Íslandsmót fullorðinna og ungmenna hefst í dag

Í dag er hátíðardagur þar sem fyrra Íslandsmót ársins í hestaíþróttum hefst á frábæru svæði Sörla í Hafnarfirði.

Það eru fullorðnir og ungmennin okkar sem hefja leika og hefst dagskrá kl. 13 með keppni í fimmgangi ungmenna og svo stendur veislan fram til laugardagskvölds og endar með lokahófi á Sörlastöðum.

Íslandsmótin ásamt Landsmóti eru hápunktar keppnisársins og þetta er stórt ár þar sem Landsmót er svo framundan í byrjun júlí og svo verður Íslandsmót barna og unglinga haldið hjá Sleipni á Selfossi 23-26 júlí.

Það er búið að vera mjög mikið í gangi í keppnishluta hestaíþrótta síðustu vikurnar og ekki síður í kynbótahluta hrossaræktarinnar. Úrtökur fyrir Landsmót eru einnig í fullum gangi þannig að álagið á knapa hefur verið töluvert. Væntanlega hefur hver mínúta verið notuð í sólarhringnum til æfinga, skipulags, sýninga og keppni.

Tímasetning Íslandsmóts fullorðinna og ungmenna hefur verið umdeild og við í stjórn LH höfum fullan skilning á umræðunni. Það eru góð og gild rök fyrir því að þessi dagsetning var valin, sem aðallega var byggt á því að ekki var nein önnur tímasetning til að koma mótinu fyrir nema þá seint í ágúst. Því var þessi ákvörðun tekin og með þeim fyrirvara að þetta væri tilraun sem yrði svo endurskoðuð eftir mótið. Í haust munum við kalla til fulltrúa knapa og hagsmunaaðila til að ræða og meta.

Skráningar á Íslandsmótið eru frábærar og til leiks eru að mæta okkar allra bestu knapar og hestar sem munu keppa við frábærar aðstæður hjá Sörla í Hafnarfirði.

Við þökkum knöpum fyrir þátttökuna og óskum ykkur öllum góðs gengis um leið og við þökkum frábæra teyminu í Sörla fyrir góðan undirbúning.

Sjáumst á Sörlastöðum

Kær kveðja

Linda Gunnlaugsdóttir

< Eldri færslur

Nýrri færslur >

FEIF Youth Cup 2026 fór fram 13.-19. Júlí

29. júlí 2026

Mótssvæði HM 2027 mátað

Íslandsmót barna og unglinga 2026

21. júlí 2026

Íslandsmót barna og unglinga hefst á morgun

Landslið Íslands á Norðurlandamót 2026

20. júlí 2026

Norðurlandamót á Margaretehof í Svíþjóð

Landsmót 2026

17. júlí 2026

Vel heppnuðu Landsmóti á Hólum lokið

Landsmót 2026 er hafið - gleðilega hátíð!

6. júlí 2026

Gleðilega hátíð!

Íslandsmót ungmenna og fullorðinna 2026

2. júlí 2026

Vel heppnað Íslandsmót í Sörla

Yfirlýsing hestamanna vegna samgönguáætlunar 2026–2040

1. júlí 2026

Alþingi bregst öryggi þúsunda hestamanna og lætur elstu samgönguinnviði þjóðarinnar sitja eftir.

Andlát - Ingimar Sveinsson

23. júní 2026

Ingimar Sveinsson, heiðursfélagi og gullmerkishafi Landssambands hestamannafélaga er látinn, 98 ára að aldri. Ingimar var hestamaður, bóndi, kennari og frumkvöðull í hestvænum tamningaraðferðum hérlendis. Ingimar fæddist 27. febrúar 1928 á Egilsstöðum á Fljótsdalshéraði og ólst þar upp. Foreldrar hans voru Sveinn Jónsson, bóndi og oddviti á Egilsstöðum, og Sigríður Fanney Jónsdóttir, húsfreyja og hótelhaldari á Egilsstöðum. Ingimar lauk stúdentsprófi frá MA 1948, BSc.-prófi í búvísindum frá Washington State University, Pullman í Washington-ríki í Bandaríkjunum 1952, dvaldi við nám í Danmörku sumarið 1986, í Þýskalandi 1993 og í Kanada og Bandaríkjunum 1995. Ingimar var bóndi á Egilsstöðum (á Egilsstaðabúinu) 1952-86 en gerðist kennari við Landbúnaðarháskólann á Hvanneyri, m.a. í hrossarækt og tamningum, frá ársbyrjun 1986 til vors 1998. Jafnframt stundaði hann þar tilraunir og rannsóknir í hrossarækt. Hann kynnti sér ýmsar erlendar tamningaaðferðir hrossa, sem hann aðlagaði fyrir íslenska hestinn. Ingimar hélt fjölda tamninganámskeiða um allt land og víða erlendis, auk þess að flytja erindi og halda fræðslunámskeið um íslenska hestinn. Ingimar var stofnfélagi Hestamannafélagsins Freyfaxa á Fljótsdalshéraði og sat í stjórn þess í 25 ár, þar af formaður í fimm ár. Hann var stofnfélagi og fyrsti formaður ungmenna- og íþróttafélagsins Hattar á Egilsstöðum. Sat í stjórn Kaupfélags Héraðsbúa, var í nokkur ár formaður Bændafélags Fljótsdalshéraðs, og í stjórn Ræktunarsambands Austur-Héraðs og formaður og framkvæmdastjóri þess um skeið. Ingimar skrifaði fjölda greina í blöð og tímarit og kennslubækur í hrossarækt. Ritaði einnig bókina Hrossafræði Ingimars, sem var tilnefnd til bókmenntaverðlauna Hagþenkis árið 2010. Landssamband hestamannafélaga vottar fjölskyldu og vinum Ingimars samúð.