Fyrsti dagur Norðurlandamótsins á Álandseyjum

9. ágúst 2022

Það var í mörg horn að líta hjá okkar knöpum í íslenska liðinu á Norðurlandamoti í hestaíþróttum þegar forkeppni í nokkrum greinum mótsins fóru fram.

Veðrið er gott á svæðinu og nokkrar mjög góðar sýningar sáust á mótinu í dag, og ber þá kannski hæst að nefna Jón Stenild frá Danmörku á Eilífi frá Tellborg sem áttu stórsýningu í fimmgangi og hlutu 7,57 í einkunn, og hina sænsku Teklu Petersson sem keppir í unglingaflokki og gerði hörkusýningu í fimmgangi unglinga á Vatnadísi från Noastallet. Hún hlaut 6,67 í einkunn, og það hefði hreinlega dugað henni í A-úrslit í fullorðinsflokki mótsins.

Á þessum fyrsta degi mótsins fór fram forkeppni í tölti T1 í unglinga og ungmennaflokki, tölti T2 unglinga og ungmenna, fimmgangi F1 fullorðinna og að lokum fimmgangi F1 í unglinga og ungmennaflokki.

Embla Lind Ragnarsdóttir endaði í fjórða sæti í forkeppninni í tölti T1 unglinga og ríður því til úrslita á sunnudag.

Í tölti T1 í ungmennafloki gerði Matthías Sigurðsson góða sýningu á Roða frá Garði og endaði í 4 sæti forkeppninnar þrátt fyrir nokkra hnökra í sýningu á hraðabreytingum og er því með heilmikil sóknarfæri í úrslitunum.

Harpa Dögg Bergmann Heiðarsdóttir og Glódís Rún Sigurðardóttir riðu sig inn í B-úrslit sem fara fram á föstudaginn.

Í tölti T2 ungmenna gerði íslenska liðið gott mót og við erum með hvorki meira né minna en þrjá knapa í A-úrsltium og tvo í B-úrslitum.

Eva Kærnested og Garri frá Fitjum áttu flotta sýningu, sérstaklega á slaka taumnum og uppskáru þriðja sætið, reyndar á nákvæmlega sömu tölum og Védís Huld á Stimpli frá Varmadal sem útfærðu sína sýningu af öryggi og með jafna góða sýningu. Þær hlutu 6,63 í einkunn.

Guðmar Hólm Ísólfsson Líndal er svo í 5 sætinu eftir flotta frammistöðu með 6,50.

Í B-úrslitum, sem fara fram á fimmtudaginn eru svo Selma Leifsdóttir á Fjalari frá Selfossi og Hulda María Sveinbjörnsdóttir á henni Hetju frá Árbæ.

Kristófer Darri lenti í smá hnökrum í sinni sýningu og er í 11. sætinu, næstur við B-úrslit og því er ekki ómögulegt að sú staða komi upp að allir 6 knapar okkar fái sæti í úrslitum í T2 áður en yfir lýkur.

Í fimmgangi F1 fullorðinna er Sigurður Vignir á Starkari frá Egilsstöðum í 6. Sæti eftir forkeppnina, og er því efstur inn í B-úrslit á föstudag.

Siggi er eins og allir hestamenn vita reynslumikill knapi, og er lunkinn við að grípa tækifærið á að ríða fimmgangsúrslit. Hann ætlar sér því örugglega mikið í B-úrslitunum.

 

Lokagrein dagsins var fimmgangur ungmenna þar sem þær Hulda María, Glódís Rún og Hekla Rán Hannesdóttir tóku þátt.

Hulda María og Glódís Rún komust báðar í A-úrslit, í þriðja og fjórða sæti.

 

Á morgun, miðvikudag er forkeppni í fjórgangi V1 unglinga, ungmenna og svo fullorðinna ásamt keppni í gæðingaskeiði PP1 í öllum flokkum.

Fyrstu Norðurlandameistarar mótsins verða því krýndir að lokinni keppni í gæðingaskeiði á morgun, miðvikudag.

 

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira