LH auglýsir starf yfirþjálfara Hæfileikamótunar LH laust til umsóknar

21. ágúst 2026

Leitað er eftir metnaðarfullum reiðkennara sem hefur áhuga á að starfa með unglingum.

Hæfileikamótun LH er vettvangur fyrir knapa 14-17 ára (unglingaflokkur) þar sem áhersla er lögð á menntun og fræðslu fyrir knapa sem íþróttafólk. Markmið hæfileikamótunar LH er að byggja upp knapa til framtíðar, kynna þá fyrir afreksumhverfi íþróttarinnar, efla samskipti og félagsstarf á landsvísu og stuðla að uppbyggilegu afreksstarfi víðsvegar um landið.


Verkefnið samanstendur af tveimur vinnuhelgum þar sem þátttakendur mæta með sína hesta og einni ferð að Hólum þar sem nemendur fá að spreyta sig á skólahestum.


Hlutverk yfirþjálfara Hæfileikamótunar er að halda utan um verkefnið fyrir hönd LH og sjá um kennslu og skipulag hennar þegar Hæfileikamótun LH kemur saman ásamt aðstoðarþjálfara. Þar að auki sér yfirþjálfari um að velja knapa inn í Hæfileikamótun ásamt valteymi sem samanstendur af yfirþjálfa Hæfileikamótunar, afreksstjóra LH og formanni Landsliðs- og afreksnefndar. Áætlað er að hver hópur Hæfileikamótunar samanstandi af 20-24 nemendum. 


Helstu verkefni

  • Hefur yfirumsjón með Hæfileikamótun LH í hestaíþróttum.
  • Leggur fyrir landsliðsnefnd, ásamt valteymi, val á knöpum til að skipa Hæfileikamótun LH, skv. skilgreiningu landsliðsnefndar þar um, til staðfestingar
  • Skipuleggur dagskrá ársins fyrir Hæfileikamótun, í samráði við afreksstjóra og landsliðsnefnd
  • Skipuleggur vinnuhelgar Hæfileikamótunar
  • Sér um kennslu á vinnuhelgum, ásamt aðstoðarþjálfurum
  • Kemur að foreldrafundi og fræðsludögum Hæfileikamótunar
  • Fylgist með stærstu mótum og árangri í keppni í unglingaflokki
  • Hefur yfirsýn yfir fremstu knapa landsins hverju sinni í unglingaflokki
  • Skilar starfsskýrslu til landsliðsnefndar í september ár hvert

Reynsla

  • Reynsla af reiðkennslu á unglingastigi
  • Reynsla af þjálfun og undirbúningi keppnisknapa
  • Reynsla af skipulagningu og utanumhaldi æfinga- eða vinnuhelga
  • Reynsla af samskiptum við foreldra og forráðamenn ungra keppenda er kostur

Hæfniskröfur

  • Yfirþjálfari Hæfileikamótunar þarf að hafa meistarapróf FT, reiðkennarapróf frá Hólum eða þjálfaramenntun LH (1-3 stig)
  • Yfirþjálfari skal vera fyrirmynd hestaíþróttarinnar, innan greinarinnar og út á við, í framkomu við starfsfólk móta, dómara, keppendur og aðra þá sem tengjast íþróttinni
  • Yfirþjálfari skal stuðla að velferð hesta og vera fyrirmynd í allri umhirðu, tamningu, reiðmennsku og öðru er varðar velferð hestsins, sbr. lög um velferð dýra
  • Yfirþjálfari þarf að hafa framúrskarandi samskiptahæfni


Umsóknir skal senda á netfangið
lh@lhhestar.is

Umsóknum skal fylgja ítarleg ferilskrá og kynningarbréf.

Umsóknarfrestur er til og með 31. ágúst nk.


Frekari upplýsingar veita Berglind Karlsdóttir framkvæmdastjóri LH, s. 514 4030 berglind@lhhestar.is og Sigurbjörn Eiríksson formaður landsliðs- og afreksnefndar landslidsnefnd@lhhestar.is


Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira