Landsliðsþjálfarar LH óska eftir upplýsingum um knapa og hesta sem gefa kost á sér til þátttöku á Norðurlandamóti 2022.

Á NM er keppt í íþróttakeppni og gæðingakeppni í flokki fullorðinna, ungmenna og unglinga.

Norðurlandamótið verður haldið dagana 9. til 14. ágúst í Mariehamn á Álandseyjum, það eru Finnar sem halda mótið.

Sjá kynningu frá mótinu hér:  https://www.lhhestar.is/static/files/nc-2022-1-.pdf

Þeir sem gefa kost á sér til þátttöku og hafa hest í boði, hvort sem er á Íslandi eða erlendis, eru beðnir um að fylla út upplýsingar í eyðublaði á vef LH. Beðið er um keppnisárangur hests, hvar hann er staðsettur og myndband af hestinum.

Ef knapi hefur fleiri en einn hest í boði er hann beðinn um að fylla út sérstaka umsókn fyrir hvern hest.

Athugið að knapar bera kostnað við ferðir og gistingu og eru hvattir til að sækja sér styrki fyrir mótið.

UMSÓKNARFRESTUR ER 27. MARS.