Vilt þú ná þér í Þjálfarastig LH?

3. febrúar 2023

Hvað er Þjálfarastig LH?

Þjálfarastig LH eru nám þar sem hægt er að öðlast færni til þjálfunar og kennslu í hestaíþróttum. Til að ná Þjálfarastigum LH þarf að ljúka knapamerkjaprófum og þjálfaramenntun ÍSÍ í fjarnámi.

Þjálfaramenntun ÍSÍ er í boði þrisvar á ári, þ.e. sumar-, haust, - og vorfjarnám . Námið tekur átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. LH auglýsir skráningu í þjálfaramenntun ÍSÍ hverju sinni áður en námskeið hefst með góðum fyrirvara. Næsta námskeið hefst 6. febrúar og má sjá hér.

Knapamerki : Hestamannafélögin auglýsa knapamerkjanámskeið hverju sinni og hægt er að fá upplýsingar um þau hjá þínu hestamannafélagi. Hægt er að sjá fleiri upplýsingar um knapamerkin hér http://knapamerki.is/

Þjálfarastig LH

Til að ná sér í Þjálfarastig 1 þarf að ljúka knapamerkjaprófum 1-3 og hafa umgengist hesta í amk 2 ár áður en nám hefst. Taka þarf 1. stig í þjálfaramenntun ÍSÍ. Aldurstakmark er 16 ára.

Til að ná sér í Þjálfarastig 2 þarf að ljúka knapamerki 4 og hafa amk 3ja ára reynslu af útreiðum og hirðingum hesta. Taka þarf 2. stig í þjálfaramenntun ÍSÍ. Auk þess þarf að taka a.m.k 8 tíma skyndihjálparnámskeið. Aldurstakmarkið er 18 ára.

Til að ná sér í Þjálfarastig 3 þarf að ljúka knapamerki 5 og hafa a.m.k fjögurra ára reynslu af þjálfun mismunandi hestgerða. Taka þarf 3. stig í þjálfaramenntun ÍSÍ. Auk þess þarf að taka a.m.k 20 tíma á  skyndihjálparnámskeiði. Aldurstakmarkið er 20 ára.

Nemandi sem lýkur námi í Þjálfarastigi 3 öðlast færni við að aðstoða/kenna grunnatriði reiðmennskunnar og aðstoða við þjálfun reiðhesta.  Að ljúka Þjálfarastigi 3 er sambærilegt við Level 1 hjá FEIF -Alþjóðasamtökum íslenska hestsins. Nemendur sem útsrifast með BSc í reiðmennsku og reiðkennslu frá Hólum öðlast þessi réttindi eftir fyrsta árið á Hólum. 

Gaman er að segja frá því að Anna Björk Ólafsdóttir í Sörla er fyrst til að ljúka þessu námi og óskum við henni til hamingju með það!

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira