Norðurlandamót og Heimsmeistaramót

NM 2026

Norðurlandamótið 2026 fer fram í frábærri aðstöðu á Margaretehof í Everöd í Svíþjóð dagana 4-9 ágúst 2026.

Á NM er keppt í íþrótta- og gæðingakeppni nokkrum aldursflokkum.

Norðurlandamót er heilmikill viðburður og er mikið kapp lagt í að mótið verði allt hið glæsilegasta og staðsetning þess þetta árið er afar hentug uppá ferðir og annað að gera.

Margaretehof liggur rétt utanvið Kristianstad í Suður-Svíþjóð, og er í um klukkustundar lestarferð frá flugvellinum í Kaupmannahöfn.

Kristianstad er skemmtileg að heimsækja og hafa Íslendingar ætíð verið velkomnir þar þegar til dæmis handboltalandsliðið hefur verið að spila riðla sína á stórmótum, og vel tekið á móti öllum.

Knapar sem hafa hug á því að keppa fyrir Íslands hönd á mótinu og eru ekki í landsliðshópum LH nú þegar geta látið vita af sér og sótt um á umsóknarforminu hér að neðan.

Athugið að keppt er í unglinga- ungmenna- og fullorðinsflokkum í íþrótta- og gæðingakeppni og allir knapar sem keppa fyrir Íslands hönd falla undir regluverk íslenska landsliðsins í hestaíþróttum.

Með umsóknum skulu fylgja upplýsingar um hestakost sem í boði er, helsta árangur knapa og hests ásamt almennum upplýsingum.

Stefnt er á að Ísland sendi 7 fullorðna knapa, 10 ungmenni og 2-3 unglinga til leiks á mótinu. 

HM 2025

Heimsmeistaramótið í Sviss 2025 verður lengi í minnum haft. Þvílíkur árangur.

Síðan er enn í vinnslu og frekari upplýsingar muna birtast hér.