Benedikt Líndal hlýtur heiðursmerki LH

Benedikt er tamingameistari FT og hefur verið brautryðjandi í kennslu, tamningum og þjálfun íslenska hestsins. Hann hefur starfað sem reiðkennari við Landbúnaðarháskólana bæði á Hvanneyri og á Hólum og stundað reiðkennslu hérlendis og erlendis við góðan orðstír.

Benedikt eða Benni eins og hann er alla jafnan kallaður hefur verið frumkvöðull í þróun hestvænnar hestamennsku og tamningaaðferða. Sem kennari er áhersla hans alltaf á velferð hestsins í því flókna samspili sem samskipti manns og hests eru. Nemendur hans læra að skilja betur tungumál og tjáningarmáta hestsins hegðun hans og þarfir.

All flestir hestamenn hérlendis hafa án hefa komist í tæri við hugmyndafræði Benna í gegnum kennslumyndbönd, fjölda útgefinna bóka og kennsluefnis um tamningar og þjálfun og eru áhrif hans á reiðmennsku bæði atvinnumanna og leikmanna á Íslandi ótvíræð.

Yfirveguð nálgun hans á þjálfun unghrossa með það að markmiði að nálgast þau út frá þeirra forsendum og lundarfari hefur að margra mati gjörbreytt tamingaraðferðum hérlendis.

Benedikt Líndal er fyrirmynd annara hestamanna á mörgum sviðum ekki síst í framkomu þar sem fagmennska og kurteisi einkenna öll hans störf. Þá hefur hann gert garðinn frægan sem einn af okkar fremstu keppnisknöpum og ásamt konu sinni Sigríði Ævarsdóttur komið að þróun innanhúsmóta. Þá hefur hann í mörg ár verið í samvinnu við hinn þekkta reiðtygjaframleiðanda Stübben GmbH, og hannað og framleitt Benni´s Harmony hnakka.

Benni hefur stuðlað að framgangi hestamennskunnar með hestvænni og jákvæðri nálgun. Hann hefur verið talsmaður nýjunga sem eru hestinum til framdráttar og leitast ætíð við að vinna í sátt við hestinn.

Benedikt Líndal hlýtur hér með Heiðursmerki LH

< Eldri færslur

Nýrri færslur >

Landsmót 2026 er hafið - gleðilega hátíð!

6. júlí 2026

Gleðilega hátíð!

Íslandsmót ungmenna og fullorðinna 2026

2. júlí 2026

Vel heppnað Íslandsmót í Sörla

Yfirlýsing hestamanna vegna samgönguáætlunar 2026–2040

1. júlí 2026

Alþingi bregst öryggi þúsunda hestamanna og lætur elstu samgönguinnviði þjóðarinnar sitja eftir.

Andlát - Ingimar Sveinsson

23. júní 2026

Ingimar Sveinsson, heiðursfélagi og gullmerkishafi Landssambands hestamannafélaga er látinn, 98 ára að aldri. Ingimar var hestamaður, bóndi, kennari og frumkvöðull í hestvænum tamningaraðferðum hérlendis. Ingimar fæddist 27. febrúar 1928 á Egilsstöðum á Fljótsdalshéraði og ólst þar upp. Foreldrar hans voru Sveinn Jónsson, bóndi og oddviti á Egilsstöðum, og Sigríður Fanney Jónsdóttir, húsfreyja og hótelhaldari á Egilsstöðum. Ingimar lauk stúdentsprófi frá MA 1948, BSc.-prófi í búvísindum frá Washington State University, Pullman í Washington-ríki í Bandaríkjunum 1952, dvaldi við nám í Danmörku sumarið 1986, í Þýskalandi 1993 og í Kanada og Bandaríkjunum 1995. Ingimar var bóndi á Egilsstöðum (á Egilsstaðabúinu) 1952-86 en gerðist kennari við Landbúnaðarháskólann á Hvanneyri, m.a. í hrossarækt og tamningum, frá ársbyrjun 1986 til vors 1998. Jafnframt stundaði hann þar tilraunir og rannsóknir í hrossarækt. Hann kynnti sér ýmsar erlendar tamningaaðferðir hrossa, sem hann aðlagaði fyrir íslenska hestinn. Ingimar hélt fjölda tamninganámskeiða um allt land og víða erlendis, auk þess að flytja erindi og halda fræðslunámskeið um íslenska hestinn. Ingimar var stofnfélagi Hestamannafélagsins Freyfaxa á Fljótsdalshéraði og sat í stjórn þess í 25 ár, þar af formaður í fimm ár. Hann var stofnfélagi og fyrsti formaður ungmenna- og íþróttafélagsins Hattar á Egilsstöðum. Sat í stjórn Kaupfélags Héraðsbúa, var í nokkur ár formaður Bændafélags Fljótsdalshéraðs, og í stjórn Ræktunarsambands Austur-Héraðs og formaður og framkvæmdastjóri þess um skeið. Ingimar skrifaði fjölda greina í blöð og tímarit og kennslubækur í hrossarækt. Ritaði einnig bókina Hrossafræði Ingimars, sem var tilnefnd til bókmenntaverðlauna Hagþenkis árið 2010. Landssamband hestamannafélaga vottar fjölskyldu og vinum Ingimars samúð.

Stöðulistar í tölti og skeiði fyrir LM

22. júní 2026

Skráning opin til miðnættis 23.júní

Íslandsmeistarar gæðingaskeiði og skeiðkappreiðum krýndir

19. júní 2026

Fyrstu Íslandsmeistarnir hafa verið krýndir á Íslandsmótinu sem fram fer á Sörlastöðum í Hafnarfirði.

Ísland sendir sjö keppendur á FEIF Youth Cup í Rieden

19. júní 2026

Hinn geysivinsæli viðburður FEIF Youth Cup (FYCup) 2026 fer að þessu sinni fram í Rieden í Þýskalandi dagana 13. til 19. júlí. Viðburðurinn er fyrir knapa á aldrinum 14-17 ára á árinu sem vilja öðlast keppnisreynslu á erlendri grundu. Áhersla FYCup er á teymisvinnu, íþróttamennsku, bætta reiðfærni og vináttu þvert á menningu. Ísland fer með sjö keppendur á FYCup að þessu sinni : Anita Liv Snævarsdóttir, Ljúfi Aníta Líf Magnúsdóttir, Herði Jóhanna Dýrleif Guðjónsdóttir, Spretti Rebecca Luise Lehmann, Snæfellingi Sigríður Fjóla Aradóttir, Herði Súsanna Guðlaug Halldórsdóttir, Skagfirðingi Unnur Rós Ármannsdóttir, Háfeti Íslensku keppendurnir fá leigðan hest á meðan á mótinu stendur og hópnum fylgir Dagbjört Hulda Guðbjörnsdóttir formaður Æskulýðsnefndar LH. Undirbúningur ferðarinnar er í fullum gangi og mikil tilhlökkun í hópnum.