4 gullverðlaun á Norðurlandamóti

17. ágúst 2026

Góð stemning í íslenska hópnum á Norðurlandamóti

Norðurlandamót íslenska hestsins fór fram dagana 4. – 9. ágúst. Mótið gekk vel og stóðu íslensku keppendurnir sig vel. Alls var 21 knapi í liðinu með 23 hesta, 7 knapar í fullorðinsflokki og 14 knapar í ungmenna- og unglingaflokki. 8 knapar fóru með hesta sína frá Íslandi en að auki voru knapar búsettir erlendis á sínum hestum og knapar frá Íslandi á lánshestum. Góð stemning var í liðinu og voru knapar duglegir að styðja hvert annað.


Fimmgangur

Snorri Dal var eini keppandi Íslands í fimmgangi fullorðinna. Snorri var með hest sinn Gimmstein frá Víðinesi og enduðu þeir í 3. sæti með 7,17 í einkunn.

Í ungmennaflokki voru 2 íslenskir keppendur, þær Þórgunnur Þórarinsdóttir og Kristín Eir Hauksdóttir Holaker. Þórgunnur var á Tófu Þorvardóttur från Stall Vitavillan og enduðu þær í 3. sæti með 6,69 í einkunn. Kristín Eir Hauksdóttir Holaker var á Engli frá Ytri-Bægisá 1 og enduðu þau í 5. sæti með 6,33 í einkunn.

Í unglingaflokki var einn íslenskur keppandi, Viktor Arnbro Þórhallsson. Viktor var á hryssunni Ársól från Stensäter og enduðu þau í 5. sæti.


Fjórgangur

Ísland átti engann keppanda í fjórgangi í fullorðins- og unglingaflokki.

Í ungmennaflokki voru 4 íslenskir knapar sem tóku þátt. Eva Kærnested keppti á hesti sínum Loga frá Lerkiholti en þau tryggðu sér sæti í A-úrslitum og enduðu í 5. sæti með 6,77 í einkunn. Elva Rún Jónsdóttir á Kvasir frá Steinnesi tryggðu sér sæti í B-úrslitum en þau enduðu í 9. sæti með 6,60 í einkunn. Guðný Dís Jónsdóttir á Laka från Adalgården komust ekki í úrslit og Hekla Rán Hannesdóttir og Tindur frá Árdal urðu fyrir því óhappi að missa skeifu og náðu því ekki að ljúka sinni sýningu.


Tölt T1

Þórarinn Eymundsson var eini keppandi Íslands í tölti T1. Þórarinn var á Náttfara frá Varmalæk en þeir tryggðu sér sæti í B-úrslitum og enduðu í 7. sæti með 7,33 í einkunn.

Í tölti T1 ungmennaflokki röðuðu íslenskir knapar sér í fjögur efstu sætin. Jón Ársæll Bergmann tryggði sér Norðurlandameistara titil með sigri í tölti T1. Jón Ársæll var á Viskusteini frá Íbishóli og einkunn þeirra í A úrslitum var 8,06. Í öðru sæti var Hekla Rán Hannesdóttir á Tindi frá Árdal og hlutu þau 7,50 í einkunn. Í þriðja sæti var Eva Kærnested og Logi frá Lerkiholti með 7,39 í einkunn.  Elva Rún Jónsdóttir vann sig upp úr B úrslitum og endaði í 4. sæti með Kvasir frá Steinnesi. Einkunn þeirra í A úrslitum var 7,17. Elísabet Líf Sigvaldadóttir og Fanndís Helgadóttir tryggðu sér jafnframt sæti í B úrslitum. Elísabet og Dyggur från Stummelbo enduðu í 7. sæti með 6,89 í einkunn og Fanndís og Ötull frá Narfastöðum enduðu í 9. sæti með 6,44 í einkunn. Sara Dís Snorradóttir og Nökkvi frá Syðra-Skörðugili, Guðmar Hólm Ísólfsson Líndal og Arthúr frá Baldurshaga, Þórgunnur Þórarinsdóttir og Tófa Þorvardóttir från Stall Vitavillan og Guðný Dís Jónsdóttir og Laki från Adalgården komust ekki í úrslit.

Ísland átti einn fulltrúa í tölti T1 unglingaflokki en það var Viktor Arnbro Þórhallsson. Viktor var á Ársól från Stensäter en þau tryggðu sér sæti í A úrslitum og enduðu í 5. sæti.


Slaktaumatölt T2

Ísland átti engann fulltrúa í slaktaumatölti fullorðinsflokki.

Í ungmennaflokki tryggði Fanndís Helgadóttir á Ötul frá Narfastöðum sér sæti í A úrslitum. Fanndís og Ötull enduðu í 3. sæti með einkunnina 7,21. Kristín Eir Hauksdóttir Holaker á Engli frá Ytri-Bægisá komust ekki í úrslit. 

Elísabet Benediktsdóttir á Míó från Änghaga voru fulltrúar Íslands í slaktaumatölti unglinga. Þau enduðu í 2. sæti með 6,50 í einkunn.


Gæðingaskeið

Í gæðingaskeiði átti Ísland einn fulltrúa í hverjum flokki. Bergþór Eggertsson á Fjalladísi frá Fornusöndum voru fulltrúar Íslands í fullorðinsflokki. Þau enduðu í 3. sæti með 7,50 í einkunn. Þórgunnur Þórarinsdóttir á Tófu Þorvardóttir från Stall Vitavillan tóku þátt í ungmennaflokki en þær enduðu í 5. sæti. Viktor Arnbro Þórhallsson á Ársól från Stensäter voru fulltrúar Íslands í unglingaflokki en þau enduðu í 4. sæti.


Skeið 250 m

Í 250 m skeiði átti Ísland 3 keppendur í fullorðinsflokki og 2 keppendur í ungmennaflokki.

Í fullorðinsflokki tryggði Kristján Árni Birgisson sér silfur á Kröflu frá Syðri-Rauðalæk en besti tími þeirra var 22,94 sek. Í 5. sæti var Bergþór Eggertsson á Fjalladísi frá Fornusöndum á tímanum 23,48 sek. og Sigurður Narfi Birgisson á Randveri frá Þóroddsstöðum endaði í 7. sæti á tímanum 23,74 sek.

Í ungmennaflokki tryggði Dagur Sigurðarson sér Norðurlandameistara titil þegar hann sigraði 250 m skeið á Galbjarti frá Hóli. Besti tími þeirra var 23,93 sek. Þórgunnur Þórarinsdóttir og Tófa Þorvardóttir från Stall Vitavillan tryggðu sér brons en besti tími þeirra var 24,80 sek.


100m skeið

Sigurður Narfi og Kristján Árni voru fulltrúar Íslands í fullorðinsflokki í 100m skeiði. Sigurður Narfi og Randver frá Þóroddsstöðum enduðu í 5. sæti en þeir fóru á tímanum 7,80 sek. Kristján Árni Birgisson og Krafla frá Syðri-Rauðalæk enduðu í 6. sæti en þau fóru á tímanum 7,96 sek.

Ísland átti einn fulltrúa í 100m skeið ungmenna og unglinga. Dagur Sigurðarson keppti í ungmennaflokki á Galbjarti frá Hóli en þeir enduðu í 4. sæti og fóru á tímanum 8,12 sek. Viktor Arnbro Þórhallsson og Ársól från Stensäter kepptu í unglingaflokki en þau enduðu í 3. sæti og fóru á tímanum 9,70 sek.


Gæðingakeppni


A flokkur

Fulltrúi Íslands í A flokki var Gormur fra Villanora en knapi hans var Þórður Þorgeirsson. Þeir leiddu að forkeppni lokinni en enduðu að lokum í 2. sæti en einkunn þeirra í A úrslitum var 8,66.


B flokkur

Í B flokki átti Ísland tvo fulltrúa, þá Náttfara frá Varmalæk og Þórarinn Eymundsson og Agnar frá Margrétarhofi og Reynir Örn Pálmason. Þeir tryggðu sér báðir sæti í A úrslitum. Eftir harða baráttu í úrslitum fór það svo að Náttfari og Þórarinn enduðu í 2. sæti, með 8,83 í einkunn, 0,02 frá sigri. Agnar og Reynir tryggðu sér brons með 8,72 í einkunn.


B flokkur ungmenna

Ísland átti 4 fulltrúa í B flokki ungmenna, þau Jón Ársæl Bergmann, Heklu Rán Hannesdóttur, Söru Dís Snorradóttur og Guðmar Hólm Ísólfsson Líndal. Að lokinn forkeppni tryggðu Jón Ársæll og Hekla Rán sér sæti í A úrslitum og Sara Dís og Guðmar tryggðu sér sæti í B úrslitum. Sara Dís gerði sér lítið fyrir og sigraði B úrslitin og þar með átti Ísland þrjá fulltrúa í A úrslitum. Guðmar og Arthúr frá Baldurshaga enduðu í 11.sæti með 8,41 í einkunn. Í A úrslitunum sýndu íslensku knaparnir mikla yfirburði og að lokum fór það svo að íslensku knaparnir röðuðu sér í efstu sætin. Norðurlandameistari í B flokki ungmenna er Jón Ársæll Bergmann og Viskusteinn frá Íbishóli en þeir tryggðu sér þar með sinn annan titil. Einkunn þeirra í A úrslitum var 8,88. Í öðru sæti var Hekla Rán á Tindi frá Árdal með einkunina 8,79 og upp úr B úrslitum og í 3. sæti var Sara Dís og Nökkvi frá Syðra-Skörðugili með 8,71 í einkunn.


A flokkur ungmenna

Fulltrúar Íslands í A flokki ungmenna voru Kristín Eir Hauksdóttir Holaker og Engill frá Ytri-Bægisá 1 og Guðmar Hólm Ísólfsson Líndal og Leikur frá Lækjamóti 2. Guðmar og Leikur enduðu í 14. sæti að lokinni keppni í B úrslitum. Kristín Eir og Engill tryggðu sér sæti í A úrslitum og enduðu að þeim loknum í 7. sæti.


Unglingaflokkur

Elísabet Líf Sigvaldadóttir tryggði sér Norðurlandameistaratitil í unglingaflokki á Dygg från Stummelbo. Eftir að standa jöfn í 1. – 2. sæti eftir forkeppni mætti Elísabet ákveðin til leiks í A úrslit sem skilaði henni nokkuð öruggum sigri. Einkunn þeirra í A úrslitum var 8,50.


Samanlagðir sigurvegarar

Ísland átti þrjá knapa í verðlauna sætum í samanlögðum greinum. Þórgunnur Þórarinsdóttir og Tófa Þorvardóttir från Stall Vitavillan voru í 4. sæti í samanlögðum fimmgangsgreinum ungmenna. Eva Kærnested og Logi frá Lerkiholti voru í 2. sæti í samanlögðum fjórgangsgreinum ungmenna og Viktor Arnbro Þórhallsson og Ársól från Stensäter voru í 2. sæti í samanlögðum fimmgangsgreinum unglinga.


Á lokadegi mótsins kom upp hestaveiki á mótsstað en nokkrir hestar úr einu liðinu veiktust og fengu hita. Vel var búið að fylgjast með öllum hestum í aðdraganda og eftir að á mótsstað var komið en allir hestar voru hitamældir í nokkra daga fyrir mót og alla daga meðan á mótinu stóð. Hestar íslenska liðsins sluppu við veikindi á meðan mótinu stóð. Allur fatnaður landsliðsknapa og starfsfólks var skilinn eftir á Keflavíkurflugvelli þar sem hann fer beint í sótthreinsun hjá Fönn. Fönn styrkir landsliðið eins og áður með hreinsun á öllum fatnaði. Eru þeim færðar kærar þakkir. 

 

Flottur árangur hjá íslenska landsliðinu á Norðurlandamóti 2026 en liðið fékk fjögur gull, átta silfur og níu brons. Þátttaka á mótinu skilaði dýrmætri reynslu og lærdómi fyrir landsliðsknapa og þjálfarateymi.







Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira