Símenntun reiðkennara og þjálfara

30. janúar 2024

FEIF heldur úti lista yfir virka reiðkennara og þjálfara, en til að vera á þessum Matrixulistum þurfa reiðkennarar að sinna reglubundinni símenntun. Reiðkennarar á Íslandi þurfa á hverjum þremur árum að ljúka að lágmarki einu tveggja daga símenntunarnámskeiði eða að lágmarki 16 símenntunareiningum. Námskeið sem gilda til símenntunar þurfa að vera viðurkennd sem slík af menntanefnd LH, sjá nánar hér. Reiðkennarar þurfa sjálfir að senda LH tilkynningu um þá símenntun sem þeir hafa lokið, til þess að halda nafni sínu á lista FEIF.

Samþykkt símenntunarnámskeið á Íslandi frá 2020 eru:

  • “Social license to operate” Rafræn menntaráðstefna Menntanefndar LH vetur 2024. Fyrirlestrar með Michael Weishaupt, Guðrúnu Stefánsdóttur, Marie Rhodin, Sveini Ragnarssyni og pallborðsumræður, 16 einingar (10 klst)
  • “Leiðin að gullinu” Menntadagur íslenska landsliðsins 16. des 2023, 7 einingar
  • “FEIF trainer and judges seminar 2023” Víðidal Reykjavík 24. -26. mars, 16 einingar
  • “Dagur Reiðmennskunnar” 25. mars 2023: Sýnikennsla í TM höllinni í Víðidal með Julio Borba, Olil Amble, Sara Seifert og 3. árs nemum frá Hólaskóla, 9 einingar
  • “Reiðkennaranámskeið FT og Harðar” Jan 2023. Kennari Mette Mannseth, 20 einingar
  • “Leiðin að gullinu” 10.des 2022. Menntadagur íslenska landsliðsins, 6 einingar
  • “Dagur Reiðmennskunnar” 26. mars 2022: Sýnikennsla í TM höllinni í Víðidal með Eyjólfi Ísólfssyni, Mette Mannseth, Árna Birni Pálssyni, Sigurbirni Bárðarsyni, Antoni Páli Níelssyni og 3. árs nemum frá Hólaskóla, 8 einingar
  • “Instruktorseminar” / Rafræn kennsluráðstefna haldin af NIHF norska Íslandshestasambandinu jan-feb 2021, 16 einingar
  • “Rafræn menntaráðstefna Menntanefndar LH” haustið 2021. Fyrirlestrar með Hilary Clayton, Víkingi Gunnarssyni, Andrew McLean, Önju Beran og pallborðsumræður, 16 einingar
  • "Hraðabreytingar" Sýnikennsla Ragnhildar Haraldsdóttur í streymi des 2020, 2 einingar
  • “Ábendingakerfi”, sýnikennsla Arnars Bjarka Sigurðarson í gegnum zoom, nóv 2020, 3 einingar
  • "Nálgun í kennslu" fyrirlestur um kennsluaðferðir Mette Mannseth, vor 2020, 4 einingar
  • Sýnikennsla í streymi með zoom, Mette Mannseth vor 2020, 5 einingar
  • "The clinic, nútíma reiðlist frá A-Z" sýnikennsla Julio Borba og Gangmyllunar, febrúar 2020, 8 einingar

Reiðkennarar sem hafa sótt ofangreind námskeið og vilja vera á lista FEIF yfir virka reiðkennara, vinsamlegast skráið hvaða námskeið þið hafið sótt á eyðublaði á vef LH. Athugið að þau sem sóttu menntaráðstefnu LH í janúar 2024 þurfa ekki að tilkynna það sérstaklega.

Þau sem ekki hafa sótt gild símenntunarnámskeið sl. þrjú ár verða teknir út af reiðkennaralista FEIF. ATH! Það missir engin sín réttindi. Þegar sótt hafa verið a.m.k. 16 eininga endurmenntun getur LH skráð nafn viðkomandi aftur inn á listann.

Vilji einhver sækja sér endurmenntun sem ekki er skráð hjá LH getur viðkomandi sent LH beiðni með upplýsingum um viðkomandi viðburð. Sjá kröfur til símenntunnarnámskeiða hér.

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira