Símenntun þjálfara og reiðkennara FEIF

23. mars 2022

Samkvæmt reglum/lögum FEIF eiga allir reiðkennarar (Trainer 1 - 4) að taka þátt í símenntunarnámskeiði sem samþykkt er af sínu landssambandi til þess að vera skráður reiðkennari á reiðkennaralista FEIF (Matrix list)

Af hverju símenntun?

  • Til að viðhalda gæðum reiðkennara
  • Stuðla  að reglulegri uppfærslu þekkingar og hæfni reiðkennara
  • Til að fylgja markmiðum FEIF í þjálfun hesta, reiðkennslu og hestavelferð
  • Svo svipuðum reglum sé fylgt milli landa
  • Til að tryggja sambærilegar kröfur milli landa

Lágmarkskröfur sem LH setur til að halda nafni sínu á reiðkennaralistanum

Á þriggja ára tímabili þarf að taka þátt í a.m.k.: 

  • einu tveggja daga símenntunarnámskeiði sem er samþykkt af menntanefnd LH  eða  að lágmarki taka 16 símenntunareiningar (45 mín) samþykktar af menntanefnd LH.

Til að komast aftur á listann þarf að fara á eitt opinbert símenntunarnámskeið samþykkt af Menntanefnd LH eða FEIF.

Kröfur til gildra símenntunarnámskeiða

  • Opinber námskeið, auglýst og/eða samþykkt sem símenntunarnámskeið af menntanefnd FEIF eða menntanefnd LH.  

Skilafrestir

Mælt er með að ef reiðkennarar hafi tryggingu fyrir því að hafa setið/tekið þátt í símenntunarnámskeiði 2021 að skila því inn fyrir 31. mars nú 2022, en að jafnaði fyrir 1. febrúar ár hvert.  Einfaldast er þó að senda inn staðfestingu á símenntun á hverju ári þegar við á, þannig uppfærir skrifstofa LH jafnóðum.

Hvað er reiðkennaralisti?/ FEIF Matrix list?

Reiðkennaralistinn er listi sem inniheldur virka reiðkennara og þjálfara og þurfa þeir að sjá til þess sjálfir að þeir séu á þessum lista ef þeir eru virkir með því að senda tilkynningu til LH þar að lútandi. Ef reiðkennarar eru hættir störfum og vilja ekki vera á listanum er hægt að láta taka sig út, og ef engin gögn um símenntun er skilað inn á 3ja ára tímabili, verður nafn viðkomandi tekið út. Ef reiðkennari sér að hann er ekki á réttum stað á listanum þá hafi hann samband við LH og láti laga það.

Þeir sem luku símenntunarnámskeiði LH í haust (rafræna menntaráðstefnan) þurfa ekki að skila inn gögnum þar um, enda allt skráð í gegnum LH fyrir það námskeið.  Hafi reiðkennari hug á að taka þátt í námskeiði sem ekki hefur verið formlega staðfest sem símenntun af LH, getur hann sótt um að svo verði, áður en námskeiðið á sér stað. 

Flestir starfandi reiðkennarar og þjálfarar sækja sér reglulega símenntun af ýmsu tagi, margir mun meira en þessi lágmarkskrafa sem LH setur. Það er allra hagur að þeir reiðkennarar sem eru á alþjóðlegum listum sem slíkir séu líka virkir og faglega sterkir. Símenntun styður þannig okkur öll.

Staðfestingarskjal

Hér og á heimasíðu LH er hægt að finna skjal sem getur þjónað sem staðfestingarskjal og má prenta út og láta skrifa undir þegar námskeiði er lokið.  Hér má nálgast skjalið
Senda þarf svo skjalið í tölvupósti á lh@lhhestar.is eða koma með það á skrifstofu LH. 

Viðburðir verða auglýstir sem símenntunarviðburðir og hvaða einingafjöldi þeir teljast og listaðir á heimasíðu LH sjá hér.

Símenntunarnámskeið framundan

Næsta námskeið sem hægt er að fá endurmetinn er Dagur Reiðmennskunnar sem haldin er laugardaginn 26. mars í TM höllinni í Víðidal sem er 8 einingar.
Hægt er að láta kvitta undir símenntunarskjalið á Hólabásnum. 

Velkomið er að senda tölvupóst til skrifstofu LH lh@lhhestar.is ef eitthvað er óljóst eða varðandi möguleg símenntunarnámskeið. 

Kveðja,  - Menntanefnd LH

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira