Samantekt frá fimmtudegi á Norðurlandamóti

11. ágúst 2022

Í dag hófst keppni á Norðurlandamótinu á forkeppni í tölti og slaktaumatölti í flokki fullorðinna.

Í tölti T1 leiðir Frederikke Stougård á Austra frá Úlfsstöðum en þau keppa fyrir Danmörku. Okkar maður Jakob Svavar Sigurðsson og Hálfmáni frá Steinsholti tryggðu sér sæti í A-úrslitum og eru í fimmta sæti eftir forkeppnina.

Í slaktaumatölti er Julie Louise Christiansen og Felix frá Blesastöðum 1A efst eftir forkeppni en Íslendingar áttu engan keppanda í þeirri grein.

B-úrslit í slaktaumatölti í ungmennaflokki fóru fram í dag en þrír íslenskir knapar áttu sæti þar. Fóru þau þannig að Kristófer Darri Sigurðsson endaði í 7. sæti á Val frá Heggstöðum, Selma Leifsdóttir og Fjalar frá Selfossi í 9. Sæti og Hulda María Sveinbjörnsdóttir og Hetja frá Árbæ í 11. Sæti. Óskum við þessum efnilegu knöpum til hamingju með árangurinn.

Dagurinn endaði á forkeppni í gæðingakeppni. Í unglingaflokki er Matthías Sigurðsson í 4. sæti á Caruzo frá Torfunesi og Guðmar Hólm Íslólfsson Líndal í 5. sæti eftir forkeppni og munu þeir ríða a-úrslit á laugardag.

Í ungmennaflokki er Eysteinn Kristinsson og Laukur frá Varmalæk efstur eftir forkeppni með 8,54 í einkunn, Védís Huld Sigurðardóttir og Riddari frá Hofi er í 6. sæti og tryggðu sér sæti í a-úrslitum. Hulda María Sveinbjörnsdóttir og Glóð frá Háholti er í 10. Sæti og tekur þátt í b-úrslitum.

Í b-flokki fullorðinna er Sigurður Óli Kristinsson efstur eftir forkeppni á Freistingu frá Háholti en hann keppir fyrir Danmörku. Hanna Rún Ingibergsdóttir og Leistur frá Toftinge er sjötta eftir forkeppnina en hún er eini íslenski keppandinn í b-flokki.

Deginum lauk með forkeppni í a-flokki en Sigurður Óli Kristinsson leiðir einnig þar á hestinum Laxnes frá Ekru. Íslenski knapinn James Bóas Faulkner átti góðan dag en hann keppti á tveimur hestum og reið þeim báðum í a-úrslit, Leikur frá Lækjamóti II er í 6. Sæti og Eldjárn frá Skipaskaga er í 7. Sæti eftir forkeppni. Sigurður Vignir Matthíasson og Blikar frá Fossi eru í 12. sæti og b-úrslitum en Hanna Rún Ingibergsdóttir og Frami frá Arnarholl lentu í erfiðleikum á skeiði og enduðu í 17. sæti.

Að lokinni keppni í dag var haldin veisla á vegum mótsins þar sem landslið allra landa hittust og gerðu sér glaðan dag.

Fréttasafn

16. nóvember 2026
Styttist í uppskeruhátíð
13. nóvember 2026
Hestamannafélagið Sleipnir mun halda Íslandsmót fullorðinna og ungmenna 16.-20. júní 2027
11. nóvember 2026
Allir í Samskipahöllina annað kvöld
10. nóvember 2026
Knapar ársins verða heiðraðir á Uppskeruhátíð hestafólks
6. nóvember 2026
Heiðursviðurkenningar ÍSÍ veittar á Landsþingi LH
5. nóvember 2026
Gullmerki veitt á Landsþingi
3. nóvember 2026
Könnun til félagsmanna
2. nóvember 2026
Að loknu hverju landsþingi skipar stjórn Landssambands hestamannafélaga í nefndir sambandsins til tveggja ára. Nefndarstörf eru undirstaðan í öllu starfi LH og mikilvægt að fá öfluga sjálfboðaliða sem eru tilbúnir að leggja sitt af mörkum. Nefndastarf á vegum LH er skemmtilegt og fræðandi, auk þess sem störf í nefndum eru gefandi og til þess fallin að efla tengslanet nefndafólks. Ef þú ert tilbúin/n til að starfa í nefnd hjá LH þá sækir þú um á sértöku umsóknareyðublaði . Frestur til að gefa kost á sér í nefndastörf LH er 20. nóvember. Nefndirnar sem um ræðir eru: Keppnisnefnd Keppnisnefnd fjallar um mál sem stjórn LH vísar til hennar en hefur að öðru leyti frumkvæðisrétt að málefnum sem undir hana heyra. Hlutverk nefndarinnar er að bæta reglur er viðkoma keppni í hestamennsku, þannig að þær séu einfaldar, skiljanlegar og skýrar. Laganefnd Hlutverk nefndarinnar er að að bæta regluverk LH, þannig að það sé einfalt, skiljanlegt og skýrt og vera stjórn til ráðgjafar er varðar túlkun á lögum og reglum LH. Nefndin sér einnig um að breytingar á lögum og reglum sem samþykktar eru á FEIF-þingi og landsþingi LH séu rétt færð inn í lög og reglur LH og fara yfir tillögur til landsþings. Landsliðs- og afreksnefnd Hlutverk landsliðs- og afreksnefndar er að móta umgjörð um afreksmál LH og halda utan um landsliðshópa og hæfileikamótun LH. Nefndin er einnig fjáröflunarnefnd fyrir afreksstarf LH. Nefndin skipuleggur landsliðsferðir og fylgir eftir landsliðum Íslands í hestaíþróttum á HM og NM. Mannvirkjanefnd Hlutverk nefndarinnar er að vera ráðgefandi varðandi gerð og notkun mannvirkja á hestaíþróttasvæðum hestamannafélaganna. Einnig ber nefndinni að vera stjórn innan handar varðandi lágmarkskröfur sem gerðar eru til mótshaldara Íslandsmóta og Landsmóta hvað varðar aðstæður á mótssvæði. Menntanefnd Hlutverk nefndarinnar er að vera sérfræðilegur ráðunautur sambandsstjórnar LH í öllum málefnum er varða fræðslu og menntun. Nefndin heldur utan um endurmenntunarnámskeið fyrir reiðkennara og staðfestir virka reiðkennara til FEIF. Annað hvert ár stendur nefndin fyrir endurmenntunarráðstefnu. Tölvunefnd Hlutverk nefndarinnar er að tryggja aðgengi aðildarfélaga LH að framúrskarandi forriti sem reiknar út niðurstöður móta og birtir niðurstöður á aðgengilegan hátt. Nefndin stuðlar að þróun mótaforrits í samræmi við kröfur samtímans. Úrskurðar- og aganefnd Úrskurðar- og aganefnd LH skal skipuð þremur aðalmönnum og tveimur til vara, formaður skal vera löglærður. Úrskurðar- og aganefnd úrskurðar um brot á lögum, reglugerðum og reglum LH og ákvarðar viðurlög, í samræmi við reglur Úrskurðar- og aganefndar. Æskulýðsnefnd Hlutverk Æskulýðsnefndar er að efla fræðslu um æskulýðsmál, gæta hagsmuna og jafnræðis æskunnar í íþróttinni, auka fræðslu æskulýðsfulltrúa um allt land og styðja við þá í starfi. Nefndin sér einnig um val þátttakenda á FEIF Youth Cup og Youth Camp. Útbreiðslu- og nýliðunarnefnd Hlutverk nefndarinnar er að vinna að útbreiðslu og kynningu á hestaíþróttum og stuðla að jákvæðri ímynd hestaíþrótta. Nefndinni er einnig ætlað að vinna að aukinni útbreiðslu og umfjöllun um hestaíþróttir. Öryggisnefnd Hlutverk nefndarinnar er að vera vakandi yfir því sem varðar öryggi hestafólks hvort sem er í búnaði hestafólks eða umhverfi hestaíþrótta. Nefndin stuðlar að öryggi á reiðvegum og annars staðar þar sem hestamennska er stunduð og sér um að fræða hinn almenna hestamann um hvernig hægt er að bæta öryggi í nærumhverfi. Ef þú ert tilbúin til að starfa í nefnd hjá LH þá sækir þú um með því að smella hér .
31. október 2026
Ný stjórn LH kjörin á Landsþingi
31. október 2026
Ragnhildur Gísladóttir dregur framboð til aðalstjórnar til baka
Lesa meira