Leyfður beislisbúnaður 2023

3. apríl 2023

Á ársþingi FEIF í febrúar síðastliðnum var listi yfir búnað sem leyfður er í keppni og kynbótasýningum samþykktur í stað þess að hafa lista yfir bannaðan búnað sem áður var í gildi. 

Reglurnar er hægt að nálgast á heimasíðu FEIF ásamt handbók um búnaðinn og fleira. 

Listinn yfir leyfðan búnað er til í íslenskri þýðingu og hægt er að skoða hann hér  með hlekkjum inn á FEIF síðuna. 

Í stuttu máli er listinn þannig að hringamél með lausum hringjum (hefðbundin hringamél), D-mél og fastir sporöskjulaga hringir eru leyfðir, óbrotin, einbrotin og tvíbrotin, með eða án tunguboga.

Reiðmúlar sem leyfðir eru með hringamélum eru þýskur múll, enskur múll með eða án skáreimar, mótaður múll með skáreim, mexíkóskur krossmúll og spangamúll ásamt Micklem (oft kallað tamningabeisli en án klemmu sem tengist í mélin við múlinn). 

Þ-mél má aðeins nota með enskum múl.

Hringamél eru ekki leyfileg með með festingum milli méla og múls, með stangakeðju eða með festimöguleikum á aðskildum hringjum fyrir höfuðleður eða tauma. 

Íslenskar stangir eru leyfðar með einbrotnum eða tvíbrotnum mélum en ekki með einjárnung eða föstum mélum., læsimöguleikum eða þar sem mélin renna gegnum hringi. 

Pelham beisli er leyfilegt í keppni en ekki kynbótasýningum, og ríða skal með tvo tauma. Pelham má hafa óbrotin, einbrotin eða tvíbrotin mél og fasta tengingu við stangir. 

Þegar riðið er við íslenskar stangir eða pelham er aðeins leyfilegt að ríða við efri múl, þ.e múlar með skáreim eru bannaðir . 

Mélalaus beislisbúnaðu r úr mjúku efni án málma eða vilíka efni inni í búnaðinum er leyfður en ekki mélalaus búnaður með stangaráhrifum.

Ákvörðun FEIF um að taka upp lista yfir leyfðan búnað í stað þess gamla yfir bannaðan búnað er til einföldunar á reglunum því "bannaði listinn" var að verða býsna langur og erfiður að eiga við. 

Landssambandið hvetur alla keppendur, dómara og mótshaldara að kynna sér listann vel nú þegar keppnistímabilið hefst af fullri alvöru.

 

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira