum. Hann átti frábært ár á skeiðbrautinni með Strák frá Miðsitju og Kló frá Einhamri.

Guðmunda Ellen Sigurðardóttir, Hestamannafélagið Sleipnir

Guðmunda Ellen skaust á árinu upp á stjörnuhiminninn með frábærum sýningum í fjórgangi á Flaum frá Fákshólum og er Íslandsmeistari í fjórgangi 2024.

Gústaf Ásgeir Hinriksson, Hestamannafélagið Fákur

Gústaf hefur á árinu verið sterkur í tölti og fjórgangi á Össu frá Miðhúsum og í skeiðgreinum á Sjóði frá Þóreyjarnúpi.

Hans Þór Hilmarsson

Hans og Ölur frá Reykjarvöllum eru Íslandsmeistarar í fimmgangi á árinu 2024, og jafnframt hefur Hansi átt góðu gengi að fagna í skeiðgreinum.

Helga Una Björnsdóttir, Hestamannafélagið Þytur

Helga Una er með sterkan og breiðan árangur í tölti og slaktaumatölti á árinu.

Hinrik Bragason, Hestamannafélagið Fákur

Hinrik og Trú frá Árbakka eru afa sigursælt par í gæðingaskeiði og sigruðu greinina meðal annars á Landsmóti 2024.

Jakob Svavar Sigurðsson, Hestamannafélagið Dreyri

Jakob Svavar átti frábært ár á íþróttabrautinni á árinu 2024. Hann er íþróttaknapi ársins og sigraði töltið á Landsmóti 2024 með glæsibrag á Skarpi frá Kýrholti.

Páll Bragi Hólmarsson, Hestamannafélagið Jökull

Páll Bragi og Vísir frá Kagaðarhóli eru orðnir eitt af sterkari pörum landsins í tölti. Þeir sigruðu T1 á Reykjavíkurmeistaramóti Fáks 2024 og voru í úrslitum stærstu móta ársins í greininni.

Ragnhildur Haraldsdóttir, Hestamannafélagið Sleipnir

Ragga og Úlfur frá Mosfellsbæ eru eitt af sterkari pörum landsins í tölti og fjórgangi.

Sigursteinn Sumarliðason, Hestamannafélagið Sleipnir.

Sigursteinn og Krókus frá Dalbæ eru Íslandsmeistarar í 250 m skeiði og eiga besta tíma ársins 2024 í greininni.

Teitur Árnason, Hestamannafélagið Fákur

Teitur er sterkur knapi í öllum greinum með breiðan árangur síðastliðin ár með hóp sterkra hesta.

Þorgeir Ólafsson, Hestamannafélagið Borgfirðingur

Þorgeir hefur á árinu 2024 átt góðu gengi að fagna í ýmsum greinum. Hann var í a-úrslitum í fjórgangi og fimmgangi á Íslandsmóti 2024 ásamt því að vera sterkur í skeiðgreinum á árinu.

Þórarinn Ragnarsson, Hestamannafélagið Jökull

Þórarinn átti frábært ár í fimmgangi með Herkúles frá Vesturkoti og vann til silfurverðlauna á Landsmóti og Íslandsmóti í greininni ásamt því að vera sterkur í skeiðgreinum á árinu.

Viðar Ingólfsson, Hestamannafélagið Fákur

Viðar er atkvæðamikill knapi og hefur átt góðu gengi að fagna með fjölda hesta á árinu 2024. Hæst ber að nefna sterkan samalagðan árangur á Vigra frá Bæ sem hefur verið sterkur í fimmgangi en var einnig í úrslitum á Íslandsmóti í tölti, ásamt því að vera atkvæðamikill í T2 á Þormari frá Neðri-Hrepp.

Linda Björk Gunnlaugsdóttir er nýr formaður LH

Sat, 26 Oct 2024 19:23:00 GMT

Þá er 64. Landsþingi Landssambands hestamannafélaga lokið. Fyrir þinginu lágu 40 mál. Þingforseti var Valdimar Leó Friðriksson. Þingið fór afskaplega vel fram og á Borgfirðingur hrós skilið fyrir skipulagningu og umgjörð.

Á þinginu var kosið til formanns og var það Linda Björk Gunnlaugsdóttir sem var rétt kjörinn formaður og er hún fyrsta konan til að gegna því embætti.

Í Aðalstjórn eru:

Þórhildur Katrín Stefánsdóttir (173 atkvæði)

Unnur Rún Sigurpálsdóttir(172 atkvæði)

Ólafur Gunnarsson (170 atkvæði)

Sóley Margeirsdóttir (163 atkvæði)

Ólafur Þórisson (157 atkvæði),

Sveinn Heiðar Jóhannesson (118 atkvæði)

Í varastjórn eru:

1. Varamaður: Sigurbjörn Eiríksson (151 atkvæði)

2. Varamaður: Reynir Atli Jónsson (148 atkvæði)

3. Varamaður: Ragnhildur Gísladóttir (146 atkvæði)

4. Varamaður: Hilmar Guðmannsson (141 atkvæði)

5. Varamaður: Jón Þorberg Steindórsson (95 atkvæði)

Við þökkum öllum þinggestum og starfsmönnum þingsins fyrir vel unnin störf og hlökkum til þingsins á Akureyri árið 2026.

Átta hlutu Gullmerki LH

Fri, 25 Oct 2024 15:47:10 GMT

Á landsþingi voru 8 einstaklingum veitt Gullmerki LH. Það voru þau: Halldór Sigurðsson, Gunnar Örn Guðmundsson, Sigríður Jóna Kristjánsdóttir, Jóní na Stefánsdóttir, Guðmundur Sveinsson, Helga Claessen, Pálmi Guðmundsson og Sigurður Ævarsson.

Allir þessir félagar hafa unnið ötullega að framgangi hestamennskunnar á Íslandi hvert á sinn hátt og eru mikilvægir félagsmenn í sínum félögum sem og landssambandinu okkar. Hestamenn þakka þessu fólki fyrir sitt óeigingjarna starf og óska þeim til hamingju með gullmerki sitt.

Hér að neðan má kynna sér þessa einstaklinga betur.

Halldór Sigurðsson

Halldór Sigurðsson var alinn upp í Þverholtum og var þar stórt hestabú, svo hann hefur stundað hestamennsku frá ungum aldri og vann fyrir hrossaræktunarsamband Vesturlands. Halldór Sigurðsson hefur verið virkur gæðingadómari í 44 ár. Hann var stjórnarmaður í stjórn gæðingadómarafélagsins og kenndi á vegum gæðingadómarafélagsins um árabil. Halldór var í formennsku og stjórn hestamannafélagsins Skugga og starfaði í nefndum til fjölda ára. Þá var Halldór einnig í stjórn hestamannafélagsins Borgfirðings og er ennþá í nefndum á vegum félagsins.

Halldór Sigurðsson er hér með sæmd gullmerki LH

Gunnar Örn Guðmundsson

Gunnar hefur sinnt sem dýralæknir þjónustu við hestamenn í Borgarfirði síðastliðin 46 ár. Hann var lengi í stjórn Hestamannafélagsins Faxa og síðan formaður félagsins um nokkurra ára skeið. Á formannstíð hans var meðal annars unnið við undirbúning og síðar byggingu á glæsilegri reiðhöll hestamannafélaganna Faxa og Skugga í Borgarnesi, sem var mikið verkefni fyrir svo fámenn félög. Flest öll verk voru unnin í sjálfboðavinnu félagsmanna, sem kallaði á mikið skipulag og eftirfylgni. Reiðhöllin hefur reynst mikil lyftistöng fyrir hestamennsku í héraðinu og um allt Vesturland. Í formannstíð Gunnars var mikli áhersla lögð á fræðslu og þjálfun, sérstaklega barna og unglinga.

Gunnar Örn Guðmundsson er hér með sæmdur gullmerki LH

Sigga á Grund

Sigríður Jóna Kristjánsdóttir, betur þekkt sem Sigga á Grund, Listakonan sem sker íslenska hestinn út í tré, horn og hvaltennur og hefur verið eitt helsta nafn íslenskrar listasögu þegar kemur að tréskurði.

Verk hennar eru einstök og hafa mikil áhrif á bæði íslenskt menningarlíf og hestamennsku. Sigga er þjóðþekkt fyrir það hvernig hún skapaði útskornar myndir af íslenskum hestum á öllum sínum fimm gangtegundum. Þetta hefur hún gert með ótrúlegri nákvæmni og þekkingu á byggingu og hreyfingum hestsins, sem hefur fangað aðdáun bæði hestamanna og listunnenda.

Sigga á Grund hefur skapað sér einstaka stöðu í íslenskri listasögu. Verk hennar, sem endurspegla djúp tengsl hennar við íslenska hestinn og hestamennsku, munu halda áfram að lifa og veita innblástur komandi kynslóðum.

Sigríður Jóna Kristjánsdóttir er hér með sæmd gullmerki LH

Jónína Stefánsdóttir

Jónína Stefánsdóttir hefur verið í hestamannafélaginu Stíganda í Skagafirði frá 1972. Jónína hefur starfað mikið á stórmótum og verið óhrædd við að hlaupa í hin ýmsu störf. Hvort heldur sem við afgreiðslu í sjoppunni á Vindheimamelum, passa stóðhestahús, kalla inná keppnisbraut og/eða annað tilfallandi.

Jónína gekk í stjórn Stíganda 2004 og gegndi stöðu formanns frá 2008 - 2016. Jónína hafði þá einnig starfað í nefnd sem vann að sameiningu Skagfirsku félaganna Stíganda, Léttfeta og Svaða en ferlið tók 2 ár og varð að lokum hestamannafélagið Skagfirðingur. Jónína hefur verið formaður reiðveganefndar síðan 2008 og er enn. Loks var Jónína í Torfgarðsnefnd í áratug með vörslu á stóðhestum og gætir eigna þar. Um er að ræða jörð sem Skagfirðingur á með litlu samkomuhúsi og hesthúsi. Jónína hlaut starfsmerki UMFÍ árið 2012.

Jónína Stefánsdóttir er hér með sæmd gullmerki LH.

Guðmundur Sveinsson

Guðmundur fór fyrst í nefnd 15 ára gamall fyrir Hestamannafélagið Léttfeta, árið 1975. Hann hefur síðan þá starfað nánast óslitið í stjórnum og nefndum fyrir hestamenn og er enn í nefnd fyrir sitt félag. Þetta spannar því nánast 50 ár af nefndarstörfum.

Guðmundur sat í stjórn Hestaíþróttasambands Íslands þegar sambandið fær inngöngu inn í ÍSÍ. Guðmundur var formaður hestamannafélagsins Léttfeta um árabil. Hann sat í stjórn Vindheimamela til martra ára og var fulltrúi Léttfeta í sameininganefnd Skagfirsku Hestamannafélaganna. Hann fylgdi stofnun Hestamannafélagsins Skagfirðings úr hlaði sem fyrsti formaður félagsins og er einn af stofnendum KS deildarinnar og sat í stjórn hennar í áratug.

Einnig sat hann í stjórn Flugu og Hrossaræktarsambands Skagafjarðar. Guðmundur hlaut starfsmerki UMFÍ árið 2006.

Guðmundur Sveinsson er hér með sæmdur gullmerki LH.

Helga Claessen

Helga Claessen hefur tengst félagsstörfum frá unglingsárum. Hún stofnaði ásamt hópi unglinga á höfuðborgarsvæðinu hestamannafélagið Rauð árið 1974 en félagsmenn voru unglingar á höfuðborgarsvæðinu sem voru óánægð með hestastarf sem í boði var fyrir unglinga og töldu lítið gert fyrir þennan aldurshóp, engin keppni né aðrir viðburðir. Hugurinn var svo mikill og stofnun þessa félags gekk svo langt, að félagsmenn fengu að vera með áheyrnarfulltrúa á Landsþingi hestamanna sem þá var haldið. Þetta félag lifði í nokkur ár, en var fyrsti vísir að stofnun unglingadeildar Fáks. Helga starfaði í mörg ár í íþróttadeild Fáks. Hún var fulltrúi Fáks á landsþingum hestamanna í yfir 20 ár og í kjörnefnd til fjölda ára. He lga er gæðingadómari og var í stjórn GDLH í mörg ár.

Helga Claessen hér með sæmd gullmerki LH.

Pálmi Guðmundsson, Lækjarbrekku Hornafirði

Pálmi Guðmundsson hefur verið félagsmaður í hestamannafélaginu Hornfirðingi frá árinu 2002 og frá sama tíma félagsmaður og stjórnarmaður í Hornafjarðardeild – Félagi hrossabænda.

Pálmi hefur sinnt ýmsum trúnaðarstörfum fyrir Hornfirðing, meðstjórnandi, ritari og formaður í stjórn. Hann var einnig í forsvari fyrir ýmsum nefndum á vegum félagsins, t.d. mótanefnd, firmanefnd og æskulýðsnefnd en Hornfirðingur hlaut einmitt æskulýðsbikar LH árið 2020, fyrir starfsárið 2019-2020. Enn Pálmi hefur verið ötull stuðningur við æskulýðsstarf barna- og unglinga á Hornafirði.

Pálmi tók þátt í undirbúningsvinnu og framkvæmd fjórðungsmótanna árið 2013 og 2019 að Fornustekkum. Pálmi hefur sinnt fjölmörgum öðrum verkefnum fyrir Hornfirðing svo sem uppbyggingarstarfi og sjálfboðavinnu við framkvæmdir við reiðhöll, ásamt hópi félaga úr Hornfirðingi. Hann hefur komið að vinnu við samninga við sveitarfélagið um eignarhald og afnot á reiðhöll. Hann hefur komið að vinnu við félagshesthús Hornfirðinga, uppbyggingarstarfi og sjálfboðavinnu við framkvæmdir og rekstur þess.

Pálmi Guðmundsson er hér með sæmdur gullmerki LH.

Sigurður Ævarsson

Sigurður Ævarsson hefur um áratugaskeið starfað að félagsmálum hestamanna og má segja að móta- og keppnismál séu eitt af hans stóru áhugamálum. Sigurður eða Siggi Ævars, eins og hann er ávallt kallaður, hefur setið í stjórn hestamannafélagsins Sörla og jafnframt gegnt stöðu formanns félagsins.

Siggi hefur setið í stjórn Landssambands hestamannafélaga og verið varaformaður sambandsins og er fráfarandi formaður Keppnisnefndar Lh. Samkvæmt bestu upplýsingum þá hefur Siggi verið starfandi í nefndum á vegum Lh, sleitulaust frá árinu 1996. Siggi hefur verið í stjórn Gæðingadómarafélagsins og í stjórn HÍDÍ.

Siggi er einn af þeim aðilum sem stóðu að stofnun Meistaradeildar æskunnar og hefur hann í störfum sínum ávallt lagt áherslu á þátttöku æskunnar í keppni og mótum og reynt að gera veg þeirra sem mestan.

Sigurður Ævarsson er hér með sæmdur gullmerki LH.

Sprettur hlýtur æskulýðsbikarinn!

Fri, 25 Oct 2024 15:26:00 GMT

Hinn eftirsótti Æskulýðsbikar Landssambands hestamannafélaga (LH) er afhentur því félagi sem skarað hefur þótt fram úr í æskulýðsstarfi á árinu og hefur verið afhentur frá árinu 1996. Valið byggir á ársskýrslum æskulýðsnefnda félaganna, sem sendar eru inn til æskulýðsnefndar LH á haustin og hefur nefndin það verkefni að velja handhafa bikarsins og byggist valið á innsendum skýrslum.

Þetta er ein sú æðsta viðurkenning sem hægt er að hlotnast fyrir æskulýðsstarf félaganna og metnaðarfullt æskulýðsstarf skiptir gríðarlegu máli fyrir framtíð greinarinnar því þaðan kemur framtíðar grasrót félaganna. Æskulýðsstarfið er lang mikilvægasta starf hvers félags.

Í ár voru skýrslurnar 11 talsins. Það er alltaf skemmtilegt að lesa skýrslurnar og ekki skemmir þegar þær innihalda myndir úr starfinu. Um leið og nefndin þakkar fyrir innsendar skýrslur vill nefndin hvetja fleiri félög að senda inn skýrslur æskulýðsnefnda því þær gefa nefndinni annars vegar upplýsingar um hvað er um að vera hjá félögunum og hins vegar eru þær mikilvægur hugmyndasjóður fyrir önnur félög.

Það var virkilega gott að sjá í skýrslunum hve mikið og öflugt starf fer fram hjá félögunum. Það er alltaf gaman að sjá hvað félögin eru dugleg að bjóða upp á hina ýmsu viðburði fyrir æskuna, jafnt með og án hesta. Í skýrslunum mátti sjá öflugt og gott æfinga- og námskeiðahald hjá félögunum. Mörg félög stóðu fyrir reglubundnum æfingum, almennum reiðnámskeiðum, keppnisnámskeiðum og knapamerkjanámið virðist alltaf vera jafn vinsælt. Félagshesthúsum fer fjölgandi um landið, sem opnar möguleika þeirra sem ekki hafa bakland í hestamennsku að stunda íþróttina. Einnig gleður það okkur að sjá að félög eru að bjóða upp á sýningar þar sem æskan fær að njóta sýn.

Áfram halda félögin að stíga skref í þá átt að líta á sig sem íþróttafélög og bjóða upp á markvissar æfingar, líkt og gert er í öðrum íþróttagreinum. Nefndin telur það skref í rétta átt fyrir íþróttina og að með þeirri stefnu muni greinin vaxa, vera samkeppnishæfari og dafnar til framtíðar.

Það er ávalt vandasamt verk að velja handhafa bikarsins, enda þarf ávalt að hafa í huga stærð hvers félags og meta starfið út frá stærð þess og meta fjölbreytileika starfsins með það í huga hvert bolmagn hvers félags. Það félag sem þykir hafa staðið upp úr í ár hefur verið með virkt starf allt frá stofnun félagsins og hefur mikill metnað verið lagður í starf undanfarin ár. Félagið hefur sífellt verið að bæta starf sitt, horfir mjög vítt á starfið og er umhugað um alla æsku félagsins, hvort sem um er að ræða áhugaknapa, keppnisknapa eða þau sem eru að stíga sín fyrstu skref í sportinu. Félagið hefur staðið vel að nýliðin og hefur starfið vaxið og dafnað ár frá ári nú um nokkurra ára skeið. Árangur starfsins sést vel í fjölgun félagsmanna og mikillar nýliðunar.

Félagið stóð fyrir tugum viðburða fyrir alla aldurshópa að meðtöldum námskeiðum og æfingum ásamt því að reka félagshesthús. Þau byrjuðu starfið sitt strax á haustmánuðum sem gerir starf þeirra að heils vetrarstarfi. Sjá má í skýrslunni þeirra að þau eru dugleg að bjóða upp á fjölbreytta viðburði og hugsa út fyrir kassann. Meðal þess sem okkur fannst athyglisvert er að þau stóðu að skipulögðum reiðtúrum fyrir yngri kynslóðina, þar á meðal fyrir polla. Þau stóðu fyrir ferð þar sem gist var, riðið út og farið í leiki. Þau virkja krakkana með sér og eru annars vegar með barna- og unglingaráð og hins vegar með ungmennaráð sem opnar fyrir ungu kynslóðina að hafa áhrif á æskulýðsdagskránna. Það var meðal annars til þess að staðið var fyrir reiðnámskeiðferð eingöngu ætlað ungmennum. Ekki síður vakti athygli nefndarinnar að félagið uppfyllti óskir yngri félagsmanna og fóru með hóp yngri félagsmanna í ferð erlendis til að sjá hestasýningu sem krakkarnir söfnuðu fyrir með ýmiskonar fjáröflun.

Það sem nefndinni fannst ekki síst áhugavert og tekur undir með ungu kynslóð félagsins er að sjá önnur félög stofna yngri flokka ráð og myndum við, sem nú sitjum í æskulýðsnefnd gjarnan vilja láta draum þeirra rætast sem er að haldið verði Landsþing yngri flokka.

Félagið sendi inn vandaða og vel upp setta 18 blaðsíðna skýrslu. Félagið telur á annað þúsund félagsmenn þar sem um helmingur tilheyrir yngri flokkum félagsins og var stofnað árið 2012.

Handhafi Æskulýðsbikars Landssambands hestamannafélag 2024 er Hestamannafélagið Sprettur í Garðabæ og Kópavogi.

Til hamingju Sprettarar!

Landsþing Landssambands hestamanna er hafið

Fri, 25 Oct 2024 14:37:50 GMT

Í dag er sett 64. landsþing Landssambands hestamannafélaga. Þingið fer fram í Borgarnesi dagana 25. og 26. október 2024. Þingð hófst á samsöng þinggesta og er hægt að sjá þau tilþrif á samfélagsmiðlinum Instagram.

Hér er hægt að nálgast öll þinggöng

Dagskrá

Föstudagur 25. október

13.00

1. Þingsetning
2. Kosinn þingforseti, varaþingforseti, þingritari og varaþingritari
3. Æskulýðsbikar LH afhentur
4. Félagar heiðraðir
5. Kjörbéfanefnd skilar áliti
6. Skýrsla stjórnar
7. Ársreikningar og fjárhagsáætlun
Kaffihlé
8. Landsmót 2024 og LM ehf.
9. Afreksmál LH
10. Kjör þingnefnda
11. Tillögur til þingsins lagðar fram og vísað til nefnda

16.00 Þinghlé – þingnefndir starfa
19.00 Kvöldverður
20.00 Framhald nefndafunda ef þörf krefur

Laugardagur 26. október

09.00

12. Þingnefndir skila áliti, umræður og atkvæðagreiðsla
Kaffihlé
Framhald þingfundar

12.00 Hádegisverður

12.45

13. Hestavelferð
14. Agamál – siðareglur, hegðunarmál
15. Reiðvegamál
15.00 Kaffihlé
15.15 16. Kynning á framboðum til stjórnar
17. Kosning stjórnar, varastjórnar og löggilts endurskoðanda
18. Kosning fulltrúa á íþróttaþing ÍSÍ
19. Önnur mál

17.00

20. Þingslit
19.00 Þingslitafögnuðu

Dagskrá og kynningar á frambjóðendum

Thu, 24 Oct 2024 11:04:00 GMT

Nú styttist í Landsþing LH sem mun fara fram í Borgarnesi um helgina.

Dagskrá þingsins má finna hér

Tveir einstaklingar sækjast eftir embætti formanns en það eru þau Guðni Halldórsson, Hestamannafélaginu Herði og Linda Björk Gunnlaugsdóttir, Hestamannafélaginu Spretti . Fjóla Kristinsdóttir hefur dregið framboð sitt til baka.

Með því að smella á nöfn viðkomandi frambjóðenda má kynna sér þá betur. Nokkir frambjóðendur hafa ekki enn haft tök á að skila inn kynningu en þær verða birtar um leið og þær berast.

Framboð til aðalstjórnar:

Valdimar Ólafsson, Hestamannafélaginu Dreyra hefur dregið framboð sitt til baka.

Framboð til varastjórnar:

Hægt er að kynna sér málefni þingisins hér: Landsþing | Landssamband hestamannafélaga

Samningar um Landsmót 2028 og 2030 undirritaðir

Wed, 23 Oct 2024 16:24:00 GMT

Stjórn LM ehf. hefur gengið frá samningi við mótshaldara landsmóta 2028 og 2030 um mótahaldið.

Landsmót 2028 verður haldið á Rangárbökkum dagana 3. til 9. júlí og Landsmót 2030 verður haldið á Félagssvæði Fáks Reykjavík dagana 1. til 7. júlí 2030.

Það voru þeir Hákon Hákonarson formaður LMehf. og Guðni Halldórsson varamaður í LM ehf. sem undirrituðu samninginn f.h. LMehf. og Gústaf Ásbjörnsson stjórnarformaður Rangárbakka ehf. og Sóley Margeirsdóttir stjórnarkona í Rangárbökkum ehf. og Hjörtur Bergstað formaður Fáks f.h. mótshaldara.

Síðustu tvö landsmót sem haldin voru á þessum tveimur svæðum, voru bæði ákaflega vel heppnuð, vel skipulögð og aðsókn með besta móti. Á báðum stöðum er mikil og góð reynsla af því að halda Landsmót og getum við hestamenn því farið að hlakka til næstu Landsmóta.

Þess má geta að næsta landsmót verður haldið af Hestamannafélaginu Skagfirðingi á Hólum sumarið 2026.

Fyrsta úrtak U21 árs landsliðshópsins

Wed, 23 Oct 2024 10:13:00 GMT

Á næsta ári er stóra verkefni landsliðsins HM íslenska hestsins í Sviss. Þangað ætlum við með okkar allra sterkustu keppnispör frá Íslandi. Einungis sjö ungmenni verða valin til keppni og hafa tvö af þeim nú þegar unnið sér inn keppnisrétt eftir góðan árangur á síðasta Heimsmeistaramóti.

Með þetta stóra verkefni í huga mun áhersla landsliðsþjálfara á árinu 2025 vera sú að einungis sterkustu pörin (knapi og hestur) sem bjóðast hverju sinni verði í landsliðshópnum. Einnig skal landsliðsþjálfari hafa í huga góða breidd innan hópsins til að geta sent sterk pör til leiks í allar greinar. Að þessu sinni voru valin 14 pör (knapi og hestur) sem þykja skara fram úr að mati landsliðsþjálfara og bjóðast í verkefnið.

Rétt er að taka fram að knapar sem ekki eru valdir að þessu sinni eiga jafn mikinn möguleika og allir aðrir til að sanna sig á undirbúningstímabili sem og á komandi keppnistímabili til að ávinna sér sæti í landsliðshópnum og fara alla leið.

Landsliðsþjálfari mun fylgjast grannt með stöðu mála og ekki hika við að bæta knöpum í hópinn.

Hér eru knaparnir í fyrsta úrtaki U21 árs landsliðshópsins fyrir árið 2025:

Fanndís Helgadóttir, hestamannafélagið Sörli

Íslandsmeistari í fimmgangi unglinga og slaktaumatölti unglinga.

1.sæti á Reykjavíkurmeistaramóti í fimmgangi, slaktaumatölti og gæðingaskeiði unglinga.

Býður hesta sína Sprota frá Vesturkoti og Ötul frá Narfastöðum

Guðmar Hólm Ísólfsson, hestamannafélagið Þytur

Íslandsmeistari í 100m skeiði ungmenna og Norðurlandameistari í B-flokki ungmenna.

1.sæti á Reykjavíkurmeistaramóti í 100m skeiði.

Býður hesta sína Alviðru frá Kagaðarhóli og Gretti frá Hólum.

Hekla Rán Hannesdóttir, hestamannafélagið Sprettur

A-úrslita knapi í tölti ungmenna á Íslandsmóti og fjórgangi ungmenna á Íslandsmóti.

Býður hest sinn Grím frá Skógarási.

Herdís Björg Jóhannsdóttir, hestamannafélagið Sprettur

Heimsmeistari í tölti ungmenna frá síðasta Heimsmeistaramóti.

A-úrslita knapi í slaktaumatölti ungmenna á Íslandsmóti.

Býður Kjarnveigu frá Dalsholti og Skorra frá Vöðlum.

Hulda María Sveinbjörnsdóttir, hestamannafélagið Sprettur

A-úrslita knapi í fjórgangi ungmenna á Íslandsmóti og slaktaumatölti ungmenna á Íslandsmóti.

Býður hesta sína Muninn frá Bergi og Lifra frá Lindarlundi.

Jón Ársæll Bergmann, hestamannafélagið Geysir

Heimsmeistari í fjórgangi ungmenna og samanlögðum fjórgangsgreinum frá síðasta Heimsmeistaramóti.

1.sæti á Reykjavíkurmeistaramóti í tölti og fimmgangi ungmenna.

Íslandsmeistari í tölti, fimmgangi og 150m skeiði ungmennaflokki.

Landsmótssigurvegari í fimmgangi.

Býður hesta sína Hörpu frá Höskuldsstöðum og Heiður frá Eystra-Fróðholti.

Kristján Árni Birgisson, hestamannafélagið Geysir

Íslandsmeistari í gæðingaskeiði ungmenna og 2.sæti í 100m skeiði ungmenna á Íslandsmóti.

Býður hesta sína Kröflu frá Syðri-Rauðalæk og Súlu frá Kanastöðum.

Lilja Dögg Ágústsdóttir, hestamannafélagið Geysir

2.sæti í gæðingaskeiði ungmenna á Íslandsmóti og 5.sæti í 100m skeiði á Íslandsmóti.

Býður hest sinn Stanley frá Hlemmiskeiði.

Lilja Rún Sigurjónsdóttir, hestamannafélagið Fákur

Íslandsmeistari unglinga í gæðingaskeiði og 1-2.sæti í slaktaumatölti unglinga á Íslandsmóti.

Býður hesta sína Arion frá Miklholti og Heiðu frá Skák.

Matthías Sigurðsson, hestamannafélagið Fákur.

Norðurlandameistari í A-flokki ungmenna.

Landsmótssigurvegari í ungmennaflokki.

1.sæti á Reykjavíkurmeistaramóti í 250m skeiði.

A-úrslitaknapi á Íslandsmóti ungmenna í tölti og fimmgangi.

Býður hesta sína Magneu frá Staðartungu og Tuma frá Jarðbrú.

Sigurður Baldur Ríkharðsson, hestamannafélagið Sprettur

A-úrslitaknapi í slaktaumatölti ungmenna á Íslandsmóti.

Býður hesta sína Loft frá Traðarlandi og Trymbil frá Traðarlandi.

Védís Huld Sigurðardóttir, hestamannafélagið Sleipnir

Norðurlandameistari í fimmgangi ungmenna

A-úrslitaknapi í tölti, slaktaumatölti og fimmgangi ungmenna á Íslandsmóti.

Býður hesta sína Breka frá Sunnuhvoli og Ísak frá Þjórsárbakka.

Þórey Þula Helgadóttir, hestamannafélagið Jökull

A-úrslitaknapi í fimmgangi ungmenna á Íslandsmóti og fjórgangi ungmenna á Íslandsmóti.

Íslandsmeistari í samanlögðum fjórgangsgreinum ungmenna.

Býður hesta sína Hröfnu frá Hvammi og Kjalar frá Hvammi

Þórgunnur Þórarinsdóttir, hestamannafélagið Skagfirðingur

Íslandsmeistari í samanlögðum fimmgangsgreinum ungmenna.

A-úrslitaknapi í fimmgangi ungmenna og 4.sæti í gæðingaskeiði ungmenna á Íslandsmóti.

Býður hest sinn Djarf frá Flatatungu.

Hæfileikamótun heimsótti Hóla

Tue, 22 Oct 2024 14:20:00 GMT

Um liðna helgi fóru helmingur þátttakenda í Hæfileikamótun að Hólum, hinn hluti hópsins mun einnig fara norður, en vegna fjölda þátttakenda þarf að hafa hópinn tvískipta . Ferðin markar upphaf vetrarstarfsins og nýtist vel til að hrista hópinn saman. Sigvaldi Lárus Guðmundsson er yfirþjálfari Hæfileikamótunar.

Á Hólum var að vanda vel tekið á móti krökkunum og hófst formleg dagskrá á laugardagsmorgni en þá tók Atli Guðmundsson á móti hópnum en hann ásamt Caro Böse og Sigvalda sáu um kennsluna.

Alls fengur þátttakendur fjóra reiðtíma, tvo með Atla þar sem farið var yfir mörg grunnatriði í reiðmennsku. Caro Böse tók fyrir sætisæfingar þar sem áhersla var lögð á ásetu og jafnvægi og Sigvaldi var með kennslu í skeiði þar sem hver þátttakandi fékk að prufa tvo mismunandi skeiðhesta. Þar var líka farið í hvernig á að undirbúa hest fyrir skeið og hvað þarf að vera til staðar í upphafi og enda skeiðspretts.

Kennslunni lauk svo með sýnikennslu frá Atla þar sem hann mætti með ungan keppnishest frá sér og sagði frá því hvað hann er að gera með honum í þjálfun.

Þá fengu þátttakendur einnig rúman tíma til að leika sér í körfubolta og fótbolta auk þess sem tekist var á í spurningakeppni að reiðkennslu lokinni.

Á sunnudag var stoppað á Nautabúi í Hjaltadal hjá Þórarni Eymundssyni og konu hans Sigríði Gunnarsdóttur á Nautabúi þar sem boðið var upp á frábæra sýnikennslu um upphaf vetrar þjálfunar á ungri hryssu í eigu dætra þeirra ásamt því að rölta um hesthúsið þar sem sagt var frá þeim og dagsdaglega lífinu á bænum.

Frá formanni LH

Fri, 18 Oct 2024 12:00:00 GMT

Frá því að ég hóf að starfa fyrir hestafólk fyrir um sjö árum, fyrst í landsliðsnefnd og síðar sem formaður LH, hef ég lagt nánast allan þann tíma sem ég hef átt aflögu í það að reyna að vinna hestafólki og hestaíþróttinni í sínum víðasta skilningi, gagn. Ég hef starfað af heiðarleika, einurð og samviskusemi að framgangi hestamennskunnar í landinu öllu og kappkostað að hafa fagmennsku, samvinnu og sátt sem meginstef í starfi mínu, eins og í lífinu.

Ég hef gefið það út að ég sé tilbúinn til að leiða okkar mikilvægu samtök áfram og á von á því að þingfulltrúar á landsþingi sýni mér það traust að veita mér áframhaldandi brautargengi til þeirra starfa.

Þó að ég telji næsta víst að flest hestafólk þekki til verka minna og minna stjórna á undanförnum árum þá tel ég ekki óeðlilegt að stinga niður penna í aðdraganda landsþings og stikla þar á því helsta sem upp kemur í hugann. Slík upptalning verður þó aldrei annað en stutt yfirlit af því helsta og augljóst að eitthvað gleymist, enda verkefnin óteljandi.

Samstaða og samvinna

Í gegn um tíðina hefur fólki verið tíðrætt um sundrungu innan hreyfingarinnar. Ég hef í störfum mínum lagt áherslu á að sameina hestafólk um land allt og draga ekki taum eins hóps frekar en annars. Þeir sem mig þekkja vita að ég er bæði fastur fyrir en einnig afar lipur samningamaður, enda starfað við samningagerð í 20 ár við góðan orðstýr.

Stór liður í þessu er sú nýlunda sem ég kom á og fólst í því að formaður og stjórn fari í reglulegar fundaferðir um landið þar sem við hittum stjórnarfólk í hestamannafélögunum, segjum frá starfi sambandsins og hlustum eftir því hvað brennur á félögunum vítt og breytt um landið.

Ég held að flest séum við sammála um að sjaldan hafi verið uppi jafn mikil sátt og samstaða innan LH eins og nú. Sundrung og óeining er það síðasta sem hestafólk þarf á að halda og hef ég ekki minnstu trú á að það sé vilji hins almenna hestamanns í landinu.

Afreksmál

Eins og áður segir þá kem ég fyrst inn í starf LH í gegn um landsliðsnefnd, haustið 2017. Ég er ekki viss um að margir átti sig á þeim gríðarlega árangri sem náðst hefur á þeim vettvangi frá þeim tíma sem liðinn er. Vissulega hafði verið unnið frábært starf í landsliðsnefnd og landsliðin okkar oft náð góðum árangri undir stjórn góðra þjálfara. Þegar ég kom í landsliðsnefnd var starfrækt landslið í kring um stórmót og en ekki hafði verið byggt upp markvisst afreksstarf á ársgrundvelli. Afrekshópur yngri knapa hafði verið settur á laggirnar en var heldur illa sóttur, einhverra hluta vegna.

Á sama tíma tilkynnti Afrekssjóður ÍSÍ um að LH hefði verið fært niður í C flokk þróunarsambanda og að afreksstyrkir sambandsins yrðu mjög lágir. Þar var þetta, eitt stærsta sérsamband landsins komið í hóp með mörgum af minnstu sérsamböndum og var uppgefin ástæða sú að lítið sem ekkert formlegt afreksstarf væri í gangi hjá sambandinu.

Niðurstaða þeirrar vinnu sem ráðist var í á þessum tíma var að endurskipuleggja afreksstarf LH frá a-ö. Mikilvægur þáttur í því var að endurhugsa stöðu knapa í landsliðinu. Sett voru á stofn tvö landslið sem störfuðu á árs grundvelli. A-landslið og U-21 árs landslið. Megin breytingin fólst þó í því að fókusinn var settur á knapann sem íþróttamann. Leitað var í smiðju annarra íþrótta hvað þetta varðar, öll aga- og hegðunarviðmið sett til samræmis við aðrar íþróttagreinar og áhersla lögð á virðingu fyrir sjálfum sér, liðsfélögum, starfsfólki og þjálfurum auk þess sem andleg og líkamleg heilsa knapa var sett í forgrunn.

Árangurinn af þessu starfi hefur skilað undraverðum árangri og má segja að í dag séu starfræktir þrír afreks- eða landsliðshópar á árs grundvelli.

Fyrst er að nefna hæfileikamótun LH sem er hugsuð fyrir efnilega keppnisknapa á aldrinum 14-17 ára. Ásókn í starfið hefur farið stigvaxandi og er nú kennt í tveimur hópum. Vetrastarf hæfileikamótunar hefst á ferð á Hóla þar sem hópurinn fær innsýn inn í námið þar, sýnikennslu og reiðkennslu hjá kennurum skólans.

Markmið hæfileikamótunar LH er að hjálpa þeim að verða betri þjálfarar og reiðmenn en einnig að kynnast landsliðsumhverfinu og verða að flottum fyrirmyndum fyrir aðra unga knapa.

Þátttakendur úr hæfileikamótun eru þegar farin að skila sér inn í afreksumhverfið og vakti það athygli á Landsmótinu í sumar hversu stór hluti knapa í úrslitum í unglingaflokki eru þátttakendur í hæfileikamótun. Einnig verður að hrósa uppeldisstarfinu í félögunum og sá metnaður sem augljóslega er settur í barna- og unglingastarf hestamannafélaganna er að skila sér í þessum miklu framförum sem hafa átt sér stað í yngri flokkum. Kynslóðabilið verður sífellt minna þar sem okkar yngstu keppendur eru þegar farnir að narta í hælana á eldri og reynslumeiri knöpum. Að byggja upp afreksstarf í íþróttum er flókið og vandasamt verk. Hvað þá í íþrótt þar sem ekki einungis þarf að hafa í huga að efla og styrkja knapann heldur líka hestinn. Á þessu móti sannaðist það að með markvissu og metnaðarfullu starfi er hægt að byggja undir heimsklassa árangur. Yfirþjálfari hæfileikamótunar er Sigvaldi Lárus Guðmundsson.

Hér eru nokkur mögnuð dæmi af árangri knapa hæfileikamótunar í unglingaflokki í sumar:

LANDSMÓT
13 af 15 knöpum í úrslitum
22 af 30 knöpum í milliriðli

ÍSLANDSMÓT
T1 - 10 efstu
V1 - 10 efstu
T4 - 9 af 10 efstu
F2 - 9 af 10 efstu
PP1 - 8 af 10 efstu
100m. - 9 af 10 efstu
Gæðingatölt 9 af 10 efstu

RVK. MEISTARAMÓT
T3 - 10 efstu
V2 - 10 efstu
T4 - 5 af 6 efstu
F2 - 4 af 6 efstu
PP1 - 8 af 10 efstu
P2 - 9 af 10 efstu

U21 starfið undir stjórn Heklu Katharínu Kristinsdóttur hefur einnig skilað gífurlegum árangri og sést það til að mynda á árangri U21 landsliðsins á nýafstöðnu Norðurlandamóti. Þar vöktu ungmennin verðskuldaða athygli fyrir frábæran árangur, öll á lánshestum fyrir utan einn knapa. Okkar ungu knapar á mótinu voru í hvívetna dásömuð fyrir seiglu og reiðmennskuhæfileika en þau náðu víðast hvar að blanda sér í toppbaráttuna og voru alls staðar til fyrirmyndar bæði innan og utan vallar. Árangurinn talar sínu máli með 3 gull, 6 silfur og 3 brons í ungmennaflokki mótsins.

Þá átti U21 landsliðið gífurlega gott mót á HM 23 þar sem allir keppendur komust á pall og allir nema einn lönduðu heimsmeistaratitli í sinni grein og skyldu hreinlega aðrar þjóðir eftir.

A- landslið Íslands undir stjórn Sigurbjörns Bárðarsonar er flaggskip afreksstarfsins og hefur náð undraverðum árangri og eru framfarir undanfarinna ára augljósar. Á HM23 í Hollandi náði A-landsliðið lang besta árangri sem íslenskt lið hefur náð á HM hingað til. Árangur liðsins er ekki hvað síst eftirtektarverður fyrir þær sakir að nær allir knapar liðsins voru að keppa á sínum fyrstu heimsleikum í fullorðins flokki. Þetta sýnir þá breidd sem við höfum yfir að ráða og einnig að nýliðun í afreksstarfinu er farin að skila sér upp á hæsta stig. Ég tel ljóst að við séum rétt farin að sjá glitta í þær framfarir sem eiga eftir að eiga sér stað á næstu árum.

Það er ekki hægt að nefna afreksstarfið öðruvísi en að minnast á þá fagmennsku, liðsheild, gleði og samheldni sem einkennir liðin okkar. Rétt er að nefna líka þátt landsliðsnefndar, en án slíkra sjálfboðaliða værum við klárlega ekki að tala um svo glæstan árangur sem raun ber vitni.

Landsmót

Þegar ég tók við sem formaður voru nokkrir reynslumeiri einstaklingar gjarnir á að benda mér á að það væri lítið mál að vera formaður þangað til kæmi að umræðum um næstu landsmótsstaði. Raunin varð hins vegar sú að búið er að úthluta og semja um landsmótsstaði til næstu ára og það í nær fullkominni sátt. Þetta getur eingöngu gerst með því að halda uppi virku samtali, hlusta á vilja félagsmanna og ná sátt um málin fyrirfram.

Landsmót í Víðidal s.l. sumar var án nokkurs vafa eitt glæsilegasta landsmót sem haldið hefur verið! Þar sneru tvö stærstu hestamannafélög landsins saman bökum eftir að í ljós kom á vormánuðum að hestamannafélagið Sprettur treysti sér ekki til að halda mótið á félagssvæði sínu. Það var aðdáunarvert að sjá samstöðu félagsmanna þegar þessi staða kom upp undir styrkri forystu formanna og stjórna félaganna.

Landsmót er einn stærsti íþrótta- og menningarviðburður sem haldinn er hér á landi! Landsmót eru fjöregg okkar hestafólks sem við þurfum að hlúa vel að um ókomna tíð.

Það sýndi sig á landsmóti að áhugi á hestamennskunni eykst með hverju árinu. Sjaldan hafa jafn margir mætti á mótið, en talið er að 10.000 manns hafi setið í brekkunni þegar mest var. Þá eru ótaldir þeir sem horfðu á útsendingar RÚV og Alendis bæði innan lands og utan.

Stemmningin í þéttsetinni brekkunni var einstök! Í veðurblíðu er fátt eins dásamlegt eins og horfa á bestu gæðinga og knapa landsins sýna listir sínar. Stuðningurinn úr brekkunni, spennan og gleðin var allt að því áþreifanleg. Munu flestir þeirra sem þar sátu lifa á minningunni um þetta mót um ókomna tíð. Orkan sem stafaði frá mannfjöldanum þegar úrslit í tölti voru riðin í kvöldsólinni á laugardagskvöldinu var ógleymanleg, þvílík gleði og stemning!

Að öllu öðru ólöstuðu verður þó að segjast að það sem stóð upp úr eru stórkostlegar framfarir í yngri flokkunum, þar sem reiðfærni fjölmargra yngri keppenda var með þeim hætti að aldrei áður hefur annað eins sést. Er þar klárlega að þakka öflugu starfi innan hestamannafélaganna og almennt innan sambandsins.

Framkvæmd móta eins og t.d. Landsmóts væri ómöguleg nema vegna þess ótrúlega mannauðs sem býr í sjálfboðaliðum hestamannafélaganna.

Markaðs-, kynningar- og nýliðunarmál

Það er áskorun að ýta undir nýliðun i hestamennskunni þegar keppt er um um athygli og tíma fólks öllum stundum og úr öllum áttum, sér í lagi fyrir íþrótt eins og okkar sem er dýr og nokkuð óaðgengileg á margan hátt. Það voru því gleðitíðindi að sjá í nýútkominni tölfræði ÍSÍ að félögum í hestamannafélögum hefur fjölgað um 10% á milli ára. Er þetta mesta fjölgunin meðal 10 stærstu íþróttagreinanna ÍSÍ. Þá gleður það einnig hversu jöfn kynjaskipting er í íþróttinni okkar. Hestamennska er fjórða stærsta íþróttin, sé tekið mið af fjölda skráðra iðkenda, en gera má ráð fyrir að töluvert fleiri stundi hestamennsku en þeir sem skráðir eru í hestamannafélög landsins.

Í sífellt hraðara umhverfi þar sem flæði upplýsinga er mikið þarf að halda vel utan um kynningarmál bæði til að ná til nýrra áheyrenda og þeirra sem hafa alla tíð haldið tryggð við hestamennskuna. Við hjá sambandinu höfum reynt að mæta þessu og hefur skrifuðum fréttum á heimasíðunni fjölgað um 40% á tímabilinu auk þess sem sýnileiki á samfélagsmiðlum hefur aukist um 200% og hlutfall þeirra sem opna síðu sambandsins á Facebook aukist um 500%.

Þá hef ég sem formaður, ásamt starfsfólki og öðrum, lagt mikla áherslu á sýnileika í fjölmiðlum og mætt á ófáa fundi með það að markmiði að koma hestaíþróttinni í almenna fjölmiðla. Hefur það tekist ágætlega og t.a.m. hefur RÚV verið með töluvert af beinum og óbeinum útsendingum frá mótum okkar á undanförnum árum. Svo sem Íslandsmótum, Landsmóti, HM, Reykjavíkurmeistaramótum o.s.frv.

Þá hef ég sem formaður verið duglegur að mæta fyrir hönd okkar hestafólks í þau viðtöl í sjónvarpi, útvarpi og netmiðlum sem hægt hefur verið og aldrei skorast undan viðtölum þó oft á tíðum séu óþægileg eða erfið mál til umfjöllunar. Enda er það hlutverk formanns LH að vera talsmaður samtakanna og undir þeirri ábyrgð hef ég reynt að rísa.

Viðburðir eins og Miðbæjarreiðin sem ég stóð fyrir að endurvekja og hef barist fyrir með kjafti og klóm, t.d. gagnvart borgarskipulaginu, hefur vakið mikla og verðskuldaða athygli en hefur jafnframt sýnt hversu mikilvægt er að við stöndum í lappirnar og gefum ekkert eftir í því að taka okkur rými.

Eitt af tækifærum okkar til að auka nýliðun í hestamennsku er í gegnum svokölluð félagshesthús. Nýliðunarnefnd tók saman hvernig þessu hefur verið háttað og birti samantekt sem var bæði send á formenn og birt á heimasíðu LH. Þá skiptir miklu máli að halda vel utan um æskulýðsmálin og er það ljóst af skýrslum æskulýðsnefnda að víða er ákaflega blómlegt barna- og æskulýðsstarf. Þá hafa ungir fulltrúar hestamannafélagana verið áhugasamir um þátttöku í erlendum verkefnum svo sem Youth Camp og Youth Cup sem haldin eru á vegum FEIF. Þá hefur æskulýðsnefnd LH hafið undirbúning og skipulagningu Youth Camp hér á landi næsta sumar.

Jafnrétti

Þegar ég bauð mig fyrst fram sagði formaður eins af stóru hestamannafélögunum að ég hefði flest til brunns að bera til að verða góður formaður, fyrir utan það að ég væri ekki kona. Ég svaraði að ég gæti líklega ekki breytt því en ég myndi sýna það að ég hefði jafnrétti í fyrirrúmi í öllum mínum störfum. Það hef ég gert. Ég hef kappkostað að reyna að leiðrétta þann kynjahalla sem í áratugi hefur einkennt viðurkenningar og heiðranir sambandsins. Í dag er stjórn LH í fyrsta skipti skipuð konum í meirihluta, bæði í aðal- og varastjórn, en ég hef verið duglegur að hvetja konur til framboðs. Konur eru í meirihluta í starfsliði sambandsins og svo mætti lengi telja. Ég tel kynjajafnrétti vera eitthvað sem alltaf þarf að hafa í huga, sér í lagi í stórum félagasamtökum og um það mun ég standa vörð, hér eftir sem hingað til.

Mótamál

Í fundarferð stjórnar um landið kom fram skýrt ákall frá hestamannafélögunum um að móta,- og dómaramál yrðu tekin fastari tökum innan sambandsins. Í framhaldinu var ráðinn sérhæfður starfsmaður móta,- og afreksmála. Hefur tilkoma starfsmannsins náð að auka verulega fagmennsku og stuðning við hestamannafélögin, bæði í mótahaldi og verið félögunum innan handar með aðstoð og ráðgjöf. Þá hafa verið haldnir fundir og kynningar fyrir mótshaldara sem nýst hafa vel. Hlutverk mótasviðs sambandsins er að vera þjónustuaðili við félögin í landinu með sérfræðiþekkingu á mótahaldi, regluverki og öðru tengdu mótamálum, ásamt því að vinna að stefnumótun í málefnum mótahalds í greininni til framtíðar, hafa yfirsýn yfir sviðið og vinna tillögur að endurbótum í hinum ýmsu málum tengdum mótahaldinu. Er þetta afar mikilvægt starf sem þarf að efla enn frekar á næstu árum.

Tölvu- og upplýsingamál

Á síðustu árum hafa orðið miklar og hraðar framfarir í stafrænni upplýsingagjöf til hestamanna undir forystu tölvunefndar. Má þar nefna samstarf við Horseday, Alendis, Eiðfaxa, framsetningu upplýsinga á skjám á landsmóti o.s.frv., allt með það fyrir augum að bæta upplýsingagjöf til hestafólks um allan heim. Enn er stefnt að miklum framförum og uppbyggingu á þessu sviði og er sú vinna í fullum gangi.

Öryggismál

Lögð hefur verið mikil áhersla á öryggismál í tíð núverandi stjórnar enda eru öryggismál okkur mjög mikilvæg. Eitt af því sem hefur vakið mikla athygli eru myndbönd öryggisnefndar en á árinu voru gefin út tvö slík. Annað um mikilvægi þess að yfirfara reiðtygi en hitt um mikilvægi þess að nýta þann öryggisbúnað sem í boði er, sérstaklega hjálma. Auk þess hefur Öryggisnefndin verið ötul í því að benda á þegar knapar án hjálma eru nýttir í auglýsingar eða sjónvarpsefni.

Þá hefur öryggisnefndin einnig gefið út viðbragðsáætlun vegna höfuðhögga sem framkvæmdaaðilum móta hefur verið kynnt og gæti átt eftir að koma í veg fyrir alvarlegan skaða sem hlotist getur af röngum viðbrögðum við slysum.

Ofbeldi og áreitni

Mikill tími og orka hefur farið í það að reyna að uppræta ofbeldi, einelti og annað áreiti innan hreyfingarinnar. Þetta er eitt af þeim verkefnum sem eru flókin, erfið og oft á tíðum lítt skemmtileg. Þessi verkefni eru þó að sama skapi afar mikilvæg enda á það að vera krafa okkar sem samfélags að allir okkar iðkendur eigi að geta treyst því að geta stundað íþrótt sína án þess að eiga á hættu að verða fyrir ofbeldi eða áreiti og að tekið sé hart á slíkum málum ef þau koma upp.

Alþjóðamál er sá málaflokkur sem oft gleymist en er engu að síður afar mikilvægt að sinna vel. Ísland á að vera í fararbroddi í alþjóðlegu umhverfi Íslandshestamennskunnar og mikilvægt að sinna því vel. Ég hef sem formaður lagt mikla áherslu á að byggja upp tengingar og sambönd á alþjóðasviðinu og tel að rödd okkar heyrist vel. Öflugt starf hefur verið á vegum formanna Norðurlanda, og höfum fundað nokkrum sinnum á árinu, síðast nú í byrjun október, til að undirbúa tillögur fyrir FEIF-þing í janúar.

Betur má þó ef duga skal og er nú unnið að því hörðum höndum að styrkja stöðu Íslands enn frekar á alþjóðavettvangi og byggja á þeim samböndum sem hafa myndast.

Reiðvegamál

Hestamennska er ekki bara stunduð af keppnisknöpum. Langflestir félagsmenn í hestamannafélögunum eru það vegna ástríðu sinnar fyrir íslenska hestinum og almennum útreiðum, enda er hestamennska lífstíll og samofin menningu okkar.

Eitt það mikilvægasta fyrir okkur hestamenn er að standa vörð um reiðvegina okkar en þeir eru líkt og golfvellir golfarans. Þetta eru okkar íþróttamannvirki og ber að umgangast þá sem slíka. Það skiptir miklu máli að við hestamenn stöndum vörð um reiðgöturnar okkar en þar mætum við sífellt nýjum áskorunum og var því þátttaka formanns í samgönguþingi nú á haustdögum einkar mikilvægt innlegg í það samtal.

Samningur náðist einnig við Vegagerðina um lagningu reiðvega þar sem stofn- eða tengivegir eru lagðir bundu slitlagi. Samningurinn er tímamótasamningur sem mun án efa koma okkur hestamönnum vel.

Hestavelferð

Hestavelferð er undirstaða þess að hestamennskan geti þróast sem íþróttagrein til framtíðar. Hestavelferð þarf að endurspeglast í öllum okkar störfum og eru menntamálin þar ákaflega mikilvægur hlekkur. Menntanefnd LH hélt í samstarfi að Horses of Iceland námskeið sem rúmlega 400 manns sóttu þar sem fjallað var um ýmis málefni tengd hestavelferð. Það er okkar mat að LH þurfi að vera leiðandi í umræðunni um hestavelferð og vera í virku samtali með Háskólasamfélaginu um það sem betur má fara í þessum málaflokki.

Hólaskóli og LH gerðu með sér samkomulag um stóraukið samstarf haustið 2023 en skólinn hefur verið brautryðjandi í námi og rannsóknum á sviði reiðmennsku á íslenska hestinum og hefur það að markmiði að efla námið og rannsóknirnar enn frekar.

Við sem landssamband þurfum þó að gera enn betur á þessu sviði og setja fókusinn enn frekar á hestvæna og sanngjarna reiðmennsku í keppni. Það gerum við með meiri og betri menntun dómara þar sem það eru dómarar sem leggja línurnar og setja viðmiðin. Sett hefur verið af stað markviss og metnaðarfull vinna í þessu samhengi sem mun án efa skila okkur enn hraðari framförum í reiðmennsku og dómgæslu.

Kostnaður og rekstur

Ein af áskorunum þeirra sem standa að baki félagsstarfi líkt og haldið er úti á vegum hestamannafélagana er kostnaðarliðurinn. Nefnd á vegum stjórnar tók saman alla þá opinberu styrki sem hestamannafélögin geta nýtt sér og kynnti fyrir formönnum og gjaldkerum félagana með það fyrir augum hjálpa til við fjáröflun og nýjungar í starfinu.

Það er líka áskorun fyrir félag eins og LH að standa undir eins viðamiklu starfi og raun ber vitni. Í stjórn LH eru 12 einstaklingar sem sinna verkefnum sínum fyrir sambandið í sjálfboðavinnu auk þess sem það eru þrír starfsmenn á skrifstofu, þar af bara einn í 100% starfi. En til samanburðar má nefna að hjá þeim félögum innan ÍSÍ sem eru með álíka umfangsmikið starf, starfa á bilinu 5-9 starfsmenn og hjá þýska Íslandshestasambandinu IPZV starfa 9-10 manns.

Að lokum

Ég er stoltur af sambandinu okkar og tel að við eigum öll að vera það. Við getum borið höfuðið hátt. Það hefur margt áunnist þó að enn sé af nægu að taka og verkefnin fram undan mörg, krefjandi og spennandi.

Ég vil þakka frábærri og samheldinni stjórn fyrir sitt framlag í þágu okkar hestafólks. Öllu nefndafólki, en í nefndum sambandsins starfar mikill fjöldi fólks og leggur þar fram óeigingjarnt starf í þágu okkar allra.

Starfsfólk LH eru klettarnir sem halda starfinu gangandi og tel ég á engan hallað þó að ég leyfi mér að fullyrða að sjaldan eða aldrei hafi skrifstofa LH verið mönnuð jafn frábæru, duglegu og kláru starfsfólki.

Þá erum við einstaklega heppin með það fólk sem valist hefur til starfa fyrir landsliðin okkar, eins og árangur þeirra ber vitni um.

Stórt samband eins og LH getur ekki vaxið og dafnað nema þeir sem innan þess starfa séu boðnir og búnir til að leggja sitt af mörkum og tilbúnir til að nálgast verkefnin með jákvæðum og uppbyggjandi hætti. Við hestafólk erum heppin með að það hefur okkur tekist á undanförnum árum.

Í krafti samtakamáttarins eigum við eftir að byggja ofan á það góða starf sem verið hefur unnið og ná enn betri árangri á næstu árum!

Skrauthólum á Kjalarnesi
Guðni Halldórsson
Formaður Landssambands hestamannafélaga

Benedikt Líndal hlýtur heiðursmerki LH

Mon, 14 Oct 2024 15:18:47 GMT

Benedikt Líndal hlaut heiðursmerki LH á uppskeruhátíð hestafólks sem fram fór í Gullhömrum þann 12. október. Guðni Halldórsson formaður LH veitti honum viðurkenninguna og flutti við það tilefni þessi orð: Benedikt er tamingameistari FT og hefur verið brautryðjandi í kennslu, tamningum og þjálfun íslenska hestsins. Hann hefur starfað sem reiðkennari við Landbúnaðarháskólana bæði á Hvanneyri og á Hólum og stundað reiðkennslu hérlendis og erlendis við góðan orðstír. Benedikt eða Benni eins og hann er alla jafnan kallaður hefur verið frumkvöðull í þróun hestvænnar hestamennsku og tamningaaðferða. Sem kennari er áhersla hans alltaf á velferð hestsins í því flókna samspili sem samskipti manns og hests eru. Nemendur hans læra að skilja betur tungumál og tjáningarmáta hestsins hegðun hans og þarfir.

Fjölgar um 10% milli ára

Mon, 14 Oct 2024 14:48:00 GMT

Nú á dögunum birtist ný tölfræði yfir aldurs og kynjaskiptingu þátttakenda í íþróttastarfi á vegum ÍSÍ. Landssamband hestamannafélaga er fjórða stærsta sérsambandið með alls 13697 skráða þátttakendur árið 2023 og fjölgaði þeim um 10 prósent á milli ára og er það mesta fjölgunin innan 10 stærstu íþróttagreinanna.

Ef litið er til þátttöku kynjanna, 18 ára og eldri eru 4690 konur sem stunda hestamennsku og 4642 karlmenn. Ef við lítum hins vegar á yngri en 18 ára þá eru 2933 stúlkur sem stunda hestamennsku og 1429 drengir. En fá sérsambönd geta státað af jafn jöfnu kynjahlutfalli heilt yfir líkt og LH.

Hestamennskan hefur einnig einna jafnasta hlutfall milli þátttakenda undir 18 ára aldri og yfir en 68% þátttakenda er kominn á fullorðins aldur og 32 er á barnsaldri. Einungis Blaksambandið er með jafnari tölfræði með 54% þátttakenda yfir 18 ára aldri.

Hafa skal í huga að þessi tölfræði nær einungis yfir þá hestamenn sem skráðir eru í hestamannafélög, en líklegt er að fjöldinn allur stundi hestamennsku að staðaldri án þess að vera með virka félagsaðild og hvetjum við auðvitað alla hestamenn að tryggja að þeir séu skráðir í félag.

Skoða má samanburð gagna hér: Samanburður gagna 2023 - 2022 (isi.is)

Knapi ársins 2024

Sat, 12 Oct 2024 22:00:00 GMT

Á Uppskeruhátíð LH voru krýndir bestu knapar ársins 2024 og keppnishestabú ársins valið.

Að baki valinu er valnefnd sem er skipuðuð fjölbreyttum hópi og þar eiga fulltrúa stjórn LH, GDLH, HÍDÍ, FT og fjölmiðlar. Við val á knöpum ársins skal tekið tillit til árangurs á árinu: ástundunar, prúðmennsku og íþróttamannlegrar framkomu innan vallar sem utan, sem og reglusemi. Knapi ársins í hverjum flokki er valinn sá sem talinn er hafa náð framúrskarandi árangri á sviði reiðmennsku og frammistaða hans sé álitin hestaíþróttinni til framdráttar, hvort sem um er að ræða eitt afgerandi afrek, eða frábæran árangur í mörgum greinum á mörgum mótum. Við val þeirra sem viðurkenningar hljóta skal gaumgæfa árangur jafnt hér heima sem erlendis (WR mót og stórmót).

Knapi ársins er Árni Björn Pálsson

Árni Björn er fjölhæfur afreksknapi og var árangur hans á árinu 2024 ótrúlegur. Hæst ber að nefna sigur í A-flokki gæðinga á Landsmóti þar sem hann og Álfamær áttu frábærar sýningar en þau eru einnig í þriðja sæti á stöðulista í gæðingaskeiði. Átti Árni Björn einnig eftirminnilegar sýningar á Seðli frá Árbæ í A flokki. Árni Björn er Íslandsmeistari í tölti á Kastaníu frá Kvistum, hlutu þau silfurverðlaun á Landsmóti í sömu grein og eru efst á WR listanum í þessari grein í ár. Hann náði góðum árangri á skeiðbrautinni á hestum sínum Ögra frá Horni og Þokka frá Varmalandi.

Árni Björn Pálsson er einstakur afreksknapi, sönn fyrirmynd fyrir elju sína, jákvæðni og fagmennsku í hvívetna og hlýtur hann því nafnbótina “Knapi ársins 2024”.

Íþróttaknapi ársins er Jakob Svavar Sigurðsson.

Jakob vann stóra sigra á árinu í tölti en meðal annars er hann tvöfaldur Íslandsmeistari þar sem hann sigraði slaktaumatölt á Hrefnu frá Fákshólum og gæðingaskeið á Erni frá Efri-Hrepp. Jakob sigraði tölt á Landsmóti með Skarpi frá Kýrholti með einkunnina 9.39!

Jakob Svavar er með frábæran heildarárangur í íþróttakeppni á árinu 2024 og hlýtur nafnbótina “Íþróttaknapi ársins.”

Aðrir tilnefndir eru:

Árni Björn Pálsson

Árni Björn er Íslandsmeistari í tölti á Kastaníu frá Kvistum með einkunnina 9,11. Þetta par var einnig í öðru sæti í tölti á Landsmóti og er efst á stöðulista í þeirri grein á landinu yfir árið. Árni Björn hlaut reiðmennskuverðlaun FT á Íslandsmóti fyrir sýningu sína í forkeppni í tölti á Kastaníu.

Ásmundur Ernir Snorrason

Ásmundur Ernir varð meðal annars Íslandsmeistari í samanlögðum fjórgangsgreinum á Hlökk frá Strandarhöfði en þau sigruðu einnig slaktaumatölt á Landsmóti og standa efst á stöðulista í þeirri grein. Ásmundur er einnig Íslandsmeistari í samanlögðum fimmgangsgreinum með Ask frá Holtsmúla og hlaut hann reiðmennskuverðlaun Félags tamningamanna á Landsmóti í sumar.

Guðmunda Ellen Sigurðardóttir

Guðmunda Ellen hefur átt frábært tímabil með Flaum frá Fákshólum en þau eru saman Íslandsmeistarar í fjórgangi ásamt því að ríða til úrslita í slaktaumatölti á sama móti. Þau riðu einnig til A-úrslita í fjórgangi á Landsmóti og sigruðu Reykjavíkurmót Fáks í sömu grein.

Hans Þór Hilmarsson

Hans Þór er Íslandsmeistari í fimmgangi á Öl frá Reykjavöllum og eru þeir einnig efstir á stöðulista í þeirri grein yfir árið með einkunnina 7.40. Hans var í þriðja sæti í fjórgangi á Íslandsmóti með Fák frá Kaldbak.

Skeiðknapi ársins er Konráð Valur Sveinsson.

Konráð Valur hefur átt frábær ár á skeiðbrautinni með hesta sína þá Kjark frá Árbæjarhjáleigu og Kastor frá Garðshorni á Þelamörk. Konráð Valur og Kjarkur eru eitt sigursælasta par sögunnar en í ár slógu þeir þrisvar sinnum Íslandsmet í 150m skeiði sem og heimsmetið þegar þeir hlupu brautina saman á tímanum 13,46 sekúndum! Konráð er þrefaldur Landsmótssigurvegari í skeiðgreinum og tvöfaldur Íslandsmeistari á árinu.

Konráð átti frábært ár í skeiðkappreiðum ársins og hlýtur nafnbótina “Skeiðknapi ársins 2024.”

Aðrir tilnefndir eru:

Daníel Gunnarsson

Daníel hefur átt gott ár í skeiðgreinum en meðal annars var hann í 3. sæti í 150m skeiði á Íslandsmóti með Skálmöld frá Torfunesi og urðu þau í 3. sæti á Landsmóti í sömu grein á 14,08 sekúndum. Daniel hefur einnig náð góðum árangri með fjölmörg hross í 250 m. skeiði og 100 m. skeiði, meðal annars með fjögur hross undir 8 sekúndum í 100m.

Ingibergur Árnason

Ingibergur var í 2. sæti í 100m skeiði á Íslandsmóti á tímanum 7,33 sekúndum á Sólveigu frá Kirkjubæ. Ingibergur hefur náð góðum árangri í öllum skeiðgreinum á árinu og er meðal annars í þriðja sæti á stöðulista í 100m skeiði og fjórða sæti í 250m skeiði.

Sigursteinn Sumarliðason

Sigursteinn er Íslandsmeistari í 250 m skeiði með Krókus frá Dalbæ en þeir fóru á tímanum 21,35 sekúndum sem er einnig besti tími ársins í þeirri grein. Þeir félagar urðu einnig í 2. sæti á Landsmóti í bæði 250m og 100m skeiði og í þriðja sæti í 100m skeiði á Íslandsmóti þar sem þeir fóru á tímanum 7,33 sekúndum.

Þórarinn Ragnarsson

Þórarinn vann til silfurverðlauna á Landsmóti og Íslandsmóti í sumar á Bínu frá Vatnsholti. Þau eru í öðru sæti á stöðulista í 150m skeiði með tímann 14,00 sek. Þórarinn hefur náð góðum árangri í 100m skeiði á árinu með Frey frá Hraunbæ og er besti tími þeirra 7,59 sekúndur.

Gæðingaknapi ársins er Sigurður Vignir Matthíasson.

Sigurður Vignir sigraði B-flokk á Landsmóti með Safír frá Mosfellsbæ þar sem þeir hlutu 9,02 í einkunn og eru þeir í þriðja sæti á stöðulista. Sigurður reið einnig til A-úrslita í A-flokki á Goða frá Bjarnarhöfn þar sem þeir hlutu 8,74 í einkunn.

Sigurður Vignir hlýtur nafnbótina “Gæðingaknapi ársins 2024.”

Aðrir tilnefndir eru:

Árni Björn Pálsson
Árni Björn sigraði A-flokk gæðinga á Landsmóti hestamanna í sumar á Álfamær frá Prestsbæ þar sem þau hlutu einkunnina 9,05 og er þetta fyrsta hryssan sem sigrar þennan flokk á Landsmóti. Árni og Álfamær eru í 2. sæti á stöðulista í A-flokki gæðinga.

Eyrún Ýr Pálsdóttir

Eyrún Ýr náði góðum árangri í A-flokki með Leynir frá Garðshorni á Þelamörk og hlutu 2. sæti í þeirri grein á Landsmóti og eru efst á stöðulista.

Hanna Rún Ingibergsdóttir

Hanna Rún átti gott ár með Sirkus frá Garðshorni á Þelamörk en meðal annars urðu þau í þriðja sæti á Landsmóti í A-flokki þar sem hún hlaut Gregersen styttuna fyrir prúðmannlega reiðmennsku.

Helgi Þór Guðjónsson

Helgi Þór vann til silfurverðlauna í B-flokki á Landsmóti í sumar með Þröst frá Kolsholti 2 en þeir félagar hlutu 9,0 í einkunn. Þeir sigruðu einnig gæðingamót Sleipnis og eru í öðru sæti á stöðulista í þeirri grein.

Efnilegasti knapi ársins er Matthías Sigurðsson.

Hann sigraði ungmennaflokk á Landsmóti á Tuma frá Jarðbrú með einkunna 9,03 eftir að hafa farið lengri leiðina og sigrað B-úrslitin. Hann hlaut einnig Öderinn á Landsmóti en þau verðlaun hlýtur sá knapi sem þykir sýna prúða og fagmannlega reiðmennsku með vel undirbúinn hest.

Matthías er Norðurlandameistari í A-flokki ungmenna með Gust frá Stóra-Vatnsskarði og var í 2. sæti í fimmgangi ungmenna með Páfa frá Kjarri. Hann er efstur á stöðulista í 250m skeiði og í 2. sæti í tölti í ungmennaflokki.

Matthías hlýtur nafnbótina “Efnilegasti knapi ársins 2024”.

Aðrir tilnefndir eru:

Guðný Dís Jónsdóttir

Guðný Dís hefur verið nær ósigrandi í fjórgangi á árinu með Hraunar frá Vorsabæ II en meðal annars eru þau Íslandsmeistarar í fjórgangi. Einnig voru þau í þriðja sæti í ungmennaflokki á Landsmóti. Guðný var í öðru sæti í tölti á Íslandsmóti með Straum frá Hofsstöðum, Garðabæ og er efst á stöðulista í gæðingaskeiði ungmenna með Ásu frá Fremri-Gufudal.

Guðmar Hólm Ísólfsson

Guðmar Hólm er Íslandsmeistari í 100m skeiði með Alviðru frá Kagaðarhóli en þau fóru á tímanum 7,38 sekúndum og standa þau efst á stöðulista yfir árið í þeirri grein. Guðmar náði frábærum árangri á Norðurlandamótinu þar sem hann sigraði B-flokk ungmenna á Eyvari frá Álfhólum og var í öðru sæti í A-flokki með Sólbjart frá Akureyri. Einnig reið hann til úrslita í tölti og fjórgangi á Íslandsmóti.

Kristján Árni Birgisson

Kristján Árni er Íslandsmeistari í gæðingaskeiði á Súlu frá Kanastöðum þar sem þau hlutu 7,38 í einkunn og vann til silfurverðlauna í flugskeiði á sama móti með Kröflu frá Syðri – Rauðalæk á tímanum 7,58 sekúndum. Hann reið einnig til úrslita í ungmennaflokki á Landsmóti og í tölti á Íslandsmóti.

Védís Huld Sigurðardóttir

Védís Huld er efst á stöðulista í ungmennaflokki yfir árið með Ísak frá Þjórsárbakka en þau unnu til silfurverðlauna á Landsmóti. Védís er einnig efst á stöðulista í slaktaumatölti ungmenna með Breka frá Sunnuhvoli og urðu þau í 2. sæti í slaktaumatölti ungmenna. Védís Huld sigraði B-úrslit í fimmgangi á Norðurlandamóti á Búa frá Húsavík og urðu þau Norðurlandameistarar eftir sigur í A-úrslitum.

Þórgunnur Þórarinsdóttir
Þórgunnur er Íslandsmeistari í samanlögðum fimmgangsgreinum með Djarf frá Flatatungu en þau urðu einnig í 2. sæti í fimmgangi og fjórða sæti í gæðingaskeiði á Íslandsmóti. Þórgunnur reið til B-úrslita á Landsmóti með Jaka frá Skipanesi og í fjórgangi á Íslandsmóti með Hnjúk frá Saurbæ.

Sérstök viðurkenning í ungmennaflokki

Jón Ársæll fékk sérstaka viðurkenningu fyrir frábæran árangur á árinu. Hann varð þrefaldur Íslandsmeistari á árinu. Í tölti á Heiðri frá Eystra-Fróðholti, 150 m. skeiði á Rikka frá Stóru-Gröf ytri og fimmgangi á Hörpu frá Höskuldsstöðum en þau unnu einnig fimmganginn í meistaraflokki á Landsmótinu.

Sérstök viðurkenning fyrir einstakt afrek á árinu

Konráð Valur hlaut sérstaka viðurkenningu fyrir einstakt afrek á árinu. Hann hefur átt frábært ár á skeiðbrautinni með hesta sína þá Kjark frá Árbæjarhjáleigu og Kastor frá Garðshorni á Þelamörk. Konráð Valur og Kjarkur eru eitt sigursælasta par sögunnar en í ár slógu þeir þrisvar sinnum Íslandsmet í 150m skeiði sem og heimsmetið þegar þeir hlupu brautina saman á tímanum 13,46 sekúndum! Þeir bæta þar með 13 ára gamalt heimsmet í greininni um eitt sekúndubrot.

Keppnishestabú ársins 2024 er Garðshorn á Þelamörk.

Ræktunarbúið Garðshorn á Þelamörk hefur á árinu átt fjölda hrossa í keppni víða um heim. Fremstur í flokki fer Kastor sem náði frábærum árangri á árinu en hann var meðal annars Íslandsmeistari, Reykjavíkurmeistari og tvöfaldur Landsmótssigurvegari í skeiðgreinum. Leynir vann til silfurverðlauna í A-flokki á Landsmóti hestamanna með 8,93 í einlkunn og rétt á hæla hans einungis 0,01 kommu á eftir var Sirkus með 8,92. Ómar og Adrían náðu einnig góðum árangri í sínum greinum. Ræktendur eru Agnar Þór Magnússon og Birna Tryggvadóttir.

Garðshorn á Þelamörk ræktar afburðagóð keppnishross sem ná árangri í keppni á öllum sviðum og hlýtur nafnbótina „Keppnishestabú ársins 2024“.

Önnur tilnefnd ræktunarbú

Fet

Fjöldi hrossa frá Feti hafa á árinu náð góðum árangri víða um heim. Þar má fyrst nefna Draum en hann vann til silfurverðlauna í slaktaumatölti bæði á Lands -og Íslandsmóti. Viðja sigraði slaktaumatölt á Svissneska meistaramótinu og í 1.-2. sæti á Miðevrópumótinu. Víkingur er norðurlandameistari í tölti unglinga sem og samanlagður sigurvegari í fjórgangsgreinum.

Kagaðarhóll

Helstu fulltrúar Kagðarhóls á keppnisbrautinni í ár voru Vísir frá Kagaðarhóli sem sigraði tölt á Reykjavíkurmóti og reið til A-úrslita í tölti á bæði Lands -og Íslandsmóti. Hann stendur í þriðja sæti á stöðulista á Íslandi yfir árið í tölti og fjórði á FEIF lista. Alviðra frá Kagaðarhóli er Íslandsmeistari í 100m skeiði ungmenna á tímanum 7,38 sekúndum. Hún hefur náð góðum árangri í 250m, 150m og 100m skeiði og er efst á stöðulista í 100m skeiði ungmenna yfir landið á þessu ári.

Kirkjubær
Kirkjubær átti 8 fulltrúa á Landsmóti Hestamanna. Þar af enduðu tveir í A-úrslitum, þau Ísafold í unglingaflokki og Sjóður í barnaflokki en bæði komu þau efst inn á Landsmót í sínum flokki. Sólveig á fjórða besta tíma ársins í 250 m skeiði og þriðja besta tímann í 100 m. skeiði. Bæði Ísafold og Sjóður eru efst á stöðulista í gæðingakeppni í sínum flokkum á árinu 2024.

Vorsabær II

Fjöldi hrossa frá Vorsabæ II hafa á árinu náð góðum árangri víða um heim. Hraunar hefur verið nær ósigrandi á árinu í fjórgangi bæði í ungmenna og unglingaflokki og er Íslandsmeistari í þeirri grein í báðum flokkum. Einnig var hann í þriðja sæti í ungmennaflokki á Landsmóti. Hagur er Norðurlandameistari í fjórgangi þar sem hann reið í 7.80 í einkunn. Fjölmörg hross stóðu sig vel og má þar nefna Ganta, Fylki, Kjark og Smyril.

Framboð til stjórnar LH 2024-2026

Fri, 11 Oct 2024 15:47:00 GMT

Kjörnefnd birtir lista yfir þá sem gefa kost á sér til stjórnarsetu LH næstu tvö árin. Framboðsfrestur var til fimmtudags 10. október sl.

Stjórn LH fer með æðsta vald í málefnum sambandsins milli þinga. Stjórnin skal skipuð sjö mönnum, formanni, varaformanni, ritara, gjaldkera og þremur meðstjórnendum. Varastjórn skal skipuð fimm mönnum. Kjörtímabil er til tveggja ára.

Framboð til stjórnar Landssambands hestamannafélaga 2024-2026

Framboð til formanns

Framboð til aðalstjórnar:

Framboð til varastjórnar:

Skv. gr. 4.6 í lögum LH er kjörnefnd heimilt að samþykkja framboð sem koma fram eftir að framboðsfresti lýkur, enda hafi ekki komið fram nægur fjöldi frambjóðenda. Nú háttar svo til að ekki hafa jafn margir boðið sig fram í varastjórn og kjósa skal og er því opið fyrir framboð í varastjórn og skulu þau berast til formanns kjörnefndar á netfangið vodlarhestar@gmail.com.

Styttist í Uppskeruhátíð

Wed, 09 Oct 2024 14:28:00 GMT

Hátíðin verður að vanda hin glæsilegasta og dagskráin heldur betur þétt og spennandi. Knapar verða heiðraðir fyrir framúrskarandi árangur á árinu og Gullmerki LH veitt einstaklingi sem hefur lagt mark sitt á hestamennskuna. Veislustjórar eru þeir Elli og Hlynur sem eru flestum hestamönnum velkunnugir, Fríða Hansen tekur lagið, Emmsjé Gauti kemur og setur allt í botn og svo mun Djúkboxið leika fyrir dansi.

Húsið opnar kl 18:00 og mun borðhald hefjast kl 18:30 það skiptir því máli allir séu mættir tímanlega á staðinn. Gullhamar eru marglofaðir fyrir frábæran mat og gott verð á veigum. Þeir sem eru vegan eða aðrar sérþarfir í mat þurfa að láta vita af því sem fyrst.

Athugið að það er 18. ára aldurstakmark á viðburðinn nema í fylgd með foreldrum/forráðamönnum.

Raðað er í sæti og því er gott að fá óskir um sætaskipan sem fyrst hafi þær ekki þegar borist, sendið póst sem fyrst á joninasif@lhhestar.is

Enn eru nokkrir miðar til á hátíðina og því um að gera að drífa sig í að kaupa miða ef það hefur ekki þegar verið gert og taka þátt í þessu skemmtilega kvöldi.

Tilnefningar til knapaverðlauna 2024

Thu, 03 Oct 2024 08:26:00 GMT

Nú styttist í uppskeruhátíð hestafólks og að sjálfssögðu verða þar heiðraðir þeir knapar sem hafa náð hvað bestum árangri á árinu.

Af mörgu er að taka enda er frábæru keppnisári að ljúka og verður einkar spennandi að sjá hverjir munu hreppa hin glæsilegu verðlaun. Þess ber að geta að verðlaunagripurinn er sérhannaður af Inga í Sign og ber heitið Eldur:

Tilnefndir til verðlauna eru:

Íþróttaknapi ársins

Skeiðknapi ársins

Gæðingaknapi ársins

Efnilegasti knapi ársins

Keppnishestabú ársins

Knapi ársins

Verðlaunin verða veitt líkt og fyrr segir á uppskeruhátíðinni sem fram fer 12. okt. Endilega tryggið ykkur miða á hátíðina í tíma!

Tilkynning frá Hestamannafélaginu Jökli

Mon, 30 Sep 2024 12:40:39 GMT

Opið gæðingamót Hestamannafélagsins Jökuls fór fram í lok júlí og að vanda var mikil þátttaka á mótinu og hefur þessi viðburður verið að festa sig í sessi sem feykilega vinsælt mót í mótaflórunni á Íslandi ár hvert.

Í kjölfar mótsins kom því miður í ljós að framkvæmd á 100 m. skeiði hafði ekki verið fullnægjandi og mæling brautarinnar ekki farið rétt fram. Tímatökubúnaður var því settur upp á 90m í greininni og er þar mannlegum mistökum um að kenna.

100 m skeið á mótinu uppfyllti því ekki kröfur sem lögleg keppnisgrein þarf að uppfylla og telst því ólöglegt.

Mótshaldari, mótsstjóri og þeir sem að framkvæmdinni koma harma að svo fór og biðja þá sem hlut eiga að máli og þátttakendur í skeiði velvirðingar á því.

Oddrún Sigurðardóttir, mótsstjóri gæðingamóts Jökuls
Bragi Viðar Gunnarsson, formaður Jökuls

Djúkboxið leikur fyrir dansi á Uppskeruhátíð

Mon, 30 Sep 2024 09:32:39 GMT

Nú styttist í uppskeruhátíð hestafólks. Hátíðin mun fara fram þann 12. október í Gullhömrum. Hátíðin tókst með eindæmum vel í fyrra og eigum við von á geggjuðu kvöldi þar sem við munum heiðra knapa fyrir frábæran árangur á árinu en líka skemmta okkur enda hvergi jafn gaman og þar sem hestafólk kemur saman.

Nú er komið í ljós að hin æðimagnaða stuðhljómsveit D J Ú K B O X I Ð mun leika fyrir dansi og er þá ekki hægt að segja annað en að skemmtidagskráin sé orðin heldur betur vel mönnuð. Kvöldinu munu stýra þeir Elli og Hlynur en saman mynda þeir frábæra heild og kunna heldur betur að halda uppi gleðinni syngjandi, stríðandi og skemmtandi. Hestakonan og söngdívan Fríða Hansen ætlar að taka nokkur lög og næstum því hestamaðurinn, brekkukóngurinn Emmsjé Gauti mun án efa fá einhverja til að dusta rykið af danstöktunum.

Gullhamrar eru annálaðir fyrir frábæran mat og glæsilega aðstöðu og hlökkum við mikið til að halda hátíðina okkar þar. Miðasala er í fullum gangi en við minnum áhugasama á að í fyrra seldist upp á hátíðina. Einnig þarf að hafa í huga að panta miða í tíma þar sem kokkarnir þurfa að vita hverju þeir eiga að búast við. Miðasölu lýkur föstudaginn 4. október.

Ferðapakkar á HM í Sviss

Thu, 26 Sep 2024 09:22:00 GMT

Sumarið 2025 verður Heimsmeistaramót íslenska hestsins haldið í Sviss. Eins og flestir vita þá eru þessi HM mót með glæsilegri, ef ekki sá glæsilegasti, viðburðum sem haldin eru á erlendri grundu með Ísland í forgrunni.

Mótið er dagana 4. - 10. ágúst og fer fram í Birmenstorf í Sviss

Birmenstorf er lítið þorp í ca 30 km fjarlægð frá Zürich og mótssvæðið “Hardwinkelhof” í útjaðri þess. Mjög aðgengilegt og fallegt mótssvæði. Með fullri virðingu fyrir síðasta HM móti, sem haldið var 2009 í Sviss, þá er Handwinkelhof miklu aðgengilegri mótsstaður en var þá. Stutt er til Baden sem er mjög líflegur, fallegur bær og einfalt að njóta lífsins þar.

Eins og áður þá býður VERDI Sport upp á pakkaferðir á mótið.

Hér eru upplýsingar um ferðapakka VERDI

Takk þjálfarar

Wed, 25 Sep 2024 09:58:00 GMT

Í dag er dagur Íþróttaþjálfara (Global Coaches Day) og viljum við nýta tækifærið og þakka okkar frábæru þjálfurum fyrir sitt framlag:

Sigurbjörn Bárðarson A landsliðsþjálfari.

Hekla Katharína Kristinsdóttir þjálfari U 21 landsliðsins

Sigvaldi yfirþjálfari hæfileikamótunar

Þá eru ótaldir allir þeir sem hafa rutt veginn og verið hluti af þjálfarateymum íslenskahópsins á stórmótum í gengum tíðina, en þessir aðilar eiga aðsjálfsögðu allir þakkir skildar. Við hvetjum alla hestamenn til að pósta mynd af þeirra þjálfurum með myllumerkinu #takkþjálfi #thankscoach

LH tók þátt í umferðarþingi

Tue, 24 Sep 2024 09:14:26 GMT

Á föstudaginn fór fram umferðarþing á vegum Samgöngustofu þar sem kallaðir voru saman fulltrúar ýmsa vegfarendahópa og fjölluð þeir um sinn ferðamáta og þær áskoranir sem þeim fylgja í samspili við aðra vegfarendur.

Guðni Halldórsson formaður LH var framsögumaður á þinginu. Hann byrjaði á að fjalla um þann mikla fjölda sem stundar hestamennsku og hversu margbreytilegur þessi hópur er með tilliti til getustigs og bæði hesta og knapa. Þetta gerði það að verkum að ekki er hægt að ganga að því vísu að allir hestar eða hestamenn bregðist eins við í krefjandi aðstæðum.

Hann útskýrði fyrir gestum umferðarþings hvernig atferli hesta er háttað, sjónsviði og næmni en einnig minnti hann á að hestar eru flóttadýr sem ekki er hægt að slökkva á sí svona ef eitthvað kemur uppá.

Guðni lagði áherslu á að aðrir vegfarendahópar myndu virða íþróttamannvirki okkar hestamanna, þ.e. reiðstígarnir væru virtir líkt og hestamenn virða golfvelli þrátt fyrir að þeir gætu verið úrvals útreiðarsvæði. Stígar eingöngu eru ætlaðir til útreiða sem eru sérstaklega merktir sem slíkir þola illa umferð ökutækja. Auk þess sem við hestamenn verðum að geta treyst því þegar við förum með ung eða viðkvæm hross nú eða með byrjendur með okkur í reiðtúr að reiðgöturnar sem við veljum séu öruggar og lausar við óþarfa áreiti. Hins vegar eru líka fjölmargir fjölnota stígar og slóðar skráðir í reiðvegakerfið og þar gildir auðvitað almenn tillitsemi.

Guðni talaði einnig um samgöngusáttmálan og hvernig sú vinna hefur skilað sér í mun meiri þekkingu og skilningi annarra vegfarenda þegar kemur að því að mæta hestamönnum. Hann minnti á í lokinn að allt hefst þetta með samtalinu og mikilvægi þess að fólk sýni skynsemi og taki tillit hvort til annars.

Íslandsmót og Áhugamannamót 2025 auglýst til umsóknar

Fri, 20 Sep 2024 13:40:00 GMT

Íslandsmót fullorðinna og ungmenna, Íslandsmót barna- og unglinga og Áhugamannamót Íslands árið 2025 eru auglýst til umsóknar fyrir áhugasama og metnaðarfulla mótshaldara.

Dagsetningar mótanna eru eftirfarandi:

Á Íslandsmóti fullorðinna og ungmenna skal keppt í einum styrkleikaflokki í hvorum flokki fyrir sig, keppt í greinum þar sem keppendur eru einir inni á vellinum í einu, en það eru V1, F1, T1, T2 ásamt skeiðgreinum, PP1, P1, P2 og P3. Þátttökurétt hafa pör sem á keppnisárinu hafa náð lágmarkseinkunn í hverri grein, keppnisnefnd LH gefur út lágmörkin í febrúar.

Þátttökuréttur á Íslandsmóti barna og unglinga er opinn öllum keppendum þessara flokka og keppt skal í eftirfarandi greinum:
Börn: V2, T3, T4 og gæðingalist.
Unglingar: V1, T1, F2, T4, gæðingalist og skeiðgreinar.

Á Áhugamannamóti Íslands skal keppt í einum styrkleikaflokki, 1. flokki, og keppnisgreinar eru T3, T4, T7, F2, V2, V5, gæðingaskeið, 100m. skeið, ásamt A-flokki og B-flokki gæðinga. Þátttökurétt á Áhugamannamóti Íslands hafa allir sem náð hafa 22 ára aldri á keppnisárinu og hafa ekki keppt í meistaraflokki í íþóttakeppni á síðastliðnum 5 árum.

Mótshöldurum er heimilt að bjóða upp á fleiri greinar kjósi þeir svo, sem og sýningargreinar en í sýningargreinum skal ekki krýna Íslandsmeistara.

Umsóknir áhugasamra mótshaldara skulu berast Landssambandi hestamannafélaga fyrir 1. október nk. á netfangið lh@lhhestar.is

Keppnishestabú ársins 2024 - yfirlit árangurs

Wed, 18 Sep 2024 10:38:19 GMT

Valnefnd LH óskar eftir upplýsingum frá ræktendum um keppnisárangur hesta úr þeirra ræktun. Óskað er eftir upplýsingum um árangur á árinu 2024 hvort sem er á Íslandi eða erlendis.

Yfirlit um árangurinn skal senda á netfangið lh@lhhestar fyrir 27. september .

Keppnishestabú ársins verður heiðrað á Uppskeruhátíð hestafólks í Gullhömrum 12. október nk.

Framboðsfrestur til stjórnar LH

Fri, 13 Sep 2024 08:52:00 GMT

Landsþing LH verður haldið í Borgarnesi 25. og 26. október. Kjörnefnd landsþings vekur athygli á að þau sem hyggjast gefa kost á sér til stjórnarsetu tilkynni framboð sitt til nefndarinnar eigi síðar en tveimur vikum fyrir landsþing, en sitjandi stjórnarfólk skal tilkynna kjörnefnd um hvort þau gefa kost á sér til áframhaldandi stjórnarstarfa fjórum vikum fyrir þing. Kjörgengir í stjórn eru allir félagar í hestamannafélögum sem eru aðilar að LH.

Tilkynningar um framboð skal senda til formanns nefndarinnar eða á netfangið lh@lhhestar.is . Framboðsfrestur er til miðnættis 10. október.

Kjörnefnd skipa:

Margeir Þorgeirsson, formaður (vodlarhestar@gmail.com)
Ragnhildur Loftsdóttir
Þórður Ingólfsson

Viltu láta til þín taka á alþjóðavettvangi

Thu, 12 Sep 2024 10:58:09 GMT

FEIF leitar nú að ,,young committee members“ eða ungfulltrúum í tveir nefndir. Ungfulltrúar eru á aldrinum 18-26 ára og er hugmyndin að gefa ungu fólki tækifæri til að kynnast því að starfa í alþjóðlegum nefndum og ráðum. Það er einkar mikilvægt að ungt fólk fái tækifæri til að láta rödd sína heyrast og setja mark sitt á þá þróun sem það vill sjá hestamennskunni til heilla.

Leitað er að fulltrúum í Menntanefnd og Æskulýðsnefnd og er skipunartíminn tvö ár í senn. Frekari upplýsingar má finna hér

Áhugasamir sækja beint um til FEIF en við myndum gjarnan vilja heyra af því ef þið viljið gefa kost á ykkur. Endilega nýtið þetta spennandi tækifæri.

Heimsmet Konráðs Vals í 150 m skeiði staðfest

Tue, 10 Sep 2024 09:39:49 GMT

FEIF hefur staðfest heimsmet Konráðs Vals Sveinssonar og Kjarks frá Árbæjarhjáleigu II í 150m. skeiði á tímanum 13,46 sek. sem sett var á Íslandsmóti 2024 þann 27. júlí sl. Þeir félagar Konráð og Kjarkur hafa þá um leið bætt Íslandsmet sitt í greininni sem þeir settu á Reykjavíkurmóti fyrr í sumar.

Gildandi heimsmet var 13,74 sek. en það settu Catherine Gratzl og Blökk frá Kambi árið 2011.

Konráð Valur og Kjarkur eru eitt sigursælasta skeiðpar sögunnar en þess má geta að þeir eiga einnig Íslandsmet í 250m skeiði, 21,15 sek., sem sett var á Landsmóti í Reykjavík 2018.

Stjórn Landssamband hestamannafélaga óskar Konráði Vali Sveinssyni innilega til hamingju með heimsmetið.

Uppskeruhátíð 12. október

Wed, 04 Sep 2024 14:30:00 GMT

Landssamband hestamannafélaga og Félag hrossbænda leiða saman hesta sína í ár og halda sameiginlega uppskeruhátíð hestafólks. Hátíðin mun fara fram þann 12. október í Gullhömrum. Á dagskránni eru verðlauna afhendingar fyrir okkar fremstu knapa og ræktendur, steikarhlaðborð ásamt frábæri skemmtidagskrá þar sem fram koma Elli og Hlynur, Fríða Hansen, Emmsjé Gauti og Dj Víðir og Dýrið.

Í fyrra seldist upp á hátíðina og hvetjum við því alla áhugasama um að tryggja sér miða í tíma. Miðasala fer fram á heimasíðu LH. Verð á hátíðina er 14.900kr.

Þeir sem vilja bóka sig saman á borð er bent á að kaupa miðana sína í einni pöntun eða að öðrum kosti senda óskir um sætaskipan á joninasif@lhhestar.is .

Kaupa miða

Opið er fyrir umsóknir í Hæfileikamótun veturinn 2024-2025

Wed, 04 Sep 2024 09:09:00 GMT

Hæfileikamótun LH er fyrir krakka sem verða á aldrinum 14-17 ára á næsta keppnistímabili (fædd 2008-2011). Yfirþjálfari Hæfileikamótunar er Sigvaldi Lárus Guðmundsson reiðkennari.

Þróun Hæfileikamótunar LH hefur verið mikil undanfarin ár. Á þessu starfsári verður boðið upp á tvo hópa líkt og í fyrra. Þetta er gert til þess að veita sem flestum efnilegum knöpum tækifæri til þess að komast í umhverfi hæfileikamótunar, efla starfið og á sama tíma að veita hverjum knapa enn meiri aðstoð en áður.

Vetrarstarfið hefst á ferð norður að Háskólanum á Hólum í Hjaltadal þar sem nemendur fá innsýn í námið á Hólum, sýnikennslu og reiðkennslu hjá kennurum við skólann ásamt því að fá helgi til þess að kynnast og hrista saman hópinn.

Eftir áramót eru tvær vinnuhelgar í kennslu á eigin hestum undir umsjón yfirþjálfara ásamt því að hver knapi skilar tvisvar á tímabilinu myndbandi af sér með keppnishesti sínum á velli og fær endurgjöf og í framhaldinu aðstoð með þjálfun inn í mótin. Þetta verða vormótin annarsvegar og svo kringum Íslandsmót hinsvegar. Þar að auki taka iðkendur hæfileikamótunar þátt í viðburðum á vegum landsliðsins í hestaíþróttum.

Í hæfileikamótun eru ungir og efnilegir framtíðarknapar Íslands. Á liðnu keppnisári hafa knapar sem taka þátt í hæfileikamótun LH staðið framarlega í öllum greinum á stærstu mótum ársins og tölfræðin er afar skýr. Tilvist hæfileikamótunar er orðin að stórum þætti í afreksmálum Landssambands hestamannafélaga. Það er mjög mikilvægt að aðstoða unga afreksknapa við að verða betri þjálfarar og reiðmenn en einnig að gefa þeim tækifæri til að kynnast landsliðsumhverfinu og verða að flottum fyrirmyndum fyrir aðra.

Tekið er á móti umsóknum í hæfileikamótun LH 2024-2025 á vef LH.

Umsóknarfrestur er 15. september 2024

Sækja um í Hæfileikamótun

Leiðtoganámskeið fyrir ungt hestafólk

Wed, 28 Aug 2024 15:19:09 GMT

6th FEIF Young Leaders’ Event.

Dagana 4.-6. október næstkomandi verður haldinn viðburður á vegum FEIF fyrir „ungleiðtoga“ í Stokkhólm. Þar sem fjallað verður um þátttöku barna og unglinga og hvernig við stöndum að og styðjum við nýliðun í hestamennsku. Viðburðurinn er á vegum FEIF og sænska Íslandshesta sambandsins (SIF) og er ætlaður ungum leiðtogum á aldrinum 18-26 ára innan hestamannafélaganna sem vilja láta til sín taka. Þátttaka í viðburði sem þessum gefur frábæra reynslu og mun án efa styrkja þátttakendur til frekari leiðtoga og ábyrgðarstarfa innan hestamannafélagana.

Á námskeiðinu fá þátttakendur reynslu í að leiða hópavinnu og verkefni, tækifæri til auka eigin færni og þroska auk þess að bæta við þekkingu sína á Íslandshestaheiminum í heild sinni. Að auki munu þátttakendur taka þátt í leiðtogaæfingum og æfa verkefnastjórnun með það markmið meðal annars að öðlast aukið sjálfstraust og læra að nýta styrkleika sína við flóknar félagslegar aðstæður.

Við hvetjum hestamannafélögin til að hvetja fulltúra sína til þátttöku á þessu námskeiði og minnum á mikilvægi þess að efla ungt fólk til þátttöku í nefndum og störfum innan félagana til að tryggja nýliðun og flæði þekkingar og reynslu ásamt því að móta leiðtoga framtíðarinnar.

Á dagskránni er meðal annars:

Thérèse “Tessan” Waerner, sérfræðingur í kennslufræði og forystu innan hestaiðnaðarins, mun standa fyrir vinnustofu um forystu og stjórnun.

Karolina Lagerlund, forstjóri sænska hestaiðnaðarsjóðsins (HNS), mun deila spennandi sem og mikilvægri framtíðarsýn sinni á framtíð hestaíþrótta.

Einnig er hægt að hlakka til hestatengdrar vettvangsferða og óvæntra funda með spennandi fyrirlesurum.

Umsóknar- og greiðslufrestur: 1. september 2024

Námskeiðið hefst á föstudaginn 4. október kl 15:00 á Quality Hotel Globe í Stokkhólmi og endar sunnudaginn 6. október kl 14:00.

Kostnaður er 200€ og innifalið í því er gisting, matur, fræðsla og lestarmiðar.

Frekari upplýsingar: joninasif@lhhestar.is

Frestur til að senda inn breytingartillögur fyrir landsþing er til 1. sept

Wed, 28 Aug 2024 14:36:33 GMT

Hafa skal í huga að að reglur LH um íþróttakeppni (Í) og Almennar reglur um keppni (A) byggja á alþjóðareglum FEIF, sem LH er aðili að. Allar breytingartillögur á reglum LH um íþróttakeppni og Almennum reglum um keppni skulu skoðaðar sem ályktunartillögur til landsþings. Þær ályktunartillögur sem samþykktar eru á landsþingi, skulu bornar upp af fulltrúum LH á næsta reglulega ársþingi FEIF.

Aðrar breytingartillögur er varða lög og reglur LH eru teknar til atkvæðagreiðslu á þinginu og taka gildi að því loknu séu þær samþykktar. Einfaldur meirihluti ræður úrslitum nema um lagabreytingu sé að ræða; þá þarf 2/3 hluta atkvæða viðstaddra atkvæðisbærra fulltrúa.

Það er mjög mikilvægt að tillagan sé skýr, faglega framsett og vel rökstudd.

Allar breytingartillögur á keppnisreglum skulu berast keppnisnefnd LH og laganefnd LH eigi síðar en 1. september á landsþingsári. Tillögurnar skulu sendar skrifstofu LH lhhestar@lhhestar.is sem aftur kemur þeim á viðkomandi nefndir og bókar móttökudag þeirra. Keppnisnefnd og laganefnd skulu fara yfir tillögurnar, kosti þeirra og galla og veita umsögn sína um þær, séu þær þingtækar. Skal sú umsögn fylgja tillögunum inn á landsþing. Við meðferð tillagnanna afla nefndirnar sér þeirra upplýsinga sem þarf, kalla til aðila og veita síðan vandaða umsögn um tillöguna.

Landsþing Landssambands hestamanna 25. – 26. október

Wed, 21 Aug 2024 14:11:00 GMT

Þingið fer að þessu sinni fram í Hjálmakletti, menningarhúsi í Borgarfjarðar. Það er hestamannafélagið Borgfirðingur sem er gestgjafinn að þessu sinni og þakkar LH framtakið.

Landsþing LH er haldið annað hvert ár og fer með æðsta vald í málefnum LH. Þingið sitja fulltrúar frá hestamannafélögum í landinu. Málefni sem sambandsaðilar óska að tekin verði fyrir á þinginu, skulu tilkynnt stjórn LH minnst 4 vikum fyrir þingið eða fyrir miðnætti 26. september.

Fulltrúafjöldi fer eftir félagatölu hvers hestamannafélags sem hér segir: Félög með færri en 75 félagsmenn fá einn fulltrúa, félög með 76-150 félagsmenn fá tvo fulltrúa, félög með 151-225 félagsmenn fá þrjá fulltrúa o.s.frv.

Aðeins sá sem er í hestamannafélagi er kjörgengur fulltrúi viðkomandi aðildarfélags á landsþingi LH. Það er jafnframt skilyrði fyrir kjörgengi að viðkomandi hestamannafélag sé í skilum með gjöld til LH.

Allar breytingartillögur á keppnisreglum skulu berast keppnisnefnd LH og laganefnd LH eigi síðar en 1. september á landsþingsári. Tillögurnar skulu sendar skrifstofu LH sem aftur kemur þeim á viðkomandi nefndir og bókar móttökudag þeirra. Keppnisnefnd og laganefnd skulu fara yfir tillögurnar, kosti þeirra og galla og veita umsögn sína um þær, séu þær þingtækar. Skal sú umsögn fylgja tillögunum inn á landsþing. Við meðferð tillagnanna afla nefndirnar sér þeirra upplýsinga sem þarf, kalla til aðila og veita síðan vandaða umsögn um tillöguna.

Innsendar tillögur skulu vera vel uppsettar, skýrar í framsetningu og með þeim skal fylgja greinargerð þar sem færð eru rök fyrir tillögunni og tilgangur hennar útskýrður.

Lög landsþings eru að finna hér: Landsþing | Landssamband hestamannafélaga

Hótel Vesturland, er staðsett rétt við fundarstaðinn og verða tilboð í boði á gistingu þar.

Fjögur gullverðlaun á Norðurlandamóti

Mon, 12 Aug 2024 10:17:00 GMT

Norðurlandmót íslenska hestsins fór fram dagana 8. til 11. ágúst. Mótið gekk vel og stóðu íslensku keppendurnir sig vel þrátt fyrir að vera flestir á lánshestum og höfðu haft knappan tíma til að kynnast hestununum áður en haldið var í braut. Aðeins einn hestur í íslenska liðinu kom frá Íslandi en aðrir knapar fengu hesta lánaða víðs vegar um Evrópu.

Fimmgangur

Viðar Ingólfsson var einni íslenski keppandinn í F1 í fullorðinsflokk. Hann var á hestinum Týr från Svala Gård. Þeir hlutu 6,50 í forkeppninni og fóru beint í A úrslit þar sem þeir enduðu í 6. sæti.

Í ungmennaflokki átti Ísland þrjá keppendur í fimmgangi, þau Hulda María Sveinbjörnsdóttir á Hetju frá Árbæ og hlutu þær í forkeppni 6,37. Matthías Sigurðsson á Páfa frá Kjarri sem einnig hlutu 6,37 og tryggði það þeim báðum sæti í A úrslitum. Védís Huld Sigurðardóttir var á Búa frá Húsavík og hlutu þau 5,87 sem dugði þeim inn í B úrslit.

Védís Huld og Búi sýndu þó að þau áttu nóg inni, sigruðu B úrslitin með 6,86 og tóku svo A úrslitin með trompi með einkunn uppá 7,17. Í öðru sæti voru Matthías og Páfi með 6,79 og í þriðja sæti Hulda María og Hetja með 6,43. Þvílíkur árangur hjá ungmennunum okkar í fimmgangi!

Fjórgangur

Í ungmennaflokki átti Ísland fjóra keppendur í fjórgangi. Ragnar Snær Viðarsson keppti á Gimsteini frá Íbishóli og tryggðu þeir sér sæti í A úrslitum með 6,97 í einkunn. Hekla Rán Hannesdóttir keppti á hestinum Huginn frá Halakoti og hlutu þau 6,63 og sæti í B úrslitum. Guðný Dís Jónsdóttir á Kristal frá Jaðri og Selma Leifsdóttir á Varúlfi frá Eylandi komust ekki í úrslit.

Ragnar Snær endaði í fjórða sæti í A úrslitum með 6,77 í einkunn.

Gæðingaskeið

Í gæðingaskeiði áttum við fimm fulltrúa tvo í fullorðinsflokki og þrjá í ungmennaflokki.

Sigurður V. Matthíasson stóð efstur íslensku keppendanna á Júlíu från Agersta með 7,04 í einkunn og hlutu þau fjórða sæti. Í ungmennaflokki urðu þær Hulda María Sveinbjörnsdóttir á Hetju frá Árbæ í þriðja sæti með 6,25 í einkunn. Embla Lind Ragnarsdóttir á Sælu frá Vedbyboställe endaði í 9. sæti. Matthías Sigurðsson og Viðar Ingólfsson hættu keppni eftir að fyrri sprettur misfórst.

Það var svo hetjan okkar frá HM hún Fjalldís frá Fornusöndum sem var sigurvegari í gæðingaskeiðinu. Knapinn hennar er Sigurður Óli Kristinsson en þau keppa fyrir Danmörku og hlutu 8,67 í einkunn.

Skeið 250m

Í ungmennaflokki áttum við tvo keppendur í 250m skeiði. Harpa Dögg Bergmann Heiðarsdóttir og Sefja frá Kambi fóru á 25,58 og hlutu þar með 6. sæti, en Ragnar Bjarki Sveinbjörnsson og Blikka frá Þóroddsstöðum náðu því miður ekki gildum tíma.

Í fullorðinsflokki kepptu Sigurður Vignir Matthíasson og Júlía från Agersta sem fóru sprettinn á 24,71 sek.

100m skeið

Í 100m skeiði komust engir íslenskir knapar í verðlaunasæti. Í fullorðinsflokki keppti Sigurður Vignir Matthíasson og Júlía från Agersta og fóru þau sprettinn á 8,08.

Í ungmennaflokki endaði Ragnar Bjarki Sveinbjörnsson í fimmta sæti á Blikku frá Þóroddsstöðum, en þar tóku einnig þátt þær Harpa Dögg Bergmann og Embla Lind Ragnarsdóttir

Tölt

Í ungmennaflokki áttum við þrjá fulltrúa í tölti, þau Guðný Dís Jónsdóttir, Ragnar Snær Viðarsson og Selmu Leifsdóttur.

Bestum árangri í forkeppni náði Ragnar Snær á Gimsteini frá Íbíshóli en þeir urðu í öðru sæti með einkunnina 6,87. Selma Leifsdóttir á Varúlfi frá Eylandi og. Guðný Dís á Kristali frá Jaðri komust ekki í úrslit.

Í A úrslitum stóðu svo Ragnar Snær og Gimsteinn uppi í 2.-3. sæti með einkunnina 7.06, jafn Rakel Brattalid Tindskard frá Færeyjum á Silas vom Forstwald.

Í fullorðinsflokki kepptu þeir Sigurður Siguðarson á Tígli fra Kleiva og Viðar Ingólfsson á Tý från Svala Gård. Sigurður og Tígull hlutu 7,70 í einkunn jafnir Andreas Kjelgaard á Stjörnustæl fra Hybjerg en lægri á aukastöfum. Einkunnin dugði til keppni í B úrslitum, en Sigurður og Tígull forfölluðust svo í úrslitum. Viðar og Týr hlutu 6,50 og náðu ekki inn í úrslit.

T2 - slaktaumatölt

Í slaktaumatölti áttum við tvo fulltrúa í ungmennaflokki.

Herdís Björg Jóhannsdóttir á Elskamin von Erkshausen voru efstar eftir forkeppni, ásamt Lilly Björsell á Börk fra Kleiva en þær hlutu báðar 7,13 í einkunn.

Hulda María og Hetja frá Árbæ hlutu 6,10 í einkunn og í níunda sæti eftir forkeppni en þær drógu sig út úr b-úrslitum.

Í A úrslitum áttu Herdís og Elskamin flotta sýningu sem skilaði þeim aftur 7,13 í einkunn og öðru sæti.

Gæðingakeppni

Í B flokki fullorðinna keppti Sigurður Sigurðarson á Tígull frá Kleiva. Þeir áttu góða sýningu og uppskáru 8,646 í einkunn og annað til þriðja sætið ásamt Svani frá Kringeland og Ingólfi Pálmasyni sem keppa fyrir hönd Noregs. Sigurður og Tígull gátu því miður ekki tekið þátt i úrslitum.

Í unglingaflokki áttum við þrjá fulltrúa. Ragnar Snær Viðarsson var efstur eftir forkeppni á Skorra frá Þúfu í Landeyjum með 8,59 í einkunn.

Elva Rún Jónsdóttir á Bellu frá Blönduósi varð fimmta með 8,48 í einkunn. Dagur Sigurðarson og Rögni frá Minni-Völlum endaðu svo sjöttu eftir forkeppni með 8,47 í einkunn.

Í A-úrslitum var það Dagur Sigurðarson á Rögni frá Minni-Völlum sem hampaði þriðja sætinu. Ragnar Snær varð sjöundi og Elva Rún endaði í áttunda sæti.

Í B flokki ungmenna áttum við tvo fulltrúa.

Hekla Rán Hannesdóttir og Huginn frá Halakoti stóðu efst eftir forkeppni með 8,55 í einkunn. Guðmar Hólm Ísólfsson Líndal og Eyvar frá Álfhólum hlutu fjórðu bestu einkunnina, 8,51 og flugu því einnig inn í A úrslitin.

Úrslit í B flokki ungmenna voru gífurlega jöfn en Guðmar og Eyvar höfðu sigur með 8,676 í einkunn. Hekla Rán og Huginn enduðu fimmtu með 8,544 í einkunn.

Í forkeppni í A flokki fullorðinna áttum við tvo fulltrúa. Gormur frá Villanora og Þórður Þorgeirsson áttu frábæra sýningu og leiddu þeir með 8,776. Skutull frá Hafsteinsstöðum og Jón Bjarni Smárason og gerðu einnig vel og fengu 8,516 í einkunn og sæti í B-úrslitum. Þar mátti litlu muna að þeir tryggðu sig áfram en enduðu í 9. sæti með 8,611 í einkunn.

Sigurvegarar í A flokki gæðinga voru þeir Gormur og Þórður með 8,967.

Í a-flokki ungmenna áttum við þrjá fulltrúa sem allir tryggðu sér sæti í A úrslitum.

Matthías Sigurðsson á Gusti frá Stóra-Vatnsskarði voru efstir eftir forkeppni með einkunnina 8,668 og í öðru sæti voru þeir Guðmar Hólm Ísólfsson Líndal á Sólbjarti frá Akureyri, með 8,492. Sigurður Baldur Ríkharðsson og Júní frá Brúnum voru fjórðu eftir forkeppni, hlutu 8,396 í einkunn. Júní var einn af fulltrúum Ísland á HM í fyrra, þá með Benjamín Sandi Ingólfssyni.

Í A úrslitum voru það svo þeir Matthías og Gustur sem sigruðu með 8,673 í einkunn. Guðmar Hólm á Sólbjarti komi svo rétt á hælum þeirra á með 8,644 annað sætið en Sigurður og Júní enduðu í áttunda.

Flottur árangur á sterku, spennandi og vel sóttu Norðurlandamóti.

Tveir dagar í Norðurlandamót

Tue, 06 Aug 2024 12:54:00 GMT

Nú eru tveir dagar í að Norðulandamótið í hestaíþróttum hefjist. Undirbúningur hefur gengið vel og samkvæmt landsliðs þjálfurunum Heklu Katharínu og Sigurbirni er létt og skemmtileg stemmning í hópnum.

Landslið íslands á mótinu er skipað 20 keppendum, 15 í ungmennaflokk og 5 Í fullorðinsflokk. Flestir keppandanna eru á láns hestum og hafa þeir haft mismikinn tíma til að kynnast þeim, en í dag hefjast æfingar á vellinum og verður spennandi að sjá hvernig þær eiga eftir að ganga.

Hekla segir að svæðið líti vel út: ,,Aðstaðan er góð bæði fyrir knapa og hesta. Þá er góð upphitunaraðstaða og vellirnir líta vel út. Knapatjaldið er líka orðið rosalega flott og veðrið leikur við okkur. Það er mikill spenningur í unga fólkinu að spreyta sig og við Diddi erum ákaflega bjartsýn og hlökkum til að vera keppendum okkar innan handar. Mótshaldarar hafa lagt mikið á sig við að púsla saman dagskrá svo allt gangi upp, en það á eftir að koma í ljós hvort allir nái að keppa í þeim greinum sem þeir hafa skráð sig í, þar sem íþrótta og gæðingakeppnin skarast að einhverju leyti og nokkrir af okkar keppendum hafa hug á að keppa í hvoru tveggja.”

Keppni hefst kl 8 í fimmtudagsmorgun (að staðartíma eða kl 6:00 á íslenskum tíma) á forkeppni fimmgangi þar á eftir er forkeppni í fjórgang. Á gæðingabrautinni hefst keppni kl 11:30 á forkeppni B flokki gæðinga og lýkur deginum á keppni í gæðingaskeiði.

Hægt er að fylgjast með úrslitum inn á IceTest smáforritinu auk þess mótinu er streymt hjá Alendis. Auk þess eru keppendur okkar virkir á Instagram reikningi LH og mælum við eindregið með að þið fylgist með gleðinni þar líka.

Áfram Ísland!

Samantekt að loknu Íslandsmóti fullorðinna og ungmenna 2024

Wed, 31 Jul 2024 12:13:49 GMT

Dagana 25-28 júlí fór Íslandsmótið í hestaíþróttum fram á félagssvæði hestamannafélagsins Fáks í Víðidal. Mótssvæðið var í stórgóðu standi eftir Landsmót sem haldið var þar einungis nokkrum vikum fyrr og ljóst á frammistöðu margra hesta og knapa á mótinu að formkúrvan hefur legið uppávið frá því á Landsmóti. Veður setti þó töluvert strik í reikninginn og mikil úrkoma var á mótsdögunum, og þá helst á úrslitadegi mótsins þegar blés einnig hressilega. Knapar, dómarar og starfsfólk mótsins létu veðrið þó ekki á sig fá og skiluðu flottum sýningum í hinum ýmsu greinum hestaíþrótta á mótinu.

Hringvallargreinar

Í fjórgangi fullorðinna leiddu Teitur Árnason á Aroni frá Þóreyjarnúpi og Gústaf Ásgeir Hinriksson á Össu frá Miðhúsum með einkunnina 7,73 en þau Ásmundur Ernir Snorrason á Hlökk frá Strandarhöfði og Guðmunda Ellen Sigurðardóttir á Flaumi frá Fákshólum voru skammt undan með 7,63. Hans Þór Hilmarsson á Fáki frá Kaldbak vann B-úrslitin og vann sér þátttökurétt í A-úrslitum en það var Guðmunda Ellen Sigurðardóttir á Flaumi sem sigraði A-úrslitin og er því Íslandsmeistari í fjórgangi með einkunnina 8,13 eftir frábæra frammistöðu í A-úrslitunum. Sara Sigurbjörnsdóttir varð í öðru sæti og Hans Þór í því þriðja.

Í fjórgangi ungmenna leiddi Jón Ársæll Bergmann á Halldóru frá Hólaborg eftir forkeppni en það var Guðný Dís Jónsdóttir á Hraunari frá Vorsabæ II sem að lokum hampaði titlinum eftir spennandi og skemmtileg úrslit. Jón Ársæll varð annar og Hulda María Sveinbjörnsdóttir á Muninn frá Bergi kom upp úr B-úrslitum og endaði í þriðja sætinu.

Í fimmgangi fullorðinna varð Hans Þór Hilmarsson Íslandsmeistari á Öl frá Reykjavöllum með 7,60 eftir að hafa leitt forkeppnina einnig. Þórarinn Ragnarsson á Herkúles frá Vesturkoti varð annar og Þorgeir Ólafsson á Aþenu frá Þjóðólfshaga í þriðja sæti eftir að hafa unnið sig upp úr B-úrslitum.

Í ungmennaflokknum var það sigurvegari fimmgangs frá liðnu Landsmóti, hann Jón Ársæll Bergmann sem sigraði nokkuð örugglega á Hörpu frá Höskuldsstöðum og hampar Íslandsmeistaratitlinum í fimmgangi ungmenna eftir jafna og góða frammstöðu og frábæra skeiðspretti. Þórgunnur Þórarinsdóttir varð í öðru sæti á Djarfi frá Flatatungu og Védís Huld Sigurðardóttir í því þriðja á Hebu frá Íbishóli. Þórey Þula Helgadóttir á Kjalari frá Hvammi vann B-úrslitin og endaði í fjórða sæti eftir A-úrslit.

Í slaktaumatölti T2 urðu talsverðar sviftingar en Ásmundur Ernir Snorrason og Hlökk frá Strandarhöfði leiddu nokkuð örugglega eftir forkeppni, en Teitur Árnason á Úlfi frá Hrafnagili og Ólafur Andri Guðmundsson og Draumur frá Feti voru í því þriðja. Guðmunda Ellen Sigurðardóttir á Flaumi frá Fákshólum unnu B-úrslit og tryggðu sér þar með sæti í A-úrslitum. Í A- úrslitum var það svo Jakob Svavar Sigurðsson sem varð hlutskarpastur á henni Hrefnu frá Fákshólum, sem er ung hryssa í keppni, eftir dramatísk úrslit. Ásmundur og Hlökk urðu önnur og Teitur Árnason á Úlfi í þriðja sæti.

Í slaktaumatölti ungmennaflokki leiddi Védís Huld Sigurðadóttir á Breka frá Sunnuhvoli eftir forkeppni en Hulda María Sveinbjörnsdóttir og Signý Sól Snorradóttir voru í öðru til þriðja sætinu. Í B-úrslitum var það Herdís Björg Jóhannsdóttir sem var hlutskörpust á Kjarnveigu frá Dalsholti og þær unnu sér rétt til þátttöku í A-úrslitum þar með. Í A-úslitum urðu nokkrar tilfæringar því Signý Sól Snorradóttir á Rafni frá Melabergi stóð að lokum uppi sem sigurvegari og er Íslandsmeistari í T2 ungmenna. Sigurður Baldur Ríkharðssong og Loftur frá Traðarlandi urðu í öðru sæti og Védís Huld á Breka í því þriðja.

Keppni í tölti T1 er ávallt einn af stórviðburðum íslenskra hestamannamóta og að þessu sinni var engin undantekning þar á. Eftir forkeppni var það Árni Björn Pálsson sem leiddi á Kastaníu frá Kvistum með 8,87 í einkunn og Landsmótssigurvegarinn í tölti, Jakob Svavar Sigurðsson á Skarpi frá Kýrholti var annar með 8,77. Stutt þar á eftir voru Páll Bragi Hólmarsson á Vísi frá Kagaðarhóli og Flosi Ólafsson á Röðli frá Haukagili í Hvítársíðu. Í B-úrslitum urðu Ragnhildur Haraldsdóttir á Úlfi frá Mosfellsbæ og Jóhanna Margrét Snorradóttir á Kormáki frá Kvistum jafnar og fóru báðar upp í A-úrslit. Í A-úrslitum má segja að einvígi hafi verið háð á milli Jakobs og Árna Björns sem hafði harma að hefna eftir töltúrslitin á Landsmóti. En að endingu var það einmitt hann Árni Björn á Kastaníu frá Kvistum sem stóð uppi sem sigurvegari með 9,11 í einkunn og er Íslandsmeistari í tölti fullorðinna. Jakob og Skarpur urðu í öðru sæti, rétt á eftir þeim með 9,06 og í þriðja sæti endaði Gústaf Ásgeir Hinriksson á Össu frá Miðhúsum.

Í tölti T1 ungmenna var einnig hörkukeppni en Jón Ársæll Bergmann leiddi töltið eftir forkeppni á Heið frá Eystra-Fróðholti. Matthías Sigurðsson á Tuma frá Jarðbrú var annar og Védís Huld Sigurðadóttir á Breka frá Sunnuhvoli í þriðja sæti eftir forkeppnina. Í B-úrslitum var það Guðmar Hólm Ísólfsson Líndal sem var hlutskarpastur á Gretti frá Hólum og tók þátt í A-úrslitum. Jón Ársæll og Heiður héldu uppteknum hætti í A-úrslitum töltsins og sigldu heim sigri og eru Íslandsmeistarar í tölti T1 ungmenna eftir sannfærandi sýningar. Í öðru sæti varð svo Íslandsmeistarinn í fjórgangi hún Guðný Dís á honum Straumi frá Hofsstöðum í Garðabæ og Guðmar Hólm á Gretti reið sig alla leið upp í þriðja sætið þar sem hann var jafn Heklu Rán Hannsdóttur og Védísi Huld Sigurðardóttur.

Skeiðgreinar

Þrátt fyrir votviðri og nýafstaðið Landsmót var ekki að sjá að þreyta væri í skeiðhestum á þessu móti og hreint ótrúlegir tímar náðust í kappreiðum á mótinu. Heimsmet var slegið í 150 m skeiði og margir af bestu tímum ársins litu dagsins ljós.

Það er óhætt að fullyrða að Konráð Valur Sveinsson og Kjarkur frá Árbæjarhjáleigu II séu ótrúlegt par. Fyrr í vor slógu þeir Íslandsmet í 150 m skeiði og nú á Íslandsmóti gerðu þeir gott betur og bættu gildandi heimsmet í greininni þegar þeir hlupu sprettinn á 13,46 sek. Metið bíður staðfestingar. En þeir félagar eru þar með Íslandsmeistarar í 150 m skeiði. Í öðru sæti varð Þórarinn Ragnarsson á Bínu frá Vatnsholti og Daníel Gunnarsson á Skálmöld urðu í því þriðja.

Í 150 m skeiði ungmenna varð Jón Ársæll Bergmann á Rikka frá Stóru-Gröf ytri hlutskarpastur og bætti þar með í titlasafn sitt á þessu móti en hann vann þrjá Íslandsmeistaratitla á mótinu, sannarlega glæsilegur árangur það.

Í 250 m skeiði dró einnig heldur betur til tíðinda, því það er alltaf sterkt þegar hestur hleypur 250 m skeið á tíma undir 22 sek. Daníel Gunnarsson og Kló frá Einhamri 2 gerðu það einmitt í spretti 2 í fyrri umferð 250 skeiðs þegar þau fóru á tímanum 21,98 sek, en það sem þykir tíðindum sæta er að þegar upp var staðið dugði sá tími ekki til verðlauna á mótinu því þau enduðu í 6. Sæti. Það var Sigursteinn Sumarliðason á Krókus frá Dalbæ sem sigraði og er Íslandsmeistari 2024 á tímanum 21,35 sek. Í öðru sæti varð Konráð Valur Sveinsson og Kastor frá Garðshorni 21,53 sek og í þriðja sæti Þorgeir Ólafsson á Rangá frá Torfunesi á 21,60 en auk þeirra voru það Gústaf Ásgeir Hinriksson og Sjóður, Sigurður Sigurðarson og Tromma ásamt fyrrnefndum Daníel á Kló sem fóru á tímum undir 22 sekúndum. Ólíklegt er að það hafi gerst áður að 6 hestar hlaupi brautina á slíkum tímum á sama móti.

100m flugskeið var engin undantekning hvað góða tíma varðar því Konráð Valur og Kastor frá Garðshorni sigruðu greinina á 7,19 sekúndum sem er einungis ögn yfir gildandi Íslandsmeti og Konráð þar með orðinn tvöfaldur Íslandsmeistari. Ingibergur Árnason og Sólveig frá Kirkjubæ urðu í öðru sæti og Sigursteinn og Krókus frá Dalbæ í því þriðja. Tímarnir í 100 m skeiði voru heilt yfir frábærir en 11 hestar fóru á 7,50 sek eða hraðar.

Frábærir tímar náðust einnig í 100m skeiði ungmenna en Guðmar Hólm Ísólfsson Líndal sigraði á Alviðru frá Kagaðarhóli á tímanum 7,38. Kristján Árni Birgisson á Kröflu frá Syðri-Rauðalæk varð annar og Jón Ársæll Bergmann á Rikka þriðji.

Í gæðingaskeiði fullorðinna var það Jakob Svavar Sigurðsson sem stóð uppi sem sigurvegari á Erni frá Efri-Hrepp með 8,54 í einkunn og er Íslandsmeistari í greininni þar með og bætti þar við öðrum titli sínum á mótinu. Í öðru sæti varð Jóhann Kristinn Ragnarsson á Þórvöru frá Lækjarbotnum og Daníel Gunarsson varð þriðji á Strák frá Miðsitju.

Í gæðingaskeiði ungmenna var það Kristján Árni Birgisson á Súlu frá Kanastöðum sem stóð uppi sem sigurvegari með 7,38 í einkunn. Í öðru sæti varð Lilja Dögg Ágústsdóttir á Stanley frá Hlemmiskeiði 3 og Björg Ingólfsdóttir á Kjuða frá Dýrfinnustöðum varð þriðja.

Samanlagðir sigurvegarar

Í fullorðinsflokki varð Ásmundur Ernir Snorrason samanlagður sigurvegari bæði í báðum greinum. Í fjórgangsgreinum sigraði hann á Hlökk frá Strandarhöfði eftir frábæra frammstöðu í slaktaumatölti og fjórgangi. Í fimmgangsgreinum var það Askur frá Holtsmúla sem fleyttir Ásmundi hátt í fimmgangi, tölti og gæðingaskeiði.

Samanlagður sigurvegari í fjórgangsgreinum í ungmennaflokki varð Þórey Þula Helgadóttir og Hrafna frá Hvammi. Samanlagður sigurvegari í fimmgangsgreinum í ungmennaflokki varð Þórgunnur Þórarinsdóttir á Djarfi frá Flatatungu.

Íslandsmótunum í hestaíþróttum 2024 er þar með lokið. Yngri flokka mótið fór fram á vegum hestamannafélagsins Harðar í Mosfellsbæ og eldri flokka mótið á vegum hestamannafélagsins Fáks í Víðidal. Landssamband hestamannafélga þakkar öllum knöpum sína þátttöku á glæsilegum mótum og kann mótshöldurum bestu þakkir fyrir sitt framlag við að halda mótin með miklum sóma.

Íslandsmót ungmenna & fullorðinna hefst í Víðidalnum á morgun

Wed, 24 Jul 2024 21:40:21 GMT

Íslandsmót ungmenna & fullorðinna hefst í Víðidalnum á morgun

Íslandsmót ungmenna & fullorðinna hefst á morgun fimmtudaginn 25. júlí kl. 12:00 á keppni í fjórgangi. Það er ljóst að fremstu knapar okkar eru á leið í Víðidalinn með sterkustu og fljótustu hesta landsins til að etja kappi um Íslandsmeistaratitla þessa árs og keppt verður í fjórgangi, fimmgangi, slaktaumatölti, tölti, flugskeiði, 150m skeiði, 250m skeiði og gæðingaskeiði.

Á morgun verður keppt í fjórgangi beggja flokka og í fimmgangi ungmenna. Deginum lýkur svo á fyrri umferð í kappreiðaskeiði.

Ýmsar nytsamlegar upplýsingar er að finna á viðburði mótsins á Facebook og sömuleiðis í HorseDay smáforritinu. Alendis streymir beint frá mótinu allan tímann.

Veitingasala verður í reiðhöllinni og mun Jón Guðmundsson kokkur og starfsfólk mótsins sjá um að allir fái eitthvað gott í gogginn alla mótsdagana.

Ef eitthvað brennur á fólki þá er hægt að hafa samband við mótsstjóra og/eða yfirdómara með pósti á skraning@fakur.is .

Víðidalurinn mun taka vel á móti keppendum, aðstandendum og öðrum gestum og skartar nú þegar sínu allra fegursta.

Mótsstjórn óskar keppendum góðs gengis og drengilegrar keppni.

Landslið Íslands á norðurlandamótinu í Herning

Wed, 24 Jul 2024 14:47:33 GMT

Dagana 8-11 ágúst fer Norðurlandamótið í hestaíþróttum og gæðingakeppni fram á glæsilegu keppnissvæði í Herning í Danmörku.

Fjöldi góðra hesta og knapa eru skráð til leiks í hinum ýmsu greinum og mótið verður haldið með glæsilegri umgjörð.

Landslið Íslands verður líkt og á síðasta Norðurlandamóti skipað knöpum yngri kynslóðarinnar að uppstöðu til ásamt reynsluboltum sem skipa fullorðinsliðið þeim til halds og trausts.

Í fullorðinsflokki er liðið skipað:

Jón Bjarni Smárason og Skutull frá Hafsteinsstöðum sem taka þátt í A-flokki gæðinga.

Sigurður Vignir Matthíasson og Julia från Agersta í skeiðgreinum.

Sigurður Sigurðarson og Tígull fra Kleiva í Tölt, fjórgang og B-flokk

Viðar Ingólfsson og Týr från Svala Gård í fimmgangi, gæðingaskeiði og tölti.

Þórður Þorgeirsson og Gormur fra Vilanora í A-flokki gæðinga.

Ungmennaliðið er skipað eftirfarandi knöpum:

Dagur Sigurðarson og Rögnir frá Minni-Völlum í unglingaflokk gæðinga.

Elva Rún Jónsdóttir og Bella frá Blönduósi í fjórgang, tölt og unglingaflokk gæðinga.

Embla Lind Ragnarsdóttir og Sæla från Vedbyboställe í skeiðgreinar.

Guðný Dís Jónsdóttir og Kristall frá Jaðri í tölt, fjórgang og slaktaumatölt.

Guðmar Hólm Ísólfsson Líndal og Eyvar frá Álfhólum í B-flokk ungmenna og Sólbjartur frá Akureyri í A-flokk ungmenna.

Harpa Dögg Bergmann Heiðarsdóttir og Sefja frá Kampi í 100 m skeið og 250 m skeið.

Hekla Rán Hannesdóttir og Huginn frá Halakoti í tölt, fjórgang og B-flokk ungmenna.

Herdís Björg Jóhannsdóttir og Elskamin von Erkshausen í slaktaumatölt.

Hulda María Sveinbjörnsdóttir og Hetja frá Árbæ í fimmgang, gæðingaskeið og slaktaumatölt.

Matthías Sigurðsson og Páfi frá Kjarri fara í fimmgang, tölt og gæðingaskeið og Matti er með Gust frá Stóra Vatnsskarði í A-flokki ungmenna þar að auki.

Ragnar Bjarki Sveinbjörnsson og Blikka frá Þóroddsstöðum í skeiðgreinar.

Ragnar Snær Viðarsson er með Gimstein frá Íbishóli í tölti og fjórgangi og Skorra frá Þúfu í unglingaflokki gæðingakeppninnar.

Selma Leifsdóttir og Varúlfur frá Eylandi í tölti og fjórgangi.

Sigurður Baldur Ríkharðsson er með Júní frá Brúnum í A-flokki ungmenna.

Védís Huld Sigurðardóttir og Búi frá Húsavík í fimmgangi og tölti.

Eins og sjá má er íslenska liðið vel skipað sterkum knöpum á góðum hestum sem á dögunum fyrir mót þurfa að slípast saman og ná áttum því að megninu til er liðið skipað knöpum á lánshestum líkt og tíðkast oft á Norðurlandamótum.

Aðeins einn hestur fór frá Íslandi í aðdraganda mótsins en aðrir hestar eru þegar staddir ýmist í Danmörku, Svíþjóð, Þýskalandi og Noregi.

Það verður spennandi að fylgjast með mótinu og við óskum landsliðsknöpum og teyminu góðs gengis.

Glæsilegu og afar spennandi Íslandsmóti lokið

Mon, 22 Jul 2024 00:52:00 GMT

Hestamannafélagið Hörður í Mosfellsbæ bauð uppá frábæra aðstöðu og glæsilegt Íslandsmót barna og unglinga. Mótið var það fjölmennasta sem hefur verið haldið. Veðrið lék við mótsgesti að mestum hluta og mörg pör áttu frábærar sýningar. Mótið heppnaðist vel, var afar jafnt og spennandi en margsinnis varð að grípa til dómara úrskurðar um hver hlyti Íslandsmeistaratitilinn. Þátttakendur eiga lof skilið fyrir íþróttamannslega framkomu og fallega reiðmennsku.

Dagurinn í dag var hreinn úrslitadagur og hófst á keppni í fjórgangi unglinga. Þar var keppnin geysilega hörð og var það að lokum sætaröð dómara sem skar úr um úrslitin þar sem þau Elva Rún Jónsdóttir á Hraunari frá Vorsabæ II voru hlutskarpari en þau og Elísabet Líf Sigvaldadóttir á Goða frá Garðabæ voru jöfn með 6,93 í einkunn. Í þriðja sæti með 6,90 í einkunn voru svo þau Kristín Eir Hauksdóttir Holaker á Þyt frá Skáney, en þau komu sigruðu B úrslitin í gær.

Í fjórgangi barna var það Linda Guðbjörg Friðriksdóttir og Áhugi frá Ytra-Dalgerði sem sigruðu með 6,80 í einkunn. Í öðru sæti var Elimar Elvarsson og Salka frá Hólateig með 6,67 og í þriðja sæti var sigurvegari B úrslitana Emma Rún Arnardóttir og Tenór frá Litlu-Sandvík með 6,50.

Þá var komið að Gæðingakeppni sem er aukagrein á Íslandsmóti, þar af leiðandi eru ekki krýndir Íslandsmeistarar í þeim greinum. Keppnin var engu að síðu æsispennandi og í Unglinga flokk voru það þær Steinunn Lilja Guðnadóttir og Heppni frá Þúfu í Landeyjum sem sigruðu með 8,65 í einkunn. Rétt á hæla þeirra voru Hrefna Kristín Ómarsdóttir og Háfleyg frá Álfhólum með 8,63 og í þriðja sæti með 8,62 voru þau Kristin Eir Hauksdóttir Holaker og Ísar frá Skáney. Í Barnaflokki voru það Landsmóts sigurvegararnir Viktoría Huld Hannesdóttir og Þinur frá Enni sem komu, sáu og sigruðu með 9,16 í einkunn. Önnur voru Elimar Elvarsson og Ísabella frá Stangarlæk 1 með 8,66 og í þriðja sæti þau Jón Guðmundsson og Pabbastelpa frá Ásmundarstöðum með 8,62.

Næst fór fram ,,keppni“ í pollatölti og hver veit nema við eigum eftir að sjá einhverja af þeim efnilegu knöpum vinna greinar á Íslandsmóti eftir nokkur ár.

Eftir hádegi var komið að Slaktaumatölti T4. Í Barnaflokki sigruðu Kristín Rut Jónsdóttir og Roði frá Margrétarhofi með 6,75 í einkunn. Í öðru sæti voru Viktoría Huld Hannesdóttir og Þinur frá Enni með 6,71 og í því þriðja Ásthildur Viktoría Sigurvinsdóttir og Hrafn frá Eylandi með 6,67 í einkunn. Í unglingaflokki þurfti aftur að grípa til sætaröðunar dómara til þess að úrskurða um Íslandsmeistara og vori það þau Fanndís Helgadóttir og Ötul frá Narfastöðum sem stóðu uppi sem sigurvegarar með 7,13 í einkunn en í öðru sæti þau Lilja Rún Sigurjónsdóttir og Arion frá Miklholti. Í þriðja sæti voru Ragnar Bjarki Sveinbjörnsson og Polka frá Tvennu með 6,92 í einkunn.

Í gæðingatölti sem var næst á dagskrá, var það Kristín Rut Jónsdóttir og Fluga frá Garðabæ sem sigruðu barnaflokkinn með 8,77 í einkunn, en Kristín Rut var nýbúin að sigra Slaktaumatöltið, þvílíkir árangur það. Sigríður Fjóla Aradóttir og Ekkó frá Hvítárholti urðu önnur með 8,75 og í því þriðja voru Aron Einar Ólafsson og Alda frá Skipaskaga með einkunnina 8,61. Í Unglingaflokki sigruðu Elín Ósk Óskarsdóttir og Sara frá Lækjarbrekku með 8,69 í einkunn. Í öðru sæti voru Súsanna Guðlaug Halldórsdóttir og Ronja frá Ríp 3 með 8,64 og í því þriðja Bryndís Anna Gunnarsdóttir og Dreyri frá Hjaltastöðum með 8,63.

Síðasta grein fyrir síðdegishlé var keppni í fimmgangi unglinga og þar voru það þau Fanndís Helgadóttir og Sproti frá Vesturkoti sem unnu með 6,88 í einkunn. Fanndís varð einnig Íslandsmeistari í slaktaumatölti unglinga, glæsileg frammistaða. Í öðru sæti voru Dagur Sigurðsson og Skugga-Svein frá Þjóðólfshaga 1 með 6,81 í einkunn og í því þriðja voru Hrafnhildur Svava Sigurðardóttir og Smyril frá V-Stokkseyrarseli með 6,52 í einkunn.

Þá var komið að Tölti T3 í Barnaflokki þar sem enn og aftur þurfti að grípa til sætaröðunar dómara og voru það þau Elimar Elvarsson og Salka frá Hólateigi sem voru krýnd Íslandsmeistarar með 6,94 í einkunn. Önnur varð Linda Guðbjörg Friðriksdóttir og Áhugi frá Ytra-Dalsgerði með 6,94 í einkunn en þau hömpuðu fyrr í dag Íslandsmeistara titli í fjórgangi. Í þriðja sæti voru þau Jakob Freyr Maagaard Ólafsson og Djörfung frá Miðkoti með 6,72 í einkunn.

Síðasta grein dagsins var svo Tölt T1 í unglingaflokki og líkt í öllum úrslitum dagsins var gífurleg spenna og jöfn keppni. Elva Rún Jónsdóttir og Straumur frá Hofstöðum stóðu uppi sem sigurvegarar með með 7,28 í einkunn, en fyrr í dag varð Elva Rún Íslandsmeistari í fjórgang, magnaður árangur. Í öðru sæti voru það þau Kolbrún Sif Sindradóttir og Hallsteinn frá Hólum með 7,06 í einkunn. Í þriðja sæti voru jafnar Apríl Björk Þórisdóttir og Lilja frá Kvistum, Lilja Rún Sigurjónsdóttir og Sigð frá Syðri-Gegnishólum og Elísabet Líf Sigvaldadóttir og Goði frá Garðabæ öll með 6,89 í einkunn. Heldur betur spennandi loka kafli á mótinu sem undirstrikar hversu jöfn og spennandi keppnin hefur verið og þvílík gæði og hæfileikar búa í þessum framúrskarandi knöpum sem hafa att kappi á Varmárbökkum í vikunni.

Svona mót er þó ómögulegt að halda nema með vegna þeirra góðu styrktaraðila og sjálfboðaliða sem koma að mótinu. Styrktaraðilar mótsins voru í stafrófsröð:

Askja

Blue Lagoon

BM Vallá

Eykt

Icelandair Cargo

Lífland

Límtré Vírnet

Skipaskagi

Horseday

Margretarhof

Fákshólar

Vörður

Mosfellsbær

Skáney

Blíðubakkahúsið

Trausti fasteignasala

Hringdu

Bílaklæðningar

Pálsson

Höfðakaffi

Svipmyndur frá mótinu:

Dásamlegur sumardagur á Íslandsmóti Barna og Unglinga

Sat, 20 Jul 2024 23:03:00 GMT

Dagurinn í dag var sannkallaður sumardagur hér á Varmárbökkum, þar sem keppendur og áhorfendur nutu sín í blíðskaparveðri.

Forkeppni í Gæðingakeppni var fyrst á dagskrá en eftir hádegi hófust B-úrslit fyrst í fimmgangi unglinga þar sem Elva Rún Jónsdóttir og Pipar frá Ketilsstöðum voru hlutskörpust með 6,12 í einkunn og keppa því til úrslita á morgun.

Þá tóku við B úrslit í fjórgangi í barna og unglingaflokki. Í barnaflokki var það Emma Rún Arnardóttir og Tenór frá Litlu-Sandvík sem tyggðu sig inn á A úrslit og unglingaflokki voru það þau Kristín Eir Hauksdóttir Holake og Þytur frá Skáney sem mæta aftur á morgun.

Í tölti T4 í unglingaflokk voru það þær Hrefna Kristín Ómarsdóttir og Hrafnadís frá Álfhólum sem náðu bestum árangri. Í T1 voru það þær Apríl Björk Þórisdóttir og Lilja frá Kvistum sem áttu bestu sýninguna og mæta til A úrslita á morgun.

Þá var komið að 100m flugskeið í unglingaflokk. Þar voru margir glæsilegir sprettir en fljótust voru þau Róbert Darri Edwardsson og Krafla frá Syðri-Rauðalæk og standa þau því uppi sem Íslandsmeistarar á tímanum 7,40 sek. Næst á eftir voru þau Dagur Sigurðsson og Tromma frá Skúfslæk á 7,43 sek, fyrrum Íslandsmeistarar í greininni.

Deginum lauk svo á grilli og Bingói þar sem þátttakendur skemmtu sér vel og hlutu frábæra vinninga frá eftirfarandi styrktaraðilum:

Brokk

Hrímnir

Lífland

Laugarásbíó

Askja

Noma

Fákaland

Forlagið

Búvörur

Í gær var krýndur Íslandsmeistari í gæðingaskeiði unglinga Lilja Rún Sigurjóndóttir og Heiða frá Skák. Á morgun er svo hreinn úrslita dagur og byrjar gleðin kl 9:30 á fjórgangi unglinga. Dagskránni lýkir svo að ganga fjögur á A úrslitum í Tölti T1 í unglingaflokki.

Frábær stemning á Íslandsmóti barna og unglinga

Fri, 19 Jul 2024 11:07:58 GMT

Íslandsmót barna og unglinga hefur farið vel af stað. Aðstæður á Varmárbökkum, félagssvæði Harðar í Mosfellsbæ eru eins og best verður á kosið. Þegar hafa margar glæsilegar sýningar átt sér stað. Forkeppni í fjórgangi í Barnaflokki og Unglingaflokki er lokið sem og forkeppni í Fimmgangi í Unglingaflokki.

Í gærkvöldi fóru svo fram keppni í gæðingarlist og voru þar fyrstu Íslandsmeistararnir krýndir. Í barnaflokki voru það þau Viktoria Huld Hannesdóttir Þinur frá Enni sem stóðu uppi sem sigurvegar með 6,23 í einkunn. Í unglingaflokk voru það þau Elísabet Líf Sigvaldadóttir og Fenrir frá Kvistum sem sigruðu með 7,13 í einkunn.

Síðasti skráningardagur fyrir Íslandsmót er í dag

Fri, 19 Jul 2024 10:37:00 GMT

Í dag er síðasti skráningardagur á Íslandsmót fullorðinna og ungmenna í hestaíþróttum sem haldið verður í Víðdal í næstu viku. Það er Hestamannafélagið Fákur sem heldur mótið dagana 24.júlí – 28.júlí. Þátttökurétt eiga þau pör sem hafa náð lágmörkum í hverri grein á þessu ári ekki síðar en 19. júlí en þá lýkur skráningu á mótið.

Pör sem náð hafa lágmörkum í hringvallagreinum í fullorðinsflokki og ungmennaflokki hafa heimild til að taka þátt á mótinu. Lágmörk gilda einnig í skeiðgreinum, 100m, 150m, 250m og gæðingaskeiði. Í Gæðingalist eru það fyrir 15 sem skrá sig.

Víðidalurinn mun án efa skarta sínu fegursta og það verður spennandi að fylgjast með bestu hestum og knöpum landsins etja þar kappi.

Skráning er hafin og lýkur 19. júlí kl 23:59. Skráningagjald í hverja grein eru 15.000kr. Skráning fer fram í sportfeng og velja þar Fák sem mótshaldara.

skraningar@fakur.is

Facebooksíða mótsins: Íslandsmót 2024 Facebook

Þau lágmörk sem pör skulu hafa náð eru eftirfarandi;

F1 – Fullorðnir 6,80

F1 – Ungmenni 6,10

V1 – Fullorðnir 7,00

V1 – Ungmenni. 6,50

T1 - Fullorðnir. 7,40

T1 – Ungmenni. 6,60

T2 - Fullorðnir. 7,00

T2 - Ungmenni 6,20

PP1 – Fullorðnir 7,10

PP1 – Ungmenni 5,90

P2 100m – Fullorðnir 8,0 sek

P2 100m – Ungmenni 9,0 sek

P3 150m – Opinn flokkur 15,40 sek

P3 1500m - Ungmenni 17,00 sek

P1 250m - Opinn flokkur 24,80 sek

P1 250m – ungmenni 26,00 sek

Gæðingalist – Fullorðnir – Fyrstu 15 sem skrá.

Gæðingalist – Ungmenni – Fyrstu 15 sem skrá.

Áhugamannamót Íslands fer fram á Akranesi

Fri, 19 Jul 2024 09:57:02 GMT

Áhugamannamót Íslands fer fram dagana 9.-11. ágúst á Æðarodda félagssvæði Dreyra. Þátttökurétt hafa allir sem náð hafa 22 ára aldri og hafa ekki keppt í meistaraflokki í íþróttakeppni á síðastliðnum 5 árum. Á sama tíma fer fram Opið íþróttamót Dreyra.

Undirbúningur er í fullum gangi og tínast styrktaraðilar í hús hver af öðrum. Þeir sem hafa áhuga að að styrkja mótið mega endilega setja sig í samband við Magnús Karl Gylfason: magnusgylfa@gmail.com

Skráningu lýkur á miðnætti 5. ágúst . Mótanefnd áskilur sér rétt til að fella niður greinar náist ekki þáttaka í greinum.

Skráning fer fram í gegnum Sportfeng.

Keppt verður í eftirfarandi greinum á Áhugamannamóti:

1. flokkur: V2, T3, F2, T4, Gæðingaskeið, 100m skeið, A-flokk og B-flokk.

Opið Íþróttamót Dreyra:

Opinn flokkur: V2, T3, F2, T4, Gæðingaskeið, 100m skeið

2. flokkur: V5, T7

Ungmenni: V2, T3, F2, T4, Gæðingaskeið, 100m skeið

Unglingar: V2, T3, F2, T4

Börn: V5, T7

Knapar sem óska eftir hesthúsplássi á meðan mótinu stendur verða að láta Mótanefnd Dreyra vita fyrir miðvikudaginn 6.8.24

Tveir knapar bætast við U21 Landslið Íslands á Norðurlandamóti

Fri, 19 Jul 2024 08:04:00 GMT

Undirbúningur fyrir Norðurlandamót er á blússandi siglingu og nú liggur fyrir hvaða knapar munu keppa fyrir Íslands hönd í yngri flokkunum.
Íslenska liðið þarf að mestu leyti að stóla á lánshesta á Norðurlandamóti og því er mótið ansi skemmtileg áskorun.

Að þessu sinni var til að mynda enginn útflutningur á hestum frá Íslandi frá 12.júlí fram í miðjan ágúst. Það gerði það að verkum að einungis einn hestur var fluttur út þann 1.júlí og verður orðinn fullbólusettur þegar mótið hefst. Liðið þarf því að treysta á hesteigendur í Evrópu til að hjálpa við að hesta liðið og hefur það gengið vel og erum við hesteigendum virkilega þakklát.

Knapar í U21 árs hópnum sem fara á mótið eru á aldrinum 16 - 21 árs. Þessir knapar munu spreyta sig ýmist einungis í íþróttagreinum mótsins og/eða gæðingakeppnisgreinum mótsins.
Eftirfarandi knapar hafa verið valdir í hópinn :

Dagur Sigurðarson, Geysir

Elva Rún Jónsdóttir, Sprettur

Embla Lind Ragnarsdóttir, Sleipnir

Guðný Dís Jónsdóttir, Sprettur

Guðmar Hólm Ísólfsson Líndal, Þytur

Harpa Dögg Bergmann Heiðarsdóttir, Snæfellingur

Hekla Rán Hannesdóttir, Sprettur

Herdís Björg Jóhannsdóttir, Sprettur

Hulda María Sveinbjörnsdóttir, Sprettur

Matthías Sigurðsson, Fákur

Ragnar Bjarki Sveinbjörnsson, Sprettur

Ragnar Snær Viðarsson, Fákur

Selma Leifsdóttir, Fákur

Sigurður Baldur Ríkharðsson, Sprettur

Védís Huld Sigurðardóttir, Sleipnir

Í næstu viku verða hestarnir kynntir og keppnisgreinarnar sem parið mun spreyta sig í.

Áfram Ísland

FEIF Youth Cup hefst í dag

Wed, 17 Jul 2024 15:22:00 GMT

Nú fer fram FEIF Youth Cup í Sviss. Sex þátttakendur eru frá Íslandi, þau flugu út til Sviss á fimmtudaginn síðasta og hafa nýtt tímann vel til að kynnast aðstæðum þar úti. Í dag hefst svo keppnin og er hægt að fylgjast með henni í IceTest smáforritinu.

Ferðin hefur fram að þessu verkið mikið ævintýri fyrir þátttakendur, veðrið hefur verið til smá trafala sökum mikilla rigninga og þrumuveðurs. En hér má lesa brot úr pistil frá Dagbjörtu Huldu Guðbjörnsdóttur en hún, Rakel Katrín Sigurhansdóttir og Elísabet Jóhannsdóttir fylgja hópnum í ferðinni.

Svisslendingar eru mjög stolt af sjálfstæði sínu og herinn skipar stóran sess hér í landi og frá unga aldri eru þau vön að fara í sumarbúðir þar sem neðanjarðar birgi eru nýtt sem gisting. Fyrir okkur og krakkanna hljómar það undarlegt og skrítin tilhugsun að sofa neðanjarðar en það kom a.m.k. mér á óvart hvernig aðstæður eru og rúmin svipuð og fjallakofar heima nema engir gluggar.

Hér er fótarferðartími upp úr kl 6 (4 á Íslandi) og því fer hópurinn í byrgið kl 20 og ró þarf að vera komin á hér kl 22 á kvöldin.

Á laugardaginn fórum við til Münsingen. Dagurinn fór í að koma okkur til Sólfaxa, koma hestunum okkar aftur inn í hesthúsið þar sem búið var að dreifa hálmi/stráum í stíurnar þar sem svæðið var mjög blautt. En þar sem Helgi Leifur sagði okkur að sínir hestar mættu eingöngu borða súrhey og sumir hestarnir byrjuðu að smakka á hálminum þá fór hellings vinna í að ýmist moka honum út eða finna nýjar stíur.

Svæðið hjá hesthúsinu var mjög blautt eftir nóttina. Sumir skór voru ekki orðnir þurrir eftir þrumuveðrið daginn áður og hluti af krökkunum ákváðu að fórna strigaskónum sínum þótt þeim hafi verið bent á að þau yrði hvort heldur sem er blaut í fæturna.

Dagurinn fór líka í að búa til beitarhólf fyrir hestanna. Krakkarnir fóru með hestanna sína í dýralæknisskoðun sem allir stóðust en dýralæknir hafði þó áhyggjur af einum hesti þegar líða tæki á vikuna og mælti með að fundinn yrði annar, ef hægt væri en hitaspáinn hér fyrir fimmtudag og föstudag er 29-30°c.

Catherine sem heldur utan um skipulagið hér er þaulreynd og vel undirbúin og hafði því gert ráð fyrir að þessi staða gæti komið upp hjá einhverjum og var með auka hest hér í hesthúsi á Sólfaxa svo það fór eins vel og hægt var. Þá um kvöldið var krökkunum skipt upp í alþjóðleg lið.

Á sunnudaginn tóku liðsstjórar við þeim í morgunmatnum og voru þau á fyrirlestrum fyrir hádegi og fóru öll í einn reiðtíma, hvert með sínu liði. Inn á milli unnu þau verkefni með sínum liðum og sinntu hestunum þegar þau gátu. Sjálf eyddi ég deginum aðallega í að laga til stíurnar fyrir hestanna og sá um að þau fengju að borða o.s.fv. síðan eftir kvöldmat var einn fyrirlestur áður en við héldum aftur í byrgið.

Á mánudaginn fór hvert lið í tvo reiðtíma, borðuðu morgun- og hádegismat með sínum liðum. Ég hef aðallega hitt þau í hesthúsinu þegar þau eru þar eða á kaffistofunni þar sem við CL getum sést niður og slakað aðeins á milli anna. Við fengum hrós á mánudaginn fyrir hvað stíurnar væru fínar en krakkarnir hafa staðið sig mjög vel þegar þau hafa átt frítíma við að sinna hestunum og gera hreint hjá þeim. Eftir kvöldmat var síðan þjóðarkvöldið þar sem hvert land kemur með atriði. Krakkarnir ætluðu að hafa kviss en þegar við áttuðum okkur á að atriðið mætti bara vera 5-7 mín. Þá ákváðum við að vera ekkert að finna upp hjólið og sýndum YouTube myndbönd, fyrst The true Icelandic Horse sem sýnir hvað hestinum okkar þykir um að vera stundum kallaður Pony og svo The Hardest Karaoke Song in the World eða The A to Ö of Iceland. Atriðin voru mjög fjölbreytt og eftir þau bauð hvert land upp á nammi eða góðgæti frá heimalandinu og buðum við upp á Þrista. Það kvöld kom aftur þrumuveður og stóð yfir fram eftir nóttu.

Við komuna upp í hesthús á þriðjudag beið okkar CL að setja alla hesta út í beitarhólf eða í aðra aðstöðu og gefa morgungjöf þar. Krakkarnir fóru með sínum liðum í reiðtíma og unnu hópaverkefni en þess á milli stóðu þau sig mjög vel í að aðstoða mig sem eyddi lunganu úr deginum í að moka út blautan spænir og hálm til að stíurnar gætu mögulega þornað aftur í hitanum sem gekk upp að mestu.

Fyrir kvöldmat voru þjálfarar kvaddir og viðtók sýnikennsla í fjórgang og fimmgang. Áður en farið var í byrgið vann hópurinn vel saman og græjuðu stíurnar fyrir nóttina.

Dagurinn í dag byrjaði að ferð til NPZ eða Svissnesku hestasamtakanna og sáum þar ýmsar aðrar hestategundir, fylgdumst með heimsmeistaramótinu í Vaulting eða fimleikum á hestum. Síðan var okkur boðið upp á margskonar osta, brauð, álegg og ostasúpu. Nú erum við á leið í Fit to Compet skoðun og svo byrjar keppnin kl 17 í dag á Trail. Hægt er að fylgjast með mótinu inn á IceTest.

Áfram Ísland!

Krakkar munið: Njóta, hafa gaman og styðja hvert annað

Íslandsmót barna og unglinga í sjónvarpi símans

Wed, 17 Jul 2024 00:23:22 GMT

Íslandsmót barna- og unglinga 2024 hefst í dag. Mótið verður haldið á félagssvæði Harðar í Mosfellsbæ og stendur fram á sunnudag.

Mótið hefst á keppni unglinga í fjórgangi kl 13:00. Hægt verður að fylgjast með mótinu í beini streymi í gegnum sjónvarp símans. Það er Eiðfaxi tv sem mun sjá um streymið. Dagsskrá mótsins og niðurstöður verða aðgengilegar í HorseDay smáforritinu.

Við hvetjum allt hestafólk að koma í mosfellsbæinn og sjá þessa hæfileikaríku knapa sýna hvað í þeim býr.

Keppt verður í eftirfarandi greinum:

Barnaflokkur: Gæðingalist 1. stig, Tölt T3, Tölt T4 og Fjórgangi V2.

Unglingaflokkur: Gæðingalist 2. stig, Tölt T1, Tölt T4, Fjórgangur V1, Fimmangur F2, Gæðingaskeiði PP1 og 100 m. flugskeið P2.

Jafnframt verður nú boðið uppá gæðingakeppni og gæðingatölt í báðum aldursflokkum.

Þá verður boðið upp á pollaflokk bæði sjálfir og teymdir.

Síðasti skráningardagur fyrir Íslandsmót barna- og unglinga

Thu, 11 Jul 2024 14:46:00 GMT

Íslandsmót barna- og unglinga 2024 verður haldið á félagssvæði Harðar í Mosfellsbæ dagana 17.-21. júlí.

Skráningu lýkur í kvöld kl 23:59

Keppt verður í eftirfarandi greinum:

Barnaflokkur: Gæðingalist 1. stig, Tölt T3, Tölt T4 og Fjórgangi V2.

Unglingaflokkur: Gæðingalist 2. stig, Tölt T1, Tölt T4, Fjórgangur V1, Fimmangur F2, Gæðingaskeiði PP1 og 100 m. flugskeið P2.

Jafnframt verður nú boðið uppá gæðingakeppni og gæðingatölt í báðum aldursflokkum.

Þá verður boðið upp á pollaflokk bæði sjálfir og teymdir.

Opið verður fyrir skráningu á mótið inná www.sportfengur.com , fram til miðnættis 11. júlí.

Opið fyrir skráningu á Íslandsmót

Wed, 10 Jul 2024 14:10:00 GMT

Íslandsmót fullorðinna og ungmenna í hestaíþróttum verður haldið í Víðdal í sumar, það er Hestamannafélagið Fákur sem heldur mótið dagana 24.júlí – 28.júlí. Þátttökurétt eiga þau pör sem hafa náð lágmörkum í hverri grein á þessu ári ekki síðar en 19. júlí en þá lýkur skráningu á mótið.

Víðidalurinn mun án efa skarta sínu fegursta og það verður spennandi að fylgjast með bestu hestum og knöpum landsins etja þar kappi.

Skráning er hafin og lýkur 19. júlí kl 23:59. Skráningagjald í hverja grein eru 15.000kr. Skráning fer fram í sportfeng og velja þar Fák sem mótshaldara.

skraningar@fakur.is

Þau lágmörk sem pör skulu hafa náð eru eftirfarandi;

F1 – Fullorðnir 6,80

F1 – Ungmenni 6,10

V1 – Fullorðnir 7,00

V1 – Ungmenni. 6,50

T1 - Fullorðnir. 7,40

T1 – Ungmenni. 6,60

T2 - Fullorðnir. 7,00

T2 - Ungmenni 6,20

PP1 – Fullorðnir 7,10

PP1 – Ungmenni 5,90

P2 100m – Fullorðnir 8,0 sek

P2 100m – Ungmenni 9,0 sek

P3 150m – Opinn flokkur 15,40 sek

P3 1500m - Ungmenni 17,00 sek

P1 250m - Opinn flokkur 24,80 sek

P1 250m – ungmenni 26,00 sek

Gæðingalist – Fullorðnir – Fyrstu 15 sem skrá.

Gæðingalist – Ungmenni – Fyrstu 15 sem skrá.

Takk styrktaraðilar

Wed, 10 Jul 2024 14:00:00 GMT

Takk styrktaraðilar

Kæru hestamenn, nú er Landsmóti 2024 lokið. Mótið heppnaðist í alla staði alveg ótrúlega vel og meira að segja veðrið var mestan part eins og best verður á kosið. Sjaldan hefur verið viðlíka hestakostur á mótinu eins og núna. Þvílíkir gæðingar í öllum flokkum allt frá barnaflokki upp í A flokk gæðinga. Þá voru kynbótasýningarnar einnig alveg glæsilegar og fullt af frábærum hrossum þar sem munu halda áfram að bæta og efla okkar frábæra hestakyn.

Stemningin í þéttsetinni brekkunni var líka einstök. Í veðurblíðu er fátt eins dásamlegt eins og horfa á landsins bestu gæðinga og knapana þeirra sýna hæfileika sína. Stuðningurinn úr brekkunni og spennan var allt að því áþreifanleg og munu flestir þeirra sem þar sátu lifa á minningunni um þetta mót lengi. Ber einna helst að nefna orkuna sem stafaði frá mannfjöldanum þegar úrslit í Tölti T1 voru riðin í kvöldsólinni á laugardagskvöld. Þvílík gleði og stemning.

Það sem vakti eina helst athygli á mótinu er sá gífurlegi metnaður í barna- og unglingastarfi hestamannafélaganna sem skilar sér í afburða keppendum og sýnendum á mótinu. Kynslóðabilið verður sífellt minna þar sem okkar yngstu keppendur eru þegar farnir að narta í hælana á eldri og reynslumeiri knöpum. Að byggja upp afreksstarf í íþróttum er flókið og vandasamt verk, hvað þá í íþrótt þar sem ekki einungis þarf að hafa í huga að efla og styrkja knapann heldur líka hestinn. Á þessu móti sannaðist það að með markvissu og metnaðarfullu starfi er hægt að byggja undir heimsklassa árangur.

Hestamennskan er einstök íþrótt á margan hátt, hún er ein vinsælasta almenningsíþrótt á landinu og hefur gífurlegt menningarlegt gildi. Sem keppnisíþrótt er hún í algjörum sérflokki því sjaldan sjáum við á sama mótinu slíkt aldursbil eins og á Landsmóti hestamanna þar sem keppendur eru frá 10 ára og upp í rúmlega sjötugt. Þá er þetta ein afar fárra íþróttagreina þar sem keppni er ekki kynjaskipt.

Að halda úti móti eins og Landsmóti, starfi hestamannafélaga og afreksstarfi LH væri ómögulegt nema vegna þeirra góðu og öflugu sjálfboðaliða sem leggja sig fram í hvívetna og með stuðningi styrktaraðila okkar, en með framlögum sínum styðja þeir við áframhaldandi uppbyggingu í hestaíþróttinni.

Það sýndi sig á Landsmóti að áhugi á hestamennskunni eykst með hverju árinu, sjaldan hafa jafnmargir mætti á mótið en talið er að 10.000 manns hafi setið í brekkunni þegar mest var. Þá eru ótaldir þeir sem komu á mótið á öðrum tímum, horfðu á útsendingu RÚV eða á streymið frá Alendis bæði innan lands sem og erlendis.

Takk allir sem komu að Landsmóti með einum eða öðrum hætti og takk styrktaraðilar, ykkar framlag skiptir sköpum.

Takk styrktaraðilar

Wed, 10 Jul 2024 14:00:00 GMT

Takk allir sem komu að Landsmóti með einum eða öðrum hætti og takk styrktaraðilar, ykkar framlag skiptir sköpum.

Punktamót Geysis 16. júlí

Tue, 09 Jul 2024 11:06:51 GMT

Þriðjudaginn 16.júlí verður haldið punktamót á Rangárbökkum við Hellu. Er þetta hugsað sem tækifæri fyrir knapa að ná einkunn fyrir Íslandsmót.

Boðið verður upp á meistaraflokk og ungmennaflokk í eftirfarandi keppnisgreinum:
• T1
• T2
• V1
• F1
• PP1
• P1
• P2
• P3

Skráning er hafin og fer fram í gegnum sportfeng, skráningu lýkur sunnudaginn 14. júlí! Hér er viðburðurinn að mótinu á Facebook: https://www.facebook.com/share/nqLQwEaASHb1zhH2/

Þau lágmörk sem pör skulu hafa náð eru eftirfarandi;
• T1 – Fullorðnir. 7,40
• T1 – Ungmenni. 6,60
• T2 – Fullorðnir. 7,00
• T2 – Ungmenni 6,20
• V1 – Fullorðnir 7,00
• V1 – Ungmenni. 6,50
• F1 – Fullorðnir 6,80
• F1 – Ungmenni 6,10
• PP1 – Fullorðnir 7,10
• PP1 – Ungmenni 5,90
• P2 100m – Fullorðnir 8,0 sek
• P2 100m – Ungmenni 9,0 sek
• P3 150m – Opinn flokkur 15,40 sek
• P3 1500m – Ungmenni 17,00 sek
• P1 250m – Opinn flokkur 24,80 sek
• P1 250m – ungmenni 26,00 sek
• Gæðingalist – Fullorðnir – Fyrstu 15 sem skrá.
• Gæðingalist – Ungmenni – Fyrstu 15 sem skrá

Álfamær frá Prestbæ fyrsta hryssan til að vinna A flokk á Landsmóti

Sun, 07 Jul 2024 17:37:49 GMT

Vá vá vá! Þá er stórglæsilegu Landsmóti í Víðidal lokið! Landsmót 2024 hefur verið veisla frá degi eitt, frábærir hestar, frábærar aðstæður og stútfull brekka af fólki allt mótið.

Dagurinn í dag hófst á úrslitum í Tölti T2 þar sem Ásmundur Ernir Snorrason og Hlökk frá Strandarhöfði áttu glæsilega sýningu og sigruðu örugglega með 8,96 í einkunn. Fjórgangurinn var þá næstur og þar vor það Gústaf Ásgeir Hinriksson og Assa frá Miðhúsum sem sigruðu með 8,30. Þá var komið að fimmganginum og þar voru það þau Jón Ársæll Bergmann og Harpa frá Höskuldsstöðum sem voru efst eftir forkeppnina og sú forysta var aldrei í hættu, en þau sigruðu með 7,86 í einkunn. Jón Ársæll keppir í ungmennaflokk en sýnir það og sannar enn einu sinni hversu ótrúlegir hæfileikar og gæði eru að finna í ungu knöpunum okkar, framtíðin er sannarlega björt.

Eftir hádegi var svo komið að úrslitum í barnaflokki. Þar var boðið uppá ótrúlegar sýningar. Þrír keppendur hafa deilt efstu sætunum uppúr sérstakri forkeppni, þau Elimar Elvarsson á Sölku frá Hólateig, Linda Guðbjörg Friðriksdóttir og Sjóður frá Kirkjubæ og Viktoría Huld Hannesdóttir og Þinur frá Enni og þau röðuðu sér einnig í efstu þrjú sætin í dag. En það var hún Viktoría Huld Hannesdóttir og Þinur frá Enni sem stóðu uppi sem sigurvegarar eftir magnaða sýningu og einkunn upp á 9,25.

Í unglingaflokki var engu minni spenna en þar voru það þær Ída Mekkín Hlynsdóttir og Marín frá Lækjarbrekku 2 sem sigruðu með 8,96 en í öðru sæti og rétt við hælana á þeim voru sigurvegarar B úrslitanna þær Svandís Aitken Sævarsdóttir og Fjöður frá Hrísakoti með 8,93 í einkunn.

B flokkur gæðinga kom næstur og þar var heldur betur spennandi keppni háð og mjótt á munum milli efstu knapa en Safír frá Mosfellsbæ og Sigurður Vignir Matthíasson unnu með 9,02 í einkunn en rétt á eftir þeim voru þeir Þröstur frá Kolsholti 2 og Helgi Þór Guðjónsson með 9,00 í einkunn.

Í B flokki ungmenna komu þrusu sýningar, en þó var eins og það væri skrifað í skýin að Matthías Sigurðsson (sonur Sigurðar Vignis) og Tumi frá Jarðbrú væru að fara að taka þetta, þeir áttu frábæran dag uppskáru fyrsta sætið með einkunnina 9,03. Þvílíkt afrek hjá þeim feðgum.

Deginum lauk svo á háspennu keppni á A flokki gæðinga, þar hélst spennan fram á síðasta sprett en að lokum var það Álfamær frá Prestbæ og Árni Björn Pálsson sem stóðu uppi sem sigurvegarar með 9,05 í einkunn. Þess má geta að Álfamær er fyrsta hryssan til að vinna A flokk gæðinga á Landsmóti. Glæsilegur árangur!

Til hamingju sigurvegarar, þátttakendur, starfsmenn, sjálfboðaliðar og hestamenn allir með frábært Landsmót. Sjáumst á Hólum 2026!

Spennuþrunginn laugardagur á Landsmóti

Sat, 06 Jul 2024 22:32:08 GMT

Dásamlegur dagur í Víðidalnum í dag sem hófst á hörku spennandi B úrslitum. Strax í barnaflokki var spennan áþreifanleg enda gífurleg gæði og hæfileikar í þessum hóp. Una Björt Valdimarsdóttir á Öglu frá Ási áttu stórglæsileg sýningu og enduðu efstar með 8,75. Þá var komið að unglingunum og þar voru það þær Svandís Aitken Sævarsdóttir og Fjöður frá Hrísakoti sem stóðu upp sem sigurvegarar og koma í A úrslit á morgun með 8,88. Í ungmennaflokki voru það svo þeir Matthías Sigurðsson og Tumi frá Jarðbrú sem áttu rosalega sýningu og enduðu með 9,09.

Síðan tóku við verðlauna afhendingar fyrir stóðhesta og fór vel um gesti landsmóts í brekkunni á meðan okkar fallegustu gæðingar liðu um brautina í blíðviðrinu. Aldeilis frábær dagur í Víðidalnum.

Þá tóku við B úrslit í B flokki. Þar stóðu uppi sem sigurvegarar Pensill frá Hvolsvelli og Elvar Þormarsson með 9,01 í einkunn, þar strax á eftir hófstu svo B úrslit í A flokki og þar voru hlutskörpust Sirkus frá Garðshorni á Þelamörk og Hanna Rún Ingibergsdóttir með 8,92.

Eftir kvöldmat var komið að 100m flugskeiði og það var spenna fram á síðasta sprett en lengst af leiddi Sigursteinn Sumarliðason á Krókus frá Dalbæ á tímanum 7,48. Fast á hæla hans var Konráð Valur með báða sína hesta á tímanum 7,62. Konráð og Kastor áttu síðasta sprett dagsins og það mátti nánast heyra saumnál detta meðan brekkan fylgdist spennt með hvort spretturinn heppnaðist og það gerði hann og Kastor steinláguog bætti tíman í 7,45 og Konráð Valur því þrefaldur Landsmótssigurvegari í skeiði. Þvílíkur árangur hjá honum Kastor og Kjark.

Eftir spennuna í skeiðinu var komið að því að krýna sigurvegara sýningar ræktunarbúana og var það ræktunarbúið Íbishóll sem hlaut besta kosningu. Í framhaldinu veitti FT reiðmennsku viðurkenningu sína og var það Gústaf Ásgeir Hinriksson sem hlaut fjöðrina við hátíðlega athöfn.

Deginum lauk svo á A úrslitum í Tölti T1. Þar var heldur betur boðið upp á spennu og stórkostlegt tölt. Það er fátt sem jafnast á við að sitja í brekkunni með rúmlega 10000 þúsund manns í kvöldsólinni og horfa á keppni sem þessa. Þvílík ofur gæði, gleði og stemning. Sigurvegari í töltinu eftir hreint út sagt magnaða sýningu var enginn annar en Skarpur frá Kýrholti og Jakob Svavar Sigurðsson með einkunnina 9,39.

Sólin skín á fimmtadegi Landsmóts

Fri, 05 Jul 2024 23:11:00 GMT

Dagurinn hófst á yfirlitssýningum kynbótahrossa. Eftir yfirlitið var komið að seinni sprettunum í150 og 250m skeiði. Efstur eftir fyrstu tvo sprettina var Gústaf Ásgeir Hinriksson á 22,01. Skeiðið byrjaði brösuglega og aðeins þrír sprettir heppnuðust af þrettán í þriðju umferð og svipað var upp á teningnum í fjórðu umferð þar sem fjórir náðu gildri ferð, en það þarf ekki meira og Konráð Valur og Kastor frá Garðshorni á Þelamörk skutust fram úr Gústafi og Sjóð og sigruðu á tímanum 21,50sek.

Þá var komið að 150m þar sem Konráð Valur og Kjarkur frá Árbæjarhjáleigu II áttu bestan tíma 13,88 eftir fyrstu tvo sprettina. Kjarkur lá ekki í þriðja sprett en það gerði hann í fjórða sprett og bætti tíman í 13,75 og var sigur þeirra aldrei í hættu og Konráð Valur því tvöfaldur landsmóts sigurvegari í skeiði. Glæsilegur árangur það.

Síðan var komið að B úrslitum í tölti. Þar var heldur betur boðið upp á veislu í glampandi sól og rífandi stemningu. Efst inn í B úrslitin voru Gústaf Ásgeir Hinriksson og Assa frá Miðhúsum með 8,27 og þau héldu forystu sinni og bættu um betur og hækkuðu sig í 8,61 og mun því mæta til A úrslita á sunnudaginn.

Deginum var svo lokað með einkar glæsilegum, fjörugum og skemmtilegum sýningum ræktunarbúana. Það segir sitthvað um hið einstaka geðslag íslenska hestsins að sjá fjölmörg unghross sýna sig fyrir fram stútfulla brekku áhorfenda með blússandi tónlist, klapp og köll allt um kring en haldast spennulaus og glöð.

Gleðin heldur áfram á Landsmóti

Thu, 04 Jul 2024 23:51:00 GMT

Bjartur og fallegur dagur að kvöldi kominn í Víðidalnum. Fjórði dagur landsmóts og frábær stemningin í brekkunni.

Dagurinn hófst á milliriðli í ungmennaflokki, þar voru það Eik Elvarsdóttir og Blær frá Prestsbakka sem náðu bestum árangri og eru efst eftir milliriðla með 8,75 í einkunn. Þau bættu sig töluvert en þau fóru með 8,62 inn í milliriðla.

Síðan hófst milliriðill í B flokk gæðinga. Þar voru það þeir Þröstur frá Kolsholti 2 og Helgi Þór Guðjónsson sem enduðu efstir með 8,86 sem er sama einkunn og þeir komu með inn í riðilinn. Kór frá Skálakoti og Jakob Svarar Sigurðsson sem leiddu inn í milliriðil lækkuðu sig úr 8,89 í 8,68 og fara í B-úrslit.

Þá var komið að milliriðli í A flokki gæðinga. Leynir frá Garðshorni á Þelamörk og Eyrún Ýr Pálsdóttir áttu góða sýningu og standa efst með 8,94 og rétt á eftir þeim eru Álfamær frá Prestsbæ og Árni Björn sem voru efst eftir sérstaka forkeppni en fóru úr 9,07 í 8,91.

Þá var komið að setningarathöfninni sem var einkar hátíðleg þar sem sólin braust út úr skýjunum og fulltrúar allra hestamannafélaga landsins fylltu völlinn á fallegu hestunum sínum. Áslaug Arna Sigurbjörnsdóttir ráðherra leiddi reiðina en hún stundar hestamennsku í Fáki og hefur gert frá blautubarnsbeini. Mótið setti Hjörtur Bergstað formaður Fáks og fór fögrum orðum um hið góða samtarfs sem Fákur og Sprettur hafa átt við framkvæmd mótsins. Hann minnti líka á það mikilvæga hlutverk sem sjálfboðaliðar gegna á móti sem þessu en án þeirra væri illmögulegt að halda stórmót af þessu tagi. Þá tóku þau Áslaug Arna, Ásmundur Einar Daðason ráðherra og Einar Þorsteinsson borgarstjóri til máls, fóröll fögrum orðum um hestamennskuna og því mikilvæga menningarlega og félagslegahlutverki sem hún gengir í Íslensku samfélagi.

Frábærum degi lauk svo á keppni í Tölti T1 þar sem hver glæsisýningin rak aðra fyrir fram spennta áhorfendur sem nutu sín í kvöldsólinni. Efstur eftir forkeppni er Árni Björn Pálsson á Kastaníu frá Kvistum með 8,77. Þar á eftir koma Jakob Svavar Sigurðsson og Skarpur frá Kýrholti með 8,50 og Teitur Árnason og Fjalar frá Vakurstöðum í þriðja sæti með 8,47.

Þriðji dagur Landsmóts

Thu, 04 Jul 2024 00:36:06 GMT

Þá er umhleypingarsömum þriðjadegi Landsmóts lokið. Dagurinn hófst á Meistaraflokki í slaktaumatölti þar sem Ásmundur Ernir Snorrason og Hlökk frá Strandarhöfði áttu glæsilega sýningu og enduðu efst með 8,50 í einkunn. Þar á eftir hófst milliriðill í barnaflokki og líkt og við var að búast eftir sérstaka forkeppni sýndu okkar yngstu knapar að þau eru sannarlega með sitt á hreinu og voru margar stórglæsilega sýningar. Linda Guðbjörg Friðriksdóttir og Sjóður frá Kirkjubæ standa efst eftir milliriðlana með 8,85 en rétt á eftir þeim koma þau Viktoría Huld Hannesardóttir og Þinur frá Enni með 8,82. Elimar Elvarson og Salka frá Hólateigi sem komu efsti inn í milliriðlana eru þriðju með 8,76 í einkunn.

Eftir hádegið var komið að milliriðli í ungmennaflokki, þar voru margar flottar sýningar og nokkrar sviptingar urðu á röðun efstu knapa miðað við stöðuna eftir forkeppni. Efst eftir daginn í dag eftir glæsilega og jafna sýningu eru þau Védís Huld Sigurðardóttir og Ísak frá Þjórsárbakka með 8,75 í einkunn.

Þá var komið að keppni í fimmgang F1. Þar var það Jón Ársæll Bergmann sem átti bestu sýningu kvöldsins á Hörpu frá Höskuldsstöðum og hlutu þau 7,33. Gaman er að minnast á það að Jón Bergmann er í ungmennaflokki en stingur hér af marga reynslu meiri knapa og leiðir inn í A úrslit.

Kvöldinu lauk svo á kynbótabrautinni þar sem keppni í 250m og 150m skeið fór fram. Rétt eftir að keppni fór af stað opnuðust himnarnir og fengu keppendur og gestir ágætis skvettu yfir sig. Átta knapar af þrettán náðu gildum sprettum í fyrstu tveimur umferðunum og enginn í tvígang. Þeir Gústaf Ásgeir Hinriksson og Sjóður frá Þóreyjarnúpi leiða á tímanum 22,01 og á hæla þeirra koma Sigurstein Sumarliðason og Krókus frá Dalbæ á tímanum 22,02.

Í 150m skeiðinu var einnig mikil spenna og margir fínir sprettir. Efstir eftir fyrstu tvo sprettina eru þeir Konráð Valur Sveinsson og Kjarkur frá Árbæjarhjáleigu II á tímanum 13,88 en þeir settu nýtt Íslandsmet á sömu braut á Reykjarvíkurmeistaramótinu í Júní.

Nýtt myndband frá Öryggisnefnd LH

Wed, 03 Jul 2024 14:56:00 GMT

Öryggisnefnd LH kynnir nýtt myndband um öryggisbúnað.

Það er mikilvægt að við hestamenn séum dugleg að nýta okkur þann búnað sem í boði er og gleymum aldrei að setja hjálminn á hausinn áður en stígið er á bak. Vís styður við öryggihestamanna og styrkti gerð þessa myndbands, kunnum við þeim bestu þakkir fyrir.

Landsmót dagur tvö

Tue, 02 Jul 2024 23:10:00 GMT

Dagur tvö á landsmóti hófst með sérstakri forkeppni í unglinga flokk, hæstu einkunn dagsins hlutu þær Ída Mekkín Hlynsdóttir á Marínu frá Lækjarbrekku 2 með 8,79 í einkunn og leiða því inn í milliriðla, en efstu þrjátíu knaparnir komast áfram þangað. Eftir hádegi hófst svo sértök forkeppni í A flokki gæðinga og þrátt fyrir að örlitla vætu var brekkan þéttsetin þegar hver glæsisýningin rak aðra.

Efst eftir forkeppni eru Álfamær frá Prestsbæ með 9,07 í einkunn og Árni Björn Pálsson. Hann var sýndi einnig Seðil frá Árbæ sem endaði þriðji með 8,90 í einkunn. Í öðru sæti einnig með yfir 9 í einkunn voru Leynir frá Garðshorni á Þelamörk og Eyrún Ýr Pálsdóttir.

Deginum lauk svo á forkeppni í fjórgangi þar sem Þorgeir Ólafsson og Auðlind frá Þjórsárbakka leiða með 7,77 í einkunn. Til keppni á A-úrslitum mæta auk þeirra: Gústaf Ásgeir Hinriksson og Assa frá Miðhúsum, Jóhanna Margrét Snorradóttir á Kormáki frá Kvistum, Teitur Árnason og Aron frá Þóreyjargnúp, Mette Mannseth og Hannibal frá Þúfu og Guðmunda Ellen Sigurðardóttir og Flaumur frá Fákshólum.

RÚV sendir út frá lokadegi Landsmóts

Tue, 02 Jul 2024 18:00:00 GMT

RÚV sendir út beint fá lokadegi landsmóts hestamanna, öll úrslit í íþrótta- og gæðingagreinum samkvæmt dagskrá á sunnudag. Þá verður dagskrá laugardagskvöldsins send út á ruv.is. Að auki verður fjallað um mótið á öðrum miðlum RÚV, s.s. í íþróttfréttum sjónvarps, útvarpsþáttum og á vef.

Umsjón með umfjöllun og dagskrárgerð hefur Hulda G. Geirsdóttir, en Óskar Þór Nikulásson stýrir útsendingum.

Í útsendingunni á sunnudag verður líka boðið upp á LM stofu sem Hjörvar Ágústsson stýrir og fá hann og Hulda góða gesti í settið sem rýna í keppnina og LM stemminguna í ár. Lýsendur með Huldu verða svo Steindór Guðmundsson í íþróttakeppninni og Sigurður Ævarsson í gæðingakeppninni.

Fyrsti dagur landsmóts

Tue, 02 Jul 2024 01:21:51 GMT

Þá er fyrsti dagur landsmóts 2024 að kvöldi kominn. Dagurinn byrjaði snemma en fyrstu hross voru komin í braut klukkan 8:00. Dagurinn byrjaði strax af krafti bæði á kynbótabrautinni en ekki síst í barnaflokki þar sem hver glæsi sýningin rak aðra í sérstakri forkeppni. Áhorfendur létu ekki morgungjóluna í Víðidalnum trufla sig og sátu í brekkunni og hvöttu yngstu keppendurna til dáða. Keppendurnir voru allir íþróttinni til mikils sóma og ljóst að fyrir marga var langþráður draumur að rætast.

Efst eftir forkeppnina voru þau Elimar Elvarsson og Salka frá Hólateigi með 8,98 í einkunn og rétt á eftir þeim þau Viktoría Hulda Hannesdóttir á Þin frá Enni með 8,97 í einkunn. Heldur betur glæsilegur árangur hjá þeim.

Næst tók við sérstök forkeppni í B flokki gæðinga og eins og við var að búast var lítið sem skildi að efstu hesta en á toppnum eftir daginn trónir Jakob Svavar og Kór frá Skálakoti með 8,89 í einkunn.

Í sérstakri forkeppni ungmenna var einnig mjótt á munum milli fyrsta og annars sætis. En það eru þeir Matthías Sigurðsson og Tumi frá Jarðbrú sem leið með einkunnina 8,91 en Védís Hulda Sigurðardóttir og Ísak frá Þjóðólfshaga eru rétt á eftir þeim með 8,90.

Deginum lauk svo á keppni í Gæðingaskeiði og þar fór fyrsti bikar mótsins á loft þegar Hinrik Bragason og Trú frá Árbakka sigruðu með 8,75 í einkunn. Gæðingaskeið er aukagrein á landsmóti en það er greinilegt áhorfendur taka vel í það og þrátt fyrir að vel væri á liðið á fyrsta dag landsmóts var margt um manninn í brekkunni og stemmning góð. Klárlega spennandi landsmót framundan! Á instagram reikningnum @lhhestar birtast svipmyndir af mótinu við hvetjum alla til að fylgja okkur þar.

Íslandsmet í 150m skeiði staðfest

Mon, 01 Jul 2024 18:14:00 GMT

Stjórn Landssambands hestamannafélaga hefur samþykkt Íslandsmet Konráðs Vals Sveinssonar og Kjarks frá Árbæjarhjáleigu II í 150m. skeiði á tímanum 13,62 sek . Hlaupið fór fram á Reykjavíkurmóti þann 12. júní sl.

Meiri hluti keppninefndar hafði áður fjallað um málið og mælt með að stjórn LH staðfesti metið.

Aðstæður þegar hlaupið fór fram teljast uppfylla kröfur sem gerðar eru í reglum LH og FEIF til að met geti talist gilt.

Keppnisnefnd óskaði eftir túlkun veðurfræðings á gögnum frá Veðurstofu. Meðvindur mældist á mæli við skeiðbraut 3,28 m/sek og meðalmeðvindur mældist 3,83m/sek á vindmæli Veðurstofu Íslands í Víðidal og telst það innan leyfilegra marka um meðvind sem er 5,4m/sek. skv. reglum LH og FEIF.

Gildandi Íslandsmet var 13,74 sek. en það settu Teitur Árnason og Tumi frá Borgarhóli árið 2014.

Konráð Valur og Kjarkur eru eitt sigursælasta par sögunnar en þess má geta að þeir eiga einnig Íslandsmet í 250m skeiði, 21,15 sek., sem sett var á Landsmóti í Reykjavík 2018.

Stjórn Landssamband hestamannafélaga óskar Konráði Vali Sveinssyni til hamingju með Íslandsmetið.

Gleðilegt Landsmót

Sun, 30 Jun 2024 08:00:00 GMT

Landssamband hestamannafélaga óskar öllum keppendum og sýnendum á Landsmóti hestamanna 2024 góðs gengis og vill um leið minna keppendur á að sýna íþróttamannslega framkomu í hvívetna og koma fram af virðingu gagnvart öðrum keppendum, starfsfólki, sjálfboðaliðum og gestum en ekki síst hestinum okkar sem þetta allt snýst um.

Keppendum í hestaíþróttum er óheimilt að vera undir áhrifum áfengis og/eða vímuefna og gilda lyfjareglur Lyfjaeftirlits Íslands og Alþjóðlegar lyfjareglur. Tilgangur lyfjareglnanna er að vernda grundvallarrétt íþróttamanna til að taka þátt í lyfjalausum íþróttum og stuðla þannig að heilbrigði, sanngirni og jafnrétti fyrir íþróttamenn um allan heim.

Einnig gilda um alla keppni í hestaíþróttum lyfjareglur FEIF og FEI (Federation Equestre Internationale) um lyfjanotkun hesta.

Keppendur í öllum flokkum geta átt von á að þeir og/eða hestar þeirra geti verið kallaðir í lyfjapróf hvenær sem er á meðan á Landsmóti stendur.

Gangi ykkur öllum vel og gleðilegt Landsmót.

Glæsileg og vel heppnuð miðbæjarreið

Sat, 29 Jun 2024 14:21:00 GMT

Miðbæjarreið LH og Landsmóts fór fram í blíðskapar veðri í dag, farið var um miðbæinn þveran og endilangan. Rúmlega 60 hestar tóku þátt í reiðinni og fjöldinn allur af fólki var mætt á Skólavörðuholtið til að taka á móti hópnum og ná af þeim myndum. Hestarnir sýndu það og sönnuðu enn einu sinni að þeir láta það ekki á sig fá að fara um þröngar götur bæjarins og taka þátt í því fjölbreytta mannlífi sem þar er.

Reiðin heppnaðist í alla staði vel og það var ljúft að heyra hófadyninn í höfuðborginni og baða sig í sólinni á sama tíma.

LH þakkar öllum þeim frábæru knöpum sem tóku þátt í reiðinni og öllum þeim sem komu og fylgdust með, megum við sem oftast sjá fallega fáka fara um götur Reykjarvíkur!

Meðfylgjandi eru nokkrar myndir, fleiri birtast inn á Instagramsíðu LH (þeir sem tóku myndir og mynbrot mega endilega tagga LH)

Íslandsmót barna og unglinga

Thu, 27 Jun 2024 15:01:00 GMT

Íslandsmót barna- og unglinga 2024 verður haldið á félagssvæði Harðar í Mosfellsbæ dagana 19.-21. júlí.

Keppt verður í eftirfarandi greinum:

Barnaflokkur: Gæðingalist 1. stig, Tölt T3, Tölt T4 og Fjórgangi V2.

Unglingaflokkur: Gæðingalist 2. stig, Tölt T1, Tölt T4, Fjórgangur V1, Fimmangur F2, Gæðingaskeiði PP1 og 100 m. flugskeið P2.

Jafnframt verður nú boðið uppá gæðingakeppni og gæðingatölt í báðum aldursflokkum.

Opið verður fyrir skráningu á mótið inná www.sportfengur.com , fram til miðnættis 11. júlí.

Íslandsmót fullorðinna og ungmenna í hestaíþróttum 2024

Wed, 26 Jun 2024 12:21:47 GMT

Víðidalurinn mun án efa skarta sínu fegursta og það verður spennandi að fylgjast með bestu hestum og knöpum landsins etja þar kappi.

Skráning er hafin og lýkur 17 júlí kl 23:59. Skráningagjald í hverja grein eru 15.000kr. Skráning fer fram í sportfeng og velja þar Fák sem mótshaldara.

skraningar@fakur.is

Þau lágmörk sem pör skulu hafa náð eru eftirfarandi;

F1 – Fullorðnir 6,80

F1 – Ungmenni 6,10

V1 – Fullorðnir 7,00

V1 – Ungmenni. 6,50

T1 - Fullorðnir. 7,40

T1 – Ungmenni. 6,60

T2 - Fullorðnir. 7,00

T2 - Ungmenni 6,20

PP1 – Fullorðnir 7,10

PP1 – Ungmenni 5,90

P2 100m – Fullorðnir 8,0 sek

P2 100m – Ungmenni 9,0 sek

P3 150m – Opinn flokkur 15,40 sek

P3 1500m - Ungmenni 17,00 sek

P1 250m - Opinn flokkur 24,80 sek

P1 250m – ungmenni 26,00 sek

Gæðingalist – Fullorðnir – Fyrstu 15 sem skrá.

Gæðingalist – Ungmenni – Fyrstu 15 sem skrá.

Miðbæjarreiðin fer fram 29. júní

Mon, 24 Jun 2024 06:35:00 GMT

Nú styttist í miðbæjarreiðina sem fram fer næsta laugardag kl 12:00. Reiðin hefst við BSÍ og þaðan verður haldið upp á Skólavörðuholtið og svo áfram í gengum miðbæinn, að Tjörninni og endar reiðin aftur á BSÍ.

Fánaberar með fána Landsmóts munu fara fyrir hópunum og minna alþjóð á að einn stærsti og skemmtilegasti íþrótta og menningarviðburður landsins er rétt við það að hefjast. Á eftir þeim koma svo fulltrúar hestamannafélaganna á höfuðborgarsvæðinu.

Miðbæjarreiðin er skemmtileg hefð og minnir okkur á það fjölbreytta hlutverk sem hestar hafa haft innan borgarmarkanna. Mjög mikil hestamennska er stunduð innan höfuðborgarsvæðisins og þar eru starfrækt risastór hestamannafélög sem líkt og hin ýmsu íþróttafélög stuðla að bættri lýðheilsu og standa fyrir öflugu barna og unglingastarfi.

Miðbæjarreiðin minnir okkur einnig á nálægð borgarinnar við hestamennskuna og mikilvægi þess að gert sé ráð fyrir hestum í borgarskipulaginu. Það er velferðarmál fyrir knapa og hesta auk þess sem hestatengd ferðaþjónusta á höfuðborgarsvæðinu gerir borgina að spennandi áfangastað og þá eru ótalin þau menningarverðmæti sem liggja að baki þegar við tölum um Íslenska hestinn og allt það sem hann stendur fyrir.

Sjáumst á Skólavörðuholtinu laugardaginn 29. júní kl 12:00 og virðum fyrir okkur fallega hesta sem hafa aðlagast í síbreytilegu umhverfi síðastliðinna ára og alda.

Þeir knapar sem vilja taka þátt í viðburðinum, skulu endilega setja sig í samband við sitt hestamannafélag sem allra fyrst. Hægt er að fylgja viðburðinum á facebook

Þetta byrjaði allt með Biskup - viðtal við Benedikt Ólafsson

Thu, 20 Jun 2024 14:33:58 GMT

Benedikt Ólafsson er þrátt fyrir ungan aldur orðinn risanafn í hestamennskunni. Hann varð tvöfaldur heimsmeistari á HM 2023 og er núna á sínu síðasta ári í ungmennaflokk. Benedikt er alinn upp í Mosfellsdal, á Ólafshaga og stundar sína hestamennsku þaðan. Hann var einmitt í reiðtúr þegar við slógum á þráðinn til hans.

Já, ég er á hestbaki á honum Svarti frá Ólafshaga. Virkilega efnilegur 6 vetra hestur, fasmikill, með mikinn fótaburð, fallegan háls og framfallegur undan honum Bikar okkar. Annars er ég búinn að vera á fullu síðan um áramótin að ríða út og temja, það er alveg geggjað að geta gert það að atvinnu sinni sem manni finnst skemmtilegast.

Verður það svona áfram?

Veit það ekki alveg, í haust er ég skráður í Háskólann í byggingariðnfræði og er líka með sveinspróf í húsasmíði og stúdentspróf. Þannig maður hefur það alltaf líka. En helst myndi ég vilja velja hestana og vera bóndi einhvers staðar og sinna því með öllu sem því fylgir. Það er samt ekki sjálfsagður hlutur að vera í toppbaráttunni í hestamennskunni og gera það að atvinnu sinni.

En hvernig er sumarið búið að vera?

Það eru reyndar bara búnir að koma tveir almennilegir sumardagar en það hefur verið alveg frábært. Keppnistímabilið er búið að vera spennandi og það er rosalega mikill samkeppni og allir þessir krakkar sem maður er að keppa við eru gífurlega hæfileikarík, þeir sem eru að taka sæti í ungmennaflokk eru að ríða í topp einkunnir og staðan er orðin þannig að ungmennin geta verið að keppa við meistarana og jafnvel stela titlum af þeim. Auðvitað er líka árangurinn hérna heima og þróunin sem er búin að vera í þessu alveg rosaleg, við sáum það alveg skýrt á HM og mín tilfinning var sú að við íslensku ungmennin væru komin miklu lengra en flest hinna erlendu. Hér fáum við gífurlega keppnisreynslu í gengum öll innanhúsmótin og mótaraðirnar sem eru að gera alveg frábæra hluti ekki síst fyrir okkur sem yngri erum. Nú geta krakkar verið að ná keppnisreynslu á einu ári sem hefði tekið 3-4 ár áður og það hefur mikið að segja.

Ungmenni í dag eru mörg hver bara með svipaða keppnisreynslu og meistaraflokksknapar og við erum líka bara að gera margt annað sem er svo flott hérna heima eins og hæfaleikamótunin og unglingastarfið. Þetta skipir auðvitað miklu máli.

Núna er ég á síðasta árinu mínu í ungmennaflokki og ég hlakka bara til að koma inn í meistaraflokk að ári. Það hefur verið ótrúlega gaman að sjá aðra úr ungmennaflokk koma inn í meistaraflokk og fara strax að gera frábæra hluti og ég hef bara fulla trú á mér að ég geti gert það líka. Ég er alltaf með sama hugarfarið þegar ég er með hest í höndunum og það er að reyna að gera mitt besta og gera góðan hest betri. Maður þarf líka að vera með enn betri hesta í meistaraflokk, ég er með færri keppnishross núna en meira af ungu og efnilegu og horfi fram til næstu ára með að gera það besta úr því sem ég er með í höndunum núna.

Fram undan er svo að sjálfsögðu Landsmót og þar mun ég mæta með Biskup og Tóbías. Svo er víst í reglunum að heimsmeistarar mega verja greinina sína á Landsmóti og þar sem ég er heimsmeistari í samanlögðum fimmgangsgreinum þá er ég að stefna með Bikar í slaktaumatöltið á Landsmóti. Hann er í góðum gír eftir Reykjarvíkurmót sem var hans fyrsta mót í sumar og það verður bara gaman að sjá hvernig það þróast.

Heldurðu að ungmenni í hestamennskunni nálgist hana á annan hátt en eldri kynslóðir?

Já hestamennskan er ekki bara áhugamál, þetta er íþrótt, áður var hestamennskan kannski meira auka sport en í dag eru þeir sem ætla sér að ná langt ekkert að velja á milli handbolta, fótbolta eða hesta. Þú verður bara að nota allan þinn tíma til að æfa og bæta þig. Ekki fara bara stundum í reiðtúr og keppa af og til, samkeppnin og gæðin eru orðin það mikil. Ég myndi segja það sé alveg dautt konsept að kalla þetta ekki íþrótt, enda er ótrúlegt að horfa á alla þess krakka vera blómstra í hestamennskunni og það að byrja snemma að nálgast þetta svona gefur þeim forskot seinna meir.

En auðvitað hafa líka aðstæður breyst. Nú eru reiðhallir um allt og hægt að stunda hestamennskuna á hærra leveli allt árið um kring. Margir af þessum knöpum sem eru á toppnum í dag voru ekki endilega með inniaðstöðu á veturna og maður getur varla ímyndað sér hvernig það var. Þetta ýtir bara undir gæðin og yngri kynslóðirnar verða vonandi bara betri og betri og taka við. Það ætti líka alltaf að vera þannig.

En hvað með áhyggjur margra um að pressan á árangur og góðar einkunnir geri það að verkum að krakkar eru að byrja á fullgóðum hestum og kunna kannski síður að fara með lítið gerðan hest og því verði vöntun á fólki sem er tilbúið í frumtamingar og slíkt?

Já það er alveg satt það er miklu meira um það í dag að krakkar komi með fullkláraða hesta og séu að keppa á þeim en ég held að það sé allt í lagi að byrja þannig þá lærirðu líka strax hvernig þú vilt að hesturinn sé og veist hverju þú átt að leita eftir seinna þegar kemur að því að áhugi vaknar á að móta hestinn sjálfur. Það er auðvitað allt annað að byggja upp og í raun búa til hestinn sjálfur en þá er líka gott að vera viss um hvað maður vill og hafa reynslu af góðum hestum til að geta reynt að setja það inn í hestana sem maður er að vinna með. En ég held að þú getir ekki komist á toppinn nema þú kunnir að gera hestinn eins góðan og hann getur orðið frá grunni. En svo er líka margt að breytast og kannski voru aðferðirnar ekki heldur alltaf frábærar áður, en ég held samt að það skipti máli að harka svolítið í þessu og fá reynslu, maður nýtur alltaf góðs af því. Í dag vinn ég mest við að frumtemja hross og það gefur mér mjög mikið.

Ertu farinn að leiða hugann að HM á næsta ári?

Næsta ár verður spennandi og ég fer auðvitað beint í djúpu laugina, með farmiða í meistaraflokk á HM í farteskinu. Það verður rosalega skrýtið en ég er ekkert á leiðinni þangað bara til að taka þátt heldur ætla ég mér að gera vel og stefni auðvitað á verðlaunasæti. En svo er samkeppnin hér heima ekkert minni og það verður líka mjög krefjandi að koma upp úr ungmennaflokk hér heima. Ég er ekki alveg búin að ákveða hvaða hest ég fer með en það eru tveir sem koma sterklega til greina þrátt fyrir að það sé ekkert meitlað í stein og ef maður fær eitthvað annað sem kemur til greina og er líklegt til árangurs þá stekkur maður kannski á það. En það er svo sem ekkert tímabært að nefna neitt þetta er ennþá allt að mótast.

Hvað varstu gamall þegar þú byrjaðir í hestum?

Í raun er ég alin upp í hestum með pabba. Það hafa alltaf verið hestar heima en ég byrjaði ekki að keppa fyrr en 2017. Fram að því var áhuginn ekki endilega í keppni meira bara í útreiðum og hestaferðum. Svo prófa ég að keppa á Biskup og við vinnum fyrsta mótið okkar saman og ég held að um leið og maður er kominn á bragðið að vinna keppni þá er erfitt að losna við þessa bakteríu. Við fórum að keppa saman á innanfélagsmótum og fljótlega á stærri mótum, ég fæddist svo með alveg ógeðslega mikið keppnisskap og vil alltaf vera með þeim betri í öllu því sem ég er að gera og láta taka eftir mér. Þarna var ég svo kominn með góðan hest sem gat unnið mót og með keppnisskapið mitt var ekki aftur snúið.

Þetta byrjar sem sagt allt með Biskup?

Já og við erum búnir að vaxa mikið saman, eða allavega er ég sennilega búinn að hækka um einhverja 30 sentimetra síðan við byrjuðum að keppa saman. Biskup er alveg einstakur hestur og hefur kennt mér allt. Ég byrjaði að þjálfa hann 6 vetra og keppa á honum þegar hann var 7 vetra og í dag þekkjum við hvorn annan alveg út og inn. Hann er besti vinur minn og mér líður stundum eins og hann sé hálfmennskur. Hann er auðvitað fæddur okkur og við erum búnir að fylgjast að í gegnum súrt og sætt og erum stundum eins og gömul hjón. Við höfum náð alveg frábærum árangri saman Landsmótssigurvegarar og Íslandsmeistarar auk allra hinna mótanna og gæðastundanna. Hann er auðvitað með alveg einstakt geðsleg og maður getur alveg stjórnað hvað maður fær út úr honum. Hann er núna 14 vetra í fullu fjöri. Við erum með geggjaða aðstöðu og hann eins og hinir hestarnir hérna fá að vera mikið úti, ekki bara inn í stíu eða gerði allan daginn. Þannig fá þau að vera hestar og ég held að það hafi ótrúlega jákvæð áhrif á þau og auki gleðina í öllum öðrum verkefnum.

En auðvitað gerist þetta ekkert að sjálfu sér, mamma og pabbi eiga eitthvað miklu meira en Fálkaorðu skilið fyrir alla aðstoðina og allar þessar kerruferðir hingað og þangað og bara allt. Þetta hafa síðustu ár verið bara mót hverja einustu helgi og einhver varð að skutla mér. Ég fékk sjálfur kerrupróf fyrir þremur árum og pabbi veit ekki ennþá almennilega hvað hann á að gera við allan þennan auka tíma. En það hefur aldrei verið nein pressa frá þeim um árangur. Bara stuðningur. Ég held að þú verðir að hafa viljann sjálfur ef vel á að takast, pressan frá öðrum geri þig aldrei meira en góðan ef þú hefur ekki sjálfur metnaðinn í að verða bestur.

Að styðjast við hesta í starfi með fólki

Thu, 13 Jun 2024 13:33:03 GMT

Æfingastöðin stendur fyrir námskeiðinu ,,Að styðjast við hesta í starfi með fólki” dagana 15. og 16. september 2024. Á námskeiðinu verður farið yfir hvernig hægt er að innleiða hesta í fjölbreytt starf með fólki með það að markmiði að efla heilsu, færni og þátttöku. Námskeiðið er haldið í beinu framhaldi af ráðstefnu Æfingastöðvarinnar “Dýr í starfi með fólki” sem fer fram laugardaginn 14. september.

Um er að ræða tveggja daga námskeið sem skiptist í fræðilegan og verklegan hluta. Farið verður yfir fræðilegan bakgrunn þess að veita þjónustu með aðstoð hesta. Þá verður unnið að verklegum æfingum með hestum þar sem tekið verður mið af faglegum bakgrunni og þörfum þátttakenda.

Fyrir hvern er námskeiðið?

Námskeiðið er ætlað fjölbreyttum hópi þátttakenda, m.a. þeim sem starfa við veitingu meðferða, þjálfunar eða menntunar einstaklinga með vanda af geðrænum toga. Má nefna geðlækna, sálfræðinga, iðjuþjálfa, sjúkraþjálfara, hjúkrunarfræðinga eða félagsráðgjafa. Námskeiðið hentar einnig breiðum hópi fólks með ólíkan faglegan bakgrunn auk þeirra sem starfa innan hestamennsku, ss. bændum eða hestafólki.

Hámarksfjöldi þátttakenda á námskeiði eru 18 manns. Vinsamlegast athugið að námskeiðið fer fram á ensku.

Kennari:

Norunn Kogstad geðlæknir stofnaði og rekur Lundehagen Gård í Noregi þar sem fram fer fræðsla, meðferðir og rannsóknir á áhrifum hesta í starfi með fólki.

Hægt er að nýta námskeiðið til endurmenntunar.

Nánari upplýsingar og skráning

Viltu vera sjálfboðaliði á Norðurlandamóti?

Thu, 06 Jun 2024 11:05:00 GMT

Norðurlandamót leitar að öflugum sjálfboðaliðum til að aðstoða við framkvæmd mótsins. Að taka þátt sem sjálfboðaliði er gefandi og skemmtilegt, auk þess að vera frábært tækifæri til að kynnast fólki héðan og þaðan. Mót af þessari stærðargráðu væru óframkvæmanleg nema vegna sjálfboðaliðana.

Sjálboðaliðar fá fæði, föt og tjaldsvæði (fyrir þá sem vilja). Verkefnin er mörg og ákaflega misjöfn allt frá því að sinna öryggismálum, þrifum eða rita fyrir dómara. Ef þú hefur áhuga á að taka þátt endilega vertu í sambandi við Bettinu í gegnum netfandið: volunteer@nm2024.dk .

Og ef þú ferð sem sjálfboðaliði hefðum við hér á skrifstofu LH gaman að því að heyra frá þér hjér ;)

Nú birtast slysaskráningar á kortavefsjánni

Mon, 03 Jun 2024 11:11:00 GMT

Við viljum minna hestafólk á hnappinn – Slysaskráning á heimasíðu LH . Þar er hægt að tilkynna slys en einnig væri gott ef hestamenn myndu skrá þá staði þar sem litlu hefði mátt muna að slys hefði getað orðið, eða augljós slysahætta er til staðar.

Með því að skrá þessar upplýsingar fáum við yfirlit yfir það, hvar vankantar eru á öryggi hestamanna sem hægt er að bæta úr og laga svo fleiri lendi ekki í óhöppum. Slysstaðir sem gefnir eru upp í skráningunni eru síðan færðir inn á kortavefsjá LH og þannig geta notendur hennar séð hvar varhugaverðar aðstæður eru til staðar og farið með gát um þau svæði á meðan unnið er að úrbótum.

Á kortavefsjá LH eru skráðar reiðleiðir um allt land alls um 12500km það er eru einnig hægt að leita upplýsinga um vegvísa, áningar, skála, fjárréttir og neyðarskýli og nú einnig hvar slys hafa verið tilkynnt.

,,Erfiðast að horfa á krakkana í keppni" - Viðtal við Elvar Þormarsson

Tue, 28 May 2024 10:25:00 GMT

Við slógum á þráðinn til Elvars Þormarssonar tvöfalds heimsmeistara í hestaíþróttum. Hann var að sjálfsögðu á baki þegar við hringdum, en kom sér fljótt inn á kaffistofu.

Hver er það sem þú varst að þjálfa?

Þetta er sex vetra hryssa frá okkur undan Brynjari frá Bakkakoti. Hún heitir Ronja frá Strandarhjáleigu og ég var svona bara aðeins að þjálfa hana og halda áfram með tamninguna.

En hvernig gengur og hvað er um að vera hjá þér núna?

Það bara gengur eins og síðastliðin ár, nóg að gera við allskonar. Mest verið að temja og þjálfa en líka aðeins að keppa sem gengur stundum ofboðslega vel og stundum aðeins verr. Við erum með fullt af hrossum og alltaf brjálað að gera. Ég er með mikið af ungum hrossum og núna þegar vorsýningarnar og móta sumarið er að byrja er spenningur í loftinu. En eins og gengur eru stundum efnileg hross ekki tilbúin í brautina og þá verður maður bara að bíða sem getur verið erfitt þegar það er mikill hugur í fólki. En það er búið að ganga vel með keppnishrossin og styttist í úrtökur og okkur hlakkar mjög til að taka þátt í því. Krakkarnir eru líka á kafi í keppni, ég er með tvo stráka í barnaflokki og dóttir mín er komin í unglingaflokk svo þetta verður bara spennandi.

Sjálfur stefni ég með Pensil frá Hvolsvelli í B flokk. Það er alveg frábær hestur, gullfallegur með mikla útgeislun. Svo er hann gríðarlega rúmur og með góð gangskil. Hann er bara ofsalega fallegur hestur og vonandi náum við settu marki. Svo stefni ég með nokkur hross í kynbótadóm og kannski maður reyni líka fleiri hross í úrtöku án þess að nefna nokkur nöfn eða vera með neinar yfirlýsingar – það kemur bara ljós hvernig stemningin verður.

En ég hlakka líka til að fylgjast með því hvernig krökkunum á eftir að ganga í þessum undirbúningi og úrtökum. Það er eitt það erfiðasta sem ég geri að horfa á börnin mín ríða í braut mér líður hreinlega aðeins illa á meðan þau ríða hringina. Ekki það þau hafa alltaf staðið sig vel en það er eitthvað með pabba hjartað að það verður aðeins lítið meðan ég horfi á þau og þetta venst illa. Það var til dæmis æfingamót um síðustu helgi og ég var alveg búin á því á eftir. Að vera hestasveinn er alveg rosalega erfitt starf.

Hvers vegna tekur þetta svona á?

Ég veit það ekki, kannski eru þau stundum að fá að ríða full flóknum hrossum, en svo snýst þetta líka bara um hvað það er erfitt að sleppa af þeim taumunum, sjá þau reyna að framkvæma það sem maður er búin að vera leggja upp fyrir þeim og útskýra. Manni langar náttúrlega bara helst af öllu að þeim gangi vel, ég er miklu frekar til í að taka vonbrigðin á mig heldur en þau lendi í því. En við fjölskyldan leggjum mikla áherslu á að þetta eigi bara að vera skemmtilegt og reynum að forðast alla pressu. Það er alltaf í lagi að vera með kröfur en þarf að passa að hafa þær í jafnvægi.

Sérðu mikinn mun á hestamennskunni í dag og þegar þú varst að alast upp?

Já til dæmis tölum við miklu meira um hestamennsku sem íþrótt nú orðið, en hér áður fyrr þá sá ég hestamennsku ekki endilega sem íþrótt en svo þegar maður er búinn að upplifa það að vera hesta sem maður er að þjálfa í mörg ár og maður er farin að vinna meira með þessa hluti eins og andlega jafnvægið og þá blasir þetta öðru vísi við. Ef maður er með mikið af keppnishestum og maður er á þeim stað að vera á fullu í keppni þar sem andlega jafnvægið, stemningin og uppbyggingin þarf að vera hárrétt þá er þetta í pjúra íþróttamennska.

Hins vegar ég held að krakkarnir mínir sjái mig ekki sem neinn atvinnu íþróttamann þó ég sé tvöfaldur heimsmeistari. Fyrir þeim eru íþróttir meira fótboltinn og þesskonar íþróttir.

En svo hefur hestamennskan bara breyst rosalega mikið. Ég held að einn helsti munurinn sé það til dæmis að þegar ég er að alast upp þá elst ég upp við að temja og ríða allskonar hestum en þegar krakkarnir mínir koma inn í þetta þá er ég í þessu sem atvinnumaður og þá kynnast þau kornung mikið af ofboðslega góðum hestum. Svo það gerist kannski hjá mínum krökkum eins og hjá mörgum öðrum sem ég hef pínu áhyggjur af í dag, að krakkar fá bara góða hesta upp í hendurnar og læra því síður að temja hestanna og gera þá að góða frá grunni. Þau koma inn í keppni og hestamennsku á hærra leveli, vön tamdari hestum og meiri gæðum.

Þetta veldur því að það vantar fólk í frumtamningar sem eru það er það mikilvægasta í þessu öllu saman. Þegar ég var að alast upp og byrja með mína tamningastöð þá fékk ég fékk aldrei taminn hest í þjálfun og það kenndi manni alveg helling og það er í rauninni grunnurinn í hestamennskunni minni.

Frumtamningar eru líka svo ofboðslega skemmtilegar og svo gaman að fá að fylgja hestunum eftir. Þar fær maður líka heldur betur svörin hvað maður er að gera rétt og hvað ekki. En krakkar í dag eru yfirleitt að vinna með mikið tamda og góða hesta en þá vantar oft reynsluna í að gera hest taminn. Ég fæ aðeins áhyggjur þegar ég fer að hugsa um þetta en svo spilar inn í að það er orðinn minni tími til að frumtemja hrossin en var áður þegar trippin áttu bara haustin.

Var það alltaf draumurinn að verða atvinnumaður í hestamennsku?

Já, það kom í rauninni aldrei neitt annað til greina, var úti í hesthúsi frá því ég man eftir mér og strax sem bleyjubarn var ég alltaf í hestaleikjum. Annars hef ég alltaf haft gaman að íþróttum og fylgist með flestu en ég var aldrei neitt sérstaklega góður í neinu nema hestum. En ef þeir væru ekki atvinnan mín þá væri ég sennilega að keyra vörubíl eða gröfur hjá pabba og Heiðri bróður. Ég gerði svolítið af því hérna í gamla daga þegar það tíðkaðist að taka sér haustfrí frá hestamennskunni. Á fullorðins árum hefur það svo komið upp að ef ég hefði verið sæmilegur á bókina þá hefði sálfræði mögulega legið vel fyrir mér. Mér finnst hún virkilega áhugaverð og í þessari vinnu með hesta er maður svo mikið að lesa hestinn ekki síður en sjálfan sig og stemninguna og í því öllu saman er heljarinnar sálfræði.

Að mínu mati skiptir svo miklu máli að leggja upp úr réttri stemningu ég finn það alveg að ef það liggur ekki vel á mér þá hefur það áhrif á útkomuna en svo má maður heldur ekki pepp yfir sig og fara fram úr sér. Þetta á við bæði þegar maður er að sýna hesta en líka í daglegri vinnu í hesthúsinu þá finnur maður þetta alveg ef maður er illa fyrirkallaður og kannski gekk eitthvað ekki nógu vel, þá er betra að stíga af baki og fara bara og fá sér kaffibolla svo maður smiti ekki næsta hest.

Það má með sanni segja að stemningin hafi verið með ykkur Fjalladísi í fyrra á HM þar sem flest gekk upp, en hvernig ertu að undirbúa þig núna fyrir HM 2025 í Sviss?

Já, sko þau sem keyptu Fjalladísi, keyptu einnig Djáknar frá Selfossi með það í huga að ég myndi reyna við HM 2025. Nú á ég farseðil og stefni með hann, það er allavegana hugmyndin ef allt gengur upp. Vonandi gengur það, við erum svona að púsla okkur saman og ég held að við eigum allskonar inni og ég von að þetta komi hægt og rólega og að við toppum á réttum tíma á forsendum hestsins. Ég vil að það sé alltaf innistæða hjá hestinum, ég held að það skipti öllu máli, að taka ekki allt út – því þau eiga svo auðvitað að halda áfram að gera vel eftir mótið.

Einmitt eins og við sáum klárlega hjá Falladís og Sigurði Óla, hvernig var tilfinningin að sjá hana í braut?

Ég og Siggi Óli erum búnir að vera í góðu sambandi og vorum í sambandi deginum áður en hann keppir. Ég fór snemma heim til að horfa á hana. Svo kom það mér á óvart hvað það var erfitt að horfa á hana heima og sjá hana þarna, það heltust allskonar tilfinningar yfir mann ég viðurkenni það. En auðvitað var frábært að sjá að hún átti nóg inni og hvað þeim gekk vel, en þetta var erfitt. En svo er bara spennandi að fylgjast áfram með þeim í framtíðinni og sjá hvert þetta leiðir hjá þeim.

Síðustu forvöð til að tryggja sér toll í stóðhestaveltunni!

Mon, 27 May 2024 12:56:00 GMT

Dregið verður í stóðhestaveltu landsliðsins á fimmtudaginn 30. maí, örfáir miðar eru eftir og því um að gera að stökkva til og tryggja sér miða. Að taka þátt í stóðhestaveltunni eykur ekki bara spenningin í ræktunarstarfinu heldur er styrkurinn ómetanlegur fyrir landsliðin okkar sem munu halda á Norðurlandamót í hestaíþróttum í ágúst.

Glæsilegir hestar eru í veltunni, margir af okkar allra mest spennandi hestum og þökkum við stóðhestaeigendum kærlega fyrir stuðninginn.

Verð á hverjum miða í stóðhestaveltunni er 65.000 kr. hverjum miða fyglir einn tollur girðinga- eða húsgjald er ekki innifalið. Endilega kynnið ykkur hestana sem í boði og nælið ykkur í miða í vefverslun LH .

Sindri frá Hjarðartúni 8,99 - Tollinn gefa Einhyrningur ehf., Bjarni Elvar Pétursson, Kristín Heimisdóttir
Þráinn frá Flagbjarnarholti 8,95 - Tollinn gefur Þráinsskjöldur ehf.
Rauðskeggur frá Kjarnholtum 8,87 - Tollinn gefur Magnús Einarsson
Kolskeggur frá Kjarnholtum I 8,86 - Tollinn gefur Magnús Einarsson
Þór frá Torfunesi 8,80 - Tollinn gefur Torfunes ehf
Atlas frá Hjallanesi 8,76 - Tollinn gefur Atlasfélagið 1660 ehf
Hylur frá Flagbjarnarholti 8,68 - Tollinn gefur Heimahagi Hrossarækt ehf
Adrían frá Garðshorni á Þelamörk 8,63 - Tollinn gefur Adríanfjélagið ehf.
Gangster frá Árgerði 8,63 - Tollinn gefa Herdís Ármannsdóttir og Stefán Birgir Stefánsson
Skarpur frá Kýrholti 8,63 - Tollinn gefa Fleming Fast og Gitte Fast Lambertsen
Guttormur frá Dallandi 8,61 - Tollinn gefur Hestamiðstöðin Dalur ehf.
Tumi frá Jarðbrú 8,61 - Tollinn gefur Maríanna Gunnarsdóttir
Vigri frá Bæ 8,59 - Tollinn gefur Höfðaströnd ehf.
Pensill frá Hvolsvelli 8,55 - Tollinn gefa Ásmundur Þór Þórisson og Helga Friðgeirsdóttir
Ljósvaki frá Valstrýtu 8,54 - Tollinn gefur Guðjón Árnason
Skugga-Sveinn frá Þjóðólfshaga 8,54 - Tollinn gefur Sigurður Sigurðarson
Tindur frá Árdal 8,53 - Tollinn gefa Hannes Sigurjónsson og Inga Cristina Campos
Húni frá Ragnheiðarstöðum 8,52 - Tollinn gefa Fleming Fast og Gitte Fast Lambertsen
Sindri frá Lækjamóti II 8,52 - Tollinn gefur Guðmar Hólm Ísólfsson Líndal
Korgur frá Garði 8,51 - Tollinn gefur Jón Sigurjónsson
Safír frá Mosfellsbæ 8,51 - Tollinn gefa Ganghestar
Sólfaxi frá Herríðarhóli 8,51 - Tollinn gefa Grunur ehf./Egger-Meier Anja/Kronshof GbR
Arður frá Brautarholti 8,49 - Tollinn gefur Bergsholt sf og HJH Eignarhaldsfélag ehf
Ljúfur frá Torfunesi 8,49 - Tollinn gefur Sylvía Sigurbjörnsdóttir
Þytur frá Skáney 8,49 - Tollinn gefur Bjarni Marínósson
Blesi frá Heysholti 8,48 - Tollinn gefur Guðrún Lóa Kristinsdóttir
Hlekkur frá Saurbæ 8,48 - Tollinn gefur Emilie Victoria Bönström
Aðalsteinn frá Íbishóli 8,47 - Tollinn gefur Magnús Bragi Magnússon
Knár frá Ytra-Vallholti 8,47 - Tollinn gefa Egger-Meier Anja, Islandpferdehof Weierholz og Bjarni Jónasson
Askur frá Holtsmúla I 8,44 - Tollinn gefur Anne Krishnabhakdi
Gauti frá Vöðlum 8,44 - Tollinn gefa Margeir Þorgeirsson og Ólafur Brynjar Ásgeirsson
Kolgrímur frá Breiðholti, Gbr. 8,43 - Tollinn gefur Boði ehf.
Muninn frá Litla-Garði 8,42 - Tollinn gefa Herdís Ármannsdóttir og Stefán Birgir Stefánsson
Valíant frá Garðshorni á Þelamörk 8,42 - Tollinn gefur K.Ó. Kristjánsson
Ottesen frá Ljósafossi 8,40 - Tollinn gefur Björn Þór Björnsson
Hraunhamar frá Ragnheiðarstöðum 8,38 - Tollinn gefur Helgi Jón Harðarson
Hugur frá Hólabaki 8,38 - Tollinn gefa Georg Kristjánsson og Sigurður Sigurðsson
Agnar frá Margrétarhofi 8,37 - Tollinn gefur Margrétarhof hf
Vökull frá Efri-Brú 8,37 - Tollinn gefa Hafsteinn Jónsson og Hestar ehf
Ölur frá Reykjavöllum 8,37 - Tollinn gefa Einhyrningur ehf. og Hans Þór Hilmarsson
Bjarmi frá Litlu-Tungu 2 8,35 - Tollinn gefur Vilhjálmur Þórarinsson
Eldur frá Bjarghúsum 8,35 - Tollinn gefa Hörður Óli Sæmundarson og Dhr. R. Pool
Sókrates frá Skáney 8,35 - Tollinn gefa Hestaland og Kristján Baldursson
Þinur frá Enni 8,34 - Tollinn gefur Ástríður Magnúsdóttir
Kór frá Skálakoti 8,33 - Tollinn gefur Guðmundur Jón Viðarsson
Viskusteinn frá Íbishóli 8,32 - Tollinn gefa Jón Ársæll Bergmann ofl.
Útherji frá Blesastöðum 8,32 - Tollinn gefa Bragi Guðmundsson, Sveinbjörn Bragason, Valgerður Þorvaldsdóttir og Þórunn Hannesdóttir
Sigur frá Stóra-Vantsskarði 8,29 - Tollinn gefur Sigur frá Stóra-Vatnsskarði ehf
Auga-Steinn frá Árbæ 8,27 - Tollinn gefa Maríanna Gunnarsdóttir ofl.
Lazarus frá Ásmundarstöðum 8,23 - Tollinn gefa Herdís Kristín Sigurðardóttir og Durgur ehf.
Frosti frá Hjarðartúni 8,21 - Tollinn gefur Einhyrningur ehf.
Sproti frá Vesturkoti 8,21 - Tollinn gefur HJH Eignarhaldsfélag ehf.
Draumur frá Feti 8,20 - Tollinn gefur Fet ehf
Rammi frá Búlandi 8,18 - Tollinn gefur Ólafur Örn Þórðarson o.fl.
Lexus frá Vatnsleysu 8,15 - Tollinn gefur Hestar ehf.
Amadeus frá Þjóðólfshaga 8,15 - Tollinn gefur Sigurður Sigurðarson
Sparon frá Íbishóli 8,11 - Tollinn gefur Íbishóll ehf.
Abel frá Skáney 8,06 - Tollinn gefur Haukur Bjarnason
Hákon frá Ragnheiðarstöðum 7,97 og 1. verðl. f. afkvæmi - Tollinn gefur Ræktunarfélagið Hákon ehf
Baldvin frá Margrétarhofi - Tollinn gefur Margrétarhof hf.
Kópur frá Hrafnshóli - Tollinn gefa Egger-Meier Anja og Grunur ehf.

Tveir nýir hestar í Stóðhestaveltunni!

Thu, 23 May 2024 15:16:28 GMT

Stóðhestavelta landsliðsins er til styrktar Norðurlandamótsförum 2024.
Afreksstarfi LH er að miklu leiti haldið uppi af velvild einstaklinga og fyrirtækja í formi styrkja. Stóðhestaeigendur sem gefa tolla í stóðhestaveltu landsliðsins eru þannig einn mikilvægasti bakhjarl landsliðs Íslands í hestaíþróttum, U21 landsliðsins og Hæfileikamótunar LH. LH þakkar stóðhestaeigendum ómetanlegan stuðning.

Sala í hinni árlegu stóðhestaveltu landsliðsins er hafin í vefverslun LH . Verð á hverjum miða í stóðhestaveltunni er 65.000 kr. og á hverjum miða er einn tollur undir einn af hæst dæmdu stóðhestum landsins, girðinga- eða húsgjald er ekki innifalið.

Nú hafa bæst við:

Skarpur frá Kýrholti 8,63 - Tollinn gefur Gitte Fast Lambertsen

Húni frá Ragnheiðarstöðum 8,52 - Tollinn gefur Gitte Fast Lambertsen

Þegar eru í veltunni þessir stórglæsilegu hestar:

Sindri frá Hjarðartúni 8,99 - Tollinn gefa Einhyrningur ehf., Bjarni Elvar Pétursson, Kristín Heimisdóttir
Þráinn frá Flagbjarnarholti 8,95 - Tollinn gefur Þráinsskjöldur ehf.
Rauðskeggur frá Kjarnholtum 8,87 - Tollinn gefur Magnús Einarsson
Kolskeggur frá Kjarnholtum I 8,86 - Tollinn gefur Magnús Einarsson
Þór frá Torfunesi 8,80 - Tollinn gefur Torfunes ehf
Atlas frá Hjallanesi 8,76 - Tollinn gefur Atlasfélagið 1660 ehf
Hylur frá Flagbjarnarholti 8,68 - Tollinn gefur Heimahagi Hrossarækt ehf
Adrían frá Garðshorni á Þelamörk 8,63 - Tollinn gefur Adríanfjélagið ehf.
Gangster frá Árgerði 8,63 - Tollinn gefa Herdís Ármannsdóttir og Stefán Birgir Stefánsson
Skarpur frá Kýrholti 8,63 - Tollinn gefa Fleming Fast og Gitte Fast Lambertsen
Guttormur frá Dallandi 8,61 - Tollinn gefur Hestamiðstöðin Dalur ehf.
Tumi frá Jarðbrú 8,61 - Tollinn gefur Maríanna Gunnarsdóttir
Vigri frá Bæ 8,59 - Tollinn gefur Höfðaströnd ehf.
Pensill frá Hvolsvelli 8,55 - Tollinn gefa Ásmundur Þór Þórisson og Helga Friðgeirsdóttir
Ljósvaki frá Valstrýtu 8,54 - Tollinn gefur Guðjón Árnason
Skugga-Sveinn frá Þjóðólfshaga 8,54 - Tollinn gefur Sigurður Sigurðarson
Húni frá Ragnheiðarstöðum 8,52 - Tollinn gefa Fleming Fast og Gitte Fast Lambertsen
Sindri frá Lækjamóti II 8,52 - Tollinn gefur Guðmar Hólm Ísólfsson Líndal
Korgur frá Garði 8,51 - Tollinn gefur Jón Sigurjónsson
Safír frá Mosfellsbæ 8,51 - Tollinn gefa Ganghestar
Sólfaxi frá Herríðarhóli 8,51 - Tollinn gefa Grunur ehf./Egger-Meier Anja/Kronshof GbR
Arður frá Brautarholti 8,49 - Tollinn gefur Bergsholt sf og HJH Eignarhaldsfélag ehf
Ljúfur frá Torfunesi 8,49 - Tollinn gefur Sylvía Sigurbjörnsdóttir
Þytur frá Skáney 8,49 - Tollinn gefur Bjarni Marínósson
Blesi frá Heysholti 8,48 - Tollinn gefur Guðrún Lóa Kristinsdóttir
Hlekkur frá Saurbæ 8,48 - Tollinn gefur Emilie Victoria Bönström
Aðalsteinn frá Íbishóli 8,47 - Tollinn gefur Magnús Bragi Magnússon
Knár frá Ytra-Vallholti 8,47 - Tollinn gefa Egger-Meier Anja, Islandpferdehof Weierholz og Bjarni Jónasson
Askur frá Holtsmúla I 8,44 - Tollinn gefur Anne Krishnabhakdi
Gauti frá Vöðlum 8,44 - Tollinn gefa Margeir Þorgeirsson og Ólafur Brynjar Ásgeirsson
Kolgrímur frá Breiðholti, Gbr. 8,43 - Tollinn gefur Boði ehf.
Muninn frá Litla-Garði 8,42 - Tollinn gefa Herdís Ármannsdóttir og Stefán Birgir Stefánsson
Valíant frá Garðshorni á Þelamörk 8,42 - Tollinn gefur K.Ó. Kristjánsson
Ottesen frá Ljósafossi 8,40 - Tollinn gefur Björn Þór Björnsson
Hraunhamar frá Ragnheiðarstöðum 8,38 - Tollinn gefur Helgi Jón Harðarson
Hugur frá Hólabaki 8,38 - Tollinn gefa Georg Kristjánsson og Sigurður Sigurðsson
Agnar frá Margrétarhofi 8,37 - Tollinn gefur Margrétarhof hf
Vökull frá Efri-Brú 8,37 - Tollinn gefa Hafsteinn Jónsson og Hestar ehf
Ölur frá Reykjavöllum 8,37 - Tollinn gefa Einhyrningur ehf. og Hans Þór Hilmarsson
Bjarmi frá Litlu-Tungu 2 8,35 - Tollinn gefur Vilhjálmur Þórarinsson
Eldur frá Bjarghúsum 8,35 - Tollinn gefa Hörður Óli Sæmundarson og Dhr. R. Pool
Sókrates frá Skáney 8,35 - Tollinn gefa Hestaland og Kristján Baldursson
Þinur frá Enni 8,34 - Tollinn gefur Ástríður Magnúsdóttir
Kór frá Skálakoti 8,33 - Tollinn gefur Guðmundur Jón Viðarsson
Viskusteinn frá Íbishóli 8,32 - Tollinn gefa Jón Ársæll Bergmann ofl.
Útherji frá Blesastöðum 8,32 - Tollinn gefa Bragi Guðmundsson, Sveinbjörn Bragason, Valgerður Þorvaldsdóttir og Þórunn Hannesdóttir
Sigur frá Stóra-Vantsskarði 8,29 - Tollinn gefur Sigur frá Stóra-Vatnsskarði ehf
Auga-Steinn frá Árbæ 8,27 - Tollinn gefa Maríanna Gunnarsdóttir ofl.
Lazarus frá Ásmundarstöðum 8,23 - Tollinn gefa Herdís Kristín Sigurðardóttir og Durgur ehf.
Frosti frá Hjarðartúni 8,21 - Tollinn gefur Einhyrningur ehf.
Sproti frá Vesturkoti 8,21 - Tollinn gefur HJH Eignarhaldsfélag ehf.
Draumur frá Feti 8,20 - Tollinn gefur Fet ehf
Rammi frá Búlandi 8,18 - Tollinn gefur Ólafur Örn Þórðarson o.fl.
Lexus frá Vatnsleysu 8,15 - Tollinn gefur Hestar ehf.
Amadeus frá Þjóðólfshaga 8,15 - Tollinn gefur Sigurður Sigurðarson
Sparon frá Íbishóli 8,11 - Tollinn gefur Íbishóll ehf.
Abel frá Skáney 8,06 - Tollinn gefur Haukur Bjarnason
Hákon frá Ragnheiðarstöðum 7,97 og 1. verðl. f. afkvæmi - Tollinn gefur Ræktunarfélagið Hákon ehf
Baldvin frá Margrétarhofi - Tollinn gefur Margrétarhof hf.
Kópur frá Hrafnshóli - Tollinn gefa Egger-Meier Anja og Grunur ehf.

Miðbæjarreið Landssambands hestamannafélaga frestast

Thu, 23 May 2024 15:07:45 GMT

Þeirri skemmtilegu hefð að hestamenn á höfuðborgarsvæðinu fari um miðbæinn í sumarbyrjun og sýni gestum og gangandi fallegu fákana sína verður viðhaldið í sumar. Reiðin var áætluð 28. maí en frestast vegna framkvæmda efst á Skólavörðuholtinu. Ný tímasetning er ekki komin á hreint en upplýsingar um nýja tímasetningu verður birt von bráðar.

Þeir sem hafa áhuga á að taka þátt í reiðinni eru vinsamlegast beðnir um að hafa samband við sitt hestamannafélag og láta vita af sér, svo hægt sé að áætla fjölda í reiðinni með nokkurri vissu.

Stóðhestavelta landsliðsins til styrktar knöpum á Norðurlandamóti

Tue, 21 May 2024 13:26:00 GMT

Sindri frá Hjarðartúni 8,99 - Tollinn gefa Einhyrningur ehf., Bjarni Elvar Pétursson, Kristín Heimisdóttir
Þráinn frá Flagbjarnarholti 8,95 - Tollinn gefur Þráinsskjöldur ehf.
Rauðskeggur frá Kjarnholtum 8,87 - Tollinn gefur Magnús Einarsson
Kolskeggur frá Kjarnholtum I 8,86 - Tollinn gefur Magnús Einarsson
Þór frá Torfunesi 8,80 - Tollinn gefur Torfunes ehf
Atlas frá Hjallanesi 8,76 - Tollinn gefur Atlasfélagið 1660 ehf
Hylur frá Flagbjarnarholti 8,68 - Tollinn gefur Heimahagi Hrossarækt ehf
Adrían frá Garðshorni á Þelamörk 8,63 - Tollinn gefur Adríanfjélagið ehf.
Gangster frá Árgerði 8,63 - Tollinn gefa Herdís Ármannsdóttir og Stefán Birgir Stefánsson
Skarpur frá Kýrholti 8,63 - Tollinn gefa Fleming Fast og Gitte Fast Lambertsen
Guttormur frá Dallandi 8,61 - Tollinn gefur Hestamiðstöðin Dalur ehf.
Tumi frá Jarðbrú 8,61 - Tollinn gefur Maríanna Gunnarsdóttir
Vigri frá Bæ 8,59 - Tollinn gefur Höfðaströnd ehf.
Pensill frá Hvolsvelli 8,55 - Tollinn gefa Ásmundur Þór Þórisson og Helga Friðgeirsdóttir
Ljósvaki frá Valstrýtu 8,54 - Tollinn gefur Guðjón Árnason
Skugga-Sveinn frá Þjóðólfshaga 8,54 - Tollinn gefur Sigurður Sigurðarson
Húni frá Ragnheiðarstöðum 8,52 - Tollinn gefa Fleming Fast og Gitte Fast Lambertsen
Sindri frá Lækjamóti II 8,52 - Tollinn gefur Guðmar Hólm Ísólfsson Líndal
Korgur frá Garði 8,51 - Tollinn gefur Jón Sigurjónsson
Safír frá Mosfellsbæ 8,51 - Tollinn gefa Ganghestar
Sólfaxi frá Herríðarhóli 8,51 - Tollinn gefa Grunur ehf./Egger-Meier Anja/Kronshof GbR
Arður frá Brautarholti 8,49 - Tollinn gefur Bergsholt sf og HJH Eignarhaldsfélag ehf
Ljúfur frá Torfunesi 8,49 - Tollinn gefur Sylvía Sigurbjörnsdóttir
Þytur frá Skáney 8,49 - Tollinn gefur Bjarni Marínósson
Blesi frá Heysholti 8,48 - Tollinn gefur Guðrún Lóa Kristinsdóttir
Hlekkur frá Saurbæ 8,48 - Tollinn gefur Emilie Victoria Bönström
Aðalsteinn frá Íbishóli 8,47 - Tollinn gefur Magnús Bragi Magnússon
Knár frá Ytra-Vallholti 8,47 - Tollinn gefa Egger-Meier Anja, Islandpferdehof Weierholz og Bjarni Jónasson
Askur frá Holtsmúla I 8,44 - Tollinn gefur Anne Krishnabhakdi
Gauti frá Vöðlum 8,44 - Tollinn gefa Margeir Þorgeirsson og Ólafur Brynjar Ásgeirsson
Kolgrímur frá Breiðholti, Gbr. 8,43 - Tollinn gefur Boði ehf.
Muninn frá Litla-Garði 8,42 - Tollinn gefa Herdís Ármannsdóttir og Stefán Birgir Stefánsson
Valíant frá Garðshorni á Þelamörk 8,42 - Tollinn gefur K.Ó. Kristjánsson
Ottesen frá Ljósafossi 8,40 - Tollinn gefur Björn Þór Björnsson
Hraunhamar frá Ragnheiðarstöðum 8,38 - Tollinn gefur Helgi Jón Harðarson
Hugur frá Hólabaki 8,38 - Tollinn gefa Georg Kristjánsson og Sigurður Sigurðsson
Agnar frá Margrétarhofi 8,37 - Tollinn gefur Margrétarhof hf
Vökull frá Efri-Brú 8,37 - Tollinn gefa Hafsteinn Jónsson og Hestar ehf
Ölur frá Reykjavöllum 8,37 - Tollinn gefa Einhyrningur ehf. og Hans Þór Hilmarsson
Bjarmi frá Litlu-Tungu 2 8,35 - Tollinn gefur Vilhjálmur Þórarinsson
Eldur frá Bjarghúsum 8,35 - Tollinn gefa Hörður Óli Sæmundarson og Dhr. R. Pool
Sókrates frá Skáney 8,35 - Tollinn gefa Hestaland og Kristján Baldursson
Þinur frá Enni 8,34 - Tollinn gefur Ástríður Magnúsdóttir
Kór frá Skálakoti 8,33 - Tollinn gefur Guðmundur Jón Viðarsson
Viskusteinn frá Íbishóli 8,32 - Tollinn gefa Jón Ársæll Bergmann ofl.
Útherji frá Blesastöðum 8,32 - Tollinn gefa Bragi Guðmundsson, Sveinbjörn Bragason, Valgerður Þorvaldsdóttir og Þórunn Hannesdóttir
Sigur frá Stóra-Vantsskarði 8,29 - Tollinn gefur Sigur frá Stóra-Vatnsskarði ehf
Auga-Steinn frá Árbæ 8,27 - Tollinn gefa Maríanna Gunnarsdóttir ofl.
Lazarus frá Ásmundarstöðum 8,23 - Tollinn gefa Herdís Kristín Sigurðardóttir og Durgur ehf.
Frosti frá Hjarðartúni 8,21 - Tollinn gefur Einhyrningur ehf.
Sproti frá Vesturkoti 8,21 - Tollinn gefur HJH Eignarhaldsfélag ehf.
Draumur frá Feti 8,20 - Tollinn gefur Fet ehf
Rammi frá Búlandi 8,18 - Tollinn gefur Ólafur Örn Þórðarson o.fl.
Lexus frá Vatnsleysu 8,15 - Tollinn gefur Hestar ehf.
Amadeus frá Þjóðólfshaga 8,15 - Tollinn gefur Sigurður Sigurðarson
Sparon frá Íbishóli 8,11 - Tollinn gefur Íbishóll ehf.
Abel frá Skáney 8,06 - Tollinn gefur Haukur Bjarnason
Hákon frá Ragnheiðarstöðum 7,97 og 1. verðl. f. afkvæmi - Tollinn gefur Ræktunarfélagið Hákon ehf
Baldvin frá Margrétarhofi - Tollinn gefur Margrétarhof hf.
Kópur frá Hrafnshóli - Tollinn gefa Egger-Meier Anja og Grunur ehf.

Norðurlandamót í hestaíþróttum

Thu, 16 May 2024 15:00:24 GMT

Norðurlandamótið í hestaíþróttum hefst eftir tæpa þrjá mánuði. Mótið stendur yfir dagana 8.-11. ágúst í Herning í Danmörku. Þar munum við fá að sjá bestu hesta Norðurlandanna keppa í íþrótta og gæðingakeppni. Keppnissvæðið í Herning er marglofað og er ekki við öðru að búast en að þar muni hver stórsýningin reka aðra.

Þar munum við sjá alla sterkustu hesta Norðurlandanna koma saman en mikill hugur eru í nágrönnum okkar á Norðurlöndunum og mun mótið gefa tóninn fyrir komandi heimsmeistaramót í Sviss á næsta ári.

Á svæðinu verður spennandi markaðstorg, veitingasölur, leikvöllur fyrir börn auk þess sem á dagskráin eru fræðsluerindi, tónlistar atriði og fleira. Miðasala er hafin og fá þeir sem tryggja sér miða í tíma góðan afslátt. Miðinn veitir aðgang að öllu svæðinu fyrir utan hesthúsin. Umhverfi mótsins er með besta móti og stutt í ýmsa þjónustu þar með talið Legoland og Lalandia .

Nælu þér í miða:
https://www.sporti.dk /en/ ticket.php?e=116&v=e - i

Fjöldi keppenda í gæðingakeppni á Landsmóti

Wed, 15 May 2024 09:55:00 GMT

Fjöldi þátttakenda í gæðingakeppni á landsmóti fer eftir fjölda félaga í aðildarfélögum LH hverju sinni. Hvert hestamannafélag fær eitt sæti í hverjum flokki fyrir hverja 125 félagsmenn. Til viðbótar þeim hestum sem vinna sér þátttökurétt á Landsmóti í öllum flokkum í gegnum úrtökur hestamannafélaganna, fá efstu 6 hestar á stöðulistum sem ekki komust inn í gegnum úrtökur hjá sínum félögum, þátttökurétt á Landsmóti.

Stóðhestavelta landsliðsins - heildarlisti

Tue, 14 May 2024 09:33:00 GMT

Afreksstarfi LH er að miklu leiti haldið uppi af velvild einstaklinga og fyrirtækja í formi styrkja. Stóðhestaeigendur sem gefa tolla í stóðhestaveltu landsliðsins eru þannig einn mikilvægasti bakhjarl landsliðs Íslands í hestaíþróttum, U21 landsliðsins og Hæfileikamótunar LH. LH þakkar stóðhestaeigendum ómetanlegan stuðning.

Sala í hinni árlegu stóðhestaveltu landsliðsins er hafin í vefverslun LH. Verð á hverjum miða í stóðhestaveltunni er 65.000 kr. og á hverjum miða er einn tollur undir einn af hæst dæmdu stóðhestum landsins, girðinga- eða húsgjald er ekki innifalið.

Abel frá Skáney 8,06 - Tollinn gefur Haukur Bjarnason
Adrían frá Garðshorni á Þelamörk 8,63 - Tollinn gefur Adríanfjélagið ehf.
Aðalsteinn frá Íbishóli 8,47 - Tollinn gefur Magnús Bragi Magnússon
Agnar frá Margrétarhofi 8,37 - Tollinn gefur Margrétarhof hf
Amadeus frá Þjóðólfshaga 8,15 - Tollinn gefur Sigurður Sigurðarson
Arður frá Brautarholti 8,49 - Tollinn gefur Bergsholt sf og HJH Eignarhaldsfélag ehf
Askur frá Holtsmúla I 8,44 - Tollinn gefur Anne Krishnabhakdi
Atlas frá Hjallanesi 8,76 - Tollinn gefur Atlasfélagið 1660 ehf
Auga-Steinn frá Árbæ 8,27 - Tollinn gefa Maríanna Gunnarsdóttir ofl.
Baldvin frá Margrétarhofi - Tollinn gefur Margrétarhof hf.
Bjarmi frá Litlu-Tungu 2 8,35 - Tollinn gefur Vilhjálmur Þórarinsson
Blesi frá Heysholti 8,48 - Tollinn gefur Guðrún Lóa Kristinsdóttir
Draumur frá Feti 8,20 - Tollinn gefur Fet ehf
Eldur frá Bjarghúsum 8,35 - Tollinn gefa Hörður Óli Sæmundarson og Dhr. R. Pool
Frosti frá Hjarðartúni 8,21 - Tollinn gefur Einhyrningur ehf.
Gangster frá Árgerði 8,63 - Tollinn gefa Herdís Ármannsdóttir og Stefán Birgir Stefánsson
Gauti frá Vöðlum 8,44 - Tollinn gefa Margeir Þorgeirsson og Ólafur Brynjar Ásgeirsson
Guttormur frá Dallandi 8,61 - Tollinn gefur Hestamiðstöðin Dalur ehf.
Hákon frá Ragnheiðarstöðum 7,97 og 1. verðl. f. afkvæmi - Tollinn gefur Ræktunarfélagið Hákon ehf
Hlekkur frá Saurbæ 8,48 - Tollinn gefur Emilie Victoria Bönström
Hraunhamar frá Ragnheiðarstöðum 8,38 - Tollinn gefur Helgi Jón Harðarson
Hugur frá Hólabaki 8,38 - Tollinn gefa Georg Kristjánsson og Sigurður Sigurðsson
Hylur frá Flagbjarnarholti 8,68 - Tollinn gefur Heimahagi Hrossarækt ehf
Knár frá Ytra-Vallholti 8,47 - Tollinn gefa Egger-Meier Anja, Islandpferdehof Weierholz og Bjarni Jónasson
Kolgrímur frá Breiðholti, Gbr. 8,43 - Tollinn gefur Boði ehf.
Kolskeggur frá Kjarnholtum I 8,86 - Tollinn gefur Magnús Einarsson
Korgur frá Garði 8,51 - Tollinn gefur Jón Sigurjónsson
Kópur frá Hrafnshóli - Tollinn gefa Egger-Meier Anja og Grunur ehf.
Kór frá Skálakoti 8,33 - Tollinn gefur Guðmundur Jón Viðarsson
Lazarus frá Ásmundarstöðum 8,23 - Tollinn gefa Herdís Kristín Sigurðardóttir og Durgur ehf.
Lexus frá Vatnsleysu 8,15 - Tollinn gefur Hestar ehf.
Ljósvaki frá Valstrýtu 8,54 - Tollinn gefur Guðjón Árnason
Ljúfur frá Torfunesi 8,49 - Tollinn gefur Sylvía Sigurbjörnsdóttir
Muninn frá Litla-Garði 8,42 - Tollinn gefa Herdís Ármannsdóttir og Stefán Birgir Stefánsson
Ottesen frá Ljósafossi 8,40 - Tollinn gefur Björn Þór Björnsson
Pensill frá Hvolsvelli 8,55 - Tollinn gefa Ásmundur Þór Þórisson og Helga Friðgeirsdóttir
Rammi frá Búlandi 8,18 - Tollinn gefur Ólafur Örn Þórðarson o.fl.
Rauðskeggur frá Kjarnholtum 8,87 - Tollinn gefur Magnús Einarsson
Safír frá Mosfellsbæ 8,51 - Tollinn gefa Ganghestar
Sigur frá Stóra-Vantsskarði 8,29 - Tollinn gefur Sigur frá Stóra-Vatnsskarði ehf
Sindri frá Hjarðartúni 8,99 - Tollinn gefa Einhyrningur ehf., Bjarni Elvar Pétursson, Kristín Heimisdóttir
Sindri frá Lækjamóti II 8,52 - Tollinn gefur Guðmar Hólm Ísólfsson Líndal
Skugga-Sveinn frá Þjóðólfshaga 8,54 - Tollinn gefur Sigurður Sigurðarson
Sókrates frá Skáney 8,35 - Tollinn gefa Hestaland og Kristján Baldursson
Sólfaxi frá Herríðarhóli 8,51 - Tollinn gefa Grunur ehf./Egger-Meier Anja/Kronshof GbR
Sparon frá Íbishóli 8,11 - Tollinn gefur Íbishóll ehf.
Sproti frá Vesturkoti 8,21 - Tollinn gefur HJH Eignarhaldsfélag ehf.
Tumi frá Jarðbrú 8,61 - Tollinn gefur Maríanna Gunnarsdóttir
Útherji frá Blesastöðum 8,32 - Tollinn gefa Bragi Guðmundsson, Sveinbjörn Bragason, Valgerður Þorvaldsdóttir og Þórunn Hannesdóttir
Valíant frá Garðshorni á Þelamörk 8,42 - Tollinn gefur K.Ó. Kristjánsson
Vigri frá Bæ 8,59 - Tollinn gefur Höfðaströnd ehf.
Viskusteinn frá Íbishóli 8,32 - Tollinn gefa Jón Ársæll Bergmann ofl.
Vökull frá Efri-Brú 8,37 - Tollinn gefa Hafsteinn Jónsson og Hestar ehf
Þinur frá Enni 8,34 - Tollinn gefur Ástríður Magnúsdóttir
Þór frá Torfunesi 8,80 - Tollinn gefur Torfunes ehf
Þráinn frá Flagbjarnarholti 8,95 - Tollinn gefur Þráinsskjöldur ehf.
Þytur frá Skáney 8,49 - Tollinn gefur Bjarni Marínósson
Ölur frá Reykjavöllum 8,37 - Tollinn gefa Einhyrningur ehf. og Hans Þór Hilmarsson

Um innkomu og upphaf keppni á hringvelli

Mon, 13 May 2024 13:22:00 GMT

Um innkomu og upphaf keppni á hringvelli.

Vallaraðstæður eru mismunandi hjá hinum ýmsu félögum sem halda mót, og innkoma inn á keppnisvöll er eitthvað sem hefur á undanförnum misserum verið rædd töluvert og var meðal annars hluti þeirra breytinga sem urðu á FEIF þingi fyrr í vetur og tóku gildi 1. apríl.

Misjafnt er hvort innkoma að velli sé um skammhlið eða á langhlið vallarins, og innkoma á skammhlið getur ýmist verið í horni (í beygjunni eða á miðri skammhlið).

Fróðleiksmoli vikunnar er um innkomu á hringvöll og upphaf keppni.

Í reglu Í17.5 í reglum um íþróttakeppni er því lýst hvernig innkomu og upphafi sýningar skal háttað þegar hlið er staðsett á skammhlið annarsvegar og langhlið hinsvegar.

Þar segir um innkomu á skammhlið (þar með talið ef hlið er staðsett í horni vallarins og er þar með ekki á miðri skammhlið) - knapar sem óska eftir því að hefja keppni á skammhlið FJÆRST frá innkomu, skulu koma sér að þeim stað sem þeir ætla að hefja keppni (miðju skammhliðar) á annari hvorri langhliðinni og hefja þegar keppni (án þess að snúa við).

Sem þýðir að knapinn skal ríða inn í braut á þá höndina sem hann ætlar að sýna verkefnið sitt (ekki er leyfilegt að snúa við í hinum enda hringvallar til þess að hefja sýningu).

Um innkomu á skammhlið (þar með talið ef hlið er staðsett í horni vallarins og er þar með ekki á miðri skammhlið)- knapar sem óska eftir því að hefja keppni á skammhlið NÆST innkomu skulu koma sér að þeim stað þar sem þeir ætla að hefja keppni (miðju skammhliðar) án þess að fara yfir merki sem gefa til kynna upphaf langhliðar.

Sé innkoma á langhlið skal knapi fara stystu leið að þeirri skammhlið sem hefja skal keppni og hneigja sig greinilega og gefa til kynna að keppni sé hafin.

Ef innkoma er á langhlið má snúa við á þeirri skammhlið sem hefja á leik ef við á en skýringarmyndir fréttarinnar gefa skýra mynd af því hvernig því skal háttað hvort sem innkoma sé á skammhlið eða langhlið.

Landssamband hestamannafélaga hvetur mótshaldara til þess að kynna innkomu vallarins á knapafundi eða á viðburði mótsins til þess að fyrirbyggja allan misskilning varðandi þetta og séu knapar óvissir að leita sér upplýsinga hjá mótshaldara, mótsstjóra eða yfirdómara móts.

Fróðleikur fyrir keppnistímabilið

Wed, 08 May 2024 16:27:00 GMT

Nú þegar nýtt keppnistímabil er í startholunum langar okkur á mótasviði LH að benda á nokkur atriði sem vert er fyrir keppendur að hafa í huga. Á fyrstu mótum ársins haf orðið nokkur atvik sem gott er að draga lærdóm af, með þau í farteskinu er hægt að forðast það að sömu mál komi ítrekað upp. Mótasvið mun á tímabilinu birta reglulega pistla um ýmis atriði um mótahaldið til fróðleiks og útskýringa.

Listi yfir leyfðan búnað

Á heimasíðum LH og Feif eru allar reglur ( https://www.lhhestar.is/is/log-og-reglur ) og listi yfir leyfðan búnað. ( https://www.feif.org/equipment/ )

Aðeins er farið að bera á því að stangir séu útbúnar með bitum á hringjunum sem stoppa hreyfingu á keðjunni (sjá mynd sem fylgir greininni). Allur búnaður sem hefur ”lock up” eiginleika á stöngum er bannaður og því eru stangir sem búnar eru slíkum bita við keðjuna ekki leyfilegur til notkunar í keppni. Listinn yfir leyfðan búnað er mjög góður og skýr og það er mikilvægt fyrir alla knapa að kynna sér hann vel áður en haldið er til keppni. Ef knapar eru í vafa um hvort búnaður þeirra sé löglegur er sjálfsagt að bera það undir yfirdómara móts áður en riðið er í braut.

Afskráningar

Reglur um afskráningu í forkeppni og skeiðgreinum eru þannig að knapi þarf að afskrá að minnsta kosti klukkustund áður en keppni hefst í viðkomandi grein ef hestur telst hæfur til keppni. Ef afskráning berst eftir þann tíma er knapi dæmdur úr leik og allur árangur hans á mótinu strikast út.

Reglur um afskráningu í úrslit eru þannig að knapi þarf að afskrá í úrslit að minnsta kosti klukkustund áður en úrslit viðkomandi greinar hefjast. Það þýðir að afskráning þarf að berast klukkustund áður en B-úrslit í viðkomandi grein fara fram.

Til þess að vera skýr á því:

Knapi í fjórgangi endar í 3. sæti eftir forkeppni og hefur því þátttökurétt í A-úrslitum. Ef hann ákveður að ríða ekki úrslit þarf afskráningin að berast skriflega til mótsstjórnar að minnsta kosti klukkustund áður en B-úrslit greinarinnar fara fram.

Allar afskráningar þurfa að berast skriflega til þess að teljast gildar.

Knapi sem ekki mæti til leiks í úrslitum og hefur ekki afskráð á löglegan hátt fer sjálfkrafa í keppnisbann í 2 vikur (18 ára og eldri miðað við almanaksár) og allur árangur knapans á mótinu strikast út. Knapi í barna- eða unglingaflokki fer ekki í keppnisbann en árangur mótsins ógildist engu að síður. Ef knapi er þegar skráður til keppni á öðrum mótum á meðan á keppnisbanni stendur, er það alltaf á ábyrgð knapans að afskrá sig af þeim mótum.

Yfirdómari og hlutverk yfirdómnefndar

Yfirdómari mótsins hefur ákvörðunarvald í þeim málum sem upp kunna að koma ásamt yfirdómnefnd móts.

Ef upp koma áverkar s.s. ágrip eða sár í munni eða slíkt og yfirdómari telur að um blæðandi sár sé að ræða ber hann ábyrgðina á að taka ákvörðun um að vísa hesti úr keppni við slíkar aðstæður, líkt og ef knapi missir stjórn á hesti sínum eða hestur sýnir kergju í braut.

Yfirdómari móts getur eftir atvikum gefið viðvörun, óopinbera eða opinbera viðvörun, dæmt knapa og hest úr keppnisgrein eða hreinlega vísað fólki af mótssvæði ef þurfa þykir. Það getur átt við í tilvikum um ókurteisi og slæma hegðun gagnvart dómurum eða starfsfólki móts, ósæmileg hegðun gagnvart hestinum innan eða utan vallar, meðvitað svindl og fleira.

Eigið áframhaldandi flott mótaár og skemmtum okkur vel.

Hádegisfyrirlestur um þróun kappreiða

Tue, 07 May 2024 16:30:00 GMT

Útbreiðslu- og nýliðunarnefnd LH stendur fyrir hádegisfyrirlestrum á Teams um ýmislegt áhugavert og fræðandi í tenglsum við hestamennsku.

Fyrsti fyrirlesturinn fór fram þann 6. maí og fjallar um þróun kappreiða hér á landi. Sigurbjörn Bárðarson flytur erindið enda fáir sem hafa jafn mikla reynslu og þekkingu á kappreiðum eins og hann.

Hér má finna upptöku af fyrirlestrinum, góða skemmtun

Hádegisfyrirlestur um þróun kappreiða

Gerum betur, hjálpumst að!

Mon, 06 May 2024 13:30:00 GMT

Nú er mótahaldið komið á fullt og heilmikið framundan á Landsmótsári.

Mótahaldið fer fram eftir lögum og reglum LH og Feif og allir sem að mótahaldinu koma, mótshaldarar, keppendur, dómarar og starfsfólk móta vinna undir lögum og reglum ásamt siðareglum LH.

Á borð skrifstofu berast upplýsingar um flest þau mál sem upp kunna að koma í mótahaldinu og er þeim safnað saman til gagns og lærdóms fyrir okkur inn í mótahaldið til framtíðar.

Dómarar mótanna eru starfsmenn sem hafa farið í gegnum námskeið til sinna réttinda, endurmenntun, upprifjunarnámskeið, skrifa undir siðareglur og skila inn upplýsingum úr sakaskrá til þess að hafa réttindi til þess að dæma mót. Þeirra hlutverk er að tryggja að framgangur mótsins sé reglum samkvæmt og dæma keppni mótsins í öllum greinum.

Dómarahópurinn er metnaðarfullt fólk sem leggur sig fram við að vanda til verka og hefur mikinn áhuga á störfum sínum, því er miklvægt að keppendur og aðstandendur þeirra virði störf þessa fólks.

Fyrir kemur að dæma þarf keppendur úr leik, til dæmis ef hestur reynist vera með áverka eftir sýningu, og er alltaf leitt þegar knapi og hestur lenda í slíku en óhöpp geta orðið og í anda hestavelferðar eru skýrar reglur um það að slíkt leiði til þess að parið hljóti ekki einkunn. Keppendur og aðstandendur þeirra eru ekki alltaf sáttir við dómara þegar slíkt gerist og hleypur stundum kapp í kinn.

Við viljum brýna fyrir keppendum og aðstandendum þeirra á að sýna dómurum og starfsmönnum móta virðingu og gæta kurteisi í samskiptum.

Hjálpumst að við að bæta menninguna í mótahaldinu og megi keppnissumarið verða farsælt og skemmtilegt.

Landsliðsdagur U21 og hæfileikamótunar

Tue, 30 Apr 2024 11:10:00 GMT

Á laugardaginn fór fram virkilega spennandi og skemmtilegur dagur hjá U21-landsliðshópi og Hæfileikamótun LH. Veg og vanda að skipulagningu dagsins áttu landsliðsnefnd auk Sigvalda Lárusar Guðmundssonar yfirþjálfara hæfileikamótunar og Heklu Katharínu Kristinsdóttur landsliðsþjálfara U21. Þátttakendur hittust í Hestamiðstöðinni Dal þar sem vel var tekið á móti þeim. Segja má að dagurinn hafi verið lokapunkturinn í starfi vetrarins og mikilvægt innlegg fyrir komandi keppnistímabil. Þarna voru saman komnir um 50 afreksknapar framtíðarinnar og það er ljóst að með þessum glæsilega hópi er framtíðin björt í hestaíþróttum.

Dagurinn byrjaði á frábærum fyrirlestri Margrétar Láru Viðarsdóttur sálfræðingi og fyrrum landsliðskonu í knattspyrnu. Hún fjallaði um andlegan styrk, sjálfstraust og hugrekki og leiðir til að takast á við frammistöðukvíða og óttann við að mistakast. Einnig talaði hún um umtal og öfund sem oft fylgir velgengni. Á eftir henni kom Anna Steinsen frá Kvan og stýrði hún léttu hópefli í reiðhöllinni sem hristi hópinn saman. Þar naut hópurinn sín í allskyns leikjum og verkefnum.

Kiddi Skúla, formaður landsliðsnefndar var svo búinn að leggja drög að góðum hádegismat og Jonni kokkur grillaði fyrir hópinn, færum við þeim bestu þakkir fyrir. Á meðan þau nutu matarins fór fram spennandi spurningakeppni um ýmislegt hestatengt.

Eftir hádegi tók Glódís Rún Sigurðardóttir, heimsmeistari í fimmgangi ungmenna við, en hún fór yfir þjálfunarferli vetrarins á hinum sigursæla Breka frá Austurási. Þau Breki tóku þátt í fjölmörgum greinum í meistaradeildinni í vetur og stóðu ofarlega í þeim öllum. Auk þess sem Glódís Rún Sigurðardóttir fjallaði um leið sína á HM, þær áskoranir sem hafa orðið á veginum og hvernig hún stóð uppi sem heimsmeistari í fimmgangi ungmenna.

Sara Sigurbjörnsdóttir, ríkjandi heimsmeistari í fimmgangi, hélt sýnikennslu með keppnishesti sínum Vísi frá Tvennu. Hún fór yfir þjálfunarstund með Vísi og fjallaði um reynslu sína af Heimsmeistaramótinu síðastliðið sumar og undirbúning hennar og Flóka frá Oddhóli fyrir stóru stundina í Hollandi. Að lokum hélt Sigurbjörn Bárðarson A-landsliðsþjálfari og sigursælasti knapi Íslandssögunnar sýnikennslu með hesti sínum Nagla frá Flagbjarnarholti. Hann fór um víðan völl í sinni umfjöllun og lagði áherslu á einfaldleikann í þjálfun og mikilvægi þess að það væri skilningur milli knapa og hests. Heilt yfir var þetta virkilega fræðandi og skemmtilegur dagur og mikilvægt innlegg inn í þjálfunina hjá þessum efnilegu knöpum.

Við ræddum við Kristinn Skúlason formann landsliðsnefndar um hæfileikamótunina og afreksstefnu LH: „Hæfileikamótun LH hefur verið starfrækt síðan 2020 og er markmiðið með henni að byggja enn frekar undir árangur í hestaíþróttum og undirbúa efnileg knapa fyrir þjálfun og keppni á hæsta stigi. Nú þegar erum við farinn að sjá árangurinn sem þetta verkefni er að skila.“ segir Kiddi og bættir við „Það var frábært að geta átt svona dag með hópnum og við erum mjög þakklát fyrir þær góðu móttökur sem við fegnum hjá Hestamiðstöðinni Dal, þar var öll aðstaða til fyrirmyndar fyrir kennsludag af þessu tagi. Fyrirlesararnir sem komu voru einnig frábærir og svo er ofboðslega dýrmætt hversu viljugir landsliðsknaparnir okkar eru til að koma og gefa af sér á degi sem þessum. Þeir eru miklar fyrirmyndir og það er frábært að sjá þá leggja sitt af mörkum til að undirbúa næstu kynslóð hugsanlegra landsliðsknapa. Það var einnig mjög gaman sjá Glódís Rún sem er nú á sínu fyrsta ári sem fullorðin koma og miðlað reynslu sinni og þekkingu en hún er ein af þeim sem hafa verið virk í starfi U21.“

„Framundan er Norðurlandamót í hestaíþróttum og dagur sem þessi er mikilvægur til að þjappa hópum saman og mynda samfellu í starfinu. Á næsta ári er svo heimsmeistara mót í Sviss og mikilvægt að þau sem setja stefnuna á þessi mót hugi vel að undirbúningi. Með afrekstefnu LH myndast dýrmæt tengsl milli hæfileikamótunar, U21 og A-landsliðsins enda er það ein af forsendum árangurs að þessir þættir vinni vel saman.“

Hádegisfyrirlestur - þróun kappreiða

Wed, 24 Apr 2024 14:20:00 GMT

Útbreiðslu og nýliðunarnefnd stendur fyrir hádegisfyrirlestrum sem munu fara fram á Teams um ýmislegt áhugavert og fræðandi í tenglsum við hestamennsku. Fyrirlestrarnir eru stuttir eða um 30 -45 mínútur. Gefinn er kostur á spurningum á þeim loknum. Aðgangur er ókeypis.

Fyrsti fyrirlesturinn fer fram mándaginn 6. maí kl 12:00 mun fjalla um þróun kappreiða hér á landi, Sigurbjörn Bárðarson mun flytja erindið enda fáir sem hafa jafn mikla reynslu og þekkingu á greininni eins og hann.

Tengill á fyrirlesturinn verður birtur á facebook síðu LH www.lhhestar.is/lhhestar að morgni mánudags.

Aðrir væntanlegir fyrirlestrar eru:

Hestaljósmyndun með Gígju Einars

Undirbúningur hestaferða með Hermanni Árnasyni

Trec þjálfun og keppni með Önnu Sonju Ágústsdóttur

Hestanudd með Merle Storm

Enn tækifæri til að sækja um Youth Cup

Mon, 22 Apr 2024 09:18:00 GMT

Hinn geysivinsæli viðburður FEIF Youth Cup 2024 fer að þessu sinni fram í Sviss dagana 13. til 20. júlí. Viðburðurinn fyrir knapa á aldrinum 14-17 ára sem vilja öðlast keppnisreynslu á erlendri grundu. Þetta er einnig frábært tækifæri til kynnast ungum og efnilegum knöpum frá öðrum löndum. Áhersla FEIF Youth Cup er á teymisvinnu, íþróttamennsku, bætta reiðfærni og vináttu þvert á menningu.

Hinni Sig reiðkennari og afreksstjóri LH fór á fyrsta Youth Cup mótið sem haldið var í Lúxemburg árið 1995. Hann segir svo frá sinni reynslu:

Framlengdur frestur er til 24. apríl.

Frekari upplýsingar: FEIF YOUTH CUP 2024 - framlengdur umsóknarfrestur | Landssamband hestamannafélaga (lhhestar.is)

Dómur í máli Jóhanns R. Skúlasonar gegn LH

Mon, 08 Apr 2024 14:30:00 GMT

Með dómi Áfrýjunardómsstóls ÍSÍ þann 5. apríl 2024 komst dómstóllinn að þeirri niðurstöðu að stjórn og landsliðsnefnd LH hafi verið óheimilt að vísa landsliðsmanninum Jóhanni Rúnari Skúlasyni ótímabundið úr landsliðshópi Íslands, þann 31. október 2021. Niðurstaða dómstólsins byggir á þeirri forsendu að brottvísunin hafi ekki verið heimil á grundvelli þeirrar lagagreinar íþróttalaga og laga ÍSÍ sem vísað var til í yfirlýsingu stjórnar og landsliðsnefndar sama dag.

Í dóminum segir meðal annars:

„Í þeirri niðurstöðu felst hvorki að áfrýjandi hafi átt rétt á sæti í landsliðhópi Íslands í hestaíþróttum á þeim tíma sem umþrætt ákvörðun var tekin, né heldur að hann eigi slíkan rétt til framtíðar, enda val á þeim hópi háð ákvörðun viðeigandi aðila hverju sinni, heldur eingöngu að ekki hafi verið lagagrundvöllur til ákvörðunar sem ber með sér að vera ótímabundin um að útiloka áfrýjanda til framtíðar fyrirfram frá því að eiga möguleika á að vera valinn.“

Í kjölfar dómsins telur stjórn mikilvægt að koma eftirfarandi á framfæri:

Við brottvísun Jóhanns Rúnars Skúlasonar úr landsliðshópi Íslands þann 31. október 2021 var horft til umræddrar lagagreinar íþróttalaga og laga ÍSÍ sem vísað er til í dómnum en ekki einvörðungu.

Í upphaflegri yfirlýsingu stjórnar og landsliðsnefndar segir til að mynda: „Stjórn LH telur óverjandi að þeir sem hafi gerst sekir um og eða hlotið refsidóm fyrir alvarlegt kynferðisbrot séu í landsliðshópnum og komi fram sem fulltrúar LH fyrir Íslands hönd, hvort sem er hér á landi eða á erlendri grundu. Er slíkt til þess fallið að skaða ímynd LH, landsins og hestaíþróttarinnar í heild, einnig er það andstætt þeim gildum sem LH stendur fyrir, en sambandið tekur skýra afstöðu gegn öllu ofbeldi.“

Því hefur ekki verið haldið fram af hálfu stjórnar eða landsliðsnefndar að umrædd brotvikning sé varanleg eða óendurskoðanleg þrátt fyrir að umrædd lagagrein sem stjórn horfði m.a. til við ákvörðun sína feli slíkt í sér og Dómstóll ÍSÍ hefur nú skorið úr um að sé ekki heimilt að styðjast við í tilfelli landsliðsknapa.

Dómurinn sker úr um að vald til að velja knapa í landslið er á hendi landsliðsþjálfara og landsliðsnefndar hverju sinni en ekki dómstóla Íþróttasambandsins eins og segir í dómnum. Dómurinn fellst þannig einnig á að þeim sem falið er að velja þátttakendur hafi verulegt svigrúm til þess enda myndi inngrip dómstóla hafa í för með sér ófyrirséðar afleiðingar fyrir íþróttahreyfinguna.

English version

Dómurinn í heild

,,Hörku vinna að vera atvinnumaður"

Mon, 08 Apr 2024 08:28:55 GMT

Jóhanna Margrét eða Hanna Magga eins og hún er alltaf kölluð hefur verið í röð fremstu knapa um árabil. Hún átti stórglæsilegt ár í fyrra þegar þegar hún varð heimsmeistari í tölti og samanlögðum fjórgangsgreinum á Bárði frá Melabergi og í öðru sæti í fjórgang. Auk þess að verða þrefaldur Íslandsmeistari og Reykjarvíkur meistari. Hanna Magga hefur vakið eftirtekt fyrir fallega reiðmennsku og hefur hlotið FT fjöðrina nokkrum sinnum sem undirstrikar léttleikann, samspilið og útgeislunina sem einkennir reiðmennsku hennar.

En hvað er að frétta af Hönnu Möggu?

,,Í augnablikinu er ég að kemba hann Prins, en annars er bara verið að undirbúa og græja fyrir vorið og komandi tímabil. Þetta er skemmtilegur tími, við erum með mikið af góðum hestum“

Hvaða hesta eigum við helst von á að sjá þig með í sumar?

„Ég hef verið með hann Kormák frá Kvistum síðan 2022. Ég hef mikla trú á honum sem keppnishesti, hann býr yfir ótrúlega skemmtilegum eiginleikum. Ótrúleg mýkt og jafnvægi á tölti og góðar gangtegundir. Hann er skemmtilegur karakter, næmur, viljugur og sækir mikið traust í knapann. Við áttum góða innkomu í meistaradeildinni í fjórgang en lentum upp á ranga hönd í úrslitum sem ýtir bara við manni að vinna meira í að gera hann jafn sterkari.

Í sumar verð ég með hana Bríet frá Austurkoti, sem er virkilega skemmtileg skeiðhryssa. Hún er ung og efnileg bara 9 vetra og átti góða spretti í fyrra með besta tíman 7,57 í 100m. Hún er svona afreks hross á skeiði og ég hlakka til að keppa á henni.”

Svo stefni ég á að mæta með Útherja í íþróttakeppni í vor, svo getur vel verið að við skjótum okkur í B flokk líka. Hann getur verið mjög öflugur þar líka. Ótrúlegt rými og kraftur í honum og spennandi að sjá hvernig sumarið verður hjá okkur.

Ég er líka með góðan alhliða hest, Prins frá Vöðlum stefnan er sett með hann á fimmgang í vor og svo tökum við bara stöðuna hvort við förum í A flokkinn eða hvað. Hann er hátt dæmdur í kynbótardóm með 8,45 í aðaleinkunn. Hinni tengda pabbi minn hefur verið að keppa á honum með góðum árangri og það verður gaman að taka við honum halda áfram að byggja hann upp sem keppnishest því hann er virkilega skemmtilegur og spennandi karakter.

Svo er ég með nokkur yngri og óreyndari hross sem ég stefni líka á að byrja stilla upp í keppni núna í vor og sumar.“

Nú er Landsmót fram undan í sumar, hverjar eru væntingarnar fyrir það?

„Ég ætla allavega að gera mitt allra besta, það er ekkert gaman að keppa nema maður sé með markmið um að vera meðal þeirra bestu. Ég er með spennandi hestakost og það veður bara gaman að sjá hvernig landsmótið þróast.“

Verður öðruvísi að koma inn í þetta keppnistímabil eftir árangurinn síðasta sumar?

„Ekkert þannig – auðvitað er öðruvísi að vera ekki með Bárð, það er önnur pressa að mæta með nýja hesta en ég reyni alltaf að gera eins vel og ég get. Hestakosturinn er góður og mér finnst ég heppin með það að hafa verið komin af stað með Kormák og Útherja. Þeir eru báðir á góðum stað og þá er bara spurningin hvernig við spilum úr þessu í sumar og hversu öflugir þeir verða í baráttunni. Vissulega var komin mikil pressa með Bárð og háar væntingar en svo stendur þetta allt fellur með sjálfum sér. Ég reyni alltaf að gera betur en síðast og það gekk ótrúlega vel eftir með Bárð sem bætti bara alltaf í. Það er líka kostur að vera á hesti sem maður þekkir vel og eins og var með Bárð þá vissi ég orðið nákvæmlega hvernig var að mæta með hann t.d. í úrslit þar sem hann bætti sig yfirleitt alltaf.

En mest langar mig bara að halda áfram að standa mig vel og ná árangri. Ég reyni að halda sama dampi og fá hestana með mér í toppbaráttuna. Nú styttist í fyrstu mótin og ég hlakka bara til að byrja tímabilið af krafti.“

Þú ert útskrifuð frá Hólum, hvaða áhrif hefur það á reiðmennskuna þína?

„Ég held að það hafi haft rosalega góð áhrif. Það gerði mig skipulagðari, dýpkaði þekkinguna á hestum og gerði mig faglega sterkari. Ég er svo heppin að geta viðhaldið þekkingunni hér heima á Árbakka þar sem við erum fjórir atvinnumenn og að geta nýtt reynsluna hjá Huldu og Hinna er ómenntalegt. Við Gústi vinnum líka mikið saman og í þessu er mikil stuðningur og hvatning.“

Hvað með önnur áhugamál?

„Það er hörku vinna að vera atvinnumaður í hestum og þá gefst lítill tími fyrir annað en að sinna því og fjölskyldunni. Við eigum tvær litlar stelpur og um leið og þær eru komnar í leikskólann hefst stússið í kringum hestana. Ég hef í raun ekki sinnt öðrum áhugamálum en hestum lengi, var í fimleikum sem barn en hætti þar sem hestarnir áttu allan minn tíma. Ég gef mér til dæmis ekki mikinn tíma fyrir auka líkamsrækt eða slíkt enda enda tekur oft alveg nóg á að þjálfa 10 hesta á dag. Við erum svo með gott fólk sem hjálpar okkur að hirða og gefa enda fer alveg hellings tími í það þegar það eru 40-50 hestar á húsi. Ég reyni að þjálfa sem mest úti en auðvitað blandar maður þessu saman og veðráttan hér er að sjálfsögðu þannig að oft kemur það sér ákaflega vel að vera með góða inni aðstöðu og það skilar sér auðvitað í úti þjálfuninni líka.“

Það er ljóst að það er nóg um að vera á hjá Hönnu Möggu og nóg af spennandi hestum sem hún kemur til með að keppa á í sumar og verður gaman að fylgjast með því.

Lágmörk á Íslandsmót fullorðinna og ungmenna 2024

Thu, 04 Apr 2024 10:57:40 GMT

Íslandsmóti 2024 hefur verið úthlutað til hestamannafélagsins Fáks í Reykjavík og verður haldið á félagssvæði þeirra í Víðidal 25-28 júlí.

Á ársþingi 2022 var ný reglugerð um Íslandsmót samþykkt og ein af þeim breytingum sem urðu á framkvæmd Íslandsmót er að í stað stöðulista voru tekin upp einkunnalágmörk í greinarnar sem þurfa að nást á keppnisárinu fram að Íslandsmóti.

Keppnisnefnd LH hefur nú gefið út lágmörkin sem gilda fyrir Íslandsmót 2024 og eru þau reiknuð með tilliti til meðaltals síðustu keppnisára. Horft er til þess að keppendafjöldi sé svipaður og á undanförnum teimur Íslandsmótum.

Stöðulistar í 150 m og 250 m skeiði í ungmennaflokki eru ekki marktækir og því voru lágmörk ákveðin sérstaklega í þeim greinum.

Boðið verður upp á Gæðingalist á Íslandsmóti og er að þessu sinni settur hámarksfjöldi þátttakenda í hvorum flokki um sig.

Lágmörk á Íslandsmót 2024 eru þessi:

FEIF YOUTH CUP 2024 - framlengdur umsóknarfrestur

Thu, 04 Apr 2024 08:38:20 GMT

Búið er að framlengja umsóknarfrest fyrir FEIF Youth Cup 2024 til 8. apríl. Cupið fer að þessu sinni fram í Sviss dagana 13. til 20. júlí. Viðburðurinn fyrir knapa á aldrinum 14-17 ára sem vilja öðlast keppnisreynslu á erlendri grundu. Þetta er einnig frábært tækifæri til kynnast ungum og efnilegum knöpum frá öðrum löndum. Áhersla FEIF Youth Cup er á teymisvinnu, íþróttamennsku, bætta reiðfærni og vináttu þvert á menningu.

Landsliðið stækkar við nýjar reglur Feif

Mon, 01 Apr 2024 11:39:00 GMT

Ein af þeim nýju keppnisreglum sem nú taka gildi eftir Feif þingið í vetur og gilda fyrir stórmótin er að nú verður líka boðið upp á áhugamannaflokka á Norðurlandamótinu í Herning í sumar.

Keppt verður í hefðbundinni íþróttakeppni og gæðingakeppni í áhugamannaflokki og Landssamband hestamannafélaga ásamt Landsliðsþjálfara kalla eftir áhugasömum áhugamönnum inn í landsliðið.

Taka þarf fram helsta keppnisárangur síðastliðin ár, áhugasvið (keppnisgreinar) og atvinnu.

Í samtali við fjölmiðlafulltrúa LH lýsti Sigurbjörn Bárðarson landsliðsþjálfari sérstakri ánægju yfir að fjölbreytni se aukin í mótahaldi stórmóta Feif, og segir að hann sé þegar kominn með þó nokkuð marga hesta í verkefnið af meginlandinu.

“Feif er hér að lyfta grettistaki í utbreiðslumálum og afar ánægjulegt að geta tilkynnt þetta nú með góðum fyrirvara fyrir Norðurlandamótið, svo er þetta dýrmæt reynsla fyrir þá knapa sem taka þátt og klárlega er þarna komin leið inn í A-landsliðið” segir kampakátur Sigurbjörn.

Áhugasömum er bent á að senda tölvupóst með öllum upplýsingum á b-landslid@lhhestar.is og nánari upplýsingar um reglubreytingar eru á www.feif.org

Bent er á að greinin var skrifuð 1. apríl.

Breytingar á keppnisreglum sem taka gildi 1. apríl.

Wed, 27 Mar 2024 12:31:05 GMT

Á FEIF þingi sem haldið var í febrúar síðastliðnum urðu ýmsar breytingar og lagfæringar á reglum gerðar á nokkrum stöðum. Breytingar þessar taka gildi 1. apríl og hafa verið færðar inn í regluverk LH.

Reglur mótahaldsins má finna á https://www.lhhestar.is/is/log-og-reglur ásamt heimasíðu Feif www.feif.org

Hér verður stiklað á helstu atriðum sem breytingar þessar taka til í mótahaldinu, en ýmsar breytingar hafa einnig orðið í almennum reglum og kynbótareglum sem gott er að skoða. Athugið að reglurnar eru ekki birtar orðréttar hér, heldur er þetta ítarefni til upplýsinga.

Almennar reglur:

A1.3.2 Gerviefni eða viðgerðir á hófum.
Hestar sem þurfa á viðgerðarefni á hófum að halda, öðru en leyfðum búnaði mega einungis taka þátt í keppni með slíkt ef yfirdómari mótsins samþykkir efnið/viðgerðina.

Þetta þýðir að ef hófur er til dæmis steyptur eftir brot þarf yfirdómari að skoða viðgerðina og gefa samþykki sitt fyrir þátttöku hestsins á mótinu. Meginreglan er sú að nauðsynleg viðgerð er leyfð, en ekkert sem hægt er að túlka sem viðbætur á hófinn.

A2.1.7 Knapar í íþróttakeppni (gildir einnig um gæðingakeppni)
Knapi má ekki fá neina utanaðkomandi aðstoð á meðan á keppni stendur. Öll notkun samskiptatækja af öllu tagi er bönnuð í safnhring og keppnisbraut.

Samskiptatækni fleygir fram, og meðal annars hafa verið framleiddir hjálmar með innbyggðum heyrnatólum þó sjaldgæft sé. En öll slík notkun er bönnuð.

A8.3.2.2. Skeifur
Leður og plastkransar eða botnar
Þegar fylliefni og/eða botn er notaður má hámarksþykkt skeifu vera 8mm, að öðrum kosti má skeifa vera allt að 10mm þykk. Að fylliefni frátöldu má einungis nota einn botn eða krans á hvern fót hestsins. Þegar enginn botn er notaður (eða einungis net) má setja fylliefni í hófinn að meðtaldri þykkt skeifunnar, þ.e. Að neðri brún skeifu.

Reglur um íþróttakeppni:

Í2.5 Úrslit
Fimm efstu hross úr forkeppni komast beint í úrslit (A-úrslit). Ef þátttakendur í greininni eru margir getur mótshaldari haldið B-úrslit fyrir 6.-10. sæti og sigurvegari B-úrslita má taka þátt í A-úrslitum. Ef sigurvegari B-úrslita þiggur ekki sæti í A-úrslitum fer enginn annar knapi þangað í hans stað.
Sama á við um C-úrslit sem heimilt er að halda í stórum flokkum (sæti 11-15). Sigurvegari C-úrslita má taka þátt í B- úrslitum en þiggi hann það ekki fer enginn annar knapi þangað í hans stað.

Ef fleiri en einn eru jafnir inn í úrslitin í sæti 5 og fjöldi hesta yrði því fleiri en 5 í úrslitunum þar sem 5 dómarar eru að störfum eru hæsta og lægsta einkunn reiknuð inn hjá þeim knöpum til þess að skera úr um hverjir ríða til úrslita. Meðaleinkunn með tveimur aukastöfum frá öllum fimm dómurum ræður því hverjir þessarra jöfnu hesta fara beint inn í úrslitin, hinir fara í B-úrslit þar sem við á og þau eru í boði. Í þeim tilvikum þar sem einkunnir allra fimm dómara skera ekki úr um sæti jafnra hesta/knapa og þeir eru enn jafnir þegar allar tölur eru teknar inn fara allir jafnir hestar inn í úrslitin sem um ræðir.

Þar sem ekki er boðið upp á B -úrslit má mótshaldari leyfa 6 knöpum þátttöku í úrslitum í stað 5.

Í praktík þýðir þessi breyting á reglu það að á þeim íþróttamótum þar sem 5 dómarar eru að störfum er sú regla um að hæsta og lægsta einkunn detti út sett til hliðar ef hestar eru jafnir inn í úrslit, einungis til þess að skera úr um hvaða hestar fá sæti í úrslitunum. Þetta hefur ekki áhrif á lokaeinkunn hestsins í greininni, heldur einungis til þess að raða inn í úrslitasætin og er gert til þess að forðast það að of mikill fjöldi hesta sé inni í sömu úrslitum. Það eru mörg dæmi um úrslit þar sem allt að 9 hestar hafa verið á vellinum samtímis og það er óboðlegt fyrir hesta, knapa og ekki síst dómara mótsins að vinna úr því á góðan hátt.

Í2.7 Tónlist
Þegar knapi er einn í braut á hringvellinum, má hann óska eftir því að slökkt sé á tónlist við völlinn. Hljóðstyrkur (Decibel, dB) má ekki fara yfir 85 dB ef mældur er 5 metrum frá hátalara vallarins. Yfirdómari ákveður hljóðstyrk tónlistar.

Í2.8.2.2 Úrslit í T2

Þátttakendur úrslita sýna atriðin að viðsnúningum meðtöldum eftir fyrirmælum þular á eftirfarandi hátt:

Dómarar gefa eina einkunn fyrir allt þriðja atriðið (slakur taumur) sem hefur tvöfalt vægi í aðaleinkunn. Í T2 úrslitum þar sem atriði 3 er sýnt á báðar hendur eftir fyrirmælum þular, gildir tímatafla eins og í greiðu tölti T1/T3, eftir fjölda knapa í braut.

Þessi breyting er kannski sú stærsta sem breytist á þessu ári, og gjörbreytir framkvæmd úrslita í slataumatölti T2. Í fyrsta lagi er það þannig að slakur taumur verður nú riðinn á báðar hendur ólíkt því sem áður var, en einnig það að viðsnúningur færist til og nú er snúið við strax eftir frjálsa ferð á tölti í stað hæga töltsins sem áður var. Nú er því riðið jafn mikið á báðar hendur, þ.e frjáls ferð á aðra höndina, hægt tölt á hina og svo er slakur taumur sýndur á báðar hendur.

Í3.1 Búnaður
Það er leyfilegt að skipta um búnað á milli spretta í öllum skeiðgreinum. Pískur er ekki leyfður í P1 (250 m skeið) og P3 (150 m skeið) að safnhring meðtöldum þar sem hann er til, annars innan 8 metra frá rásbásum.

Nú er pískur semsagt ekki leyfilegur í upphitun í nánasta umhverfi rásbása í kappreiðaskeiðinu.

Í3.6.4.4 Í gæðingaskeiði
Meðaleinkunn beggja spretta ræður úrslitum og sætaröð. Ef knapar eru jafnir eru það einkunnir dómara sem kveða á um sigurvegara. Ef knapar eru enn jafnir er það besti tími úr sprettum sem ræður úrslitum. Ef þeir eru enn jafnir eftir það ræður einkunn fyrir niðurtöku, þar á eftir næst besti tími og að lokum er hlutkesti varpað.

Í þessari reglu er verið að reka marga varnagla til þess að ráða úrslitum áður en hlutkesti er varpað.

Í 8 Viðauki 1: World ranking stöðulistar

Frá og með þessu ári gildir árangur pars inn á stöðulista WR en hingað til hefur það verið knapinn. Reiknað er út frá meðaltali þriggja bestu einkunna parsins til þess að raða á WR lista.

Í 17.5 Innkoma á hringvöll og upphaf keppni

Inngangur á skammhlið (að hornum meðtöldum)- knapi sem hefur keppni á skammhlið fjær inngangi þarf að halda áfram frá upphafspunkti sínum (miðri skammhlið), með langhiðinni öðru megin og byrja beint á miðri næstu skammhlið (bannað að snúa við þar).

Þýðir að knapi skal ríða inn í braut á þá hönd sem hann ætlar að hefja keppni og halda áfram þar.

Aðrar breytingar eru meira orðalagsbreytingar sem hafa ekki áhrif á framgang hverrar greinar, eða breytingar á greinum sem lítið eru notaðar í keppni á Íslandi. En ítarefni er að finna á heimasíðu FEIF.

Niðurstaða velferðarkaffi FEIF

Wed, 27 Mar 2024 10:56:43 GMT

Á FEIF ráðstefnunni 2024 var öllum þátttakendum boðið að taka þátt í Velferðarkaffi FEIF þar sem fjallað var um velferð hestsins. Markmiðið með Velferðarkaffinu var að kafa ofan í margbreytileika hesta velferðar, með tilliti til allra þátta, hvort sem um ræðir í reiðhesta, almennt hestahald eða umhirðu.

Niðurstaða velferðarkaffisins var yfirlýsingin sem felur í sér skuldbindingu FEIF um háar kröfur, markmiðið um að rækta sterka og heilbrigða hesta, menntun og heildræna nálgun á þjálfun, en einnig virðingu og skilning á þörfum hestanna og forgangsröðun á velferðar og þægindi hestanna okkar.

Hér má nálgast yfirlýsinguna.

Tékklisti fyrir þuli á íþróttaviðburðum

Wed, 27 Mar 2024 10:27:32 GMT

FEIF gaf nýlega út tékklista fyrir þuli á íþróttaviðburðum. Listinn inniheldur yfirgrips miklar leiðbeiningar með áherslu á virk samskipti, þekkingu á reglum og fagleg vinnubrögð. Með því að fylgja þessum reglum má án efa auka árangur og skemmtanagildi bæði fyrir keppendur og áhorfendur. Þulir bera ábyrgð á að tryggja þægilega framvindu keppninnar með því að stjórna tímasetningum og þá er mikilvægt að þeir gefi í rólegheitum skýr og hnitmiðuð skilaboð og séu vel að sér í regluverki þeirrar greinar sem þeir lýsa. Þulurinn er tenging knapa og áhorfanda við keppnina. Góður þulur lyftir keppni á hærra plan en slæmur getur truflað alla þá sem hlusta og í versta falli eyðilagt forkeppni eða jafnvel úrslitakeppni með rangri leiðsögn. Það er mjög mikilvægt að þulurinn viti hvernig hann á leysa verkið af hendi.

Við hvetjum alla þá sem hafa áhuga á að vera þulir á mótum að kynna sér þetta skjal.

Íslandsmót ungmenna og fullorðinna 2024

Mon, 25 Mar 2024 10:09:08 GMT

Hestamannafélagið Fákur hefur tekið að sér framkvæmd Íslandsmóts Ungmenna og fullorðinna 25-28 júlí 2024. Mótið mun fara fram í Víðidal í Reykjavík og verður allt hið glæsilegasta.

Þórir Örn Grétarsson Fáksfélagi verður framkvæmdarstjóri mótsins og hefur hann fengið til liðs við sig úrvalshóp fólks sem kemur að framkvæmdinni undir forystu Fáksmanna. Eins og kunnugt er fer Landsmót hestamanna fram á sama mótssvæði í byrjun júlí og svæðið því í frábæru standi og eins og allir hestamenn þekkja, þá eru sumarkvöld í Víðidalnum með rjóma íslenskrar hestamennsku í braut upplifun sem erfitt er að toppa.

Fjölmennum í Víðidal og eigum frábæra daga.

Íslensku lýðheilsuverðlaunin

Mon, 25 Mar 2024 10:04:44 GMT

Forseti Íslands efnir til Íslensku lýðheilsuverðlaunanna, í samstarfi við heilbrigðisráðuneytið, embætti landlæknis, ÍSÍ og Geðhjálp.

Ráðgert er að veita lýðheilsuverðlaunin í vor og er óskað tillagna frá almenningi um hver ættu að hljóta þessa viðurkenningu fyrir framlag til eflingar lýðheilsu á Íslandi.

Verðlaununum er ætla að vekja athygli á mikilsverðu framlagi á sviði lýðheilsu og auka með þeim hætti áhuga á bættri heilsu og líðan almennings. Veitt verða verðlaun í tveimur flokkum, annars vegar til einstaklings og hins vegar til samtaka, stofnunar eða fyrirtækis sem hefur látið gott af sér leiða á þessu sviði.

Í fréttatilkynningu frá forsetaembættinu kemur m.a. eftirfarandi fram:

„ Þetta er í annað sinn sem Íslensku lýðheilsuverðlaunin eru afhent en forseti stofnaði til þeirra vorið 2023. Þá hlaut Snorri Már Snorrason verðlaunin í einstaklingsflokki en í flokki starfsheilda varð Miðstöð í lýðheilsuvísindum við Háskóla Íslands fyrir valinu. ”

Almenningur er hvattur til að senda inn tillögur að verðugum verðlaunahöfum, ásamt rökstuðningi, á vefsíðunni https://www.lydheilsuverdlaun.is/ fyrir 1 .apríl *.

Dómnefnd mun svo fjalla um tillögurnar og tilnefna þrjá í hvorum flokki. Tvenn verðlaun verða afhent við hátíðlega athöfn á Bessastöðum í aprílmánuði.

Það væri frábært ef að tilnefningar kæmu frá sem flestum landshornum og því hvetjum við félagsmenn okkar til að senda inn tillögur.

Viðbragðsáætlun vegna slysa á mótsstað

Wed, 20 Mar 2024 15:50:08 GMT

Öryggisnefnd LH kynnti á drög að viðbraðgsáætlun vegna slysa á mótsstað á knapafundi sem haldin var í febrúar síðastliðnum. Jóhanna Þorbjörg kynnti áætlunina sem er stutt og skorinort. Öryggisnefnd LH hvetur alla mótshaldara að innleiða öryggisáætlunina í mótahald ársins 2024. Á síðasta stjórnarfundi var fjallað um áætlunina og erindi öryggisnefndar og eftirfarandi fært til bókar:

V iðbragðsáætlun fyrir mótahald Landssambands hestamannafélaga

Öryggisnefnd hefur samið viðbragðsáætlun sem tekur til hverskyns slysa eða óhappa sem gerast á meðan á móti stendur. Mótsstjórn skipar öryggisfulltrúa sem hefur yfirumsjón með atvikum sem upp koma og skal mótstjórn og/eða yfirdómari tilkynna öryggisfulltrúa um slys og óhöpp. Öryggisfulltrúi leiðbeinir um frekara viðbragð eftir alvarleika atviks.

Lagt er til að stjórn mælist til þess að mótshaldarar innleiði þessa viðbragðsáætlun í mótahaldið á árinu 2024. Einnig er lagt til að stjórn leggi fyrir landsþing að innleiða áætlunina í keppnisregur LH. Öryggisfulltrúi verður skipaður á Landsmóti og þar gefst tækifæri til að slípa áætlunina, öryggisnefnd mun skila skýrslu að mót loknu um að hverju þurfi að huga að á stórmóti.

Afgreiðsla: Samþykkt að mælast til við mótshaldara að skipa öryggisfulltrúa á mótum ársins. Samþykkt að leggja fyrir Landsþing innleiðingu öryggisáætlunar í regluverk um mótahald.

Hér má sjá áætlunina:

Hér má svo nálgast kynningu Jóhönnu Þorbjargar á knapafundinum:

Loksins koma þau norður

Mon, 18 Mar 2024 10:23:56 GMT

Sýnikennsla 3. árs nema við Háskólann á Hólum í reiðhöllini á Akureyri, laugardaginn 23. mars.

Yfirskrift sýningarinnar er fjölbreytni í þjálfun hesta. 16 reiðkennaraefni hestafræðideildar Háskólans á Hólum hafa í námi sínu skoðað, gert tilraunir og leikið sér með ótal þjálfunarleiðir hesta. Þau hafa með vinnu sinni öðlast víðtæka þekkingu á mismunandi aðferðum í uppbyggingu hesta, hvernig viðhalda skal gleði og samstarfsvilja á sama tíma og hesturinn styrkist og eflist.

Einstakt tækifæri til að fá nýjar hugmyndir, þróa með því eigin færni, auka þekkingu og efla samstarfið við hestinn. Spennandi sýnikennsla með ólíkar hestgerðir. Verið tilbúin fyrir töltgæði, frábæra skeiðspretti, hjartsláttarmælingar, slaktaumatölt, frjálsa vinnu frá jörðu (liberty work) og margt fleira.

Húsið opnar kl. 14:30 og sýnikennslan hefst kl. 15.

Við hlökkum til að sjá ykkur.

3. árs nemar Háskólans á Hólum

Landsliðsknapinn Glódís Rún leiðir Meistaradeildina

Tue, 12 Mar 2024 15:14:04 GMT

Nú þegar þremur greinum er lokið í Meistaradeild Líflands, er það Glódís Rún Sigurðardóttir sem situr efst í einstaklingskeppninni. Glódís er löngu orðin þekkt nafn í hestaheiminum en hún er nú að hefja sitt fyrsta formlega keppnistímabil í fullorðinsflokki þrátt fyrir að hafa verið á meðal fremstu knapa um árabil. Glódís sem er 22 ára á að baki glæstan feril í yngri flokkum og lauk keppni í U21 með því að landa heimsmeistaratitli í fimmgangi ungmenna á Sölku frá Efri-Brú í Hollandi í fyrra.

Glódís mun að öllu óbreyttu fara á HM í Sviss á næsta ári til að verja titilinn sinn, en það mun hún gera í fullorðins flokki þrátt fyrir að hafa orðið heimsmeistari í U21. Hún er þó vel að því komin því loka einkunn hennar og Sölku hefði skilað þeim í A úrslit í fullorðinsflokk á HM, þar sem þær voru næst stigahæstar á eftir þeim Söru og Flóka eftir forkeppni, en þau stóðu einmitt uppi sem heimsmeistarar í fullorðinsflokk.

Glódís hefur verið valin íþróttamaður síns sveitarfélags nokkrum sinnum auk þess að eiga fjöldann allan af titlum í barna, unglinga og ungmennaflokkum t.d. varð hún þrefaldur landsmótssigurvegari í barnaflokki 2011, 2012 og 2014.

Glódís hefur sýnt einstaka hæfilega og útgeislun á keppnisbrautinni og það verður einkar áhugavert að sjá hvernig hún mun halda áfram að þróast sem knapi.

En hvað er framundan hjá Glódísi?

,,Það er auðvitað gæðingalistin í Meistaradeildinni á föstudaginn. Ég er sem stendur efst í einstaklingskeppninni og reyni því auðvitað að vera vel hestuð í allra greinar og ná sem flestum stigum en ég ætla samt ekki að stressa mig of mikið á því að vinna deildina, bara gera mitt besta og sjá hvert það skilar manni.

Eftir Meistaradeildina byrja svo íþróttamótin og ég verða viðurkenna að ég orðin spennt að komast út að keppa núna þegar það er komið meira vor. Svo verða það bara úrtökur, kynbótasýningar og svo auðvitað landsmót.”

Hvaða hesta eigum við helst vona á að sjá þig með í sumar?

,,Ég verð með Breka frá Austurási og svo verð ég með ungan hest sem við eigum sem er á sjöunda vetri og kom einmitt fram í meistaradeildinni með Pierre Sandsten Hoyos. Þá stefni ég að mæta einnig með Drumb frá Víðivöllum fremri í tölt og B-flokk. Svo eru einhver unghross auk þeirra sem ég kem til með sýna í kynbótadóm, bæði frá Sunnuhvoli og öðrum. Þannig að það er hellingur til að hlakka til.”

Er einhver munur að vera formlega kominn í fullorðinsflokk?

,,Í raun fannst mér ekkert öðruvísi að fara inn í tímabilið núna, ég er búin að vera að keppa í meistaradeildinni í 5 ár, var á 18. ári þegar ég keppti fyrsti meistaradeildinni, en mér er auðvitað að ganga lang best núna, búin að vera í öllum úrslitum og stefni á að halda því áfram. En Meistaradeildin er búin að vera frábær undirbúningur, kemur manni af stað og sýnir það að maður getur alveg verið á sama leveli og það minnkar þannig stökkið aðeins upp í meistaraflokk. En þetta verður sennilega aðeins öðruvísi í sumar á úti mótunum. Vissulega eru allir að keppa hvor við annan alveg sama hvort það eru konur eða karlar en persónulega þá reyni ég alltaf bara að gera mitt besta, núna mun samkeppnin bara aukast og maður mun þurfa að vinna enn harðar fyrir öllu þar sem maður er að keppa við alla þá bestu á landinu, en ég er bara spennt að gera enn og betur. Svo hefur ungmennaflokkurinn líka verið ótrúlega sterkur og ég er búin að vera með þá pressu að gera alltaf mitt besta og sjá svo hverju það skilar mér.

Hefurðu alltaf haft sama áhugann og eldmóðinn?

,,Já þetta hefur alltaf bara verið hestar hestar og hestar og aldrei neitt annað komi upp í hausinn á mér. Þetta er bara einhver baktería sem maður er með. Ég mun aldrei hætta að hafa mikinn metnað og vilja gera vel. Svo er þetta bara svo skemmtilegt og spennandi alltaf ný verkefni og nýir hestar. Það kemur kannski fyrir á haustin í eina tvær vikur að maður finni fyrir smá þreytu og þá er gott að skipta aðeins um umhverfi, fara til útlanda eða eitthvað því ef maður er heima fer maður bara eitthvað að brasa. En svo koma tryppin og það er spennandi tími líka. Auðvitað hafa líka komið brekkur en það herðir mann bara og hvetur mig til að gera meira og betur.”

Ég hef líka haft góðan stuðning frá mömmu og pabba sem hafa byggt upp alla hestamennskuna í kringum okkur systkinin. Við fjölskyldan erum saman í þessu og það væri auðvitað erfitt að vera ein í þessu. Pabbi hefur verið einstaklega duglegur að peppa okkur áfram og verið okkar helsti stuðningsmaður og það er auðvitað ómetanlegt.”

Sjálfboðaliðar á Landsmóti

Mon, 11 Mar 2024 14:14:07 GMT

Án óeigingjarns starfs sjálfboðaliða er ekki hægt að halda Landsmót. Til að mæta þeim kröfum sem gerðar eru til Landsmóts þurfum við öflugan hóp sjálfboðaliða sem eru tilbúnir að leggja sitt á vogarskálarnar til að gera upplifun keppenda og gesta sem eftirminnilegasta.

Þá er sjálfboðavinnan skemmtilegur vettvangur fyrir þá sem vilja kynnast öðru áhugafólki um hestamennsku og starfa í skemmtilegum fjölþjóðlegum hópi.

Sjálfboðaliðar fá ókeypis aðgang að Landsmóti, ókeypis aðgang að tjaldsvæði, fæði á meðan vöktum stendur og varning merktan Landsmóti.

Nánari upplýsingar um sjálfboðaliðana er að finna hér:

https://www.landsmot.is/is/landsmot/vidburdurinn/sjalfbodalidar

Gólfið er þitt. Heillaðu okkur!

Mon, 11 Mar 2024 11:07:00 GMT

Grein eftir Mette Moe Mannseth um Gæðingalist. Greinin birtist upphaflega í 50 ára afmælisriti FT sem kom út í tengslum við afmælissýningu FT í febrúar 2024.
Um höfundinn: Höfundur situr ásamt fleirum í starfshópi LH um Gæðingalist sem upphaflega var skipaður samkvæmt samþykkt Landsþings 2018 til að gera keppnisgrein, sem þá kallaðist Gæðingafimi, að fullgildri keppnisgrein í lögum og reglum LH.

Gæðingalist er keppnisgrein sem nýtur vaxandi vinsælda, m.a. er mikil eftirspurn erlendis eftir innleiðingu greinarinnar og menntun dómara í Gæðingalist.

---

Gæðingurinn mætir á svæðið. Tónlistin hefst, það gerir líka dansinn. Tveir einstaklingar af ólíkri tegund leika listir sínar um gólfið. Þetta er list en þetta er líka íþrótt. Knapinn er íþróttamaður og hesturinn Íþróttavera.

Tilkoma gæðingalistar

Gæðingalist er grein sem í núverandi mynd er ung af nálinni, en á sér áratuga sögu með margar mismunandi útfærslur. Tilraunir sem Félag Tamningamanna stóðu meðal annars fyrir og sú fyrsta sem getur kannski talist keppni var haldin árið 1980 og hét „frjálsar æfingar“. Árið 1993 varð síðan til „Gæðingaíþróttir“ sem Einar Öder Magnússon sigraði eftirminnilega á fjórðungsmóti Norðlenskra hestamanna á Vindheimamelum. Gæðingafimi þróaðist svo í hestaíþróttadeildum frá 1999 sem og sem ýmis reiðpróf Félags Tamningamanna og Hólaskóla frá 2003. Að greinin lifði af má líklega þakka að hún hélst inni í deildum, varð meðal annars ein af keppnisgreinum Meisaradeildar, þar sem bestu reiðmenn landsins kepptu og urðu að undirbúa sig. Það varð fljótt mikið kappsmál fyir fagmenn að standa sig vel einmitt í þessari grein, og mættu menn með sínu bestu hesta. Þar má telja ótal stjörnur sem fyrir og eftir hafa sigrað Landsmót, Íslandsmót og Heimsmeistaramót. Sigurður Sigurðarson og Loki frá Selfossi, Þorvaldur Árni Þorvaldsson og Rökkvi frá Hárlaugsstöðum, Viðar Ingólfsson og Tumi frá Stóra-Hofi, Elin Holst og Frami frá Ketilsstöðum og Bergur Jónsson og Katla frá Ketilsstöðum, Olil Amble og Álfhildur frá Syðri-Gegnishólum, Árni Björn Pálsson og Flaumur frá Sólvangi, og Jakob Svavar Sigurðsson og Hálfmáni frá Steinsholti. Síðar sendi Félag tamningamanna inn tillögu á LH-þing um að LH mundi semja reglugerð um greinina og þróa svo hægt væri að gera hana alþjóðlega.

Almennt um áhrif keppni í hestaíþróttum

Fyrirmyndir í barnæsku og á unglingsárum eru þýðingarmiklar í mótun einstaklingsins. Í mínu tilfelli, ég ólst upp á níunda áratugnum—fyrir tíð internetsins—voru það bækur og tímarit sem upplýsti ungling um hluti sem foreldrar vissu ekki. Hestatímaritin sem ég gat lesið voru Penny og Wendy—teiknimyndarsögur um hesta og hestafólk þar sem hetjan var ætíð fátæka stelpan/strákurinn sem bjargaði óþekka eða misskilda hestinum undan ríku stelpunni eða gamla bóndanum sem fóru ekki vel með hann. Skilaboðin voru í stuttu máli, að skilningur og vinna skilaði sér í hesti sem samþykkti knapa sinn og reyndist mun betra en valdbeiting og frekja forréttindafólks. Hetjan varð sá sem tók „erfiða“ hestinn og bætti hann.
Fyrirmyndir eru í dag, held ég, keppnishetjurnar. Hetjurnar sem fá bikara, borða og glimmer, mynd af sér á netinu, sem þau birta á samfélagsmiðlunum, þau verða hálfgerðir áhrifavaldar. Það er ekkert að því ef velgengni í keppni endurspegli og mæli þau gildi sem við viljum hampa.
Í hlaupum er mældur tími, í langstökki lengd og í hástökki hæð, en hvað er verið að mæla í hestamennsku? Stundum er mældur tíminn sem tekur að fara frá A til B með gefnar forsendur—til dæmis gangtegund. En önnur keppni á íslenskum hestum...Hvað er verið að mæla? Hver er tilgangurinn með keppani í hestamennsku?
Það er misjafnt hversvegna fólk keppir og getur ástæðan breyst með tímanum. Hugsanlegur ávinningur getur verið að láta reyna á sig, setja sér markmið með þjálfun og reiðmennsku sína, fá utanaðkomandi mat á hvernig gengur, fá vinninginn þ.e. bikar eða borða, athygli ef vel gengur, auka verðgildi hestsins... En fyrir hestinn? Ávinningur hestsins getur verið að hann fær markvissari þjálfun, með markvissari knapa sem kerfisbundið gerir hestinn sterkari og samskiptin betri, þ.e. ef markmiðin og mælingin orsakar þá þróun.

Þróun keppni á íslenskum hestum

Fyrstu keppnisgreinar á íslenskum hestum voru kappreiðar, hver kemst hraðast á nokkuð slettu túni frá A til B. Svo kom góðhestakeppni, þ.e. hver er á besta reiðhestinum? Þessi grein skiptist svo í Gæðingakeppni og kynbótadóma. Keppnin snerist um hver var með viljugasta og besta gæðinginn og fór fram á beinni braut. Enda var íslenskum hestum á þessum tíma riðið mest á götum eða á víðavangi. Eitthvað var tamið í eða í kringum gerði eða réttir sem voru þó aðalega hannaðar til að ná eða handsama hesta og aðrar skepnur.
Íþróttakeppnin og hringvöllurinn var svo fundinn upp í Þýskalandi og tilkoma hringvallarins bygðist á að hentugt var að ríða í kringum hefðbundið reiðgerði sem var þá 20x40/60m og þar af leiðandi varð til stærðin 200m hringvöllur. Hringvöllur og íþróttakeppni koma svo til Íslands.

Félag tamningamanna í samvinnu við hestamannafélagið Fák, stóð árið 1970 fyrir námskeiði með Feldmann-feðgum til að mennta og þróa reiðmennsku á Íslandi. Í því tilefni var farið að smíða reiðgerði, helst 20x40m . Íslenskir tamningamenn fóru að mennta sig í klassískri reiðmennsku og taka með sér hugmyndafræði og tækni til að bæta hestana. Þetta ásamt forvitni einkaaðila sem fóru til útlanda til að þróa sig var líklega upphafið af að þjálfun íslenska hestsins tók hröðum breytingum. Tamningamenn tileinkuðu sér fimiæfingar til að gera hestana þjálli, fimari og sterkari og þar af leiðandi hæfari til að bera mann. Á sama tíma var farið að keppa einnig í dressúr eða fimi á ýmsum mótum, þar sem lögð var áherslu á nákvæmi í reiðleiðum, gangskiptingum og hraða.

Aðalkeppni var áfram á hringvelli og á beinni braut en reiðmennskan þróaðist meðfram innan í sem utan við reiðgerði, og seinna í reiðhúsum sem fóru að verða algengari á 20. áratugnum. Í framhaldinu kom sprengja í byggingum reiðhalla eftir 2000 og til dagsins í dag. Greinar í íþróttakeppninni sem hafa bæst við eru greinar eins og slaktaumatölt og gæðingaskeið. Gæðingaskeið varð sambland af hraðagrein, gæðum og nákvæmni gangskiptinga ásamt gæði gangtegunda. Enn eru uppi ólíkar skoðanir á hversu mikið hraðinn á að gilda á móti gæðum gangtegunda, snerpa versus mýkt og mun sú umræða væntanlega og sem betur fer halda áfram.

Í bakgrunninn hafa FT-menn og aðrir áhugasamir verið að leika sér með hugmyndir um hvernig þróa má keppni á íslenskum hestum til framtíðar. Hugsunin er að gera sýnilegra hvernig hestinum er riðið dagsdaglega, og að tryggja að reynt sé á mikilvægustu þættina. Hvað ræður úrslitum og hvað er mikilvægt? Mikilvægustu og bestar þekktar aðferðir byggja á reynslu ásamt nýjusta þekkingu. Útkoman er Gæðingalist. Fulltrúar helstu stofnana og hagsmunahópa reiðmennskunnar leiddu saman hesta sína og bjuggu til grein sem endurspeglar samspil manns og hests, þjálfun hestsins og gæði.

Viðfangsefnið

Gæðingalist gefur mynd af styrkleikum hestsins, þjálfun og ástandi hans, jafnt líkamlegu sem andlegu.Gæðingalist er grein þar sem knapinn fléttar saman æfingum, gangtegundum og afköstum. Hann sýnir og sannar að hesturinn hefur skilning á öllum þáttum þjálfunarskalans frá að vera „Rólegur/einbeittur“ til afkasta í sömu sýningu. Það er mikilvægt til að sýna að knapinn gangi ekki of langt í að „gíra“ hestinn upp. Það er líklegt að hann hafi gert það og hesturinn sé ekki í andlegu jafnvægi ef ekki er hægt að slaka honum tafarlaust. Þessvegna eru verkefni sem taumur gefinn mikilvæg og hátt metin. Á hinn bóginn, ef hesturinn er svo rólegur að það er ekki hægt að auka orkustigið auðveltlega er þessi ró minna virði. Hestuinn er þá kanski sljór og áhugalaus.

Hvað er vel þjálfaður hestur?

Yfirmarkmið með allri þjálfun hlýtur að snúast mikið um endingu og velferð hestsins. Og þar sem hestar hugsa lítið fram í tímann og lifa í núinu er líðan hestsins í augnabliknu afar mikilvæg. Einnig er mikilvægt að þjálfunin leiði af sér góða líðan í framtíðinni. Að ábendingakerfið sé skýrt og útkoman fyrirsjáanleg fyrir hestinn auki vellíðan þar sem hestum er illa við óvænta hluti. Samskiptin skulu byggja sem mest á leiðsögn, hrósi og umbun, en ekki á ógnunum og þvingun. Þá held ég að þjálfun geti auðgað líf hestsins.

Líkamlega var hesturinn ekki gerður til að bera mann á baki. Frá náttúrunnar hendi tekur hryggsúlan í mesta lagi meira þyngd neðanfrá, svo sem kviður, innyfli, fita eða fyl í hryssu. Hvernig hesturinn á að bera þessa þyngd, sem knapinn er, ofaná baki hans, þurfum við að kenna honum. Ef hann lærir það vel eykst burðargetan með góðri þjálfun. Hann mun endast betur sem reiðhestur sem og líða betur í núinu, þar sem það verður auðveldara að svara ábendingum knapans. Hestur sem ber sig vel verður léttari í svörun, þjálli og viljugri. Ef ekkert er gert til að kenna hestinum hvernig hann á að bera sig eru líkur á framþyngslum, stífni, skekkju, jafnvægisleysi, stressi, leti og almennri vanlíðan.
Það tekur tíma að kenna hesti að halda vel og rétt á knapanum, og er hin endanlega mynd þegar hesturinn er orðinn full taminn ekki sú sama og fyrir ungan hest sem tekur sínu fyrstu skref með mann á baki. Þessvegna verður knapi sem ríður ungum hesti að vita hvernig eðlileg þróun hestsins er undir manni. Gott trippaform er ekki það sama og gott reiðhestaform. Til að leiða okkur í gegnum þetta notfærum við okkur Þjálfunarpýramídann. Hann er verkfæri sem leiðbeinir manni í gegnum þjálfun og hjálpar til þegar maður rekst á vandamál.

Hvaða hugmyndafræði byggir GL á?

Gæðingalist byggir á hugmyndinni að knapi og gæðingur leika listir sínar. Það er ekki nýtt að lýsa hvað er góð þjálfun enda má finna góða kafla um það í bókinni „Hestar“ sem var gefin út árið 1931 og er eftir Theodór Arnbjörnsson frá Ósi. En hugmyndir hafa þróast og þekking hefur aukist. Frábært verkfæri til að hjálpa sér að þjálfa gæðinginn sinn er Þjálfunnarpýramídinn sem hefur þróasts og þroskast á Íslandi undanfarna áratugi. Hugmyndin er þó ekki íslensk og eru mjög svipuð þrep til um allan heim með sömu hugmyndafræði. Þrepin eru forsendur fyrir, en leiða einnig af sér þrepið sem kemur á eftir. Oft er maður að vinna á mörgum þrepum í einu og er maður aldrei búin með eitt þrep, því þarf að viðhalda og beturumbæta þegar þarfir og möguleikar aukast.

Grunnurinn að allri þjálfun er líðan hestsins og samskiptin við manninn. Tilgangurinn með að fara á hestbak og eiga samskipti við hest hlýtur að vera að það myndist samvinna og að samband og samspil sé sem best. Að hesturinn sé meðvitaður og skilji verkefnin sín. Listin í reiðlistinni hverfur um leið og hesturinn er þvingaður eða þjálfunin byggir á hræðslu, spennu eða hótunum. Listin hlýtur að snúast um að fá hestinn með sér í lið og til að leggja sig fram. Ég er alveg viss um að hestar geta fundið fyrir gleði í þjálfun. Kannski ekki allan tímann, en að hesturinn hafi jákvæðar væntingar til knapans og þjálfunarinnar gerir allt skemmtilegra og auðveldara.

Hvernig að ríða gæðingalist?

Gólfið er þitt! Þú hefur afmarkaðan tíma til að sýna okkur gæðinginn þinn. Hversu vel þú hefur þjálfað hann, hversu sterkur, teygjanlegur og viljugur hann er og hvað skilningurinn og samskiptin eru orðin góð. Þú fléttar saman sýningu gangtegunda og æfinga. Miðað við stigið sem þú velur að ríða eru mismunandi kröfur og æfingar sem þú getur valið, en þú getur alltaf valið erfiðari æfingar en stigið þitt ætlast til. Í stuttu máli þarftu að sýna lágmark þrjár æfingar og þrjár gangtegundir. Ef þú velur æfingar sem krefjast sveigju eða stillingu eru þær sýndar á báðar hendur. Þetta er gert til að sýna fram á að hesturinn sé jafnvigur til beggja handa. Fyrirfram velurðu hvaða æfingar þú ætlar að ríða, en röðun eða hvaða gangtegundir þú ætlar að sýna er ekki ákveðið. Það má vera spuni. Ef valdar eru fleiri æfingar en lágmarkið, gildir ekki lægst metna æfingin. Það er regla sem á að ýta undir dirfsku og áræðni knapans til að reyna við erfiða hluti. Ekkert er því til fyrirstöðu að sýna hluti sem þú hefur ekki valið fyrirfram, en það mun hafa áhrif á einkun fyrir flæði, útfærslu og reiðmennsku.

Það er mikilvægt að velja að sýna bestu þrjár gangtegundir hestsins en það er gott að sýna allar. Það telst til tekna ef hesturinn hefur mikla ganghæfileika, að hann búi yfir öllum gangtegundum, og er góður og fjölhæfur á þeim öllum. Að hann geti farið bæði hægt og hratt á sömu gangtegundinni og er flinkur að skipta á milli er gæðamerki hestsins og þjálfunarinnar. Þar býður Gæðingalistin upp á möguleika sem aðrar keppnisgreinar gera ekki, og held ég að það muni stuðla að betri og fjölbreyttari þjálfun og reiðmennsku. Sé skeið ekki sýnt eru mismunandi kröfur til fjölhæfni töltsins eftir á hvaða stigi þú ert. En á þriðja stigi þurfa klárestar helst að sýna bæði hægt og greitt tölt.

Samantekið þarftu að finna hvað þú og hesturinn þinn er góður í. Hvar liggja ykkar styrkleikar? Það er svo skemmtilegt og uppbyggilegt að gera hestinn og sig sjálfan enn betri þar sem hæfileikar liggja.

Hvernig á að horfa á gæðingalist?

Oft getum við ekki útskýrt hversvegna okkur finnst eitthvað vera fallegt, og stundum skiptir það ekki máli. Ef þér finnst hestar æðislegir. Bara horfa og njóta! Það þarf ekki endilega að kryfja þetta allt, en leyfa hugmyndum að koma til sín. Ef þig langar fyrst og fremst til að kryfja, má horfa sem dómari. Annars má horfa með það fyrir augum að bara sjá samspilið, sambandið og hvernig hesturinn hreyfir sig. Hvernig líður hestinum með knapa sinn og öfugt. Hvernig er að vera á baki á þessum hesti? Hvernig er viðkoman? Hvað gerir hann vel? Ég hef til dæmis akkúrat ekkert vit á dans á skautum en hef gaman af að horfa af því það er spennandi og fallegt.

Hvernig er það dæmt? Þættir Gæðingalistar

Æfingar sem eru valdar af knapanum þarf að gefa einkun, og hafa dómarar leiðara til þess. Leiðarinn byggir á eðlilegri þróun hests í æfingunni. Því lengra sem hann er kominn því hærri ætti hann að fá. Dómarinn má ekki gleyma sér augnablik, þá getur æfing verið búin. Hverri æfingu tilheyra mismunandi þættir sem horft er séstaklega eftir og er í raun æfingin sönnun á hæfni og þjálfunarstigi. Tökum til dæmis slöngulínur. Ef knapinn getur framkvæmt þær með jafn stóra boga, hesturinn beinn milli boga, góð sveigja til beggja handa og réttur taktur er hesturinn samspora. Samspora á þessum hraða, á þessari gangtegund með þetta lengdarjafnvægi.

Gangtegundum þarf að fylgjast með allan tímann. Í grunninn er leiðari fyrir íþróttakeppni, en allar útfærslur eru leyfðar. Til dæmis má sýna greitt stökk. Gefin er einkunn fyrir það sem er riðið beint, en endanleg tala fyrir hverja gangtegund er gefin með hliðsjón af viðkomandi gangtegund í gegnum alla sýninguna. Einnig hversu fjölhæfur hesturinn er á viðkomandi gangtegund. Hreinleiki gangtegunda er að sjálfsögðu aðallinn og ber að fylgjast með allan tímann, síðan hvort hesturinn er frjáls í hreyfingum eða mjúkur. Er líkamsstaðan góð? Þá hversu fjaðurmagnaður hann er og síðast hversu framhár hann er og hve miklum burði hann er í án þess þó að missa niður grunnþættina sem er taktur, mýkt osfrv. Framkoma og líkamsbeiting hestsins í gegnum allt verkefnið er svo tekin saman í eina einkun; Fegurð í reið.

Flæði, útfærsla og reiðmennska er einkun sem er samsetning af heildarmyndinni. Flæði er sett saman af uppbyggingu verkefninsins og skiptingum. Gangskiptingar endurspegla oft samband hests og knapa, hversu vel hesturinn er milli ábendinga sem og jafnvægi hestsins. Hér horfir maður á hvort hesturinn byrjar vel á næsta gangtegund, og að formið sé gott í gegnum gangskiptinguna. Einnig er erfiðleikastig metið snýst það um að telja til tekna að knapinn reynir á sig og reiðmennsku sína, að sýningin sé rökrétt uppbyggð en gjarnan frumleg, fjölbreytt og að parið ráði við það. Reiðmennska og ábendingar skulu vera í samræmi við hegðun hestsins, og vera eins nettar og léttar og hægt er. Lítt sýnilegar ábendingar, áræðni, dirfska og tillitsemi eru orð sem lýsa hæstu einkun. Því minna áreiti sem hesturinn verður fyrir, því betur líður honum.

Hversvegna er gæðingalist framtíðin?

Gæðingalist mun bjóða upp á að hver hestur má þroskast í áttir sem henta honum. Það þarf ekki að steypa alla alhliðahesta í sama mótið, eða að allir hestar sem henta best í T1 þjálfa bara þá þætti. Það mun minnka pressureið og þvingun, og minni áhersla er lögð á öfgafullar hreyfingar og/eða líkamsbeitingu. En áherslan getur verið meira á að hestur sé gegnumþjálfaður á mörgum sviðum, það ætti að bæta líðan og endingu.

Dómarar og áhorfendur þjálfast upp í að horfa meira á grunnþætti sem skipta raunverulega máli fyrir hestinn. Að hann endist vel sem reiðhestur og að honum líði vel í augnablikinu.

Grein um gæðingalist sem birtist í 50 ára afmælisriti FT eftir Mette Moe Manseth í febrúar 2024.

Landsmót hestamanna hlýtur styrk frá barna- og menntamálaráðuneyti

Thu, 07 Mar 2024 12:02:05 GMT

Nýlega var undirritaður samningur um styrk til Landsmóts hestamanna 2024. Samningurinn hljóðar upp á 20 milljón króna styrk sem ætlaður er til að styðja við undirbúning og framkvæmd Landsmóts hestamanna í Reykjavík 2024.

Ásmundur Einar Daðason, barna- og menntamálaráðherra, undirritaði samninginn við sameiginlegt félag Fáks og Spretts fyrir hönd ráðuneytisins, ásamt Hirti Bergstað formanni Fáks.

Ásmundur kynnti sér starfsemi hestamannafélagsins Fáks, þá sérstaklega æskulýðsstarfið, og fylgdist með keppni í fimmgangi í Meistaradeild æskunnar ásamt því að veita þar verðlaun. Rölt var um landsmótssvæðið í Víðidal, landsmótsmálin rædd og ljóst að mikil spenna er fyrir komandi Landsmóti hestamanna í Reykjavík þann 1.-7.júlí nk.

Miðasala á landsmót er í fullum gangi á tix.is.

Félagsaðild og þátttaka í mótum

Tue, 05 Mar 2024 12:35:00 GMT

Ítarefni frá mótasviði LH um mótaþátttöku og félagsaðild.

Aðeins félagsmönnum Hestamannafélaga er heimil þátttaka í opinberum mótum innan vébanda LH. Keppnisrétt öðlast íþróttamenn er þeir hafa verið skráðir á félagsskrá hlutaðeigandi hestamannafélags.

Í reglugerð um Landsmót og fjórðungsmót, grein 5, kemur fram að þátttökurétt á Lands- og fjórðungsmótum hafa félagsmenn sem skráðir eru í félagatali hestamannafélags við starfsskýrsluskil þann 15. apríl ár hvert.

Keppandi getur aðeins tekið þátt í mótum í nafni eins félags á einu keppnistímabili, þ.e.a.s. Keppandi getur bara keppt fyrir eitt félag á árinu.

Rétt er að fara einnig yfir reglur sem gilda varðandi íþróttakeppni og svo gæðingakeppni.

Í A- og B- flokki gæðinga í gæðingakeppni telst hesturinn sem keppandi á mótinu en ekki knapi hans. Það þýðir að eigandi hestsins þarf að vera skráður í það hestamannafélag sem hesturinn keppir fyrir og má ekki keppa fyrir annað félag á því keppnisári.

Í yngri flokkum gæðingakeppni er það knapinn sem keppir til móts við hestinn og því þarf knapinn að vera félagi í viðkomandi hestamannafélagi ásamt því að hesturinn er í eigu félagsmanns að hluta til eða öllu leyti.

Í íþróttakeppni er það knapinn sem er keppandi og þarf að vera skráður í félagið sem hann keppir fyrir, og eignarhald hestsins er ekki ráðandi þáttur þar.

Það er mikilvægt nú í upphafi keppnistímabils að knapar velji hvaða félag þeir keppa fyrir á árinu, og passa að skráningar á mót og deildir vetrarins séu réttar með það í huga að knapinn keppi einungis fyrir eitt félag yfir keppnisárið.

Skrifstofu LH hafa borist ýmsar spurningar um þetta og þykir því mikilvægt að þessar upplýsingar liggi fyrir.

Deildirnar allar líkt og meistaradeild, 1. deild og æskulýðsdeildirnar meðal annars, sem eru í gangi yfir veturinn eru íþróttamót og hestur getur tekið þátt þar alveg óhindrað og farið í gæðingamót hjá sínu félagi, en knapi þarf að vera rétt skráður í Sportfeng og keppa fyrir sitt félag.

Val hrossa og keppenda á Landsmót og fjórðungsmót

Val hrossa í gæðingakeppni og keppenda í barna- unglinga- og ungmennakeppni á lands- og fjórðungsmótum skal fara fram hjá félögunum eftir lögum og reglum LH um gæðingakeppni og barna- unglinga- og ungmennakeppni.

Haldi hestamannafélög úrtöku í tveimur umferðum skal leitast við að sama dómaragengi dæmi báðar umferðir. Ekki mega líða meira en tveir dagar á milli umferða. Þátttakanda er heimilt að taka þátt í hvorri umferð sem er eða báðum.

Barni, unglingi og ungmenni er heimilt að mæta með fleiri en eitt hross í forkeppni í úrtöku sbr. reglur um keppni í yngri flokkum, grein 1.7.2 í reglum um gæðingakeppni. Einkunnir í forkeppni skulu ávallt ráða vali hrossa á Lands- og fjórðungsmót en ekki röðun úr úrslitakeppni sé hún viðhöfð. Þá er félögum heimilt að hafa tvær umferðir og gildir þá betri árangur. Sé hærri einkunn keppenda, tveggja eða fleiri, jöfn, skal litið til einkunnar úr hinni umferðinni. Skiptir þar ekki máli hvort það er fyrri eða seinni umferð. Séu hestar jafnir skulu þeir fá sæti á Landsmóti fyrir sitt félag.

Félögum er heimilt að halda sameiginlegar úrtökur. Úrtökur skula auglýstar með minnst tveggja vikna fyrirvara. Ekki er heimilt að skrá hross í úrtöku fyrir Lands- og fjórðungsmót hjá öðru félagi en eigandi viðkomandi hross er skráður í, nema um sameiginlega úrtöku sé að ræða. Það sama á við um keppendur í barna-, unglinga- og ungmennaflokki, þau mega ekki skrá sig í úrtöku hjá öðru félagi en þeirra eigin.

Haldi félag ekki úrtöku sjálft en félagar þess hafa áhuga á að komast á Landsmót verður stjórn félagsins að setja sig í samband við eitt ákveðið hestamannafélag og auglýsa úrtöku með því félagi.

Til viðbótar þeim hestum sem vinna sér þátttökurétt á Landsmóti í öllum flokkum í gegnum úrtökur hestamannafélaganna, fá efstu 6 hestar á stöðulistum sem ekki komust inn í gegnum úrtökur hjá sínum félugum, þátttökurétt á Landsmóti.

Nánar er hægt að lesa um efnið í reglugerð um Landsmót og fjórðungsmót og Reglugerð um mótahald á Íslandi á heimasíðu LH.

Norðurlandamót framundan

Tue, 27 Feb 2024 12:00:00 GMT

Landsliðsþjálfarar LH óska eftir upplýsingum um knapa og hesta sem gefa kost á sér til þátttöku á Norðurlandamóti 2024.

Norðurlandamótið 2024 verður haldið dagana 8. til 11. ágúst í Herning í Danmörku. Á NM er keppt í íþróttakeppni og gæðingakeppni í flokki fullorðinna, ungmenna og unglinga.

Knapar sem ekki eru í landsliðshópum LH nú þegar en gefa kost á sér til þátttöku, hvort sem er á Íslandi eða erlendis, eru beðnir um að fylla út eyðublað á vef LH og láta þannig vita af sér. Óskað er eftir upplýsingum um keppnisárangur, hvar hesturinn er staðsettur og myndbandi af hestinum. Landsliðsþjálfarar LH skoða allar umsóknir og fylgjast með þeim knöpum sem gefa kost á sér. Ef knapi hefur fleiri en einn hest í boði er hann beðinn um að fylla út sérstaka umsókn fyrir hvern hest.

Endanlegt val á landsliði fyrir Norðurlandamót verður tilkynnt í júlí.

LH Kappi færist yfir í HorseDay

Mon, 26 Feb 2024 11:33:00 GMT

Uppfærslum á LH kappa hefur verið hætt og færist smáforritið nú alfarið yfir í HorseDay.

Í opnum aðgangi HorseDay smáforritsins er mótavirknin áþekk því sem notendur LH Kappa eiga að venjast svo sem ráslistar, einkunnir og niðurstöður móta, en jafnframt eru þar viðbætur sem notendur geta keypt er auka virkni forritsins svo um munar. Má þar helst nefna að hægt er að vakta mót, hesta og keppendur og fá áminningu í símann þegar keppni hefst eða einkunnir eru gefnar. Þá er hægt að fylgjast með keppnisárangri hesta í hverri grein og sjá hvernig þróun árangursins hefur verið. Séu keppendur merktir með lit kemur það einnig fram í forritinu.

Hægt er að nálgast forritið í App Store og Google Play . Sækja þarf uppfærslu til að virkja nýja eiginleika forritsins.

Framkvæmd skeiðgreina

Mon, 19 Feb 2024 13:28:00 GMT

Á knapafundi sem haldin var í húsakynnum LH á dögunum fór Halldór Victorsson formaður HÍDÍ ítarlega yfir framkvæmd kappreiða og í kjölfarið vilja stjórn HÍDÍ ásamt keppnisnefnd LH koma eftirfarndi ítarefni á framfæri:

Reglur um framkvæmd keppnisgreina á skeiðbraut má finna í Reglum um íþróttakeppni á heimasíðu LH og Rules and regulations á heimasíðu FEIF.

Mótshöldurum ber að tryggja að aðstæður á svæði kappreiða séu öruggar, tímatökubúnaður í lagi og uppfylli kröfur, vindmælir sé á staðnum ásamt því að viðeigandi fjöldi starfsmanna sé við keppnina.

Yfirdómarar hvers móts sjá til þess að mót fari fram reglum samkvæmt, að allar dómsstöður séu mannaðar og framvinda mótsins sé rétt.

Staðsetningum dómara og hlaupagæslumanna er lýst í yfirlitsmyndunum sem vísað er í hér að neðan.

Hlaupagæslumenn (pace assistants) skulu hljóta nauðsynlega þjálfun sem samþykkt er af LH og þurfa ekki að hafa dómararéttindi.

Yfirdómarar hafa umboð sambandsins til þess að velja hlaupagæslumenn til starfa á skeiðkappreiðum sem þeir treysta til verksins og telja hafa næga þekkingu og reynslu og valdi verkinu.

Skeiðgreinarnar eru undir reglugerð um íþróttakeppni og teljast til greina hennar innan regluverks sambandsins.

Yfirdómnefnd þarf að skipa á öllum mótum skv reglum og nær yfir allar greinar sem fram fara.

Í reglu Í3.2 á bls. 30 í reglum um íþróttakeppni, um dómara í skeiðgreinum segir þó að kynbótadómarar með FEIF réttindi eða gæðingadómarar mega starfa í hvaða stöðu sem krafist er dómara í skeiðgreinum þar sem starfsskyldurnar eru takmarkaðar við að lyfta flöggum til þess að dæma um hvort hestur skeiði eður ei.

Það þýðir í stuttu máli að gæðinga- og og kynbótadómarar mega sinna hluta af þeim dómsstörfum sem krafist er í skeiðkappreiðum í stað íþróttadómara.

Gleðilegt keppnisár

Keppnisnefnd LH og stjórn HÍDÍ

Hér má sjá upptöku af fundinum:

Starf Hæfileikamótunar LH í fullum gangi

Fri, 16 Feb 2024 13:34:00 GMT

Hæfileikamótun LH hefur vaxið og dafnað á undanförnum árum en í vetur eru um 40 efnilegir unglingar sem taka þátt í starfi Hæfileikamótunar og er þeim skipt í tvo hópa. Starf vetrarins hófst með heimsókn að Hólum í haust þar sem knaparnir fengu m.a. að spreyta sig á skólahestum Hólaskóla.

Í lok janúar hittist hópur 1 hjá Eldhestum í Ölfusi en aðstaðan þar er öll til fyrirmyndar, bæði hvað varða kennslu og aðbúnað manna og hesta.

Helgin byrjaði á að hópurinn hitti Rúnar Hjálmarsson frjálsíþróttaþjálfara á Selfossi og fór hann yfir mikilvægi þess að hugsa vel um sjálfan sig og að knapi og hestur þurfa að vera í andlegu og líkamlegu jafnvægi til að árangur náist. Einnig kenndi hann hópnum styrktaræfingar og liðkandi æfingar sem nýtast hestaíþróttafólki vel.

Síðan tók við tveggja daga reiðkennsla í reiðhöllinni hjá Eldhestum sem Sigvaldi Lárus Guðmundsson yfirþjálfari Hæfileikamótunar sá um, en honum til aðstoðar er Þorsteinn Björnsson reiðkennari á Hólum. Sigvaldi bauð hópnum einnig upp á sýnikennslu í lok dags.

Frábær stemmning var í hópnum, það var spilað fram eftir kveldi og skroppið í ísferð á Selfoss þegar tími gafst til.

Könnun: Útivist hesta á húsi

Thu, 15 Feb 2024 14:05:33 GMT

LH barst þessi spurningakönnun um útivist hesta sem eru á húsi og biðjum við hestafólk að taka sér örfáar mínútur til að svara könnuninni sem er hluti af af BS-verkefni Hönnu Valdísar Kristinsdóttur í Búvísindum við Landbúnaðarháskóla Íslands.

,,Markmið verkefnisins er að safna upplýsingum um venjur hestaeigenda með útivist hrossanna sinna og fá upplýsingar um aðbúnað og hegðun hrossa með það markmið að fá innsýn í velferð þeirra. Lítið er til um rannsóknir tengd þessu og hefur enginn áður verið að skoða útivist í ljósi velferðar.

Það væri best að fá einungis eitt svar frá hverju hesthúsi fyrir sig. Það tekur stuttan tíma að svara könnuninni og væri vel þegið að sem flestir taki þátt."

Smellið hér til að svara könnuninni: Útivist hesta á húsi

Vel heppnaður knapafundur

Thu, 15 Feb 2024 13:22:17 GMT

Landssamband hestamannafélaga stóð fyrir knapafundi fyrir keppendur, dómara og mótshaldara og þann 12 febrúar síðastliðinn. Fundurinn var vel sóttur bæði í sal og á netinu.

Á fundinum var farið yfir reglur mótahaldsins sem gilda árið 2024, breytingar sem hafa átt sér stað, samskiptaleiðir við LH kringum mótahald, siðareglur LH, úrtökur fyrir landsmót og ýmislegt gagnlegt tengt mótahaldinu.

Hulda Gústafsdóttir fulltrúi í Sportnefnd FEIF fór yfir nýjar samþykktir af síðasta FEIF þingi. Farið var yfir væntanlegar reglubreytingar eftir nýafstaðið FEIF þing. Formaður HÍDÍ Halldór G. Victorsson fjallaði um framkvæmd kappreiða og Jóhanna Þorbjörg fulltrúi Öryggisnefndar LH kynnti nýja viðbragðsáætlun við slysum á hestamannamótum.

Hjörtur Bergstað sagði frá undirbúningi og stöðunni á Landsmóti 2024. Sigurður Ævarsson formaður keppnisnefndar fór yfir spjaldanotkun og áminningar á mótum og Hinrik Sigurðsson mótastjóri LH fjallaði um leyfilegan búnað í keppni.

Allt voru þetta ákaflega upplýsandi og fróðleg erindi sem gott er að skerpa á áður en mótatímabilið hefst. Valdir kaflar af fundinum verða birtir hér á síðunni. Við þökkum þátttakendum fyrir góða mætingu og þátttöku í fundinum.

Íslandsmót auglýst til umsóknar á nýrri dagsetningu!

Thu, 15 Feb 2024 13:12:00 GMT

Íslandsmót fullorðinna og ungmenna árið 2024 á nýrri dagsetningu eru auglýst til umsóknar fyrir áhugasama og metnaðarfulla mótshaldara. Íslandsmótin og áhugamannamót Íslands eru meðal hápunkta keppnisársins á Íslandi.

Á Íslandsmóti fullorðinna og ungmenna skal keppt í einum styrkleikaflokki í hvorum flokki fyrir sig, keppt í greinum þar sem keppendur eru einir inni á vellinum í einu, en það eru V1, F1, T1, T2 ásamt skeiðgreinum, PP1, P1, P2 og P3. Auk þess er keppt í gæðingalist sem á liðnu ársþingi kom undir regluverk mótahalds LH. Þátttökurétt hafa pör sem á keppnisárinu hafa náð lágmarkseinkunn í hverri grein, og það er keppnisnefnd LH sem gefur út lágmörkin í febrúar.

Mótshöldurum er heimilt að bjóða upp á fleiri greinar kjósi þeir svo, sem sýningargreinar, en í sýningargreinum skal ekki krýna Íslandsmeistara.

Umsóknir áhugasamra mótshaldara skulu berast Landssambandi hestamannafélaga fyrir 20. febrúar nk.

FEIF YOUTH CUP 2024

Wed, 14 Feb 2024 12:33:00 GMT

Ísland á 7 sæti á Youth Cup en umsóknar frestur er til 1. apríl. Umsóknir skulu sendar á aeska@lhhestar.is . Í umsókninni þarf að koma fram nafn, heimilisfang, símanúmer, aldur, hestamannafélag og keppnisreynsla knapa sem og nafn, símanúmer og netfang forráðamanna. Þá þurfa að koma fram upplýsingar um enskukunnáttu umsækjenda auk þess sem þeir eru beðnir um að segja svolítið frá sér og af hverju þeir hafa áhuga á þátttöku í Youth Cup. Íslenskir keppendur fá leigðan hest á meðan á mótinu stendur sem æskulýðsnefnd LH hefur milligöngu um að útvega.

Íslenska hópnum mun fylgja fararstjórar úr Æskulýðsnefnd LH.

Þátttökukostnaður er: 1065€ inn í því er gisting, fæði, kennsla, hesthúsapláss og skráningargjöld.

Þess utan þarf að greiða fyrir leigu á hesti, flug og aðrar samgöngur til og frá mótsstað og umframgistingu, þar sem hópurinn gæti þurft að fara fyrr út til að prófa og para saman hesta og knapa.

Frekari upplýsingar má nálgast í meðfylgjandi skjali (smellið á mynd til að opna).

FEIF YOUTH CUP 2024

Wed, 14 Feb 2024 12:33:00 GMT

Íslenska hópnum mun fylgja fararstjórar úr Æskulýðsnefnd LH.

Þátttökukostnaður er: 1065€ inn í því er gisting, fæði, kennsla, hesthúsapláss og skráningargjöld.

Frekari upplýsingar má nálgast í meðfylgjandi skjali (smellið á mynd til að opna).

Linkur fyrir knapafund

Mon, 12 Feb 2024 12:24:00 GMT

Knapafundur fyrir keppendur, mótshaldara dómara og aðra sem að mótahaldinu í hestamennskunni koma fer fram í kvöld. Fundurinn verður haldinn í Íþróttamiðstöðinni í Laugardal, Engjavegi 6, 3. hæð, mánudaginn 12. febrúar klukkan 19:00, og verður einnig sendur út í streymi. Farið verður yfir reglur mótahaldsins sem gilda árið 2024, breytingar sem hafa átt sér stað, reglur fyrir Landsmótsúrtökur og ýmislegt gagnlegt tengt mótahaldinu.

Vinsamlegast skráið ykkur á fundinn:

SKRÁNING Á KNAPAFUND

Fyrir þá sem ekki komast á staðfund er hægt að fylgjast með fundinum í streymi í gegnum Teams: Ýtið hér til að tengjast fundinum.

Meeting ID: 341 879 618 191
Passcode: 9GmrKJ

Download Teams | Join on the web

Dagskrá fundarins:

1. Mótahaldið almennt – (mótastjóri LH)

2. Breytingar á reglum eftir nýafstaðið FEIF þing - (fulltrúar Íslands í sportnefnd FEIF)

3. Framkvæmd kappreiða - ( formaður HÍDÍ)

4. Viðbragðsáætlun við slysum á mótsstað - ( Öryggisinefnd LH)

5. Úrtökur fyrir Landsmót – (mótastjóri LH)

6. Landsmót 2024 –

7. Spjaldanotkun - (formaður keppnisnefndar)

8. Leyfður búnaður í keppni - (mótastjóri LH)

9. Spurningar

Knapafundur fyrir keppendur og mótshaldara

Fri, 09 Feb 2024 10:47:00 GMT

Keppnisknapar, mótshaldarar, dómarar og aðrir sem að mótahaldinu í hestamennskunni koma eru boðnir velkomnir á knapafund ársins á vegum Landssambands hestamannafélaga.

Fundurinn verður haldinn í Íþróttamiðstöðinni í Laugardal, Engjavegi 6, 3. hæð, mánudaginn 12. febrúar klukkan 19:00, og verður einnig sendur út í streymi. Farið verður yfir reglur mótahaldsins sem gilda árið 2024, breytingar sem hafa átt sér stað, reglur fyrir Landsmótsúrtökur og ýmislegt gagnlegt tengt mótahaldinu.

Vinsamlegast skráið ykkur á fundinn:

Skráning á knapafund

Dagskrá fundarins:

1. Mótahaldið almennt – (mótastjóri LH)

2. Breytingar á reglum eftir nýafstaðið FEIF þing - (fulltrúar Íslands í sportnefnd FEIF)

3. Framkvæmd kappreiða - ( formaður HÍDÍ)

4. Viðbragðsáætlun við slysum á mótsstað - ( Öryggisinefnd LH)

5. Úrtökur fyrir Landsmót – (mótastjóri LH)

6. Landsmót 2024 –

7. Spjaldanotkun - (formaður keppnisnefndar)

8. Leyfður búnaður í keppni - (mótastjóri LH)

9. Spurningar

HorseDay birtir mótaupplýsingar

Thu, 08 Feb 2024 14:28:37 GMT

Frá og með deginum í dag gefst áhugasömum tækifæri á að nálgast nýja uppfærslu smáforritsins HorseDay þar sem mótaupplýsingar koma fram. Í opnum aðgangi smáforritsins er mótavirknin áþekk því sem notendur LH Kappa eiga að venjast svo sem ráslistar, einkunnir og niðurstöður móta, en jafnframt eru þar viðbætur sem notendur geta keypt er auka virkni forritsins svo um munar. Má þar helst nefna að hægt er að vakta mót, hesta og keppendur og fá áminningu í símann þegar keppni hefst eða einkunnir eru gefnar. Þá er hægt að fylgjast með keppnisárangri hesta í hverri grein og sjá hvernig þróun árangursins hefur verið.

Hægt er að nálgast forrtið í App Store og Play Store. Sækja þarf uppfærslu til að virkja eiginleika forritsins.

Sex mánuðir til stefnu

Thu, 08 Feb 2024 10:34:04 GMT

Norðurlandamótið í hestaíþróttum hefst eftir sex mánuði. Mótið stendur yfir dagana 8.-11. ágúst í Herning í Danmörku. Þar munum við fá að sjá bestu hesta Norðurlandanna keppa í íþrótta og gæðingakeppni. Keppnissvæðið í Herning er marglofað og er ekki við öðru að búast en að þar muni hver stórsýningin reka aðra. Á svæðinu verður spennandi markaðstorg, veitingasölur, leikvöllur fyrir börn auk þess sem á dagskráin eru fræðsluerindi, tónlistar atriði og fleira. Miðasala er hafin og fá þeir sem tryggja sér miða í tíma góðan afslátt. Miðinn veitir aðgang að öllu svæðinu fyrir utan hesthúsin. Umhverfi mótsins er með besta móti og stutt í ýmsa þjónustu þar með talið Legoland og Lalandia.

Dómarar mótsins eru:

Gæðingakeppni

Yfirdómari : Valdimar M. Ólafsson frá Íslandi.

Stefán Ágústsson frá Íslandi.

Mathilde Hjort frá Noregi.

Nina Bergholt frá Svíþjóð.

Amalie Haubo-San Pedro frá Danmörku.

Íþróttakeppni:

Yfirdómari : Stefan Hackauf frá Þýskalandi.

Dómarar valdir af þátttökuþjóðunum

Peter Häggberg frá Svíþjóð.

Anna Andersen frá Finnlandi

Rune Svendsen frá Noregi.

Lise Galskov frá Danmörku.

Malin Elmgren frá Svíþjóð valin af Færeyjum.

Halldór Gunnar Victorsson frá Íslandi,

Dómarar valdir af skipuleggjendum

Sigríður Pétursdóttir frá Íslandi.

Birgit Quasnitschka frá Þýskalandi.

Lise Brouér frá Danmörku.

Andreas Windsio frá Þýskalandi.

Nælu þér í miða á afslætti til 1. mars:
https://www.sporti.dk/en/ticket.php?e=116&v=e-i

Fulltrúaþing FEIF fór fram um helgina

Thu, 08 Feb 2024 09:49:00 GMT

Fulltrúaþing FEIF fór fram um liðna helgi í Lúxemborg. Yfirskrift þingsins að þessu sinni var „Samvinna við vísindi“ og voru þeir Mike Weishaupt og Johannes Amplatz með fyrirlestra þar sem Mike fjallaði um áhrif keppnis járninga á hreyfilífffræði og hófheilsu íslenskra hesta og Johannes fjallaði um yfirstandandi rannsókn sína um þyngd knapa sem hófst á HM 2023. Þátttaka á þinginu var með besta móti en alls voru 125 þátttakendur frá 17 af 21 aðildarlandi FEIF á staðnum. Fyrir þinginu lágu 18 mál, þar með talið tillaga um að samþykkja Rúmeníu sem nýtt aðildarland FEIF. Af þeim tillögum sem lágu fyrir þinginu var það þó tillaga um að fella út þá reglu að hæsta og lægst einkunn þegar fimm dómarar dæma falli út og einkunn allra dómara gildi í staðinn sú tillaga sem fékk hvað mesta athygli og umræður. Fór svo að tillagan var felld og reglur um einkunnargjöf standa því óbreyttar. Nýsamþykktar reglur gilda frá og með 1. apríl 2024.

Eðli málsins samkvæmt fer mikill hluti þingsins fram í nefndum. Inge Kringeland formaður ræktunarnefnd FEIF og Tone Klones formaður úrskurðarnefnd voru bæði endurkjörin. Atli Már Ingólfsson var kjörinn formaður frístundanefndar, Mark Timmerman var kjörin formaður menntanefndar. Gunnar Sturluson var kosinn sem formaður aganefndar og Will Covert heldur áfram sem formaður sportnefndar.

Í sportnefnd tók Michael Weishaupt þátt í umræðum nefndarinnar og fjallaði um laktósamælingar hrossa eftir skeiðkeppnir. Nefndin tók til umræðu upplýsingar frá vinnuhóp sem fjallaði um aðgengi fatlaðra knapa var ákveðið að halda þeirri vinnu áfram. Nefndin samþykkti einnig að leggja nokkur atriði til atkvæðagreiðslu á næsta þingi þar á meðal um að fækka leyfilegum „störtum“ á dag per hest í keppni auk þess að leyfa að hestur sé járnaður upp á nýtt og fái keppnisleyfi í næstu grein eftir að hafa verið dæmdur í úr keppni vegna ófullnægjandi járningar. Nefndin fjallaði einnig um hvernig dæma skuli rétta staðsetningu hnakka, auka gildi gulu spjaldanna og tafarlausa stöðvun sýningar þegar vart verður við að hestur sé alvarlega haltur. Í sportnefnd sitja fyrir Íslands hönd Sigurbjörn Bárðarson og Hulda Gústafsdóttir.

Í kynbótanefnd fjallaði um HM í Hollandi og sammæltist um að framkvæmd kynbótadóma verði að mestu leyti eins í Sviss 2025. Þá kom Mike Weishaupt inn á fundinn og fjallaði um ýmis málefni er tengjast ræktun hrossa. Friðrik Már Sigurðsson tók sæti í nefndinni fyrir hönd Íslands og situr þar ásamt Olil Amble.

Menntanefnd hittist á afkastamiklum fundi þar sem mörg mál fengu afgreiðslu. Fyrir nefndinni liggur að að uppfæra þjálfara-matrixuna með tilliti til hestavelferðar, líkamlegs atgervis knapa og nýlegra rannsókna á reiðmennsku og þjálfun hesta. Þá var lagt til að gerður yrði sameiginlegur gagnagrunnur af fræðigreinum sem hugsaður væri fyrir hestatengda fjölmiðla til að koma vísindagreinum áfram til almennings. Herdís Reynisdóttir er fulltrúi Íslands í nefndinni.

Í frístundarnefndinni var meðal annars ákveðið að vinna enn frekar að framgöngu og skipulagningu á degi Íslenska hestsins. Rætt var um ukið aðgengi frístundaknapa að þekkingu og fræðslu undir yfirskriftinni „The leisure Academy“ þar sem unnið yrði með þekkingarmiðlun, Rider/Horse Profile (matskerfi við kaup og sölu á hestum til frístundaiðkunnar) og samstarf með menntanefnd og viðurkenningarkerfi fyrir þá sem lokið hafa námskeiðum tengdum frístundarútreiðum. Nefndin leggur einnig til að komið verði á fót viðburðadagatali þar sem viðburðir tengdir frístundareiðmennsku verði auglýstir til þess að auka sýnileika og aðgengi að viðburðum innan íslenska hestasamfélagsins á heimsvísu.

Æskulýðsnefnd fjallaði um nýliðið Youth Camp og komandi Youth Cup. Þá voru miklar umræður um hvernig við tryggjum öryggi barna og unglinga í íþróttinni. Dagbjört Hulda Guðbjörnsdóttir situr í nefndinni fyrir hönd Íslands.

Formenn landssambandanna hittust á fundi þar sem félagslegt leyfi til ástundunar og velferðarmál tengd íslenska hestinum voru í forgrunni. Þá var verklag innan FEIF, uppbygging og ábyrgð nefnda og vinnuhópa, framtíð stjórnar FEIF, framtíð heimsmeistaramóta og fjármál FEIF til umræðu. Þá voru staðsetningar næstu fulltrúaráðsfunda ákveðnar næstu árin í þessari röð: Færeyjum, Ungverjalandi, Austurríki og Hollandi.

Landsþing LH 2024 í Borgarnesi

Tue, 06 Feb 2024 14:58:23 GMT

Landsþing Landssambands hestamannafélaga 2024 verður haldið 25.-26. október.

Gestgjafi að þessu sinni er Hestamannafélagið Borgfirðingur.

Þingið verður haldið í Hjálmakletti, menningarhúsi Borgarfjarðar.

Upplýsingar um gistingu verða sendar út síðar.

Hvert stefnir hestamennskan - pallborðsumræður

Thu, 01 Feb 2024 08:50:44 GMT

Rafræn menntaráðstefna LH og HOI sem fram fór í byrjun janúar vakti mikla athygli og áhuga á SLO umræðunni. SLO stendur fyrir social license to operate eða félagslegt leyfi til ástundunar. Fyrirlestraröðinni lauk með pallborðsumræðum þar sem þátttakendur ráðstefnunnar gátu sent inn spurningar sem vaknað höfðu á meðan á fyrri fyrirlestrum stóð. Umræðurnar urðu því einkar áhugaverðar og gefa innsýn inn í þau fjölmörgu atriði sem við sem viljum stunda ábyrga hestamennsku þurfum að hafa í huga og hvert íþróttin okkar og menningin í tengslum við hana stefnir.

Öll leitumst við vafalaust að því að tryggja okkar traustustu vinum það besta sem við getum boðið þeim, en hvað segja vísindin og hver er tilfinning fagfólks um það hvert við stefnum og hvað við þurfum að gera til að tryggja að atlæti og aðbúnaður sé eins og best verður á kosið? Til að gefa innsýn inn í það ætlum við að bjóða áhugasömum aðgang að pallborðsumræðunni.

Hér má nálgast pallborðsumræðurnar: https://youtu.be/QIHPvuj4_rM

Þeir sem vilja kaupa aðgang að ráðstefnunni í heild geta enn gert það, efnið verður aðgengilegt til 23 febrúar. Hægt er að kaupa ráðstefnuna í vefversluninni – til að fá linkinn sendan þarf að senda staðfestingu á kaupunum á lhhestar@lhhestar.is

Knapafundur ársins 12. febrúar

Wed, 31 Jan 2024 11:10:00 GMT

Keppnisknapar, mótshaldarar, dómarar og aðrir sem að mótahaldinu í hestamennskunni koma eru boðnir velkomnir á knapafund ársins á vegum mótasviðs Landssambands Hestamannafélaga.

Fundurinn verður haldinn í íþróttamiðstöð ÍSÍ á Engjavegi í Laugardal klukkan 19:00 sem og í streymi.

Farið verður yfir reglur mótahaldsins sem gilda árið 2024, breytingar sem hafa átt sér stað, reglur fyrir Landsmótsúrtökur og ýmislegt spennandi tengt mótahaldinu.

Á hverju ári berast mótasviði spurningar af ýmsum toga um reglur og annað þeim tengt. Reynslan sýnir að ítrekað berast spurningar af sama toga út ýmsum áttum og því þykir okkur tilvalið að halda stóran upplýsingafund fyrir alla sem tengjast mótahaldinu þar sem hægt er að fara yfir ýmis atriði áður en keppnistímabilið hefst á þessu mikilvæga og stóra mótaári.

Sviðsstjóri afreks- og mótamála stendur fyrir fundinum og verður með sérfræðinga sér til halds og trausts frá keppnisnefnd LH, dómara og mótshaldara.

Allir sem hafa hug á keppnisþátttöku á árinu eru hvattir til þess að mæta í Laugardalinn eða fylgjast með fundinum í streymi.

Dagskrá fundarins verður auglýst þegar nær dregur.

Fundarsalur ÍSÍ gefur möguleika á takmörkuðu plássi og því þarf að skrá sig á fundinn hér: Skráning á knapafund

Sjáumst 12. febrúar í mótahug!

Mótasvið LH

Símenntun reiðkennara og þjálfara

Tue, 30 Jan 2024 15:01:06 GMT

FEIF heldur úti lista yfir virka reiðkennara og þjálfara, en til að vera á þessum Matrixulistum þurfa reiðkennarar að sinna reglubundinni símenntun. Reiðkennarar á Íslandi þurfa á hverjum þremur árum að ljúka að lágmarki einu tveggja daga símenntunarnámskeiði eða að lágmarki 16 símenntunareiningum. Námskeið sem gilda til símenntunar þurfa að vera viðurkennd sem slík af menntanefnd LH, sjá nánar hér . Reiðkennarar þurfa sjálfir að senda LH tilkynningu um þá símenntun sem þeir hafa lokið, til þess að halda nafni sínu á lista FEIF.

Samþykkt símenntunarnámskeið á Íslandi frá 2020 eru:

Reiðkennarar sem hafa sótt ofangreind námskeið og vilja vera á lista FEIF yfir virka reiðkennara, vinsamlegast skráið hvaða námskeið þið hafið sótt á eyðublaði á vef LH. Athugið að þau sem sóttu menntaráðstefnu LH í janúar 2024 þurfa ekki að tilkynna það sérstaklega.

Þau sem ekki hafa sótt gild símenntunarnámskeið sl. þrjú ár verða teknir út af reiðkennaralista FEIF. ATH! Það missir engin sín réttindi. Þegar sótt hafa verið a.m.k. 16 eininga endurmenntun getur LH skráð nafn viðkomandi aftur inn á listann.

Vilji einhver sækja sér endurmenntun sem ekki er skráð hjá LH getur viðkomandi sent LH beiðni með upplýsingum um viðkomandi viðburð. Sjá kröfur til símenntunnarnámskeiða hér.

Menntaráðstefnu LH og HOI lokið

Thu, 25 Jan 2024 14:32:08 GMT

Einstaklega áhugaverðri fimm kvölda rafrænni menntaráðstefnu LH og HOI er nú lokið. Ráðstefnunni lauk á líflegum pallborðsumræðum þar sem fulltrúar hagsmunahópa innan hestamennskunnar mættust og ræddu sína sýn á málefnin.

Ráðstefnan var einkar vel sótt en hátt í 400 manns sátu fyrirlestrana og ljóst að áhugi hestamanna á SLO eða félagslegu leyfi til ástundunar fer vaxandi. Fyrirlesarar ráðstefnunnar byggðu mál sitt á rannsóknum og ítarlegri greiningarvinnu, það var eftirtektarvert hversu vel þau komu efninu til skila og virkilega gaman að sjá spurningar þeirra sem fylgdust með fyrirlestrunum í rauntíma.

Horses of Iceland sáu um tæknihlutan og gerðu það virkilega vel. Það var svo menntanefnd LH sem átti veg og vanda að allri skipulagningu og viðburðarins og eiga þau stórt hrós skilið fyrir framtakið. Þátttakendur á menntaráðstefnunni geta horft á fyrirlestrana aftur eitthvað sem margir eiga eflaust eftir að gera enda mikið efni og upplýsingar sem komu þar fram.

Andlát, Vignir Jónasson

Mon, 15 Jan 2024 14:27:34 GMT

Vignir Jónasson, hestamaður, lést af slysförum í gær.

Vignir var búsettur í Laholm í Svíþjóð og lætur hann eftir sig eiginkonu og þrjú börn.

Hann var um langt skeið hluti af íslenska landsliðinu í hestaíþróttum en hann tók þátt í sínu fyrsta stórmóti 1995 í Sviss og fylgdi liðinu til 2003.

Árið 2001 varð hann heimsmeistari í fimmgangi og samanlögðum fimmgangsgreinum á Klakki frá Búlandi. Það ár varð hann jafnframt Íslandsmeistari í fimmgangi og var valinn bæði íþróttaknapi ársins og knapi ársins.

Síðan 2007 hefur hann verið viðloðandi sænska landsliðið og 2015 varð hann heimsmeistari fyrir hönd Svíþjóðar í slaktaumatölti, hann var jafnframt hluti af liðinu á síðasta heimsmeistaramóti.

Vignir náði á ferli sínum frábærum árangri bæði sem íþróttamaður og ræktandi.

Landssamband hestamannafélaga sendir aðstandendum og vinum Vignis innilegar samúðarkveðjur.

Tannheilbrigði og tannhirða íslenskra hrossa

Mon, 15 Jan 2024 10:08:06 GMT

Landbúnaðarháskóli Íslands sendir út skoðanakönnun til íslenskra hestamanna sem hluta af BS-verkefni Vildísar Þrár Jónsdóttur í Búvísindum. Verkefnið fjallar almennt um munn- og tannheilsu íslenskra hrossam og þá kvilla sem kunna að koma upp, en einnig er leitast eftir því að lýsa því hvernig íslenskir hestamenn hátta tannhirðu sinna hrossa eða hrossa í sinni umsjá.

Helstu lykilspurningar verkefnisins eru hvaða hross hljóta tannhirðu og hvenær, þar sem helst er gerður greinarmunur á reið- og stóðhrossum. Leitast er eftir að svara þessum spurningum með skoðanakönnun sem nær til sem flestra sem stunda hestamennsku á Íslandi.

Endilega takið þátt: Könnun um tannheilbrigði og tannhirðu

Kjósum reiðkennara ársins hjá FEIF

Thu, 11 Jan 2024 23:27:00 GMT

Reiðkennari ársins, Þorsteinn Björnsson er okkar fulltrúi endilega farið inn á síðu FEIF og veitið honum atkvæði ykkar.

KJÓSA

Hver er sýn hagsmunahópa hestamennskunnar?

Fri, 05 Jan 2024 13:12:00 GMT

Skráningu á fimm kvölda rafræna Menntaráðstefnu LH og Horses of Iceland lýkur 7.janúar! Það eru því síðustu forvöð til að skrá sig en fyrsti fyrirlesturinn er þriðjudagskvöldið 9.janúar nk frá kl 19 á ísl tíma/GMT. Þema ráðstefnunar er hið svokallaða „Social Licence to operate“ eða „félagslegt leyfi til ástundunar“ - sem fjallar um hinn aukna þrýsting víðsvegar frá um hvort verjandi sé að brúka dýr og þar með hross eingöngu til ánægju okkar mannfólksins. Þessi umræða er orðin mjög áberandi víða um heim og við hestafólk (ekki síst erlendis en jafnvel á Íslandi einnig) finnum fyrir sívaxandi gagnrýni um hlutverk hrossa í okkar menningu. Þar sem okkar hestar eru þar að auki fremur smáir lendum við Íslandshestafólk jafnvel enn meira í þessari gagnrýni. Viltu taka þátt í umræðunni og fræðast um hvernig vísindin geta aðstoðað okkur í þessari umræðu? - Ekki gleyma að skrá þig!

Þann 23. janúar munu svo fara fram panelumræður þar sem við fáum sýn ýmissa hagsmunahópa hestamennskunnar. Þar koma fulltrúar tamningamanna, dýralækna, hestaferðaþjónustu, ræktunar og hestaíþrótta.

Atli Guðmundsson er fulltrúi FT, einn okkar reyndasti reiðkennari og virkur innan FT í meira en 3 áratugi. Hann á ófáa titla frá keppnisvellinum, hefur kennt víða um heim á síðustu 30 árum og er núna reiðkennari við Háskólann á Hólum. Atli hefur lengi rekið tamninga- og þjálfunarstöð og verið með marga unga og efnilega knapa í læri í gegnum árin.

Dr. Sigríður Björnsdóttir dýralæknir hrossasjúkdóma hjá Matvælastofnun hefur verið í fararbroddi fyrir hestavelferð í fjölda ára. Hún hefur séð um heilbrigðisskoðun keppnishesta á stórmótum í tvo áratugi og þróaði til þess fyrirkomulagið „klár í keppni“. Systa eins og hún er oftast kölluð er ekki síst virtur vísindamaður og hefur birt yfir 30 vísindagreinar um heilsu og velferð íslenska hestsins og er einnig hrossaræktandi að Kálfsstöðum í Hjaltadal.

Bjarni Páll Vilhjálmsson rekur hestaferðaþjónustufyrirtækið „Riding Iceland“ sem hefur höfuðstöðvar í Saltvík við Húsavík. Bjarni fagnaði 30 ára afmæli fyrirtækis síns og hefur líklega ferðast einna víðast allra Íslendinga, að jafnaði um 2000km á hverju sumri. Hann hefur mikið hugsað um hvers lags hross henta í þessa vinnu og í gegnum öll þessi ár öðlast gríðarlega reynslu á því sviði.

Dr. Elsa Albertsdóttir er sérfræðingur í kynbótafræði hrossa. Hún hefur séð um alla BLUP útreikninga fyrir íslenska hestinn í nær 2 áratugi og hefur verið afar virk innan ræktunarstarfsins sem kynbótadómari, vísindakona, leiðbeinandi doktors- og mastersnema og ekki síst núna síðustu 3 árin sem ábyrgðarmaður hrossaræktar á Íslandi. Hún er einnig menntaður reiðkennari og kennir alltaf svolítið með öðrum störfum sem og ræktar, temur og þjálfar eigin hross.

Hulda Gústafsdóttir er flestum kunn, hún situr í Sportnefnd FEIF til fjölda ára, er íþróttadómari sjálf og afar reynd keppniskona og hefur hlotið fjölda verðlauna á stórmótum. Hún rekur ásamt fjölskyldu sinni umfangsmikla starfsemi að Árbakka - Hestvit, tamninga- og þjálfunarstöð, útflutningsfyrirtæki og sölumiðstöð auk þess að stunda allnokkra hrossarækt.

Skráning fer fram hér: https://www.lhhestar.is/is/moya/formbuilder/index/index/virtual-education-seminar-1

Frekari upplýsingar um menntaráðstefnuna má finna hér: https://www.lhhestar.is/is/frettir/virtual-education-seminar-5-evenings-in-january-2024

Með kærri kveðju og tilhlökkun,
Menntanefnd LH og Horses of Iceland

Hvernig veljum við saman mann og hest?

Fri, 05 Jan 2024 12:00:00 GMT

Síðastliðin ár hafa einkennst af vaxandi umræðu um velferð hesta og hugtakið Social License to Operate (SLO) hefur verið áberandi. Það er mikilvægt að hafa í huga áhrif þessarar umræðu á hestamennsku hér á landi og brúkun á íslenskum hestum almennt.

FEIF hefur nú sent frá sér könnun þar sem reynt er að varpa ljósi á þá þætti sem hestafólki á mismunandi stigum hestamennskunnar þykir skipta hvað mestu máli þegar kemur að því að velja saman hest og knapa. Könnunin er unnin í samvinnu við Mike Weishaupt sem er fyrsti fyrirlesari rafrænnar menntaráðstefnu LH og HOI.

Könnunin er nafnlaus, samanstendur af 14 spurningum og er opin öllum hestamönnum 18 ára og eldri. Við hvetjum alla hestamenn að svara þessari könnun sem er á ensku: https://de.surveymonkey.com/r/HGVQC2R og á þýsku: https://de.surveymonkey.com/r/QVKSTB9

Mike Weishaupt er hluti af SMG hópnum sem stendur fyrir: The Suitably Mounted Group og samanstendur af fagfólki sem fjallar um áhrif knapastærðar á velferð hesta. Í hópnum eru meðal annars skipuleggjendur sýninga, vísindamenn, sérfræðingar í dýralækningum og velferð hesta sem og geðheilbrigðis manna.

Meðlimir munu safna saman og fara yfir núverandi rannsóknir og hvetja þá sem eru opnir fyrir samstarfi og samtali um þessi mál að setja sig í samaband. Hópurinn vinnur nú að því að safna nauðsynlegum gögnum þar með talið er þessi könnun svo hægt sé að ræða og taka á þessu mikilvæga máli með staðreyndirnar að vopni.

Rafræn menntaráðstefna LH í janúar 2024 kynning á panel umræðum

Thu, 04 Jan 2024 15:12:00 GMT

Hér má sjá dagskrána í heild sinni ásamt nánari kynningu á fyrirlesurunum:

9. janúar : Michael Weishaupt prófessor við UZH – SLO / Félagslegt samþykki til ástundunar og hvernig rannsóknir geta haft áhrif í þeirri orðræðu.

11. janúar: Marie Rhodin, associate prófessor við SLU – Rannsóknir á heilsufari hrossa og sérstaklega fjallað um nýjar aðferð við heltigreiningu.

16. janúar: Guðrún Stefánsdóttir, dócent við Háskólann á Hólum – Áhrif þyngdar knapa á hesta og framtíðarstúdíur á því sviði.

18. janúar: Sveinn Ragnarsson, prófessor við Háskólann á Hólum – Pælingar um áhrif hesta á manneskjur og öfugt, samskipti manna og hrossa og stúdíur þar að lútandi.

23. janúar: Panelumræður með frábærum fulltrúum ýmissa geira hestamennskunnar

https://www.lhhestar.is/is/frettir/virtual-education-seminar-5-evenings-in-january-2024

Panelumræður 23.janúar er lokakvöld Menntaráðstefnu LH og Horses of Iceland . Þar munum við fá sýn ýmissa hagsmunahópa hestamennskunnar. Þar koma fulltrúar tamningamanna, dýralækna, hestaferðaþjónustu, ræktunar og hestaíþrótta.

Skráning fer fram hér: https://www.lhhestar.is/is/moya/formbuilder/index/index/virtual-education-seminar-1

Með kærri kveðju og tilhlökkun,
Menntanefnd LH og Horses of Iceland

Öryggi hestamanna - reiðtygi

Wed, 03 Jan 2024 12:18:00 GMT

Hér má sjá myndband sem öryggisnefnd LH vann um öryggi reiðtyga.

Samtal knapa og dómara

Tue, 02 Jan 2024 09:31:00 GMT

Opin fundur um stöðu keppismála verður fimmtudag 4. jan kl. 19.30 í sal reiðhallar Fáks.

Mikilvægt er að fara yfir málin og rýna til gagns. Hvað gengur vel og hvað þurfum við að bæta?

Fyrst munu fulltrúar dómarafélaga, keppnisnefndar LH og futrúar knapa taka til máls, hópavinna, spurningar og orðið laust.

Viltu hafa áhrif ?

FT félag tamningamanna og LH landsamband hestamannafélaga.

Gleðilega hátíð

Sat, 23 Dec 2023 12:25:00 GMT

Landssamband hestamannafélaga óskar ykkar gleðilegra jóla og farsældar á nýju ári, með þökk fyrir samstarfið á árinu.

Starfsfólk og stjórn LH

Landsmót 2028 á Rangárbökkum og Landsmót 2030 í Reykjavík

Mon, 18 Dec 2023 14:00:00 GMT

Á fundi stjórnar LH þann 15. desember sl. var samþykkt, að tillögu stjórnar LM ehf., að Landsmót hestamanna 2028 verði haldið af Rangárbökkum ehf. á Rangárbökkum og Landsmót hestamanna 2030 verði haldið af Hestamannafélaginu Fáki í Víðidal í Reykjavík, með fyrirvara um að samningar milli aðila náist.

Við staðarval skal stjórn LH hafa til hliðsjónar fjárhagslega hagkvæmni svo og yfirsýn á félagslegt réttlæti eins og segir í reglugerð um Landsmót.

Tvær umsóknir bárust um hvort mót. Um Landsmót 2028 sóttu Rangárbakkar ehf. og Hestamannafélagið Fákur og um Landsmót 2030 sóttu Hestamannafélagið Fákur og Hestamannafélagið Skagfirðingur.

Stjórn LM ehf. fundaði með umsækjendum sem allir lögðu mikinn metnað í sínar umsóknir og höfðu til þess fullan stuðning sveitarfélaga sinna. Þessir þrír umsækjendur hafa haldið Landsmót með miklum glæsibrag og öll svæðin bera vel slíkan stórviðburð sem landsmót er.

Með þessari ákvörðun eru vonir bundnar við að fest verði í sessi sú tilhögun að Landsmót verði haldið til skiptis í Reykjavík, á Suðurlandi og á Norðurlandi, á meðan áhugi mótshaldara er fyrir hendi, og verði þannig til þess að þessir þrír mótsstaðir styrki sína aðstöðu til að halda Landsmót, en eins og kunnugt er verður Landsmót 2024 haldið í Reykjavík og Landsmót 2026 haldið á Hólum í Skagafirði.

Frábær menntadagur

Mon, 18 Dec 2023 09:54:56 GMT

Á laugardaginn fór fram Menntadagur landsliðsins. Kennslusýningarnar voru skemmtilegar og fræðandi. Reiðhöllin var komin í jólabúning og stemningin eftir því góð. Aðalheiður Anna byrjaði daginn á því að fjalla um grunnþjálfun hesta, síðan tók Gústaf Ásgeir við og fjallaði um hliðarstjórn og hliðarjafnvægi. Á eftir honum kom Ragnhildur og vann hún með formið. Síðastur fyrir hlé var svo Sigurður og hann sýndi okkur hvernig hann sækir í rýmið.

Í hádeginu var boðið upp á sannkallaðan jólamat. Eftir hádegi var Þorsteini Björnssyni veitt viðurkenning sem reiðkennari ársins og samstarfssamningur við Hóla undirritaður.

Þá tók Elvar við og sagði okkur frá vegferð óvissunnar og hvernig hann þjálfaði Fjalladís til stórafreka á heimsmeistaramótinu. Á eftir honum kom Sara en hún fjallaði um það að hafa trú á verkefninu, lokaspretturinn og þær þjálfunaraðferðir sem hún notar.

Teitur sýndi okkur svo hvernig má byggja undir full afköst á skeiði og að lokum kom Jóhanna Margrét og fjallaði um vinnuna sem liggur að baki heimsmeistaratitil í tölti.

Á eftir hverri sýningu var orðið laust og það var virkilega ánægjulegt hversu margir lögðu fram spurningar. Heilt á litið var þetta afskaplega fræðandi og skemmtilegur dagur, góð hvíld frá jólaösinni og frábært innlegg inn í komandi tímabi

Kynning á fjórða fyrirlesara Menntaráðstefnu LH í janúar - doktor Sveinn Ragnarsson

Mon, 18 Dec 2023 08:49:16 GMT

Hefurðu velt fyrir þér hvers vegna fólk laðast að hestum? Er hugsanlegt að samskipti við hesta hafi áhrif á manneskjur og er það kannski gagnkvæmt? Hvað eru gildi og hvernig tengjast þau samfélagi, hestamennsku og velferð? Þessar vangaveltur ásamt fleirum, mun doktor Sveinn Ragnarsson, prófessor við Hestafræðideildina á Hólum, fjalla um.

Dr. Sveinn er hrossaræktandi, knapi og kynbótadómari auk þess að sinna ýmsum trúnaðarstörfum fyrir hestamenn hefur hann birti fjölda vísindagreina um íslenska hestinum.

Skráðu þig á Rafræna Menntaráðstefnu LH hér: SKRÁNING

Þorsteinn Björnsson er reiðkennari ársins

Mon, 18 Dec 2023 08:35:08 GMT

Á hverju ári biður FEIF um tilnefningar til “trainer/instructor of the year” frá hverju landi. Undanfarin ár hefur Menntanefnd LH auglýst eftir tilnefningum til reiðkennara ársins sem fara svo í netkosningu. ef fylgir rökstuðningur. . Að þessu sinni voru það þau Hekla Katharína Kristinsdóttir, Þorsteinn Björnsson og Finnbogi Bjarnason sem fengu tilnefningar. Góð þátttaka var í kosningunum og hlutu allir mörg atkvæði en einn stóð uppúr og hlýtur titilinn reiðkennari ársins.

Þorsteinn hefur starfað sem reiðkennari á Hólum síðan 2008, það eru 15 ár. Hann hefur þess vegna haft mótandi áhrif á reiðkennara framtíðarinnar, sem jú mennta sig þar. Hann kennir á öllum stigum og kennir allt innan hestamennsku, afskaplega sveigjanlegur. Hann getur stokkið til og kennt hverjum sem er og komið með uppbyggileg ráð, oft sett fram með einföldum hætti. Hann hefur einnig eiginleikann að láta nemendur ekki velta sér of mikið upp úr mistökum, sem er afskaplega mikilvægt til að hafa skapandi umhverfi. Þar sem léttleiki og leikur fá að njóta sín, gerast oft skemmtilegir hlutir.

Sérstakt áhugamál Þorsteins er þó skeið. Fyrir utan það að hafa náð góðum árangri sjálfur í skeiðgreinum er hann líklega með reyndustu skeiðkennurum heims í dag þar sem hann hefur séð um skeiðkennsluna á Hólum meira og minna síðustu 10 ár. Það mundi vera 8-10 skeið hópatímar í viku!

Einnig hefur hann mikinn áhuga á að kenna frumtamningar þar sem oft reynir á að efla kjark og traust nemandans.

Steini kennir líka á öðrum vettvangi. Hann hefur komið að Hæfileikamótun LH undanfarinn ár og einmitt tekið á móti þeim hópum á Hólum. Þorsteinn hefur verið þjálfari fyrir ungmenni í landsliðinu, kennir einkatíma og almenn helgarnámskeið hjá hestamannafélögum.

Þorsteinn er reiðkennari ársins fyrir Íslands hönd í kosningu Feif á “Feif trainer/instructor of the year” á vefsíðu FEIF. Kosið verður milli fulltrúa frá mörgum löndum eftir jól.

Við óskum Þorsteini til hamingju og hvetjum ykkur öll til að kjósa þegar opnað verður fyrir valið á FEIF reiðkennara ársins 2023.

Virtual Education Seminar – 5 evenings in January 2024

Sun, 17 Dec 2023 09:21:00 GMT

The Education Committee of LH in Iceland together with Horses of Iceland , is organizing a 2 ^nd virtual Conference in January 2024 with the main theme of “Social Licence to Operate” .

Here below we introduce the four main speakers of this very relevant theme that touches all of us. Seldom if ever has this topic been as important and while the horse world glows in discussion of what is acceptable we want to dig deeper, with the help of science.

Do you want to participate in the discussion with leading experts in their fields?

The conference will be held via Teams, over 5 evenings in January 2024, with one lecturer at the time the first 4 evenings, starting at 7pm GMT , followed by the fifth evening (on January 23rd) where we´ll have conclusions and panel discussion with fantastic representatives from various fields of our horse world. The panel composition will be introduced later this month.

Each lecture will be recorded and available on a closed platform (Vimeo probably -that will be open for about 4 weeks) for participants of the seminar to view afterwards and even send in questions and discussions there. During the lectures, questions can also be sent in through Teams and our speakers will do their best to answer them at the end of their talk.

Everyone is welcome to participate but the seminar is specially aimed at trainers and instructors within the FEIF Matrix as well as judges within our Icelandic horse world and is valid as CPD in Iceland (16Units), please check with your national organisation if they also acknowledge it as CPD. If you are not part of these groups but would still like to attend, that is of course possible, just send in a request to LH via the email below.

lh@lhhestar.is

First speaker, jan. 9 ^th : Prof. Dr.med.vet., PhD Michael Weishaupt

Michael Weishaupt is a well-known and highly credited senior researcher and lecturer in the field of sports medicine and biomechanics of horses. He graduated in Veterinary Medicine in 1989 at the University of Berne, Switzerland. Since 1993 he has worked at the University of Zürich, School of Veterinary Medicine and is in charge of the Equine Performance Centre, a clinical as well as research division of the Equine Department. His special interests are equine sports medicine and rehabilitation, exercise physiology, diseases of the upper airways, equine orthopaedics, shoeing and biomechanics. Weishaupt has over 100 scientific publications and both as a researcher but also as a keen horseman himself he is well aware of the changing atmosphere when it comes to humans using animals.

His lecture will talk about the Social Licence to Operate, what it is, the effect it can have on the horse world and what role science can have in the whole dialogue.

Weishaupt has done some studies with Icelandic horses, like the hoof study that FEIF supported some years back and led to clearer limitations on the hoof length in our competitions and breeding shows. He is a very good speaker and an enthusiastic teacher and we really look forward to the 9 ^th of January when Professor Michael Weishaupt will open our virtual conference with his talk.

Second speaker, jan.11 ^th : DVM, PhD, Assoc. Prof., Dipl. ACVSMR/ECVSMR Marie Rhodin

Marie Rhodin is a well-known and respected researcher and lecturer in the field of Equine biomechanics. She graduated in 2003 at the Swedish University of Agricultural Sciences and is an associate Professor in equine clinical biomechanics at the department of Anatomy, Physiology and Biochemistry, Swedish University of Agricultural Sciences.

Rhodin has over 100 academic publications and her main research focus is orthopaedic pain and objective motion analysis in horses. In her presentation Marie will tell us about her recent studies in objective lameness detection and analysis where the question rises whether our human eyes are always adequate in deciding how fit or sound our horses are. Gaited horses might be even trickier in this aspect. It is an important factor in the of horse welfare discussion which again comes into the issue of Social Licence to Operate.

Marie Rhodin has been cooperating with Icelandic researchers like Sigríður Björnsdóttir Guðrún Stefánsdóttir and Víkingur Gunnarsson for some years and is an active horse woman and rider herself.

Third speaker, jan.16 ^th : Associate Professor dr. Guðrún Stefánsdóttir

How heavy can a rider on a horse be? We have all heard about this discussion and it has become louder and more important in the last few years. Our 3 ^rd speaker in this Virtual Education Seminar will talk about what influence various riders weight has on the horse. It is dr. Guðrún Stefánsdóttir, associate professor in Equine Science department in Hólar University. She is a horse rider herself, breeder and loves traveling with horses and has been studying horses´ physical response to exercise for many years.

A few years ago, Guðrún studied the physical effect of breeding shows on young horses and last few years she has been researching how different rider weight influences the horses while ridden. Guðrún will tell us about what we know about this topic, how these studies are conducted and what is being studied in this field right now.

Forth speaker, jan.18 ^th : Professor dr. Sveinn Ragnarsson

Have you thought about why humans are attracted to horses? Is it possible that communication with horses have some special influence on people and might it also go the other way around? What are core values and how do they connect our community, our horsemanship, general well-being and welfare?

Dr. Sveinn Ragnarsson, professor at the Equine Science department of Hólar will talk about these topics and more. Sveinn has published several scientific papers about the Icelandic horse, and is also a horse breeder, a rider, breeding judge and is a board member of various organisations and projects within the Icelandic horse world. Sveinn was also the dean of the Equine department at Hólar for ten years.

We are all looking very much forward to each and every lecture as well as the last night with the panel discussion on January 23 ^rd .

All this for only €85!

Don´t miss out! - register here

Kennslusýningar og jólamatur á laugardaginn

Thu, 14 Dec 2023 14:51:40 GMT

Nú styttist heldur betur í menntadag A-landsliðis Íslands í hestaíþróttum sem fram fer laugardaginn 16. des í Lýsis höllinni Víðidal. Þar munu okkar fremstu knapar vera með kennslusýningar, auk þess sem skrifað verður undir samstarfssamning milli LH og Háskólans á Hólum og reiðkennari ársins verður heiðraður.

Í hádeginu verður hægt að kaupa frábæran jólahádegisverð framreiddan af snillarkokkum fyrir einungis 3500 krónur.

Húsið opnar klukkan 10:00 á dagskránni verða eftirfarandi kennslusýningar:

Aðalheiður Anna Guðjónsdóttir: Grunnþjálfun

Gústaf Ásgeir Hinriksson: Hliðarstjórn og hliðarjafnvægi

Ragnhildur Haraldsdóttir: Form

Sigurður Sigurðarson: Sótt í rýmið

Hádegishlé

Elvar Þormarsson: Lykill að vegferð óvissunnar

Sara Sigurbjörnsdóttir: Að hafa trú á verkefninu – lokaspretturinn

Teitur Árnason: Full afköst á skeiði

Jóhanna Margrét Snorradóttir: Heimsmeistaratitill – Hvað liggur að baki

Dagskrálok um kl 15:00

Miðaverð er 5000 krónur og rennur allur ágóði til landsliðisins.

Skemmtilegum Hólaferðum hæfileikamótunar lokið

Thu, 14 Dec 2023 13:21:00 GMT

Hæfileikamótun LH hefur verið starfrækt um nokkra ára skeið með það að markmiði að ýta undir uppbyggingu og nýliðun í afreksstarfi hestaíþrótta og efla færni ungra og efnilegra knapa í unglingaflokki (14-17 ára) sem stefna hátt í hestaíþróttinni. Yfirþjálfari hæfileikamótunar er Sigvaldi Lárus Guðmundsson og hefur hann tekið þátt í verkefninu frá upphafi. Aðspurður segir hann verkefnið hafa þróast vel: ,,Ásóknin hefur aukist ár frá ári og komast því miður færri að en vilja. Í ár eru til að mynda tveir 20 manna hópar og hafa sumir þátttakendur hæfileikamótunar verið með frá upphafi verkefnisins. Ég sé miklar framfarir hjá þeim krökkum sem hafa verið ár frá ári og er gaman að segja frá því að sumir þeirra eru þegar farnir að skila sér inn í U21 landsliðshópinn“.

Nú fyrir skemmstu fóru fram tvær vinnuhelgar á Hólum með sitthvorum hópnum og eru þær góð byrjun á vetrarstarfinu, hópurinn hittist og hristist saman. Á Hólum sá Þorsteinn Björnsson, ásamt Sigvalda, um reiðkennsluna. Einnig kom Ingunn Ingólfsdóttir við sögu aðra helgina.

Um vinnuhelgina á Hólum sagði Sigvaldi: ,, Þar fengu krakkarnir fjóra mismunandi reiðtíma. Hólaskóli hefur yfir að ráða 50 skólahestum og fengu þau að kynnast hluta þeirra. Það er góður skóli og áskorun að vinna með hesta sem þau þekkja ekki í þessum tímum og framkvæma mismunandi verkefni. Það voru almennir reiðtímar þar sem verið var að einbeita sér að stjórnun og ásetu á mismunandi reiðleiðum og farið yfir ábendingar og ábendingaröðun. Sætisæfingar voru gerðar þar sem hver og einn er hringteymdur og þannig hægt að einbeita sér að sjálfum sér, framkvæma jafnvægisæfingar ásamt því að æfa áseturnar. Þá var farið í skeiðtíma þar sem hver og einn fékk að prófa tvo skeiðhesta og leggja fjóra spretti þar sem lögð var áhersla á aðdraganda skeiðspretta, niðurtöku á skeið og niðurhægingu. Fjórði reiðtíminn snerist um fimiæfingar og hvernig nýta má þær til að hafa jákvæð áhrif á gangtegundir hestsins. Þá fengu hóparnir sýnikennslur frá Þorsteini reiðkennara á Hólum. Hann talaði m.a. um mikilvægi þess að vera meðvitaður um líkamsbeitingu hesta og hverju við getum horft eftir til að greina hana og af hverju þetta skiptir svo miklu máli fyrir okkur og hestana okkar. Einnig fengu krakkarnir tækifæri til að spyrja um atriði sem þeim voru hugleikin og reyndi hann að svara því eftir bestu getu.“

„Þessar heimsóknir heppnuðust ákaflega vel og ekki annað að sjá en að þátttakendurnir hafi lært mikið og um leið skemmt sér vel. Framundan eru síðan að tvær verklegar helgar eftir áramót þar sem krakkarnir mæta með sína eigin hesta í reiðkennslu; tvo reiðtíma yfir helgi, 40-45 mínútna tímar þar sem þeir fylgjast einnig með hverju öðru ásamt sýnikennslum og fyrirlestrum þar sem fjallað er um hin ýmsu málefni sem geta hjálpað þeim við að styrkja sig sem íþróttamenn og einstaklingar,“ segir Sigvaldi.

En hvað er það sem hann horfir til þegar valið er í hópinn? „Það sem ég hef í huga er meðal annars ástundun, áhugi, keppnisárangur og hvort krakkarnir séu þegar að sækja sér menntun og námskeið hjá reiðkennurum. Ég reyni að horfa til þess að þetta séu krakkar sem hafa mikinn metnað til að ná árangri. Auðvitað gengur stundum vel og stundum illa en maður sér að samt er haldið áfram af eljusemi. Við erum að leita að framtíðarknöpum Íslands og því skipir máli að koma auga á krakkana sem eru líklegir til að staldra við í þessu. En svo kemur vissulega fyrir að það eru efnilegir krakkar sem sækja um en komast ekki að en þá er ekkert annað að gera en að leggja sig áfram fram af krafti og koma ennþá betur undirbúin inn í verkefnið að ári”.

En ertu farinn að sjá einhvern ávinning af hæfileikamótuninni? ,,Já hiklaust, nú eru nokkur að byrja 3. og 4. árið sitt sem segir okkur að þátttakendur eru ánægðir með verkefnið. Þátttakendur í hæfileikamótun verða fyrirmyndir um leið og þeir koma inn í þetta og bind ég vonir við að það skapi jákvætt og gott hugarfar. Þátttakendur taka miklum framförum sem knapar og eru að koma betur undirbúnir í stærri verkefni eins og U21 landsliðið. Í ár eru fimm krakkar úr hópnum sem voru valdir í U21 en þeir völdu að halda líka áfram í hæfileikamótuninni samhliða því og var ákveðið að prófa það í ár og sjá hvernig það spilast saman. Þá eflir þetta félagslega þáttinn í hestamennskunni enda gaman og mikilvægt fyrir krakkana að kynnast öðrum á sama reki sem deila sama áhugamáli og það skiptir máli. Það myndast vinátta milli þeirra og þeir bæta sig sem hestamenn.“

Hvað er næst á dagskrá? „Framundan er önnur vinnuhelgi í janúar þar sem þátttakendur koma með sína eigin hesta og þar munum við hjálpa þeim við þjálfun á þeim eins og ég nefndi áðan. Þetta geta verið mismunandi verkefni milli knapa, einhver með alhliða hest en annar kannski með klárhest og við skoðum þessi verkefni með þeim“, segir Sigvaldi og bætir við: ,,En það er ekki nóg að taka þátt í verkefnum hæfileikamótunar, það skipir miklu máli að vera duglegur heima að þjálfa þess á milli til að undirbúa sig fyrir komandi verkefni á keppnistímabilinu. Hér eru ekki allir með verðmætustu og bestu hestana enda snýst þetta ekki bara um það heldur líka að sýna framfarir og metnað til að ná sem lengst í hestamennskunni.“

Hæfileikamótun LH 14-17 ára 2023-2024

Yfirþjálfari:

Sigvaldi Lárus Guðmundsson

Þátttakendur:

Anton Óskar Ólafsson , Geysir
Apríl Björk Þórisdóttir, Sprettur
Arnór Darri Kristinsson, Hringur
Árný Sara Hinriksdóttir, Sörli
Ásta Hólmfríður Ríkharðsdóttir, Sprettur
Bertha Liv Bergstað, Fákur
Dagur Sigurðarson, Geysir
Eik Elvarsdóttir, Geysir
Elín Ósk Óskarsdóttir, Hornfirðingur
Elísabet Líf Sigvaldadóttir, Geysir
Elísabet Vaka Guðmundsdóttir, Geysir
Elsa Kristín Grétarsdóttir, Sleipnir
Elva Rún Jónsdóttir, Sprettur
Embla Móey Guðmarsdóttir, Borgfirðingur
Eyvör Vaka Guðmundsdóttir, Geysir
Fanndís Helgadóttir, Sörli
Fjóla Indíana Sólbergsdóttir, Skagfirðingur
Friðrik Snær Friðriksson, Hornfirðingur
Gabriel Liljendal Friðfinnsson, Fákur
Haukur Orri Bergmann Heiðarsson, Snæfellingur
Hildur María Jóhannesdóttir, Jökull
Hjördís Halla Þórarinsdóttir, Skagfirðingur
Hrefna Kristin Ómarsdóttir, Fákur
Hulda Ingadóttir, Sprettur
Ída Mekkín Hlynsdóttir, Hornfirðingur
Jóhanna Sigurlilja Sigurðardóttir, Sprettur
Kolbrún Sif Sindradóttir, Sörli
Kristín Eir Holaker Hauksdóttir, Borgfirðingur
Kristín María Kristjánssdóttir, Jökull
Lilja Rún Sigurjónsdóttir, Fákur
Ragnar Bjarki Sveinbjörnsson, Sprettur
Ragnar Snær Viðarsson, Fákur
Róbert Darri Edwardsson, Geysir
Sigurbjörg Helgadóttir, Fákur
Snæfríður Ásta Jónasdóttir, Sörli
Steinunn Gunnlaugsdóttir, Sörli
Steinunn Lilja Guðnadóttir, Geysir
Svandis Aitken Sævarsdóttir, Sleipnir
Unnur Rós Ármannsdóttir, Háfeti
Viktor Óli Helgason, Sleipnir
Þórhildur Helgadóttir, Fákur
Þórhildur Lotta Kjartansdóttir, Geysir

Kynning á þriðja fyrirlesara Menntaráðstefnu LH í janúar - doktor Guðrún Stefánsdóttir

Thu, 14 Dec 2023 08:47:00 GMT

Hvað má maður vera þungur á hestbaki?

Öll höfum við heyrt þessa umræðu og hefur hún orðið háværari og mikilvægari undanfarin ár. Þriðji fyrirlesarinn á menntaráðstefnu LH mun fjalla um hvaða áhrif mismunandi þyngd knapa hefur á hestinn. Það er dósent í hestafræðum á Hólum, hrossaræktandi, knapi og mikill hestaferðamaður doktor Guðrún Stefánsdóttir sem hefur rannsakað álag á hross undir manni til fjölda ára. Fyrir nokkrum árum rannsakaði hún líkamlegt álag ungra hrossa í kynbótasýningum, og undanfarin ár hefur hún rannsakað hvaða áhrif mismunandi þyngd knapa hefur á hesta í reið. Guðrún mun fara yfir stöðu þekkingar á þessu sviði. Hvað vitum við um líkamleg áhrif þyngdar knapa á hestinn? Hvernig ganga slíkar rannsóknir fyrir sig? Hvað er verið að rannsaka núna og á næstunni?

Ætlarðu að hafa skoðun eða taka þátt í umræðunni um knapaþyngd? Ekki láta þennan fyrirlestur framhjá þér fara.

Skráðu þig á Rafræna Menntaráðstefnu LH fyrir 15. Des og fáðu 15% afslátt.

Hér er hægt að s krá sig : SKRÁNING

Kynning á öðrum fyrirlesara Menntaráðstefnu LH í janúar - Professor Marie Rhodin

Wed, 13 Dec 2023 08:54:00 GMT

Annar fyrirlesri menntaráðstefnunnar sem framfer í janúar er DVM, PhD, Assoc. Prof., Dipl. ACVSMR/ECVSMR Marie Rhodin.

Marie Rhodin er vel þekkt og virt vísindakona á sviði hreyfingafræði hrossa. Hún útskrifaðist 2003 frá Sænska landbúnaðarháskólanum og er núna dósent í „heilbrigðishreyfigreiningu“ eða „Equine clinical biomechanics“ við deild líffæra-, lífeðlis- og lífefnafræði Sænska Landbúnaðarháskólans.

Marie hefur birt yfir 100 vísindagreinar og megináhersla í hennar rannsóknum er sársauki í stoðkerfi sem og hlutlæg hreyfigreining hrossa. Í erindinu mun Marie segja okkur frá nýlegum rannsóknum sínum á hlutlægri heltigreiningu og svo virðist sem ganghestakyn, eins og okkar íslensku hross, séu enn flóknari í slíkum greiningum. Umræða um hversu vel mannleg augu geta ákvarðað heilbrigði hrossanna okkar tengist einnig hestavelferð og þar með SLO eða „félagslegu leyfi til ástundunar“.

Marie Rhodin er virk hestakona sjálf, þekkir vel til íslenskra hrossa og hefur unnið með vísindafólki á Íslandi svo sem Sigríði Björnsdóttur, Guðrúnu Stefánsdóttur og Víkingi Gunnarssyni. Hún er frábær kennari, hlýleg og skýr og við hlökkum mikið til 11. janúar þar sem Marie verður annar fyrirlesari Rafrænu Menntaráðstefnu LH 2024.

Skráning er í fullum gangi og enn er 15% afsláttur sem gildir fyrir alla sem skrá sig og greiða fyrir 15.desember.

Hér er hægt að skrá sig: SKRÁNING Á MENNTARÁÐSTEFNU

Kynning á fyrsta fyrirlesara Menntaráðstefnu LH í janúar - Professor Michael Weishaupt

Tue, 12 Dec 2023 11:02:00 GMT

Kynning á fyrsta fyrirlesara á rafrænu Menntaráðstefnu LH í janúar - Professor Michael Weishaupt

Michael Weishaupt er vel þekktur og afar virtur vísindamaður og fyrirlesari á sviði hreyfifræði hesta og læknisfræði keppnishesta. Hann útskrifaðist sem dýralæknir 1989 frá Háskólanum í Bern í Sviss. Frá 1993 hefur hann unnið við Dýralæknadeild Zurich Háskólans, þar sem hann er yfirmaður „Equine Performance Center“ sem er bæði klínísk og rannsóknarstofnun innan Hestafræðideildarinnar.

Aðaláhugasvið Weishaupt eru læknisfræði keppnishesta og endurhæfing, þjálfunarlífeðlisfræði, sjúkdómar efri öndunarfæra, liða- og beinafræði hesta, járningar og almenn hreyfifræði. Weishaupt hefur birt yfir 100 ritrýndar greinar og bæði sem vísindamaður en einnig sem hestamaður, finnur hann vel fyrir breytingum á viðhorfi samfélagsins til þess að manneskjur noti dýr á hvers kyns hátt.

Fyrirlestur hans mun fjalla um Félagslegt samþykki til ástundunar eða „Social Licence to Operate“, hvað það er, þýðing þess fyrir hestamennskuna og hvernig vísindin geta komið að þeirri umræðu allri.

Weishaupt hefur gert nokkrar rannsóknir með íslensk hross, t.d. hófarannsóknina sem FEIF styrkti fyrir nokkrum árum og varð til þess að strangari reglur voru settar um hófalengd í keppni og kynbótasýningum. Hann er afar góður og skýr fyrirlesari og við hlökkum mikið til 9. janúar næst komandi þegar rafræna Menntaráðstefna LH hefst með fyrirlestri Michael Weishaupt.

Skráning er í fullum gangi og enn er 15% afsláttur sem gildir fyrir alla sem skrá sig og greiða fyrir 15.desember.

Hér er hægt að skrá sig:

https://www.lhhestar.is/is/moya/formbuilder/index/index/virtual-education-seminar-1

Spennandi kennslusýningar á menntadegi landsliðisins

Mon, 11 Dec 2023 09:25:00 GMT

Menntadagur A-landsliðis Íslands í hestaíþróttum fer fram laugardaginn 16. des í Lýsis höllinni Víðidal. Þar munu okkar fremstu knapar vera með kennslusýningar, auk þess sem skrifað verður undir samstarfssamning milli LH og Háskólans á Hólum. Hádegismatur verður seldur í veitingasalnum. Miðaverð er 5000 krónur og rennur allur ágóði til landsliðisins. Hægt er að kaupa miða á vefsíðu LH.

Húsið opnar klukkan 10:00 á dagskránni verða eftirfarandi kennslusýningar:

Aðalheiður Anna Guðjónsdóttir: Grunnþjálfun

Gústaf Ásgeir Hinriksson: Hliðarstjórn og hliðarjafnvægi

Ragnhildur Haraldsdóttir: Form

Sigurður Sigurðarson: Sótt í rýmið

Hádegishlé

Elvar Þormarsson: Lykill að vegferð óvissunnar

Sara Sigurbjörnsdóttir: Að hafa trú á verkefninu – lokaspretturinn

Teitur Árnason: Full afköst á skeiði

Jóhanna Margrét Snorradóttir: Heimsmeistaratitill – Hvað liggur að baki

Dagskrálok um kl 15:00

Landslið Íslands 2024

Thu, 07 Dec 2023 14:03:00 GMT

Landslið Íslands í hestaíþróttum 2024

Sigurbjörn Bárðarson landsliðsþjálfari Íslands í hestaíþróttum hefur valið úrtakshóp sinn fyrir starfsárið 2024.

Eftir frábæran árangu á liðnu ári þar sem Heimsmeistaramótið í Hollandi var hápunkturinn er ljóst að Ísland á tækifæri á að senda stóran hóp á næsta HM sem haldið verður í Sviss árið 2025 og undirbúningur er þegar farinn á fullan skrið.

Verkefni ársins eru mikil en hápunkturinn verður Norðurlandamótið í Herning í Danmörku 8-11 ágúst næstkomandi þar sem norðurlandaþjóðirnar etja kappi bæði í íþróttakeppni og gæðingakeppni og glöggt má sjá að hugur Sigurbjörns í sínu vali er einnig að sækja styrk í öfluga gæðingakeppnisknapa í bland við ríkjandi heimsmeistara og aðra knapa sem skarað hafa framúr á liðnu ári.

Hópurinn er skipaður eftirfarandi knöpum:

Ríkjandi heimsmeistarar:

Elvar Þormarsson Hestamannafélagið Geysir

Glódís Rún Sigurðardóttir Hestamannafélagið Sleipnir

Jóhanna Margrét Snorradóttir Hestamannafélagið Máni

Sara Sigurbjörnsdóttir Hestamannafélagið Geysir

Aðrir knapar:

Aðalheiður Anna Guðjónsdóttir Hestamannafélagið Hörður

Ásmundur Ernir Snorrason Hestamannafélagið Geysir

Daníel Gunnarsson Hestamannafélagið Skagfirðingur

Gústaf Ásgeir Hinriksson Hestamannafélagið Fákur

Hans Þór Hilmarsson Hestamannafélagið Geysir

Helga Una Björnsdóttir Hestamannafélagið Þytur

Páll Bragi Hólmarsson Hestamannafélagið Jökull

Ragnhildur Haraldsdóttir Hestamannafélagið Sleipnir

Sigurður Vignir Matthíasson Hestamannafélagið Fákur

Sigurður Sigurðarson Hestamannafélagið Geysir

Teitur Árnason Hestamannafélagið Fákur

Viðar Ingólfsson Hestamannafélagið Fákur

Þorgeir Ólafsson Hestamannafélagið Borgfirðingur

Landssamband hestamannafélaga óskar þessum afreksknöpum til hamingju með sæti sín í landsliði Íslands í hestaíþróttum og horfir með eftirvæntingu fram á spennandi tímabil.

Forsala miða á Landsmót hestamanna

Mon, 04 Dec 2023 14:30:55 GMT

Vertu sniðugur og tryggðu þér miða á forsöluverði á Landsmót hestamanna næsta sumar. Verð á vikupassa fyrir fullorðna er 21.900kr fram að áramótum. Landsmót hestamanna verður haldið í Reykjavík dagana 1.-7.júlí 2024 af hestamannafélögunum Spretti og Fáki og undirbúningur er í fullum gangi!

Forsala miða er hafin og stendur til 31.desember 2023. Miðaverð á vikupassa fyrir fullorðna er nú 21.900kr og fyrir 14-17 ára 9.900kr en ókeypis er fyrir 13 ára og yngri.

Miðasala fer fram á tix.is! Hér er beinn hlekkur á miðasöluna; https://tix.is/is/event/15875/landsmot-hestamanna-2024/

Allar nánari upplýsingar um Landsmót hestamanna 2024 er að finna á heimasíðu Landsmóts www.landsmot.is og í tölvupósti á landsmot@fakur.is

Tryggið ykkur miða í tíma!

U-21 landsliðshópur 2024

Mon, 04 Dec 2023 11:01:26 GMT

Hekla Katharína Kristinsdóttir landsliðsþjálfari U-21 landsliðsins í hestaíþróttum hefur nú valið fyrsta úrtak í landsliðshóp sinn fyrir starfsárið 2024.

Framundan eru heilmikil verkefni hjá hópnum en landsliðshópurinn starfar yfir allt árið. Hápunktur komandi árs er þátttaka á Norðurlandamótinu í Herning í Danmörku 8-11 ágúst næstkomandi og lokahópur Íslands á mótið verður kynntur í sumar.

Það er óhætt að segja að hópurinn sé ótrúlega vel skipaður og sterkir knapar að koma inn úr ungligaflokki þar sem samkeppnin hefur verið fyrnasterk undanfarin ár ásamt eldri og reyndari knöpum og ríkjandi heimsmeisturum frá því í Hollandi 2023.

Hópurinn er skipaður eftirfarandi knöpum:

Benedikt Ólafsson

Hestamannafélagið Hörður

Dagur Sigurðarson

Hestamannafélagið Geysir

Elva Rún Jónsdóttir

Hestamannafélagið Sprettur

Fanndís Helgadóttir

Hestamannafélagið Sörli

Guðmar Hólm Ísólfsson

Hestamannafélagið Þytur

Guðný Dís Jónsdóttir

Hestamannafélagið Sprettur

Hekla Rán Hannesdóttir

Hestamannafélagið Sprettur

Herdís Björg Jóhannsdóttir

Hestamannafélagið Sprettur

Hulda María Sveinbjörnsdóttir

Hestamannafélagið Sprettur

Jón Ársæll Bergmann

Hestamannafélagið Geysir

Matthías Sigurðsson

Hestamannafélagið Fákur

Ragnar Snær Viðarsson

Hestamannafélagið Fákur

Signý Sól Snorradóttir

Hestamannafélagið Máni

Sigurður Baldur Ríkharðsson

Hestamannaféglaið Sprettur

Svandís Aitken Sævarsdóttir

Hestamannafélagið Sleipnir

Unnsteinn Reynisson

Hestamannafélagið Sleipnir

Védís Huld Sigurðardóttir

Hestamannafélagið Sleipnir

Þórgunnur Þórarinsdóttir

Hestamannafélagið Skagfirðingur

Landssamband Hestamannafélaga óskar þessum knöpum innilega til hamingju með sæti sín í U21-landsliðshóp Íslands í hestaíþróttum og horfir með eftirvæntingu fram á spennandi tímabil.

Rafræn menntaráðstefna LH í janúar 2024 með frábærum fyrirlesurum og spennandi pallborði

Tue, 28 Nov 2023 15:56:00 GMT

Menntanefnd LH í samstarfi við Horses of Iceland, stendur fyrir rafrænni Menntaráðstefnu nú í janúar 2024, með frábærum kennurum og pallborðsfólki. Þema þessarar ráðstefnu er hið svokallaða „Social Licence to operate“ eða „félagslegt leyfi til ástundunar“ - sem fjallar um hinn aukinn þrýsting víðsvegar frá um hvort verjandi sé að brúka dýr og þar með hross eingöngu til ánægju okkar mannfólksins. Þessi umræða er orðin mjög áberandi víða um heim og við hestafólk (ekki síst erlendis en jafnvel á Íslandi einnig) finnum fyrir sívaxandi gagnrýni um hlutverk hrossa í okkar menningu. Þar sem okkar hestar eru þar að auki fremur smáir lendum við Íslandshestafólk jafnvel enn meira í þessari gagnrýni.

En hver er eiginlega þekkingin á þessu sviði?
Rafræna ráðstefnan núna í janúar mun fjalla um hvernig vísindin geta stutt okkur í þessari umræðu allri og sérstaklega teknar fyrir nýlegar rannsóknir sem snúa að heilbrigði og endingu hrossanna okkar og hvaða áhrif við höfum í raun á hestana og öfugt.

Ráðstefnan er hugsuð fyrir þjálfara og reiðkennara innan Menntamatrixu FEIF og dómara innan Íslandshestamennskunar, en hægt er að senda inn beiðni til LH ( lhhestar@lhhestar.is ) um aðgang sé viðkomandi ekki innan þessara hópa. Þátttaka í ráðstefnunni gildir sem símenntun fyrir Menntamatrixu FEIF frá LH (endilega kannið hvort ykkar landssamtök ef önnur en LH, samþykki einnig endurmenntunargildið).

Dagskráin er eftirfarandi, 5 kvöld, milli 19-21 ísl.tíma/GMT:

Verð er 13.000 en 15% afsláttur fyrir alla þá sem skrá sig fyrir 15.desember.
Skráning fer í gegnum síðu Menntanefndar LH – smellið hér að neðan:
Skráning á menntaráðstefnu

Á næstu vikum munum við kynna betur þá kennara sem að ráðstefnunni koma, fylgist með og takið frá umrædd kvöld!

Með kærri kveðju og tilhlökkun,
Menntanefnd LH

REGISTER

Formannafundur LH 2023

Tue, 28 Nov 2023 12:00:00 GMT

Formannafundur LH var haldinn laugardaginn 18. nóvember sl. Fundinn sóttu um 60 manns frá 27 hestamannafélögum auk fulltrúa frá fastanefndum LH, dómarafélögunum og stjórn LH. Góðar og uppbyggilegar umræður urðu á fundinum sem stjórn LH tekur með sér í undirbúning Landsþings 2024.

Formaður fór í ræðu sinni yfir þau mál sem hafa verið fyrirferðarmest í starfsemi LH á árinu ásamt því að tæpa á helstu verkefnum sem framundan eru. Gjaldkeri fór yfir stöðu reikninga og uppfærðar fjárhagsáætlanir. Fjárhagsleg staða LH er með ágætum en ljóst er að efla þarf tekjustofna LH til að samtökin geti staðið undir þeim verkefnum og þjónustu sem þeim er ætlað að veita. Formaður öryggisnefndar kynnti myndband sem nefndin hefur látið gera sem fjallar um hverju þarf að huga að varðandi öryggi reiðtygja. Myndbandið verður birt á samfélagsmiðlum innan skamms.

Æskulýðsbikar LH hlaut Hestamannafélagið Jökull og veitti formaður Jökuls bikarnum móttöku. Tveir félagsmenn hlutu gullmerki LH á fundinum en það voru þau Magnús Benediktsson og Helga B. Helgadóttir sem hlutu viðurkenningu fyrir framlag sitt til hestaíþróttanna í gegnum árin.

Að loknum hefðbundnum fundarstörfum var fundinum skipt upp í þrjá umræðuhópa sem fjölluðu um mótamál, fjáröflun og útbreiðslu.

Mest þátttakan varð í umræðuhópi um mótamál þar sem voru þrjú meginmál til umræðu; Landsmót, Íslandsmót og mótaraðir.

Hópnum var skipt í fjóra umræðuhópa þar sem mörg stór málefni um mótahaldið voru reifuð. Guðni Halldórsson formaður LH og Hinrik Þór Sigurðsson sviðstjóri mótamála hjá sambandinu leiddu umræðurnar með því að bera fram spurningar úr hverjum flokki um sig og hóparnir ræddu hvert málefni ítarlega og hópstjórar hvers hóps komu svo upp og gerðu grein fyrir helstu punktum frá hverjum hóp um sig.

Umræðurnar voru mjög líflegar og magir snertifletir ræddir á hinum ýmsu málum og ljóst að það er heilmikið að vinna úr í framhaldinu.

Fyrsti hluti umræðnanna snérist um málefni Landsmóts og Íslandsmótanna.

Umræðuefnin voru eftirfarandi:

Seinni hlutinn var umræða um innanhúsmótin og það stóra keppnistímabil sem fram fer innanhúss yfir vetrarmánuðina.

Umræðuefnin voru eftirfarandi:

Í umræðuhópi um fjáröflun var fjallað um keppnisleyfi sem eru við lýði í flestum öðrum FEIF-löndum og velt upp hugmyndum hvort ætti að taka upp innan LH þar sem langmestur tími stjórnar, nefnda og starfsmanna fara í að fjalla um og þjónusta mótahaldið. Um 12% félagsmanna innan LH taka þátt í keppni en allir félagsmenn fjármagna mótahaldið jafnt.

Einnig var rætt um styrki sem standa hestamannafélögum til boða eins og öðrum íþróttafélögum.

Útbreiðslunefnd tók saman upplýsingar um hvaða styrkir standa til boða hverju hestamannafélagi fyrir sig. Allir formenn hestamannfélaga fengu sendar upplýsingar um mögulega styrkri í þeirra héraði, hver umsóknarfresturinn er og hvað þurfi að hafa í huga þegar sótt er um styrki. Þetta er gott verkfæri fyrir félögin til að nýta fyrir einstök verkefni og framkvæmdir.

Í umræðuhópi um útbreiðslu var fjallað um vinnu nefndarinnar síðasta árið auk þess sem hugað var að frekari verkefnum til útbreiðslu og nýliðunar. Ýmsar hugmyndir komu fram sem geta ýtt undir fjölbreytileika og útbreiðslu hestaíþrótta t.d. Trek, Víðavangskeppnir, Þolreiðar, Smali, Hestafimleikar, Sirkusnámskeið, Fimikeppnir, Hindrunarstökk ofl. Þá var einnig rætt um að endurvekja veðkappreiðar eins og þekktust hér á árum áður.

Í samtali hópsins kom það fram að það sem stendur hvað oftast í vegi fyrir nýliðun er aðgangur að hesthúsum fyrir æskuna. Félagshesthúsin hafa komið þar sterkt inn og ljóst er að margar góðar útfærslur eru til á þeirri framkvæmd.

Þá hafa opnir dagar í hesthúsum og sýningar í reiðhöllum undanfarið notið mikilla vinsælda og er ákaflega sniðugt verkfæri til að auka sýnileika hestamennskunnar.

Stjórn þakkar formönnum og öðrum þátttakendum á formannafundi fyrir uppbyggilegar umræður sem munu nýtast vel á komandi starfsári.

Skýrsla stjórnar LH 2023

Svipmyndir frá formannafundi og uppskeruhátíð

Mon, 27 Nov 2023 13:07:00 GMT

Laugardaginn 18. nóvember síðastliðinn fór fram bæði formannafundur LH og uppskeruhátíð. Dagurinn einkenndist af gleði og samvinnu þar sem litið var yfir farinn veg á árinu en einnig horft fram á veginn og næstu verkefni sett af stað. Hér meðfylgjandi má sjá eitt af þeim glæsilegu videoum sem Óskar Nikulásson útbjó fyrir hátíðina, þá er einnig meðfylgjandi svipmyndir frá formannafundinum og uppskeruhátíðinni.

Hér má opna albúmið og skoða myndirnar í betri upplausn

Fundur um aukið samstarf LH og Háskólans á Hólum

Thu, 23 Nov 2023 15:19:45 GMT

Í vikunni voru lögð drög að samkomulagi á milli LH og Hólaskóla um stóraukið samstarf sem miðar að auknum stuðningi við menntun afreksknapa landsliðanna og hæfileikamótunarhóp LH. Er stefnt að því að samningur verði kláraður, kynntur og undirritaður í tengslum við menntadag Landsliðsins 16. desember næstkomandi.

„Þetta var frábær fundur sem verður án efa upphafið að stórauknu samstarfi LH og Hólaskóla. Það er verðmætt fyrir okkur að ná að auka samstarfið enn frekar og teljum að svona samstarf geti nýst báðum aðilum mjög vel. Við hjá LH erum stöðugt að setja markið hærra og viljum ávallt vera í fararbroddi þegar kemur að menntun okkar afreksfólks. Aukið samstarf við Hólaskóla er stór og mikilvægur þáttur í því að okkar mati. Þá er það von okkar og trú að nemendur, kennarar og skólinn sjálfur muni einnig njóta góðs af samstarfinu og vera virkari þáttakandi í metnaðarfullu afreksstarfi LH“ segir Guðni Halldórsson formaður LH.

Hólmfríður Sveinsdóttir hjá Háskólanum á Hólum tók undir þessi orð Guðna og sagði: ,,Bætt umgjörð starfsins í kringum afreksknapana kallar á aðkomu fjölbreyttra aðila, þar á meðal háskólasamfélagsins. Háskólinn á Hólum hefur í gegnum tíðina átt í afar farsælu samstarfi við LH og landslið Íslands í hestaíþróttum og hafa margir af okkar helstu afreksknöpum og þjálfurum menntað sig í reiðmennsku og reiðkennslu við Háskólann á Hólum. Háskólinn á Hólum hefur verið brautryðjandi í námi og rannsóknum á sviði reiðmennsku á íslenska hestinum og hefur það að markmiði að efla námið og rannsóknirnar enn frekar. Markvissara og nánara samstarf við LH og íslenska landsliðið er lykilþáttur í þeirri vegferð skólans.“

Glæsileg verðlaun á uppskeruhátíðinni

Thu, 23 Nov 2023 14:56:00 GMT

Á uppskeruhátíð hestamanna var nýr verðlaunagripur kynntur, hannaður af Sign.

Sigurður Ingi kynnti gripinn á hátíðinni og lýsti honum svona:

Einnig fengu verðlaunahafar afar glæsileg hestamálverk máluð og gefin af Berthu G. Kvaran. Kunnum við henni bestu þakkir fyrir þessa glæsilegu gjöf. Það er dýrmætt fyrir félagasamtök á borð við LH að eiga slíka velunnara.

Menntanefnd LH auglýsir netkosningu á reiðkennara ársins 2023

Thu, 23 Nov 2023 10:45:43 GMT

Menntanefnd LH auglýsir netkosningu á reiðkennara ársins 2023. Kosningu lýkur á miðnætti fimmtudaginn 1. desember. Það nafn sem verður fyrir valinu verður síðan sent í kosningu á vefsíðu FEIF (FEIF instructor/trainer of the year), þar sem kosið verður um einn reiðkennara frá hverju FEIF landi.

Tilnefndir eru:

Finnbogi Bjarnason: Finnbogi starfar sem reiðkennari og við þjálfun hrossa bæði á Íslandi og í Sviss. Hann kennir við hestabraut FNV á Sauðárkróki sem er þriggja ára námsbraut í hestamennsku. Einnig er hann kennari í reiðmanninum á Sauðárkróki þar sem fjöldi nemenda eru skráðir en það er nám í reiðmennsku og hestafræðum á vegum Landbúnaðarháskóla Íslands. Hann er einnig reiðkennari í æskulýðsstarfi Skagfirðings og hefur verið síðustu ár þar sem hann kennir keppnisþjálfun og almenna reiðkennslu krakkanna en Finnbogi hefur sjálfur töluverða reynslu í keppni ásamt því að kenna öflug námskeið fyrir félagsmenn Skagfirðings. Í Sviss hefur hann einnig verið virkur í reiðkennslu bæði með ungmennum og fullorðnum, meðal annars aðstoðarmaður og þjálfari nokkura keppenda í Svissneska landsliðinu á HM í Hollandi sl. sumar. Finnbogi hefur mikinn metnað, ávallt jákvæður fyrir verkefninu og nemendur láta afar vel af honum.

Hekla Katharína Kristinsdóttir: Hekla hefur mikinn metnað fyrir hönd nemanda sinna en gerir á sama tíma raunhæfar kröfur byggðar á getustigi sinna nemenda. Hekla hefur einstakt lag á að miðla reynslu sinni við þjálfun og keppni. Hún setur alltaf hag og velferð hestsins í fyrsta sæti og miðlar því skýrt til sinna nemenda. Enginn afsláttur gefinn þar. Hekla er kennari með mikla reynslu, þekkingu og metnað til framfara, hún hefur ástríðu til að miðla sem og hæfnina sem til þarf.

Þorsteinn Björnsson: Þorsteinn er reiðkennari við Háskólann á Hólum. Kennari sem hefur haft mótandi áhrif á reiðkennara framtíðarinnar til fjölda ára og leynir mikið á sér. Nemendur þekkja ekki endilega margir til hans þegar þeir mæta en hann kemur sterkur inn og kemur því nemendum oftar en ekki á óvart. Hann lætur nemendum sínum líða vel og fær fólk til að velta sér ekki um of uppúr mistökum sínum. Þess utan er hann einnig farinn að kenna Reiðmanninn og er þannig að hafa áhrif á hinn almenna reiðmann á Íslandi í auknum mæli.

Kjósa reiðkennara ársins

Hestamannfélagið Jökull hlaut æskulýðsbikar LH

Wed, 22 Nov 2023 15:27:00 GMT

Æskulýðsbikar LH er árlega afhentur því félagi sem skara hefur þótt fram úr með sínu æskulýðsstarfi á undangengnu starfsári og hefur verið afhentur frá því 1996. Valið byggir á ársskýrslum æskulýðsnefnda félaganna, sem sendar eru inn til æskulýðsnefndar LH á haustin og hefur nefndin það verkefni að velja bestu skýrsluna.

Þetta er ein sú æðsta viðurkenning sem hægt er að hljóta fyrir æskulýðsstarf félaganna og metnaðarfullt æskulýðsstarf skiptir gríðarlegu máli fyrir framtíð hestamennskunar. Við teljum að öflugt æskulýðsstarf skili af sér öflugum hestamönnum og framtíðar grasrót félaganna. Nefndin heldur því staðfastlega fram að æskulýðsstarfið sé mikilvægasta starf hvers félags.

Í ár voru skýrslurnar 9 talsins, heldur færri en síðustu ár. Nefndin hvetur fleiri félög að senda inn æskulýðsnefndarskýrslur en vill þó þakka öllum þeim félögum sem skiluðu inn skýrslu í ár. Það er alltaf gaman að lesa um æskulýðsstörfin í félögunum og ekki síðra þegar fylgja myndir með í skýrslunum. Það er ánægjulegt að sjá að félögin eru áfram að stíga skref í þá átt að líta á sig sem íþróttafélög og bjóða upp á markvissar æfingar, líkt og gert er í öðrum íþróttagreinum. Nefndin telur það skref í rétta átt fyrir íþróttina og með það að leiðarljósi muni greinin vaxa og dafna í framtíðinni.

Í skýrslunum má sjá hve mikið og öflugt starf fer fram í félögunum. Það er ánægulegt að sjá hvað félögin eru dugleg að bjóða upp á hina ýmsu viðburði fyrir æskuna, jafnt með og án hesta. Í skýrslunum má sjá öflugt og gott æfinga- og námskeiðshald hjá félögunum. Eins er ánægulegt að sjá aukningu í að sveitarfélög styðji við æskulýðsstarfið. Mörg félög stóðu fyrir reglubundnum æfingum, almennum reiðnámskeiðum, keppnisnámskeiðum og knapamerkjanámið virðist alltaf vera jafn vinsælt. Auk þess voru mörg félög sem stóðu fyrir sýningum þar sem æskan fékk að njóta sýn.

Ærið verkefni var að velja handhafa þessa árs og þurfti nefndin virkilega að ræða sig saman um niðurstöðu. Margar skýrslunar voru mjög góðar. Á endanum kom nefnind sér saman um að tvö félög stæðu efst. Félögin tvö eiga það sammerkt að vera sameiningarfélög. Það félag sem þótti standa upp úr hefur tekið æskulýðsmálin föstum tökum og lagt mikinn metnað í starfið. Félagið er með mjög virkt starf og virðist vaxa og dafna ár frá ári, þrátt fyrir ungan aldur.

Á síðasta starfsári buðu þau upp á mjög fjölbreytt úrval viðburða og hafa sem markmið að bjóða upp á námskeið, fræðslu og skemmtun fyrir eins breiðan hóp og mögulegt er. Þau byrjuðu starfið sitt strax á haustmánuðum og störfuðu fram á sumar. Auk þess að bjóða upp á knapamerkjanám og bjóða upp á vikulegar æfingar má sjá í skýrslunni þeirra að þau eru dugleg að bjóða upp á fjölbreytt námskeið og hugsa út fyrir boxið. Þau buðu meða annars upp á frumtamningarnámskeið fyrir unglinga og ungmenni. Meðal þess sem okkur fannst athyglisvert er að þau buðu upp á fyrsta hjálp fyrir hestakrakka og sú staðreynt að þau ná að halda úti ótrúlega öflugu starfi miða við hve stórt félagssvæðið er landfræðilega. Félagið telur um 690 félagsmenn og var stofnað árið 2021. Þau sendu inn vandaða 16 blaðsíðna skýrslu sem var vel uppsett og myndskreytt.

Handhafi Æskulýðsbikars Landsambands hestamannafélag 2023 er Hestamannafélagið Jökull í uppsveitum Árnessýslu. Vil ég biðja Brag Viðar Gunnarsson formann félagsins að veita bikarnum viðtöku fyrir hönd æskulýðsnefndar Jökuls.

Til hamingju Jökull!

LH félagi ársins - Sæmundur Ólafsson

Wed, 22 Nov 2023 15:09:26 GMT

Stjórn LH óskaði eftir tilnefndingum frá hestamannafélögunum um félaga ársins ásamt rökstuðningi fyrir valinu. Nokkrar tilnefningar bárust sem félagsmenn höfðu síðan tækifæri til að kjósa á milli. Hlutskarpastur í kjörinu var Sæmundur Ólafsson í Fáki.

Í tilnefningunni segir: ,,Sæmundur hefur í mörg ár staðið vaktina við alla helstu viðburði og mót í Fáki. Hann er ávallt boðinn og búinn til að aðstoða, hvort sem það er við undirbúning eða vinnu á viðburðunum sjálfum. Sæmundur er nefndarmaður í mótanefnd Fáks en sú nefnd heldur meðal annars Reykjavíkurmeistaramót sem er stærsti hestaviðburður í Íslandshestamennskunni þau ár sem ekki er Landsmót. Til marks um hans óeigingjarna og mikla starf má öruggt telja að yfirgnæfandi hluti knapa mótsins þekki til hans þar sem hann stendur vaktina á Reykjavíkurmeistaramóti frá morgni til kvölds. Sæmundur er öðrum félagsmönnum Fáks mikil fyrirmynd og án hans og annarra sjálfboðaliða Fáks gæti félagið ekki haldið mót og viðburði."

Stjórn LH óskar Sæmundi innilega til hamingju með nafnbótina.

Sigrún Sigurðardóttir hlaut Heiðursverðlaun LH

Mon, 20 Nov 2023 12:00:00 GMT

Sigrún Sigurðardóttir er borgarbarn fædd með hestadellu.

Foreldrar hennar áttu hesta í Neðri-Fák og var hún mjög ung þegar hún yfirtók hesta foreldranna. Hún naut góðrar aðstoðar Gunnars Tryggva og Sigga hirðis í hestastússinnu, reið mikið út og tók þátt í félagsskap unga fólksins á svæðinu. Sigrún keppti fyrst á kappreiðum árið 1967 og vann þá á hestinum Geysi frá Garðsauka og var knapi á kappreiðum í allmörg næstu ár.

Hún giftist Erlingi A. Jónssyni og gerðist félagi í Hestamannafélaginu Gusti. Hún var þar mjög virk í öllum félagsmálum, sat í stjórn félagsins á tímabili, í fræðslunefnd, æskulýðsnefnd og fleiri nefndum. Einnig sá hún um æskulýðsmál félagsins í mörg ár. Hún var fyrsti formaður kvennadeildar Gusts og var kosinn félagsmálamaður Gusts.

Sigrún sat Landsþing sem fulltrúi Gusts í mörg og var virkust þar í keppnisnefnd. Sigrún hefur nú á seinni árum setið LH þing sem fulltrúi Fáks.

Hún átti sæti í varastjórn LH um tíma og sat einnig í milliþinganefndum, einnig sat hún í stjórn Hestaíþróttasambandsins á meðan það var og hét, og hún var í ritstjórn tímaritsins Hestsins Okkar á tímabili.

Sigrún vann á skrifstofu LH í kring um 1996 og fór meðal annars til Austurríkis á heimsmeistararmót. Þar sá hún um pappírsmál fyrir liðið og var í tímatökuliði mótsins fyrir Íslands hönd.

Sigrún tók gæðingadómarpróf í kringum 1971 og landsdómarapróf í framhaldi af því og var virkur dómari í mörg ár. Hún sat í stjórn dómarafélags LH um árabil og hefur einnig setið í fræðslunefnd gæðingadómarafélagsins. Sigrún hefur verið þulur á flestum Lands- og fjórðungsmótum frá 1971 auk fjölda annarra félagsmóta og mótaraða.

Sigrún var í nokkur ár formaður nefndar um Kvennatölt á skautasvellinu í Rvk. til styrktar landsliðinu í hestaíþróttum.

Sigrún var ein af upphafsmönnum sýningarinnar Æskan og hesturinn og tók þátt í þeim sýningum í mörg ár, bæði sem þulur og sem þjálfari sýnenda.

Sigrún hefur unnið með flestum Æskulýðsnefndum hestamannafélaga á Stór-Reykjavíkursvæðinu.

Hún sá um ásamt fleirum að skipuleggja og koma á fót Æskulýðsmóti á Þingvöllum. Farið var ríðandi með hóp unglinga til Þingvalla, þar sem fjölbreytt námskeið og reiðtúrar voru í boði og gist var tvær nætur.

Síðast enn ekki síst hefur Sigrún starfað við reiðkennslu í yfir 50 ár, bæði hér heima og erlendis og vandfundinn sá knapi sem stundar hestamennsku í dag á aldrinum 10-50 ára sem ekki hefur farið í kennslu til hennar.

Hún hefur verið virkur þátttakandi í uppbyggingu knapamerkja frá upphafi, bæði sem kennari og dómari. Hefur einnig haldið námskeið fyrir verðandi þuli. Reiðámskeiðin hafa verið fjölbreytt m.a. barna- og unglinganámskeið auk námskeiða fyrir óörugga sem nefnd hafa verið „hræðslupúkanámskeið“ auka annarra almennra reiðnámskeiða.

Hún fór til Bretlands og lærði þar þjálfun/kennslu fatlaðra, starfaði svo í samstarfi við sjúkraþjálfara á Fákssvæðinu.

Sigrún Sigurðardóttir hefur á æviskeiði sínu unnið þrekvirki þegar kemur að nýliðunar- og útbreiðslumálum hestamanna ásamt því að vera óþreytandi við að aðstoða hrætt hestafólk við að komast aftur í hnakkinn.

Hún hlaut gullmerki LH 2014 á Selfossi

Helga Björg og Magnús Ben hlutu gullmerki LH

Mon, 20 Nov 2023 11:50:00 GMT

Á formannafundi landssambands hestamannafélaga var tveimur hestamönnum veit gullmerki LH. Það voru þau Magnús Benediktsson og Helga Björg Helgadóttir.

Magnús Benediktsson er öllum hestamönnum kunnugur. Ekki nóg með að hann sé þrefaldur landsmótssigurvegari í stökki þá er hann einnig mikið félagsmálatröll og frumkvöðull. Magnús Benediktsson eða Maggi Ben eins og hann er yfirleitt kallaður hefur setið í ýmsum stjórnum tengdum hestamennsku og staðið fyrir mörgum stórum viðburðum. Maggi hefur meðal annars setið í stjórn íþróttadeildar Geysis, hestamannafélagsins Sindra, stjórn meistaradeildarinnar, varastjórn LH landsliðsnefnd LH og stjórn Rangárbakka þar sem hann gegnir stöðu varaformanns.

Eins og áður var sagt frá þá hefur Maggi er mikill frumkvöðull og staðið fyrir ófáum flottum viðburðum sem hafa náð að festa sig í sessi hjá okkur hestamönnum.

Maggi stóð fyrir fyrstu stóðhestaveislunni árið 2009 og hefur viðburðurinn verið haldin árlega síðan. Hann gaf út fyrstu stóðhestabókina, biblíu hvers hestamanns og stendur enn þétt við bakið á því verkefni. Maggi hefur staðið fyrir góðgerðargólfmótum fyrir hestamenn, hann stofnaði áhugamannadeild Spretts og setti á laggirnar Blue Lagoon mótaröðina.

Á árunum 2014 – 2020 gegndi Magnús stöðu framkvæmdarstjóra hestamannafélagsins Spretts og frá 2020 hefur hann gegnt stöðu sem framkvæmdarstjóri Eiðfaxa. Hann hefur verið framkvæmdarstjóri á ýmsum mótum og getið gott orð af sér sem slíkur. Hann hefur verið framkvæmdarstjóri landsmóts, Íslandsmóts og tveggja fjórðungsmóta, nú síðast síðastliðið sumar á Egilsstöðum sem hann leysti vel af hendi eins og svo oft áður.

Magnús hefur auk þess verið ötull í góðgerðamálum og hafa safnast háar fjárhæðir á viðburðum sem hann hefur staðið fyrir. Fjármunir þessir hafa runnið til ýmissa góðgerðasamtaka eins og styrktarfélags krabbameinssjúkra barna, fræðslunefnd fatlaðra í Herði, Grensás, Einhverfusamtakana og ótal annarra samtaka.

Það er heiður LH að veita Magnúsi Benediktssyni Gullmerki LH

Helgu þarf vart að kynna. Helga Björg hefur til fjölda ára unnið óeigingjarnt starf í þágu æskulýðsmála og verið óþreytandi að halda mikilvægi öflugs æskulýðsstarfs á lofti.

Helga hefur verið í ýmsum stjórnum og tekið virkan þátt í starfi Fáks. Hún var í kvennadeild Fáks og gegndi stöðu formanns um tíma. Hún var í æskulýðsdeild þar sem hún einnig gegndi stöðu formanns. Á árunum 1997-2000 var Helga framkvæmdastjóri Fáks og gjaldkeri Fáks frá 2006-2013. Hún hefur verið í stjórn meistaradeildar æskunar og verið í undirbúningsnefnd æskan og hesturinn. Þá hefur Helga einnig látið til sín taka í æskuliðsmálum í Feif. Helga sat í stjórn æskuliðsnefndar Feif frá 2007 – 2022 og kom þar að skipulagi á Youth Cup á Hólum 2014, Youth Camp á Hestheimum 2019 og Feif youth seminar í Eldhestum 2019 ásamt því að fara sem farastjóri íslensku þátttakendanna í flest skiptin. Helga hefur einnig verið virk innan starfsins hjá Landsambandi hestamanna frá 2005. Þar hefur hún setið mörg ár í æskulýðsnefnd ásamt því að sitja í varastjórn og stjórn.

Það er ljóst að Helga brennur fyrir því sem hún tekur sér fyrir hendur og þá sérstaklega æskulýðsmálum.

Það er heiður LH að veita Helgu B Helgadóttur Gullmerki LH.

Rafræn Menntaráðstefna LH í janúar 2024 með frábærum fyrirlesurum og spennandi pallborði!

Mon, 20 Nov 2023 10:48:00 GMT

Menntanefnd LH stendur fyrir rafrænni Menntaráðstefnu nú í janúar 2024, með frábærum kennurum og pallborðsfólki. Þema þessarar ráðstefnu er hið svokallaða „Social Licence to operate“ eða „félagslegt leyfi til ástundunar“ - sem fjallar um hinn aukinn þrýsting víðs vegar frá um hvort verjandi sé að brúka dýr og þar með hross eingöngu til ánægju okkar mannfólksins. Þessi umræða er orðin mjög áberandi víða um heim og við hestafólk (ekki síst erlendis en jafnvel á Íslandi einnig) finnum fyrir sívaxandi gagnrýni og þekkingarleysi um hlutverk hrossa í okkar menningu. Þar sem okkar hestar eru þar að auki fremur smáir lendum við Íslandshestafólk jafnvel enn meira í þessari gagnrýni.

Rafræna ráðstefnan núna í janúar mun fjalla um hvernig vísindin geta stutt okkur í þessari umræðu allri og sérstaklega teknar fyrir nýlegar rannsóknir sem snúa að heilbrigði og endingu hrossanna okkar og hvaða áhrif við höfum í raun á hestana og öfugt.

Ráðstefnan er hugsuð fyrir þjálfara og reiðkennara innan Menntamatrixu FEIF og dómara innan Íslandshestamennskunar, en hægt er að senda inn beiðni til LH um aðgang sé viðkomandi ekki innan þessara hópa. Þátttaka í ráðstefnunni gildir sem símenntun fyrir Menntamatrixu FEIF frá LH (endilega kannið hvort ykkar landssamtök ef önnur en LH, samþykki einnig endurmenntunargildið).

Stefnt er að fimm kvöldum í janúar 2024, (9., 11., 14, 16. og 23.janúar) og verður einn fyrirlesari í senn fyrstu fjögur kvöldin, fimmta kvöldið verður svo samantekt og pallborðsumræður með fulltrúum ýmissa geira hestamennskunnar.

Þátttakendur skrá sig hér: Skráning á menntaráðstefnu

Verð er 13.000 krónur (85€)

Á næstu vikum munum við kynna þá kennara sem að ráðstefnunni koma, fylgist með og takið frá umrædd kvöld!

Með kærri kveðju og tilhlökkun,
Menntanefnd LH.

Knapi ársins 2023

Mon, 20 Nov 2023 09:58:00 GMT

Á Uppskeruhátíð LH voru krýndir bestu knapar ársins. Valnefnd stendur að baki valinu. Nefndin er skipuðuð hópi hestamanna og þar eiga fulltrúa stjórn LH, GDLH, HÍDÍ, fjölmiðlar og FT. Við val á knöpum ársins skal tekið tillit til árangurs á árinu: ástundunar, prúðmennsku og íþróttamannlegrar framkomu innan vallar sem utan, sem og reglusemi. Knapi ársins í hverjum flokki er valinn sá sem talinn er hafa náð framúrskarandi árangri á sviði reiðmennsku og frammistaða hans sé álitin hestaíþróttinni til framdráttar, hvort sem um er að ræða eitt afgerandi afrek, eða frábæran árangur í mörgum greinum á mörgum mótum. Við val þeirra sem viðurkenningar hljóta skal gaumgæfa árangur jafnt hér heima sem erlendis (WR mót og stórmót).

Efnilegasti knapi ársins - Jón Ársæll Bergmann

Jón Ársæll náði á árinu frábærum árangri í mörgum greinum hestaíþróttanna. Hann er tvöfaldur heimsmeistari þar sem hann vann fjórgang og samanlagðar fjórgangsgreinar en hann er einnig fjórfaldur Íslandsmeistari þar sem hann vann fjórgang, samanlagðar fjórgangsgreinar, tölt og 250m skeið. Hann var einnig í öðru sæti í flugskeiði á Íslandsmóti.

Jón Ársæll hlýtur nafnbótina “Efnilegasti knapi ársins 2023”

Aðrir tilnefnir:

Arnar Máni Sigurjónsson
Arnar Máni er Íslandsmeistari í slaktaumatölti með Arion frá Miklholti en hann var einnig í þriðja sæti í fimmgangi ungmenna á sama móti. Arnar var í öðru sæti í gæðingaskeiði á Reykjavíkurmeistaramóti með Heiðu frá Skák.

Signý Sól Snorradóttir
Signý vann fjórgang á Reykjavíkurmeistaramóti á Kolbeini frá Horni I. Hún náði góðum árangri á Íslandsmóti þar sem hún var í öðru sæti í þremur greinum: Tölti, fjórgangi og slaktaumatölti.

Sigríður Ingibjörg Einarsdóttir
Sigríður er Íslandsmeistari í 100m skeiði með Ylfu frá Miðengi en þær vinkonurnar voru einnig í fyrsta sæti á Reykjavíkurmeistaramóti og fyrsta sæti í gæðingaskeiði á WR móti Geysis. Sigríður vann til silfurverðlauna á Heimsmeistaramótinu í flugskeiði.

Védís Huld Sigurðardóttir
Védís Huld var í öðru sæti á Íslandsmóti og Reykjavíkurmóti í slaktaumatölti með Hrafnfaxa frá Skeggsstöðum ásamt því að ríða til A-úrslita í tölti á Íslandsmóti og Reykjavíkurmóti.

Keppnishestabú ársins 2023 er Strandarhjáleiga.

Fjöldi hrossa frá Strandarhjáleigu hafa á árinu náð góðum árangri víða um heim.
Hæst ber að nefna þá Kjalar og Byr en Byr er ríkjandi þýskur meistari í samanlögðum fimmgangsgreinum og er lang efstur á World ranking listanum yfir samanlagðar fimmgangsgreinar með meðaleinkunina 7.66. Hæsta skorið hans í fimmgangi á árinu er 7.87 í forkeppni, sem er hæsta einkunn sem gefin hefur verið í forkeppni á WR mótum á árinu.
Kjalar er þýskur meistari í tölti og endaði í þriðja sæti í tölti og fimmta sæti í fjórgangi á Heimsmeistaramótinu í Hollandi. Uður og knapi hennar Elimar Elvarsson unnu einnig í barnaflokki á Fjórðungsmóti Austurlands með einkunnina 8.77 en einnig var Mylla frá Strandarhjáleigu í þeim úrslitum.

Hross frá Strandarhjáleigu hafa á árinu litað mótahald í Íslandshestaheiminum með glæsibrag. Hrossin frá Strandarhjáleigu gerðu það gott á sínum mótum víðsvegar um heiminn. Má þar nefna t.d Þýskaland, Sviss, Noreg, Frakkland, Danmörk, Austurríki, Heimsmeistaramótið í Hollandi og hér heima á Íslandi.

Strandarhjáleiga ræktar afburðagóð keppnishross sem ná árangri í keppni á öllum sviðum og hlýtur nafnbótina Keppnishestabú ársins 2023

Önnur tilnefnd keppnisbú:

Auðsholtshjáleiga
Auðsholtshjáleiga hefur á árinu átt fjölda hrossa í keppni víða um heim. Toppur er sænskur meistari í tölti ásamt því að vera í A-úrslitum í sömu grein á Heimsmeistaramótinu. Elva vann í barnaflokki á Gæðingamóti Fáks og var í þriðja sæti í tölti á Íslandsmóti barna. Vakar og Viljar voru í úrslitum í A-flokki á Gæðingamóti Fáks og Selma vann í barnaflokki á Gæðingamóti Fáks ásamt því að vera í úrslitum í fjórgangi og gæðingatölti á Íslandsmóti barna.

Árbæjarhjáleiga II
Hross frá Árbæjarhjáleigu II lituðu mótahaldið á Íslandi og Þýskalandi á árinu með frábærum árangri í íþróttakeppni bæði í meistaraflokkum sem og yngri flokkum. Gamalreyndur snillingur Kjarkur sem stendur ávallt fyrir sínu stendur efstur á World Ranking lista í 250, 150 og 100m skeiði og heldur áfram að gera stórkostlega hluti með knapa sínum.
Hilmir átti góðar sýningar í slaktaumatölti en hann var meðal annars í þriðja sæti á Íslandsmóti og fjórða sæti á Reykjavíkurmóti. Mörg hross voru að stíga sín fyrstu skref í keppni og náðu strax eftirtektarverðum árangri.

Fet
Frá Feti hafa hross náð góðum árangri á líðandi keppnisári. Þar má fyrst nefna Íslandsmeistarann í slaktaumatölti, Njörð sem og alsystir hans sem er Svissneskur meistari í sömu grein Viðju.
Draumur vann slaktaumatölt á Suðurlandsmóti og Dröfn var í níunda sæti í tölti á Íslandsmóti.

Garðshorn á Þelamörk
Ræktunarbúið Garðshorn á Þelamörk hefur á árinu átt fjölda hrossa í keppni víða um heim. Fremstur í flokki fer Kastor sem náði frábærum árangri á árinu en hann var meðal annars Íslandsmeistari, Reykjavíkurmeistari ásamt því að eiga besta tímann í 250m skeiði á árinu. Hann var einnig í úrslitum í A-flokki á fjórðungsmóti í sumar með 8.89 í einkunn.
Leynir, Sirkus og Adrían náðu einnig góðum árangri í sínum greinum.

Skeiðknapi ársins Daníel Gunnarsson

Daníel Gunnarsson
Daníel hefur átt gott ár í skeiðgreinum á árinu sem er að líða en hann vann meðal annars til silfurverðlauna í 250m skeiði á Heimsmeistaramótinu í Hollandi með Einingu frá Einhamri og varð í þriðja og sjötta sæti í sömu grein á Íslandsmóti.

Daniel náði eins og svo oft áður frábærum árangri í skeiði á árinu sem er að líða og er með tvö hross undir 22.0 sekúndum á stöðulista í 250m skeiði og þrjú hross undir 8.0 sekúndum í flugskeiði. Þar má helst nefna systurnar Einingu og Kló frá Einhamri en Eining og Daniel unnu til silfurverðlauna í eftirminnilegum lokaspretti í 250m skeiði á Heimsmeistaramótinu sl. sumar.

Daníel átti frábært ár í skeiðkappreiðum ársins og hlýtur nafnbótina “Skeiðknapi ársins 2023.”

Aðrir tilnefndir:

Elvar Þormarsson
Elvar Þormarsson skráði Fjalladís frá Fornusöndum í fyrsta skipti til leiks í 250m skeiði á Heimsmeistaramótinu í Hollandi og unnu þau þar til gullverðlauna.

Hans Þór Hilmarsson
Hans náði á árinu þriðja besta tímanum í 250m skeiði og varð í 6.sæti í þeirri grein og 5.sæti í flugskeiði á Heimsmeistaramótinu í Hollandi með Jarl frá Þóroddsstöðum. Hann varð einnig í 5.sæti á Íslandsmóti í 250 og 100m skeiði og vann 100m skeið á Reykjavíkurmóti.

Ingibergur Árnason
Ingibergur var í fjórða sæti á Íslandsmóti í 250m skeiði og á fimmta besta tímann á árinu í þeirri grein með Sólveigu frá Kirkjubæ. Hann var í þriðja sæti í 150m skeiði og öðru sæti í flugskeiði á sama móti. Á Reykjavíkurmóti varð hann í öðru sæti í flugskeiði og sjötta sæti í 250m skeiði.

Teitur Árnason
Teitur er efstur á stöðulista í flugskeiði með Drottningu frá Hömrum II. Hann varð Íslandsmeistari í 100m skeiði og í öðru sæti á Heimsmeistaramótinu í 100m skeiði.

Gæðingaknapi ársins - Gústaf Ásgeir Hinriksson
Gústaf vann A-flokk á Fjórðungsmóti með Bjarma frá Litlu - Tungu 2 en þeir hlutu einkunnina 9.36. Þeir unnu einnig A-flokk á Gæðingamóti Geysis.

Gústaf vann A-flokk á Fjórðungsmóti með Bjarma frá Litlu - Tungu 2 en þeir hlutu einkunnina 9.36 ásamt því að Bjarmi var valinn gæðingur mótsins en sýning þeirra félaga bæði í forkeppni og í úrslitum var fallega útfærð, átakalaus og skein af henni mikil fagmennska. Þeir unnu einnig A-flokk á Gæðingamóti Geysis en þeir leiddu eftir forkeppni og unnu úrslit á báðum mótum.

Gústaf Ásgeir hlýtur nafnbótina “Gæðingaknapi ársins 2023.”

Aðrir tilnefndir:

Auðunn Kristjánsson
Auðunn vann B-úrslit í A-flokki á Fjórðungsmóti með Penna frá Eystra-Fróðholti og vann sig upp í 2.sæti í A-úrslitum með einkunnina 9.14. Hann var einnig í öðru sæti í sömu grein á Gæðingamóti Geysis.

Elín Árnadóttir
Elín Árnadóttir reið til sigurs í B-flokki á Fjórðungsmótinu í sumar með Blær frá Prestsbakka.

Jakob Svavar Sigurðsson
Jakob Svavar vann A-flokk á gæðingamótinu á Flúðum á Nökkva frá Hrísakoti og B-flokk á sama móti á Augasteini frá Fákshólum.

Sigurbjörn Bárðarson
Sigurbjörn vann A-flokk á Gæðingamóti Fáks & Spretts og var í öðru sæti í sömu grein á gæðingamótinu á Flúðum.

Sigurður Sigurðarson
Sigurður vann B-flokk á Gæðingamóti Sleipnis með Bjarnfinn frá Áskoti, reið til A-úrslita í B-flokki á Fjórðungsmótinu, varð öðru sæti í B-flokki á Gæðingamótinu á Flúðum og því þriðja í A-flokki.

Íþróttaknapi ársins - Jóhanna Margrét Snorradóttir

Jóhanna Margrét og Bárður frá Melabergi áttu frábæru gengi að fagna í íþróttakeppni á árinu en þau eru tvöfaldir heimsmeistarar þar sem þau unnu tölt og samanlagðar fjórgangsgreinar ásamt því að vera þrefaldir Íslandsmeistarar þar sem þau unnu fjórgang, tölt og samanlagðar fjórgangsgreinar.

Jóhanna vann stóra sigra á árinu í tölti og fjórgangi með Bárð frá Melabergi en þau urðu heimsmeistarar tölti og samanlögðum fjórgangsgreinum ásamt því að vera þrefaldir Íslandsmeistarar.

Jóhanna Margrét og Bárður standa efst á stöðulista í tölti á árinu. Jóhanna Margrét er með frábæran heildar árangur í íþróttakeppni á árinu 2023 og hlýtur nafnbótina “Íþróttaknapi ársins.”

Aðrir tilnefndir:

Elvar Þormarsson
Elvar hefur verið nær óstöðvandi í gæðingaskeiði á árinu á Fjalladís frá Fornusöndum, en þau lokuðu hringnum þegar þau urðu heimsmeistarar í gæðingaskeiði í sumar. Elvar og Fjalladís unnu gæðingaskeið á Íslandsmóti með þá ótrúlegu einkunn 9,0 og þau unnu einnig þessa grein á Reykjavíkurmeistaramóti.

Elvar náði einnig góðum árangri í fimmgangi með Djáknar frá Selfossi þar sem þeir voru meðal annars í B-úrslitum á Íslandsmóti.

Jakob Svavar Sigurðsson
Jakob Svavar varð Íslandsmeistari í samanlögðum fimmgangsgreinum með Nökkva frá Hrísakoti, vann til bronsverðlauna í slaktaumatölti og var í A-úrslitum í tölti, fjórgangi og fimmgangi á Íslandsmóti.

Sara Sigurbjörnsdóttir
Sara varð á árinu heimsmeistari í fimmgangi á Flóka frá Oddhóli ásamt því að vera í sjötta sæti á Íslandsmóti með sama hest. Hún var í öðru til þriðja sæti í fjórgangi á Íslandsmóti með Flugu frá Oddhóli.

Teitur Árnason
Teitur er þrefaldur Íslandsmeistari á árinu, í 100m skeiði með Drottningu frá Hömrum II, í fimmgangi á Atlasi frá Hjallanesi og í slaktaumatölti á Nirði frá Feti - ásamt því að ríða til A-úrslita í tölti á Íslandsmóti á Sigri frá Laugarbökkum.

Viðar Ingólfsson
Viðar reið til A-úrslita í tölti og fjórgangi á Heimsmeistaramótinu í sumar á Þór frá Stóra-Hofi ásamt því að vinna B-úrslit í tölti á Íslandsmóti þaðan sem hann fór í A-úrslit og vann til silfurverðlauna.

Knapi ársins

Í flokknum knapi ársins komu til greina allir knapar sem tilnefndir voru í fullorðinsflokkunum - Knapi ársins er Elvar Þormarsson.

Árangur Elvars á árinu 2023 var ótrúlegur. Hæst ber að nefna einstakan árangur á Heimsmeistaramótinu í Hollandi 2023 þar sem hann og Fjalladís áttu frábæra spretti í gæðingaskeiði og hlutu einkunnina 8.92 en þau sigruðu einnig 250m skeið í eftirminnilegum lokaspretti og eru því tvöfaldir heimsmeistarar. Þau unnu gæðingaskeið á Íslandsmóti í þriðja skipti með einkunnina 9.0! Elvar Þormarsson er einstakur afreksknapi, sönn fyrirmynd fyrir elju sína, jákvæðni og fagmennsku í hvívetna og hlýtur hann því nafnbótina Knapi ársins 2023.

Sérstök verðlaun í flokkum unglinga og ungmenna fyrir góðan árangur á árinu.

Benedikt Ólafsson
Benedikt átti frábært ár en hann varð tvöfaldur heimsmeistari þar sem hann vann gæðingaskeið og samanlagðar fimmgangsgreinar. Hann varð einnig Íslandsmeistari og Reykjavíkurmeistari í gæðingaskeiði með Leiru Björk frá Naustum III. Benedikt var efnilegasti knapi ársins 2022.

Glódís Rún Sigurðardóttir
Glódís Rún varð á árinu heimsmeistari í fimmgangi með Sölku frá Efri-Brú en þær urðu einnig Íslandsmeistarar í sömu gein og unnu til gullverðlauna á Reykjavíkurmeistaramóti. Glódís var efnilegasti knapi ársins 2020.

Herdís Björg Jóhannsdóttir
Herdís Björg er 17 ára gömul og var því yngsti keppandi landsliðsins á Heimsmeistaramótinu í sumar. Hún varð heimsmeistari í tölti ungmenna með hestinn sinn Kvarða frá Pulu en þau unnu einnig til gullverðlauna á Íslandsmóti ungmenna. Herdís náði þar að auki góðum árangri á Íslandsmóti unglinga þar sem hún varð Íslandsmeistari í gæðingaskeiði á Þórvöru frá Lækjarbotnum.

Við óskum öllum þessum knöpum, tilnefndum og sigurvegurum til hamingju með frábæran árangur á árinu.

Formannafundur LH fer fram í dag

Sat, 18 Nov 2023 13:05:00 GMT

Í dag fer fram formannafundur hestamannafélagana. Það er gleðilegt að sjá fjölda formanna og annarra stjórnamannaí hestamannafélögunum koma saman og ræða málefnin sem brýnast sitja á hestamannafélögunum.

Á dagskráinn er:

Skýrsla stjórnar

Árseikningur 2022 og 9 mánaða uppgjör 2023

Endurskoðuð rekstraráætlun 2023 og 2024

Samþykktir Landsþings 2022

Öryggismál í hestamennsku

Æskulýðsbikar LH 2023

Gullmerki LH

Eftir hádegi mun svo fara fram umræðuhópar þar sem fjallað verður um mótamál, fjáröflunarmál og útbreiðslumál.

Fundurinn fer fram í Laugardalshöll og er góð upphitun fyrir uppskeruhátíðina sem fer síðan fram í kvöld. Það er gleðilegt að segja frá því að uppselt er á uppskeruhátíðina, en þeir sem enn hafa áhuga geta haft samband og farið á biðlista.

Varðandi hátíðina í kvöld minnum við á að húsið opnar kl 18 og hvetjum við hestafólk að mæta tímanlega. Uppselt er á hátíðina.

Örfáir dagar í uppskeruhátið LH

Mon, 13 Nov 2023 12:49:00 GMT

Nú styttist heldur betur í uppskeruhátíðina. Miðasala hefur gegnið vel en þó eru enn óseldir miðar og fer hver að verða síðastur að tryggja sig inn á hátíðina. Hátíðin fer fram í glæsilegum sal hjá Gamla Bíó – Ingólfsstræti.

Húsið opnar kl 18:00 og borðhald hefst kl 19:00 í framhaldi af því verða verðlaunahafar kynntir. Veislustjórar kvöldsins verða Jógvan Hansen og Friðrik Ómar en Hulda Geirs og Hjörvar munu kynna verðalaunahafa kvöldsins. Sigga Beinteins mun koma okkur í gírinn og Dj sjá til þess að skemmtunin endist vel fram á kvöldið. Von er á feiknar skemmtun, glens, gleði, söng og dansi sem enginn hestamaður vill láta framhjá sér fara.

Við minnum á að borðapantanir og tilkynningar um fæðuóþol skal berast til joninasif@lhhestar.is

Hér er er hægt að kaupa miða: Uppskeruhátíð | Landssamband hestamannafélaga (lhhestar.is)

Kosning um LH félaga ársins

Mon, 13 Nov 2023 09:26:00 GMT

Stjórn LH óskaði eftir tilnefningum frá aðildarfélögum LH að félaga ársins, ásamt rökstuðningi fyrir valinu.

Eftirfarandi sjálfboðaliðar hafa verið tilnefndir, endilega kynnið ykkur þau og kjósið hér neðst á síðunni.

Hestamannafélagið Fákur - Sæmundur Ólafsson

Hestamannafélagið Fákur tilnefndir til félaga ársins 2023 Sæmund Ólafsson. Sæmundur hefur í mörg ár staðið vaktina við alla helstu viðburði og mót í Fáki. Hann er ávallt boðinn og búinn til að aðstoða, hvort sem það er við undirbúning eða vinnu á viðburðunum sjálfum. Sæmundur er nefndarmaður í mótanefnd Fáks en sú nefnd heldur meðal annars Reykjavíkurmeistaramót sem er stærsti hestaviðburður í Íslandshestamennskunni þau ár sem ekki er Landsmót.

Til marks um hans óeigingjarna og mikla starf má öruggt telja að yfirgnæfandi hluti knapa mótsins þekki til hans þar sem hann stendur vaktina á Reykjavíkurmeistaramóti frá morgni til kvölds. Sæmundur er öðrum félagsmönnum Fáks mikil fyrirmynd og án hans og annarra sjálfboðaliða Fáks gæti félagið ekki haldið mót og viðburði.

Hestamannafélagið Hringur - Christina Niewert

Christina Niewert eða Tína eins og hún er jafnan kölluð er sannur Hringsfélagi. Hún starfar sem reiðkennari hjá Hring en hún er ekki bara venjulegur reiðkennari því hún brennur fyrir að virkja alla sem hafa minnsta snefil af áhuga á hestum og leggur mikla áherslu á að allir sem vilja, geta fengið tækifæri til að kynnast íslenska hestinum, sérstaklega ef aðstæður viðkomandi eru erfiðar. Eins og hjá börnum sem ekki hafa aðgang að hestum og nýbúum. Þannig berst hún með sína reiðhesta í Hringsholt í reiðkennslu til að börn og ungmenni sem ekki hafa aðgang að hestum geti stundað reiðnámekið hjá Hring. Hún vill gera hestamennsku aðgengilega fyrir alla, börn, hræddar konur og nýbúa.

Tína er hugmyndaríkur frumkvöðull og fær oft góðar hugmyndir sem hún er líka dugleg að framkvæma. Sem dæmi má nefna konuhittingar, prikhestanámskeið, allskonar reiðtúrar með hringsfélögum á öllum aldri og öllum getustigum. Þá á hún sennilega metið í ferðum á hestbaki upp að Skeiðsvatn hér í Svarfaðardal og býður ávallt einhverjum með sér. Hún lætur fátt aftra sér í sinni hestamennsku og eru útsjónasemi, dugnaður og þrautseiga orð sem lýsa henni Tínu einna best.

Tina er alltaf boðin og búin til að taka þátt í hverju því starfi sem þarf, sérstaklega ef það snýr að börnum og unglingum og hefur hún verið í æskulýðsnefnd Hrings til margra ára og er hún einn traustasti nefndarfulltrúinn þeirrar nefndar, mætir á alla fundi og tekur þátt í öllum viðburðum hjá æskulýðsnefndinni. Auk þess að starfa með æskulýðsnefndinni í Hring er Tína óþreytandi stuðningur við hverja þá konu sem einhverra hluta vegna hefur misst kjarkinn gagnvart hestum eða hestamennsku og hefur hún aðstoðað margar konur við að komast aftur af stað í hestamennsku sinni.

Tína er dýrmætur félagi í Hring vegna hæfileika sinna, dugnaðar og starfsorku.

Hestamannafélagið Neisti - Selma Erludóttir

Hestamannafélagið Neisti tilnefnir Selmu Erludóttir sem LH félaga ársins.

Selma hefur unnið mikið og óeigingjarnt starf í þágu félagsins í mörg ár. Hún byrjaði að gera ársreikninga fyrir félagið árið 2000, kom inn í stjórn félagsins árið 2008 sem gjaldkeri og gegnir því hlutverki enn þann dag í dag. Selma hefur séð um heimasíðu félagsins, www.neisti.net í mörg ár.

Einnig var Selma lengi í æskulýðsnefnd og tók þátt í undirbúningi og uppsetningu fjölda sýninga sem hafa verið í reiðhöllinni Arnargerði á Blönduósi

Síðastliðinn vetur fór stjórn Neista af stað með félagshesthús þar sem þátttakendum á námskeiðum á vegum félagsins bauðst að leigja stíur fyrir sína hesta á kostnaðarverði. Einnig buðum við upp á að leigja hesta fyrir þá sem eiga ekki hesta en vildu vera á námskeiðum hjá okkur í vetur. Aðsóknin var vonum framar og færri komust að en vildu. En til að hægt sé að bjóða upp á slíka þjónustu þarf einhver að halda utan um skipulagið og sá Selma alfarið um það. Hún var vakin og sofin yfir þessu verkefni, sá um að setja hestana út og moka og gefa eftir þörfum auk þess sem hún sá um að halda utan um og fá aðra með sér í lið við þessi verk.

Selma er alltaf boðin og búin að hjálpa til og er fyrst af stað þegar eitthvað þarf að gera fyrir félagið.

Hestamannafélagið Skagfirðingur - Heiðrún Ósk Jakóbínudóttir

Hestamannafélagið Skagfirðingur tilnefnir Heiðrúnu Ósk Jakobínudóttir til LH félaga ársins.

Heiðrún Ósk er "JÁ" manneskjan okkar & hefur ekki verið þekkt fyrir að hafa nei í sínum orðaforða. Hún er alltaf boðin og búin til að aðstoða hvar sem þess gerist þörf. Hún er einn af drifkröftum Æskulýðsstarfins í skipulagi og framkvæmd þar sem hún fer fyrir nefndinni og heldur utan um ungana okkar. Einnig er hún mjög dugleg og drífandi við að standa vaktirnar í sjoppunni við fjáröflunar starfið. “Já þetta gerist ekki af sjálfum sér” segir hún stundum. Hún hefur einnig séð um útleigu og þrif á Tjarnabæ, félagshúsinu okkar og hefur gert það með miklum sóma ásamt mörgu öðru sem hún tekur sér fyrir hendur.

Hún er jákvæð, drífandi og mjög svo óeigingjörn á sinn tíma fyrir félagið.

Kosningu er lokið við þökkum fyrir góða þátttöku. Úrslit verða kynnt á Uppskeruhátíð.

Vegna hesta á goshættusvæðum

Sat, 11 Nov 2023 11:33:00 GMT

Eins og hjá öðrum íbúum landsins er hugur stjórnar og starfsmanna Landssambands hestamannafélaga hjá íbúum Grindavíkur á erfiðum tímum. Stjórn og starfsfólk sambandsins hvetur þá félagsmenn sína, sem tök hafa á, til þess að bjóða fram aðstoð sína við að flytja og hýsa hesta af svæðinu á meðan hættu- og óvissuástand ríkir. Hestafólk er þekkt fyrir samstöðu og hjálpsemi og telja má fullvíst að hestafólk víðs vegar um landið sé tilbúið til að leggja sitt af mörkum á þessum erfiðu tímum.

Fyrir hönd stjórnar og starfsfólks LH,

Guðni Halldórsson, formaður.

Tilnefningar til knapaverðlauna og keppnishestabús ársins 2023

Mon, 06 Nov 2023 14:00:00 GMT

Tilnefningar valnefndar LH til knapaverðlauna og fyrir keppnishestabú ársins 2023 liggja fyrir.

Íþróttaknapi ársins 2023
Tilnefnd eru:

Skeiðknapi ársins 2023
Tilnefnd eru:

Gæðingaknapi ársins 2023
Tilnefnd eru:

Efnilegasti knapi ársins 2023
Tilnefnd eru:

Keppnishestabú ársins 2023
Tilnefnd eru:

Knapi ársins 2023

Verðlaunin verða afhent á Uppskeruhátíð hestafólks í Gamla bíó laugardagskvöldið 18. nóvember.
Tryggið ykkur miða á Uppskeruhátíðina!
Kaupa miða

Menntanefnd LH óskar eftir tilnefningum fyrir reiðkennara ársins 2023.

Thu, 19 Oct 2023 13:22:00 GMT

https://www.feif.org/education-dept/trainers/

lh@lhhestar.is

Keppnishestabú ársins 2023 - yfirlit árangurs

Mon, 09 Oct 2023 14:27:00 GMT

Valnefnd LH óskar eftir upplýsingum frá ræktendum um keppnisárangur hesta úr þeirra ræktun. Óskað er eftir upplýsingum um árangur á árinu 2023 hvort sem er á Íslandi eða erlendis.

Yfirlit um árangurinn skal senda á netfangið lh@lhhestar fyrir 20. október.

Keppnishestabú ársins verður heiðrað á Uppskeruhátíð hestafólks sem fer fram í Gamla-Bíó 18. nóvember nk.

Opið er fyrir umsóknir í Hæfileikamótun veturinn 2023-2024.

Tue, 03 Oct 2023 09:51:00 GMT

Hæfileikamótun LH er fyrir krakka á aldrinum 14-17 ára og yfirþjálfari Hæfileikamótunar er Sigvaldi Lárus Guðmundsson reiðkennari.

Þróun hæfileikamótunar LH hefur verið mikil undanfarin ár en á þessu starfsári mun starfsemin stækka enn frekar en áður og verður boðið upp á tvo hópa í hæfileikamótun.

Þetta er gert til þess að veita fleiri efnilegum knöpum tækifæri til þess að komast í umhverfi hæfileikamótunar, fjölga og stækka starfið og á sama tíma ná að veita hverjum knapa enn meiri þjónustu en áður.

Eftir áramót eru tvær vinnuhelgar í kennslu á eigin hestum undir umsjón yfirþjálfara ásamt því að hver knapi skilar tvisvar á vortímabilinu myndbandi af sér með keppnishesti sínum á velli og fær endurgjöf og aðstoð með þjálfun inn í mótin. Þetta gildir fyrir vormótin annarsvegar og svo kringum Íslandsmót hins vegar.

Þar að auki taka iðkendur hæfileikamótunar þátt í viðburðum á vegum landsliðsins í hestaíþróttum.

Í hæfileikamótun eru ungir og efnilegir framtíðarknapar Íslands. Markmið hæfileikamótunar LH er að hjálpa þeim að verða betri þjálfarar og reiðmenn en einnig að kynnast landsliðsumhverfinu og verða að flottum fyrirmyndum fyrir aðra unga knapa.

Tekið er á móti umsóknum í hæfileikamótun LH 2023-2024 á vef LH.

Umsóknarfrestur er 10. október 2023

Umsóknum skal skilað á sérstöku eyðublaði á vefsíðu LH

Uppskeruhátíð hestafólks 2023

Thu, 28 Sep 2023 09:49:00 GMT

Laugardaginn 18. nóvember fer fram uppskeruhátíð hestamannafélagana. Hátíðin fer fram í Gamla Bíó og verður hún hin glæsilegasta þar sem Jógvan og Friðrik Ómar munu stýra veislunni. Lúx veitingar munu sjá um sitjandi borðhald og matseðillinn verður ekki af verri endanum. Sigga Beinteins mun stíga á stokk og DJ Atli mun sjá til þess að stuðið endist fram á nótt.

Keppnisárið var einstaklega gjöfult á glæislegar sýningar og því verður spennandi að sjá hvaða knapar verða tilnefndir og verðlaunaðir í eftirfarandi flokkunum:

Efnilegasti knapi ársins

Íþróttaknapi ársins

Gæðingaknapi ársins

Skeiðknapi ársins

Kynbótaknapi ársins

Knapi ársins

Við hlökkum til að eiga frábært kvöld með hestafólki. Miðaverð er 12500kr. Við hvetjum áhugasama til að tryggja sér miða sem fyrst í vefverslun .

Uppskeruhátíð hestafólks 2023

Thu, 28 Sep 2023 09:49:00 GMT

Jæja nú er komið að þessu húsið opnar kl 18:00 fyrstu dagskráliðir hefjast um kl 18:30 Vinsamlegast sýnið kvittun fyrir miðakaupum í hurð. Borðaskipan er á blöðum þegar komið er inn í Gamla Bíó. Hlökkum til að sjá ykkur!

Íslandsmót í hestaíþróttum og áhugamannamót Íslands 2024 auglýst til umsóknar

Fri, 22 Sep 2023 12:19:00 GMT

Íslandsmót fullorðinna og ungmenna, Íslandsmót barna- og unglinga og Áhugamannamót Íslands árið 2024 eru auglýst til umsóknar fyrir áhugasama og metnaðarfulla mótshaldara. Íslandsmótin og áhugamannamót Íslands eru meðal hápunkta keppnisársins á Íslandi.

Dagsetningar mótanna eru eftirfarandi:

Á Íslandsmóti fullorðinna og ungmenna skal keppt í einum styrkleikaflokki í hvorum flokki fyrir sig, keppt í greinum þar sem keppendur eru einir inni á vellinum í einu, en það eru V1, F1, T1, T2 ásamt skeiðgreinum, PP1, P1, P2 og P3. Auk þess er keppt í gæðingalist sem á liðnu ársþingi kom undir regluverk mótahalds LH. Þátttökurétt hafa pör sem á keppnisárinu hafa náð lágmarkseinkunn í hverri grein, og það er keppnisnefnd LH sem gefur út lágmörkin í febrúar.

Mótshöldurum er heimilt að bjóða upp á fleiri greinar kjósi þeir svo, sem og sýningargreinar en í sýningargreinum skal ekki krýna Íslandsmeistara.

Umsóknir áhugasamra mótshaldara skulu berast Landssambandi hestamannafélaga fyrir 1. október nk.

lh@lhhestar.is

Mennta- og barnamálaráðuneytið tók á móti Landsliðinu

Mon, 11 Sep 2023 08:50:00 GMT

Íslenska landsliðinu í hestaíþróttum var boðið til móttöku hjá mennta- og barnamálaráðuneytinu til að fagna frábæru gegni á ný af stöðnu Heimsmeistaramóti. Ásmundur Einar Daðason ráðherra tók á móti hópnum og ræddi við keppendur og teymi. Hann sagðist hafa fyllst stoltur og áhugasamur með umfjöllun um liðið og veitt því eftirtekt hve víða væri rætt um þennan frábæra árangur, ekki bara innan raða hestamanna, heldur víðast hvar á mannamótum. Hér væri sannarlega um að ræða íþróttafólk í allra fremstu röð og ljóst að framtíðin er björt í hestamennskunni.

Landsliðið þakkar góðar móttökur að Kríunesi.

Auglýst eftir umsóknum í Íþróttasjóð 2024

Wed, 06 Sep 2023 15:17:00 GMT

LH vill benda hestamannafélögum á að opið er fyrir umsóknir í Íþróttasjóð Rannís til 2. október nk. Lágmarks upphæð styrkja eru 250.000kr. Ýmiskonar verkefni hafa hlotið styrk úr þessum sjóð en „Markmið sjóðsins er að stuðla að nýsköpun og eflingu íþróttastarfs fyrir börn og unglinga, efla þekkingu þjálfara og leiðbeinenda, auka gildi íþróttastarfs í forvörnum og auka veg og virðingu íþróttastarfs í samfélaginu.“

Styrkir eru veittir til eftirfarandi verkefna:

Umsóknum skal skila á rafrænu formi fyrir kl. 15:00, mánudaginn 2. október 2023 . Aðgangur að umsóknarkerfi, eyðublöðum fyrir skýrslur, matskvarða, ásamt lögum og reglugerðum um sjóðinn o.fl., er að finna á síðu sjóðsins: Íþróttasjóður | Rannsóknamiðstöð Íslands (rannis.is)

Mikilvægt er að eftirfarandi komi fram:

Því meiri og betri rökstuðningur því líklegra er að verkefnið fái styrk. Þá er mikilvægt að horfa til markmiða sjóðsins og athuga hvort umsóknin eigi við eitthvað að eftirfarandi og passa þá sérstaklega að það komi fram: stuðlar verkefnið að nýsköpun, eflir íþróttastarf fyrir börn og unglinga, eflir þekkingu þjálfara og leiðbeinenda, eykur gildi hestaíþróttarinnar í forvörnum og/eða eykur verkefnið veg og virðingu íþróttastarfs í samfélaginu. Þá þarf verkefnið „að falla að markmiðum Íþróttalaga. Þar segir að íþróttir séu hvers konar líkamleg þjálfun er stefnir að því að auka líkamlegt og andlegt atgervi, heilbrigði og hreysti.“

LH hvetur ykkur til að skoða hvort á einhver verkefni sem mögulega hafa strandað á fjármögnun falli undir þessa flokka. Ef frekari spurningar vakna er hægt að hafa samband við Jónínu Sif hjá LH: joninasif@lhhestar.is eða Andrés Pétursson hjá Rannís: andres.petursson@rannis.is .

Íslenska landsliðinu boðið á Bessastaði

Thu, 31 Aug 2023 09:51:00 GMT

Íslenska landsliðinu og starfsliði var í gær boðið til móttöku á Bessastöðum, þar sem forseti Íslands Guðni Th. Jóhannesson tók móti hópnum og hrósaði liðinu fyrir framúrskarandi árangur á nýloknu heimsmeistaramóti í Hollandi.

Mótakan var hin hátíðlegasta og var landsliðinu mikill heiður sýndur með því að vera boðið til hennar. Guðni Th fór fögrum orðum um mikilvægi hestamennskunnar sem mennararfs og landkynningu. Þá hafði honum borist til eyrna sú mikla samstaða og samvinna sem einkenndi íslenskahópinn á mótinu og hrósaði hann liðinu sérsktalega fyrir það.

Að lokum flutti hann ljóð Gríms Thomsens u m eftirlætis hestinn sinn hann Sóta, sem hestamannafélagið á Álftanesi dregur einmitt nafn sitt af.

Þvílíkur loka dagur!

Sun, 13 Aug 2023 18:03:00 GMT

Þvílíkur loka dagur!

Það má sko með sanni segja að loftið hafi verið rafmagnað hér í Orischot í morgun þegar úrslit í T2 fóru fram þar áttum við ekki fulltrúa, en Íslendingarnir í stúkunni fönguðu þó ákaft þegar Máni Hilmarsson sem keppir fyrir hönd Svíþjóðar á hestinum Gljátoppi frá Miðhrauni sigraði með 8,75 í einkunn. Heimsmeistari ungmenna varð Lena Becker á Bikar frá Ytra-Vallholti með 7,46 í einkunn. Að loknum úrslitum í T2 var komið að ungmennaflokki í fjórgangi. Þar áttum við frábæra fulltrúa Jón Ársæl og Frá. Þeir voru með yfirburðasýningu og hlutu 7,50 í einkunn og hömpuðu þar með sýnum öðrum heimsmeistaratitli!

Eftir því sem leið á daginn jókst stemningin og eftirvæntingin eftir tölt T1 úrslitunum, að venju hófst keppnin á ungmennaflokki þar sem okkar fulltrúar þau Herdís Björg og Jón Ársæll voru hlutskörpust í forkeppninni. Eftir fyrstu grein leiddi Jón Ársæll, en þá var eins og kveikt hefði verið á Herdísi og hún og Kvarði skildu alla eftir í reiknum, þvílík sýning hjá þessu pari sem sökum ungs aldurs rétt ná inn á heimsmeistaramót. Þau enduðu með 7,22 í einkunn og þar með efst ungmenna og heimsmeistarar í tölti T1! Jóni Ársæli og Frá fipaðist aðeins þegar teip losnaði á fæti Frá í miðri sýningu og dró það þá töluvert niður en þrátt fyrir það hömpuðu þeir fimmta sætinu.

Samtals hlaut íslenski hópurinn 16 gullverðlaun og þrjú silfur. Þar af fimm gull og eitt silfur á kynbótabrautinni, en alls 11 gull og þrjú silfur í íþróttakeppninni. Allir keppendur okkar í ungmenna flokki komust á pall. Árangur þessa móts er einhver sá besti sem liði hefur náð frá upphafi. Það er mál manna að samheldnin og liðsandinn hafi líka sjaldan verið eins góður og vakti það eftirtekt og umræður hér í Orischot hversu samheldinn og öflugur Íslenski hópurinn var meðal annara liða og starfsmanna. Landsliðsþjálfararnir og landsliðsnefnd og eiga stórt hrós skilið fyrir alla eljuna sem þau hafa sett í undirbúning og utanumhald fyrir þetta mót!

Til hamingju Ísland með frábært landslið og frábæran árangur hér í Hollandi.

Heimsmeistarar í fimmgangi ungmenna

Sat, 12 Aug 2023 21:08:00 GMT

Dagurinn í dag hófst á B úrslitum í tölti en þar áttu við enga fulltrúa. Þau sem unnu B úrslitin voru þau: Kristján Magnússon sem keppir fyrir Svíþjóð á hestinum Óskar från Lindeberg, hlutu þeir í einkunn 7.61 og mæta því til A úrslita á morgun. Í T2 voru það Helen Klaas og Kolgrímur vom Neddernhof sem unnu B úrslitin með 7.38 í einkunn. Amanda Frandsen frá Danmörku Tinna frá Litlalandi sigruðu svo B úrslit ungmenna í T1 með einkunnina 6.72.

Næst á dagskrá var svo 100m skeið þar sem við áttum 6 fulltrúa. Það er skemmst frá því að segja að þau stóðu sig öll ofboðslega vel og áttu öll spretti á undir 8 sek. Heimsmeistaratitilinn í 100m skeiði fór til Helgu Hochstöger og Nóru von Oed frá Austurríki en þær áttu glæsilegan sprett upp á 7,27 sek. Næst á eftir og eftir að hafa leitt með besta tíma dagsins nánast alla keppnina voru Teitur og Drottning með tíman 7,29. Þar á eftir komu Elvar og Fjalladís í fjórða sæti á tímanum á 7,45 ásamt Hans Þór og Jarl sem einnig voru á 7,45 sek. Daníel og Eining kláruðu svo á níunda besta tímanum 7,62 sek.

Í dag voru hæst dæmdu kynbótahryssurnar heiðraðar. Þar áttum við þrjá fulltrúa, þar á meðal hæst dæmda hrossið á mótinu Kötlu frá Hemlu ll, sýnandi Árni Björn með einkunnina 8,76. Auk þess voru þar kynntar Ársól frá Sauðanesi, sýnandi Aðalheiður Anna. Hún varð efst fimm vetra hryssna og þar með heimsmeistari með aðaleinkunnina 8,48 og Hrönn frá Fákshólum, sýnandi Jakob Svavar. Hrönn var efst sex vetra hryssna og þar með heimsmeistari með aðaleinkunnina 8,68.

Í A úrslitum í fimmgangi ungmenna áttu við einnig tvo fulltrúa þau Glódísi og Sölku og Benjamín og Leiru-Björk. Glódís kom af þvílíkum krafti og öryggi inn í úrslita keppnina og það var aldrei nein spurning um að hún ætlaði sér að vinna þennan titil og það mátti heyra stúkuna varpa öndinni samtaka og byrja að fanga um leið og hún klárið fyrri tvo skeiðsprettina með glæsibrag. Þær enduðu efstar með 7,21 í einkunn og þar með heimsmeistarar í fimmgangi ungmenna! Benjamín og Leira-Björk komu einnig beitt inn í fimmganginn og enduðu í 4 sæti með 6,10 sem gulltryggði þeim heimsmeistara titilinn í samanlögðum fimmgangsgreinum ungmenna! Það er því ekki hægt að segja annað en að dagurinn hafi verið heldur betur góður hér í sólinni og rakanum í Orischot.

Á morgun er svo lokadagurinn. Hann byrjar á A úrslitum í tölti T2 í fullorðins og ungmennaflokk. Þar eigum við engan fulltrúa. Næst er A úrslit í fjórgangi. Þar munu mæta Jóhanna Margrét og Bráður og Viðar og Þór frá Íslandi. Í ungmennaflokki eru okkar fulltrúar Jón Ársæll og Frár. Eftir hádegi er svo komið að A úrslitum í fimmgangi en þar munum við sjá Söru og Flóka og Þorgeir og Goðastein.

Svo áður en kemur að loka keppninni í tölti T1 verða hæstdæmdu stóðhestarnir heiðraðir og svo er komið að töltinu T1, í ungmennaflokk munum við sjá Herdísi Björgu og Kvarða og Jón Ársæl og Frá. Þar á eftir mæta svo til leiks Jóhanna Margrét og Bárður og Viðar og Þór. Það er spennandi loka dagur framundan og því ekki úr vegi að fara aðeins yfir stöðu mála en það gerðum við í skemmtilegu spjalli við Sigga Mar sem kom til okkar í settið og ræddi daginn sem er framundan, endilega kíkið á það: https://youtu.be/vyvig2p1-Zg

Viðtal við Sigga Mar

Sat, 12 Aug 2023 21:05:00 GMT

Siggi Mar settist niður með okkur og ræddi útlitið fyrir lokadaginn á HM. Endilega kíkið á þetta skemmtilega spjall: https://youtu.be/vyvig2p1-Zg

Heimsmeistarar í samanlögðum fjórgangsgreinum

Fri, 11 Aug 2023 22:46:00 GMT

Hreint út sagt frábær dagur að kvöldi kominn hér í Orischot. Dagurinn var tileinkaður tölti og byrjaði á T2. Þar voru hlutskarpastir Máni Hilmarsson og Gljátoppur frá Miðhrauni. Máni keppir fyrir hönd Svíþjóðar þar sem hann býr. Sýningin hjá þeim var glæsileg og hlutu þeir 8,70. Hæsta einkunn í ungmennaflokki kom í hlut Lenu Becker frá Þýskalandi sem fékk 7,60. Benedikt og Leira-Björk áttu á köflum ágæta sýningu en enduðu neðst ungmenna að þessu sinni með 4,23. Þrátt fyrir það leiðir hann keppnina um heimsmeistaratitill ungmenna í samanlögðum fimmgangs greinum, þar sem fátt getur komið í veg fyrir að hann happi titlinum að loknum 100m skeið sprettinum á morgun.

Í tölti T1 fengum við heldur betur stórsýningar. Jóhanna Margrét og Bárður byrjuðu daginn á stórkostlegri sýningu sem lét engan ósnortinn og uppskáru þau standandi lófatak frá allir stúkunni að henni lokinni. Þau hlutu 8,77 sem er hæsta einkunn dagsins í T1. Næstur Íslendinga í braut voru Viðar og Þór. Einbeitingin skein af þeim við upphitunarhringinn og það fór um stúkuna þegar þeir komu inn. Glæsileg sýning hjá þeim og mjög sanngjörn einkunn upp á 8,00 og ljóst að þeir eiga nóg inni. Þeir eru með fimmtu bestu einkunn dagsins.

Jón Ársæll og Frár komu svo sjóðandi heitir inn með kraftmikla sýningu upp á 7,67 sem var lang besta einkunnin í ungmennaflokki. Þessi einkunn myndi jafnframt duga þeim í B úrslit fullorðinna. Herdís og Kvarði lokuðu deginum fyrir okkur. Herdís er yngsti keppandinn okkar og einn allra yngsti keppandi mótsins. Hér mætti hún á stóra sviðið með hreint út sagt frábæra sýningu og sýndi svo sannarlega hvað í henni býr. Algjörlega geggjuð sýning hjá þeim upp á 7,17 og önnur besta einkunn dagsins í ungmennaflokki í hús og 12 besta einkunn dagsins. Það var þó ekki nóg að mati stúkunnar sem baulaði þegar lægsta einkunnin var lesin og vildi klárlega fá enn hærri einkunn á þetta flotta par.

Morgundagurinn hefst svo á B úrslitum í tölti, en þar eigum við engan fulltrúa. Kl 13:30 ( 11:30 á ísl tíma) hefst svo keppni í 100m skeiði. Þar munu mæta til leiks: Elvar og Fjalladís, Daníel og Eining, Hans Þór og Jarl, Teitur og Drottning, Benedikt og Leira-Björk og Sigríður og Ylfa.

Kl 15:00 verða svo bestu kynbótamerarnar kynntar og þar á eftir hefjast B úrslit í fimmgangi fullorðinna þar sem Þorgeir og Goðasteinn mæta til leiks og þar á eftir verða A úrslit í fimmgangi ungmenna þar sem við eigum tvo fulltrúa Glódísi Rún og Sölku og Benedikt og Leiru-Björk. Þar á eftir verða svo verðlauna afhendingar. Stór dagur og mikil gleði framundan á næst síðasta degi HM.

Elvar og Fjalladís tvöfaldir heimsmeistarar!

Thu, 10 Aug 2023 22:10:00 GMT

Nú er þriðja degi heimsmeistaramótsins lokið og það má með sanni segja að Íslenski hópurinn hefur staðið sig gífurlega vel og raðað inn verðlaunum. Í kvöld fóru fram seinni tveir sprettirnir í 250m skeiði. Elvar og Fjalladís áttu fyrir kvöldið besta tíman 22,17 sek. Fyrstur Íslendinga í braut í kvöld var Hans Þór og Jarl. Þeir náðu ekki gildum sprett í gær, en mættu af krafti í kvöld og áttu sprett upp á 22,68 sem tryggði þeim 6. sætið. Næst var það Sigríður og Ylfa þær tví bættu besta tíman sinn í 250m skeiði hér úti, sannarlega flottur árangur það. Daníel og Eining áttu fyrir kvöldið í kvöld 7. besta tíman með sprett upp á 23,43 sek. Þau komu sjóðandi heiti út úr básunum og náðu öðrum besta tímanum 22,36. Elvar og Fjalladís náðu ekki gildum sprett í 3. umferð.

Þessi árangur er ekki bara stórkostlegur í ljósi þess að Elvar og Fjalladís voru þegar búin að vinna gæðingaskeiðið, heldur ber þess að geta að Fjalladís var að taka þátt í sínum fyrstu skeið kappreiðum og það gerir hún með slíkum glæsibrag að hún endar sem heimsmeistari í 250m skeiði. Þvílík snilld.

Það voru því fjórir Íslendingar sem fóru á pall í verðlaunaafhendingunni í kvöld. Elvar tók við tveimur heimsmeistaratitlum, Benedikt tók við heimsmeistaratitli ungmenna í gæðingaskeiði, Daníel tók við verðlaunum fyrir annað sæti í 250m skeiði og Hans Þór fyrir 6. sætið í 250m skeiði. Glæsilegur árangur!

Dagurinn gekk líka vel á kynbótabrautinni. En í dag fór fram yfirlit 7 vetra og eldri hryssna og stóðhesta. Katla frá Hemlu ll, hækkaði sig í 8,76 og er þar með hæst dæmda kynbótahrossið á HM 2023! Hersir frá Húsavík var annar fyrir daginn í dag og hélt þeirri stöðu þrátt fyrir að hann hafi hækkað sig úr 8,55 í 8,60. Það eru því fimm gull og eitt silfur sem Íslendingar taka með sér heim úr kynbótakeppninni, frábær árangur það!

Á morgun er svo annar stór dagur og sá lengsti samkvæmt dagskrá en hún byrjar kl 8 í fyrramálið og stendur keppni til klukkan 21:05. Morgundagurinn hefst á keppni í T2. Þar eigum við eitt par þau Benedikt og Leiru-Björk. Þau eru með rásnúmer 41 og verða því í braut um hádegi. Þar á eftir er svo komið að tölti T1 sem hefst kl 14:30, þar eigum við 6 fulltrúa. Fyrst á völlinn verða Jóhanna og Bárður (14), næst eru Viðar og Þór (28), Benjamín og Júní (30), Glódís og Salka (32), Jón Ársæll og Frár (39) og síðust í braut verða Herdís og Kvarði (51). En alls eru 58 keppendur skráðir í Tölt T1.

Við vonum svo sannarlega morgundagurinn verði jafn góður og dagurinn í dag. Áfram Ísland.

Viðtal við Sigga Ævars

Thu, 10 Aug 2023 17:34:00 GMT

Við settumst niður með Sigga Ævars í upphafi HM og fórum aðeins yfir mótið. Skemmtilegt spjall. Endilega kíkið á þetta.

Settið - Siggi Ævars - YouTube - ýtið á linkinn til að horfa.

Stórglæsilegri forkeppni í fjórgangi er nú lokið

Thu, 10 Aug 2023 15:28:00 GMT

Stórglæsilegri forkeppni í fjórgangi er nú lokið. Ísland átt þrjá fulltrúa. Tvo í fullorðinsflokk þau Jóhönnu Margréti og Bárð frá Melabergi og Viðar Ingólfsson og Þór frá Stóra-Hofiog einn í ungmennaflokki Jón Ársæl og Frá frá Sandhól. Allir okkar keppendur buðu upp á glæsilegar sýningar. Jóhanna og Bárður hlutu 7,77 í einkunn og enda þar með í 3 sæti. Viðar og Þór hlutu 7,53 og enduðu í 5 sæti. Jón Ársæll og Frár komu svo af feiknarkrafti inn í síðasta holl dagsins og hlutu í einkunn 7,37 og eru þar með langefstir í ungmennaflokk og í sjönduna sæti af öllum keppendum dagsins. Glæsilegur árangur það.

Næst á dagskrá er yfirlitið fyrir 7 ára og eldri merar og stóðhesta. Þar eigum við tvo fulltrúa þau Kötlu frá Hemlu ll sýnandi, Árni Börn Pálsson og Hersir frá Húsavík, sýnandi Teitur Árnason. Katla hlaut 8,75 í aðaleinkun á þriðjudaginn og var hæst dæmd í sýnum flokki. Hersir var annar hæstur með 8,55 á eftir Kolgrím Grímsson från Gunvarbyn sem hlaut 8,71. Það verður því einkar spennandi að fygjast með þeim á eftir.

Í kvöld fara svo fram seinni tveir sprettirnir í 250m skeiði. Þar eigum við fjóra fulltrúa. Elvar og Fjalladís eiga sem stendur besta tíman og verður spennandi að sjá hvernig þeim sem og restinni af íslenska hópnum gengur í kvöld.

Dagskrá dagsins í dag - Fimmtudagur

Thu, 10 Aug 2023 08:24:00 GMT

09:00-10:30 V1 - Fjórgangur, forkeppni 1. holl

(1-18)

11:00 - 12:30 V1 - Fjórgangur, forkeppni 2. holl

(25) Jóhanna og Bárður (7. eftir hlé)

12:30-13:30 Hádegishlé

13:30-14:50 V1 – Fjórgangur, forkeppni 3. holl

(42) Viðar og Þór (6. eftir hlé)

(48) Jón Ársæll og Frár (12.. eftir hlé)

15:20-16:40 V1 – Fjórgangur, forkeppni 4. holl

17:00-18:30 Kynbótasýning, hæfileikadómur, 7 vetra og eldri, 2. umferð

Katla og Árni (7)

Hersir og Teitur (8)

18:30-19:30 Matarhlé

19:30-21:00 P1 - 250m skeið, 3 & 4 sprettur

Hans Þór og Jarl (3)

Sigríður og Ylfa (9)

Daníel og Eining (11)

Elvar og Fjalladís (14)

21:15-21:30 Verðlaunaafhending fyrir gæðingaskeið og 250m skeið á torginu

Elvar og Fjalladís leiða í 250m skeiði

Wed, 09 Aug 2023 23:19:00 GMT

Fjórir knapar hófu leik í 250m skeiði í kvöld. Stemningin á skeiðbrautinni var gífurleg og bekkirnir þétt setnir. Í fyrsta holli störtuðu Hans Þór og Jarl og Elvar og Fjalladís saman. Fjalladís hóf þar með sinn fyrsta keppnis sprett í 250m skeiði. Ný krýndir heimsmeistarar Elvar og Fjalladís voru í feikna stuði og náðu frábærum sprett og tóku forystuna á tímanum 22,69 og leiddu eftir fyrstu umferð.

Sigríður Ingibjörg og Ylfa áttu einnig góðan fyrsta sprett á tímanum 23,95

Í seinni umferð kvöldsins var gífurleg eftirvænting en af þeim 27 hestum sem skráðir voru til leiks náðu einungis 12 hestar að klára gildan sprett.

Fyrstur af íslenska liðinu í seinni umferðinni var Daníel og Eining, þau náðu sjöunda besta tímanum 23,43. Hvorki Hans né Sigríður náðu gildum sprettum í seinni umferðinni.

Lokasprettur kvöldsins var svo æsispennandi en þar öttu kappi Fjalladís og Fjolvi fra Hedegaard. Elvar og Fjalladís gerðu sér lítið fyrir og sigruðu þann sprett á tímanum 22,17 sem er hreint út sagt frábær árangur hjá þeim. Það verður því án efa ákaflega spennandi að fylgjast með 250m skeiðinu á morgun þegar úrslitin ráðast.

Áfram Ísland!

Fjórir nýir heimsmeistarar í dag!

Wed, 09 Aug 2023 21:32:00 GMT

Yfirlitssýning í flokki 5 og 6 vetra mera og stóðhesta fór fram í kvöld. Fyrir yfirlitið voru allir íslensku hestarnir efstir í sínum flokk. Það var greinilegt að hugur var í knöpunum sem voru búnir að fínpússa atriðin sín og komu af feiknakrafti inn í yfirlitið.

Ársól frá Sauðanesi, sýnandi Aðalheiður Anna Guðjónsdóttir. Hún varð efst fimm vetra hryssna og þar með heimsmeistari með aðaleinkunnina 8,48.

Höfði frá Bergi, sýnandi Þorgeir Ólafsson. Höfði var efstur fimm vetra stóðhesta og þar með heimsmeistari með aðaleinkunnina 8,39.

Hrönn frá Fákshólum, sýnandi Jakob Svavar Sigurðsson. Hrönn var efst sex vetra hryssna og þar með heimsmeistari með aðaleinkunnina 8,68.

Þar með er eru kominn fjórir nýir heimsmeistaratitlar í hús! Glæsilegur árangur hjá íslenskum ræktendum og sýnendum!

Glæsileg byrjun í fimmgangi

Wed, 09 Aug 2023 14:41:00 GMT

Þá er forkeppni í fimmgangi lokið, við áttum fimm fulltrúa, þrjá í fullorðins flokk og tvo í ungmennaflokk. Allir okkar keppendur stóðu sig vel og eru komnir inn í úrslit. Sara og Flóki voru fyrst inn á völlinn og settu tóninn með glæsilegri sýningu upp á 7,37 og enduðu í 3 sæti og eru í 2. sæti inn í A úrslit fullorðinna. Strax á eftir Söru í rásröðinni voru svo þær Glódís og Salka. Þær áttu frábæra sýningu og náðu sínum besta árangri hingað til og leiða keppnina í U21 með 7,4 og eru með aðra hæstu einkunn dagsins af öllum keppendum í fimmgang, sannarlega flottur árangur það.

Þriðja íslenska parið í braut í fimmgangi voru engin önnur en nýkrýndir heimsmeistarar ungmenna í gæðingaskeiði Benedikt og Leira-Björk. Þau hafa lítið sem ekkert keppt í fimmgang, en síðasta keppni þeirra saman í þeirri grein var 2019 – þá fengu þau 6,33. Árangur dagsins er því sannarlega glæsilegur hjá þessu flotta pari, en í dag fengu þau hvorki meira né minna en 6,5. Þau eru eftir daginn þriðja stigahæst ungmenna.

Fjórðu voru Benjamín Sandur og Júní. Þeir áttu gífurlega flotta sýningu. Benjamín og Júní eru glænýtt par, en sýndu heldur betur úr hverju þeir eru gerðir og hlutu 6,97 í einkunn og deila þar með 10. sæti með fimmta og síðasta pari okkar í braut þeim Þorgeiri og Goðasteini. Þeir slógu botninn í fimmganginn hjá okkar hóp með glæsilegri sýningu upp á 6,97. Benjamín og Þorgeir munu því keppa í B-úrslitum.

Hekla Katharína landsliðsþjálfari U21 var ákaflega ánægð með daginn og sagði: ,,Glódís átti frábæra sýningu upp á 7,40 og Benedikt var að toppa sig í fimmgangi, algjörlega óæft því við höfum bara lagt áherslu á gæðingaskeiðið og hann hefur fengið þau fyrirmæli að æfa þetta bara í reiðtúrum og það hefur greinilega gengið mjög vel. Svo eru kappreiðarnar í kvöld, fyrstu tveir sprettirnir, en það væri gaman stimpla sig strax þar inn. Uppleggið var halda fókus og pass að hestarnir fari ferskir inn á völlinn. Þá verðum við þjálfararnir að vera vel á tánum á upphitunarsvæðinu og passa að knaparnir fari ekki fram úr sér því hestarnir þurfa að vera með mestu orkuna inna á vellinum og mér finnst það hafa tekist vel í dag.“

Framundan er svo seinna yfirlit kynbótasýninga 5 og 6 vetra sem og 1&2 sprettur í 250m skeiði.

Dagskrá dagsins í dag

Wed, 09 Aug 2023 09:21:00 GMT

Miðvikudagur 9. ágúst

09:00-10:05 F1 - Fimmgangur, forkeppni 1. holl

(8) Sara og Flóki

(9) Glódís og Salka

10:40-11:55 F1 - Fimmgangur, forkeppni 2. holl

(12) Benedikt og Leira – Björk (fyrstu eftir hlé)

12:00-13:00 Hádegishlé

13:00-14:00 F1 – Fimmgangur, forkeppni frh. 3. holl

(27) Benjamín Sandur og Júní (fjórðu eftir hlé)

14:30-15:30 F1 – Fimmgangur, forkeppni frh. 4. holl

(34) Þorgeir og Goðasteinn (fyrstu eftir hlé)

16:00-18:00 Kynbótasýning, hæfileikadómur, 5 og 6 vetra, 2. Umferð

(5) Ársól og Aðalheiður

(3) Höfði og Þorgeir

(7) Hrönn og Jakob

(4) Geisli og Árni

18:30-19:30 Matarhlé

19:30-21:00 P1 - 250m skeið, 1. & 2. sprettur

(15) Hans Þór og Jarl

(16) Elvar og Fjalladís

(23) Daníel og Eining

(26) Sigríður og Ylfa

21:20 Opnunar hátíð.

Heimsmeistarar í gæðingaskeiði

Tue, 08 Aug 2023 20:24:00 GMT

Til hamingju hestamenn!

Í kvöld lönduðum við okkar fyrstu heimsmeistara titlum. Elvar Þormarsson og Fjalladís frá Fornusöndum sýndu hvað í þeim býr og áttu tvo yfirburða spretti í gæðingaskeiðinu þau hlutu einkunnina 8,92.

Þau hafa sýnt það áður að þau kunna þetta, enda ríkjandi Íslandsmeistarar í greininni. Í kvöld báru þau höfuð og herðar yfir aðra keppendur og sýndu svo sannarlega hvað í þeim býr í rigningunni hér Orischot.

Þau sem teygðu tærnar í hælana á þeim voru engin önnur en Benedikt Ólafsson og Leira-Björk frá Naustum III. Þau eru ríkjandi Íslandsmeistarar ungmenna síðastliðinna þriggja ára. Þau áttu tvo glæsilega spretti sem tryggðu þeim 8,0 í einkunn og heimsmeistaratitil ungmenna sem og annað sæti yfir alla keppendur kvöldsins óháð aldri. Þvílíkur árangur!

Elvar og Fjalladís eru einnig skráð í 100m og 250m skeið og verður spennandi að fylgjast með þeim á brautinni. Benedikt og Leira-Björk ætla ekki heldur að sitja auðum höndum, en þau eru einnig skráð í fimmgang, slaktaumatölt og 100m skeið.

Benjamín Sandur Ingólfsson var ríkjandi heimsmeistarar ungmenna en er nú komin í fullorðinsflokk. Hann mætti með og Júní frá Brúnum. Þeir áttu góða spretti og enduðu í 20. sæti með 5,75 í einkunn. Þeir munu einnig keppa í fimmgang og tölti.

Heimsmeistaramótið byrjar svo sannarlega vel!

Á morgun er annar stór dagur, en hann byrjar á forkeppni í fimmgangi þar sem við eigum 5 keppendur, Sara og Flóki, Glódís og Salka, Benedikt og Leira – Björk, Benjamín og Júní og Þorgeir og Goðasteinn.

Þar á eftir hefst yfirferð kynbótasýningar fyrir 5 og 6 vetra. Þar eigum við fjóra fulltrúa; Ársól og Aðalheiður, Höfði og Þorgeir, Hrönn og Jakob og Geisli og Árni.

Dagurinn mun svo enda á 1. og 2. Sprett í 250m skeiði. Þar munu keppa Hans Þór og Jarl, Elvar og Fjalladís, Daníel og Eining og Sigríður og Ylfa.

Niðurstöður kynbótasýninga dagsins

Tue, 08 Aug 2023 15:35:00 GMT

Nú var að ljúka forkynningu kynbótasýninga. Við áttum sex fulltrúa í dag sem allir stóðu sig frábærlega. Fyrst í braut var Aðalheiður Anna Guðjónsdóttir en hún mætti með hryssuna Ársól frá Sauðanesi. Sýningin hjá Aðalheiði og Ársól var glæsileg og einkunn upp á 8,38 vel verðskulduð og skilaði Ársól efstri. Í flokki fimm vetra stóðhesta var okkar fulltrúi Höfði frá Bergi sýnandi Þorgeir Ólafsson. Þeir áttu einnig glæsilega sýningu og hlutu 8,45 í aðaleinkunn og urðu þar með efstir í flokki fimm vetra stóðhesta, fyrir yfirlit.

Hrönn frá Fákshólum og Jakob Svavar Sigurðsson voru fulltrúar okkar í flokki 6. vetra hryssna. Hrönn og Pála vom vom Kronshof voru jafnar í efsta sæti í flokk 6 vetra hryssna fyrir mótið með 8,55 í einkunn. Hrönn og Jakob áttu glæsilega sýningu og enduðu efst með 8,6 fyrir yfirlit. Í flokki 6 vetra stóðhesta var það Geisli frá Árbæ og Árni Björn Pálsson sem voru okkar fulltrúar. Þeir áttu flotta sýningu sem skilaði þeim 8,52 í aðaleinkunn. Þeir eru því efstir fyrir yfirlit ásamt Hraða frá Skovhuset sem einnig hlaut 8,52 í dag.

Í flokki 7 vetra og eldri hryssna fengum við að sjá Kötlu frá Hemlu II, sýnandi var Árni Björn Pálsson þau eru hlutu 8,75 í aðaleinkunn. Sýningin þeirra var einkar vel heppnuð og skilaði þeim efstum fyrir yfirlitið. Síðastir voru Hersir frá Húsavík og Teitur Árnason, þeir fylgdu eftir árangri íslenska hópsins með glæsilegri sýningu og hlutu 8,55 í aðaleinkunn og enduðu þar með næstefstir fyrir yfirlitið.

Það verður því einkar spennandi að fylgjast með hópnum á morgun, miðvikudag og fimmtudag þegar seinni umferðirnar fara fram. Önnur umferð 5 og 6 vetra hefst kl 16:00 miðvikudaginn og önnur umferð 7 vetra og eldri fer fram á fimmtudag kl 17:00. Hægt er að fylgjast með nánari rásröð í IceTest og HorseDay öppunum.

Rásröð íslensku keppendana

Tue, 08 Aug 2023 11:39:00 GMT

Dagskrá HM 2023

09:00-10:30 Kynbótasýning, hæfileikadómur, 5 vetra, 1. Umferð

Ársól og Aðalheiður kl 9:20

Höfði og Þorgeir kl 10:00

10:30-12:00 Kynbótasýning, hæfileikadómur, 6 vetra, 1. Umferð

Hrönn og Jakob kl 11:10

Geisli og Árni kl 11:30

12:00-13:00 Hádegishlé

13:00-14:30 Kynbótasýning, hæfileikadómur, 7 vetra og eldri, 1. Umferð

Katla og Árni: 13:40

Hersir og Teitur: kl 15:30

14:30-17:30 Æfingar hringvelli

17:30-19:00 Matarhlé

19:00-20:30 Gæðingaskeið PP1

Fyrri blokk

(4) Þorgeir og Goðasteinn

(17) Benjamín Sandur og Júní

Seinni blokk

(28) Elvar og Fjalladís

(37) Benedikt og Leira-Björk

Miðvikudagur 9. ágúst

09:00-10:05 F1 - Fimmgangur, forkeppni 1. holl

(8) Sara og Flóki

(9) Glódís og Salka

10:40-11:55 F1 - Fimmgangur, forkeppni 2. holl

(12) Benedikt og Leira – Björk (fyrstu eftir hlé)

12:00-13:00 Hádegishlé

13:00-14:00 F1 – Fimmgangur, forkeppni frh. 3. holl

(27) Benjamín Sandur og Júní (fjórðu eftir hlé)

14:30-15:30 F1 – Fimmgangur, forkeppni frh. 4. holl

(34) Þorgeir og Goðasteinn (fyrstu eftir hlé)

16:00-18:00 Kynbótasýning, hæfileikadómur, 5 og 6 vetra, 2. Umferð

(5) Ársól og Aðalheiður

(3) Höfði og Þorgeir

(7) Hrönn og Jakob

(4) Geisli og Árni

18:30-19:30 Matarhlé

19:30-21:00 P1 - 250m skeið, 1. & 2. sprettur

(15) Hans Þór og Jarl

(16) Elvar og Fjalladís

(23) Daníel og Eining

(26) Sigríður og Ylfa

21:20 Opnunar hátíð.

Fimmtudagur 10. ágúst

09:00-10:30 V1 - Fjórgangur, forkeppni 1. holl

11:00 - 12:30 V1 - Fjórgangur, forkeppni 2. holl

(25) Jóhanna og Bárður (7. eftir hlé)

12:30-13:30 Hádegishlé

13:30-14:50 V1 – Fjórgangur, forkeppni 3. holl

(42) Viðar og Þór (6. eftir hlé)

15:20-16:40 V1 – Fjórgangur, forkeppni 4. holl

(48) Jón Ársæll og Frár

17:00-18:30 Kynbótasýning, hæfileikadómur, 7 vetra og eldri, 2. umferð

Katla og Árni

Hersir og Teitur

18:30-19:30 Matarhlé

19:30-21:00 P1 - 250m skeið, 3 & 4 sprettur

Daníel og Eining

Hans Þór og Jarl

Elvar og Fjalladís

Sigríður og Ylfa

21:15-21:30 Verðlaunaafhending Gæðingaskeið og 250m skeið á torginu

Föstudagur 11. ágúst

09:00-12:30 Slaktauma tölt - T2, forkeppni

(26) Þorgeir og Goðasteinn

12:30-13:30 Hádegishlé

13:30-15:00 Slaktauma tölt - T2, forkeppni

(42) Benedikt og Leira-Björk

15:30-18:30 Tölt – T1, forkeppni

(14) Jóhanna og Bárður

(28) Viðar og Þór

(30) Benjamín og Júní

18:30-19:30 Matarhlé

18:30-21:00 Tölt - T1, forkeppni frh

(32) Glódís og Salka

(39) Jón Ársæll og Frár

(51) Herdís og Kvarði

Laugardagur 12. ágúst

09:00-10:15 B-Úrslit Tölt T2 & T1 og verðlaunaafhending

11:00-12:30 P2 – 100m flugskeið

(2) Teitur og Drottning

(5) Elvar og Fjalladís

(8) Benedikt og Leira-Björk

(41) Sigríður og Ylfa

(44) Daníel og Eining

(51) Hans Þór og Jarl

12:30-14:00 Hádegishlé

14:00-15:00 kynbótasýning hryssur, verðlaunaafhending

15:00-16:25 B-úrslit Fjórgangur - V1 & B-úrslit Fimmgangur - F1, verðlaunaafhending

16:25-18:30 Matarhlé

17:00-17:15 Verðlaunaafhending P2 – 100m flugskeið (Markaðstorginu)

18:30-19:55 A-úrslit Fjórgangur - V1 & Fimmgangur - F1, verðalaunaafhending

19:55-20:30 Verðlauna afhending (Hringvöllur) Samanlagðir sigurvegarar í fjórgangsgreinum Samanlagðir sigurvegarar í fimmgangsgreinum. Liðsverðlaun.

Sunnudagur 13 ágúst

09:00-10:10 A-úrslit Slaktauma Tölt, verðlaunaafhending

10:40-12:05 A-úrslit Fjórgangur - V1 & Fimmgangur F1, verðlaunaafhending

12:05-13:30 Hádegishlé

13:30-14:30 Kynbótasýning stóðhestar, verðlaunaafhending

14:30-14:45 The Thank You ceremony

14:45-16:30 A-úrslit Tölt– T1, verðlaunaafhending

Dagskrá kynbótasýninga á HM

Tue, 08 Aug 2023 07:20:00 GMT

Fyrsti keppnisdagurinn á Heimsmeistara móti íslenska hestsins sem nú fer fram í Oirschot í Hollandi er í dag og hefst hann á kynbótasýningu. Fyrsti Íslendingurinn í braut verður Aðalheiður Anna Guðjónsdóttir með hryssuna Ársól frá Sauðanesi. Ársól er fimm vetra með aðaleinkunnina 8.51. Í flokki fimm vetra stóðhesta keppa Höfði frá Bergi og sýnandi Þorgeir Ólafsson. Ólafsson. Ársól og Höfði eru bæði er sem stendur hæst dæmd í sínum flokkum.

Þar á eftir mæta Hrönn frá Fákshólum og Jakob Svavar Sigurðsson en hún og Pála vom vom Kronshof er jafnar á toppi heimslistans í flokk 6. hryssa með 8.55 í einkunn. Þá er það Geisli frá Árbæ og Árni Björn Pálsson en þeir eru með einkunnina 8,49.

Í flokki 7 vetra og eldri fáum við að sjá Kötlu frá Hemlu, sýnandi er Árni Björn Pálsson þau eru með 8,79 í aðaleinkunn og Hersir frá Húsavík með 8,62 í aðaleinkunn sýnandi er Teitur Árnason.

Dagskrá okkar keppenda á kynbótabrautinni í dag:

9:20 Ársól og Aðalheiður

10:10 Höfði og Þorgeir

11:10 Hrönn og Jakob

11:30 Geisli og Árni

13:40 Katla og Árni

15:30 Hersir og Teitur

Þrír dagar í fyrstu grein á HM

Sat, 05 Aug 2023 13:29:00 GMT

Nú er heldur betur farið að styttast í að mótið hefjist. Allt íslenska teymið er komið á staðinn og stuðningsmennirnir farnir að tínast inn. Aðstæður í Orischot eru góðar en töluvert hefur ringt síðustu daga og urðu keppendurnir okkar meðal annars að taka á það ráð að grafa skurði til að veita vatni frá hesthúsunum. Í gær fengu knaparnir fyrstu æfinguna á keppnisvellinum. Völlurinn hér er töluvert umfangsmeiri en hestarnir okkar eiga að venjast og því mikilvægt fyrir þá að fá tækifæri til að taka út aðstæður fyrir stóru stundina. Knaparnir hafa verið duglegir síðan þeir komu á staðinn að labba og hjóla með hestana en nú eftir því sem nær dregur þéttist prógrammið og athygli og fókus skerpist enn frekar og við taka hnitmiðaðar æfingar.

Það er mikill hugur í liðinu og stemningin er góð. Hér eru allir mættir til að gera sitt besta og rúmlega það. Hestarnir komu allir vel undan flutningum og virðast kunna vel við sig, enda má segja að veðrið sem tók á móti þeim hafi verið afar heimilislegt. Teitur Árnason var kosinn fyrirliði af hópnum og hefur sinnt því hlutverki vel síðustu daga og þjappað hópnum saman. Nú eru þrír dagar í að keppni hefjist. Mótið mun byrja á kynbótasýningu á þriðjudaginn kl 9:00. Þann daginn verður einnig keppt í í gæðingaskeiði. Allt mótið verður sent út í beinu streymi á Alendis.

Vegna þess hversu mikið hefur ringt er uppsetning á svæðinu aðeins á eftir áætlun. Allt púður var sett í að koma keppnisaðstöðunni og hesthúsunum upp, en aðrir innviðir eru skemur á veg komnir, hér er þó mikið af öflugum sjálfboðaliðum sem leggja nótt við dag að koma aðstöðunni upp og gangi veðurspáin eftir eru allar líkur á að svæðið verðið orðið hið glæsilegasta þegar mótið veður sett.

En það eru ekki bara mörg handtök sem sjálfboðaliðarnir á mótssvæðinu þurfa að inna af hendi. Í kringum íslenska liðið er sterkt og öflugt teymi starfsmanna og sjálfboðaliða, sem hafa á undanförnum vikum og mánuðum unnið sem einn maður að því að undirbúa ferðina og munu halda áfram að styðja við knapana nú þegar mótið er um það bil að hefjast. Í teyminu eru: Berglind Karlsdóttir framkvæmdastjóri LH, Drífa Daníelsdóttir stílist og allt muligt manneskja, Erlendur Árnason járningamaður, Hinrik Sigurðsson Starfsmaður LH og afreksstjóri Jónína Sif Eyþórsdóttir starfsmaður LH og upplýsingafulltrúi, Kristinn Skúlason formaður landsliðsnefndar, Matthias Rettig dýralæknir og Stefán Logi Haraldsson fulltrúi landsliðsnefndar LH.

Þjálfarateymið skipa Sigurbjörn Bárðarson A-landsliðs þjálfari og Hekla Kristinsdóttir Landsliðsþjálfari U21. Aðstoðaþjálfarar eru Sigurður Matthíasson, en hann býr að gífurlegri reynslu og hefur farið á hvert einasta HM síðan 1993 og Þórarinn Eymundsson deildarstjóri Hestafræði deildar og við Hólaskóla.

Umgjörðin í kringum liðið er eins og best verður á kosið og fókusinn hjá knöpunum er áþreifanlega skarpur. Liðsfundirnir og æfingar eru vel undirbúnar og markvissar. Það er klárt mál að þessi hópur mun setja allt í sölurnar til að ná markmiðum sínum og vera liðinu og landinu til sóma.

6 dagar til stefnu!

Wed, 02 Aug 2023 15:00:00 GMT

Nú eru einungis sex dagar þar til að Heimsmeistaramótið hefst. Allir íslensku keppendurnir eru komnir á svæðið. Hestarnir okkar flugu út á mánudaginn og gekk flugið vel. Aðstaðan í Hollandi er góð, hesthúsið er rúmgott og vel er passað upp á aðgangsstýringu til að koma í veg fyrir óþarfa áreiti og hindra smitleiðir.

Í dag leggja knaparnir mesta áherslu á að kynna hestana fyrir nýjum aðstæðum, fara með þá í léttar gönguferðir og jafnvel hjólatúra. Veðrið er sem stendur í blautari kantinum sem kemur bara í veg fyrir að hestar og menn fái óþarfa heimþrá.

Endilega fylgist með hópnum okkar á Instagram: Landssamband hestamannafélaga (@lhhestar) en þar verða knapar og teymið daglega með innsýn inn í stemninguna á staðnum.

Skráningu lokið á HM í hestaíþróttum

Thu, 27 Jul 2023 10:10:00 GMT

Nú er heldur betur að styttast í Heimsmeistaramót íslenska hestsins sem að þessu sinni fer fram í Hollandi 8.-13. ágúst. Ferlið að velja landslið til leiks fyrir Íslands hönd var heilmikið og náði hápunkti sínum á Íslandsmótinu á Selfossi fyrr í sumar.

Það voru margir knapar og hestar í boði og að lokum var liðið tilkynnt um miðjan júlí. Nú er skráningarfrestur liðinn og öll lönd hafa því skráð staðfest lið til leiks ásamt varaknöpum og því er fróðlegt að skoða stöðu okkar liðs nú á leiðinni inn í mótið.

Ríkjandi heimsmeistarar

Tveir ríkjandi heimsmeistarar munu keppa fyrir Íslands hönd á mótinu og það eru þeir Benjamín Sandur Ingólfsson og Teitur Árnason.

Benjamín kom sá og sigraði á síðasta móti í gæðingaskeiði Ungmenna. Hann er nú kominn í fullorðinsflokk og fer því í titilvörn sína í djúpu lauginni. Hann mætir með Júní frá Brúnum í fimmgangsgreinar á mótinu. Júní er reyndur fimmgangshestur sem Benjamín er nýkominn með í hendur. Þeir eru skráðir í fimmgang, tölt og gæðingaskeið.

Teitur Árnason er ríkjandi heimsmeistari í gæðingaskeiði fullorðinna frá því 2019. Hann mætir með Drottningu frá Hömrum II sem á dögunum varð Íslandsmeistari hjá honum í 100 m. skeiði á frábærum tíma. Teitur er þrátt fyrir ungann aldur, einn af okkar allra reynslumestu knöpum á stóra sviðinu með landsliði Íslands og það verður gaman að sjá þau Teit og Drottningu í skeiðinu í Hollandi.

Guðmundur Björvinsson er einnig ríkjandi heimsmeistari en hann ákvað að nýta ekki pláss sitt í liðinu að þessu sinni.

U-21 hópurinn

Ísland sendir fimm knapa til leiks í ungmennaflokki á mótinu. Ungmenni á HM eru á aldrinum 16-21 árs og það er engum ofsögum sagt þegar því er haldið fram að annar eins hópur af ungmennum hefur aldrei verið í boði hér á landi og það var erfitt verk fyrir Heklu Katharínu landsliðsþjálfara að velja í hópinn.

Herdís Björg Jóhannsdóttir á Kvarða frá Pulu keppir alla jafna í unglingaflokki á Íslandi. Hún er 16 ára og er því yngsti knapi liðsins. Herdís og Kvarði hafa átt ótrúlega góðu gengi að fagna í tölti á árinu og náð frábærum árangri. Hún keppir í tölti T1 á mótinu.

Benedikt Ólafsson er skráður til leiks á Leiru-Björk frá Naustum III. Þau eru ríkjandi Íslandsmeistarar í gæðingaskeiði ungmenna og hafa verið það síðastliðin þrjú ár. Benedikt og Leira-Björk hafa á þessum árum vaxið gríðarlega í greininni og á Íslandsmótinu náðu þau árangri sem er sjaldséður í yngri flokkum. Gæðingaskeiðið er snemma á dagskrá á HM, og er í dagskránni fyrsta grein mótsins. Bensi og Leira-Björk ætla sér ekki að vera í fríi út vikuna og eru auk gæðingaskeiðsins skráð í fimmgang, slaktaumatölt og 100 m skeið.

Ein af stórstjörnum ársins í fimmgangi hér á landi er án efa Glódís Rún Sigurðardóttir á henni Sölku frá Efri-Brú. Þær Glódís og Salka eru skráðar í fimmgang og tölt T1 á HM. Glódís kom fyrst fram með hryssuna í Meistaradeild Líflands í vetur þar sem þær komust á verðlaunapall strax á fyrsta móti og vöktu gríðarlega athygli. Þær fylgdu svo eftir góðum árangri með sigrum á Reykjavíkurmeistaramóti og Íslandsmóti í fimmgangi. Það verður því mjög spennandi að sjá þær etja kappi við sterkustu fimmgangshrossin úti í heimi.

Jón Ársæll Bergmann er annar knapi sem sannarlega hefur stimplað sig inn í fremsta flokk knapa á Íslandi í ár. Hann er skráður til leiks í tölt og fjórgang á Frá frá Sandhól. Jón Ársæll og Frár komu fyrst fram saman í vor og náðu strax að taka pláss á sviðinu í fjórgangi ungmenna. Þeir hafa svo vaxið saman með hverju mótinu og urðu Íslandsmeistarar í fjórgangi, tölti og samanlögðum fjórgangsgreinum í ungmennaflokki.

Sigríður Ingibjörg Einarsdóttir og Ylfa frá Miðengi eru skeiðgarpar íslenska ungmennaliðsins í 100 m skeiði og 250 m skeiði. Þær stöllur hafa náð frábærum tímum í 100 m skeiði á árinu og sýnt frábæran stöðugleika í greininni. Ylfa er öskurfljót á skeiði og Sigríður Ingibjörg er öflugur skeiðknapi svo þeirra forsendur inn í mótið eru virkilega spennandi í báðum greinum.

A-landslið fullorðinna

Elvar Þormarsson og Fjalladís frá Fornusöndum eru orðin algjörir sérfræðingar í gæðingaskeiði. Þau hafa á undanförnum árum verið nálægt því ósigrandi og eru ríkjandi Íslandsmeistarar í greininni undanfarin ár. Þau hafa verið að ná einkunum uppá 9 og þar yfir sem er heimsklassa árangur. Elvar og Fjalladís eru skráð í gæðingaskeið, 100 m skeið og 250 m skeið á mótinu.

Hans Þór Hilmarsson og Jarl frá Þóroddsstöðum eiga besta tíma ársins í 250 m skeiði á Íslandi. Þeir eru öskurfljótir þegar allt virkar fara fáir framúr þeim félögum. Þeir eru skráðir til leiks í 100 m skeiði og 250 m skeiði.

Jóhanna Margrét Snorradóttir og Bárður frá Melabergi eru án efa eitt af stjörnupörum íslenskrar hestamennsku undanfarin ár. Þau hafa verið að keppa saman undanfarin ár og farið vaxandi með hverju árinu. Hanna Magga og Bárður hafa orðið Íslandsmeistarar í fjórgangi þrjú ár í röð, og urðu á liðnu Íslandsmóti Íslandsmeistarar í fjórgangi, tölti og samanlögðum fjórgangsgreinum. Þau eru skráð í tölt og fjórgang á mótinu og sitja um þessar mundir í efsta sæti heimslistans í tölti.

Sara Sigurbjörnsdóttir og Flóki frá Oddhóli hafa í nokkur ár staðið í fremstu röð í fimmgangi á Íslandi. Sara á eina af hæstu einkunum ársins í fimmgangi og varð Íslandsmeistari í greininni 2022. Þau Flóki eru samstillt par í allra fremstu röð og eru skráð til leiks í fimmgangi.

Viðar Ingólfsson er reynslumikill knapi og hefur verið í fremstu röð okkar keppnisknapa um árabil. Hann er skráður í tölt og fjórgang á Þór frá Stóra-Hofi. Viðar og Þór hafa verið hópi fremstu para á landinu í tölti síðastliðin tvö ár og eru silfurhafar í greininni frá Íslandsmótinu fyrr í sumar.

Þorgeir Ólafsson og Goðasteinn frá Haukagili í Hvítársíðu skutust fram á sjónarsviðið í meistaradeildinni í vetur þegar þeir komu sér á verðlaunapall á sínu fyrsta móti saman. Þorgeir er ungur og upprennandi knapi sem er heldur betur farinn að láta að sér kveða meðal okkar fremstu knapa. Þeir Goðasteinn sigruðu í fimmgangi á Reykjavíkurmeistaramótinu fyrr í sumar og eru silfurhafa í samanlögðum fimmgangsgreinum frá Íslandsmótinu.

Daníel Gunnarsson er öflugur knapi í skeiði og hefur á undanförnum árum staðið í fremstu röð reiðmanna í skeiðkappreiðum á Íslandi. Hann er nú kominn inn í landsliðshópinn á skeiðvængnum með Einingu frá Einhamri. Daníel og Eining hafa náð góðum árangri í 250 m skeiði og 100 m skeiði og eru meðal alfljótustu skeiðpara í heiminum í dag. Þau eru skráð til leiks í báðum greinum á HM.

Kynbótahross

Kynbótasýningar mótsins fara ögn öðruvísi farm að þessu sinni en áður þar sem kynbótahrossin halda sínum sköpulagsdómum frá fyrri sýningum sumarsins en fara í hæfileikadóm á mótinu.

Ísland sendir 6 kynbótahross til sýningar á mótinu og öll eru hátt dæmd hross og hópurinn því virkilega sterkur.

5 vetra hryssa: Ársól frá Sauðanesi, knapi Aðalheiður Anna Guðjónsdóttir

5 vetra stóðhestur: Höfði frá Bergi, knapi Þorgeir Ólafsson

6 vetra hryssa: Hrönn frá Fákshólum, knapi Jakob Svavar Sigurðsson

6 vetra stóðhestur: Geisli frá Árbæ, knapi Árni Björn Pálsson

7 vetra og eldri hryssa: Katla frá Hemlu II, knapi Árni Björn Pálsson

7 vetra og eldri stóðhestur: Hersir frá Húsavík, knapi Teitur Árnason

Það er því alveg ástæða til þess að vera spennt og full tilhlökkunar að fylgjast með okkar sterkustu knöpum etja kappi við þá bestu á heimsvísu. Mótið fer fram í fábærum aðstæðum í Oirschot í Hollandi í nágrenni við Einhoven. Eindhoven er frábær borg heim að sækja, vinaleg og gestvæn. Mikil aðsókn er á mótið frá öllum aðildarlöndum Feif og þar fyrir utan eru streymismöguleikar fyrir þá sem vilja fylgjast með því heiman frá. RÚV sendir tökulið með íslenska hópnum út og verður með samantektarþætti frá mótinu ásamt því að fjalla um það í fréttum og útvarpi á meðan á því stendur.

Fylgist vel með og styðjið okkar fólk, nú gerum við þetta saman með stæl.

Andlát, Leifur Kr. Jóhannesson

Wed, 26 Jul 2023 08:44:00 GMT

Leifur Kr. Jóhannesson fyrrverandi formaður LH lést laugardaginn 22. júlí níræður að aldri. Hann var fæddur á Saurum í Helgafellssveit 12 nóvember 1932. Hann lauk búfræðiprófi frá Bændaskólanum á Hvanneyri vorið 1954. Sumarið á milli námsáranna vann hann á Hvanneyrarbúinu.

Sumarið eftir námið starfaði hann á forsetabúinu á Bessastöðum. Síðan nam hann við framhaldsdeildina á Hvanneyri (nú Búvísindadeild Landbúnaðarháskólans) og lauk þaðan kandídatsprófi í búfræði vorið 1957.

Hann tók þátt í fyrstu skeifukeppninni á Hvanneyri vorið 1957 á hryssunni Ljónslöpp frá Krossi í Lundarreykjadal og lenti í 2. sæti á eftir Erni Þorleifssyni síðar bónda í Húsey. Seldi svo Ljónslöpp Skúla Kristjónssyni í Svignaskarði um vorið. Hún átti þá eftir að vinna Faxaskeifuna og skila af sér þokkalegum afkvæmum.

Að námi loknu starfaði Leifur sem héraðsráðunautur hjá Búnaðarsambandi Austurlands með aðsetur á Egilsstöðum árin 1957 til 1959. Héraðsráðunautur hjá Búnaðarsambandi Snæfellinga árin 1959 til 1984. Jafnframt framkvæmdastjóri Búnaðarsambandsins og Ræktunarsambands Snæfellinga frá 1967 til 1984, með fjölskylduaðsetur í Stykkishólmi. Forstöðumaður Stofnlánadeildar landbúnaðarins frá 1984 til 1998 og Lánasjóðs landbúnaðarins 1999 til 2000.

Eitt af fyrstu verkum hans í ráðunauts starfinu var að undirbúa fjórðungsmót hestamanna í Egilsstaðaskógi árið 1957 og var hann þar í dómnefnd kynbótahrossa. Þegar yfir lauk hafði hann starfað í 12 dómnefndum kynbótahrossa á fjórðungs- og landsmótum, lengst af með Þorkeli Bjarnasyni hrossaræktarráðunaut en samstarf þeirra var einstaklega farsælt svo sem við stofnun og rekstur Stóðhestastöðvar ríkisins á Litla-Hrauni og í Gunnarsholti. Leifur sat í kynbótanefnd stöðvarinnar frá stofnun til 1984.

Leifur hafði frumkvæði að stofnun hestamannafélagsins Snæfellings og sat í stjórn þess sem gjaldkeri fyrstu 9 árin.

Fljótlega eftir stofnun félagsins beitti hann sér fyrir stofnun hrossaræktarsamband Vesturlands og var gjaldkeri þess fyrstu 13 árin.

Hann tók þátt í landsþingum hestamanna, var varamaður í stjórn LH í 8 ár, varaformaður 1985 til 1986 og formaður 1986 til 1988. Baðst þá undan endurkjöri. Formannstíð Leifs var litrík þó stutt væri og bar þar hæst ágreining um landsmótsstað sem hann leysti af festu og í lýðræðisanda.

Leifur vann ötullega að inngöngu hestamanna í ÍSÍ og þeir Sigurður Magnússon fr.kv.stj. ÍSÍ þeystu um land allt sumarið 1988 til að hvetja félögin til að stofna íþróttadeildir sem síðan sameinuðust og stofnuðu Hestaíþróttasambandi Íslands 17. maí 1989.

Leifur var alla tíð öflugur hrossaræktandi, áhugasamur til hinsta dags og af hans ræktun er þekktust heiðursverðlauna hryssan Þota frá Innra-Leiti sem er öllum minnisstæð sem hana þekktu.

Ekki verður Leifs minnst án þess að geta eiginkonu hans heitinnar, Maríu S. Gísladóttir frá Skáleyjum sem bjó manni sínum og fimm börnum þeirra fagurt heimili í ástríku og farsælu hjónabandi.

Hestamenn og hrossaræktendur um heim allan standa í mikilli þakkarskuld við Leif Kr. Jóhannesson og LH þakkar honum ævilangan og farsælan feril í þágu hestamennskunnar. Blessuð sé minning hans.

Niðurstöður Áhugamannamóts Íslands og

Mon, 24 Jul 2023 10:10:00 GMT

Áhugamannamót Íslands fór fram dagana 21.-23. júlí á félagssvæði Spretts, þar var keppt í 1. flokki en á sama tíma fór einnig fram áhugamannamót Spretts þar sem boðið var upp á 2. og 3. flokk. Mótið var haldið í blíðskaparveðri og var keppnissvæðið til fyrirmyndar.

Aðalstyrktaraðilar Áhugamannamóts Íslands voru Ástund og Tommy Hilfiger, gáfu þeir glæsilegar gjafir fyrir 1.sæti í hringvallargreinum. Aðalstyrktaraðili Áhugamannamóts Spretts var Bílabankinn. Fjölmargir styrktaraðilar komu að mótinu auk þess sem margir reiðkennarar gáfu reiðtíma.

Niðurstöður Áhugamannamóts Íslands:

B flokkur Gæðingaflokkur 1

1 Hraunsteinn frá Íbishóli Hannes Sigurjónsson Rauður/sót-tvístjörnótt Máni 8,47

2 Gutti frá Brautarholti Inga Kristín Sigurgeirsdóttir Brúnn/milli-einlitt Sörli 8,40
3 Afródíta frá Álfhólum Valdimar Ómarsson Móálóttur,mósóttur/milli-einlitt Sprettur 8,40
4 Brá frá Hildingsbergi Caroline Jensen Jarpur/dökk-einlitt Geysir 8,37
5 Aska frá Miðkoti Emma R. Bertelsen Brúnn/milli-stjörnótt Geysir 8,21
6 Tign frá Leirubakka Orri Arnarson Brúnn/milli-einlitt Geysir 8,17

Fimmgangur F2

1 Ragnar Stefánsson Mánadís frá Litla-Dal Jarpur/rauð-tvístjörnótt Sleipnir 6,60
2 Sigurður Halldórsson Gustur frá Efri-Þverá Jarpur/dökk-einlitt Sprettur 6,43
3 Alexander Ágústsson Hrollur frá Votmúla 2 Sörli 6,31
4 Hannes Sigurjónsson Vísir frá Ytra-Hóli Brúnn/dökk/sv.einlitt Sprettur 6,24
5 Kristín Ingólfsdóttir Tónn frá Breiðholti í Flóa Brúnn/milli-einlitt Sörli 5,45
6 Vilborg Smáradóttir Sónata frá Efri-Þverá Rauður/milli-blesa auk leista eða sokkaglófext Sindri 5,40
7 Garðar Hólm Birgisson Kná frá Korpu Brúnn/milli-einlitt Sprettur 0,00

Fjórgangur V2

1 Vilborg Smáradóttir Sigur frá Stóra-Vatnsskarði Rauður/milli-skjótt Sindri 7,03
2 Saga Steinþórsdóttir Mói frá Álfhólum Brúnn/dökk/sv.einlitt Fákur 6,93
3 Kristín Ingólfsdóttir Ásvar frá Hamrahóli Brúnn/milli-einlitt Sörli 6,87
4 Hermann Arason Straumur frá Hofsstöðum, Garðabæ Jarpur/milli-einlitt Sprettur 6,70
5 Auður Stefánsdóttir Runni frá Vindási Jarpur/dökk-einlitt Sprettur 6,63
6 Snorri Egholm Þórsson Björk frá Vestra-Fíflholti Bleikur/fífil-einlitt Fákur 6,60

Tölt T4

1 Saga Steinþórsdóttir Dökkvi frá Álfhólum Brúnn/milli-einlitt Fákur 6,79
2 Hermann Arason Gletta frá Hólateigi Móálóttur,mósóttur/milli-einlitt Sprettur 6,75
3 Arnhildur Halldórsdóttir Heiðrós frá Tvennu Rauður/milli-stjörnótt Sprettur 6,50
4 Rósa Valdimarsdóttir Hrafnadís frá Álfhólum Bleikur/álóttureinlitt Fákur 6,38
5 Auður Stefánsdóttir Gustur frá Miðhúsum Móálóttur,mósóttur/milli-einlitt Sprettur 5,42
6 Guðlaug Jóna Matthíasdóttir Straumur frá Ferjukoti Rauður/milli-blesótt Sprettur 5,12

Tölt T3

1 Hermann Arason Náttrún Ýr frá Herríðarhóli Brúnn/milli-einlitt Sprettur 7,28
2 Kristín Ingólfsdóttir Ásvar frá Hamrahóli Brúnn/milli-einlitt Sörli 6,83
3 Anna Bára Ólafsdóttir Drottning frá Íbishóli Rauður/dökk/dr.einlitt Sprettur 6,67
4 Auður Stefánsdóttir Sara frá Vindási Jarpur/milli-einlitt Sprettur 6,50
5 Hannes Sigurjónsson Hraunsteinn frá Íbishóli Rauður/sót-tvístjörnótt Sprettur 6,28
6 Vilborg Smáradóttir Apollo frá Haukholtum Brúnn/milli-einlitt Sindri 6,11

Gæðingaskeið PP1

1 Bryndís Arnarsdóttir Teitur frá Efri-Þverá Brúnn/milli-einlitt Sörli 5,33
2 Vilborg Smáradóttir Klókur frá Dallandi Rauður/milli-einlitt Sindri 4,17
3 Hermann Arason Þota frá Vindási Bleikur/fífil-stjörnótt Sprettur 3,58
4 Eyrún Jónasdóttir Örn frá Kálfholti Rauður/milli-stjörnótt Geysir 3,21
5 Játvarður Jökull Ingvarsson Lávarður frá Ekru Brúnn/milli-einlitt Hörður 3,13
6 Hafdís Arna Sigurðardóttir Kraftur frá Breiðholti í Flóa Brúnn/milli-einlitt Sörli 3,13
7 Sigurður Halldórsson Gustur frá Efri-Þverá Jarpur/dökk-einlitt Sprettur 2,58
8 Sigurður Halldórsson Gammur frá Efri-Þverá Bleikur/álóttureinlitt Sprettur 0,00

Flugskeið 100m

1 Vilborg Smáradóttir Klókur frá Dallandi Rauður/milli-einlitt Sindri 8,16
2 Ragnar Stefánsson Kleópatra frá Litla-Dal Móálóttur,mósóttur/milli-einlitt Sleipnir 8,72
3 G.Lilja Sigurðardóttir Náttúra frá Flugumýri Brúnn/mó-einlitt Sprettur 8,91
4 Sigurður Halldórsson Gammur frá Efri-Þverá Bleikur/álóttureinlitt Sprettur 9,05
5 Eyrún Jónasdóttir Örn frá Kálfholti Rauður/milli-stjörnótt Geysir 9,66
6 Bryndís Arnarsdóttir Teitur frá Efri-Þverá Brúnn/milli-einlitt Sörli 9,93
7 Guðlaug Jóna Matthíasdóttir Ösp frá Fellshlíð Brúnn/milli-einlitt Sprettur 9,93
8 Hannes Sigurjónsson Vilma frá Melbakka Rauður/milli-stjörnótt Sprettur 0,00

Niðurstöður Íslandsmeistaramóts barna og unglinga

Mon, 24 Jul 2023 09:53:00 GMT

Vel heppnað Íslandsmót barna og unglinga var haldið á Rangárbökkum 12-16 júlí. Mótið var vel sótt og allt utan um hald var til fyrirmyndar. Á mótinu mátti sjá afbragðs takta og reiðmennsku í hæsta gæðaflokki. Framtíðin er sannarlega björt í íslenskri hestamennsku.

Á mótinu voru í fyrsta sinn krýndir Íslandsmeistarar í gæðingalist. Mótið allt var sýnt í beinni útsendingu á vegum Alendis, slíkt gerir móti af þessu tagi enn aðgengilegra og dýrmætt fyrir þátttakendur að geta horft á sýninguna sína, lært af henni og bætt sig enn frekar.

Allir þátttakendur mótsins fengu þátttökugjöf frá nokkrum af styrktaraðilum mótsins og eiga þeir sem og aðrir styrktaraðilar þakkir skyldar fyrir aðkomu sína að mótinu. Í gjafapoka þátttakenda mátti finna: BUFF frá Hrímni, HorseDay gaf derhúfur eða buff, Fóðurblandan gaf fóðurbæti og eins fengu allir frítt í sund frá Sveitarfélögum Rangárvallasýslu ásamt ískúlu frá Ísbúðin Valdís Hvolsvelli. Einnig laumaðist í pokann nammi og sápukúlur.

Íslandsmeistarar 2023

Samanlagður íslandsmeistari í unglingaflokki var Matthías Sigurðsson. Eftirfarandi árangur tryggði honum titilinn:

2. sæti í Tölti T4 með Dýra frá Hrafnkellsstöðum - 7.37

2. sæti 100m skeið með Straum frá Hríshóli - 8.33

2. sæti í Gæðingaskeiði í PP1 með Tign frá Fornusöndum - 8.08

7. sæti í Tölti T1 með Drottningu frá Íbishóli - 7.00

Þetta er árangurinn í forkeppni sem telur til stiga en Matthías stóð sig einnig vel í fjórgangi V1 og var í 8. sæti á Æsu frá Norður-Reykjum. Í fimmgangi F2 varð hann í 1.-2. sæti á Hlekk frá Saurbæ. Gæðingakeppni telur ekki þar sem hún er gestagrein á mótinu.

Samanlagður íslandsmeistari í barnaflokki var Hjördís Halla Þórarinsdóttir. Eftirfarandi árangur tryggði henni titilinn:

1. sæti í Fjórgangi V1 með Flipa frá Bergstöðum - 6,73

1. sæti í Gæðingalist með Flipa frá Bergstöðum - 6.53

2. sæti í Tölti T4 með Flipa frá Bergstöðum - 6.43

Þetta er árangurinn í forkeppni sem telur til stiga en Hjördís stóð sig einnig vel í Tölti T3 og var í 3. sæti með 6.17. Gæðingakeppni telur ekki þar sem hún er gestagrein á mótinu

Önnur úrslit:

Tölt T1 unglingar

1 Svandís Aitken Sævarsdóttir / Fjöður frá Hrísakoti 7,56

2 Elva Rún Jónsdóttir / Straumur frá Hofsstöðum, Garðabæ 7,50

3-4 Matthías Sigurðsson / Drottning frá Íbishóli 7,28

3-4 Sigurbjörg Helgadóttir / Elva frá Auðsholtshjáleigu 7,28

5 Dagur Sigurðarson / Gróa frá Þjóðólfshaga 1 7,17

6 Ragnar Snær Viðarsson / Þormar frá Neðri-Hrepp 7,06

Slaktaumatölt T4 unglingar

1 Matthías Sigurðsson / Dýri frá Hrafnkelsstöðum 1 7,46

2 Guðmar Hólm Ísólfsson Líndal / Vildís frá Múla 7,33

3 Fanndís Helgadóttir / Ötull frá Narfastöðum 7,29

4 Svandís Aitken Sævarsdóttir / Huld frá Arabæ 7,25

5-6 Kolbrún Sif Sindradóttir / Bylur frá Kirkjubæ 7,17

5-6 Ragnar Snær Viðarsson / Breki frá Sunnuhvoli 7,17

7 Eydís Ósk Sævarsdóttir / Blakkur frá Traðarholti 7,08

Unglingaflokkur gæðinga

1 Snæfríður Ásta Jónasdóttir / Liljar frá Varmalandi 8,71

2 Sigurbjörg Helgadóttir / Askur frá Miðkoti 8,66

3 Sigurður Dagur Eyjólfsson / Flugar frá Morastöðum 8,54

4 Kristín Eir Hauksdóttir Holake / Ísar frá Skáney 8,52

5 Steinunn Lilja Guðnadóttir / Heppni frá Þúfu í Landeyjum 8,40

6 Kristín Karlsdóttir / Smyrill frá Vorsabæ II 8,39

7 Camilla Dís Ívarsd. Sampsted / Steinn frá Runnum 8,38

8 Sveinfríður Ólafsdóttir / Þruma frá Akureyri 8,27

Fimmgangur F2 unglingar

1 Matthías Sigurðsson / Hlekkur frá Saurbæ 7,26

2 Guðmar Hólm Ísólfsson Líndal / Sindri frá Lækjamóti II 6,98

3 Embla Lind Ragnarsdóttir / Mánadís frá Litla-Dal 6,71

4-5 Fanndís Helgadóttir / Sproti frá Vesturkoti 6,55

4-5 Ragnar Snær Viðarsson / Eldur frá Mið-Fossum 6,55

Gæðingatölti unglinga

1 Elva Rún Jónsdóttir / Fluga frá Garðabæ 8,69

2 Elísabet Vaka Guðmundsdóttir / Heiðrún frá Bakkakoti 8,67

3 Kristín Eir Hauksdóttir Holake / Ísar frá Skáney 8,57

4 Ísak Ævarr Steinsson / Lukka frá Eyrarbakka 8,54

5 Vigdís Anna Hjaltadóttir / Gljái frá Austurkoti 8,49

6-7 Ísabella Helga Játvarðsdóttir / Irpa frá Ólafsvöllum 8,37

6-7 Bertha Liv Bergstað / Segull frá Akureyri 8,37

8 Elsa Kristín Grétarsdóttir / Flygill frá Sólvangi 8,22

100m flugskeið unglingar

1 Dagur Sigurðarson Tromma frá Skúfslæk 7,36

2 Matthías Sigurðsson Straumur frá Hríshóli 1 7,42

3 Lilja Rún Sigurjónsdóttir Frekja frá Dýrfinnustöðum 7,62

4 Herdís Björg Jóhannsdóttir Þórvör frá Lækjarbotnum 7,79

5 Kristín Eir Hauksdóttir Holake Þórfinnur frá Skáney 7,93

6 Sara Dís Snorradóttir Djarfur frá Litla-Hofi 8,06

7 Embla Lind Ragnarsdóttir Kleópatra frá Litla-Dal 8,16

Gæðingaskeið unglingar

1 Herdís Björg Jóhannsdóttir, Þórvör frá Lækjarbotnum 8.17

2 Matthías Sigurðsson, Tign frá Fornusöndum 8.08

3 Guðný Dís Jónsdóttir, Ása frá Fremri-Gufudal 7.63

4 Dagur Sigurðarson, Tromma frá Skúfslæk 7.42

5 Ragnar Snær Viðarsson, Sæla frá Hemlu II 7.00

Fjórgangur unglingar

Íslandsmeistari eru þau Kristín Karlsdóttir og Steinar frá Stuðlum en þau sigruðu B úrslitin og komu sjóðheit inn í A úrslitin, glæsileg frammistaða!

1 Kristín Karlsdóttir, Steinar frá Stuðlum 7,33

2 Elva Rún Jónsdóttir, Straumur frá Hofsstöðum, Garðabæ 7,20

3 Guðmar Hólm Ísólfsson Líndal, Grettir frá Hólum 7,17

4 Guðný Dís Jónsdóttir, Hraunar frá Vorsabæ II 7,13

5 Sigurbjörg Helgadóttir, Elva frá Auðsholtshjáleigu 7,07

6 Kristín Eir Hauksdóttir Holake, Þytur frá Skáney 7,03

Gæðingalist unglingar

1. Lilja Rún Sigurjónsdóttir Sigð frá Syðri-Gegnishólum 7.27

2. Guðmar Hólm Ísólfsson Líndal Jökull frá Rauðalæk 7.10

3. Elísabet Líf Sigvaldadóttir Askja frá Garðabæ 6.60

4. Herdís Björg Jóhannsdóttir Snillingur frá Sólheimum 6.33

5. Kristin Eir Hauksdóttir Holaker Ísar frá Skáney 6.27

Tölt T3 barna

1 Hjördís Halla Þórarinsdóttir / Flipi frá Bergsstöðum Vatnsnesi 6,94

2 Kristín Rut Jónsdóttir / Roði frá Margrétarhofi 6,83

3 Apríl Björk Þórisdóttir / Sikill frá Árbæjarhjáleigu II 6,61

4 Róbert Darri Edwardsson / Samba frá Ásmúla 6,56

5 Eyvör Vaka Guðmundsdóttir / Díva frá Bakkakoti 6,39

6 Kári Sveinbjörnsson / Nýey frá Feti 6,06

Gæðingatölt barna

1 Kristín Rut Jónsdóttir / Roði frá Margrétarhofi 8,64

2 Eyvör Vaka Guðmundsdóttir / Díva frá Bakkakoti 8,63

3 Svala Björk Hlynsdóttir / Selma frá Auðsholtshjáleigu 8,49

4 Álfheiður Þóra Ágústsdóttir / Auður frá Vestra-Fíflholti 8,49

5 Ari Osterhammer Gunnarsson / Sprettur frá Brimilsvöllum 8,40

6 Fríða Hildur Steinarsdóttir / Silfurtoppur frá Kópavogi 8,39

7 Jóhanna Sigurlilja Sigurðardóttir / Gustur frá Efri-Þverá 8,35

8 Aron Einar Ólafsson / Hugrún frá Syðra-Garðshorni 8,34

Slaktaumatölti T4 barna

1 Þórhildur Helgadóttir / Kóngur frá Korpu 6,75

2 Hjördís Halla Þórarinsdóttir / Vorbrá frá Efra-Langholti 6,46

3 Apríl Björk Þórisdóttir / Bruni frá Varmá 6,04

4 Fríða Hildur Steinarsdóttir / Hilda frá Oddhóli 5,88

5 Haukur Orri Bergmann Heiðarsson / Hnokki frá Reykhólum 5,75

Barnaflokkur gæðinga

1 Eyvör Vaka Guðmundsdóttir / Díva frá Bakkakoti 8,68

2 Viktoría Huld Hannesdóttir / Þinur frá Enni 8,62

3 Hákon Þór Kristinsson / Magni frá Kaldbak 8,56

4 Hjördís Halla Þórarinsdóttir / Hljómur frá Nautabúi 8,52

5 Haukur Orri Bergmann Heiðarsson / Hnokki frá Reykhólum 8,51

Fjórgangur barna

Í úrslitum voru jafnar þær Hjördís Halla og Þórhildur en eftir sætaröðun dómara voru það þau Þórhildur Helgadóttir og Kóngur frá Korpu sem stóðu uppi sem Íslandsmeistarar í fjórgangi barna 2023.

1-2 Þórhildur Helgadóttir / Kóngur frá Korpu 6,87

1-2 Hjördís Halla Þórarinsdóttir / Flipi frá Bergsstöðum Vatnsnesi 6,87

3 Apríl Björk Þórisdóttir / Hólmi frá Kaldbak 6,57

4-5 Eyvör Vaka Guðmundsdóttir / Bragabót frá Bakkakoti 6,37

4-5 Jóhanna Sigurlilja Sigurðardóttir / Laufi frá Syðri-Völlum 6,37

Gæðingalist barna

1. Hjördís Halla Þórarinsdóttir Flipi frá Bergsstöðum 6.53

2. Apríl Björk Þórisdóttir Sikill frá Árbæjarhjáleigu 6.17

3. Jóhanna Sigurlilja Sigurðardóttir Gustur frá Efri-Þverá 5.97

4. Ásthildur V. Sigurvinsdóttir Hrafn frá Eylandi 4.63

5. Viktoría Huld Hannesdóttir Þinur frá Enni 4.30

Landslið Íslands á HM 2023

Fri, 14 Jul 2023 16:37:00 GMT

Í dag var tilkynnt hverjir munu skipa landslið íslands í hestaíþróttum á HM í Hollandi í ágúst. Kynningin var haldin í sýningarsal Mercedes-Benz að Krókhálsi 11. Askja umboðsaðili Mercedes-Benz á Íslandi er einn af aðal styrktaraðilum íslenska landsliðsins.

Sigurbjörn Bárðarson landsliðsþjálfari og Hekla Katharína Kristinsdóttir þjálfari U21 fóru yfir val á knöpum og hestum í liðið. Þau hafa haft úr frábærum hóp afreksknapa að velja en við val á landsliðinu er horft til árangurs á mótum á árinu innan lands og utan.

Sjö knapar eru valdir í íþróttakeppni í flokki fullorðinna og fimm knapar í U21. Að auki verða sex hross frá Íslandi í kynbótasýningu á mótinu. Þá munu þrír tililverjendur keppa fyrir hönd Íslands.

Mikill hugur er í liðsmönnum og teyminu öllu enda væntingar um góðan árangur á mótinu. Hestarnir fara með Icelandair Cargo 31. júlí og þeim fylgja nokkrir knapar og fulltrúi landsliðsnefndar. Landsliðið flýgur svo út 1. ágúst og teymið þann 4. Heimsmeistaramótið hefst þriðjudaginn 8. ágúst og stendur til 12. ágúst.

Landslið Íslands 2023 skipa

Elvar Þormarsson Hmf. Geysir
Fjalladís frá Fornusöndum gæðingaskeið PP1
Elvar og Fjalladís eru Íslandsmeistarar í gæðingaskeiði undanfarin tvö ár og sigurvegar í sömu grein á Landsmóti 2022. Fjalladís er framúrskarandi í gæðingaskeiði, teknísk og fljót á skeiði með frábærar niðurhægingar.

Hans Þór Hilmarsson Hmf. Geysir
Jarl frá Þóroddsstöðum 250m skeið P1 og 100m skeið P2
Hans Þór og Jarl eru vaxandi par í skeiðgreinum og hafa jafnt og þétt verið að bæta tíma sína síðastliðin tvö ár. Jarl er orðinn einn alfljótasti skeiðhestur í heiminum um þessar mundir í 250 m skeiði.

Ingibergur Árnason Hmf. Sörli
Sólveig frá Kirkjubæ 250m skeið P1 og 100m skeið P2
Ingibergur og Sólveig eru eitt alfljótasta parið á heimsvísu í skeiðgreinunum 100m skeið og 250 m skeið og hafa verið um árbil.

Jóhanna Margrét Snorradóttir Hmf. Máni
Bárður frá Melabergi fjórgangur V1 og tölt T1
Jóhanna Margrét er Íslandsmeistari í tölti, fjórgangi og samanlögðum fjórgangsgreinum á Bárði. Jóhanna Margrét og Bárður urðu einnig Íslandsmeistarar í fjórgangi árin 2021 og 2022. Bárður er töltari í sérflokki og hefur á árinu náð ótrúlega góðum árangri í tölti og fjórgangi. Má þar helst telja Reykjarvíkurmeistaramót og Íslandsmót.

Sara Sigurbjörnsdóttir Hmf. Geysir
Flóki frá Oddhóli fimmgangur F1
Sara Sigurbjörnsdóttir og Flóki hafa staðið í fremstu röð í fimmgangi undanfarin ár og voru meðal annars Reykjavíkurmeistarar, Landsmótssigurvegarar og Íslandsmeistarar í greininni árið 2022. Flóki er jafnvígur og sterkur fimmgangshestur mer úrvalsgott skeið í fimmgangi.

Þorgeir Ólafsson Hmf. Borgfirðingur
Goðasteinn frá Haukagili í Hvítársíðu fimmgangur F1, tölt T1, gæðingaskeið PP1
Þorgeir og Goðasteinn komu sér á kortið í fimmgangi með góðum árangri í Meistaradeild Líflands í vetur og hafa á árinu vaxið mikið í fimmgangi. Þeir sigðruðu fimmganginn á Reykjavíkurmeistaramótinu og unnu til bronsverðlauna í sömu grein á Íslandsmóti á Selfossi ásamt því að ná góðum árangri í samanlögðum fimmgangsgreinum á mótinu.

Páll Bragi Hólmarsson Hmf. Jökull
Vísir frá Kagaðarhóli tölt T1
Páll og Vísir hafa á árinu náð eftirtektarverðum árangri í tölti T1 og verið í úrslitum á WR móti Sleipnis, Reykjavíkurmeistaramóti og Íslandsmóti.

Teitur Árnason Hmf. Fákur
Drottning frá Hömrum II 100 m skeið P2
Teitur er ríkjandi heimsmeistari í gæðingaskeiði frá HM 2019. Hann og Drottning eru Íslandsmeistarar í 100 m skeiði og náður á Íslandsmótinu á Selfossi framúrskarandi tíma í greininni. Teitur varð á mótinu Íslandsmeistari í T2, F1 og 100 m skeiði.

Benjamín Sandur Ingólfsson Hmf. Fákur
Júní frá Brúnum fimmgangur F1, gæðingaskeið PP1 og tölt T1
Benjamín Sandur er ríkjandi heimsmeistari í gæðingaskeiði ungmenna frá 2019. Hann mætir til leiks á Júní frá Brúnum sem er reyndur keppnishestur í fimmgangsgreinum.

Guðmundur Björgvinsson Hmf. Geysir
Brimir frá Varmadal gæðingaskeið PP1
Guðmundur og Brimir hafa árinu verið að stimpla sig inn í hóp sterkustu para í gæðingaskeiði.

U21 landsliðið skipa:

Benedikt Ólafsson Hmf. Hörður
Leira-Björk frá Naustum III gæðingaskeið PP1, 250 m skeið P1 og 100 m skeið P2
Benedikt og Leira-Björk eru Íslandsmeistarar í gæðingaskeiði Ungmenna síðastliðin 3 ár og hafa náð frábærum árangri í greininni. Leira-Björk er sérlega teknísk á skeiði með góðar niðurtökur og niðurhægingar ásamt því að vera stöðugt að bæta tíma sinn á skeiðkaflanum. Benedikt er reyndur knapi í ungmennaflokki og hefur unnið fjölda góðra sigra í hinum ýmsu greinum hestaíþróttanna og á Landsmótum 2021 og 2022.

Jón Ársæll Bergmann Hmf. Geysir
Frár frá Sandhól fjórgangur V1 og tölt T1
Jón Ársæll og Frár eru Íslandsmeistarar í fjórgangi, tölti og samanlögðum fjórgangsgreinum í ungmennaflokki. Þetta par kom fyrst fram á WR móti Geysis þar sem þeir sigruðu fjórgang og hafa síðan vaxið saman fram að Íslandsmóti þar sem þeir náðu frábærum árangri. Frár er hátt dæmdur stóðhestur með frábærar gangtegundir. Jón Ársæll er keppnisknapi í fremstu röð og er fjórfaldur Íslandsmeistari í ungmennaflokki.

Glódís Rún Sigurðardóttir Hmf. Sleipnir
Salka frá Efri-Brú F1, T1 og PP1
Glódís og Salka skutust inn á sviðið með frábærri frammistöðu í fimmgangi í meistaradeild Líflands 2023. Þær sigruðu svo fimmgang á Reykjavíkurmeistaramótinu og urðu Íslandsmeistarar í fimmgangi ungmenna á Selfossi í sumar. Salka er hestagull, falleg og jöfn fimmgangshryssa. Glódís hefur í mörg ár verið í fremstu röð ungra knapa á Íslandi og hefur unnið fjölda titla í hinum ýmsu greinum.

Herdís Björg Jóhannsdóttir Hmf. Sprettur
Kvarði frá Pulu tölt T1
Herdís Björg og Kvarði urðu Íslandsmeistarar í tölti unglinga árið 2022 og sigruðu T1 ungmenna á Íslandsmótinu á Selfossi fyrr í sumar. Þau hafa á síðastliðnu ári vaxið mikið í tölti og náð frábærum árangri saman. Kvarði er flugrúmur og kattliðugur töltari og Herdís, sem alla jafna keppir í unglingaflokki, er að sanna sig sem keppnisknapi í fremstu röð.

Sigríður Ingibjörg Einarsdóttir Hmf. Sindri
Ylfa frá Miðengi 250m skeið P1 og 100 m skeið P2
Sigríður Ingibjörg og Ylfa eru Íslandsmeistarar í 100 m. Skeiði og náðu þar gríðarlega góðum tíma í greininni. Sigríður og Ylfa voru einnig Íslandsmeistarar í sömu grein árið 2021 og hafa nú á árinu sýnt stöðugan og stígandi árangur í skeiði með sigra á Reykjavíkurmeistaramóti og Íslandsmóti eins og áður segir. Ylfa er komin í hóp alfljótustu skeiðhesta landsins um þessar mundir.

Kynbótahross:

5 vetra hryssa:

Ársól frá Sauðanesi IS2018267175
F: Spuni frá Vesturkoti
M: Sóllilja frá Sauðanesi
Sköpulag 8,24
Hæfileikar 8,65
Aðaleinkunn 8,51
Knapi Aðalheiður Anna Guðjónsdóttir
Eigendur: Marianne Sonne, Jens Peter Sonne, Maja Lykke Groth
Ræktandi Ágúst Marinósson

6 vetra hryssur:
Hrönn frá Fákshólum IS2017281424
F: Kiljan frá Steinnesi
M: Adama frá Búrfelli
Sköpulag 8,59
Hæfileikar 8,53
Aðaleinkunn 8,55
Knapi Jakob Svavar Sigurðsson
Eigendur: Anja Egger-Meier og Kronshof GbR
Ræktendur Helga Una Björnsdóttir og Sigurbjörg Geirsdóttir

7 vetra og eldri hryssur
Katla frá Hemlu II IS2012280613
F: Skýr frá Skálakoti
M: Spyrna frá Síðu
Sköpulag: 8,66
Hæfileikar: 8,86
Aðaleinkunn 8,79
Knapi Árni Björn Pálsson
Eigandi Anja Egger-Meier
Ræktendur: Anna Geirsdóttir og Vignir Siggeirsson

5 vetra stóðhestar:
Höfði frá Bergi IS2018137486
F: Apollo frá Haukholtum
M: Hilda frá Bjarnarhöfn
Sköpulag: 8,23
Hæfileikar: 8,42
Aðaleinkunn 8,35
Knapi Þorgeir Ólafsson
Eigandi og ræktandi: Anna Dóra Markúsdóttir

6 vetra stóðhestar:
Geisli frá Árbæ IS2017186936
F: Ölnir frá Akranesi
M: Gleði frá Árbæ
Sköpulag 8,76
Hæfileikar 8,34
Aðaleinkunn 8,49
Knapi Árni Björn Pálsson
Eigandi G. Jóhannsson ehf
Ræktandi Gunnar Andrés Jóhannsson og Vigdís Þórarinsdóttir

7 vetra og eldri stóðhestar
Hersir frá Húsavík IS2015166640
F: Vökull frá Efri-Brú
M: Hrauna frá Húsavík
Sköpulag: 8,99
Hæfileikar 8,42
Aðaleinkunn 8,62
Knapi Teitur Árnason
Eigandi Euro-Steel 88 Aps
Ræktendur: Einar Gíslason og Gísli Haraldsson

Fyrstu Íslandsmeistararnir í gæðingalist barna og unglinga

Fri, 14 Jul 2023 09:11:00 GMT

Nú fer fram Íslandsmót barna og unglinga á Rangarárvöllum. Mótinu er streymt í beinni útsendingu sem hægt er að nálgast hér: https://fb.watch/lLNGolI-1O/

Í gærkvöld fór fram gæðingalist 1 og 2 í fyrsta sinn á Íslandsmóti og tókst það mjög vel. Keppendur sýndu flottar æfingar og augljóst að mikill metnaður var lagður í undirbúning sýninganna.

Dagskrá fyrir mótið má sjá hér:

10 fulltrúar íslands taka þátt í FEIF Youth Camp

Thu, 13 Jul 2023 14:11:00 GMT

FEIF Youth Camp námsbúðirnar hefjast á morgun 14. júlí og standa til 19. júlí í Ypåjå í Finnlandi.

FEIF Youth Camp eru námsbúðir fyrir þátttakendur á aldrinum 14-17 ára á árinu. Markmið þeirra er að kynna krakka frá aðildarlöndum FEIF fyrir hestamenningu annara þjóða, auka skilning á menningarlegum mun okkar í nálgun á hestinum og að hitta ungt fólk með sama áhugamál.

Upphaflega var Íslandi úthlutað 2 sætum, en sökum mikils áhuga frá ungum íslenskum knöpum var okkur boðið að senda út 10 fulltrúa og höfum við aldrei átt jafnmarga fulltrúa á svona viðburði áður. Þetta er ákaflega gleðilegt og sýnir þá miklu grósku sem er í barna og unglingastarfi hestamannafélaganna.

Það sem verður meðal annars á dagskrá er:

· Reiðtúrar á íslenskum hestum í fallegu landslagi

· Hádegisverður við varðeld

· Sýnikennsla og fyrirlestur um flugskeið

· Kynningarferð um Hestaháskóla Ypåjå

· Kynning á finnska hestinum og finnskri hestamenningu

· Vinnustofur: Leðurvinna, járningar

· Kynnast nýjum krökkum og eignast nýja vini

· Farið er í sauna og synt í finnskum vötnum

· Og margt fleira!

Fulltrúar Íslands á FY Camp eru:

Anika Hrund Ómarsdóttir, Fákur

Arna Sigurlaug Óskarsdóttir, Hörður

Arnheiður Júlía Hafsteinsdóttir, Sörli

Erla Rán Róbertsdóttir, Sörli

Eyrún Anna Jóhannesdóttir, Sprettur

Heiðný Edda Widnes, Sleipnir

Hildur María Jóhannesdóttir, Jökull

Jólín Björk Kamp Kristinsdóttir, Þytur

Sóley Lóa Smáradóttir, Sörli

Sóley Vigfúsdóttir, Sleipnir

Formaður æskulýðsnefndar Dagbjört Hulda Guðbjörnsdóttir fylgir hópnum í ferðinni.

Við óskum þessum flottu fulltrúum góðrar ferðar og vonum að reynslan muni efla þau og styrkja í áhugamálinu.

Íslandsmót barna og unglinga hefst í dag

Wed, 12 Jul 2023 10:33:00 GMT

Íslandsmót barna og unglinga hefst í dag, miðvikudaginn 12. júlí. Alls eru 109 keppendur skráðir á mótið. Undirbúningur hefur gengið vel og ljóst að von er á glæsilegum sýningum hjá unga fólkinu okkar. Alendis mun vera á staðnum og streyma frá viðburðinum í opinni dagskrá!

Veðurspáin fyrir mótið er góð og því er um að gera að sýna þessum hæfileikaríku íþróttamönnum okkar stuðning með því að mæta á Rangárbakka og hvetja þau áfram.

Facebook síðu mótsins má nálgast hér

Dagskrá

Miðvikudagur

15:00-16:40 Fjórgangur V1 Unglingaflokkur knapi 1-20

16:40-16:55 Vallarhlé

16:55-18:35 Fjórgangur V1 Unglingaflokkur knapi 21-40

18:35-18:50 Vallarhlé

18:50-20:20 Fjórgangur V1 Unglingaflokkur knapi 41-60

Fimmtudagur

14:00-15:20 Fimmgangur F2 Unglingaflokkur holl 1-7

15:20-15:30 Vallarhlé

15:30-16:50 Fimmgangur F2 Unglingaflokkur holl 8-14

16:50-17:00 Vallarhlé 17:00-18:20 Fjórgangur V2 Barnaflokkur

18:20-19:00 Matarhlé

19:00-20:30 Gæðingalist Barnaflokkur og Gæðingalist Unglingaflokkur

Föstudagur

09:00-10:25 Tölt T1 Unglingaflokkur Knapi 1-24

10:25-10:35 Vallarhlé

10:35-12:00 Tölt T1 Unglingaflokkur Knapi 25-48

12:00-13:00 Hádegismatur

13:00-13:50 Tölt T3 Barnaflokkur

13:50-15:20 Tölt T4 Unglingaflokkur

15:20-16:00 Tölt T4 Barnaflokkur

16:00-16:30 Kaffi

16:30-18:00 Gæðingaskeið Unglingaflokkur

18:00-19:30 GRILL - Auglýst síðar

19:30-20:10 Gæðingatölt Barnaflokkur

20:10-21:00 Gæðingatölt Unglingaflokkur

Laugardagur

09:00-10:30 Unglingaflokkur

10:30-12:00 Barnaflokkur

12:00-12.50 Hádegismatur

12:50-13:30 Fimmgangur F2 Unglingaflokkur B-úrslit

13:30-14:00 Fjórgangur V2 Barnaflokkur B-úrslit

14:00-14:30 Fjórgangur V1 Unglingaflokkur B-úrslit

14:30-15:00 Kaffi 15:00-15:20 Tölt T4 Unglingaflokkur B-úrslit

15:20-15:40 Tölt T3 BarnaflokkurB-úrslit

15:40-16:00 Tölt T1 Unglingaflokkur B-úrslit

16:00-16:30 Kaffi

16:30-17:30 100m skeið

Sunnudagur

09:30-10:00 Fjórgangur V1 Unglingaflokkur A-úrslit

10:00-10:30 Fjórgangur V4 Barnaflokkur A-úrslit

10:30-11:00 Unglingaflokkur Gæðinga A-úrslit

11:00-11:30 Barnaflokkur Gæðinga A-úrslit

11:30-11:50 Pollatölt Pollaflokkur

11:50-12:40 Hádegismatur

12:40-13:00 Tölt T4 Barnaflokkur A-úrslit

13:00-13:20 Tölt T4 Unglingaflokkur A-úrslit

13:20-13:40 Gæðingatölt Barnaflokkur A-úrslit

13:40-14:00 Gæðingatölt Unglingaflokkur A-úrslit

14:00-14:30 Fimmgangur F2 Unglingaflokkur A-úrslit

14:30-15:00 Kaffi

15:00-15:30 Tölt T3 Barnaflokkur A-úrslit

15:30-16:00 Tölt T1 Unglingaflokkur A-úrslit

Áhugamannamót Íslands og Áhugamannamót Spretts. 21.-23.júlí

Mon, 10 Jul 2023 11:06:00 GMT

Áhugamannamót Íslands fer fram dagana 21.-23.júlí á félagssvæði Spretts. Þátttökurétt hafa allir sem náð hafa 22 ára aldri og hafa ekki keppt í meistaraflokki í íþróttakeppni á síðastliðnum 5 árum. Á sama tíma fer fram Áhugamannamót Spretts. 21.-23.júlí á félagssvæði Spretts, en það er frábær vettvangur fyrir þá sem vilja auka við keppnisreynsluna, þar verður boðið upp á tvo flokka annarsvegar 2. flokk: Knapar með minni keppnisreynslu og 3. flokk: Knapar sem er byrjendur í keppni, fólk sem hefur t.d. eingöngu keppt á vetrarleikum eða minni mótum.

Undirbúningur er í fullum gangi og tínast styrktaraðilar í hús hver af öðrum. Veglegir vinningar verða í öllum greinum.

Skráningu lýkur 15.júlí . Lágmarks skráning í hvern flokk er 5 keppendur.

Nefndin áskilur sér rétt til að fella niður eða sameina flokka/greinar ef ekki verður verður næg þátttaka.

Skráning fer fram í gegnum Sportfeng. Allar fyrirspurnir og afskráningar fara fram í gegnum netfangið motanefnd@sprettarar.is

Allir keppendur á Áhugamannamóti Íslands og Tommy Hilfilger og Áhugamannamóti Spretts og bílabankans fá 20% afslátt af öllum vörum í Ástund fram að móti og meðan á mótinu stendur. Eina sem þarf að gera er að sýna fram á skráningu í Kappa „appinu“

Play styrkir fljúgandi 100.m skeið í 2. flokki á Áhugamannamóti Spretts.

Play mun gefa gjafabréf í þrjú efstu sætin. Nú er um að gera að skrá sig í fljúgandi skeið og fljúga á vit ævintýranna með Play.

Þátttökurétt á Áhugamannamóti Íslands hafa allir sem náð hafa 22 ára aldri á keppnisárinu og hafa ekki keppt í meistaraflokki í íþróttakeppni á síðastliðnum 5 árum.

Keppt verður í 1.flokki. Hér keppa knapar með meiri keppnisreynslu.

Keppt veðrur í: Tölt T3, Fjórgangur V2, Fimmgangur F2, Slaktaumatölt T4, Gæðingaskeið PP1, Fjórgangur V5, Tölt T7 einnig verður keppt í Gæðingakeppni, A og B flokki.

Áhugamannamót Spretts og Bílabankans .

Keppt verður í 2. flokki . Hér keppa knapar með minni keppnisreynslu.

Keppt verður í: Tölt T3, Fjórgangur V2, Fimmgangur F2, Slaktaumatölt T4, Fjórgangur V5, Tölt T7.

Keppt verður í 3. flokki Hér keppa knapar sem er byrjendur í keppni, fólk sem hefur t.d. eingöngu keppt á vetrarleikum eða minni mótum .

Keppt verður í: Tölt T7 og Fjórgangur V5

Við bendum keppendum á nýjar reglur varðandi beislabúnað í keppni https://www.lhhestar.is/is/frettir/hvad-ma-eiginlega

Íslandsmót barna- og unglinga 2023

Wed, 05 Jul 2023 12:47:00 GMT

Íslandsmót barna- og unglinga 2023 verður haldið á Rangárbökkum félagssvæði Geysis dagana 12.-16. júlí.

Keppt verður í eftirfarandi greinum:

Barnaflokkur: gæðingalist 1. stig, tölt T3, tölt T4 og fjórgangi V2.

Unglingaflokkur: gæðingalist 2. stig, tölt T1, tölt T4, fjórgangur V1, fimmangur F2, gæðingaskeiði PP1 og 100 m. flugskeið P2.

Jafnframt verður nú boðið uppá gæðingakeppni og gæðingatölt í báðum aldursflokkum.

Opið verður fyrir skráningu á mótið inná www.sportfengur.com , fram til miðnættis 7. júlí.

Mustad styrkir íslenska landsliðið í hestaíþróttum

Wed, 05 Jul 2023 10:27:00 GMT

Mustad er komið í hóp aðalstyrktaraðila íslenska landsliðsins í hestaíþróttum. Kristinn Skúlason formaður landsliðs- og afreksnefndar LH og Ólafur Ó. Johnson framkvæmdastjóri ÓJ&K-ISAM skrifuðu undir samstarfssamning til tveggja ára.

ÓJ&K-ISAM er umboðsaðili Mustad á Íslandi. Mustad skeifur og járningarvöru eru í fremsta gæðaflokki. Þessi samningur er landsliðinu í hestaíþróttum afar mikilvægur enda stutt Heimsmeistaramótið í Hollandi.

Landssamband hestamannafélaga þakkar stuðninginn.

Niðurstöður Íslandsmeistaramóts Fullorðinna og Ungmenna

Mon, 03 Jul 2023 13:07:00 GMT

Spennan var í hámarki á Brávöllum um helgina þegar úrslit Íslandsmeistaramótsins fóru fram. Reiðmennskan var í hæsta gæðaflokki og sýningarnar voru hver annari betri. Fyrstur til að tryggja sér Íslandsmeistara var Benedikt Ólafsson og Leira-Björk frá Naustum III, þau eru Íslandsmeistarar ungmenna í Gæðingaskeiði með einkunnina 8,5. Fullorðinsflokkinn sigraði Elvar Þormarsson og Fjalladís frá Fornusöndum með 9,0 er þetta þriðja árið í röð sem bæði Benedikt og Elvar tryggja sér þennan titil og báðir með hærri einkunn en áður.

Næstur á verðlaunapall í fullorðinsflokki var Konráð Valur Sveinsson Kastor frá Garðshorni á Þelamörk þeir sigruðu 250m skeiðið á tímanum 21,48. Konráð var líka með annan besta tíman á Tangó frá Litla-Garði á tímanum 21,71. Konráð varð einnig Íslandsmeistari í 150m skeiði á Kjark frá Árbæjarhjáleigu II á tímanum 14,14 og með 7,86 í einkunn. Er þetta níundi Íslandsmeistaratitill Konráðs og Kjarks en þeir hafa áður sigrað 250m skeið og 100m flugskeið. Sigurvegari 100m flugskeiði var Teitur Árnason og Drottning frá Hömrum II á tímanum 7,19.

Sigurvegari í ungmennaflokk í 250m skeiði var Jón Ársæll Bergmann og Rikki frá Stóru-Gröf ytri á tímanum 21,98 og í 150m skeiði var það Sigrún Högna Tómasdóttir og Funi frá Hofi sem tryggðu sér Íslandsmeistaratitilinn annað árið í röð á tímanum 15,09. Í 100 flugskeiði var það Sigríður Ingibjörg Einarsdóttir og Ylfa frá Miðengi sem sigruðu á tímanum 7,34 þær urðu einnig Íslandsmeistarar árið 2021.

Jóhanna Margrét Snorradóttir og Bárður frá Melabergi tryggðu sér þriðja Íslandsmeistaratitilinn í röð í fjórgangi fullorðinna með einkunnina 8,30. Þau urðu einnig Íslandsmeistarar í T1 með einkunnina 9,11. Íslandsmeistari í fjórgangi ungmenna varð Jón Ársæll Bergmann og Frár frá Sandhól með einkunnina 7,87 hann varð einnig Íslandsmeistari í T1 með einkunnina 7,72. Það voru þó þau Herdís Björg Jóhannsdóttir og Kvarði frá Pulu sem sigruðu T1 með einkunnina 8,11 en Herdís er enn í unglingaflokk og var að keppa upp fyrir sig í aldri og hampar því ekki titlinum að þessu sinni.

Úrslitin í fimmgangi voru einkar spennandi og hnífjöfn en að lokum var það Teitur Árnason Atlas frá Hjallanesi 1 sem sigruðu en hann og Þórarinn Eymundsson og Þráinn frá Flagbjarnarholti voru jafnir í fyrsta til öðru sæti með einkunnina 7,74. Rétt á eftir þeim voru svo jafnir í 3-4 sæti Hans Þór Hilmarsson og Ölur frá Reykjavöllum og Þorgeir Ólafsson Goðasteinn frá Haukagili Hvítársíðu með einkunnina 7,71.

Ungmennaflokkurinn var ekki síður spennandi en hann sigraði Glódís Rún Sigurðardóttir og Salka frá Efri- Brún með einkunnina 7,60. Í öðru sæti urðu Þórgunnur Þórarinsdóttir og Djarfur frá Flatatungu en þau sigruðu B-úrslitin. Þetta er annað árið í röð sem Glódís sigrar fimmganginn.

Í slaktaumatöltinu var það enn og aftur Teitur Árnason sem stóð uppi sem sigurvegari. Hann og Njörður frá Feti hlutu einkunnina 8,42 og deildu fyrsta til öðru sæti með Ásmundi Erni Snorrasyni og Hlökk frá Strandarhöfði. Eftir sætaröðun dómara stóð Teitur uppi sem sigurvegari í sinni þriðju keppnisgrein á mótinu. Íslandsmeistari ungmenna varð Arnar Máni Sigurjónsson Arion frá Miklholti með einkunnina 8,08 en þetta er annað árið í röð sem Arnar og Arion vinna þennan titil.

Samanlagðir sigurvegarar í fullorðinsflokki voru í fjórgangi: Jóhanna Margrét Snorradóttir og Bárður frá Melabergi. Fimmgangs sigurvegari: Jakob Svavar Sigurðsson og Nökkvi frá Hrísakoti.

Samanlagðir sigurvegarar í ungmennaflokki í fjórgangi voru: Jón Ársæll Bergmann og Frár frá Sandhól. Fimmgangs sigurvegari: Katla Sif Snorradóttir og Gimsteinn frá Víðinesi 1.

Niðurstöður A úrslit

Tölt - T1 Fullorðinsflokkur

1 Jóhanna Margrét Snorradóttir / Bárður frá Melabergi 9,11

2 Viðar Ingólfsson / Þór frá Stóra-Hofi 8,78

3 Páll Bragi Hólmarsson / Vísir frá Kagaðarhóli 8,72

4 Jakob Svavar Sigurðsson / Tumi frá Jarðbrú 8,67

5 Teitur Árnason / Sigur frá Laugarbökkum 8,50

6 Helga Una Björnsdóttir / Fluga frá Hrafnagili 8,22

7 Daníel Jónsson / Heiður frá Eystra-Fróðholti 7,89

Tölt - T1 Ungmennaflokkur

1 Herdís Björg Jóhannsdóttir / Kvarði frá Pulu 8,11

2 Jón Ársæll Bergmann / Frár frá Sandhól 7,72

3 Signý Sól Snorradóttir / Kolbeinn frá Horni I 7,67

4-5 Védís Huld Sigurðardóttir / Ísak frá Þjórsárbakka 7,56

4-5 Egill Már Þórsson / Assa frá Miðhúsum 7,56

6 Benedikt Ólafsson / Biskup frá Ólafshaga 7,44

7 Sigurður Baldur Ríkharðsson / Trymbill frá Traðarlandi 7,39

Slaktaumatölt – T2 Fullorðinsflokkur

1-2 Teitur Árnason / Njörður frá Feti 8,42

1-2 Ásmundur Ernir Snorrason / Hlökk frá Strandarhöfði 8,42

3 Jakob Svavar Sigurðsson / Hilmir frá Árbæjarhjáleigu II 7,92

4 Aðalheiður Anna Guðjónsdóttir / Flóvent frá Breiðstöðum 7,88

5 Mette Mannseth / Blundur frá Þúfum 7,62

6 Viðar Ingólfsson / Eldur frá Mið-Fossum 6,92

Slaktaumatölt – T2 Ungmennaflokkur

1 Arnar Máni Sigurjónsson / Arion frá Miklholti 8,08

2-4 Matthías Sigurðsson / Dýri frá Hrafnkelsstöðum 1 7,71

2-4 Signý Sól Snorradóttir / Rafn frá Melabergi 7,71

2-4 Védís Huld Sigurðardóttir / Hrafnfaxi frá Skeggsstöðum 7,71

5 Glódís Rún Sigurðardóttir / Breki frá Austurási 7,25

6 Kristófer Darri Sigurðsson / Tangó frá Heimahaga 7,21

7 Selma Leifsdóttir / Hjari frá Hofi á Höfðaströnd 6,46

Fimmgangur – F1 Fullorðinsflokkur

1-2 Teitur Árnason / Atlas frá Hjallanesi 1 7,74

1-2 Þórarinn Eymundsson / Þráinn frá Flagbjarnarholti 7,74

3-4 Hans Þór Hilmarsson / Ölur frá Reykjavöllum 7,71

3-4 Þorgeir Ólafsson / Goðasteinn frá Haukagili Hvítársíðu 7,71

5 Jakob Svavar Sigurðsson / Nökkvi frá Hrísakoti 7,62

6 Sara Sigurbjörnsdóttir / Flóki frá Oddhóli 6,83

Fimmgangur – F1 Ungmennaflokkur

1 Glódís Rún Sigurðardóttir / Salka frá Efri-Brú 7,60

2 Þórgunnur Þórarinsdóttir / Djarfur frá Flatatungu 7,14

3 Arnar Máni Sigurjónsson / Fluga frá Lækjamóti 6,86

4 Védís Huld Sigurðardóttir / Heba frá Íbishóli 6,76

5 Þorvaldur Logi Einarsson / Skálmöld frá Miðfelli 2 6,62

6 Katla Sif Snorradóttir / Gimsteinn frá Víðinesi 1 6,14

Fjórgangur – V1 Fullorðinsflokkur

1 Jóhanna Margrét Snorradóttir / Bárður frá Melabergi 8,30

2-3 Sara Sigurbjörnsdóttir / Fluga frá Oddhóli 7,90

2-3 Elin Holst / Frami frá Ketilsstöðum 7,90

4 Aðalheiður Anna Guðjónsdóttir / Flóvent frá Breiðstöðum 7,70

5 Teitur Árnason / Auðlind frá Þjórsárbakka 7,60

6 Hans Þór Hilmarsson / Fákur frá Kaldbak 7,53

7 Helga Una Björnsdóttir / Hnokki frá Eylandi 7,40

Fjórgangur – V1 Ungmennaflokkur

1 Jón Ársæll Bergmann / Frár frá Sandhól 7,87

2 Signý Sól Snorradóttir / Kolbeinn frá Horni I 7,57

3 Kristófer Darri Sigurðsson / Ölver frá Narfastöðum 7,47

4 Katla Sif Snorradóttir / Logi frá Lundum II 7,07

5 Hekla Rán Hannesdóttir / Grímur frá Skógarási 7,00

6 Hulda María Sveinbjörnsdóttir / Aðgát frá Víðivöllum fremri 6,93

Flugskeið 100m P2 - Fullorðinsflokkur

Sæti Keppandi Hross Betri sprettur Einkunn

1 Teitur Árnason Drottning frá Hömrum II 7,19 8,75

2 Ingibergur Árnason Sólveig frá Kirkjubæ 7,25 8,64

3 Þorgeir Ólafsson Hátíð frá Sumarliðabæ 2 7,31 8,53

4 Konráð Valur Sveinsson Kastor frá Garðshorni á Þelamörk 7,32 8,51

5 Hans Þór Hilmarsson Jarl frá Þóroddsstöðum 7,36 8,44

Flugskeið 100m P2 - Ungmennaflokkur

Sæti Keppandi Hross Betri sprettur Einkunn

1 Sigríður Ingibjörg Einarsdóttir Ylfa frá Miðengi 7,34 8,47

2 Jón Ársæll Bergmann Rikki frá Stóru-Gröf ytri 7,37 8,42

3 Kristófer Darri Sigurðsson Gnúpur frá Dallandi 7,67 7,87

4 Þórey Þula Helgadóttir Þótti frá Hvammi I 7,72 7,78

5 Þórgunnur Þórarinsdóttir Gullbrá frá Lóni 7,73 7,76

Skeið 150m P3 - Fullorðinsflokkur

Sæti Keppandi Hross Betri sprettur Einkunn

1 Konráð Valur Sveinsson Kjarkur frá Árbæjarhjáleigu II 14,14 7,86

2 Þórarinn Ragnarsson Bína frá Vatnsholti 14,28 7,72

3 Ingibergur Árnason Flótti frá Meiri-Tungu 1 14,32 7,68

4 Þorgeir Ólafsson Hátíð frá Sumarliðabæ 2 14,41 7,59

5 Sigurður Heiðar Birgisson Hrina frá 14,41 7,59

Skeið 150m P3 - Ungmennaflokkur

Sæti Keppandi Hross Betri sprettur Einkunn

1 Sigrún Högna Tómasdóttir Funi frá Hofi 15,09 6,91

2 Embla Þórey Elvarsdóttir Tinni frá Laxdalshofi 16,99 5,01

Skeið 250m P1 – Fullorðinsflokkur

Sæti Keppandi Hross Betri sprettur Einkunn

1 Konráð Valur Sveinsson Kastor frá Garðshorni á Þelamörk 21,48 8,82

2 Konráð Valur Sveinsson Tangó frá Litla-Garði 21,71 8,63

3 Daníel Gunnarsson Eining frá Einhamri 2 21,76 8,59

4 Ingibergur Árnason Sólveig frá Kirkjubæ 21,79 8,57

5 Hans Þór Hilmarsson Jarl frá Þóroddsstöðum 21,82 8,54

Skeið 250m P1 – Ungmennaflokkur

Sæti Keppandi Hross Betri sprettur Einkunn

1 Jón Ársæll Bergmann Rikki frá Stóru-Gröf ytri 21,98 8,42

2 Kristófer Darri Sigurðsson Gnúpur frá Dallandi 22,58 7,94

3 Sigríður Ingibjörg Einarsdóttir Ylfa frá Miðengi 24,15 6,68

4 Matthías Sigurðsson Tign frá Fornusöndum 24,49 6,41

5 Þorvaldur Logi Einarsson Skíma frá Syðra-Langholti 4 24,77 6,18

lhhestar

Fyrirkomulag sýningargreina á Landsmóti 2026

Katla Gísladóttir nýr starfsmaður á skrifstofu LH

Reiðkennarar, dómarar og annað fagfólk í hestamennsku...

Fyrir alla reiðkennara, dómara og annað fagfólk í hestamennsku...

Allra sterkustu - Takk fyrir stuðninginn

Takk fyrir stuðninginn

Vinningsmiðar í happdrætti Allra sterkustu

Dregið hefur verið í happdrætti Allra sterkustu

Stóðhestavelta landsliðsins heildarlisti hesta

Heildarlisti hesta í stóðhestaveltu landsliðsins

Skuggi frá Sumarliðabæ er í stóðhestaveltunni ásamt fleiri gæðingum

Tollur undir Skugga frá Sumarliðabæ er í Stóðhestaveltunni

Náttfari frá Varmalæk og fleiri góðir hestar í Stóðhestaveltunni

Tollur undir Náttfara frá Varmalæk er í Stóðhestaveltunni

Kolskeggur og fleiri stólpagæðíngar í Stóðhestaveltu landsliðsins

Tollur undir Kolskegg frá Kjarnholtum er í Stóðhestaveltunni

Breytingar á keppnisreglum taka gildi 1. apríl

1. apríl taka gildi breytingar á reglum sem samþykktar voru á FEIF þingi

Fryst endurinnflutt sæði í Stóðhestaveltu landsliðsins!

Fryst sæði í stóðhestaveltu Landsliðs Íslands í hestaíþróttum

Adrían og fleiri frábærir stóðhestar í Stóðhestaveltunni

Tollur undir Adrían frá Garðshorni á Þelamörk er í Stóðhestaveltunni

Skýr frá Skálakoti er í Stóðhestaveltu landsliðsins

Tollur undir Skýr frá Skálakoti er í Stóðhestaveltunni

Álfaklettur og fleiri gæðingar í Stóðhestaveltunni

Tollur undir Álfaklett er í Stóðhestaveltunni

Svarti-Skuggi og fleiri gæðingar í stóðhestaveltunni

Svarti-Skuggi og fleiri gæðingar í Stóðhestaveltu landsliðsins

Sindri frá Hjarðartúni og næstu hestar í stóðhestaveltunni

Sindri frá Hjarðartúni og næstu hestar í Stóðhestaveltunni

Stóðahestaveltan - skemmtilegasta fjáröflunin!

Stóðhestaveltan - skemmtilegasta fjáröflun sem um getur

Vilt ÞÚ læra meira um gangskiptingar, gangsetningu og hraðabreytingar?

FEIF og LH halda Menntaráðstefnu í Skagafirði 23. – 25. sept. 2026

Do YOU want to learn more about TRANSITIONS?

Education Committees of FEIF and LH invite you to an Education Seminar 23 rd to 25 th of September 2026

Allra sterkustu - takið daginn frá!

Mikilvægasti fjáröflunarviðburður landsliðsins Allra sterkustu fer fram laugardaginn 4. apríl!

LH auglýsir eftir starfsmanni á skrifstofu

Í boði er fjölbreytt og spennandi starf í skemmtilegu og lifandi umhverfi

Menntaráðstefna LH og FEIF 2026

Menntaráðstefna LH og FEIF í Skagafirði í lok september – dagana fyrir Laufskálarétt!

Lágmörk á Íslandsmót fullorðinna og ungmenna 2026

Keppnisnefnd LH hefur samþykkt lágmörk fyrir Íslandsmót 2026

Reiðkennaralisti FEIF uppfærður

Listi yfir virka reiðkennara á Íslandi hefur nú verið uppfærður á menntasíðu FEIF.

FEIF Youth Cup 2026

Umsóknarfrestur á Youth Cup er framlengdur

Upptökur af knapafundum í Gæðingalist

Landsmót hestamanna á samfélagsmiðlum

Flaskar Landsmótssíður á samfélagsmiðlum

Norðurlandamót 2026 í Svíþjóð

Framhaldsknapafundur fyrir knapa í gæðingalist

Haldinn verður annar knapafundur fyrir keppendur í gæðingalist

Upptaka af knapafundi um gæðinglist

Faghópur um gæðingalist hélt opin fund um keppnisgreinina

Knapafundur fyrir keppendur í gæðingalist

Umsögn um frumvarp um sameiningu Hólaskóla og Háskóla Íslands

Breytingar á reglum um leyfðan búnað

Breytingar á reglum um leyfðan búnað

Þátttaka í mótum og félagsaðild

Fréttir af FEIF þingi

Alls eru 84 knapar í afreksstarfi LH

Knapar í afreksstarfi LH eru fyrirmyndir annarra knapa og hver og einn er mikilvægur hlekkur í þeirri keðju sem afreksstarfið myndar.

U21-landsliðshópur í hestaíþróttum 2026

U21- landsliðshópurinn er skipaður 19 af efnilegustu knöpum landsins

A-Landsliðshópur í hestaíþróttum 2026

Fræðslufundur Hæfileikamótunar LH

Fræðslufundur Hæfileikamótunar LH

Kosning um FEIF-reiðkennara ársins

Nýr landsliðsþjálfari U21-landsliðsins í hestaíþróttum

Sigvaldi Lárus Guðmundsson hefur verið ráðinn landsliðsþjálfari U21-landsliðs Íslands í hestaíþróttum

Jólakveðja frá formanni LH

Jóla- og nýárskveðja frá formanni LH

Jólakveðja

Reiðkennari ársins 2025 Hekla Katharína

Hekla Katharína Kristinsdóttir er reiðkennari ársins 2025

Nýr landsliðsþjálfari A-landsliðsins í hestaíþróttum

Ísólfur Líndal Þórisson hefur verið ráðinn landsliðsþjálfari A-landsliðs Íslands í hestaíþróttum

Education Committees of FEIF and LH invite you to an Education Seminar 23 ^rd to 25 ^th of September 2026