Katla Gísladóttir hefur verið ráðin til starfa á skrifstofu LH. Katla mun gegna 60% starfshlutfalli og verður starfsmaður mótamála hjá LH, starfar með keppnisnefnd og fleiri nefndum ásamt því að sjá um vefmiðla LH og fleiri verkefni. Katla hefur stundað hestamennsku frá unga aldri og hefur fjölbreyttan bakgrunn í hestamennsku, er alin upp við hestatengda ferðaþjónustu þar sem jafnframt var stunduð hrossarækt og tamningar. Hún hefur lokið reiðkennaraprófi frá Háskólanum á Hólum og keppti mikið á hestum í yngri flokkum. Í dag stundar hún hestamennsku með fjölskyldunni sinni á svæði Hestamannafélagsins Spretts. Katla hefur lokið BS í umhverfis- og byggingarverkfræði frá Háskóla Íslands og hefur unnið við hönnun og ráðgjöf varðandi brunavarnir og öryggismál sl. 10 ár. Katla gegndi stöðu varaformanns Hestamannafélagsins Spretts frá 2024 – 2026. Hún hefur unnið mikið að sjálfboðaliðastörfum tengt starfi hestamannafélaga, fyrst í Geysi en síðar í Sörla og Spretti og hefur mjög mikla reynslu af mótahaldi hestamannafélaga, rekstri, framkvæmd og regluverki móta. „Ég hef mikinn áhuga á þessu starfi þar sem ég brenn fyrir málefnum hestamanna. Ég hef góða reynslu á mörgum hliðum hestamennskunnar, keppnisreglum og mótahaldi. Ég tel að reynsla mín bæði í starfi og í sjálfboðaliðaverkefnum muni nýtast vel í starfinu og hlakka til að starfa með hestafólki um allt land.“ Katla er boðin hjartanlega velkominn til starfa. Aðrir starfsmenn skrifstofu LH eru Berglind Karlsdóttir framkvæmdastjóri og Hinrik Þór Sigurðsson afreksstjóri. Þær breytingar hafa orðið á starfsmannahaldi LH að Hinrik hefur minnkað starfshlutfall sitt á skrifstofunni niður í 50% og mun eingöngu gegna starfi afreksstjóra en hann hefur einnig starfað við mótamálin.
Fyrir alla reiðkennara, dómara og annað fagfólk í hestamennsku...
Takk fyrir stuðninginn
Dregið hefur verið í happdrætti Allra sterkustu
Heildarlisti hesta í stóðhestaveltu landsliðsins
Tollur undir Skugga frá Sumarliðabæ er í Stóðhestaveltunni
Tollur undir Náttfara frá Varmalæk er í Stóðhestaveltunni
Tollur undir Kolskegg frá Kjarnholtum er í Stóðhestaveltunni
1. apríl taka gildi breytingar á reglum sem samþykktar voru á FEIF þingi
Fryst sæði í stóðhestaveltu Landsliðs Íslands í hestaíþróttum
