Frábærir gæðingar í stóðhestaveltu landsliðsins

17. apríl 2022

Stóðhestavelta landsliðsins er á sínum stað í tengslum við Allra sterkustu sem haldið verður í TM-reiðhöllinni í Víðidal á síðasta vetrardag, miðvikudagskvöldið 20. apríl nk.  Um 100 folatollar verða í pottinum sem stóðhestaeigendur hafa gefið til styrktar landsliðinu. LH þakkar stuðninginn.

Miðsala í stóðhestaveltunni hefst þriðjudaginn 19. apríl í netverslun á vef LH og er miðaverð 50.000 kr. Einn tollur er á hverjum seldum miða.

Við kynnum næstu 10 stóðhesta til leiks:

Örvar frá Gljúfri 8,56
Örvar frá Glúfri hefur hlotið í kynbótadómi 8,90 fyrir hæfileika, þar af 10 fyrir skeið, 9,5 fyrir vilja og geðslag og 9 fyrir tölt. Hann hefur einnig átt farsælan keppnisferil. Myndband af Örvari

Kvistur frá Kommu 8,12
Kvistur frá Kommu hefur hlotið í kynbótadómi 8,33 fyrir sköpulag, þar af 9 fyrir bak og lend og samærmi og 8,0 fyrir hæfileika, fjögurra vetra gamall. Myndband af Kvisti

Ljúfur frá Torfunesi 8,49
Ljúfur frá Torfunesi er landsmótssigurvegari í tölti 2018. Hann hlaut 10,0 fyrir tölt í kynbótadómi og 9,5 fyrir hægt tölt, vilja og geðslag og fegurð í reið og 9,0 fyrir hægt stökk. Myndband af Ljúfi

Greifi frá Bræðraá 8,33
Greifi frá Bræðraá er ungur og efnilegur kynbótahestur. Hann er með 8,51 fyrir byggingu, þar af 9 fyrir háls/herðar/bóga, samræmi og prúðleika og 8,23 fyrir hæfileika, þar af 9,5 fyrir fet, 9 fyrir tölt og samstarfsvilja. Myndband af Greifa

Safír frá Mosfellsbæ 8,51
Safír frá Mosfellsbæ er ungur og efnilegur kynbótahestur. Hann hefur hlotið í kynbótadómi 10,0 fyrir brokk, 9,5 fyrir fegurð í reið og fet og 9,0 fyrir tölt, stökk, vilja og geðslag, hægt stökk, höfuð, háls/herðar/bóga og samræmi. Myndband af Safír

Spennandi frá Fitjum 8,35
Spennandi frá Fitjum hefur hlotið fyrir sköpulag 8,16, þar af 10 fyrir prúðleika, og 8,45 fyrir hæfileika, þar af 9,0 samstarfsvilja og fet.

Vigur frá Kjóastöðum 3 8,08
Vigur frá Kjóastöðum 3 er ungur og efnilegur kynbótahestur. Hann hlaut í kynbótadómi 4ra vetra gamall 8,05 fyrir sköpulag og 8,10 fyrir hæfileika, þar af 9 fyrir samstarfsvilja. Myndband af Vigur

Víkingur frá Ási II 8,49
Víkingur frá Ási hefur hlotið 8,49 fyrir sköpulag, þar af 10 fyrir prúðleika og 9 fyrir bak og lend, samræmi og hófa og fyrir hæfileika 8,50 þar af 9 fyrir fet og 8,5 fyrir tölt, brokk, skeið, vilja og geðslag og fegurð í reið. Myndband af Víkingi

Hákon frá Ragnheiðarstöðum 7,97
Hákon frá Ragnheiðarstöðum hlaut fyrstu verðlaun fyrir afkvæmi á landsmóti 2018. Hann hefur gefið mörg hátt dæmd afkvæmi, þar á meðal eru Hansa frá Ljósafossi og Ljósvaki frá Valstrýtu.

Rosi frá Berglandi 8,48
Rosi frá Berglandi hefur átt farsælan keppnisferil. Hann hefur hlotið í kynbótadómi 8,60 fyrir hæfileika, þar af 9,0 fyrir brokk, skeið og samstarfsvilja. Myndband af Rosa

Hylur frá Flagbjarnarholti 8,54
Hylur frá Flagbjarnarholti hlaut hæsta byggingadóm sem gefinn hefur verið í heiminum, 9,09, þar af 9,5 fyrir samræmi, fótagerð og prúðleika. Hann hefur einnig hlotið frábæran hæfileikadóm, þar af 9 fyrir tölt, stökk, samstarfsvilja og fegurð í reið. Myndband af Hyl

Skálkur frá Koltursey 8,07
Skálkur frá Koltursey hefur m.a. hlotið í kynbótadómi 9,0 fyrir tölt og bak og lend og 8,5 fyrir brokk, greitt stökk, samstarfsvilja, fegurð í reið og hægt tölt.

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira