HM ÍSLENSKA HESTSINS 7.-13. ÁGÚST Í OIRSCHOT (EINDHOVEN)

9. desember 2022

Heimsmeistaramót íslenska hestsins 2023 verður haldið í Eindhoven í Hollandi. Vita Sport býður upp á ferðir á mótið í samstarfi við Landssamband hestamannafélga.

Flogið verður til Amsterdam og Brussel og ekið þaðan til Eindhoven þar sem farþegar Vita gista á góðum hótelum. 

Í boði er:

  • 8 daga ferð, brottför 6. ágúst, verð kr. 229.500 
  • 4ra daga helgarferð, brottför 10. ágúst, verð kr. 183.500 

Innifalið í verði:

Flug og flugvallaskattar
Töskuheimild 23 kg
Akstur til / frá flugvelli á/frá hóteli erlendis
Gisting  með morgunmat.
Viku eða helgarpassi á mótið - eftir því sem við á.
“Spekingar spjalla” Móttaka og léttar veitingar (Ath - á aðeins við vikuferðirnar)
Daglegar ferðir milli hótels og mótsvæðis.
Íslensk fararstjórn

Eindhoven er mjög skemmtileg 220.000 manna borg í um 130 km akstursfjarlægð bæði frá Amesterdam og Brussel.   Mikið úrval verslana og góðra veitingastaða er miðbænum. Mótið sjálft fer fram í  Oirschot, litlum skemmtilegum bæ í útjaðri Eindhoven.  Daglegar ferðir milli hótels og mótssvæðis og tekur aksturinn um 15 mín.

Tvisvar áður hefur Heimsmeistaramót verið haldið í Oirschot við mikla ánægju þeirra sem þau mót sóttu, bæði keppenda og áhorfenda enda öll framkvæmd glæsileg. 
Framkvæmdaraðilar eru þeir sömu og þeir vita hvað til þarf til að mótið verði eins glæsilegt og hægt er.  

Móttaka ; "Spekingar spjalla" verður fyrir farþega Vita þar sem léttar veitingar verða í boði og spáð verður í spilin varðandi framvindu mótsins.  

Gisting og samgöngur

Gist í miðborg Eindhoven á mjög góðum hótelum ; Inntel Art, Holiday Inn og Crown. 

Öll eru þetta mjög góð hótel, að okkar mati,  fá mjög góðar umsagnir á samfélagsmiðlum og eru vel  staðsett gagnvart bænum og mótinu.
Góður morgunmatur og  þráðlaust net á öllum herbergjum.
Ferðir fyrir farþega Vita eru milli hótels og mótsvæðis ( ca 15 km ).  Aksturinn tekur um 15 mín.
Góður morgunmatur og þráðlaust net á öllum herbergjum.

Miðar á mótið

Miðarnir á mótið eru svo staðsettir á besta stað í „Íslendingastúkunni“.

Spekingar spjalla

Fyrir utan hefðbundna dagskrá mótsins verður sérstök dagskrá fyrir farþega Vita Sport.  Vel valdir spekingar mæta á hótelið og spá í framvindu mótsins með farþegum okkar. Það hefur ávallt verið áhugaverð samkoma. Sú uppákoma er einungis fyrir farþega Vita Sport, sem býður upp á léttar veitingar á meðan spjallað er.

Frekari upplýsingar.

Frekari upplýsingar veitum við í gegnum netfangið sport@vita.is eða í gegnum síma 570-4472.

ATH að verðin sem sjá má hér á netinu eiga við ef bókað er í bókunarvélinni á Vita-síðunni, en ef bókað er í gegnum síma eða tölvupóst bætast 2.500 kr. bókunargjald á hvern farþega.

 

 

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira