Á ársþingi 2022 var ný reglugerð um Íslandsmót samþykkt og Íslandsmóti 2023 hefur þegar verið úthlutað til hestamannafélagsins Sleipnis á Selfossi.

Ein af þeim breytingum sem urðu á framkvæmd Íslandsmót er að í stað stöðulista voru tekin upp einkunnalágmörk í greinarnar sem þurfa að nást á keppnisárinu fram að Íslandsmóti.

Keppnisnefnd LH hefur nú gefið út lágmörkin sem gilda fyrir Íslandsmót 2023 og eru þau reiknuð með tilliti til meðaltals síðustu tveggja keppnisára. Horft er til þess að keppendafjöldi sé svipaður og á undanförnum teimur Íslandsmótum.

Stöðulistar í 150 m og 250 m skeiði í ungmennaflokki eru ekki marktækir og því voru lágmörk ákveðin sérstaklega í þeim greinum..

Boðið verður upp á Gæðingalist á Íslandsmóti, en nú á fyrsta ári er ekki forsenda fyrir því að setja upp lágmarkseinkunnir í þeirri grein og því er að þessu sinni settur hámarksfjöldi þátttakenda í hvorum flokki um sig.

Lágmörkin má nálgast hér